06-Parivara.txt

vin v_utf8
[pts vol v - 5] [\z vin /] [\f v /]
[pts page 001] [\q   1/]
[bjt vol v-5-1] [\z vin /] [\w va /]
[bjt page 002] [\x   2/]

vinayapiṭake
parivārapāḷi
mahāvibhaṅgo

namo tassa bhagavato arahato sammāsambuddhassa

1. katthapaññattivāro

1. 1
pārājikakaṇḍo

tena bhagavatā jānatā passatā arahatā sammāsambuddhena yaṁ paṭhamaṁ pārājikaṁ kattha paññattaṁ, kaṁ ārabbha, kismiṁ vatthusmiṁ, atthi tattha paññatti, anupaññatti, 1anuppannapaññatti, sabbattha paññatti, padesapaññatti, sādhāraṇapaññatti, asādhāraṇapaññatti, ekato paññatti, ubhato paññatti, pañcannaṁ pātimokkhuddesānaṁ katthogadhaṁ, kattha pariyāpannaṁ, katamena uddesena uddesaṁ āgacchati, catunnaṁ vipattīnaṁ katamā vipatti. sattannaṁ āpattikkhandhānaṁ katamo āpattikkhandho, channaṁ āpattisamuṭṭhānānaṁ katīhi samuṭṭhānehi samuṭṭhāti, catunnaṁ adhikaraṇānaṁ katamaṁ adhikaraṇaṁ, sattannaṁ samathānaṁ katīhi samathehi sammati. ko tattha vinayo, ko tattha abhivinayo, kiṁ tattha pātimokkhaṁ, kiṁ tattha adhipātimokkhaṁ, kā vipatti, kā sampatti, kā paṭipatti, kati atthavase paṭicca bhagavatā paṭhamaṁ pārājikaṁ paññattaṁ, ke sikkhanti, ke sikkhitasikkhā, kattha ṭhitaṁ, ke dhārenti, kassa vacanaṁ, kenābhatanti:
1. yaṁ tena bhagavatā jānatā passatā arahatā sammāsambuddhena paṭhamaṁ pārājikaṁ kattha paññattanti: vesāliyaṁ paññattaṁ.

kaṁ ārabbhāti: sudinnaṁ kalandaputtaṁ ārabbha

kissamiṁ vatthusminti: sudinno kalandaputto purāṇadutiyikāya methunaṁ [pts page 002] [\q   2/]      dhammaṁ paṭisevi. 2- tasmiṁ vatthusmiṁ

atthi tattha paññatti, anupaññatti, anuppannapaññattīti: ekā paññatti, dve anupaññattiyo,anuppannapaññatti tasmiṁ natthi.

sabbattha paññatti padesapaññattitī: sabbattha paññatti.

1. anuppaññatti - syā
2. patisevi - pī.

[bjt page 004] [\x   4/]

sādhāraṇapaññatti asādhāraṇa paññatti: sādhāraṇapaññatti.

ekato paññatti ubhato paññattīti: ubhato paññatti.

pañcannaṁ pātimokkhuddesānaṁ katthogadhaṁ, kattha pariyāpannanti: nidānogadhaṁ nidānapariyāpannaṁ.

katamena uddesena uddesaṁ āgacchatīti: dutiyena uddesena uddesaṁ āgacchati.

catunnaṁ vipattīnaṁ katamā vipattīti: sīlavipatti.

sattannaṁ āpattikkhandhānaṁ katamo āpattikkhandhoti: pārājikāpattikkhandho.

channaṁ āpattisamuṭṭhānānaṁ katīhi samuṭṭhānehi samuṭṭhātīti: ekena samuṭṭhānena samuṭṭhāti, kāyato ca cittato ca samuṭṭhāti, na vācato.

catunnaṁ adhikaraṇānaṁ katamaṁ adhikaraṇanti: āpattādhikaraṇaṁ

sattannaṁ samathānaṁ katīhi samathehi sammatīti dvīhi samathehi sammati: sammukhāvinayena ca paṭiññātakaraṇena ca.

ko tattha vinayo ko tattha abhivinayoti: paññatti vinayo, vibhatti abhiviniyo.

kiṁ tattha pātimokkhaṁ kiṁ tattha adhipātimokkhanti: paññatti pātimokkhaṁ, vibhatti adhipātimokkhaṁ

kā vipattīti: asaṁvaro vipatti.

kā sampattīti: saṁvaro sampatti.

kā paṭipattīti: na evarūpaṁ karissāmiti yāvajīvaṁ āpāṇakoṭikaṁ samādāya sikkhati sikkhāpadesu.

kati atthavase paṭicca bhagavatā paṭhamaṁ pārājikaṁ paññattanti: dasa atthavase paṭicca bhagavatā paṭhamaṁ pārājikaṁ paññattaṁ: saṅghasuṭṭhutāya, saṅghaphāsutāya, dummaṅkunaṁ puggalānaṁ niggahāya, pesalānaṁ bhikkhūnaṁ phāsuvihārāya, diṭṭhadhammikānaṁ āsavānaṁ saṁvarāya, samparāyikānaṁ āsavānaṁ paṭighātāya, appasannānaṁ pasādāya, pasannānaṁ bhiyyobhāvāya, saddhammaṭṭhitiyā, vinayānuggahāya.

ke sikkhantīti: sekhā 1- ca puthujjanakalyāṇakā ca sikkhanti.

ke sikkhitasikkhāti arahanto sikkhitasikkhā.

kattha ṭhitanti: sikkhā kāmesu ṭhitaṁ

ke dhārentīti yesaṁ vattati te dhārenti.

kassa vacananti: bhagavato vacanaṁ arahato sammāsambuddhassa.

1. sekkhā - machasaṁ

[bjt page 006] [\x   6/]

kenābhatanti: paramparābhataṁ. 1-

1. upāli dāsako ceva soṇako siggavo tathā,
moggaliputtena pañcamā ete jambusirivhaye.
[pts page 003] [\q   3/]
2. tato mahindo iṭṭhiyo 2- uttiyo ceva sambalo 3-
bhaddanāmo ca paṇḍito,
ete nāgā mahāpaññā jambudipā idhāgatā.

3. vinayaṁ te vācayiṁsu piṭakaṁ tambapaṇṇiyā,
nikāye pañca vācesuṁ satta ceva pakaraṇe

4. tato ariṭṭho medhāvi tissadatto ca paṇḍito
visārado kāḷasumano thero ca dīghanāmako,
dīghusumano ca paṇḍito.

5. punadeva 4- kāḷasumano nāgatthero ca buddharakkhito,
tissatthero ca medhāvi devatthero ca paṇḍito.

6. punadeva 4- sumano medhāvi vinaye ca visārado,
bahussuto cuḷanāgo gajo ca duppadhaṁsiyo.

7. dhammapālitanāmo ca rohaṇo 5- sādhupūjito,
tassa sisso mahāpañño khemanāmo tipeṭako, dīpe tārakarājāva paññāya atirocatha.

8. upatisso ca medhāvi phussadevo mahākathī
punadve sumano medhāvī pupphanāmo 6- bahussuto.

9. mahākathī mahāsīvo 7- piṭake sabbattha kovido,
punadeva upāli medhāvī vinaye ca visārado.

10. mahānāgo mahāpañño saddhammavaṁsakovido,
punadeva abhayo medhāvī piṭake sabbattha kovido.

11. tissatthero ca medhāvī vinaye ca visārado,
tassa sisso mahāpañño pupphanāmo bahussuto,
sāsanaṁ anurakkhanto jambudīpe patiṭṭhito

12. cuḷābhayo ca medhāvī vinaye ca visārado,
tissatthero ca medhāvī saddhammavaṁsakovido.

13. phussadevo ca 8- medhāvī vinaye ca visārado,
sīvattheroca 9- medhāvī vinaye sabbattha kovido.

14. ete nāgā mahāpaññā vinayaññu maggakovidā,
vinayaṁ dīpe pakāsesuṁ piṭakaṁ tambapaṇṇiyāti.

1. paramparābhaṭaṁ - syā 6. phussanāmo - sīmu
2. iṭṭiyo - sīmu 7. mahāsivo - machasaṁ
3. sambalo tathā - machasaṁ 8. cuḷadevoca - sīmu
4. punareva - pī. syā 9. sivatthero - machasaṁ
5. rohaṇe - machasaṁ

[bjt page 008] [\x   8/]

2. yaṁ tena bhagavatā jānatā passatā arahatā sammāsambuddhena dutiyaṁ pārājikaṁ kattha paññattanti: rājagahe paññattaṁ.

kaṁ ārabbhāti: dhaniyaṁ kumbhakāraputtaṁ ārabbha

kismiṁ vatthusminti: dhaniyo kumbhakāraputto rañño dārūni adinnāni 1- ādiyi, tasmiṁ vatthusmiṁ.

ekā paññatti, ekā anupaññatti.

channaṁ āpattisamuṭṭhānānaṁ katīhi samuṭṭhānehi samuṭṭhātīti: tīhī samuṭṭhānehi samuṭṭhāti, siyā kāyato ca cittato ca [pts page 004] [\q   4/]      samuṭṭhāti, na vācato. siyā vācato ca cittato ca samuṭṭhāti na kāyato, siyā kāyato ca vācato ca cittato ca samuṭṭhāti

dutiyaṁ adhikaraṇānaṁ katamaṁ adhikaraṇanti: āpattādhikaraṇaṁ

sattannaṁ samathānaṁ katīhi samathehi sammatīti dvīhi samathehi sammati: sammukhāvinayena ca paṭiññātakaraṇena ca.

ko tattha vinayo ko tattha abhivinayoti: paññatti vinayo, vibhatti abhiviniyo.

kiṁ tattha pātimokkhaṁ kiṁ tattha adhipātimokkhanti: paññatti pātimokkhaṁ, vibhatti adhipātimokkhaṁ

kā vipattīti: asaṁvaro vipatti.

kā sampattīti: saṁvaro sampatti.

kā paṭipattīti: na evarūpaṁ karissāmiti yāvajīvaṁ āpāṇakoṭikaṁ samādāya sikkhati sikkhāpadesu.

kati atthavase paṭicca bhagavatā dutiyaṁ pārājikaṁ paññattanti: dasa atthavase paṭicca bhagavatā dutiyaṁ pārājikaṁ paññattaṁ: saṅghasuṭṭhutāya, saṅghaphāsutāya, dummaṅkunaṁ puggalānaṁ niggahāya, pesalānaṁ bhikkhūnaṁ phāsuvihārāya, diṭṭhadhammikānaṁ āsavānaṁ saṁvarāya, samparāyikānaṁ āsavānaṁ paṭighātāya, appasannānaṁ pasādāya, pasannānaṁ bhiyyobhāvāya, saddhammaṭṭhitiyā, vinayānuggahāya.

ke sikkhantīti: sekhā ca puthujjanakalyāṇakā ca sikkhanti.

ke sikkhitasikkhāti arahanto sikkhitasikkhā.

kattha ṭhitanti: sikkhā kāmesu ṭhitaṁ

ke dhārentīti yesaṁ vattati te dhārenti.

kassa vacananti: bhagavato vacanaṁ arahato sammāsambuddhassa.

kenābhatanti: paramparābhataṁ.
1. upāli dāsako ceva soṇako siggavo tathā,
moggaliputtena pañcamā ete jambusirivhaye.

2. tato mahindo iṭṭhiyo 2- uttiyo ceva sambalo 3-
bhaddanāmo ca paṇḍito,
ete nāgā mahāpaññā jambudipā idhāgatā.

3. vinayaṁ te vācayiṁsu piṭakaṁ tambapaṇṇiyā,
nikāye pañca vācesuṁ satta ceva pakaraṇe

4. tato ariṭṭho medhāvi tissadatto ca paṇḍito
visārado kāḷasumano thero ca dīghanāmako,
dīghusumano ca paṇḍito.

5. punadeva 4- kāḷasumano nāgatthero ca buddharakkhito,
tissatthero ca medhāvi devatthero ca paṇḍito.

6. punadeva 4- sumano medhāvi vinaye ca visārado,
bahussuto cūḷanāgo gajo ca duppadhaṁsiyo.

7. dhammapāgitanāmo ca rohaṇo 5- sādhupujito,
tassa sisso mahāpañño khemanāmo tipeṭako, dīpe tārakarājāva paññāya atirocatha.

8. upatisso ca medhāvi phussadevo mahākathī
punadve sumano medhāvi pupphanāmo 6- bahussuto.

9. mahākathi mahāsīvo 7- piṭake sabbattha kovido,
punadeva upāli medhāvi vinaye ca visārado.

10. mahānāgo mahāpañño saddhammavaṁsakovido,
punadeva abhayo medhāvi piṭake sabbattha kovido.

11. tissatthero ca medhāvi vinaye ca visārado,
tassa sisso mahāpañño pupphanāmo bahussuto,
sāsanaṁ anurakkhanto jambudīpe patiṭṭhito

12. cuḷābhayo ca medhāvi vinaye ca visārado,
tissatthero ca medhāvi saddhammavaṁsakovido.

13. phussadevo ca 8- medhāvi vinaye ca visārado,
sīvattheroca 9- medhāvi vinaye sabbattha kovido.

14. ete nāgā mahāpaññā vinayaññu maggakovidā,
vinayaṁ dīpe pakāsesuṁ piṭakaṁ tambapaṇṇiyāti.

3. tatiyaṁ pārājikaṁ kattha paññattanti: vesāliyaṁ paññattaṁ.

kaṁ ārabbhāti: sambahule bhikkhū ārabbha. kismiṁ vatthusminti: sambahulā bhikkhū aññamaññaṁ jīvitā voropesuṁ tasmiṁ vatthusmiṁ

ekā paññatti, ekā anupaññatti.

channaṁ āpattisamuṭṭhānānaṁ katīhi samuṭṭhānehi samuṭṭhātīti: tīhī samuṭṭhānehi samuṭṭhāti, siyā kāyato ca cittato ca samuṭṭhāti, na vācato. siyā vācato ca cittato ca samuṭṭhāti na kāyato, siyā kāyato ca vācato ca cittato ca samuṭṭhāti

catunnaṁ adhikaraṇānaṁ katamaṁ adhikaraṇanti: āpattādhikaraṇaṁ

sattannaṁ samathānaṁ katīhi samathehi sammatīti dvīhi samathehi sammati: sammukhāvinayena ca paṭiññātakaraṇena ca.

ko tattha vinayo ko tattha abhivinayoti: paññatti vinayo, vibhatti abhiviniyo.

kiṁ tattha pātimokkhaṁ kiṁ tattha adhipātimokkhanti: paññatti pātimokkhaṁ, vibhatti adhipātimokkhaṁ

kā vipattīti: asaṁvaro vipatti.

kā sampattiti: saṁvaro sampatti.

kāpaṭipattiti: na evarūpaṁ karissāmiti yāvajīvaṁ āpāṇakoṭikaṁ samādāya sikkhati sikkhāpadesu.

kati atthavase paṭicca bhagavatā tatiyaṁ pārājikaṁ paññattanti: dasa atthavase paṭicca bhagavatā tatiyaṁ pārājikaṁ paññattaṁ: saṅghasuṭṭhutāya, saṅghaphāsutāya, dummaṅkunaṁ puggalānaṁ niggabhāya, pesalānaṁ bhikkhunaṁ phāsuvihārāya, diṭṭhadhammikānaṁ āsavānaṁ saṁvarāya, samparāyikānaṁ āsavānaṁ paṭighātāya, appasannānaṁ pasādāya, pasannānaṁ bhiyyobhāvāya, saddhammaṭṭhitiyā, vinayānuggahāya.

ke sikkhantīti: sekhā ca puthujjanakalyāṇakā ca sikkhanti.

ke sikkhitasikkhāti arahanto sikkhitasikkhā.

kattha ṭhitanti: sikkhā kāmesu ṭhitaṁ

ke dhārentīti yesaṁ vattati te dhārenti.

kassa vacananti: bhagavato vacanaṁ arahato sammāsambuddhassa.

kenābhatanti: paramparābhataṁ.

1. upāli dāsako ceva soṇako siggavo tathā,
moggaliputtena pañcamā ete jambusirivhaye.

2. tato mahindo iṭṭhiyo 2- uttiyo ceva sambalo 3-
bhaddanāmo ca paṇḍito,
ete nāgā mahāpaññā jambudipā idhāgatā.

3. vinayaṁ te vācayiṁsu piṭakaṁ tambapaṇṇiyā,
nikāye pañca vācesuṁ satta ceva pakaraṇe

4. tato ariṭṭho medhāvi tissadatto ca paṇḍito
visārado kāḷasumano thero ca dīghanāmako,
dīghusumano ca paṇḍito.

5. punadeva 4- kāḷasumano nāgatthero ca buddharakkhito,
tissatthero ca medhāvi devatthero ca paṇḍito.

6. punadeva 4- sumano medhāvi vinaye ca visārado,
bahussuto cuḷanāgo gajo ca duppadhaṁsiyo.

7. dhammapālitanāmo ca rohaṇo 5- sādhupujito,
tassa sisso mahāpañño khemanāmo tipeṭako, dīpe tārakarājāva paññāya atirocatha.

8. upatisso ca medhāvi phussadevo mahākathī
punadve sumano medhāvi pupphanāmo 6- bahussuto.

9. mahākathi mahāsīvo 7- piṭake sabbattha kovido,
punadeva upāli medhāvi vinaye ca visārado.

10. mahānāgo mahāpañño saddhammavaṁsakovido,
punadeva abhayo medhāvi piṭake sabbattha kovido.

11. tissatthero ca medhāvi vinaye ca visārado,
tassa sisso mahāpañño pupphanāmo bahussuto,
sāsanaṁ anurakkhanto jambudīpe patiṭṭhito

12. cuḷābhayo ca medhāvi vinaye ca visārado,
tissatthero ca medhāvi saddhammavaṁsakovido.

13. phussadevo ca 8- medhāvi vinaye ca visārado,
sīvattheroca 9- medhāvi vinaye sabbattha kovido.

14. ete nāgā mahāpaññā vinayaññu maggakovidā,
vinayaṁ dīpe pakāsesuṁ piṭakaṁ tambapaṇṇiyāti.

4. catutthaṁ pārājikaṁ kattha paññattanti: vesāliyaṁ paññattaṁ.

kaṁ ārabbhāti: vaggumudātiriye bhikkhū arabbha

kismiṁ vatthuminti: vaggumudātiriyā bhikkhū ginaṁ aññamaññassa uttarimanussadhammassa vaṇṇaṁ bhāsiṁsu, tasmiṁ vatthusmiṁ

ekā paññatti, ekā anupaññatti.

channaṁ āpattisamuṭṭhānānaṁ katīhi samuṭṭhānehi samuṭṭhātīti: tīhī samuṭṭhā nenahi samuṭṭhāti, siyā kāyato ca cittato ca samuṭṭhāti, na vācato. siyā vācato ca cittato ca samuṭṭhāti na kāyato, siyā kāyato ca vācato ca cittato ca samuṭṭhāti

catutthaṁ adhikaraṇānaṁ katamaṁ adhikaraṇanti: āpattādhikaraṇaṁ

sattannaṁ samathānaṁ katīhi samathehi sammatīti dvīhi samathehi sammati: sammukhāvinayena ca paṭiññātakaraṇena ca.

ko tattha vinayo ko tattha abhivinayoti: paññatti vinayo, vibhatti abhivinayo.

kiṁ tattha pātimokkhaṁ kiṁ tattha adhipātimokkhanti: paññatti pātimokkhaṁ, vibhatti adhipātimokkhaṁ

kā vipattīti: asaṁvaro vipatti.

kā sampattiti: saṁvaro sampatti.

kā paṭipattīti: na evarūpaṁ karissāmiti yāvajīvaṁ āpāṇakoṭikaṁ samādāya sikkhati sikkhāpadesu.

kati atthavase paṭicca bhagavatā catutthaṁ pārājikaṁ paññattanti: dasa atthavase paṭicca bhagavatā catutthaṁ pārājikaṁ paññattaṁ: saṅghasuṭṭhutāya, saṅghaphāsutāya, dummaṅkunaṁ puggalānaṁ niggahāya, pesalānaṁ bhikkhunaṁ phāsuvihārāya, diṭṭhadhammikānaṁ āsavānaṁ saṁvarāya, samparāyikānaṁ āsavānaṁ paṭighātāya, appasannānaṁ pasādāya, pasannānaṁ bhiyyobhāvāya, saddhammaṭṭhitiyā, vinayānuggahāya.

ke sikkhantīti: sekhā ca puthujjanakalyāṇakā ca sikkhanti.

ke sikkhitasikkhāti arahanto sikkhitasikkhā.

kattha ṭhitanti: sikkhā kāmesu ṭhitaṁ

ke dhārentīti yesaṁ vattati te dhārenti.

kassa vacananti: bhagavato vacanaṁ arahato sammāsambuddhassa.

kenābhatanti: paramparābhataṁ.

1. upāli dāsako ceva soṇako siggavo tathā,
moggaliputtena pañcamā ete jambusirivhaye.

2. tato mahindo iṭṭhiyo 2- uttiyo ceva sambalo 3-
bhaddanāmo ca paṇḍito,
ete nāgā mahāpaññā jambudipā idhāgatā.

3. vinayaṁ te vācayiṁsu piṭakaṁ tambapaṇṇiyā,
nikāye pañca vācesuṁ satta ceva pakaraṇe

4. tato ariṭṭho medhāvi tissadatto ca paṇḍito
visārado kāḷasumano thero ca dīghanāmako,
dīghusumano ca paṇḍito.

5. punadeva 4- kāḷasumano nāgatthero ca buddharakkhito,
tissatthero ca medhāvi devatthero ca paṇḍito.

6. punadeva 4- sumano medhāvi vinaye ca visārado,
bahussuto cuḷanāgo gajo ca duppadhaṁsiyo.

7. dhammapāgitanāmo ca rohaṇo 5- sādhupujito,
tassa sisso mahāpañño khemanāmo tipeṭako, dīpe tārakarājāva paññāya atirocatha.

8. upatisso ca medhāvi phussadevo mahākathī
punadve sumano medhāvi pupphanāmo 6- bahussuto.

9. mahākathi mahāsīvo 7- piṭake sabbattha kovido,
punadeva upāli medhāvi vinaye ca visārado.

10. mahānāgo mahāpañño saddhammavaṁsakovido,
punadeva abhayo medhāvi piṭake sabbattha kovido.

11. tissatthero ca medhāvi vinaye ca visārado,
tassa sisso mahāpañño pupphanāmo bahussuto,
sāsanaṁ anurakkhanto jambudīpe patiṭṭhito

12. cuḷābhayo ca medhāvi vinaye ca visārado,
tissatthero ca medhāvi saddhammavaṁsakovido.

13. phussadevo ca 8- medhāvi vinaye ca visārado,
sīvattheroca 9- medhāvi vinaye sabbattha kovido.

14. ete nāgā mahāpaññā vinayaññu maggakovidā,
vinayaṁ dīpe pakāsesuṁ piṭakaṁ tambapaṇṇiyāti.

4. catutthaṁ pārājikaṁ kattha paññattanti: vesāliyaṁ paññattaṁ.

kaṁ ārabbhāti: vaggumudātiriye bhikkhu arambha.

kismiṁ vatthuminti: vaggumudātiriyā bhikkhu ginaṁ aññamaññaṁ uttarimunassadhammaṁ vaṇṇaṁ bhāsiṁsu, tasmiṁ vatthusmiṁ

ekā paññatti, ekā anupaññatti.

cattāro pārājikā niṭṭhitā.

tassuddānaṁ:
methunādinnadānañca manussaviggahuttari,
pārājikāni cattāri chejjavatthu asaṁsayāti.

1. adinnaṁ - machasaṁ
[bjt page 010] [\x  10/]

1. 2

saṅghādisesa kaṇḍo

yaṁ tena bhagavatā jānatā passatā arahatā sammāsambuddhena upakkamitvā asuciṁ mocentassa saṅghādiseso kattha paññatto, kaṁ ārabbha. kismiṁ vatthusmiṁ, atthi tattha paññatti, anupaññatti anuppannapaññatti, sabbatthapaññatti padesapaññatti, sādhāraṇa paññatti asādhāraṇapaññatti, ekato paññatti ubhato paññatti, pañcannaṁ pātimokkhuddesānaṁ katthogadhaṁ, kattha pariyāpannaṁ, katamena uddesena uddesaṁ āgacchati, catunnaṁ vipattīnaṁ katamā vipatti. sattannaṁ āpattikkhandhānaṁ katamo āpattikkhandho, channaṁ āpattisamuṭṭhānānaṁ katīhi samuṭṭhānehi samuṭṭhāti, catunnaṁ adhikaraṇānaṁ katamaṁ adhikaraṇaṁ, sattannaṁ samathānaṁ katīhi samathehi sammati. ko tattha vinayo, ko tattha abhivinayo, kiṁ tattha pātimokkhaṁ, kiṁ tattha adhipātimokkhaṁ, kā vipatti, kā sampatti, kā paṭipatti, kati atthavase paṭicca bhagavatā upasaṅkamitavā asuviṁ mocentassa saṅghādiseso paññatto, ke sikkhanti, sikkhitasikkhā, kattha ṭhitaṁ, ke dhārenti, kassa vacanaṁ, kenābhatanti:

1. yaṁ tena bhagavatā jānatā passatā arahatā sammāsambuddhena upaṅkamitvā asuciṁ mocentassa saṁghādiseso kattha paññattanti: sāvatthiyaṁ paññattaṁ.

kaṁ ārabbhāti: āyasmantaṁ seyyasakaṁ ārabbha

kismiṁ vatthusminti: āyasmā seyyasako hatthena upakkamitvā asuviṁ mocesi, tasmiṁ vatthusmiṁ

atthi tattha paññatti, anupaññatti, anuppannapaññatti: ekā paññatti, ekā anupaññatti, anuppantapaññatti tasmīṁ natthi.

sabbattha paññatti padesapaññattīti: sabbattha paññatti.

sādhāraṇapaññatti asādhāraṇa paññatti: sādhāraṇapaññati.

ekato paññati ubhato paññattīti: ekato paññatti.

pañcannaṁ pātimokkhuddesānaṁ katthogadhaṁ, kattha pariyāpannanti: nidānogadhaṁ nidānapariyāpannaṁ.

katamena uddesena uddesaṁ āgacchatīti: tatiyena uddesena uddesaṁ [pts page 005] [\q   5/]      āgacchati.

catunnaṁ vipattīnaṁ katamā vipattīti: sīlavipatti.

sattannaṁ āpattikkhandhānaṁ katamo āpattikkhandhoti: saṅghādisesāpattikkhandho.

channaṁ āpattisamuṭṭhānānaṁ katīhi samuṭṭhānehi samuṭṭhātīti: ekena samuṭṭhānena samuṭṭhāti, kāyato ca cittato ca samuṭṭhāti, na vācato.

[bjt page 012] [\x  12/]

catunnaṁ adhikaraṇānaṁ katamaṁ adhikaraṇanti: āpattādhikaraṇaṁ

sattannaṁ samathānaṁ katīhi samathehi sammatīti dvīhi samathehi sammati: sammukhāvinayena ca paṭiññātakaraṇena ca.

ko tattha vinayo ko tattha abhivinayoti: paññatti vinayo, vibhatti abhivinayo.

kiṁ tattha pātimokkhaṁ kiṁ tattha adhipātimokkhanti: paññatti pātimokkhaṁ, vibhatti adhipātimokkhaṁ

kā vipattīti: asaṁvaro vipatti.

kā sampattiti: saṁvaro sampatti.

kā paṭipattiti: na evarūpaṁ karissāmiti yāvajīvaṁ āpāṇakoṭikaṁ samādāya sikkhati sikkhāpadesu.

kati atthavase paṭicca bhagavatā upakkamitvā asuciṁ mocentassa saṅghādiseso paññattanti dasa atthavase paṭicca bhagavatā upasaṅkamitvā asuciṁ mocentassa saṅghādiseso paññattaṁ saṅghasuṭṭhutāya, saṅghaphāsutāya, dummaṅkunaṁ puggalānaṁ niggabhāya, pesalānaṁ bhikkhūnaṁ phāsuvihārāya, diṭṭhadhammikānaṁ āsavānaṁ saṁvarāya, samparāyikānaṁ āsavānaṁ paṭighātāya, appasannānaṁ pasādāya, pasannānaṁ bhiyyobhāvāya, saddhammaṭṭhitiyā, vinayānuggahāya.

ke sikkhantīti: sekhā ca puthujjanakalyāṇakā ca sikkhanti.

ke sikkhitasikkhāti arahanto sikkhitasikkhā.

kattha ṭhitanti: sikkhā kāmesu ṭhitaṁ

ke dhārentīti yesaṁ vattati te dhārenti.

kassa vacananti: bhagavato vacanaṁ arahato sammāsambuddhassa.

kenābhatanti: paramparābhataṁ.
upāli dāsako ceva soṇako siggavo tathā,
moggaliputtena pañcamā ete jambusirivhaye.

