Dockerfile ဆိုတာ နာမည်အတိုင်းပဲ file တစ်ခုပါပဲ။ သူ့ဆီမှာ တိကျတဲ့ instructions တွေပါမယ် အဲ့ instructions တွေနဲ့ ကိုယ်လိုချင်တဲ့ customized images တွေကို build လုပ်ပါတယ် Default အနေနဲ့တော့ နာမည်ကို Dockerfile လို့ တဝေမသိမ်းပေးရပါမယ်။
$ docker build -t image_name .
ဒါကတော့ ရေးပြီးသား dockerfile နဲ့ image build လုပ်တဲ့ command ပါ။ -tဆိုတာ tag name ကိုကိုယ်စားပြုပါတယ် သူ့အနောက်မှာ image name လိုက်ပါတယ် သေချာကြည့်ပါ command အဆုံးမှာ ( . ) ပါပါတယ် သူက current working directory မှာ ရှိတဲ့ Dockerfile ကိုယူပြီးသုံးမယ်လို့ ဆိုလိုတာပါ အကယ်၍ ခင်ဗျားမှာသာ Dockerfile တစ်ခုမက ရှိနေရင် သို့မဟုတ် Dockerfile မှာ နာမည်အစ D ကသာ small letter (d) ဖြစ်နေခဲ့မယ်ဆိုရင် error တက်နိုင်ပါတယ်။
$ docker build -t image_name -f /path/to/Dockerfile
ဒီ command ကလဲ image build တဲ့ command ပါပဲ။ ထူးခြားတာကတော့ -f flag ကိုသုံးထားတာပါ။ Current working directory ထဲကမဟုတ်ပဲ ခင်ဗျားရဲ့ file system ထဲက တစ်နေရာရာမှာ ရှိတဲ့ Dockerfile ကို ခေါ်သုံးချင်ရင် ဒီလို သုံးရပါမယ်။
ဒီနေရာမှာ အစမ်းအနေနဲ့ Github ပေါ်က sample project ကိုယူသုံးပါ့မယ်။
$ git clone https://github.com/tecrahul/dockerfile
$ cd dockerfile
$ docker build -t apacheimage .
အပေါ်က command သုံးကြောင်းပြီးရင် image တစ်ခုဆောက်ပြီးပါပြီ ဆောက်ပြီးသား images တွေကို docker images ဆိုတဲ့ command နဲ့ခေါ်ကြည့်နိုင်ပါတယ်။
$ docker run -it -p 8080:80 apacheimage
ဒီcommand နဲ့ ဆောက်ပြီးသား image ကိုသုံးပြီး container တစ်ခုတည်ဆောက်ပါတယ်။ iက interactive နဲ့ tက tty ကို ကိုယ်စားပြုပါတယ်။ -pဆိုတာကတော့ port သတ်မှတ်ပေးတာပါ။ ဒီ ဥပမာမှာဆို ကိုယ့် host system ရဲ့ port 8080 နဲ့ container ရဲ့ port 80ကို ချိတ်ပေးဖို့ သုံးထားတာကို တွေ့ရမှာပါ။ အရှေ့က ကိုယ့် host systemရဲ့ port နဲ့ အနောက်က container ရဲ့ portကြားမှာ colon ( : ) ကိုရေးရမှာပါ။