2. tato mahindo iṭṭhiyo 2- uttiyo ceva sambalo 3-
bhaddanāmo ca paṇḍito,
ete nāgā mahāpaññā jambudipā idhāgatā.

3. vinayaṁ te vācayiṁsu piṭakaṁ tambapaṇṇiyā,
nikāye pañca vācesuṁ satta ceva pakaraṇe

4. tato ariṭṭho medhāvi tissadatto ca paṇḍito
visārado kāḷasumano thero ca dīghanāmako,
dīghusumano ca paṇḍito.

5. punadeva 4- kāḷasumano nāgatthero ca buddharakkhito,
tissatthero ca medhāvi devatthero ca paṇḍito.

6. punadeva 4- sumano medhāvi vinaye ca visārado,
bahussuto cuḷanāgo gajo ca duppadhaṁsiyo.

7. dhaomapāgitanāmo ca rohaṇo 5- sādhupujito,
tassa sisso mahāpañño khemanāmo tipeṭako, dīpe tārakarājāva paññāya atirocatha.

8. upatisso ca medhāvi phussadevo mahākathī
punadve sumano medhāvi pupphanāmo 6- bahussuto.

9. mahākathi mahāsīvo 7- piṭake sabbattha kovido,
punadeva upāli medhāvi vinaye ca visārado.

10. mahānāgo mahāpañño saddhammavaṁsakovido,
punadeva abhayo medhāvi piṭake sabbattha kovido.

11. tissatthero ca medhāvi vinaye ca visārado,
tassa sisso mahāpañño pupphanāmo bahussuto,
sāsanaṁ anurakkhanto jambudīpe patiṭṭhito

12. cuḷābhayo ca medhāvi vinaye ca visārado,
tissatthero ca medhāvi saddhammavaṁsakovido.

13. phussadevo ca 8- medhāvi vinaye ca visārado,
sīvattheroca 9- medhāvi vinaye sabbattha kovido.

14. ete nāgā mahāpaññā vinayaññu maggakovidā,
vinayaṁ dīpe pakāsesuṁ piṭakaṁ tambapaṇṇiyāti.

2. yaṁ tena bhagavatā jānatā passatā arahatā sammāsambuddhena mātugāmena saddhiṁ kāyasaṁsaggaṁ samāpajjantassa saṅghādiseso kattha paññattanti: sāvatthiṁ paññattaṁ.
kaṁ ārabbhāti: āyasmantaṁ udāyiṁ ārabbha

kismiṁ vatthusminti: āyasmā udāyī mātugamena saddhiṁ kāyasaṁsaggaṁ samāpajji, tasmiṁ vatthusmiṁ.

ekā paññatti,

channaṁ āpattisamuṭṭhānānaṁ eke samuṭaṭhanena samuṭṭhāti: kāyato ca cittato ca samuṭṭhāti na vācato - pe -

[bjt page 014] [\x  14/]

3. mātugāmaṁ duṭṭhullāhi vācāhi obhāsentassa saṅghādiseso kattha paññattanti: sāvatthiyaṁ paññatto.

kaṁ ārabbhāti: āyasmantaṁ udāyi mātugāmaṁ duṭṭhullāhi vācāhi obhāsi, tasmiṁ vatthusmiṁ

ekā paññatti,

channaṁ āpattisamuṭṭhānānaṁ tīhi samuṭṭhānehi samuṭṭhātīti: siyā kāyato ca cittato ca samuṭṭhāti, na vācato. siyā vācato ca cittato ca samuṭṭhāti na kāyato, siyā kāyato ca vācato ca cittato ca samuṭṭhāti - pe -

4. mātugāmassa santike attakāmapāricariyāya vaṇṇaṁ bhāsantassa saṅghādiseso kattha paññattoti: sāvatthīyaṁ paññatto.

kaṁ ārabbhāti: āyasmantaṁ udāyiṁ ārabbha.

kismiṁ vatthusminti: āyasmā udāyi mātugāmassa santike attakāmapāricariyāya vaṇṇaṁ abhāsi, tasmiṁ vatthusmiṁ

ekā paññatti,

channaṁ āpattisamuṭṭhānānaṁ tīhi samuṭṭhānehi samuṭṭhātīti: siyā kāyato ca cittato ca samuṭṭhāti, na vācato. siyā vācato ca cittato ca samuṭṭhāti na kāyato, siyā kāyato ca vācato ca cittato ca samuṭṭhāti - pe -

5. sañcarittaṁ samāpajjantassa saṅghādiseso kattha paññattoti: sāvatthīyaṁ paññatto
kaṁ ārabbhāti: āyasmantaṁ udāyiṁ ārabbha.

kismiṁ vatthusminti: āyasmā udāyi sañcarittaṁ samāpajji, tasmiṁ vatthusmiṁ

ekā paññatti, ekā anupaññatti.

channaṁ āpattisamuṭṭhānānaṁ chahi samuṭṭhānehi samuṭṭhātīti: siyā kāyato samuṭṭhāti na vācato na cittato siyā vācato ca samuṭṭhāti, na citto siyā kāyato ca cittato ca samuṭṭhāti na [pts page 006] [\q   6/]      vācato. siyā vācato ca cittato ca samuṭṭhāti na kāyato, siyā kāyato ca vācato ca cittato ca samuṭṭhāti - pe -

6. saññācikāya kuṭiṁ kārāpentassa saṅghādiseso kattha paññattoti: āḷaviyaṁ paññatto

kaṁ ārabbhāti: āḷavake bhikkhū ārambha.

kismiṁ vatthusminti: āḷavakā bhikkhū saññācikāya kuṭiyo kārāpesuṁ, tasmiṁ vatthusmiṁ
ekā paññatti,

channaṁ āpatti samuṭṭhānānaṁ chahi samuṭṭhānehi samuṭṭhāti - pe -

[bjt page 016] [\x  16/]

7. mahallakaṁ vihāraṁ kārāpentassa saṅghādiseso kattha paññattanti: kosambiyaṁ paññatto.

kaṁ ārabbhāti: āyasmantaṁ channaṁ ārabbha.

kismiṁ vatthusminti: āyasmā channo vihāravatthuṁ sodhento aññataraṁ cetiyarukkhaṁ chedāpesi, tasmiṁ vatthusmiṁ

ekā paññatti,

channaṁ āpattisamuṭṭhānānaṁ chahi samuṭṭhānehi samuṭṭhāti - pe -

8. bhikkhuṁ amūlakena pārājikena dhammena anuddhaṁsentassa saṅghādiseso kattha paññattoti: rājagahe paññatto.

kaṁ ārabbhāti: mettayabhummajake bhikkhū ārabbha.

kismiṁ vatthusminti: mettiyabhummajakā bhikkhū āyasmantaṁ dabbaṁ mallaputtaṁ amūlakena pārājikena dhammena anuddhaṁsesuṁ, tasmiṁ vatthusmiṁ

ekā paññatti,

channaṁ āpattisamuṭṭhānānaṁ tīhi samuṭṭhānehi samuṭṭhātīti - pe -

9. bhikkhuṁ aññabhāgiyassa adhikaraṇassa kañcidesaṁ lesamattaṁ upādāya pārājikena dhammena anuddhaṁsentassa saṅghādiseso kattha paññattoti: rājagahe paññatto

kaṁ ārabbhāti: mettiyabhummajake 1- bhikkhū ārabbha.

kismiṁ vatthusminti: mettiyabhummajakā bhikkhū āyasmantaṁ dabbaṁ mallaputtaṁ aññabhāgiyassa adhikaraṇassa kiñcidesaṁ lesamattaṁ upādāya pārājike dhammena anuddhaṁsesuṁ, tasmiṁ vatthusmiṁ

ekā paññatti,

channaṁ āpattisamuṭṭhānānaṁ tīhi samuṭṭhānehi samuṭṭhātīti - pe -

10. saṅghabhedakassa bhikkhuno yāvatatiyaṁ samanubhāsanāya nappaṭinissajantassa saṅghādiseso kattha paññattoti: rājagahe paññatto

kaṁ ārabbhāti: devadattaṁ ārabbha.

kismiṁ vatthusminti: devadatto samaggassa saṅghassa bhedāya parakkami, tasmiṁ vatthusmiṁ
ekā paññatti,

channaṁ āpattisamuṭṭhānānaṁ ekena samuṭṭhānena samuṭṭhāti: kāyato ca vācato ca cittato ca samuṭṭhāti - pe -

11. bhedakānuvattakānaṁ 2- bhikkhūnaṁ yāvatatiyaṁ samanubhāsanāya nappaṭinissajantānaṁ saṅghādiseso kattha paññattoti- rājagahe paññatto.

1. bhumajake - machasaṁ
2. bhedānuvattakānaṁ - machasaṁ

[bjt page 018] [\x  18/]

kaṁ ārabbhāti: sambule bhikkhū ārabbha.

kismiṁ vatthusminti: sambahulā bhikkhū devadattassa saṅghabhedāya parakkamantassa anuvattakā ahesuṁ vaggavādakā tasmiṁ vatthusmiṁ

ekā paññatti,

channaṁ āpattisamuṭṭhānānaṁ ekena samuṭṭhānena samuṭṭhāti: kāyato ca vācato ca cittato ca samuṭṭhāti - pe -

12. dubbacassa bhikkhuno yāvatatiyaṁ samanubhāsanāya [pts page 007] [\q   7/]      nappaṭinissajantassa saṅghādiseso kattha paññattoti: kosambiyaṁ paññatto.

kaṁ ārabbhāti: āyasmantaṁ channaṁ ārabbha.

kismiṁ vatthusminti: āyasmā chanto bhikkhūhi sahadhammikaṁ vuccamāno attānaṁ avacanīyaṁ akāsi, tasmiṁ vatthusmiṁ

ekā paññatti,

channaṁ āpattisamuṭṭhānānaṁ ekena samuṭṭhānena samuṭṭhāti: kāyato ca vācato ca cittato ca samuṭṭhāti - pe -

13. kuladusakassa bhikkhuno yāvatatiyaṁ samanubhāsanāya nappaṭinissajjantassa saṅghādiseso kattha paññattoti: sāvatthiyaṁ paññatto

kaṁ ārabbhāti: assajipunabbasuke bhikkhū ārabbha.

kismiṁ vatthusminti: assajipunabbasukā bhikkhū saṅghena pabbājanīyakammakatā bhikkhū chandagāmitā dosagāmitā mohagāmitā bhayagāmitā pāpesuṁ, tasmiṁ vatthusmiṁ

ekā paññatti,

channaṁ āpattisamuṭṭhānānaṁ ekena samuṭṭhānena samuṭṭhāti: kāyato ca vācato ca cittato ca samuṭṭhāti - pe -

terasa saṅghādisesā niṭṭhitā

tassuddānaṁ:

visaṭṭhi 1- kāyasaṁsaggaṁ - duṭṭhullaṁ attakāmataṁ, 2-
sañcarittaṁ kuṭī ceva - vihāro ca amulakaṁ.
kañci desañca bhedo ca - tasseva 3- anuvattakā,
dubbacaṁ kuladusañca - saṅghādisesā terasāti.

1. vissaṭṭhi - machasaṁ, sīmu 2.
2. atthakāmañca - machasaṁ, sīmu 1, 2
3. tatheva - sīmu 1, 2

[bjt page 020] [\x  20/]

1. 3 aniyatakaṇḍo

yaṁ tena bhagavatā jānatā passatā arahatā sammāsambuddhena paṭhamo aniyato kattha paññatto kaṁ ārabbha. kismiṁ vatthusmiṁ, atthi tattha paññatti, anupaññatti anuppannapaññatti, sabbatthapaññatti padesapaññatti, sādhāraṇa paññatti asādhāraṇapaññatti, ekato paññatti ubhato paññatti, pañcannaṁ pātimokkhuddesānaṁ katthogadhaṁ, kattha pariyāpannaṁ, katamena uddesena uddesaṁ āgacchati, catunnaṁ vipattinaṁ katamā vipatti. sattannaṁ āpattikkhandhānaṁ katamo āpattikkhandho, channaṁ āpattisamuṭṭhānānaṁ katīhi samuṭṭhānehi samuṭṭhāti, catunnaṁ adhikaraṇānaṁ katamaṁ adhikaraṇaṁ, sattannaṁ samathānaṁ katīhi samathehi sammati. ko tattha vinayo, ko tattha abhivinayo, kiṁ tattha pātimokkhaṁ, kiṁ tattha adhipātimokkhaṁ, kā vipatti, kā sampatti, kā paṭipatti, kati atthavase paṭicca bhagavatā upasaṅkamitavā aniyato kattha paññatto, ke sikkhanti, sikkhitasikkhā, kattha ṭhitaṁ, ke dhārenti, kassa vacanaṁ, kenābhatanti:

1. yaṁ tena bhagavatā jānatā passatā arahatā sammāsambudadhena paṭhamo aniyato kattha paññattoti: sāvatthiyaṁ paññatto.

kaṁ ārabbhāti: āyasmantaṁ udāyiṁ ārabbha.

kismiṁ vatthusminti: āyasmā udāyi mātugāmena saddhiṁ eko ekāya raho paṭicchante āsane alaṁkammaniye nisajjaṁ kappesi, tasmiṁ vatthusmiṁ.

atthi tattha paññatti, anupaññatti, anuppannapaññattīti: ekā paññatti, anupaññatti anuppannapaññatti tasmiṁ natthi.

sabbattha paññatti padesapaññattiti: sabbattha paññatti.

sādhāraṇapaññatti asādhāraṇa paññatti: sādhāraṇapaññati.

ekato paññati ubhato paññattīti: ubhato paññatti.

pañcannaṁ pātimokkhuddesānaṁ katthogadhaṁ, kattha pariyāpannanti: nidānogadhaṁ nidānapariyāpannaṁ.

katamena uddesena uddesaṁ āgacchatīti: catutthena uddesena uddesaṁ āgacchati.
catunnaṁ vipattinaṁ katamā vipattīti: siyā sīlavipatti. siyā ācāravipatti.

sattannaṁ āpattikkhandhānaṁ katamo āpattikkhandhoti: siyā pārājikāpattikkhandho. siyā saṅghādisesāpattikkhandho, siyā pācittiyāpattikkhandho.

channaṁ āpattisamuṭṭhānānaṁ katīhi samuṭṭhānehi samuṭṭhātīti: ekena samuṭṭhānena samuṭṭhāti, kāyato ca cittato ca samuṭṭhāti, na vācato.

catunnaṁ adhikaraṇānaṁ katamaṁ adhikaraṇanti: āpattādhikaraṇaṁ

sattannaṁ samathānaṁ katīhi samathehi sammatīti tīhi samathehi sammati: siyā sammukhāvinayena ca paṭiññātakaraṇena ca. siyā tiṇavatthārane ca.

ko tattha vinayo ko tattha abhivinayoti: paññatti vinayo, vibhatti abhivinayo.

kiṁ tattha pātimokkhaṁ kiṁ tattha adhipātimokkhanti: paññatti pātimokkhaṁ, vibhatti adhipātimokkhaṁ

kā vipattīti: asaṁvaro vipatti.
[bjt page 022] [\x  22/]

kā sampattīti: saṁvaro sampatti.

kā paṭipattīti: na evarūpaṁ karissāmīti yāvajīvaṁ āpāṇakoṭikaṁ samādāya sikkhati sikkhāpadesu.

kati [pts page 008] [\q   8/]      atthavase paṭicca bhagavatā paṭhamo aniyato paññattoti: dasa atthavase paṭicca bhagavatā paṭhamo aniyato paññatto: saṅghasuṭṭhutāya, saṅghaphāsutāya, dummaṅkūnaṁ puggalānaṁ niggahāya, pesalānaṁ bhikkhūnaṁ phāsuvihārāya, diṭṭhadhammikānaṁ āsavānaṁ saṁvarāya, samparāyikānaṁ āsavānaṁ paṭighātāya, appasannānaṁ pasādāya, pasannānaṁ bhiyyobhāvāya, saddhammaṭṭhitiyā, vinayānuggahāya.
ke sikkhantīti: sekhā ca puthujjanakalyāṇakā ca sikkhanti.

ke sikkhitasikkhāti arahanto sikkhitasikkhā.

kattha ṭhitanti: sikkhā kāmesu ṭhitaṁ

ke dhārentīti yesaṁ vattati te dhārenti.

kassa vacananti: bhagavato vacanaṁ arahato sammāsambuddhassa.

kenābhatanti: paramparābhataṁ.

1. upāli dāsako ceva soṇako siggavo tathā,
moggaliputtena pañcamā ete jambusirivhaye.

2. tato mahindo iṭṭhiyo uttiyo ceva sambalo
bhaddanāmo ca paṇḍito,
ete nāgā mahāpaññā jambudipā idhāgatā.

3. vinayaṁ te vācayiṁsu piṭakaṁ tambapaṇṇiyā,
nikāye pañca vācesuṁ satta ceva pakaraṇe

4. tato ariṭṭho medhāvi tissadatto ca paṇḍito
visārado kāḷasumano thero ca dīghanāmako,
dīghusumano ca paṇḍito.

5. punadeva kāḷasumano nāgatthero ca buddharakkhito,
tissatthero ca medhāvi devatthero ca paṇḍito.

6. punadeva sumano medhāvi vinaye ca visārado,
bahussuto cuḷanāgo gajo ca duppadhaṁsiyo.

7. dhammapāgitanāmo ca rohaṇo sādhupujito,
tassa sisso mahāpañño khemanāmo tipeṭako,
dīpe tārakarājāva paññāya atirocatha.

8. upatisso ca medhāvi phussadevo mahākathī
punadve sumano medhāvi pupphanāmo 6- bahussuto.

9. mahākathi mahāsīvo piṭake sabbattha kovido,
punadeva upāli medhāvi vinaye ca visārado.

10. mahānāgo mahāpañño saddhammavaṁsakovido,
punadeva abhayo medhāvi piṭake sabbattha kovido.

11. tissatthero ca medhāvi vinaye ca visārado,
tassa sisso mahāpañño pupphanāmo bahussuto,
sāsanaṁ anurakkhanto jambudīpe patiṭṭhito

12. cuḷābhayo ca medhāvi vinaye ca visārado,
tissatthero ca medhāvi saddhammavaṁsakovido.

13. phussadevo ca medhāvi vinaye ca visārado,
sīvattheroca medhāvi vinaye sabbattha kovido.

14. ete nāgā mahāpaññā vinayaññu maggakovidā,
vinayaṁ dīpe pakāsesuṁ piṭakaṁ tambapaṇṇiyāti.

2. yaṁ tena bhagavatā jānatā passatā arahatā sammāsambuddhena dutiyo aniyato kattha paññattanti: sāvatthiyaṁ paññattaṁ.

kaṁ ārabbhāti: āyasmantaṁ udāyi ārabbha

kismiṁ vatthusminti: āyasmā udāyi mātugāmena saddhiṁ eko ekāya raho nisajjaṁ kappesi, tasmiṁ vatthusmiṁ.

atthi tattha paññatti, anupaññatti, anuppannapaññatti ekā paññatti, anupaññatti anuppannapaññatti tasmiṁ natthi.

sabbattha paññatti padesapaññattiti: sabbattha paññatti.

sādhāraṇapaññatti asādhāraṇa paññatti: sādhāraṇapaññatti.

ekato paññatti. ubhato paññattīti: ubhato paññatti.

pañcannaṁ pātimokkhuddesānaṁ katthogadhaṁ, kattha pariyāpannanti: nidānogadhaṁ nidānapariyāpannaṁ.

katamena uddesena uddesaṁ āgacchatīti: catutthena uddesena uddesaṁ āgacchati.
catunnaṁ vipattīnaṁ katamā vipattīti: siyā sīlavipatti. siyā ācāravipatti.

sattannaṁ āpattikkhandhānaṁ katamo āpattikkhandhoti: siyā pārājikāpattikkhandho. siyā saṅghādisesāpattikkhandho, siyā pācittiyāpattikkhandho

[bjt page 024] [\x  24/]

channaṁ āpattisamuṭṭhānānaṁ katīhi samuṭṭhānehi samuṭṭhātīti: tīhi samuṭṭhānehi samuṭṭhāti, siyā kāyato ca cittato ca samuṭṭhāti, na vācato. siyā vācato ca cittato ca samuṭṭhāti na kāyato siyā kāyato ca vācato ca citto ca samuṭṭhāti.

catunnaṁ adhikaraṇānaṁ katamaṁ adhikaraṇanti: āpattādhikaraṇaṁ

sattannaṁ samathānaṁ katīhi samathehi sammatīti tīhi samathehi sammati: siyā sammukhāvinayena ca paṭiññātakaraṇena ca. siyā tiṇavatthārakena ca. - pe -

dve aniyatā niṭṭhitā.

tassuddānaṁ:
alaṁ kammaniyañceva - tatheva ca na heva kho,
aniyatā supaññattā - buddhaseṭṭhena tādināti.

1. 4

nissaggiyakaṇḍo

1. yaṁ tena bhagavatā jānatā passatā arahatā sammāsambuddhena atirekacīvaraṁ dasāhaṁ atikkāmentassa nissaggiyaṁ pācittiyaṁ kattha paññattanti: vesāliyaṁ paññattaṁ.
kaṁ ārabbhāti: chabbaggiye bhikkhū ārabbha

kismiṁ vatthusminti: chabbaggiyā bhikkhū atirekacīvaraṁ dasāhātikkantaṁ dhāresuṁ, 1- tasmiṁ vatthusmiṁ

ekā paññatti, ekā anupaññatti,

channaṁ āpattisamuṭṭhānānaṁ dvīhi samuṭṭhānehi samuṭṭhāti: siyā kāyato ca vācato ca samuṭṭhāti na cittato siyā kāyato ca vācato ca cittato ca samuṭṭhāti - pe -
2. ekarattaṁ ticīvarena vippavasantassa nissaggiyaṁ pācittiyaṁ kattha paññattanti: sāvatthīyaṁ paññattaṁ.

kaṁ ārabbhāti: sambahule bhikkhū ārabbha

kismiṁ vatthusminti: sambahulā bhikkhū bhikkhūnaṁ hatthe cīvaraṁ nikkhipitvā santaruttarena janapadacārikaṁ pakkamiṁsu, tasmiṁ vatthusmiṁ

ekā paññatti, ekā anupaññatti,

channaṁ āpattisamuṭṭhānānaṁ dvīhi samuṭṭhānehi samuṭṭhāti: siyā kāyato ca vācato ca samuṭṭhāti na cittato siyā kāyato ca vācato ca cittato ca samuṭṭhāti - pe -
1. atireka cīvaraṁ dhāresuṁ - machasaṁ

[bjt page 026] [\x  26/]

3. akālacīvaraṁ paṭiggahetvā māsaṁ atikkāmentassa nissaggiyaṁ pācittiyaṁ kattha paññattanti: sāvatthiyaṁ paññattaṁ.

kaṁ ārabbhāti: sambahulā bhikkhū ārabbha

kismiṁ vatthusminti: sambahulā bhikkhū akālacīvaraṁ paṭiggahetvā māsaṁ atikkāmesuṁ, tasmiṁ vatthusmiṁ

ekā paññatti, ekā anupaññatti,

channaṁ āpattisamuṭṭhānānaṁ dvīhi samuṭṭhānehi samuṭṭhāti: siyā kāyato ca vācato ca samuṭṭhāti na cittato siyā kāyato ca vācato ca cittato ca samuṭṭhāti - pe -

4. aññātikāya bhikkhuniyā purāṇacīvaraṁ [pts page 009] [\q   9/]      dhovāpentassa nissaggiyaṁ pācittiyaṁ kattha paññattanti: sāvatthīyaṁ paññattaṁ.

kaṁ ārabbhāti: āyasmantaṁ udāyiṁ ārabbha

kismiṁ vatthusminti: āyasmā udāyi aññātikā bhikkhuniyā purāṇacīvaraṁ dhovāpesi, tasmiṁ vatthusmiṁ

ekā paññatti,

channaṁ āpattisamuṭṭhānānaṁ chahi samuṭṭhānehi samuṭṭhāti: samuṭṭhāti - pe -

5. aññātikāya bhikkhuniyā hatthato cīvaraṁ paṭiggaṇhantassa nissaggiyaṁ pācittiyaṁ kattha paññattanti: rājagahe paññattaṁ.

kaṁ ārabbhāti: āyasmantaṁ udāyiṁ ārabbha

kismiṁ vatthusminti: āyasmā udāyi aññātikāya bhikkhuniyā hatthato cīvaraṁ paṭiggahesi, tasmiṁ vatthusmiṁ

ekā paññatti, ekā anupaññatti,

channaṁ āpattisamuṭṭhānānaṁ chahi samuṭṭhānehi samuṭṭhāti - pe -

6. aññātakaṁ gahapatiṁ vā gahapatāniṁ vā cīvaraṁ viññāpentassa nissaggiyaṁ pācittiyaṁ kattha paññattanti: sāvatthīyaṁ paññattaṁ.

kaṁ ārabbhāti: āyasmā upanandaṁ sakyaputtaṁ ārabbha

kismiṁ vatthusminti: āyasmā upanando sakyaputto aññātakaṁ seṭṭhiputtaṁ cīvaraṁ viññāpesi, tasmiṁ vatthusmiṁ

ekā paññatti, ekā anupaññatti,

channaṁ āpattisamuṭṭhānānaṁ chahi samuṭṭhānehi samuṭṭhāti - pe -

7. aññātakaṁ gahapatiṁ vā gahapatāniṁ vā tatuttariṁ 1- cīvaraṁ viññāpentassa nissaggiyaṁ pācittiyaṁ kattha paññattanti: sāvatthiyaṁ paññattaṁ

kaṁ ārabbhāti: chabbaggiye bhikkhū ārabbha.

1. tatuttari - machasaṁ

[bjt page 028] [\x  28/]

kismiṁ vatthusminti: chabbaggiyā bhikkhū na mattaṁ jānitvā bahuṁ cīvaraṁ viññāpesuṁ, tasmiṁ vatthusmiṁ

ekā paññatti,

channaṁ āpatti samuṭṭhānānaṁ chahi samuṭṭhānehi samuṭṭhāti - pe -

8. pubbe appavāritassa aññātakaṁ gahapatikaṁ upasaṅkamitvā cīvare vikappaṁ āpajjantassa nissaggiyaṁ pācittiyaṁ kattha paññattanti: sāvatthīyaṁ paññattaṁ.

kaṁ ārabbhāti: āyasmantaṁ upanandaṁ sakyaputtaṁ ārabbha

kismiṁ vatthusminti: āyasmā upanando sakyaputto pubbe appavārito aññātakaṁ gahapatikaṁ upasaṅkamitvā cīvare vikappaṁ āpajji, tasmiṁ vatthusmiṁ

ekā paññatti,

channaṁ āpattisamuṭṭhānānaṁ chahi samuṭṭhānehi samuṭṭhāti - pe -

9. pubbe appavāritassa aññātake gahapatike upasaṅkamitvā cīvare vikappaṁ āpajjantassa nissaggiyaṁ pācittiyaṁ kattha paññattanti: sāvatthiyaṁ paññattaṁ.

kaṁ ārabbhāti: āyasmantaṁ upanandaṁ sakyaputtaṁ ārabbha

kismiṁ vatthusminti: āyasmā upanando sakyaputto pubbe appavārito aññātake gahapatike upasaṅkamitvā cīvare vikappaṁ āpajji, tasmiṁ vatthusmiṁ

ekā paññatti,

channaṁ āpattisamuṭṭhānānaṁ chahi samuṭṭhānehi samuṭṭhāti - pe -

10. atirekatikkhattuṁ codanāya atirekachakkhattuṁ ṭhānena cīvaraṁ abhinipphādentassa nissaggiyaṁ pācittiyaṁ kattha paññattanti: [pts page 010] [\q  10/]      sāvatthiyaṁ paññattaṁ.

kaṁ ārabbhāti: āyasmantaṁ upanandaṁ sakyaputtaṁ ārabbha

kismiṁ vatthusminti: āyasmā upanando sakyaputto upāsakena ajjanaho 1- bhante āgamehi ti vuccamāno nāgamesi, tasmiṁ vatthusmiṁ

ekā paññatti,

channaṁ āpattisamuṭṭhānānaṁ chahi samuṭṭhānehi samuṭṭhāti - pe -

kathinavaggo paṭhamo.

1. ajjuṇho - sīmu. 1, 2
2. ajjuṇho - machasaṁ,

[bjt page 030] [\x  30/]
4.2
1. kosiyamissakaṁ satthataṁ kārāpentassa nissaggiyaṁ pācittiyaṁ kattha paññattanti: āḷaviyaṁ paññattaṁ.

kaṁ ārabbhāti: chabbaggiye bhikkhū ārabbha

kismiṁ vatthusminti: chabbaggiyā bhikkhū kosiyakārake upaṅkamitvā evamāhaṁsu: 'bahū āvuso kosakārake pacatha, amhākampi dassatha, mayampi icchāma kosiyamissakaṁ satthataṁ kātu'nti, tasmiṁ vatthusmiṁ

ekā paññatti,

channaṁ āpattisamuṭṭhānānaṁ chahi samuṭṭhānehi samuṭṭhāti - pe -

2. suddhakāḷakānaṁ eḷakalomānaṁ santhataṁ kārāpentassa nissaggiyaṁ pācittiyaṁ kattha paññattanti: vesāliyaṁ paññattaṁ.

kaṁ ārabbhāti: chabbaggiye bhikkhū ārabbha

kismiṁ vatthusminti: chabbaggiyā bhikkhū suddhakāḷakānaṁ eḷakalomānaṁ santhataṁ kārāpesuṁ, tasmiṁ vatthusmiṁ

ekā paññatti,

channaṁ āpattisamuṭṭhānānaṁ chahi samuṭṭhānehi samuṭṭhāti: - pe -

3. anādiyitvā tulaṁ odātānaṁ tulaṁ gocariyānaṁ navaṁ santhataṁ kārāpentassa nissaggiyaṁ pācittiyaṁ kattha paññattanti: sāvatthiyaṁ paññattaṁ.

kaṁ ārabbhāti: chabbaggiye bhikkhū ārabbha

kismiṁ vatthusminti: chabbaggiyā bhikkhū thokaññeva odātānaṁ ante 1- ādiyitvā tatheva suddhakāḷakānaṁ eḷakalomānaṁ santhataṁ kārāpesuṁ, tasmiṁ vatthusmiṁ

ekā paññatti,

channaṁ āpattisamuṭṭhānānaṁ chahi samuṭṭhānehi samuṭṭhāti: - pe -

4. anuvassaṁ santhataṁ kārāpentassa nissaggiyaṁ pācittiyaṁ kattha paññattanti: sāvatthiyaṁ paññattaṁ.

kaṁ ārabbhāti: sambahule bhikkhū ārabbha

kismiṁ vatthusminti: sambahulā bhikkhū anuvassaṁ santhataṁ kārāpesuṁ, tasmiṁ vatthusmiṁ
ekā paññatti, ekā anupaññatti.

channaṁ āpattisamuṭṭhānānaṁ chahi samuṭṭhānehi samuṭṭhāti: - pe -

1. odātaṁ ante - machasaṁ
2. odātānaṁ ante ante - simu. 1

[bjt page 032] [\x  32/]

5. anādiyitvā purāṇasanthatassa sāmantā sugatavidatthiṁ navaṁ nisidanasanthataṁ kārāpentassa nissaggiyaṁ pācittiyaṁ kattha paññattanti: sāvatthiyaṁ paññattaṁ.

kaṁ ārabbhāti: sambahule bhikkhū ārabbha.
kismiṁ vatthusminti: sambahulā bhikkhū santhatāni ujjhitvā āraññikaṅgaṁ piṇḍapātikaṅgaṁ paṁsukūlikaṅgaṁ samādiyiṁsu, tasmiṁ vatthusmiṁ

ekā paññatti,

channaṁ āpattisamuṭṭhānānaṁ chahi samuṭṭhānehi samuṭṭhāti - pe -

6. eḷakalomāni paṭiggahetvā tiyojanaṁ atikkāmentassa nissaggiyaṁ pācittiyaṁ kattha paññattanti: sāvatthīyaṁ paññattaṁ.

kaṁ ārabbhāti: aññataraṁ bhikkhuṁ ārabbha

kismiṁ vatthusminti: aññataro bhikkhu eḷakalomāni paṭiggahetvā tiyojanaṁ atikkāmesi. tasmiṁ vatthusmiṁ

ekā paññatti,
[pts page 011] [\q  11/]
channaṁ āpattisamuṭṭhānānaṁ dvīhi samuṭṭhānehi samuṭṭhāti: siyā kāyato samuṭṭhāti na vācato na cittato siyā kāyato ca cittato ca samuṭṭhāti na vācato - pe -

7. aññātikāya bhikkhuniyā eḷakalomāni dhovāpentassa nissaggiyaṁ pācittiyaṁ kattha paññattanti: sakkesu paññattaṁ.

kaṁ ārabbhāti: chabbaggiye bhikkhū ārabbha

kismiṁ vatthusminti: chabbaggiyā bhikkhu aññātikāhi bhikkhunīhi eḷakalomāni dhovāpesuṁ, tasmiṁ vatthusmiṁ

ekā paññatti,

channaṁ āpattisamuṭṭhānānaṁ chahi samuṭṭhānehi samuṭṭhāti - pe -

8. rūpiyaṁ paṭiggaṇhantassa nissaggiyaṁ pācittiyaṁ kattha paññattanti: rājagahe paññattaṁ.
kaṁ ārabbhāti: āyasmantaṁ upanandaṁ sakyaputtaṁ ārabbha

kismiṁ vatthusminti: āyasmā upanando sakyaputto rūpiyaṁ paṭiggahesi, tasmiṁ vatthusmiṁ
ekā paññatti,

channaṁ āpattisamuṭṭhānānaṁ chahi samuṭṭhānehi samuṭṭhāti: - pe -

9. nānappakārakaṁ rūpiyasaṁvohāraṁ samāpajjantassa nissaggiyaṁ pācittiyaṁ kattha paññattanti: sāvatthiyaṁ paññattaṁ.

kaṁ ārabbhāti: chabbaggiye bhikkhū ārabbha.
[bjt page 034] [\x  34/]

kismiṁ vatthusminti: chabbaggiyā bhikkhū nānappakārakaṁ rūpiyasaṁvohāraṁ samāpajjiṁsu, tasmiṁ vatthusmiṁ

ekā paññatti,

channaṁ āpattisamuṭṭhānānaṁ chahi samuṭṭhānehi samuṭṭhāti - pe -

10. nānappakārakaṁ kayavikkayaṁ samāpajjantassa nissaggiyaṁ pācittiyaṁ kattha paññattanti: sāvatthiyaṁ paññattaṁ.

kaṁ ārabbhāti: āyasmantaṁ upanandaṁ sakyaputtaṁ ārabbha

kismiṁ vatthusminti: āyasmā upanando sakyaputto paribbājakena saddhiṁ kayavikkayaṁ samāpajji, tasmiṁ vatthusmiṁ

ekā paññatti,

channaṁ āpattisamuṭṭhānānaṁ chahi samuṭṭhānehi samuṭṭhāti: - pe -

kosiyavaggo dutiyo.

4. 3

1. atirekapattaṁ dasāhaṁ atikkāmentassa nissaggiyaṁ pācittiyaṁ kattha paññattanti: sāvatthiyaṁ paññattaṁ.

kaṁ ārabbhāti: chabbaggiye bhikkhū ārabbha

kismiṁ vatthusminti: chabbaggiye bhikkhū atirekapattaṁ dhāresuṁ, tasmiṁ vatthusmiṁ

ekā paññatti, ekā anupaññatti.

channaṁ āpattisamuṭṭhānānaṁ dvīhi samuṭṭhānehi samuṭṭhāti siyā kāyato ca vācato ca samuṭṭhāti na cittato, siyā kāyato ca vācato ca cittato ca samuṭṭhāti - pe -
2. ūnapañcabandhanena pattena aññaṁ navaṁ pattaṁ cetāpentassa nissaggiyaṁ pācittiyaṁ kattha paññattanti: sakkesu paññattaṁ.

kaṁ ārabbhāti: chabbaggiye bhikkhū ārabbha

kismiṁ vatthusminti: chabbaggiye bhikkhū appamattakenapi bhinnena appamattakenapi khaṇḍena vilikhitamattenapi bahū patte viññāpesuṁ, tasmiṁ vatthusmiṁ

ekā paññatti,

channaṁ āpattisamuṭṭhānānaṁ chahi samuṭṭhānehi samuṭṭhāti - pe -

[bjt page 036] [\x  36/]

3. bhesajjāni paṭiggahetvā sattāhaṁ atikkāmentassa nissaggiyaṁ pācittiyaṁ kattha paññattanti: sāvatthiyaṁ paññattaṁ.

kaṁ ārabbhāti: sambahule [pts page 012] [\q  12/]      bhikkhū ārabbha

kismiṁ vatthusminti: sambahule bhikkhū bhesajjāni paṭiggahetvā sattāhaṁ atikkāmesuṁ, tasmiṁ vatthusmiṁ

ekā paññatti,

channaṁ āpattisamuṭṭhānānaṁ dvīhi samuṭṭhānehi samuṭṭhāti kaṭhinake - pe -

4. atirekamāse sese gimhāne vassikasāṭikacīvaraṁ pariyesantassa nissaggiyaṁ pācittiyaṁ kattha paññattanti: sāvatthiyaṁ paññattaṁ.

kaṁ ārabbhāti: chabbaggiye bhikkhū ārabbha

kismiṁ vatthusminti: chabbaggiyā bhikkhū atirekamāse sese gimhāne vassikasāṭikacīvaraṁ pariyesiṁsu, tasmiṁ vatthusmiṁ

ekā paññatti,

channaṁ āpattisamuṭṭhānānaṁ chahi samuṭṭhānehi samuṭṭhāti - pe -

5. bhikkhussa sāmaṁ cīvaraṁ datvā kupitena anattamanena acchindantassa nissaggiyaṁ pācittiyaṁ kattha paññattanti: sāvatthiyaṁ paññattaṁ.

kaṁ ārabbhāti: āyasmantaṁ upanandaṁ sakyaputtaṁ ārabbha

kismiṁ vatthusminti: āyasmā upanando sakyaputto bhikkhussa sāmaṁ cīvaraṁ datvā anattamano acchindi, tasmiṁ vatthusmiṁ

ekā paññatti,

channaṁ āpattisamuṭṭhānānaṁ tīhi samuṭṭhānehi samuṭṭhāti - pe -

6. sāmaṁ suttaṁ viññāpetvā tantavāyehi cīvaraṁ vāyāpentassa nissaggiyaṁ pācittiyaṁ kattha paññattanti: rājagahe paññattaṁ.

kaṁ ārabbhāti: chabbaggiye bhikkhū ārabbha

kismiṁ vatthusminti: chabbaggiyā bhikkhū sāmaṁ suttaṁ viññāpetvā tantavāyehi cīvaraṁ vāyāpesuṁ, tasmiṁ vatthusmiṁ

ekā paññatti,

channaṁ āpattisamuṭṭhānānaṁ chahi samuṭṭhānehi samuṭṭhāti - pe -

[bjt page 038] [\x  38/]

7. pubbe appavāritassa aññātakassa gahapatikassa tantavāye upasaṅkamitvā cīvare vikappaṁ āpajjantassa nissaggiyaṁ pācittiyaṁ kattha paññattanti: sāvatthiyaṁ paññattaṁ.
kaṁ ārabbhāti: āyasmantaṁ upanandaṁ sakyaputtaṁ ārabbha

kismiṁ vatthusminti: āyasmā upanando sakyaputto pubbe appavārito aññātakassa gahapatikassa tantavāye upasaṅkamitvā civare vikappaṁ āpajji, tasmiṁ vatthusmiṁ

ekā paññatti,

channaṁ āpattisamuṭṭhānānaṁ chahi samuṭṭhānehi samuṭṭhāti - pe -

8. accekacīvaraṁ paṭiggahetvā civarakālasamayaṁ atikkāmentassa nissaggiyaṁ pācittiyaṁ kattha paññattanti: sāvatthiyaṁ paññattaṁ.

kaṁ ārabbhāti: sambahule bhikkhū ārabbha

kismiṁ vatthusminti: sambahule bhikkhū accekacīvaraṁ paṭiggahetvā cīvarakālasamayaṁ atikkāmesuṁ, tasmiṁ vatthusmiṁ

ekā paññatti,

channaṁ āpattisamuṭṭhānānaṁ dvīhi samuṭṭhānehi samuṭṭhāti: kaṭhinake - pe -

9. tiṇṇaṁ cīvarānaṁ aññataraṁ cīvaraṁ antaraghare nikkhipitvā atirekachārattaṁ vippavasantassa nissaggiyaṁ pācittiyaṁ kattha paññattanti: sāvatthiyaṁ paññattaṁ.

kaṁ ārabbhāti: sambahule bhikkhū ārabbha

kismiṁ vatthusminti: sambahule bhikkhū tiṇṇaṁ cīvarānaṁ aññataraṁ cīvaraṁ antaraghare nikkhipitvā atirekachārattaṁ vippavasiṁsu, [pts page 013] [\q  13/]      tasmiṁ vatthusmiṁ

ekā paññatti,

channaṁ āpattisamuṭṭhānānaṁ dvīhi samuṭṭhānehi samuṭṭhāti kaṭhinake - pe -

10. jānaṁ saṅghikaṁ lābhaṁ pariṇataṁ attano pariṇāmentassa nissaggiyaṁ pācittiyaṁ kattha paññattanti: sāvatthiyaṁ paññattaṁ.

kaṁ ārabbhāti: chabbaggiye bhikkhū ārabbha

kismiṁ vatthusminti: chabbaggiyā bhikkhū jānaṁ saṅghikaṁ lābhaṁ pariṇataṁ attano pariṇāmesuṁ, tasmiṁ vatthusmiṁ

ekā paññatti,

channaṁ āpattisamuṭṭhānānaṁ tīhi samuṭṭhānehi samuṭṭhāti - pe -
pattavaggo tatiyo.

[bjt page 040] [\x  40/]

tassuddānaṁ: -
dasekaratti māso ca - dhovanañca paṭiggaho,
aññātakañca 1- uddissa - ubhinnaṁ dutakena ca.

kosiyā suddha dvebhāgā - chabbassāni nisīdanaṁ,
dve ca lomāni uggaṇhe - ubho nānappakārakā,

dve ca pattāni bhesajjaṁ - vassikā dānapañcamaṁ,
sāmaṁ vāyāpanacceko - sāsaṅkaṁ saṅghikena cāti.

tiṁsanissaggiyā pācittiyā niṭṭhitā.

1. 5
pācittiyakaṇḍo

1. yaṁ tena bhagavatā jānatā passatā arahatā sammāsambuddhena sampajānamusāvāde pācittiyaṁ kattha paññattanti: sāvatthiyaṁ paññattaṁ.

kaṁ ārabbhāti: hatthakaṁ sakyupattaṁ ārabbha

kismiṁ vatthusminti: āyasmā hatthako sakyaputto titthiyehi saddhiṁ sallapanto avajānitvā paṭijāni paṭijānitvā avajāni, tasmiṁ vatthusmiṁ

ekā paññatti,

channaṁ āpattisamuṭṭhānānaṁ tīhi samuṭṭhānehi samuṭṭhāti: siyā kāyato ca cittato ca samuṭṭhāti, na vācato. siyā vācato ca cittato ca samuṭṭhāti, na kāyato. siyā kāyato ca vācato ca cittato ca samuṭṭhāti - pe -

2. omasavāde pācittiyaṁ kattha paññattanti: sāvatthiyaṁ paññattaṁ.

kaṁ ārabbhāti: chabbaggiyā bhikkhū ārabbha

kismiṁ vatthusminti: chabbaggiyā bhikkhū pesalehi bhikkhūhi saddhiṁ bhaṇḍentā pesale bhikkhū omasiṁsu, tasmiṁ vatthusmiṁ

ekā paññatti,

channaṁ āpattisamuṭṭhānānaṁ tīhi samuṭṭhānehi samuṭṭhāti - pe -

1. aññātaṁ tañca - machasaṁ

[bjt page 042] [\x  42/]

3. bhikkhupesuññe pācittiyaṁ kattha paññattanti: sāvatthiyaṁ paññattaṁ.

kaṁ ārabbhāti: chabbaggiye bhikkhū ārabbha

kismiṁ vatthusminti: chabbaggiyā bhikkhū bhikkhūnaṁ bhaṇḍanajātānaṁ kalahajātānaṁ vivādāpannānaṁ pesuññaṁ upasaṁhariṁsu, tasmiṁ vatthusmiṁ

ekā paññatti,

channaṁ āpattisamuṭṭhānānaṁ tīhi samuṭṭhānehi samuṭṭhāti - pe -

4. anupasampannaṁ padaso dhammaṁ vācentassa pācittiyaṁ kattha paññattanti: sāvatthiyaṁ paññattaṁ.

kaṁ ārabbhāti: chabbaggiye bhikkhū ārabbha

kismiṁ vatthusminti: chabbaggiyā bhikkhū upāsake padaso dhammaṁ [pts page 014] [\q  14/]      vācesuṁ, tasmiṁ vatthusmiṁ
ekā paññatti,

channaṁ āpattisamuṭṭhānānaṁ dvīhi samuṭṭhānehi samuṭṭhāti: siyā vācato samuṭṭhāti, na kāyato na cittato. siyā vācato ca cittato ca samuṭṭhāti, na kāyato - pe -
5. anupasampannena uttariṁ dvirattatirattaṁ sahaseyyaṁ kappentassa pācittiyaṁ kattha paññattanti: āḷaviyaṁ paññattaṁ.

kaṁ ārabbhāti: sambahule bhikkhū ārabbha

kismiṁ vatthusminti: sambahule bhikkhū anupasampannena sahaseyyaṁ kappesuṁ, tasmiṁ vatthusmiṁ
ekā paññatti, ekā anupaññatti

channaṁ āpattisamuṭṭhānānaṁ dvīhi samuṭṭhānehi samuṭṭhāti: siyā kāyato samuṭṭhāti, na vācato na cittato siyā kāyato ca cittato ca samuṭṭhāti, na vācato - pe -
6. mātugāmena sahaseyyaṁ kappentassa pācittiyaṁ kattha paññattanti: sāvatthiyaṁ paññattaṁ.

kaṁ ārabbhāti: āyasmantaṁ anuruddhaṁ ārabbha

kismiṁ vatthusminti: āyasmā anuruddhaṁ mātugāmena sahaseyyaṁ kappasi, tasmiṁ vatthusmiṁ
ekā paññatti,

channaṁ āpattisamuṭṭhānānaṁ dvīhi samuṭṭhānehi samuṭṭhāti - pe - phaḷakalomake.

1. bhaṇḍantā - machasaṁ

[bjt page 044] [\x  44/]

7. mātugāmassa uttariṁ chappañcavācāhi dhammaṁ desentassa pācittiyaṁ kattha paññattanti: sāvatthiyaṁ paññattaṁ.

kaṁ ārabbhāti: āyasmantaṁ udāyiṁ ārabbha

kismiṁ vatthusminti: āyasmā udāyī mātugāmassa dhammaṁ desesi, tasmiṁ vatthusmiṁ
ekā paññatti, dve anupaññattiyo.

channaṁ āpattisamuṭṭhānānaṁ dvīhi samuṭṭhānehi samuṭṭhāti - pe - padasodhamme

8. anupasampannassa uttarimanussadhammaṁ bhūtaṁ ārocentassa pācittiyaṁ kattha paññattanti: vesāliyaṁ paññattaṁ.

kaṁ ārabbhāti: vaggumudātiriyā bhikkhū ārabbha

kismiṁ vatthusminti: vaggumudātiriyā bhikkhū gihīnaṁ aññamaññassa uttarimanussadhammassa vaṇṇaṁ bhāsiṁsu, tasmiṁ vatthusmiṁ

ekā paññatti,

channaṁ āpattisamuṭṭhānānaṁ tīhi samuṭṭhānehi samuṭṭhāti: siyā kāyato samuṭṭhāti, na cācato na cittato. siyā vācato samuṭṭhāti na kāyato na cittato siyā kāyato ca vācato ca samuṭṭhāti, na cittato - pe -

9. bhikkhussa duṭṭhullāpattiṁ anupasampannassa ārocentassa pācittiyaṁ kattha paññattanti: sāvatthiyaṁ paññattaṁ.

kaṁ ārabbhāti: chabbaggiye bhikkhū ārabbha

kismiṁ vatthusminti: chabbaggiyā bhikkhū bhikkhussa duṭṭhullāpattiṁ anupasampannassa ārocesuṁ, tasmiṁ vatthusmiṁ

ekā paññatti,

channaṁ āpattisamuṭṭhānānaṁ tīhi samuṭṭhānehi samuṭṭhāti - pe -

10. paṭhaviṁ khaṇantassa pācittiyaṁ kattha paññattanti: āḷaviyaṁ paññattaṁ.

kaṁ ārabbhāti: āḷavike bhikkhū ārabbha

kismiṁ vatthusminti: āḷavikā bhikkhū paṭhaviṁ khaṇiṁsu, tasmiṁ vatthusmiṁ

ekā paññatti,

channaṁ āpattisamuṭṭhānānaṁ tīhi samuṭṭhānehi samuṭṭhāti - pe -

musāvādavaggo paṭhamo.

[bjt page 046] [\x  46/]
[pts page 0015 [\q   15/]     ]

5. 2
1. bhūtagāmapātavyatāya pācittiyaṁ kattha paññattanti: āḷaviyaṁ paññattaṁ.

kaṁ ārabbhāti: āḷavike bhikkhū ārabbha

kismiṁ vatthusminti: āḷavikā bhikkhū rukkhaṁ chindiṁsu, tasmiṁ vatthusmiṁ

ekā paññatti,

channaṁ āpattisamuṭṭhānānaṁ tīhi samuṭṭhānehi samuṭṭhāti: - pe -

2. aññavādake vihesake pācittiyaṁ kattha paññattanti; kosambiyaṁ paññattaṁ.

kaṁ ārabbhāti: āyasmantaṁ channaṁ ārabbha

kismiṁ vatthusminti: āyasmā channo saṅghamajjhe āpattiyā anuyuñjiyamāno aññena aññaṁ 1- paṭicari, tasmiṁ vatthusmiṁ

ekā paññatti, ekā anupaññatti.

channaṁ āpattisamuṭṭhānānaṁ tīhi samuṭṭhānehi samuṭṭhāti - pe -

3. ujjhāpanake khīyanake pācittiyaṁ kattha paññattanti: rājagahe paññattaṁ.

kaṁ ārabbhāti: mettiyabhummajake bhikkhū ārabbha

kismiṁ vatthusminti: mettiyabhummajakā bhikkhū āyasmantaṁ dabbaṁ mallaputtaṁ bhikkhū ujjhāpesuṁ, tasmiṁ vatthusmiṁ

ekā paññatti, ekā anupaññatti.

channaṁ āpattisamuṭṭhānānaṁ tīhi samuṭṭhānehi samuṭṭhāti - pe -

4. saṅghikaṁ mañcaṁ vā pīṭhaṁ vā bhisiṁ vā kocchaṁ vā ajjhokāse santharitvā anuddharitvā anāpucchā pakkamantassa pācittiyaṁ kattha paññattanti: sāvatthiyaṁ paññattaṁ.
kaṁ ārabbhāti: sambahule bhikkhū ārabbha

kismiṁ vatthusminti: sambahulā bhikkhū saṅghikaṁ senāsanaṁ ajjhokāse santharitvā anuddharitvā anāpucchā pakkamiṁsu, tasmiṁ vatthusmiṁ

ekā paññatti, ekā anupaññatti.

channaṁ āpattisamuṭṭhānānaṁ dvīhi samuṭṭhānehi samuṭṭhāti - pe - kaṭhinake.

1. aññenaññaṁ - machasaṁ, syā

[bjt page 048] [\x  48/]

5. saṅghikevihāre seyyaṁ santharitvā anuddharitvā anāpucchā pakkamantassa pācittiyaṁ kattha paññattanti: sāvatthiyaṁ paññattaṁ.

kaṁ ārabbhāti: sattarasavaggiye bhikkhū ārabbha

kismiṁ vatthusminti: sattarasavaggiyā bhikkhū saṅghike vihāre seyyaṁ santharitvā anuddharitvā anāpucchā pakkamiṁsu, tasmiṁ vatthusmiṁ

ekā paññatti,

channaṁ āpattisamuṭṭhānānaṁ dvīhi samuṭṭhānehi samuṭṭhāti - pe - kaṭhinake.
6. saṅghike vihāre jānaṁ pubbūpagataṁ bhikkhuṁ anupakhajja seyyaṁ kappentassa pācittiyaṁ kattha paññattanti: sāvatthiyaṁ paññattaṁ.

kaṁ ārabbhāti: chabbaggiye bhikkhū ārabbha

kismiṁ vatthusminti: chabbaggiyā bhikkhū there bhikkhū anupakhajja seyyaṁ kappesuṁ, tasmiṁ vatthusmiṁ

ekā paññatti,

channaṁ āpattisamuṭṭhānānaṁ ekena samuṭṭhānena samuṭṭhāti: kāyato ca cittato ca samuṭṭhāti na vācato - pe -

7. bhikkhuṁ kupitena anattamanena saṅghikā vihārā nikkaḍḍhantassa pācittiyaṁ kattha paññattanti: sāvatthiyaṁ paññattaṁ.

kaṁ ārabbhāti: chabbaggiye bhikkhū ārabbha

kismiṁ vatthusminti: chabbaggiyā bhikkhū tupitā anattamanā bhikkhuṁ saṅghikā vihārā nikkaḍḍhiṁsu, [pts page 016] [\q  16/]      tasmiṁ vatthusmiṁ

ekā paññatti,

channaṁ āpattisamuṭṭhānānaṁ tīhi samuṭṭhānehi samuṭṭhāti - pe -

8. saṅghike vihāre upari vehāsakuṭiyā āhaccapādakaṁ mañcaṁ vā pīṭhaṁ vā abhinisīdantassa pācittiyaṁ kattha paññattanti: sāvatthiyaṁ paññattaṁ.

kaṁ ārabbhāti: aññataraṁ bhikkhuṁ ārabbha

kismiṁ vatthusminti: aññataro bhikkhu saṅghike vihāre upari vehāsakuṭiyā āhaccapādakaṁ mañcaṁ sahasā abhinisīdi, tasmiṁ vatthusmiṁ

ekā paññatti,

channaṁ āpattisamuṭṭhānānaṁ dvīhi samuṭṭhānehi samuṭṭhāti: siyā kāyato samuṭṭhāti, na vācato na cittato siyā kāyato ca cittato ca samuṭṭhāti, na vācato - pe -

[bjt page 050] [\x  50/]

9. dvittipariyāye adhiṭṭhahitvā tatuttariṁ adhiṭṭhahantassa pācittiyaṁ kattha paññattanti: kosambiyaṁ paññattaṁ.

kaṁ ārabbhāti: āyasmantaṁ channaṁ ārabbha

kismiṁ vatthusminti: āyasmā channo katapariyositaṁ vihāraṁ punappunaṁ chādāpesi. punappunaṁ limpāpesi. atibhāriko vihāro paripaṭi, tasmiṁ vatthusmiṁ

ekā paññatti,

channaṁ āpattisamuṭṭhānānaṁ chahi samuṭṭhānehi samuṭṭhāti - pe -

10. jānaṁ sappāṇakaṁ udakaṁ tiṇaṁ vā mattikaṁ vā siñcantassa pācittiyaṁ kattha paññattanti: āḷaviyaṁ paññattaṁ.

kaṁ ārabbhāti: āḷavike bhikkhū ārabbha

kismiṁ vatthusminti: āḷavikā bhikkhū jānaṁ sappāṇakaṁ udakaṁ tiṇampi mattikampi siñciṁsu, tasmiṁ vatthusmiṁ

ekā paññatti,

channaṁ āpattisamuṭṭhānānaṁ tīhi samuṭṭhānehi samuṭṭhāti: - pe -

bhūtagāmavaggo dutiyo.

5. 3

1. asammatena bhikkhuniyo ovadantassa pācittiyaṁ kattha paññattanti: sāvatthiyaṁ paññattaṁ.
kaṁ ārabbhāti: chabbaggiye bhikkhū ārabbha

kismiṁ vatthusminti: chabbaggiyā bhikkhū asammatā bhikkhuniyo ovadiṁsu, tasmiṁ vatthusmiṁ
atthi tattha paññatti anupaññatti anuppannapaññattīti: ekā paññatti, ekā anupaññatti. anuppannapaññatti tasmiṁ natthi.

channaṁ āpattisamuṭṭhānānaṁ dvīhi samuṭṭhānehi samuṭṭhāti: siyā vācato samuṭṭhāti na kāyato na cittato. siyā vācato ca cittato ca samuṭṭhāti na kāyato - pe -

2. atthaṅgate suriye bhikkhuniyo ovadantassa pācittiyaṁ kattha paññattanti: sāvatthiyaṁ paññattaṁ.

kaṁ ārabbhāti: āyasmantaṁ cullapanthakaṁ 1- ārabbha

kismiṁ vatthusminti: āyasmā cullapanthako atthaṅgate suriye bhikkhuniyo ovadi, tasmiṁ vatthusmiṁ

1. cuḷapanthakaṁ - machasaṁ

[bjt page 052] [\x  52/]

ekā paññatti,

channaṁ āpattisamuṭṭhānānaṁ dvīhi samuṭṭhānehi samuṭṭhāti: padasodhamme - pe -

3. bhikkhunūpassayaṁ upasaṅkamitvā bhikkhuniyo ovadantassa pācittiyaṁ kattha paññattanti: sakkesu paññattaṁ.

kaṁ ārabbhāti: chabbaggiye bhikkhū ārabbha

kismiṁ vatthusminti: chabbaggiyā bhikkhū [pts page 017] [\q  17/]      bhikkhunūpassayaṁ upasaṅkamitvā bhikkhuniyo ovadiṁsu, tasmiṁ vatthusmiṁ

ekā paññatti, ekā anupaññatti.

channaṁ āpattisamuṭṭhānānaṁ dvīhi samuṭṭhānehi samuṭṭhāti - pe - kaṭhinake.

4. āmisahetu bhikkhū bhikkhuniyo ovadantīti bhaṇantassa pācittiyaṁ kattha paññattanti: sāvatthiyaṁ paññattaṁ.

kaṁ ārabbhāti: chabbaggiye bhikkhū ārabbha

kismiṁ vatthusminti: chabbaggiyā bhikkhū āmisahetu bhikkhū bhikkhuniyo ovadantīti bhaṇiṁsu, tasmiṁ vatthusmiṁ

ekā paññatti,

channaṁ āpattisamuṭṭhānānaṁ tīhi samuṭṭhānehi samuṭṭhāti: - pe -

5. aññātikāya bhikkhuniyā cīvaraṁ dentassa pācittiyaṁ kattha paññattanti: sāvatthiyaṁ paññattaṁ.
kaṁ ārabbhāti: aññataraṁ bhikkhuṁ ārabbha

kismiṁ vatthusminti: aññataro bhikkhu aññātikāya bhikkhuniyā cīvaraṁ adāsi, tasmiṁ vatthusmiṁ
ekā paññatti, ekā anupaññatti.

channaṁ āpattisamuṭṭhānānaṁ chahi samuṭṭhānehi samuṭṭhāti - pe -

6. aññātikāya bhikkhuniyā cīvaraṁ sibbentassa pācittiyaṁ kattha paññattanti: sāvatthiyaṁ paññattaṁ.

kaṁ ārabbhāti: āyasmantaṁ udāyiṁ ārabbha

kismiṁ vatthusminti: āyasmā udāyī aññātikāya bhikkhuniyā cīvaraṁ sibbesi, tasmiṁ vatthusmiṁ

ekā paññatti,

channaṁ āpattisamuṭṭhānānaṁ chahi samuṭṭhānehi samuṭṭhāti: - pe -

[bjt page 054] [\x  54/]

7. bhikkhuniyā saddhiṁ saṁvidhāya ekaddhānamaggaṁ paṭipajjantassa pācittiyaṁ kattha paññattanti: sāvatthiyaṁ paññattaṁ.

kaṁ ārabbhāti: chabbaggiye bhikkhū ārabbha

kismiṁ vatthusminti: chabbaggiyā bhikkhū bhikkhunīhi saddhiṁ saṁvidhāya ekaddhānamaggaṁ paṭipajjiṁsu, tasmiṁ vatthusmiṁ

ekā paññatti, ekā anupaññatti.

channaṁ āpattisamuṭṭhānānaṁ catūhi samuṭṭhānehi samuṭṭhāti: siyā kāyato samuṭṭhāti, na vācato na cittato siyā kāyato ca vācato ca samuṭṭhāti, na cittato siyā kāyato ca cittato ca samuṭṭhāti, na cāvato, siyā kāyato ca vācato ca cittato ca samuṭṭhāti - pe -

8. bhikkhuniyā saddhiṁ saṁvidhāya ekaṁ nāmaṁ abhiruhantassa pācittiyaṁ kattha paññattanti: sāvatthiyaṁ paññattaṁ.

kaṁ ārabbhāti: chabbaggiye bhikkhū ārabbha

kismiṁ vatthusminti: chabbaggiyā bhikkhū bhikkhunīhi saddhiṁ saṁvidhāya ekaṁ nāvaṁ abhirūhiṁsu, tasmiṁ vatthusmiṁ

ekā paññatti, ekā anupaññatti.

channaṁ āpattisamuṭṭhānānaṁ catūhi samuṭṭhānehi samuṭṭhāti - pe -

9. jānaṁ bhikkhunīparipācitaṁ piṇḍapātaṁ bhuñjantassa pācittiyaṁ kattha paññattanti: rājagahe paññattaṁ.

kaṁ ārabbhāti: devadattaṁ ārabbha

kismiṁ vatthusminti: devadatto jānaṁ bhikkhunīparipācitaṁ piṇḍapātaṁ bhuñji, tasmiṁ vatthusmiṁ

ekā paññatti, ekā anupaññatti

channaṁ āpattisamuṭṭhānānaṁ ekena samuṭṭhānena samuṭṭhāti: kāyato ca cittato ca samuṭṭhāti, na vācato - pe -

[pts page 018] [\q  18/]
10. bhikkhuniyā saddhiṁ eko ekāya raho nisajjaṁ kappentassa pācittiyaṁ kattha paññattanti: sāvatthiyaṁ paññattaṁ.

kaṁ ārabbhāti: āyasmantaṁ udāyiṁ ārabbha

kismiṁ vatthusminti: āyasmā udāyī bhikkhuniyā saddhiṁ eko ekāya raho nisajjaṁ kappesi, tasmiṁ vatthusmiṁ

ekā paññatti,

channaṁ āpattisamuṭṭhānānaṁ ekena samuṭṭhānehi samuṭṭhāti: kāyato ca cittato ca samuṭṭhāti, na vācato - pe -

ovādavaggo tatiyo.

[bjt page 056] [\x  56/]
5. 4

1. tatuttariṁ āvasathapiṇḍaṁ bhuñjantassa pācittiyaṁ kattha paññattanti: sāvatthiyaṁ paññattaṁ.
kaṁ ārabbhāti: chabbaggiye bhikkhū ārabbha

kismiṁ vatthusminti: chabbaggiyā bhikkhū anuvasitvā āvasathapiṇḍaṁ bhuñajiṁsu, tasmiṁ vatthusmiṁ
ekā paññatti, ekā anupaññatti.

channaṁ āpattisamuṭṭhānānaṁ dvīhi samuṭṭhānehi samuṭṭhāti - pe - phaḷakalomake.
2. gaṇabhojane pācittiyaṁ kattha paññattanti: rājagahe paññattaṁ.

kaṁ ārabbhāti: devadattaṁ ārabbha

kismiṁ vatthusminti: devadatto sapariso kulesu viññāpetvā viññāpetvā bhuñji, tasmiṁ vatthusmiṁ

ekā paññatti, sattaanupaññattiyo.

channaṁ āpattisamuṭṭhānānaṁ dvīhi samuṭṭhānehi samuṭṭhāti: - pe - eḷakalomakake
3. paramparabhojane pācittiyaṁ kattha paññattanti: vesāliyaṁ paññattaṁ.

kaṁ ārabbhāti: sambahule bhikkhū ārabbha

kismiṁ vatthusminti: sambahulā bhikkhū aññatra nimantitā aññatra bhuñjiṁsu, tasmiṁ vatthusmiṁ
ekā paññatti. catasso 1- anupaññattiyo.

channaṁ āpattisamuṭṭhānānaṁ dvīhi samuṭṭhānehi samuṭṭhāti: - pe - kaṭhinake.
4. dvattipattapūre pūve paṭiggahetvā tatuttariṁ paṭigaṇhantassa pācittiyaṁ kattha paññattanti: sāvatthiyaṁ paññattaṁ.

kaṁ ārabbhāti: sambahule bhikkhū ārabbha

kismiṁ vatthusminti: sambahule bhikkhū na mattaṁ jānitvā paṭiggahesuṁ tasmiṁ vatthusmiṁ
ekā paññatti,

channaṁ āpattisamuṭṭhānānaṁ chahi samuṭṭhānehi samuṭṭhāti - pe -

1. tisso - syā

[bjt page 058] [\x  58/]

5. bhuttāvinā pavāritena anatirittaṁ khādanīyaṁ vā bhojanīyaṁ vā bhuñjantassa pācittiyaṁ kattha paññattanti: sāvatthiyaṁ paññattaṁ.

kaṁ ārabbhāti: sambahule bhikkhū ārabbha

kismiṁ vatthusminti: sambahulā bhikkhū bhuttāvino pavāritā aññatra bhuñjiṁsu, tasmiṁ vatthusmiṁ
ekā paññatti, ekā anupaññatti.

channaṁ āpattisamuṭṭhānānaṁ dvīhi samuṭṭhānehi samuṭṭhāti: - pe - kaṭhinake.

6. bhikkhuṁ bhuttāviṁ pavāritaṁ anatirittena khādanīyena vā bhojanīyena vā abhihaṭṭhuṁ pavārentassa pācittiyaṁ kattha paññattanti: sāvatthiyaṁ paññattaṁ.

kaṁ ārabbhāti: aññataraṁ bhikkhuṁ ārabbha

kismiṁ vatthusminti: aññataro bhikkhu bhikkhuṁ bhuttāviṁ pavāritaṁ anatirittena bhojanīyena abhihaṭṭhuṁ pavāresi, tasmiṁ vatthusmiṁ

ekā paññatti,

channaṁ āpattisamuṭṭhānānaṁ tīhi samuṭṭhānehi samuṭṭhāti - pe -

[pts page 019] [\q  19/]
7. vikāle khādanīyaṁ vā bhojanīyaṁ vā bhuñjantassa pācittiyaṁ kattha paññattanti: rājagahe paññattaṁ.

kaṁ ārabbhāti: sattarasavaggiye bhikkhū ārabbha

kismiṁ vatthusminti: sattarasavaggiyā bhikkhū vikāle bhojanaṁ bhuñjiṁsu, tasmiṁ vatthusmiṁ
ekā paññatti,

channaṁ āpattisamuṭṭhānānaṁ dvīhi samuṭṭhānehi samuṭṭhāti: - pe - eḷakalomake.
8. sannidhikārakaṁ khādanīyaṁ vā bhojanīyaṁ vā bhuñjantassa pācittiyaṁ kattha paññattanti: sāvatthiyaṁ paññattaṁ.

kaṁ ārabbhāti: āyasmantaṁ belaṭṭhisīsaṁ ārabbha

kismiṁ vatthusminti: āyasmā belaṭṭhisīso sannidhikārakaṁ bhojanaṁ bhuñji, tasmiṁ vatthusmiṁ

ekā paññatti,

channaṁ āpattisamuṭṭhānānaṁ dvīhi samuṭṭhānehi samuṭṭhāti: - pe - eḷakalomake.
[bjt page 060] [\x  60/]

9. paṇītabhojanāni attano atthāya viññāpetvā bhuñjantassa pācittiyaṁ kattha paññattanti: sāvatthiyaṁ paññattaṁ.

kaṁ ārabbhāti: chabbaggiye bhikkhū ārabbha

kismiṁ vatthusminti: chabbaggiyā bhikkhū paṇītabhojanāni attano atthāya viññāpetvā bhuñjaṁsu, tasmiṁ vatthusmiṁ

ekā paññatti, ekā anupaññatti.

channaṁ āpattisamuṭṭhānānaṁ catūhi samuṭṭhānehi samuṭṭhāti - pe -

10. adinnaṁ mukhadvāraṁ āhāraṁ āharantassa pācittiyaṁ kattha paññattanti: vesāḷiyaṁ paññattaṁ.

kaṁ ārabbhāti: aññataraṁ bhikkhuṁ ārabbha

kismiṁ vatthusminti: aññataro bhikkhu adinnaṁ mukhadvāraṁ āhāraṁ āhāresi, 1- tasmiṁ vatthusmiṁ

ekā paññatti, ekā anupaññatti.

channaṁ āpattisamuṭṭhānānaṁ dvīhi samuṭṭhānehi samuṭṭhāti - pe - eḷakalomake.

bhojanavaggo catuttho.

5. 5

1. aceḷakassa vā paribbājakassa vā paribbajikāya vā sahatthā khādanīyaṁ vā bhojanīyaṁ vā dentassa pācittiyaṁ kattha paññattanti: vesāḷiyaṁ paññattaṁ.

kaṁ ārabbhāti: āyasmantaṁ ānandaṁ ārabbha

kismiṁ vatthusminti: āyasmā ānando aññatarissā paribbājikāya ekaṁ maññamāno dve pūve adāsi, tasmiṁ vatthusmiṁ

ekā paññatti,

channaṁ āpattisamuṭṭhānānaṁ dvīhi2- samuṭṭhānehi samuṭṭhāti - pe - eḷakalomake.
2. bhikkhuṁ ehāvuso 'gāmaṁ vā nigamaṁ vā piṇḍāya pavisissā mā'ti tassa dāpetvā vā adāpetvā vā uyyojentassa pācittiyaṁ kattha paññattanti: sāvatthiyaṁ paññattaṁ.

kaṁ ārabbhāti: āyasmantaṁ upanandaṁ sakyaputtaṁ ārabbha

kismiṁ vatthusminti: āyasmā upanando sakyaputto bhikkhuṁ 'ehāvuso gāmaṁ piṇḍāya pavisissāmā'ti tassa adāpetvā uyyojesi, tasmiṁ vatthusmiṁ

ekā paññatti,

channaṁ āpattisamuṭṭhānānaṁ tīhi samuṭṭhānehi samuṭṭhāti - pe -

1. āhari - machasaṁ 2. tīhi - sīmu. 1, 2

[bjt page 062] [\x  62/]

3. sabhojane kule anupakhajja nisajjaṁ kappentassa pācittiyaṁ kattha paññattanti: sāvatthiyaṁ paññattaṁ.

kaṁ ārabbhāti: āyasmantaṁ upanandaṁ sakyaputtaṁ ārabbha

kismiṁ vatthusminti: āyasmā upanando sakyaputto sabhojane kule anupakhajja nisajjaṁ kappesi, tasmiṁ vatthusmiṁ

ekā [pts page 020] [\q  20/]      paññatti,

channaṁ āpattisamuṭṭhānānaṁ ekena samuṭṭhānena samuṭṭhāti kāyato ca cittato ca samuṭṭhāti na vācato

4. mātugāmena saddhiṁ raho paṭicchanne āsane nisajjaṁ kappentassa pācittiyaṁ kattha paññattanti: sāvatthiyaṁ paññattaṁ.

kaṁ ārabbhāti: āyasmantaṁ upanandaṁ sakyaputtaṁ ārabbha

kismiṁ vatthusminti: āyasmā upanando sakyaputto mātugāmena saddhiṁ raho paṭicchanne āsane nisajjaṁ kappesi, tasmiṁ vatthusmiṁ

ekā paññatti,

channaṁ āpattisamuṭṭhānānaṁ ekena samuṭṭhānena samuṭṭhāti kāyato ca cittato ca samuṭṭhāti na vācato.

5. mātugāmena saddhiṁ eko ekāya raho nissajjaṁ kappentassa pācittiyaṁ kattha paññattanti: sāvatthiyaṁ paññattaṁ.

kaṁ ārabbhāti: āyasmantaṁ upanandaṁ sakyaputtaṁ ārabbha

kismiṁ vatthusminti: āyasmā upanando sakyaputto mātugāmena saddhiṁ eko ekāya raho nisajjaṁ kappesi, tasmiṁ vatthusmiṁ

ekā paññatti,

channaṁ āpattisamuṭṭhānānaṁ ekena samuṭṭhānena samuṭṭhāti kāyato ca cittato ca samuṭṭhāti na vācato.

6. nimantitena samattena santaṁ bhikkhuṁ anāpucchā purebhattaṁ vā pacchābhattaṁ vā 1kulesu cārittaṁ āpajjantassa pācittiyaṁ kattha paññattanti: rājagahe paññattaṁ.

kaṁ ārabbhāti: āyasmantaṁ upanandaṁ sakyaputtaṁ ārabbha

kismiṁ vatthusminti: āyasmā upanando sakyaputto nimantito sabhatto samāno purebhattampi pacchābhattampi kulesu cārittaṁ āpajji, tasmiṁ vatthusmiṁ

ekā paññatti, catasso anupaññattiyo.

channaṁ āpattisamuṭṭhānānaṁ dvīhi samuṭṭhānehi samuṭṭhāti - pe - kaṭhinake.

1. pure bhattaṁ pacchābhattaṁ - machasaṁ

[bjt page 064] [\x  64/]

7. tatuttariṁ bhesajjaṁ viññāpentassa pācittiyaṁ kattha paññattanti: sakkesu paññattaṁ.
kaṁ ārabbhāti: chabbaggiyā bhikkhū ārabbha

kismiṁ vatthusminti: chabbaggiyā bhikkhū mahānāmena sakkena ajjanho bhante āgamethāti vuccamānā nāgamesuṁ, tasmiṁ vatthusmiṁ

ekā paññatti,

channaṁ āpattisamuṭṭhānānaṁ chahi samuṭṭhānehi samuṭṭhāti - pe -

8. uyyuttaṁ senaṁ dassanāya gacchantassa pācittiyaṁ kattha paññattanti: sāvatthiyaṁ paññattaṁ.

kaṁ ārabbhāti: chabbaggiyā bhikkhū ārabbha

kismiṁ vatthusminti: chabbaggiyā bhikkhū uyyuttaṁ senaṁ dassanāya agamaṁsu, tasmiṁ vatthusmiṁ
ekā paññatti, ekā anupaññatti.

channaṁ āpattisamuṭṭhānānaṁ dvīhi samuṭṭhānehi samuṭṭhāti - pe - eḷakalomake

9. atirekatirattaṁ senāya vasantassa pācittiyaṁ kattha paññattanti: sāvatthiyaṁ paññattaṁ.
kaṁ ārabbhāti: chabbaggiye bhikkhū ārabbha

kismiṁ vatthusminti: chabbaggiyā bhikkhū atirekatirattaṁ senāya vasiṁsu, tasmiṁ vatthusmiṁ
ekā paññatti,

channaṁ āpattisamuṭṭhānānaṁ dvīhi samuṭṭhānehi samuṭṭhāti - pe - eḷakaḷomake.

10. uyyodhikaṁ gacchantassa pācittiyaṁ kattha paññattanti: sāvatthiyaṁ [pts page 021] [\q  21/]      paññattaṁ.

kaṁ ārabbhāti: chabbaggiye bhikkhū ārabbha

kismiṁ vatthusminti: chabbaggiyā bhikkhū uyyodhikaṁ agamaṁsu, tasmiṁ vatthusmiṁ

ekā paññatti,

channaṁ āpattisamuṭṭhānānaṁ dvīhi samuṭṭhānehi samuṭṭhāti - pe - eḷakalomake.
aceḷakavaggo pañcamo.

[bjt page 066] [\x  66/]

5. 6

1. surāmerayapāne pācittiyaṁ kattha paññattanti: kosambibaṁ paññattaṁ.

kaṁ ārabbhāti: āyasmā sāgataṁ ārabbha

kismiṁ vatthusminti: āyasmā sāgato majjaṁ pivi, tasmiṁ vatthusmiṁ

ekā paññatti,

channaṁ āpattisamuṭṭhānānaṁ dvīhi samuṭṭhānehi samuṭṭhāti: siyā kāyato samuṭṭhāti, na vācato na cittato. siyā kāyato ca cittato ca samuṭṭhāti, na cācato - pe -
2. aṅgulipatodake pācittiyaṁ kattha paññattanti: sāvatthiyaṁ paññattaṁ.

kaṁ ārabbhāti: chabbaggiyā bhikkhū ārabbha

kismiṁ vatthusminti: chabbaggiyā bhikkhū bhikkhuṁ aṅgulipatodakena hāsesuṁ tasmiṁ vatthusmiṁ
ekā paññatti,

channaṁ āpattisamuṭṭhānānaṁ ekena samuṭṭhānena samuṭṭhāti: kāyato ca cittato ca samuṭṭhāti, na vācato - pe -

3. udake hassadhamme 1- pācittiyaṁ kattha paññattanti: sāvatthiyaṁ paññattaṁ.

kaṁ ārabbhāti: sattarasavaggiye bhikkhū ārabbha

kismiṁ vatthusminti: sattarasavaggiyā bhikkhū aciravatiyā nadiyā udake kīḷiṁsu, tasmiṁ vatthusmiṁ
ekā paññatti,

channaṁ āpattisamuṭṭhānānaṁ ekena samuṭṭhānena samuṭṭhāti: kāyato ca cittato ca samuṭṭhāti, na vācato - pe -

4. anādariye pācittiyaṁ kattha paññattanti: kosambiyaṁ paññattaṁ.

kaṁ ārabbhāti: āyasmantaṁ channaṁ ārabbha

kismiṁ vatthusminti: āyasmā channo anādariyaṁ akāsi, tasmiṁ vatthusmiṁ

ekā paññatti,

channaṁ āpattisamuṭṭhānānaṁ tīhi samuṭṭhānehi samuṭṭhāti - pe -

5. bhikkhuṁ bhiṁsāpentassa pācittiyaṁ kattha paññattanti: sāvatthiyaṁ paññattaṁ.

kaṁ ārabbhāti: chabbaggiye bhikkhū ārabbha

1. hasadhamme - machasaṁ

[bjt page 068] [\x  68/]

kismiṁ vatthusminti: chabbaggiyā bhikkhū bhikkhuṁ bhiṁsāpesuṁ, tasmiṁ vatthusmiṁ

ekā paññatti,

channaṁ āpattisamuṭṭhānānaṁ tīhi samuṭṭhānehi samuṭṭhāti - pe -

6. jotiṁ samādahitvā visibbentassa pācittiyaṁ kattha paññattanti: bhaggesu paññattaṁ.
kaṁ ārabbhāti: sambahule bhikkhū ārabbha

kismiṁ vatthusminti: sambahulā bhikkhū jotiṁ samādahitvā visibbesuṁ tasmiṁ vatthusmiṁ
ekā paññatti, dve anupaññattiyo

channaṁ āpattisamuṭṭhānānaṁ chahi samuṭṭhānehi samuṭṭhāti - pe -

7. orenaddhamāsaṁ nahāyantassa pācittiyaṁ kattha paññattanti: rājagahe paññattaṁ.
kaṁ ārabbhāti: sambahule bhikkhū ārabbha

kismiṁ vatthusminti: sambahule bhikkhū rājānampi passitvā na mattaṁ jānitvā nahāyiṁsu, tasmiṁ vatthusmiṁ

ekā paññatti, cha anupaññattiyo

sabbattha paññatti padesapaññattīti: padesapaññatti.

channaṁ āpattisamuṭṭhānānaṁ dvīhi samuṭṭhānehi samuṭṭhāti: - pe - eḷakalomake.
[pts page 022] [\q  22/]
8. anādiyitvā tiṇṇaṁ dubbaṇṇakaraṇānaṁ aññataraṁ dubbaṇṇakaraṇaṁ navaṁ cīvaraṁ paribhuñjantassa pācittiyaṁ kattha paññattanti: sāvatthiyaṁ paññattaṁ.

kaṁ ārabbhāti: sambahule bhikkhū ārabbha

kismiṁ vatthusminti: sambahulā bhikkhū attano cīvaraṁ na sañjāniṁsu, tasmiṁ vatthusmiṁ
ekā paññatti,

channaṁ āpattisamuṭṭhānānaṁ dvīhi samuṭṭhānehi samuṭṭhāti - pe - eḷakalomake

9. bhikkhussa vā bhikkhuniyā vā sikkhamānāya vā sāmaṇerassa vā sāmaṇeriyā vā sāmaṁ cīvaraṁ vikappetvā apaccuddhārakaṁ 1paribhuñjantassa pācittiyaṁ kattha paññattanti: sāvatthiyaṁ paññattaṁ.

kaṁ ārabbhāti: āyasmantaṁ upanandaṁ sakyaputtaṁ ārabbha

kismiṁ vatthusminti: āyasmā upanando sakyaputto bhikkhussa sāmaṁ cīvaraṁ vikappetvā apaccuddhārakaṁ paribhuñji, tasmiṁ vatthusmiṁ

ekā paññatti,

channaṁ āpattisamuṭṭhānānaṁ dvīhi samuṭṭhānehi samuṭṭhāti - pe - kaṭhinake.

1. appaccuddhāraṇaṁ - machasaṁ 2. appaccuddhārakaṁ - syā

[bjt page 070] [\x  70/]

10. bhikkhussa pattaṁ vā cīvaraṁ vā nisīdanaṁ vā sūcigharaṁ vā kāyabandhanaṁ vā apanidhentassa pācittiyaṁ kattha paññattanti: sāvatthiyaṁ paññattaṁ.

kaṁ ārabbhāti: chabbaggiye bhikkhū ārabbha

kismiṁ vatthusminti: chabbaggiyā bhikkhū bhikkhūnaṁ pattampi civarampi apanidhesuṁ, tasmiṁ vatthusmiṁ
ekā paññatti,

channaṁ āpattisamuṭṭhānānaṁ tīhi samuṭṭhānehi samuṭṭhāti - pe -

surāmerayavaggo chaṭṭho.

5. 7

1. sañcicca pānaṁ jīvitā voropentassa pācittiyaṁ kattha paññattanti: sāvatthīyaṁ paññattaṁ.

kaṁ ārabbhāti: āyasmantaṁ udāyiṁ ārabbha

kismiṁ vatthusminti: āyasmā udāyi sañcicca pāṇaṁ jīvitā voropesi, tasmiṁ vatthusmiṁ
ekā paññatti,

channaṁ āpattisamuṭṭhānānaṁ tīhi samuṭṭhānehi samuṭṭhāti - pe -

2. jānaṁ sappāṇakaṁ udakaṁ paribhuñjantassa pācittiyaṁ kattha paññattanti: sāvatthiyaṁ paññattaṁ.

kaṁ ārabbhāti: chabbaggiye bhikkhū ārabbha

kismiṁ vatthusminti: chabbaggiyā bhikkhū jānaṁ sappāṇakaṁ udakaṁ paribhuñjiṁsu, tasmiṁ vatthusmiṁ
ekā paññatti,

channaṁ āpattisamuṭṭhānānaṁ tīhi samuṭṭhānehi samuṭṭhāti - pe -

3. jānaṁ yathādhammaṁ nihatādhikaraṇaṁ puna kammāya ukkoṭentassa pācittiyaṁ kattha paññattanti: sāvatthiyaṁ paññattaṁ.

kaṁ ārabbhāti: chabbaggiye bhikkhū ārabbha

kismiṁ vatthusminti: chabbaggiyā bhikkhū jānaṁ yathādhammaṁ nihatādhikaraṇaṁ puna kammāya ukkoṭesuṁ, tasmiṁ vatthusmiṁ

ekā paññatti,

channaṁ āpattisamuṭṭhānānaṁ tīhi samuṭṭhānehi samuṭṭhāti - pe -

[bjt page 072] [\x  72/]

4. bhikkhussa jānaṁ duṭṭhullaṁ āpattiṁ paṭicchādentassa pācittiyaṁ kattha paññattanti: sāvatthiyaṁ paññattaṁ.

kaṁ ārabbhāti: aññataraṁ [pts page 023] [\q  23/]      bhikkhuṁ ārabbha

kismiṁ vatthusminti: aññataro bhikkhu bhikkhussa jānaṁ duṭṭhullaṁ āpattiṁ paṭicchādesi, tasmiṁ vatthusmiṁ

ekā paññatti,

channaṁ āpattisamuṭṭhānānaṁ ekena samuṭṭhānena samuṭṭhāti kāyato ca vācato ca citatto ca samuṭṭhāti - pe -

25. jānaṁ ūnavīsativassaṁ puggalaṁ upasampādentassa pācittiyaṁ kattha paññattanti: sāvatthiyaṁ paññattaṁ.

kaṁ ārabbhāti: sambahule bhikkhū ārabbha

kismiṁ vatthusminti: sambahulā bhikkhū jānaṁ ūnavīsativassaṁ upasampādesuṁ, tasmiṁ vatthusmiṁ
ekā paññatti,

channaṁ āpattisamuṭṭhānānaṁ tīhi samuṭṭhānehi samuṭṭhāti - pe -

6. jānaṁ theyyasatthena saddhiṁ saṁvidhāya ekaddhānamaggaṁ paṭipajjantassa pācittiyaṁ kattha paññattanti: sāvatthiyaṁ paññattaṁ.

kaṁ ārabbhāti: aññataraṁ bhikkhuṁ ārabbha

kismiṁ vatthusminti: aññataro bhikkhu jānaṁ theyyasatthena saddhiṁ saṁvidhāya ekaddhānamaggaṁ paṭipajji, tasmiṁ vatthusmiṁ

ekā paññatti,

channaṁ āpattisamuṭṭhānānaṁ dvīhi samuṭṭhānehi samuṭṭhāti: siyā kāyato ca cittato ca samuṭṭhāti, na vācato siyā kāyato ca vācato ca citto ca samuṭṭhāti - pe -
7. mātugāmena saddhiṁ saṁvidhāya ekaddhānamaggaṁ paṭipajjantassa pācittiyaṁ kattha paññattanti: sāvatthiyaṁ paññattaṁ.

kaṁ ārabbhāti: aññataraṁ bhikkhuṁ ārabbha

kismiṁ vatthusminti: aññataro bhikkhu mātugāmena saddhiṁ saṁvidhāya ekaddhānamaggaṁ paṭipajji, tasmiṁ vatthusmiṁ

ekā paññatti,

channaṁ āpattisamuṭṭhānānaṁ catūhi samuṭṭhānehi samuṭṭhāti - pe -

8. pāpikāya diṭṭhiyā yāvatatiyaṁ samanubhāsanāya nappaṭinissajjantassa pācittiyaṁ kattha paññattanti: sāvatthiyaṁ paññattaṁ.

[bjt page 074] [\x  74/]

kaṁ ārabbhāti: ariṭṭhaṁ bhikkhuṁ gaddhabādhipubbaṁ ārabbha

kismiṁ vatthusminti: ariṭṭho bhikkhu gaddhabādhipubbo pāpikaṁ diṭṭhiṁ 1- yāvatatiyaṁ samanubhāsanāya nappaṭinissajji, tasmiṁ vatthusmiṁ

ekā paññatti,

channaṁ āpattisamuṭṭhānānaṁ ekena samuṭṭhānena samuṭṭhāti kāyato ca vācato ca citatto ca samuṭṭhāti - pe -

9. jānaṁ tathāvādinā bhikkhunā 2- akatānudhammena 3- taṁ diṭṭhiṁ appaṭinissaṭṭhena saddhiṁ sambhuñjantassa pācittiyaṁ kattha paññattanti: sāvatthiyaṁ paññattaṁ.

kaṁ ārabbhāti: chabbaggiye bhikkhū ārabbha

kismiṁ vatthusminti: chabbaggiyā bhikkhū jānaṁ tathāvādinā ariṭṭhena bhikkhunā akatānudhammena taṁ diṭṭhiṁ appaṭinissaṭṭhena saddhiṁ sambhuñajiṁsu, tasmiṁ vatthusmiṁ

ekā paññatti,

channaṁ āpattisamuṭṭhānānaṁ tīhi samuṭṭhānehi samuṭṭhāti - pe -

10. jānaṁ tathānāsitaṁ samaṇuddesaṁ upalāpentassa pācittiyaṁ kattha paññattanti: sāvatthiyaṁ paññattaṁ.

kaṁ ārabbhāti: chabbaggiye bhikkhū ārabbha

kismiṁ vatthusminti: chabbaggiyā bhikkhū jānaṁ tathānāsitaṁ [pts page 024] [\q  24/]      kaṇṭakaṁ samaṇuddesaṁ upalāpesuṁ, tasmiṁ vatthusmiṁ

ekā paññatti,

channaṁ āpattisamuṭṭhānānaṁ tīhi samuṭṭhānehi samuṭṭhāti - pe -

sappāṇakavaggo sattamo.

1. bhikkhūhi sahadhammikaṁ vuccamāno na tāvāhaṁ āvuso etasmiṁ sikkhāpade yāva nāññaṁ bhikkhuṁ viyattaṁ 4- vinayadharaṁ paripucchissāmīti bhaṇantassa pācittiyaṁ kattha paññattanti: kosambiyaṁ paññattaṁ.

kaṁ ārabbhāti: āyasmantaṁ channaṁ ārabbha

1. pāpikāya diṭṭhiyā - simu 2 machasaṁ
2. (ariṭṭhena) bhikkhunā - simu 2
3. akaṭānudhammena - machasaṁ
4. byattaṁ, machasaṁ

[bjt page 076] [\x  76/]

kismiṁ vatthusminti: āyasmā channo bhikkhūhi sahadhammikaṁ vuccamāno na tāvāhaṁ āvuso etasmiṁ sikkhāpade sikkhissāmi, yāva nāññaṁ bhikkhuṁ viyattaṁ vinayadharaṁ paripucchissāmīti bhaṇi, tasmiṁ vatthusmiṁ

ekā paññatti,

channaṁ āpattisamuṭṭhānānaṁ tīhi samuṭṭhānehi samuṭṭhāti - pe -

2. vinayaṁ vīvaṇṇentassa pācittiyaṁ kattha paññattanti: sāvatthiyaṁ paññattaṁ.

kaṁ ārabbhāti: chabbaggiye bhikkhū ārabbha

kismiṁ vatthusminti: chabbaggiyā bhikkhū vinayaṁ vivaṇṇesuṁ, tasmiṁ vatthusmiṁ

ekā paññatti,

channaṁ āpattisamuṭṭhānānaṁ tīhi samuṭṭhānehi samuṭṭhāti - pe -

3. mohanake pācittiyaṁ kattha paññattanti: sāvatthiyaṁ paññattaṁ.

kaṁ ārabbhāti: chabbaggiye bhikkhū ārabbha

kismiṁ vatthusminti: chabbaggiyā bhikkhū mohesuṁ tasmiṁ vatthusmiṁ

ekā paññatti,

channaṁ āpattisamuṭṭhānānaṁ tīhi samuṭṭhānehi samuṭṭhāti - pe -

4. bhikkhussa kupitena anattamanena pahāraṁ dentassa pācittiyaṁ kattha paññattanti: sāvatthiyaṁ paññattaṁ.

kaṁ ārabbhāti: chabbaggiye bhikkhū ārabbha

kismiṁ vatthusminti: chabbaggiyā bhikkhū kupitā anattamanā bhikkhūnaṁ pahāraṁ adaṁsu, tasmiṁ vatthusmiṁ

ekā paññatti,

channaṁ āpattisamuṭṭhānānaṁ ekena samuṭṭhānena samuṭṭhāti: kāyato ca cittato ca samuṭṭhāti, na vācato - pe -

5. bhikkhussa kupitena anattamanena talasattikaṁ uggirantassa pācittiyaṁ kattha paññattanti: sāvatthiyaṁ paññattaṁ.

kaṁ ārabbhāti: chabbaggiye bhikkhū ārabbha

kismiṁ vatthusminti: chabbaggiyā bhikkhū kupitā anattamanā bhikkhūnaṁ talasattikaṁ uggiriṁsu, tasmiṁ vatthusmiṁ

ekā paññatti,

channaṁ āpattisamuṭṭhānānaṁ ekena samuṭṭhānena samuṭṭhāti: kāyato ca cittato ca samuṭṭhāti, na vācato - pe -

[bjt page 078] [\x  78/]

6. bhikkhuṁ amūlakena saṅghādisesena anuddhaṁsentassa pācittiyaṁ kattha paññattanti: sāvatthiyaṁ paññattaṁ.

kaṁ ārabbhāti: chabbaggiye bhikkhū ārabbha

kismiṁ vatthusminti: chabbaggiyā bhikkhū bhikkhuṁ amūlakena saṅghādisesena anuddhaṁsesuṁ, tasmiṁ vatthusmiṁ

ekā paññatti,

channaṁ āpattisamuṭṭhānānaṁ tīhi samuṭṭhānehi samuṭṭhāti - pe -

7. bhikkhussa sañcicca kukkuccaṁ upadahantassa 1- pācittiyaṁ kattha paññattanti: sāvatthiyaṁ paññattaṁ.

kaṁ ārabbhāti: chabbaggiye bhikkhū ārabbha

kismiṁ vatthusminti: chabbaggiyā bhikkhū bhikkhūnaṁ sañcicca kukkuccaṁ upadahiṁsu, tasmiṁ vatthusmiṁ
ekā paññatti,

channaṁ āpattisamuṭṭhānānaṁ tīhi samuṭṭhānehi samuṭṭhāti - pe -

8. bhikkhūnaṁ bhaṇḍanajātānaṁ kalahajātānaṁ [pts page 025] [\q  25/]      vivādāpannānaṁ upassutiṁ tiṭṭhantassa pācittiyaṁ kattha paññattanti: sāvatthiyaṁ paññattaṁ.

kaṁ ārabbhāti: chabbaggiye bhikkhū ārabbha

kismiṁ vatthusminti: chabbaggiyā bhikkhū bhikkhūnaṁ bhaṇḍanajātānaṁ kalahajātānaṁ vivādāpannānaṁ upassutiṁ tiṭṭhahiṁsu, tasmiṁ vatthusmiṁ

ekā paññatti,

channaṁ āpattisamuṭṭhānānaṁ dvīhi samuṭṭhānehi samuṭṭhāti siyā kāyato ca cittato ca samuṭṭhāti, na vācato siyā kāyato ca vācato ca citatto ca samuṭṭhāti - pe -
9. dhammikānaṁ kammānaṁ chandaṁ datvā pacchā khiyanadhammaṁ āpajjantassa pācittiyaṁ kattha paññattanti: sāvatthiyaṁ paññattaṁ.

kaṁ ārabbhāti: chabbaggiye bhikkhū ārabbha

kismiṁ vatthusminti: chabbaggiyā bhikkhū dhammikānaṁ kammānaṁ chandaṁ datvā pacchā khī*yanadhammaṁ āpajjiṁsu, tasmiṁ vatthusmiṁ

ekā paññatti,

channaṁ āpattisamuṭṭhānānaṁ tīhi samuṭṭhānehi samuṭṭhāti - pe -

10. saṅghe vinicchayakathāya vattamānāya chandaṁ adatvā vuṭṭhāyāsanā pakkamantassa pācittiyaṁ kattha paññattanti: sāvatthiyaṁ paññattaṁ.

kaṁ ārabbhāti: aññataraṁ bhikkhuṁ ārabbha

1. uppādentassa - syā.

[bjt page 080] [\x  80/]

kismiṁ vatthusminti: aññataro bhikkhu saṅghe vinicchayakathāya vattamānāya chandaṁ adatvā uṭṭhāyāsanā pakkami. 2- tasmiṁ vatthusmiṁ

ekā paññatti,

channaṁ āpattisamuṭṭhānānaṁ ekena samuṭṭhānena samuṭṭhāti kāyato ca vācato ca cittato ca samuṭṭhāti - pe -

11. samaggena saṅghena cīvaraṁ datvā pacchā khīyanadhammaṁ āpajjantassa pācittiyaṁ kattha paññattanti: rājagahe paññattaṁ.

kaṁ ārabbhāti: chabbaggiye bhikkhū ārabbha

kismiṁ vatthusminti: chabbaggiyā bhikkhū samaggena saṅghena cīvaraṁ datvā pacchā khīyanadhammaṁ āpajjiṁsu, tasmiṁ vatthusmiṁ

ekā paññatti,

channaṁ āpattisamuṭṭhānānaṁ tīhi samuṭṭhānehi samuṭṭhāti - pe -

12. jānaṁ saṁghikaṁ lābhaṁ pariṇataṁ puggalassa pariṇāmentassa pācittiyaṁ kattha paññattanti: sāvatthiyaṁ paññattaṁ.

kaṁ ārabbhāti: chabbaggiye bhikkhū ārabbha

kismiṁ vatthusminti: chabbaggiyā bhikkhū jānaṁ saṅghikaṁ lābhaṁ pariṇataṁ puggalassa pariṇāmesuṁ, tasmiṁ vatthusmiṁ

ekā paññatti,

channaṁ āpattisamuṭṭhānānaṁ tīhi samuṭṭhānehi samuṭṭhāti - pe -

sahadhammikavaggo aṭṭhamo.

5. 9

1. pubbe appaṭisaṁviditena rañño antepuraṁ pavisantassa pācittiyaṁ kattha paññattanti: sāvatthiyaṁ paññattaṁ.

kaṁ ārabbhāti: āyasmantaṁ ānandaṁ ārabbha

kismiṁ vatthusminti: āyasmā ānando pubbe appaṭisaṁvidito rañño antepuraṁ pāvisi, tasmiṁ vatthusmiṁ

ekā paññatti,

channaṁ āpattisamuṭṭhānānaṁ dvīhi samuṭṭhānehi samuṭṭhāti - pe - kaṭhinake

2. ratanaṁ uggaṇhantassa pācittiyaṁ kattha paññattanti: sāvatthiyaṁ [pts page 026] [\q  26/]      paññattaṁ.

kaṁ ārabbhāti: aññataraṁ bhikkhuṁ ārabbha

2. pakkāmi - machasaṁ

[bjt page 082] [\x  82/]

kismiṁ vatthusminti: aññataro bhikkhu ratanaṁ uggahesi, tasmiṁ vatthusmiṁ

ekā paññatti, dve anupaññattiyo

channaṁ āpattisamuṭṭhānānaṁ chahi samuṭṭhānehi samuṭṭhāti - pe -
3. santaṁ bhikkhuṁ anāpucchā vikāle gāmaṁ pavisantassa pācittiyaṁ kattha paññattanti: sāvatthiyaṁ paññattaṁ.

kaṁ ārabbhāti: chabbaggiye bhikkhū ārabbha

kismiṁ vatthusminti: chabbaggiyā bhikkhū vikāle gāmaṁ pavisiṁsu, tasmiṁ vatthusmiṁ

ekā paññatti, tisso anupaññattiyo

channaṁ āpattisamuṭṭhānānaṁ dvīhi samuṭṭhānehi samuṭṭhāti - pe - kaṭhinake

4. aṭṭhimayaṁ vā dantamayaṁ vā visāṇamayaṁ vā sūcigharaṁ kārāpentassa pācittiyaṁ kattha paññattanti: sakkesu paññattaṁ.

kaṁ ārabbhāti: sambahule bhikkhū ārabbha

kismiṁ vatthusminti: sambahulā bhikkhū na mattaṁ pānitvā bahū sucīghare viññāpesuṁ, tasmiṁ vatthusmiṁ

ekā paññatti,

channaṁ āpattisamuṭṭhānānaṁ chahi samuṭṭhānehi samuṭṭhāti - pe -

5. pamāṇātikkantaṁ mañcaṁ vā pīṭhaṁ vā kārāpentassa pācittiyaṁ kattha paññattanti: sāvatthiyaṁ paññattaṁ.

kaṁ ārabbhāti: āyasmantaṁ upanandaṁ sakyaputtaṁ ārabbha

kismiṁ vatthusminti: āyasmā upanando sakyaputto ucce mañce sayi, tasmiṁ vatthusmiṁ
ekā paññatti,

channaṁ āpattisamuṭṭhānānaṁ chahi samuṭṭhānehi samuṭṭhāti - pe -

6. mañcaṁ vā pīṭhaṁ vā tulonaddhaṁ kārāpentassa pācittiyaṁ kattha paññattanti: sāvatthiyaṁ paññattaṁ.

kaṁ ārabbhāti: chabbaggiye bhikkhū ārabbha

kismiṁ vatthusminti: chabbaggiyā bhikkhū mañcampi pīṭhampi 1tulonaddhaṁ kārāpesuṁ, tasmiṁ vatthusmiṁ

ekā paññatti,

channaṁ āpattisamuṭṭhānānaṁ chahi samuṭṭhānehi samuṭṭhāti - pe -

1. mañcaṁ vā pīṭhaṁ vā - sīmu 2 machasaṁ

[bjt page 084] [\x  84/]

7. pamāṇātikkantaṁ nisīdanaṁ kārāpentassa pācittiyaṁ kattha paññattanti: sāvatthiyaṁ paññattaṁ.

kaṁ ārabbhāti: chabbaggiye bhikkhū ārabbha

kismiṁ vatthusminti: chabbaggiyā bhikkhū appamāṇikāni nisīdanāni dhāresuṁ, tasmiṁ vatthusmiṁ
ekā paññatti,

channaṁ āpattisamuṭṭhānānaṁ chahi samuṭṭhānehi samuṭṭhāti - pe -

8. pamāṇātikkantaṁ kaṇḍupaṭicchādiṁ kārāpentassa pācittiyaṁ kattha paññattanti: sāvatthiyaṁ paññattaṁ.

kaṁ ārabbhāti: chabbaggiye bhikkhū ārabbha

kismiṁ vatthusminti: chabbaggiyā bhikkhū appamāṇikāyo kaṇḍupaṭicchādiyo dhāresuṁ, tasmiṁ vatthusmiṁ

ekā paññatti,

channaṁ āpattisamuṭṭhānānaṁ chahi samuṭṭhānehi samuṭṭhāti - pe -

9. pamāṇātikkantaṁ vassikasāṭikaṁ kārāpentassa pācittiyaṁ kattha paññattanti: sāvatthiyaṁ paññattaṁ.

kaṁ ārabbhāti: chabbaggiye bhikkhū ārabbha

kismiṁ vatthusminti: chabbaggiyā bhikkhū appamāṇikāyo vassikasāṭikāyo dhāresuṁ, tasmiṁ vatthusmiṁ

ekā paññatti,

channaṁ āpattisamuṭṭhānānaṁ chahi samuṭṭhānehi samuṭṭhāti - pe -

[pts page 027] [\q  27/]
10. sugatacīvarappamāṇāṁ cīvaraṁ kārāpentassa pācittiyaṁ kattha paññattanti: sāvatthiyaṁ paññattaṁ.

kaṁ ārabbhāti: āyasmantaṁ nandaṁ ārabbha

kismiṁ vatthusminti: āyasmā nando sugatacīvarappamāṇaṁ cīvaraṁ dhāresi, tasmiṁ vatthusmiṁ

ekā paññatti,

channaṁ āpattisamuṭṭhānānaṁ chahi samuṭṭhānehi samuṭṭhāti - pe -

rājavaggo navamo.

dvenavuti pācittiyā niṭṭhitā.

[bjt page 086] [\x  86/]

tassuddānaṁ:

1. musā omasa pesuññā - padaso dve nipajjanā,
desanā rocanā ceva - duṭṭhullāpatti khaṇanā.

2. bhūtaññavāda 1- ujjhāyī - mañco seyyā ca vuccati,
pubbanikkaḍḍhanāhacca 2- - dvāraṁ sappāṇakena ca.

3. asammatā atthaṅgate - upassayāmisena ca,
dade sibbe vidhānena - nāvā bhuñjeyya ekato

4. piṇḍaṁ gaṇaṁ paraṁ pūvaṁ - pavārito pavāritaṁ,
vikālaṁ sannidhi khīraṁ - dantapoṇena te dasa.

5. aceḷakā uyyokhajja 3- - paṭicchannaṁ rahena ca,
nimantito paccayehi - senāvasathuyyodhikaṁ.

6. surā aṅguli hāso ca - anādariyañca bhiṁsanā,
joti nahāna dubbaṇṇā - sāmaṁ apanidhena ca.

1. bhūtaṁ aññāya, machasaṁ 2. pubbe nikkaḍḍhanā - machasaṁ
3. acelakānupakhajja - si

[bjt page 088] [\x  88/]

7. sañciccūdaka kammā ca - duṭṭhullaṁ ūnavīsati,
theyya itthi avadesaṁ - saṁvāsenāsitena ca.

8. sahadhammika vilekhā - meho pahārenuggire.
amūlakañca sañcicca - sossāmi khīye pakkame.
saṅghena cīvaraṁ datvā - pariṇāmeyya puggalo.

9. raññañca ratanaṁ sattaṁ - sūcī mañco ca tulakā
nisīdanaṁ kaṇḍucchādi - vassikā sugatena cāti.

tesaṁ vaggānaṁ uddānaṁ:

musā bhūtā ca ovādo - bhojanāceḷakena ca,
surā sappāṇakā dhammo - rājavaggena te navāti.

1. 6

pāṭidesaniyakaṇḍo

1. yaṁ tena bhagavatā jānatā passatā arahatā sammāsambuddhena aññātikāya bhikkhuniyā antaragharaṁ paviṭṭhāya hatthato khādanīyaṁ vā bhojanīyaṁ vā sahatthā paṭiggahtvo bhuñjantassa pāṭidesaniyaṁ kattha paññattanti: sāvatthiyaṁ paññattaṁ.

kaṁ ārabbhāti: aññataraṁ bhikkhuṁ ārabbha

kismiṁ vatthusminti: aññataro bhikkhu aññātikāya bhikkhuniyā antaragharaṁ paviṭṭhāya hatthato āmisaṁ paṭiggahesi, tasmiṁ vatthusmiṁ

ekā paññatti,

channaṁ āpattisamuṭṭhānānaṁ dvīhi [pts page 028] [\q  28/]      samuṭṭhānehi samuṭṭhāti: siyā kāyato samuṭṭhāti, na vācato na cittato. siyā kāyato ca cittato ca samuṭṭhāti na vācato - pe -

[bjt page 090] [\x  90/]

2. bhikkhuniyā vosāsantiyā na nivāretvā bhuñjantassa pāṭidesanīyaṁ kattha paññattanti: rājagahe paññattaṁ

kaṁ ārabbhāti: chabbaggiye bhikkhū ārabbha

kismiṁ vatthusminti: chabbaggiyā bhikkhū bhikkhuniyo vosāsantiyo na nivāresuṁ, tasmiṁ vatthusmiṁ

ekā paññatti,

channaṁ āpattisamuṭṭhānānaṁ dvīhi samuṭṭhānehi samuṭṭhāti: siyā kāyato ca vācato ca samuṭṭhāti, na cittato siyā kāyato ca vācato ca cittato ca samuṭṭhāti - pe -

3. sekhasammatesu kulase khādanīyaṁ vā bhojanīyaṁ vā sahatthā paṭiggahetvā bhuñjantassa pāṭidesanīyaṁ kattha paññattanti: sāvatthiyaṁ paññattaṁ

kaṁ ārabbhāti: sambahule bhikkhū ārabbha

kismiṁ vatthusminti: sambahulā bhikkhū na mattaṁ jānitvā paṭiggahesuṁ tasmiṁ vatthusmiṁ
ekā paññatti, dve anupaññattiyo

channaṁ āpattisamuṭṭhānānaṁ dvīhi samuṭṭhānehi samuṭṭhāti: siyā kāyato samuṭṭhāti, na vācato na cittato. siyā kāyato ca cittato ca samuṭṭhāti na vācato - pe -
4. āraññakesu senāsanesu pubbe appaṭisaṁviditaṁ khādanīyaṁ vā bhojanīyaṁ vā ajjhārāme sahatthā paṭiggahetvā bhuñjantassa pāṭidesanīyaṁ kattha paññattanti: sakkesu paññattaṁ

kaṁ ārabbhāti: sambahule bhikkhū ārabbha

kismiṁ vatthusminti:

sambahulā bhikkhū ārāme core paṭivasante nārocesuṁ, tasmiṁ vatthusmiṁ

ekā paññatti,

channaṁ āpattisamuṭṭhānānaṁ dvīhi samuṭṭhānehi samuṭṭhāti: siyā kāyato ca vācato ca samuṭṭhāti, na cittato. siyā kāyato ca vācato ca cittato ca samuṭṭhāti - pe -
cattāro pāṭidesaniyā niṭṭhitā

tassuddānaṁ:
aññātikāya vosāsaṁ - sekhāraññakena ca,
pāṭidesanīyā cattāro - sambuddhena pakāsitāti.

[bjt page 092] [\x  92/]

1. 7
sekhiyā

1. yaṁ tena bhagavatā jānatā passatā arahatā sammāsambudadhena anādariyaṁ paṭicca purato vā pacchato vā olambantena nivāsentassa dukkaṭaṁ kattha paññattanti: sāvatthiyaṁ paññattaṁ

kaṁ ārabbhāti: chabbaggiye bhikkhū ārabbha

kismiṁ vatthusminti: chabbaggiyā bhikkhū puratopi pacchatopi olambentā nivāsesuṁ, tasmiṁ vatthusmiṁ

ekā paññatti,

channaṁ āpattisamuṭṭhānānaṁ ekena samuṭṭhānena samuṭṭhāti: kāyato ca cittato ca samuṭṭhāti na vācato - pe -

2. anādariyaṁ paṭicca purato vā pacchato vā olambantena pārupantassa dukkaṭaṁ kattha paññattanti: sāvatthiyaṁ paññattaṁ

kaṁ ārabbhāti: chabbaggiye bhikkhū ārabbha

kismiṁ vatthusminti: chabbaggiyā bhikkhū puratopi pacchatopi olambentā pārupiṁsu, tasmiṁ vatthusmiṁ

ekā paññatti,

channaṁ āpattisamuṭṭhānānaṁ ekena samuṭṭhānena samuṭṭhāti: kāyato ca cittato ca samuṭṭhāti na vācato - pe -

3. anādariyaṁ paṭicca kāyaṁ vivaritvā antaraghare gacchantassa dukkaṭaṁ kattha paññattanti: sāvatthiyaṁ paññattaṁ

kaṁ ārabbhāti: chabbaggiyā bhikkhū kāyaṁ vivaritvā antaraghare gacchiṁsu,

kismiṁ vatthusminti: chabbaggiyā bhikkhu kāyaṁ antaraghare gacchiṁsu, tasmiṁ vatthusmiṁ

ekā paññatti,

channaṁ āpattisamuṭṭhānānaṁ ekena samuṭṭhānena samuṭṭhāti: kāyato ca cittato. ca samuṭṭhāti na vācato - pe -

[pts page 029] [\q  29/]
4. anādariyaṁ paṭicca kāyaṁ vivaritvā antaraghare nisīdantassa dukkaṭaṁ kattha paññattanti: sāvatthiyaṁ paññattaṁ

kaṁ ārabbhāti: kaṁ ārabbhāti: chabbaggiye bhikkhū ārabbha.

kismiṁ vatthusminti: chabbaggiyā bhikkhū kāyaṁ vivaritvā antaraghare nasīdiṁsu, tasmiṁ vatthusmiṁ

ekā paññatti,

ekena samuṭṭhānena samuṭṭhāti: kāyato ca cittato ca samuṭṭhāti na vācato - pe -
5. anādariyaṁ paṭicca hatthaṁ vā pādaṁ vā kiḷāpentena antaraghare gacchantassa dukkaṭaṁ kattha paññattanti: sāvatthiyaṁ paññattaṁ

kaṁ ārabbhāti: chabbaggiye bhikkhū ārabbha.
kismiṁ vatthusminti: chabbaggiyā bhikkhū hatthampi pādampi kīḷāpentā antaraghare gacchiṁsu, tasmiṁ vatthusmiṁ

ekā paññatti,

[bjt page 094] [\x  94/]

ekena samuṭṭhānena samuṭṭhāti: kāyato ca cittato ca samuṭṭhāti na vācato

6. anādariyaṁ paṭicca hatthaṁ vā pādaṁ vā kiḷāpentena antaraghare nisidantassa dukkaṭaṁ kattha paññattanti: sāvatthiyaṁ paññattaṁ

kaṁ ārabbhāti: chabbaggiye bhikkhū ārabbha

kismiṁ vatthusminti: chabbaggiyā bhikkhū hatthampi pādampi kīḷāpentā antaraghare nisidaṁsu, tasmiṁ vatthusmiṁ

ekā paññatti,

channaṁ āpattisamuṭṭhānānaṁ ekena samuṭṭhānena samuṭṭhāti: kāyato ca cittato ca samuṭṭhāti na vācato

7. anādariyaṁ paṭicca tahaṁ tahaṁ olokentena antaraghare gacchantassa dukkaṭaṁ kattha paññattanti: sāvatthiyaṁ paññattaṁ

kaṁ ārabbhāti: chabbaggiye bhikkhū ārabbha

kismiṁ vatthusminti: chabbaggiyā bhikkhū tahaṁ tahaṁ olokentā antaraghare gacchiṁsu, tasmiṁ vatthusmiṁ

ekā paññatti,

channaṁ āpattisamuṭṭhānānaṁ ekena samuṭṭhānena samuṭṭhāti: kāyato ca cittato ca samuṭṭhāti na vācato

8. anādariyaṁ paṭicca tahaṁ tahaṁ olokentena antaraghare nisīdantassa dukkaṭaṁ kattha paññattanti: sāvatthiyaṁ paññattaṁ

kaṁ ārabbhāti: chabbaggiye bhikkhū ārabbha

kismiṁ vatthusminti: chabbaggiyā bhikkhū tahaṁ tahaṁ olokentā antaraghare nisīdiṁsu, tasmiṁ vatthusmiṁ

ekā paññatti,

channaṁ āpattisamuṭṭhānānaṁ ekena samuṭṭhānena samuṭṭhāti: kāyato ca cittato ca samuṭṭhāti na vācato

9. anādariyaṁ paṭicca ukkhittakāya antaraghare gacchantassa dukkaṭaṁ kattha paññattanti: sāvatthiyaṁ paññattaṁ

kaṁ ārabbhāti: chabbaggiye bhikkhū ārabbha

kismiṁ vatthusminti: chabbaggiyā bhikkhū ukkhittakāya antaraghare gacchiṁsu, tasmiṁ vatthusmiṁ
ekā paññatti,

channaṁ āpattisamuṭṭhānānaṁ ekena samuṭṭhānena samuṭṭhāti: kāyato ca cittato ca samuṭṭhāti na vācato

10. anādariyaṁ paṭicca ukkhittakāya antaraghare nisīdantassa dukkaṭaṁ kattha paññattanti: sāvatthiyaṁ paññattaṁ

kaṁ ārabbhāti: chabbaggiye bhikkhū ārabbha

kismiṁ vatthusminti: chabbaggiyā bhikkhū ukkhittakāya antaraghare nisīdiṁsu, tasmiṁ vatthusmiṁ
ekā paññatti,

channaṁ āpattisamuṭṭhānānaṁ ekena samuṭṭhānena samuṭṭhāti: kāyato ca cittato ca samuṭṭhāti na vācato - pe -

parimaṇḍalavaggo paṭhamo.

[bjt page 096] [\x  96/]

7. 2

1. anādariyaṁ paṭicca ujjagaghikāya antaraghare gacchantassa dukkaṭaṁ kattha paññattanti: sāvatthiyaṁ paññattaṁ

kaṁ ārabbhāti: chabbaggiye bhikkhū ārabbha

kismiṁ vatthusminti: chabbaggiyā bhikkhū mahāhasitaṁ hasantā antaraghare gacchiṁsu, tasmiṁ vatthusmiṁ
ekā paññatti,

channaṁ āpattisamuṭṭhānānaṁ ekena samuṭṭhānena samuṭṭhāti: kāyato ca cittato ca samuṭṭhāti na vācato - pe -

2. anādariyaṁ paṭicca ujjagaghikāya antaraghare nisīdantassa dukkaṭaṁ kattha paññattanti: sāvatthiyaṁ paññattaṁ

kaṁ ārabbhāti: chabbaggiye bhikkhū ārabbha

kismiṁ vatthusminti: chabbaggiyā bhikkhū mahāhasitaṁ hasantā antaraghare nisīdiṁsu, tasmiṁ vatthusmiṁ

ekā paññatti,

channaṁ āpattisamuṭṭhānānaṁ ekena samuṭṭhānena samuṭṭhāti: kāyato ca vācato ca cittato ca samuṭṭhāti - pe -

3. anādariyaṁ paṭicca uccāsaddaṁ mahāsaddaṁ kārontena antaraghare gacchantassa dukkaṭaṁ kattha paññattanti: sāvatthiyaṁ paññattaṁ

kaṁ ārabbhāti: chabbaggiye bhikkhū ārabbha

kismiṁ vatthusminti: chabbaggiyā bhikkhū uccāsaddaṁ mahāsaddaṁ karontā antaraghare gacchiṁsu, tasmiṁ vatthusmiṁ

ekā paññatti,

channaṁ āpattisamuṭṭhānānaṁ ekena samuṭṭhānena samuṭṭhāti: kāyato ca vācato ca cittato ca samuṭṭhāti - pe -

4. anādariyaṁ paṭicca uccāsaddaṁ mahāsaddaṁ kārontena antaraghare nisīdantassa dukkaṭaṁ kattha paññattanti: sāvatthiyaṁ paññattaṁ

kaṁ ārabbhāti: chabbaggiye bhikkhū ārabbha

kismiṁ vatthusminti: chabbaggiyā bhikkhū uccāsaddaṁ mahāsaddaṁ karontā antaraghare nisīdiṁsu, tasmiṁ vatthusmiṁ

ekā paññatti,

channaṁ āpattisamuṭṭhānānaṁ ekena samuṭṭhānena samuṭṭhāti: kāyato ca vācato ca cittato ca samuṭṭhāti - pe -

5. anādariyaṁ paṭicca kāyappacālakaṁ antaraghare gacchantassa dukkaṭaṁ kattha paññattanti: sāvatthiyaṁ paññattaṁ

kaṁ ārabbhāti: chabbaggiye bhikkhū ārabbha

kismiṁ vatthusminti: chabbaggiyā bhikkhū kāyappacālakaṁ antaraghare gacchiṁsu, tasmiṁ vatthusmiṁ
ekā paññatti,

channaṁ āpattisamuṭṭhānānaṁ ekena samuṭṭhānena samuṭṭhāti: kāyato ca cittato ca samuṭṭhāti, na vācato - pe -

6. anādariyaṁ paṭicca kāyappacālakaṁ antaraghare nisīdantassa dukkaṭaṁ kattha paññattanti: sāvatthiyaṁ paññattaṁ

kaṁ ārabbhāti: chabbaggiye bhikkhū ārabbha

kismiṁ vatthusminti: chabbaggiyā bhikkhū kāyappacālakaṁ antaraghare nisīdiṁsu, tasmiṁ vatthusmiṁ
ekā paññatti,

channaṁ āpattisamuṭṭhānānaṁ ekena samuṭṭhānena samuṭṭhāti: kāyato ca cittato ca samuṭṭhāti, na vācato - pe -

7. anādariyaṁ paṭicca bāhuppacālakaṁ antaraghare gacchantassa dukkaṭaṁ kattha paññattanti: sāvatthiyaṁ paññattaṁ

kaṁ ārabbhāti: chabbaggiye bhikkhū ārabbha

kismiṁ vatthusminti: chabbaggiyā bhikkhū bāhuppacālakaṁ antaraghare gacchiṁsu, tasmiṁ vatthusmiṁ
ekā paññatti,

channaṁ āpattisamuṭṭhānānaṁ ekena samuṭṭhānena samuṭṭhāti: kāyato ca cittato ca samuṭṭhāti, na vācato - pe -

8. anādariyaṁ paṭicca bāhuppacālakaṁ antaraghare nisīdantassa dukkaṭaṁ kattha paññattanti: sāvatthiyaṁ paññattaṁ

kaṁ ārabbhāti: chabbaggiye bhikkhū ārabbha

kismiṁ vatthusminti: chabbaggiyā bhikkhū bāhuppacālakaṁ antaraghare nisīdiṁsu, tasmiṁ vatthusmiṁ
ekā paññatti,

channaṁ āpattisamuṭṭhānānaṁ ekena samuṭṭhānena samuṭṭhāti: kāyato ca cittato ca samuṭṭhāti, na vācato - pe -

[bjt page 098] [\x  98/]

9. anādariyaṁ paṭicca sīsappacālakaṁ antaraghare gacchantassa dukkaṭaṁ kattha paññattanti: sāvatthiyaṁ paññattaṁ

kaṁ ārabbhāti: chabbaggiye bhikkhū ārabbha

kismiṁ vatthusminti: chabbaggiyā bhikkhū sīsappacālakaṁ antaraghare gacchiṁsu, tasmiṁ vatthusmiṁ
ekā paññatti,

channaṁ āpattisamuṭṭhānānaṁ ekena samuṭṭhānena samuṭṭhāti: kāyato ca cittato ca samuṭṭhāti, na vācato - pe -

10. anādariyaṁ paṭicca sīsappacālakaṁ antaraghare nisīdantassa dukkaṭaṁ kattha paññattanti: sāvatthiyaṁ paññattaṁ

kaṁ ārabbhāti: chabbaggiye bhikkhū ārabbha

kismiṁ vatthusminti: chabbaggiyā bhikkhū sisappacālakaṁ antaraghare nisīdiṁsu, tasmiṁ vatthusmiṁ
ekā paññatti,

channaṁ āpattisamuṭṭhānānaṁ ekena samuṭṭhānena samuṭṭhāti: kāyato ca cittato ca samuṭṭhāti, na vācato - pe -

ujjagaghikavaggo dutiyo

1. anādariyaṁ paṭicca khambhakatena antaraghare gacchantassa dukkaṭaṁ kattha paññattanti: sāvatthiyaṁ paññattaṁ

kaṁ ārabbhāti: chabbaggiye bhikkhū ārabbha

kismiṁ vatthusminti: chabbaggiyā bhikkhū khambhakatena antaraghare gacchiṁsu, tasmiṁ vatthusmiṁ
ekā paññatti,

channaṁ āpattisamuṭṭhānānaṁ ekena samuṭṭhānena samuṭṭhāti: kāyato ca cittato ca samuṭṭhāti, na vācato - pe -

2. anādariyaṁ paṭicca khambhakatena antaraghare nisīdantassa dukkaṭaṁ kattha paññattanti: sāvatthiyaṁ paññattaṁ

kaṁ ārabbhāti: chabbaggiye bhikkhū ārabbha

kismiṁ vatthusminti: chabbaggiyā bhikkhū khambhakatena antaraghare nisīdiṁsu, tasmiṁ vatthusmiṁ
ekā paññatti,

channaṁ āpattisamuṭṭhānānaṁ ekena samuṭṭhānena samuṭṭhāti: kāyato ca cittato ca samuṭṭhāti, na vācato - pe -

3. anādariyaṁ paṭicca oguṇṭhitena antaraghare gacchantassa dukkaṭaṁ kattha paññattanti: sāvatthiyaṁ paññattaṁ

kaṁ ārabbhāti: chabbaggiye bhikkhū ārabbha

kismiṁ vatthusminti: chabbaggiyā bhikkhū oguṇṭhitena antaraghare gacchiṁsu, tasmiṁ vatthusmiṁ
ekā paññatti,

channaṁ āpattisamuṭṭhānānaṁ ekena samuṭṭhānena samuṭṭhāti: kāyato ca cittato ca samuṭṭhāti, na vācato - pe -

4. anādariyaṁ paṭicca oguṇṭhitena antaraghare nisīdantassa dukkaṭaṁ kattha paññattanti: sāvatthiyaṁ paññattaṁ

kaṁ ārabbhāti: chabbaggiye bhikkhū ārabbha

kismiṁ vatthusminti: chabbaggiyā bhikkhū oguṇṭhitena antaraghare nisīdiṁsu, tasmiṁ vatthusmiṁ
ekā paññatti,

channaṁ āpattisamuṭṭhānānaṁ ekena samuṭṭhānena samuṭṭhāti: kāyato ca cittato ca samuṭṭhāti, na vācato - pe -

5. anādariyaṁ paṭicca ukkuṭikāya antaraghare gacchantassa dukkaṭaṁ kattha paññattanti: sāvatthiyaṁ paññattaṁ

kaṁ ārabbhāti: chabbaggiye bhikkhū ārabbha

kismiṁ vatthusminti: chabbaggiyā bhikkhū ukkuṭikāya antaraghare gacchiṁsu, tasmiṁ vatthusmiṁ
ekā paññatti,

channaṁ āpattisamuṭṭhānānaṁ ekena samuṭṭhānena samuṭṭhāti: kāyato ca cittato ca samuṭṭhāti, na vācato - pe -

6. anādariyaṁ paṭicca pallatthikāya antaraghare nisīdantassa dukkaṭaṁ kattha paññattanti: sāvatthiyaṁ paññattaṁ

kaṁ ārabbhāti: chabbaggiye bhikkhū ārabbha

kismiṁ vatthusminti: chabbaggiyā bhikkhū pallatthikāya antaraghare nisīdiṁsu, tasmiṁ vatthusmiṁ
ekā paññatti,

channaṁ āpattisamuṭṭhānānaṁ ekena samuṭṭhānena samuṭṭhāti: kāyato ca cittato ca samuṭṭhāti, na vācato - pe -

[pts page 030] [\q  30/]
7. anādariyaṁ paṭicca asakkaccaṁ piṇḍapātaṁ paṭiggaṇhantassa dukkaṭaṁ kattha paññattanti: sāvatthiyaṁ paññattaṁ

kaṁ ārabbhāti: chabbaggiye bhikkhū ārabbha

kismiṁ vatthusminti: chabbaggiyā bhikkhū asakkaccaṁ piṇḍapātaṁ gacchiṁsu, tasmiṁ vatthusmiṁ
ekā paññatti,

channaṁ āpattisamuṭṭhānānaṁ ekena samuṭṭhānena samuṭṭhāti: kāyato ca cittato ca samuṭṭhāti, na vācato - pe -

[bjt page 100] [\x 100/]

8. anādariyaṁ paṭicca tahaṁ tahaṁ olokentena piṇḍapātaṁ paṭiggaṇhantassa dukkaṭaṁ kattha paññattanti: sāvatthiyaṁ paññattaṁ

kaṁ ārabbhāti: chabbaggiye bhikkhū ārabbha

kismiṁ vatthusminti: chabbaggiyā bhikkhū tahaṁ tahaṁ olokentena piṇḍapātaṁ paṭiggaṇhaṁsu. tasmiṁ vatthusmiṁ

ekā paññatti,

channaṁ āpattisamuṭṭhānānaṁ ekena samuṭṭhānena samuṭṭhāti: kāyato ca cittato ca samuṭṭhāti, na vācato - pe -

9. anādariyaṁ paṭicca supaññeva bahuṁ paṭiggaṇhantassa dukkaṭaṁ kattha paññattanti:
sāvatthiyaṁ paññattaṁ

kaṁ ārabbhāti: chabbaggiye bhikkhū ārabbha

kismiṁ vatthusminti: chabbaggiyā bhikkhu sūpañañeva bahuṁ paṭiggaṇhiṁsu. tasmiṁ vatthusmiṁ

ekā paññatti,

channaṁ āpattisamuṭṭhānānaṁ ekena samuṭṭhānena samuṭṭhāti: kāyato ca cittato ca samuṭṭhāti, na vācato - pe -

10. anādariyaṁ paṭicca thūpīkataṁ piṇḍapātaṁ paṭiggaṇhantassa dukkaṭaṁ kattha paññattanti: sāvatthiyaṁ paññattaṁ

kaṁ ārabbhāti: chabbaggiye bhikkhū ārabbha

kismiṁ vatthusminti: chabbaggiyā bhikkhū anādariyaṁ paṭicca thūpīkataṁ piṇḍapātaṁ paṭiggaṇhiṁsu, tasmiṁ vatthusmiṁ

ekā paññatti,

channaṁ āpattisamuṭṭhānānaṁ ekena samuṭṭhānena samuṭṭhāti: kāyato ca cittato ca samuṭṭhāti, na vācato - pe -

khambhakatavaggo tatiyo

7. 4

1. anādariyaṁ paṭicca asakkaccaṁ piṇḍapātaṁ bhuñjantassa dukkaṭaṁ kattha paññattanti: sāvatthiyaṁ paññattaṁ

kaṁ ārabbhāti: chabbaggiye bhikkhū ārabbha

kismiṁ vatthusminti: chabbaggiyā bhikkhū anādariyaṁ paṭicca asakkaccaṁ piṇḍapātaṁ bhuñjiṁsu, tasmiṁ vatthusmiṁ

ekā paññatti,

channaṁ āpattisamuṭṭhānānaṁ ekena samuṭṭhānena samuṭṭhāti: kāyato ca cittato ca samuṭṭhāti, na vācato - pe -

2. anādariyaṁ paṭicca tahaṁ tahaṁ olokentena piṇḍapātaṁ bhuñjantassa dukkaṭaṁ kattha paññattanti: sāvatthiyaṁ paññattaṁ

kaṁ ārabbhāti: chabbaggiye bhikkhū ārabbha

kismiṁ vatthusminti: chabbaggiyā bhikkhū tāhaṁ tāhaṁ olokentena piṇḍapātaṁ bhuñjiṁsu. tasmiṁ vatthusmiṁ

ekā paññatti,

channaṁ āpattisamuṭṭhānānaṁ ekena samuṭṭhānena samuṭṭhāti: kāyato ca cittato ca samuṭṭhāti, na vācato - pe -

3. anādariyaṁ paṭicca tahaṁ tahaṁ omasitvā piṇḍapātaṁ bhuñjantassa dukkaṭaṁ kattha paññattanti: sāvatthiyaṁ paññattaṁ

kaṁ ārabbhāti: chabbaggiye bhikkhū ārabbha

kismiṁ vatthusminti: chabbaggiyā bhikkhū tahaṁ tahaṁ omasitvā piṇḍapātaṁ bhuñjiṁsu,
tasmiṁ vatthusmiṁ

ekā paññatti,

channaṁ āpattisamuṭṭhānānaṁ ekena samuṭṭhānena samuṭṭhāti: kāyato ca cittato ca samuṭṭhāti, na vācato - pe -

4. anādariyaṁ paṭicca sūpaññeva bahuṁ bhuñjantassa dukkaṭaṁ kattha paññattanti: sāvatthiyaṁ paññattaṁ

kaṁ ārabbhāti: chabbaggiye bhikkhū ārabbha

kismiṁ vatthusminti: chabbaggiyā bhikkhū sūpaññeva bahuṁ bhuñchiṁsu, tasmiṁ vatthusmiṁ

ekā paññatti,

channaṁ āpattisamuṭṭhānānaṁ ekena samuṭṭhānena samuṭṭhāti: kāyato ca cittato ca samuṭṭhāti, na vācato - pe -

5. anādariyaṁ paṭicca thūpakato omadditvā piṇḍapātaṁ bhuñjantassa dukkaṭaṁ kattha paññattanti sāvatthiyaṁ paññattaṁ

kaṁ ārabbhāti: chabbaggiye bhikkhū ārabbha

kismiṁ vatthusminti: chabbaggiyā bhikkhū thūpakato omadditvā piṇḍapātaṁ bhuñjiṁsu, tasmiṁ vatthusmiṁ

ekā paññatti,

channaṁ āpattisamuṭṭhānānaṁ ekena samuṭṭhānena samuṭṭhāti: kāyato ca cittato ca samuṭṭhāti, na vācato - pe -

6. anādariyaṁ paṭicca sūpaṁ vā byañjanaṁ vā odanena paṭicchā dentassa dukkaṭaṁ kattha paññattanti: sāvatthiyaṁ paññattaṁ

kaṁ ārabbhāti: chabbaggiye bhikkhū ārabbha

kismiṁ vatthusminti: chabbaggiyā bhikkhū sūpaṁ byañjanaṁ vā odanena paṭicchādiṁsu. tasmiṁ vatthusmiṁ

ekā paññatti,

channaṁ āpattisamuṭṭhānānaṁ ekena samuṭṭhānena samuṭṭhāti: kāyato ca cittato ca samuṭṭhāti, na vācato - pe -

7. anādariyaṁ paṭicca sūpaṁ vā byañjanaṁ vā agilāno attano atthāya viññāpetvā bhuñjantassa dukkaṭaṁ kattha paññattanti sāvatthiyaṁ paññattaṁ

kaṁ ārabbhāti: chabbaggiye bhikkhū ārabbha

kismiṁ vatthusminti: chabbaggiyā bhikkhū sūpaṁ vā byañjanaṁ vā agilāno attano atthāya viññāpetvā bhuñjiṁsu, tasmiṁ vatthusmiṁ

[bjt page 102] [\x 102/]

ekā paññatti, ekā anupaññatti.

channaṁ āpattisamuṭṭhānānaṁ dvīhi samuṭṭhānehi samuṭṭhāti: siyā kāyato ca cittato. ca samuṭṭhāti, na vācato siyā kāyeto ca vācato ca cittato ca samuṭṭhāti - pe -
8. anādariyaṁ paṭicca ujjhānasaññinā paresaṁ pattaṁ olokentassa dukkaṭaṁ kattha paññattanti sāvatthiyaṁ paññattaṁ

kaṁ ārabbhāti: chabbaggiyā bhikkhu ārabbha

kismiṁ vatthusminti: chabbaggiyā bhikkhu ujjhānasaññinā paresaṁ pattaṁ bhuñjiṁsu, tasmiṁ vatthusmiṁ

ekā paññatti, ekā anupaññatti.

channaṁ āpattisamuṭṭhānānaṁ dvīhi samuṭṭhānehi samuṭṭhāti: siyā kāyato ca cittato ca samuṭṭhāti, na vācato siyā kāyeto ca vācato ca cittato ca samuṭṭhāti - pe -
9. anādariyaṁ paṭicca mahantaṁ kabalaṁ karontassa dukkaṭaṁ kattha paññattanti sāvatthiyaṁ paññattaṁ

kaṁ ārabbhāti: chabbaggiyā bhikkhū ārabbha

kismiṁ vatthusminti: chabbaggiyā bhikkhu mahantaṁ kabalaṁ karontassa gacchiṁsu, tasmiṁ vatthusmiṁ
ekā paññatti, ekā anupaññatti.

channaṁ āpattisamuṭṭhānānaṁ dvīhi samuṭṭhānehi samuṭṭhāti: siyā kāyato ca cittato ca samuṭṭhāti, na vācato siyā kāyeto ca vācato ca cittato ca samuṭṭhāti - pe -
10. anādariyaṁ paṭicca dīghaṁ ālopaṁ karontassa dukkaṭaṁ kattha paññattanti sāvatthiyaṁ paññattaṁ

kaṁ ārabbhāti: chabbaggiyā bhikkhū ārabbha

kismiṁ vatthusminti: chabbaggiyā bhikkhū anādariyaṁ paṭicca dīghaṁ ālopaṁ kariṁsu, tasmiṁ vatthusmiṁ

ekā paññatti,

channaṁ āpattisamuṭṭhānānaṁ ekena samuṭṭhānehi samuṭṭhāti: kāyato ca cittato ca samuṭṭhāti, na vācato - pe -

piṇḍapātavaggo catuttho
7. 5

1. anādariyaṁ paṭicca anāhaṭe kabale mukhadvāraṁ vivarantassa dukkaṭaṁ kattha paññattanti sāvatthiyaṁ paññattaṁ

kaṁ ārabbhāti: chabbaggiyā bhikkhū ārabbha

kismiṁ vatthusminti: chabbaggiyā bhikkhū anādariyaṁ paṭicca anāhaṭe kabale mukhadvāraṁ vivariṁsu, tasmiṁ vatthusmiṁ

ekā paññatti,

channaṁ āpattisamuṭṭhānānaṁ ekena samuṭṭhānehi samuṭṭhāti: kāyato ca cittato ca samuṭṭhāti, na vācato - pe -

2. anādariyaṁ paṭicca bhuñjamānena sabbaṁ hatthaṁ mukhe pakkhipantassa dukkaṭaṁ kattha paññattanti sāvatthiyaṁ paññattaṁ

kaṁ ārabbhāti: chabbaggiyā bhikkhū ārabbha

kismiṁ vatthusminti: chabbaggiyā bhikkhū anādariyaṁ paṭicca bhuñjamānena sabbaṁ hatthaṁ mukhe pakkhiṁsu, tasmiṁ vatthusmiṁ

ekā paññatti,

channaṁ āpattisamuṭṭhānānaṁ ekena samuṭṭhānehi samuṭṭhāti: kāyato ca cittato ca samuṭṭhāti, na vācato - pe -

3. anādariyaṁ paṭicca sakabalena mukhena byaharantassa dukkaṭaṁ kattha paññattanti sāvatthiyaṁ paññattaṁ

kaṁ ārabbhāti: chabbaggiyā bhikkhū [pts page 031] [\q  31/]      ārabbha

kismiṁ vatthusminti: chabbaggiyā bhikkhū anādariyaṁ paṭicca sakabalena mukhena byāharaṁsu, tasmiṁ vatthusmiṁ

ekā paññatti,

channaṁ āpattisamuṭṭhānānaṁ ekena samuṭṭhānehi samuṭṭhāti: kāyato ca cittato ca samuṭṭhāti, na vācato - pe -

[bjt page 104] [\x 104/]

4. anādariyaṁ paṭicca piṇḍukkhepakaṁ bhuñjantassa dukkaṭaṁ kattha paññattanti sāvatthiyaṁ paññattaṁ

kaṁ ārabbhāti: chabbaggiyā bhikkhū ārabbha

kismiṁ vatthusminti: chabbaggiyā bhikkhū anādariyaṁ paṭicca piṇḍukkhepakaṁ bhuñjaṁsu, tasmiṁ vatthusmiṁ

ekā paññatti,

channaṁ āpattisamuṭṭhānānaṁ ekena samuṭṭhānehi samuṭṭhāti: kāyato ca cittato ca samuṭṭhāti, na vācato - pe -

5. anādariyaṁ paṭicca kabalāvacchedakaṁ bhuñjantassa dukkaṭaṁ - pe -

6. anādariyaṁ paṭicca avagaṇḍakārakaṁ bhuñjantassa dukkaṭaṁ - pe -

7. anādariyaṁ paṭicca hatthaniddhunakaṁ bhuñjantassa dukkaṭaṁ - pe -

8. anādariyaṁ paṭicca sitthāvakārakaṁ bhuñjantassa dukkaṭaṁ - pe -

9. anādariyaṁ paṭicca jivhānicchārakaṁ bhuñjantassa dukkaṭaṁ - pe -

10. anādariyaṁ paṭicca capucapukārakaṁ bhuñjantassa dukkaṭaṁ - pe -

kabalavaggo pañcamo.

7. 6

1. anādariyaṁ paṭicca surusurukārakaṁ bhuñjantassa dukkaṭaṁ kattha paññattanti kosambiyaṁ paññattaṁ

kaṁ ārabbhāti: sambahule bhikkhū ārabbha

kismiṁ vatthusminti: sambahule bhikkhū surusurukārakaṁ khīraṁ piviṁsu, tasmiṁ vatthusmiṁ

ekā paññatti,

channaṁ āpattisamuṭṭhānānaṁ ekena samuṭṭhānehi samuṭṭhāti: kāyato ca cittato ca samuṭṭhāti, na vācato - pe -

2. anādariyaṁ paṭicca hatthanillehakaṁ bhuñjantassa dukkaṭaṁ - pe -

3. anādariyaṁ paṭicca pattanillehakaṁ bhuñjantassa dukkaṭaṁ - pe -

4. anādariyaṁ paṭicca oṭṭhanillehakaṁ bhuñjantassa dukkaṭaṁ - pe -

5. anādariyaṁ paṭicca sāmisena hatthana pānīyathālakaṁ paṭiggantassa dukkaṭaṁ kattha paññattanti bhaggesu paññattaṁ

kaṁ ārabbhāti: sambahule bhikkhū ārabbha

kismiṁ vatthusminti: sambahulā bhikkhū sāmisena hatthena pānīyathālakaṁ paṭiggahesuṁ, tasmiṁ vatthusmiṁ

ekā paññatti,

channaṁ āpattisamuṭṭhānānaṁ ekena samuṭṭhānehi samuṭṭhāti: kāyato ca cittato ca samuṭṭhāti, na vācato - pe -

[bjt page 106] [\x 106/]

6. anādariyaṁ paṭicca sasitthakaṁ pattadhovanaṁ antaraghare chaḍḍentassa dukkaṭaṁ kattha paññattanti bhaggesu paññattaṁ

kaṁ ārabbhāti: sambahule bhikkhū ārabbha

kismiṁ vatthusminti: sambahulā bhikkhū sasitthakaṁ pattadhovanaṁ antaraghare chaḍḍesuṁ, tasmiṁ vatthusmiṁ

ekā paññatti,

channaṁ āpattisamuṭṭhānānaṁ ekena samuṭṭhānehi samuṭṭhāti: kāyato ca cittato ca samuṭṭhāti, na vācato - pe -

7. anādariyaṁ paṭicca chattapāṇissa dhammaṁ desentassa dukkaṭaṁ kattha paññattanti sāvatthiyaṁ paññattaṁ

kaṁ ārabbhāti: chabbaggiye bhikkhū ārabbha

kismiṁ vatthusminti: chabbaggiyā bhikkhū chattapāṇissa dhammaṁ desesuṁ, tasmiṁ vatthusmiṁ

ekā paññatti, ekā anupaññatti

channaṁ āpattisamuṭṭhānānaṁ ekena samuṭṭhānehi samuṭṭhāti: vācato ca cittato ca samuṭṭhāti, na kāyato - pe -
8. anādariyaṁ paṭicca daṇḍapāṇissa dhammaṁ desentassa dukkaṭaṁ - pe -
9. anādariyaṁ paṭicca hatthapāṇissa dhammaṁ desentassa dukkaṭaṁ - pe -
10. anādariyaṁ paṭicca āyudhapāṇissa dhammaṁ desentassa dukkaṭaṁ - pe -
surusuruvaggo chaṭṭho

7. 7

1. anādariyaṁ paṭicca pādukārūḷhassa dhammaṁ desentassa dukkaṭaṁ - pe -
2. anādariyaṁ paṭicca upāhanārūḷhassa dhammaṁ desentassa dukkaṭaṁ - pe -
3. anādariyaṁ paṭicca yānagatassa dhammaṁ desentassa dukkaṭaṁ - pe -

4. anādariyaṁ paṭicca sayanagassa dhammaṁ desentassa dukkaṭaṁ - pe -

5. anādariyaṁ paṭicca pallatthikāya nisinnassa [pts page 032] [\q  32/]      dhammaṁ desentassa dukkaṭaṁ - pe -
6. anādariyaṁ paṭicca veṭhitasīsassa dhammaṁ desentassa dukkaṭaṁ - pe -

7. anādariyaṁ paṭicca oguṇṭhitasīsassa dhammaṁ desentassa dukkaṭaṁ - pe -
[bjt page 108] [\x 108/]

8. anādariyaṁ paṭicca chamāya nisīditvā āsane nisinnassa dhammaṁ desentassa dukkaṭaṁ - pe -

channaṁ āpattisamuṭṭhānānaṁ ekena samuṭṭhānena samuṭṭhāti: kāyato 1- ca vācato ca cittato ca - pe -

9. anādariyaṁ paṭicca nīce āsane nisīditvā ucce āsane nisinnassa dhammaṁ desentassa dukkaṭaṁ - pe -

10. anādariyaṁ paṭicca ṭhitena nisinnassa dhammaṁ desentassa dukkaṭaṁ - pe -
11. anādariyaṁ paṭicca pacchato gacchantena purato gacchantassa dhammaṁ desentassa dukkaṭaṁ - pe -

12. anādariyaṁ paṭicca uppathena gacchantena pathena gacchantassa dhammaṁ desentassa dukkaṭaṁ - pe -

13. anādariyaṁ paṭicca ṭhitena uccāraṁ vā passāvaṁ vā karontassa dukkaṭaṁ - pe -
14. anādariyaṁ paṭicca harite uccāraṁ vā passāvaṁ vā kheḷaṁ vā karontassa dukkaṭaṁ - pe -

15. anādariyaṁ paṭicca udake uccāraṁ vā passāvaṁ vā kheḷaṁ vā karontassa dukkaṭaṁ kattha paññattanti sāvatthiyaṁ paññattaṁ

kaṁ ārabbhāti: chabbaggiye bhikkhū ārabbha

kismiṁ vatthusminti: chabbaggiyā bhikkhū udake uccārampi passāvampi kheḷampi akaṁsu, tasmiṁ vatthusmiṁ

ekā paññatti, ekā anupaññatti

channaṁ āpattisamuṭṭhānānaṁ ekena samuṭṭhānehi samuṭṭhāti: kāyato ca cittato ca samuṭṭhāti, na vācato - pe -

pādukāvaggo sattamo

pañcasattati sekhiyā niṭṭhitā.

1. kāyato ca - syā, natthi

[bjt page 110] [\x 110/]

tassuddānaṁ:

1. parimaṇḍalaṁ paṭicchannaṁ - susaṁvutokkhittacakkhu ca,
ukkhittojjagghikā saddo - tayo ceva pacālanā.

2. khamhaoguṇṭhitā ceva - kuṭi pallatthikāya ca,
sakkaccaṁ pattasaññī ca- samasūpaṁ samatittikaṁ.

3. sakkaccaṁ pattasaññī ca - sapadānaṁ samasūpakaṁ,
thupakato paṭicchannaṁ - viññattujjhānasaññitā. 1-

4. na mahantaṁ maṇḍaladvāraṁ - sabbaṁ hatthaṁ na byāhare,
ukakkhepo chedanā gaṇḍo - dhunaṁ sitthāvakārakaṁ.
[pts page 033] [\q  33/]
5. jivhānicchārakañce va - capucapū surusurū,
hattho patto ca oṭṭho ca- sāmisaṁ sitthakena ca

6. chattapāṇissa saddhammaṁ - na desenti tathāgatā,
evameva daṇḍapāṇissa - satthaāyudhapāṇinaṁ.

7. pādukopāhanā ceva - yānaseyyāgatassa ca,
pallatthikā nisinnassa - veṭhito guṇṭhitassa ca.

8. chamā nīcāsane ṭhāne - pacchato uppathena ca,
ṭhitakena na kātabbaṁ - harite udakambhi cāti.

tesaṁ vagguddānaṁ:

parimaṇḍala ujjagghi - khamhaṁ piṇḍaṁ tatheva ca,
kakhalā surusurū ceva - pādukena ca sattamāti.

mahāvibhaṅgo katthapaññattivāro niṭṭhito.

1. saññinā. machasaṁ

[bjt page 112] [\x 112/]

2. katāpattivāro
2. 1
pārājikakaṇḍo

1. methunaṁ dhammaṁ paṭisevanto kati āpattiyo āpajjati: methunaṁ dhammaṁ paṭisevanto tisso āpattiyo āpajjati: akkhayite sarīre methunaṁ dhammaṁ paṭisevati, apatti pārājikassa. yebhuyyena khayite sarīre methunaṁ dhammaṁ paṭisevati, āpatti thullaccayassa. vaṭṭakate ca mukhe acchupantaṁ aṅgajātaṁ paveseti, āpatti dukkaṭassa. methunaṁ dhammaṁ paṭisevanto imā tisso āpattiyo āpajjati.

2. adinnaṁ ādiyanto kati āpattiyo āpajjati:

adinnaṁ ādiyanto tisso āpattiyo āpajjati: pañcamāsakaṁ vā atireka pañcamāsakaṁ vā agghanakaṁ adinnaṁ theyyasaṅkhātaṁ ādiyati, āpatti pārājikassa. atirekamāsakaṁ vā ūnapañcamāsakaṁ vā agghanakaṁ adinnaṁ theyyasaṅkhātaṁ ādiyati, āpatti thullaccayassa. māsakaṁ vā ūnamāsakaṁ vā agghanakaṁ adinnaṁ theyyasaṅkhātaṁ ādiyati, āpatti dukkaṭassa. adinnaṁ ādiyanto imā tisso āpattiyo āpajjati.

3. sañcicca manussaviggahaṁ jīvitā voropento kati āpattiyo āpajjati:

sañcicca manussaviggahaṁ jīvitā voropento tisso āpattiyo āpajjati: manussaṁ odissa opātaṁ khaṇati 'papatitvā marissatiti', āpatti dukkaṭassa. papatite dukkhā vedanā uppajjati, āpatti thullaccayassa. marati, āpatti pārājikassa. sañcicca manussaviggahaṁ jīvitā voropento imā tisso āpattiyo āpajjati
4. asantaṁ abhūtaṁ uttarimanussadhammaṁ ullapanto kati āpattiyo āpajjati:

asantaṁ abhūtaṁ uttarimanussadhammaṁ ullapanto tisso āpattiyo āpajjati: pāpiccho icchāpakato asantaṁ abhūtaṁ uttarimanussadhammaṁ ullapati, āpatti pārājikassa. 'yo te vihāre vasati so bhikkhu arahā'ti bhaṇati, paṭivijānantassa āpatti thullaccayassa na paṭivijānantassa āpatti dukkaṭassa. asantaṁ abhūtaṁ uttarimanussadhammaṁ ullapanto imā tisso āpattiyo āpajjati.
cattāro pārājikā niṭṭhitā.

[bjt page 114] [\x 114/]
[pts page 034] [\q  34/]

2. 2
saṅghādisesakaṇḍo

1. upasaṅkamitvā asuvīṁ mocento kati āpattiyo āpajjati:
upasaṅkamitvā asuvīṁ mocento tisso āpattiyo āpajjati: ceteti upakkamati muccati. āpajjati saṅghādisesassa. ceteti upakkamati na muccati, āpatti thullaccayassa. payoge dukkaṭaṁ.

2. mātugāmena saddhiṁ kāyasaṁsaggaṁ samāpajjanto tisso āpattiyo āpajjati: kāyane kāyaṁ āmasati, āpatti saṅghādisesassa. kāyena kāyapaṭibaddhaṁ āmasati, āpatti thullaccayassa. kāyapaṭibaddhena kāyapaṭibaddhaṁ āmasati, āpatti dukkaṭassa.
3. mātugāmaṁ duṭṭhullāhi vācāhi obhāsento tisso āpattiyo āpajjati: vaccamaggaṁ passāvamaggaṁ ādissa vaṇṇampi bhaṇati avaṇṇampi bhaṇati, āpatti saṅghādisesassa vaccamaggaṁ passāvamaggaṁ ṭhapetvā adhakkhakaṁ ubbhajānumaṇḍalaṁ ādissa vaṇṇampi bhaṇati avaṇṇampi bhaṇati, āpatti thullaccayassa kāyapaṭibaddhaṁ ādissa vaṇṇampi bhaṇati, avaṇṇampi bhaṇati, āpatti dukkaṭassa.

4. attakāmapāricariyāya vaṇṇaṁ bhāsanto tisso āpattiyo āpajjati: mātugāmassa santike attakāmapāricariyāya vaṇṇaṁ bhāsati, āpatti saṅghādisesassa. paṇḍakassa santike attakāmapāricariyāya vaṇṇaṁ bhāsati, āpatti thullaccayassa. tiracchānagatassa santike attakāmapāricariyāya vaṇṇaṁ bhāsati, āpatti dukkaṭassa.

5. sañcarittaṁ samāpajjanto nisso āpattiyo āpajjati: paṭigaṇhāti vīmaṁsati paccāharati, āpatti saṅghādisesassa. paṭigaṇhāti vīmaṁsati na paccāharati, āpatti thullaccayassa. paṭigaṇhāti na vīmaṁsati na paccāharati, āpatti dukkaṭassa

6. saññācikāya kuṭiṁ kārāpento tisso āpattiyo āpajjati: kārāpeti, payoge dukkaṭaṁ ekaṁ piṇḍaṁ anāgate āpatti thullaccayassa. tasmiṁ piṇḍe āgate āpatti saṅghādisesassa.

7. mahallakaṁ vihāraṁ kārāpento tisso āpattiyo āpajjati. kārāpeti, payoge dukkaṭaṁ. ekaṁ piṇḍaṁ anāgate āpatti thullaccayassa. tasmiṁ piṇḍe āgate āpatti saṅghādisesassa.

8. bhikkhuṁ amūlakena pārājikena dhammena anuddhaṁsento tisso āpattiyo āpajjati: anokāsaṁ kārāpetvā cāvanādhippāyo vadeti, āpatti saṅghādisesena dukkaṭassa. okāsaṁ kārāpetvā akkosādhippāyo vadeti, āpatti omasavādassa.
1. "upakkamitvā - pe - āpajjati" machasaṁ na dissati.

[bjt page 116] [\x 116/]

9. bhikkhuṁ aññabhāgiyassa adhikaraṇassa kiñcidesaṁ lesamattaṁ upādāya pārājikena dhammena anuddhaṁsento tisso āpattiyo āpajjati: anokāsaṁ kārāpetvā cāvanādhippāyo vadeti. āpatti saṅghādisesena dukkaṭassa, okāsaṁ kārāpetvā akkosādhippāyo vadeti, āpatti omasavādassa.

10. saṅghabhedako bhikkhu yāvatatiyaṁ samanubhāsiyamāno 1nappaṭinissajjanto tisso āpattiyo āpajjati: ñattiyā dukkaṭaṁ, dvīhi kammavācāhi thullaccayā, kammavācā pariyosāne āpatti saṅghādisesassa.
[pts page 035] [\q  35/]

11. bhedakānuvattakā bhikkhū yāvatatiyaṁ samanubhāsiyamānā nappaṭinissajjanto tisso āpattiyo. āpajjati: ñattiyā dukkaṭaṁ, dvīhi kammavācāhi thullaccayā, kammavācā pariyosāne āpatti saṅghādisesassa.

12. dubbaco bhikkhu yāvatatiyaṁ samanubhāsiyamāno nappaṭinissajjanto tisso
āpattiyo. āpajjati: ñattiyā dukkaṭaṁ, dvīhi kammavācāhi thullaccayā, kammavācā pariyosāne āpatti saṅghādisesassa.

13. kuladusako bhikkhu yāvatatiyaṁ samanubhāsiyamāno nappaṭinissajjanto tisso āpattiyo. āpajjati: ñattiyā dukkaṭaṁ, dvīhi kammavācāhi thullaccayā, kammavācā pariyosāne āpatti saṅghādisesassa.

terasa saṅghādisesā niṭṭhitā.

2. 4
nissaggiya kaṇḍo
4. 1

1. atirekacīvaraṁ dasāhaṁ atikkāmento ekaṁ āpattiṁ āpajjati nissaggiyaṁ pācittiyaṁ.

2. ekarattaṁ ticīvarena vippavasanto ekaṁ āpattiṁ āpajjati nissaggiyaṁ pācittiyaṁ.
3. akālacīvaraṁ paṭiggahetvā māsaṁ atikkāmento ekaṁ āpattiṁ āpajjati nissaggiyaṁ pācittiyaṁ.

4. aññātikāya bhikkhuniyā purāṇacīvaraṁ dhovāpento dve āpattiyo āpajjati: dhovāpeti, payoge dukkaṭaṁ, dhovāpite nissaggiyaṁ pācittiyaṁ.

5. aññātikāya bhikkhuniyā hatthato cīvaraṁ paṭiggaṇhanto dve āpattiyo āpajjati: gaṇhāti, payoge dukkaṭaṁ, gahite nissaggiyaṁ pācittiyaṁ.

1. samanubhāsiyamānā - syā, samanubhāsanāya - sīmu.

[bjt page 118] [\x 118/]

6. aññātakaṁ gahapatiṁ vā gahapatāniṁ vā cīvaraṁ viññāpento dve āpattiyo āpajjati: viññāpeti payoge dukkaṭaṁ, viññāpite nissaggiyaṁ pācittiyaṁ.

7. aññātakaṁ gahapatiṁ vā gahapatāniṁ vā tatuttaraṁ cīvaraṁ viññāpento dve āpattiyo āpajjati: viññāpeti payoge dukkaṭaṁ, viññāpite nissaggiyaṁ pācittiyaṁ.
8. pubbe appavārito aññātakaṁ gahapatikaṁ upasaṅkamitvā civare vikappaṁ āpajjanto dve āpattiyo āpajjati: vikappaṁ āpajjati payoge dukkaṭaṁ, vikappaṁ āpanne nissaggiyaṁ pācittiyaṁ.

9. pubbe appavārito aññātake gahapatike upasaṅkamitvā cīvare vikappaṁ āpajjanto dve āpattiyo āpajjati: vikappaṁ āpajjati payoge dukkaṭaṁ, vikappaṁ āpanne nissaggiyaṁ pācittiyaṁ.

10. atirekatikkhattuṁ codanāya atireka chakkhattuṁ ṭhānena cīvaraṁ abhinipphādento dve āpattiyo āpajjati: abhinipphādeti payogo dukkaṭaṁ, abhinipphādite nissaggiyaṁ pācittiyaṁ.

kaṭhinavaggo paṭhamo.

4. 2

1. kosiyamissakaṁ satthataṁ kārāpento dve āpattiyo āpajjati: kārāpeti payoge dukkaṭaṁ, kārāpite nissaggiyaṁ pācittiyaṁ

2. suddhakāḷakānaṁ eḷakalomānaṁ satthataṁ kārāpento dve āpattiyo āpajjati: kārāpeti payoge dukkaṭaṁ, kārāpite nissaggiyāṁ pācittiyaṁ
[pts page 036] [\q  36/]

3. anādiyitvā tūlaṁ odātānaṁ tūlaṁ gocariyānaṁ navaṁ satthataṁ kārāpento dve āpattiyo āpajjati: kārāpeti payoge dukkaṭaṁ, kārāpite nissaggiyaṁ pācittiyaṁ
4. anuvassaṁ satthataṁ kārāpento dve āpattiyo āpajjati: kārāpeti payoge dukkaṭaṁ, kārāpite nissaggiyaṁ pācittiyaṁ

5. anādiyitvā purāṇasatthassa sāmantā sugatavidatthiṁ navaṁ nisidanasatthataṁ kārāpento dve āpattiyo āpajjati: kārāpeti payoge dukkaṭaṁ, kārāpite nissaggiyaṁ pācittiyaṁ

6. eḷakalomāni paṭiggahetvā tiyojanaṁ atikkāmento dve āpattiyo āpajjati: paṭhamaṁ pādaṁ tiyojanaṁ atikkāmeti āpatti dukkaṭassa, dutiyaṁ pādaṁ atikkāmeti nissaggiyaṁ pācittiyaṁ

7. aññātikāya bhikkhuniyā eḷakalomāni dhovāpento dve āpattiyo āpajjati: dhovāpeti payoge dukkaṭaṁ, dhopite nissaggiyaṁ pācittiyaṁ

[bjt page 120] [\x 120/]

8. rūpiyaṁ paṭiggaṇhanto dve āpattiyo āpajjati: gaṇhāti payoge dukkaṭaṁ, gahite nissaggiyaṁ pācittiyaṁ

9. nānappakārakaṁ rūpiyasaṁvohāraṁ samāpajjanto dve āpattiyo āpajjati: samāpajjati payoge dukkaṭaṁ, samāpanne nissaggiyaṁ pācittiyaṁ

10. nānappakārakaṁ kayavikkayaṁ samāpajjanto dve āpattiyo āpajjati: samāpajjati payoge dukkaṭaṁ, samāpanne nissaggiyaṁ pācittiyaṁ

kosiyavaggo dutiyo

4. 3

1. atirekapattaṁ dasāhaṁ atikkāmento ekaṁ āpattiṁ āpajjati: nissaggiyaṁ pācittiyaṁ

2. ūnapañcakhandhanena pattena aññaṁ navaṁ pattaṁ cetāpento dve āpattiyo āpajjati: cetāpeti payoge dukkaṭaṁ, cetāpite nissaggiyaṁ pācittiyaṁ

3. bhesajjāni paṭiggahetvā sattāhaṁ atikkāmento ekaṁ ekaṁ āpattiṁ āpajjati: nissaggiyaṁ pācittiyaṁ

4. atirekamāse sese gimhāne vassikasāṭikacīvaraṁ pariyesanto dve āpattiyo āpajjati: pariyesati payoge dukkaṭaṁ pariyiṭṭhe nissaggiyaṁ pācittiyaṁ

5. bhikkhussa sāmaṁ cīvaraṁ datvā kupito anattamano acchindanto dve āpattiyo āpajjati: acchindati payoge dukkaṭaṁ, acchinne nissaggiyaṁ pācittiyaṁ

6. sāmaṁ suttaṁ viññāpetvā tantavāyehi cīvaraṁ vāyāpento dve āpattiyo āpajjati: vāyāpeti payoge dukkaṭaṁ, vāyāpite nissaggiyaṁ pācittiyaṁ

7. pubbe appacārito aññātakassa gahapatissa tantavāye upasaṅkamitvā civare vikappaṁ āpajjanto dve āpattiyo āpajjati: vikappaṁ āpajjati payoge dukkaṭaṁ vikappaṁ āpanne nissaggiyaṁ pācittiyaṁ
[pts page 037] [\q  37/]

8. accekacīvaraṁ paṭiggahetvā civarakālasamayaṁ atikkāmento ekaṁ āpattiṁ āpajjati: nissaggiyaṁ pācittiyaṁ

9. tiṇṇaṁ civarānaṁ aññataraṁ cīvaraṁ antaraghare nikkhipitvā atirekachārattaṁ vippavasanto ekaṁ āpattiṁ āpajjati nissaggiyaṁ pācittiyaṁ

10. jānaṁ saṅghikaṁ lābhaṁ pariṇataṁ attano pariṇāmento dve āpattiyo āpajjati: pariṇāmeti payoge dukkaṭaṁ pariṇāmite nissaggiyaṁ pācittiyaṁ

pattavaggo tatiyo
tiṁsa nissaggiyā pācittiyā niṭṭhitā

[bjt page 122] [\x 122/]

2. 5
pācittiya kaṇḍo
5. 1

1. sampajānamusāvādaṁ bhāsanto kati āpattiyo āpajjati: sampajānamusāvādaṁ bhāsanto pañca āpattiyo āpajjati: pāpiccho icchāpakato asantaṁ abhūtaṁ uttarimanussadhammaṁ ullapati āpatti pārājikassa. bhikkhuṁ amūlakena pārājikena dhammena anuddhaṁseti, āpatti saṅghādisesassa 'yo te vihāre vasati so bhikkhu arahā'ti bhaṇati, paṭivijānantassa āpattithullaccayassa nappaṭijāntassa āpatti dukkaṭassa. sampajānamusāvāde pācittiyaṁ, sampajānamusāvādaṁ bhāsanto imā pañca āpattiyo āpajjati.

2. omasanto dve āpattiyo āpajjati: upasampannaṁ omasati āpatti pācittiyassa, anupasampannassa omasati āpatti dukkaṭassa.

3. pesuññaṁ upasaṁharanto dve āpattiyo āpajjati: upasampannassa pesuññaṁ upasaṁharati āpatti pācittiyassa, anupasampannassa pesuññaṁ upasaṁharati āpatti dukkaṭassa.
4. anupasampannaṁ padaso dhammaṁ vācento dve āpattiyo āpajjati: vāceti payoge dukkaṭaṁ, pade pade āpatti pācittiyassa

5. anupasampannena uttariṁ dvirattatirattaṁ sahaseyyaṁ kappento dve āpattiyo āpajjati: nipajjati payoge dukkaṭaṁ, nipanne āpatti pācittiyassa

6. mātugāmena sahaseyyaṁ kappento dve āpattiyo āpajjati: nipajjati payoge dukkaṭaṁ, nipanne āpatti pācittiyassa

7. mātugāmassa uttariṁ jappañcavācāhi dhammaṁ desenno dve āpattiyo āpajjati: deseti payoge dukkaṭaṁ, pade pade āpatti pācittiyassa

8. anupasampannassa uttarimanussadhammaṁ bhūtaṁ ārocento dve āpattiyo āpajjati: āroceti payoge dukkaṭaṁ, ārocite āpatti pācittiyassa

9. bhikkhussa duṭṭhullaṁ āpattiṁ anupasampannassa ārocento dve āpattiyo āpajjati: āroceti payoge dukkaṭaṁ, ārocite āpatti pācittiyassa

10. paṭhaviṁ khaṇanto dve āpattiyo āpajjati: khaṇati payoge dukkaṭaṁ, pahāre pahāre āpatti pācittiyassa

musāvādavaggo paṭhamo.

[bjt page 124] [\x 124/]
[pts page 038] [\q  38/]

5.2
1. bhūtagāmaṁ pātento dve āpattiyo āpajjati: pateti payoge dukkaṭaṁ, pahāre pahāre āpatti pācittiyassa.

2. aññenaññaṁ paṭicaranto dve āpattiyo āpajjati: anāropite aññavādake aññenaññaṁ paṭicarati āpatti dukkaṭassa, āropite aññavādake aññenaññaṁ paṭicarati āpatti pācittiyassa.

3. bhikkhuṁ ujjhāpento dve āpattiyo āpajjati: ujjhāpeti payoge dukkaṭaṁ, ujjhāpite āpatti pācittiyassa.

4. saṅghikaṁ mañcaṁ vā piṭhaṁ vā bhisiṁ vā kocchaṁ vā ajjhokāse sattharitvā anuddharitvā anāpucchā pakkamanto dve āpattiyo āpajjati: paṭhamaṁ pādaṁ leḍḍupātaṁ atikkāmeti āpatti dukkaṭassa, dutiyaṁ pādaṁ atikkāmeti āpatti pācittiyassa

5. saṅghike vihāre seyyaṁ santharitvā anuddharitvā anāpucchā pakkamanto dve āpattiyo āpajjati: paṭhamaṁ pādaṁ parikkhepaṁ atikkāmeti āpatti dukkaṭassa, dutiyaṁ pādaṁ atikkāmeti āpatti pācittiyassa

6. saṅghike vihāre jānaṁ pubbūpagataṁ bhikkhuṁ anupakhajja seyyaṁ kappento dve āpattiyo āpajjati: nipajjati payoge dukkaṭaṁ, nipanne āpatti pācittiyassa
7. bhikkhuṁ kupito anattamano saṅghikā vihārā nikkaḍḍhento dve āpattiyo āpajjati: nikkaḍḍhati payoge dukkaṭaṁ, nikkaḍḍhati āpatti pācittiyassa

8. saṅghike vihāre uparivehāsakuṭiyā āhaccapādakaṁ mañcaṁ vā piṭhaṁ vā abhinisīdanto dve āpattiyo āpajjati: abhinisīdati payoge dukkaṭaṁ, abhinisinne āpatti pācittiyassa

9. dvattipariyāye adhiṭṭhahitvā tatuttariṁ 1- adhiṭṭhahanto dve āpattiyo āpajjati: adhiṭṭhāti payoge dukkaṭaṁ, adhiṭṭhite āpatti pācittiyassa

10. jānaṁ sappāṇakaṁ udakaṁ tiṇaṁ vā mattikaṁ vā siñcanto dve āpattiyo āpajjati: siñcati payoge dukkaṭaṁ, siñcite āpatti pācittiyassa

bhūtagāmavaggo dutiyo

5. 3

1. asammato bhikkhuniyo ovadanto dve āpattiyo āpajjati: ovadati payoge dukkaṭaṁ, ovadite āpatti pācittiyassa

1. tatuttari - machasaṁ

[bjt page 126] [\x 126/]

2. atthaṅgate suriye bhikkhuniyo ovadanto dve āpattiyo āpajjati: ovadati payoge dukkaṭaṁ, ovadite āpatti pācittiyassa

3. bhikkhunūpassayaṁ upasaṅkamitvā bhikkhuniyo ovadanto dve āpattiyo āpajjati: ovadati payoge dukkaṭaṁ, ovadite āpatti pācittiyassa

4. āmisahetu bhikkhū bhikkhuniyo ovadantīti bhaṇanto dve āpattiyo āpajjati: bhaṇati payoge dukkaṭaṁ, bhaṇīte āpatti pācittiyassa

5. aññātikāya bhikkhuniyo cīvaraṁ dento dve āpattiyo āpajjati: deti payoge dukkaṭaṁ, dinena āpatti pācittiyassa.
[pts page 039] [\q  39/]

6. aññātikāya bhikkhuniyā cīvaraṁ sibbanto dve āpattiyo āpajjati: sibbeti payoge dukkaṭaṁ, ārapathe ārapathe āpatti pācittiyassa.

7. bhikkhuniyā saddhiṁ saṁvidhāya ekaddhānamaggaṁ paṭipajjanto dve āpattiyo āpajjati: paṭipajjati payoge dukkaṭaṁ, paṭipanne āpatti pācittiyassa.

8. bhikkhuniyā saddhiṁ saṁvidhāya ekaṁ nāvaṁ abhiruhanto dve āpattiyo āpajjati: abhiruhati payoge dukkaṭaṁ, abhirūḷhe āpatti pācittiyassa.

9. jānaṁ bhikkhunīparipācitaṁ piṇḍāpātaṁ bhuñjanto dve āpattiyo āpajjati: bhuñjissāmiti paṭigaṇhāti āpatti dukkaṭassa. ajjhohāre ajjhohāre āpatti pācittiyassa

10. bhikkhuniyā saddhiṁ eko ekāya raho nisajjaṁ kappento dve āpattiyo āpajjati: nisīditi payoge dukkaṭaṁ, nisinne āpatti pācittiyassa.

ovādavaggo tatiyo

5. 4

1. tatuttariṁ 1- āvasathapiṇḍaṁ bhuñjanto dve āpattiyo āpajjati: bhuñjissāmīti paṭigaṇhāti āpatti dukkaṭassa, ajjhohāre ajjhohāre āpatti pācittiyassa.

2. gaṇabhojanaṁ bhuñjanto dve āpattiyo āpajjati: bhuñjissāmīti paṭigaṇhāti āpatti dukkaṭassa, ajjhohāre ajjhohāre āpatti pācittiyassa.

1. tatuttari - machasaṁ

[bjt page 128] [\x 128/]

3. paramparabhojanaṁ bhuñjanto dve āpattiyo āpajjati: bhuñjissāmīti paṭigaṇhāti āpatti dukkaṭassa, ajjhohāre ajjhohāre āpatti pācittiyassa.

4. dvattipattapūre pūve paṭiggahtvo tatuttariṁ paṭigaṇhananto dve āpattiyo āpajjati: gaṇhāti payoge dukkaṭassa, gahite āpatti pācittiyassa.

5. bhuttāvī pavārito anatarittaṁ khādanīyaṁ vā bhojanīyaṁ vā bhuñjanto dve āpattiyo āpajjati: khādissāmi bhuñjissāmīti 1paṭigaṇhāti āpatti dukkaṭassa, ajjhohāre ajjhohāre āpatti pācittiyassa.

6. bhikkhuṁ bhuttāviṁ pavāritaṁ anatarittena khādanīyena vā bhojanīyena vā abhihaṭṭhuṁ pavārento dve āpattiyo āpajjati: tassa vacanena khādissāmi bhuñjissāmīti paṭigaṇhāti āpatti dukkaṭassa, bhojanapariyosāne āpatti pācittiyassa.

7. vikāle khādanīyaṁ vā bhojanīyaṁ vā bhuñjanto dve āpattiyo āpajjati: khādissāmi bhuñjissāmīti paṭigaṇhāti āpatti dukkaṭassa, ajjhohāre ajjhohāre āpatti pācittiyassa.

8. sannidhikārakaṁ khādanīyaṁ vā bhojanīyaṁ vā bhuñjanto dve āpattiyo āpajjati: khādissāmi bhuñjissāmīti paṭigaṇhāti āpatti dukkaṭassa, ajjhohāre ajjhohāre āpatti pācittiyassa.
9. paṇītabhojanāni attano atthāya viññāpetvā bhuñjanto dve āpattiyo āpajjati: bhuñjissāmīti paṭigaṇhāti āpatti dukkaṭassa, ajjhohāre ajjhohāre āpatti pācittiyassa.

10. adinnaṁ mukhadvāraṁ āhāraṁ āharanto dve āpattiyo āpajjati: bhuñjissāmīti paṭigaṇhāti āpatti dukkaṭassa, ajjhohāre ajjhohāre āpatti pācittiyassa.

bhojanavaggo catuttho

5. 5

1. aceḷakassa vā paribbājakassa vā paribbājikāya vā sahatthā [pts page 040] [\q  40/]      khādanīyaṁ vā bhojanīyaṁ vā dento dve āpattiyo āpajjati: deti payoge dukkaṭaṁ dinne āpatti pācittiyassa.

2. bhikkhuṁ 'ehāvuso gāmaṁ vā nigamaṁ vā piṇḍāya pavisissāmā'ti, tassa dāpetvā vā adāpetvā vā uyyojento dve āpattiyo āpajjati: uyyojeti payoge dukkaṭaṁ, uyyojite āpatti pācittiyassa.

1. bhuñjissāmiti - machasaṁ

[bjt page 130] [\x 130/]

3. sabhojane kule anupakhajja nisajjaṁ kappento dve āpattiyo āpajjati: nisīdati payoge dukkaṭaṁ, nisinne āpatti pācittiyassa.

4. mātugāmena saddhiṁ raho paṭicchanne āsane nisajjaṁ kappento dve āpattiyo āpajjati: nisidati payoge dukkaṭaṁ, nisinne āpatti pācittiyassa.

5. mātugāmena saddhiṁ eko ekāya raho nisajjaṁ kappento dve āpattiyo āpajjati: nisīdati payoge dukkaṭaṁ, nisinne āpatti pācittiyassa.

6. nimantito sabhatto samāno purebhattaṁ vā pacchābhattaṁ vā santaṁ bhikkhuṁ anāpucchā kulesu cārittaṁ 1- āpajjanno dve āpattiyo āpajjati: paṭhamaṁ pādaṁ upacāraṁ 2 atikkāmeti āpatti dukkaṭassa, dutiyaṁ pādaṁ atikkāmeti, āpatti pācittiyassa.

7. tatuttariṁ bhesajjaṁ viññāpento dve āpattiyo āpajjati: viññāpeti payoge dukkaṭaṁ viññāpite āpatti pācittiyassa.

8. uyyuttaṁ senaṁ dassanāya gacchanto dve āpattiyo āpajjati: gacchati apatti dukkaṭassa, yattha ṭhito passati āpatti pācittiyassa.

9. atirekatirattaṁ senāya vasanto dve āpattiyo āpajjati: vasati payoge dukkaṭaṁ vasite āpatti pācittiyassa.

10. uyyodhikaṁ gacchanto dve āpattiyo āpajjati: gacchati āpatti dukkaṭassa yattha ṭhito passati āpatti pācittiyassa.

aceḷakavaggo pañcamo

5. 6

1. majjaṁ pivanto dve āpattiyo āpajjati: pivissāmīti paṭigaṇhāti āpatti dukkaṭassa, ajjhohāre ajjhohāre āpatti pācittiyassa.

2. bhikkhuṁ aṅgulipatodakena hāsento dve āpattiyo āpajjati: hāseti payoge dukkaṭaṁ, hāsite 3- āpatti pācittiyassa.

3. udake kīḷanto dve āpattiyo āpajjati: heṭṭhā gopphake udake kīḷati āpatti dukkaṭassa, upari gopphake kīḷati āpatti pācittiyassa.

1. purebhattaṁ pacchābhattaṁ kulesu cārittaṁ - machasaṁ
2. uccāraṁ - machasaṁ 3. samanubhāsiyamāne. syā

[bjt page 132] [\x 132/]

4. anādariyaṁ karonto dve āpattiyo āpajjati: taroti payoge dukkaṭaṁ, kate āpatti pācittiyassa.

5. bhikkhuṁ bhiṁsāpento dve āpattiyo āpajjati: bhiṁsāpeti payoge dukkaṭaṁ, bhiṁsāpite āpatti pācittiyassa.

6. jotiṁ samādahitvā visibbento dve āpattiyo āpajjati: samādahati payoge dukkaṭaṁ, samādahite āpatti pācittiyassa.

7. orenaddhamāsaṁ nahāyanto dve āpattiyo āpajjati: nahāyati payoge dukkaṭaṁ, nahānapariyosāne āpatti pācittiyassa.
[pts page 041] [\q  41/]
8. anādiyitvā tiṇṇaṁ dubbaṇṇakaraṇānaṁ aññataraṁ dubbaṇṇakaraṇaṁ navaṁ cīvaraṁ paribhunto dve āpattiyo āpajjati: paribhuñjati payoge dukkaṭaṁ, paribhutte āpatti pācittiyassa.

9. bhikkhussa vā bhikkhuniyā vā sikkhamānāya vā sāmaṇerassa vā sāmaṇeriyā vā sāmaṁ cīvaraṁ vikappetvā apaccuddhārakaṁ 1paribhuñjanto dve āpattiyo āpajjati: paribhuñjati payoge dukkaṭaṁ, paribhutte āpatti pācittiyassa.

10. bhikkhussa pattaṁ vā cīvaraṁ vā nisīdanaṁ vā sūcigharaṁ vā kāyabandhanaṁ vā apanidhento dve āpattiyo āpajjati: apanidheti payoge dukkaṭaṁ, apaniddhe 2āpatti pācittiyassa.

surāmerayavaggo chaṭṭho.

5. 7

1. sañcicca pāṇaṁ jīvitā voropento kati āpattiyo āpajjati: sañcicca pāṇaṁ jīvitā voropento catasso āpattiyo āpajjati: anodissa opātaṁ khaṇati 'yo koci papatitvā marissatī'ti āpatti dukkaṭassa. manusso tasmiṁ papatitvā marati, āpatti pārājikassa. yakkho vā peto vā tiracchānagatamanussaviggaho vā tasmiṁ papatitvā marati, āpatti thullaccayassa. tiracchānagato tasmiṁ papatitvā marati, āpatti pācittiyassa sañcicca pāṇaṁ jivitā voropento imā catasso āpattiyo āpajjati.

2. jānaṁ sappāṇakaṁ udakaṁ paribhuñjanto dve āpattiyo āpajjati: paribhuñjati payoge dukkaṭaṁ, paribhutte āpatti pācittiyassa.

3. jānaṁ yathādhammaṁ nihatādhikaraṇaṁ puna kammāya ukkoṭento dve āpattiyo āpajjati: ukkoṭeti payoge dukkaṭaṁ, ukkoṭite āpatti pācittiyassa.

1. apaccuddhāraṇaṁ - machasaṁ 2. apanidhite - machasaṁ

[bjt page 134] [\x 134/]

4. bhikkhussa jānaṁ duṭṭhullaṁ āpattiṁ paṭicchādento ekaṁ āpattiṁ āpajjati: pācittiyaṁ.

5. jānaṁ ūnavīsativassaṁ puggalaṁ upasampādento dve āpattiyo āpajjati: upasampādeti payoge dukkaṭaṁ, upasampādite āpatti pācittiyassa.

6. jānaṁ theyyasatthena saddhiṁ saṁvidhāya ekaddhānamaggaṁ paṭipajjanto dve āpattiyo āpajjati: paṭipajjati payoge dukkaṭaṁ, paṭipanno āpatti pācittiyassa.

7. mātugāmena saddhiṁ saṁvidhānaṁ ekaddhānamaggaṁ paṭipajjanto dve āpattiyo āpajjati: paṭipajjati payoge dukkaṭaṁ, paṭipanne āpatti pācittiyassa.

8. pāpikāya diṭṭhiyā yāvatatiyaṁ samanubhāsiyamāno1nappaṭinissajanto dve āpattiyo āpajjati: ñattiyā dukkaṭaṁ, kammavācāpariyosāne āpatti pācittiyassa.

9. jānaṁ tathāvādinā bhikkhunā akatānudhammena 2- taṁ diṭṭhiṁ appaṭinissaṭṭhena saddhiṁ sambhuñjanto dve āpattiyo āpajjati: sambhuñjati payoge dukkaṭaṁ, sambhutte āpatti pācittiyassa.
[pts page 042] [\q  42/]

10. jānaṁ tathā nāsitaṁ samaṇuddesaṁ upalāpento dve āpattiyo āpajjati: upalāpeti payoge dukkaṭaṁ, upalāpite āpatti pācittiyassa.

sappāṇakavaggo sattamo.

5. 8

1. bhikkhūhi sahadhammikaṁ vuccamāno 'na tāvāhaṁ āvuso etasmiṁ sikkhāpade sikkhissāmi, yāva na aññaṁ bhikkhuṁ viyattaṁ vinayadharaṁ paṭipucchissāmī'ti bhaṇanto dve āpattiyo āpajjati: bhaṇati payoge dukkaṭaṁ, bhaṇite āpatti pācittiyassa.

2. vinayaṁ vivaṇṇento dve āpattiyo āpajjati: vivaṇṇeti payoge dukkaṭaṁ, vivaṇṇite āpatti pācittiyassa.

3. mohento dve āpattiyo āpajjati: anāropite mohe moheti āpatti dukkaṭassa, āropite mohe moheti āpatti pācittiyassa.

4. bhikkhussa kupito anattamano pahāraṁ dento dve āpattiyo āpajjati: paharati payoge dukkaṭaṁ, paharite3 āpatti pācittiyassa.

1. samanubhāsanāya - machasaṁ
2. akaṭānudhammena - machasaṁ 3. pahate - machasaṁ

[bjt page 136] [\x 136/]

5. bhikkhussa kupito anattamano talasattikaṁ uggiranto dve āpattiyo āpajjati: uggirati payoge dukkaṭaṁ, uggirite āpatti pācittiyassa.

6. bhikkhuṁ amūlakena saṅghādisesena anuddhaṁsento dve āpattiyo āpajjati: anuddhaṁseti payoge dukkaṭaṁ, anuddhaṁsite āpatti pācittiyassa.

7. bhikkhussa sañcicca kukkuccaṁ upadahanto dve āpattiyo āpajjati: upadati payoge dukkaṭaṁ, upadahite āpatti pācittiyassa.

8. bhikkhūnaṁ bhaṇḍanajātānaṁ kalahajātānaṁ vivādāpannānaṁ upassutiṁ tiṭṭhanto dve āpattiyo āpajjati: sossāmīti gacchati āpatti dukkaṭassa, yattha ṭhito suṇāti āpatti pācittiyassa.

9. dhammikānaṁ kammānaṁ chandaṁ datvā pacchā khīyanadhammaṁ āpajjanto dve āpattiyo āpajjati: khīyati payoge dukkaṭaṁ, khīyite āpatti pācittiyassa.

10. saṅghe vinicchayakathāya vattamānāya chandaṁ adatvā uṭṭhāyāsanā pakkamanto dve āpattiyo āpajjati: parisāya hatthapāsaṁ vijahantassa āpatti dukkaṭassa, vijahite āpatti pācittiyassa.

11. samaggena saṅghena cīvaraṁ datvā pacchā khīyanadhammaṁ āpajjanto dve āpattiyo āpajjati: khīyati payoge dukkaṭaṁ, khīyite āpatti pācittiyassa.

12. jānaṁ saṅghikaṁ lābhaṁ pariṇataṁ puggalassa pariṇāmento dve āpattiyo āpajjati: pariṇāmeti payoge dukkaṭaṁ, pariṇāmite āpatti pācittiyassa.

sahadhammikavaggo aṭṭhamo.

5. 9

1. pubbe appaṭisaṁvidito rañño antepuraṁ pavisanto dve āpattiyo āpajjati: paṭhamaṁ pādaṁ ummāraṁ atikkāmeti āpatti dukkaṭassa, dutiyaṁ pādaṁ atikkāmeti āpatti pācittiyassa.
[pts page 043] [\q  43/]

2. rattaṁ uggaṇhanto dve āpattiyo āpajjati: gaṇhāti payoge dukkaṭaṁ, gahite āpatti pācittiyassa.

3. santaṁ bhikkhuṁ anāpucchā vikāle gāmaṁ pavisanto dve āpattiyo āpajjati: paṭhamaṁ pādaṁ parikkhepaṁ atikkāmeti āpatti dukkaṭassa, dutiyaṁ pādaṁ atikkāmeti āpatti pācittiyassa.

[bjt page 138] [\x 138/]

4. aṭṭhimaṁ vā dantamayaṁ vā visāṇamayaṁ vā sūcigharaṁ kārāpento dve āpattiyo āpajjati: kārāpeti payoge dukkaṭaṁ, kārāpite āpatti pācittiyassa.

5. pamāṇātikkantaṁ mañcaṁ vā pīṭhaṁ vā kārāpento vā dve āpattiyo āpajjati: kārāpeti payoge dukkaṭaṁ, kārāpite āpatti pācittiyassa.

6. mañcaṁ vā pīṭhaṁ vā tulonaddhaṁ kārāpento dve āpattiyo āpajjati: kārāpeti payoge dukkaṭaṁ, kārāpite āpatti pācittiyassa.

7. pamāṇātikkantaṁ nisīdanaṁ kārāpento dve āpattiyo āpajjati: kārāpeti payoge dukkaṭaṁ, kārāpite āpatti pācittiyassa.

8. pamāṇātikkantaṁ kaṇḍupaṭicchādiṁ kārāpento dve āpattiyo āpajjati: kārāpeti payoge dukkaṭaṁ, kārāpite āpatti pācittiyassa.

9. pamāṇātikkantaṁ vassikapāṭikaṁ kārāpento dve āpattiyo āpajjati: kārāpeti payoge dukkaṭaṁ, kārāpite āpatti pācittiyassa.

10. sugatacīvarappamāṇaṁ cīvaraṁ kārāpento kati āpattiyo āpajjati: sugatacīvarappamāṇaṁ cīvaraṁ kārāpento dve āpattiyo āpajjati: kārāpeti payoge dukkaṭaṁ, kārāpite āpatti pācittiyassa. sugatacīvarappamāṇaṁ cīvaraṁ kārāpento imā dve āpattiyo āpajjati.

rājavaggo navamo.

dve navuti pācittiyā niṭṭhitā

2. 6
pāṭidesanīyakaṇḍo

1. aññātikāya bhikkhuniyā antaragharaṁ paviṭṭhāya hatthato khādanīyaṁ vā bhojanīyaṁ vā sahatthā paṭiggahetvā bhuñjanto kati āpattiyo āpajjati: aññātikāya bhikkhuniyā antaragharaṁ paviṭṭhāya hatthato khādanīyaṁ vā bhojanīyaṁ vā sahatthā paṭiggahetvā bhuñjanto dve āpattiyo āpajjati: bhuñjissāmiti paṭigaṇhāti āpatti dukkaṭassa, ajjhohāre ajjhohāre āpatti pāṭidesanīyassa. aññātikāya bhikkhuniyā antaragharaṁ paviṭṭhāya hatthato khādanīyaṁ vā bhojanīyaṁ vā sahatthā paṭiggahetvā bhuñjanto imā dve āpattiyo āpajjati.

[bjt page 140] [\x 140/]

2. bhikkhuniyā vosāsantiyā na nivāretvā bhuñjanto dve āpattiyo āpajjati: bhuñjissāmīti paṭigaṇhāti āpatti dukkaṭassa, ajjhohāre ajjhohāre āpatti pāṭidesanīyassa.

3. sekhasammatesu kulesu khādanīyaṁ vā bhojanīyaṁ vā sahatthā paṭiggahetvā bhuñjanto dve āpattiyo āpajjati: bhuñjissāmīti paṭigaṇhāti āpatti dukkaṭassa, ajjhohāre ajjhohāre āpatti pāṭidesanīyassa.

4. āraññakesu senāsanesu pubbe appaṭisaṁviditaṁ khādanīyaṁ vā bhojanīyaṁ vā ajjhārāme sahatthā paṭiggahetvā bhuñjanto kati āpattiyo āpajjati: āraññakesu senāsanesu pubbe appaṭisaṁviditaṁ khādanīyaṁ vā bhojanīyaṁ vā ajjhārāme sahatthā paṭiggahetvā bhuñjanto dve āpattiyo [pts page 044] [\q  44/]      āpajjati: bhuñjissāmīti paṭigaṇhāti āpatti dukkaṭassa, ajjhohāre ajjhohāre āpatti pāṭidesanīyassa. āraññakesu senāsanesu pubbe appaṭisaṁviditaṁ khādanīyaṁ vā bhojanīyaṁ vā ajjhārāme sahatthā paṭiggahetvā bhuñjanto imā dve āpattiyo āpajjati.

cattāro pāṭidesanīyā niṭṭhitā.

2. 7
sekhiyā
7. 1

1. anādariyaṁ paṭicca purato vā pacchato vā olambento nivāsento kati āpattiyo āpajjati: anādariyaṁ paṭicca purato vā pacchato vā olambento nivāsento ekaṁ āpattiṁ āpajjati: dukkaṭaṁ. anādariyaṁ paṭicca purato vā pacchato vā olambento nivāsento imaṁ ekaṁ āpattiṁ āpajjati.

2. anādariyaṁ paṭicca purato vā pacchato vā olambento pārupanto ekaṁ āpattiṁ āpajjati: dukkaṭaṁ.

3. anādariyaṁ paṭicca kāyaṁ vivaritvā antaraghare gacchanto ekaṁ āpattiṁ āpajjati: dukkaṭaṁ.

4. anādariyaṁ paṭicca kāyaṁ vivaritvā antaraghare nisīdanto ekaṁ āpattiṁ āpajjati: dukkaṭaṁ.

5. anādariyaṁ paṭicca hatthaṁ vā pādaṁ vā kīḷāpento antaraghare gacchanto ekaṁ āpattiṁ āpajjati: dukkaṭaṁ.

6. anādariyaṁ paṭicca hatthaṁ vā pādaṁ vā kīḷāpento antaraghare nisīdanto ekaṁ āpattiṁ āpajjati: dukkaṭaṁ.
[bjt page 142] [\x 142/]     .
7. anādariyaṁ paṭicca tahaṁ tahaṁ olokento antaraghare gacchanto ekaṁ āpattiṁ āpajjati: dukkaṭaṁ.

8. anādariyaṁ paṭicca tahaṁ tahaṁ olokento antaraghare nisīdanto ekaṁ āpattiṁ āpajjati: dukkaṭaṁ.

9. anādariyaṁ paṭicca ukkhittakāya antaraghare gacchanto ekaṁ āpattiṁ āpajjati: dukkaṭaṁ.

10. anādariyaṁ paṭicca ukkhittakāya antaraghare nisīdanto ekaṁ āpattiṁ āpajjati: dukkaṭaṁ.

parimaṇḍalavaggo paṭhamo.

7. 2

1. anādariyaṁ paṭicca ujjagghikāya antaraghare gacchanto ekaṁ āpattiṁ āpajjati: dukkaṭaṁ.
2. anādariyaṁ paṭicca ujjagghikāya antaraghare nisīdanto ekaṁ āpattiṁ āpajjati: dukkaṭaṁ.
3. anādariyaṁ paṭicca uccāsaddaṁ mahāsaddaṁ karonto antaraghare gacchanto ekaṁ āpattiṁ āpajjati: dukkaṭaṁ.

4. anādariyaṁ paṭicca uccāsaddaṁ mahāsaddaṁ karonto antaraghare nisīdanto ekaṁ āpattiṁ āpajjati: dukkaṭaṁ.

5. anādariyaṁ paṭicca kāyappacālakaṁ antaraghare gacchanto ekaṁ āpattiṁ āpajjati: dukkaṭaṁ.

6. anādariyaṁ paṭicca kāyappacālakaṁ antaraghare nisīdanto ekaṁ āpattiṁ āpajjati: dukkaṭaṁ.

7. anādariyaṁ paṭicca bāhuppacālakaṁ antaraghare gacchanto ekaṁ āpattiṁ āpajjati: dukkaṭaṁ.

8. anādariyaṁ paṭicca bāhuppacālakaṁ antaraghare nisīdanto ekaṁ āpattiṁ āpajjati: dukkaṭaṁ.

9. anādariyaṁ paṭicca sīsappacālakaṁ antaraghare gacchanto ekaṁ āpattiṁ āpajjati: dukkaṭaṁ.
10. anādariyaṁ paṭicca sīsappacālakaṁ antaraghare nisīdanto ekaṁ āpattiṁ āpajjati: dukkaṭaṁ.

ujjagghikavaggo dutiyo.

[bjt page 144] [\x 144/]

7. 3

1. anādariyaṁ paṭicca khambhakato antaraghare gacchanto ekaṁ āpattiṁ āpajjati: dukkaṭaṁ.
2. anādariyaṁ paṭicca khambhakato antaraghare nisīdanto ekaṁ āpattiṁ āpajjati: dukkaṭaṁ.
3. anādariyaṁ paṭicca oguṇṭhito antaraghare gacchanto ekaṁ āpattiṁ āpajjati: dukkaṭaṁ.
4. anādariyaṁ paṭicca oguṇṭhito antaraghare nisīdanto ekaṁ āpattiṁ āpajjati: dukkaṭaṁ.
5. anādariyaṁ paṭicca ukkuṭikāya antaraghare gacchanto ekaṁ āpattiṁ āpajjati: dukkaṭaṁ.
6. anādariyaṁ paṭicca pallatthikāya antaraghare nisīdanto ekaṁ āpattiṁ āpajjati: dukkaṭaṁ.
7. anādariyaṁ paṭicca asakkaccaṁ piṇḍapātaṁ paṭigaṇhanto ekaṁ āpattiṁ āpajjati: dukkaṭaṁ.
[pts page 045] [\q  45/]
8. anādariyaṁ paṭicca tahaṁ tahaṁ olokento piṇḍapātaṁ paṭigaṇhanto ekaṁ āpattiṁ āpajjati: dukkaṭaṁ.

9. anādariyaṁ paṭicca sūpaññeva bahuṁ paṭigaṇhanto ekaṁ āpattiṁ āpajjati: dukkaṭaṁ.
10. anādariyaṁ paṭicca thupikataṁ piṇḍapātaṁ paṭigaṇhanto ekaṁ āpattiṁ āpajjati: dukkaṭaṁ. khambhakatavaggo tatiyo.

7. 4

1. anādariyaṁ paṭicca asakkaccaṁ piṇḍapātaṁ bhuñjanto ekaṁ āpattiṁ āpajjati: dukkaṭaṁ.
2. anādariyaṁ paṭicca tahaṁ tahaṁ olokento piṇḍapātaṁ bhuñjanto ekaṁ āpattiṁ āpajjati: dukkaṭaṁ.

3. anādariyaṁ paṭicca tahaṁ tahaṁ omasitvā piṇḍapātaṁ bhuñjanto ekaṁ āpattiṁ āpajjati: dukkaṭaṁ.

4. anādariyaṁ paṭicca supaññeva bahuṁ bhuñjanto ekaṁ āpattiṁ āpajjati: dukkaṭaṁ.
5. anādariyaṁ paṭicca thūpakato omadditvā piṇḍapātaṁ bhuñjanto ekaṁ āpattiṁ āpajjati: dukkaṭaṁ.

6. anādariyaṁ paṭicca sūpaṁ vā byañjanaṁ vā odanena paṭicchādento ekaṁ āpattiṁ āpajjati: dukkaṭaṁ.

[bjt page 146] [\x 146/]

7. anādariyaṁ paṭicca sūpaṁ vā odanaṁ vā agilāno attano atthāya viññāpetvā bhuñjanto ekaṁ āpattiṁ āpajjati: dukkaṭaṁ.

8. anādariyaṁ paṭicca ujjhānasaññī paresaṁ pattaṁ olokento ekaṁ āpattiṁ āpajjati: dukkaṭaṁ.

9. anādariyaṁ paṭicca mahantaṁ kabalaṁ karonto ekaṁ āpattiṁ āpajjati: dukkaṭaṁ.
10. anādariyaṁ paṭicca dīghaṁ ālopaṁ karonto ekaṁ āpattiṁ āpajjati: dukkaṭaṁ.

piṇḍapātavaggo catuttho.

7. 5

1. anādariyaṁ paṭicca anāhaṭe kabale mukhadvāraṁ vivaranto ekaṁ āpattiṁ āpajjati: dukkaṭaṁ.

2. anādariyaṁ paṭicca bhuñjamāno sabbaṁ hatthaṁ mukhe pakkhipanto ekaṁ āpattiṁ āpajjati: dukkaṭaṁ.

3. anādariyaṁ paṭicca sakabalena mukhena byaharanto ekaṁ āpattiṁ āpajjati: dukkaṭaṁ.
4. anādariyaṁ paṭicca piṇḍukkhepakaṁ bhuñjanto ekaṁ āpattiṁ āpajjati: dukkaṭaṁ.
5. anādariyaṁ paṭicca kabalāvacchedakaṁ bhuñjanto ekaṁ āpattiṁ āpajjati: dukkaṭaṁ.
6. anādariyaṁ paṭicca avagaṇḍakārakaṁ bhuñjanto ekaṁ āpattiṁ āpajjati: dukkaṭaṁ.
7. anādariyaṁ paṭicca hatthaniddhunakaṁ bhuñjanto ekaṁ āpattiṁ āpajjati: dukkaṭaṁ.

8. anādariyaṁ paṭicca sitthāvakārakaṁ bhuñjanto ekaṁ āpattiṁ āpajjati: dukkaṭaṁ.
9. anādariyaṁ paṭicca jivhānicchārakaṁ bhuñjanto ekaṁ āpattiṁ āpajjati: dukkaṭaṁ.
10. anādariyaṁ paṭicca capucapukārakaṁ bhuñjanto ekaṁ āpattiṁ āpajjati: dukkaṭaṁ.

kabalavaggo pañcamo.

[bjt page 148] [\x 148/]
7. 6

1. anādariyaṁ paṭicca surusurukārakaṁ bhuñjanto ekaṁ āpattiṁ āpajjati: dukkaṭaṁ.
2. anādariyaṁ paṭicca hatthanillehakaṁ bhuñjanto ekaṁ āpattiṁ āpajjati: dukkaṭaṁ.

3. anādariyaṁ paṭicca pattanillehakaṁ bhuñjanto ekaṁ āpattiṁ āpajjati: dukkaṭaṁ.
4. anādariyaṁ paṭicca oṭṭhanillehakaṁ bhuñjanto ekaṁ āpattiṁ āpajjati: dukkaṭaṁ.

5. anādariyaṁ paṭicca sāmisena hatthena pānīyathālakaṁ paṭigaṇhanto ekaṁ āpattiṁ āpajjati: dukkaṭaṁ.
[pts page 046] [\q  46/]

6. anādariyaṁ paṭicca sasitthakaṁ pattadhovanaṁ antaraghare chaḍḍento ekaṁ āpattiṁ āpajjati: dukkaṭaṁ.

7. anādariyaṁ paṭicca chattapāṇissa dhammaṁ desento ekaṁ āpattiṁ āpajjati: dukkaṭaṁ.
8. anādariyaṁ paṭicca daṇḍapāṇissa dhammaṁ desento ekaṁ āpattiṁ āpajjati: dukkaṭaṁ.
9. anādariyaṁ paṭicca satthapāṇissa dhammaṁ desento ekaṁ āpattiṁ āpajjati: dukkaṭaṁ.
10. anādariyaṁ paṭicca āyudhapāṇissa dhammaṁ desento ekaṁ āpattiṁ āpajjati: dukkaṭaṁ.
surusuruvaggo chaṭṭho.

7. 7

1. anādariyaṁ paṭicca pādukārūḷhassa dhammaṁ desento ekaṁ āpattiṁ āpajjati: dukkaṭaṁ.
2. anādariyaṁ paṭicca upāhanārūḷhassa dhammaṁ desento ekaṁ āpattiṁ āpajjati: dukkaṭaṁ.
3. anādariyaṁ paṭicca yānagatassa dhammaṁ desento ekaṁ āpattiṁ āpajjati: dukkaṭaṁ.
4. anādariyaṁ paṭicca sayanagatassa dhammaṁ desento ekaṁ āpattiṁ āpajjati: dukkaṭaṁ.
5. anādariyaṁ paṭicca pallatthikāya nisinnassa dhammaṁ desento ekaṁ āpattiṁ āpajjati: dukkaṭaṁ.

6. anādariyaṁ paṭicca veṭhitasīsassa dhammaṁ desento ekaṁ āpattiṁ āpajjati: dukkaṭaṁ.

[bjt page 150] [\x 150/]

7. anādariyaṁ paṭicca oguṇṭhitasīsassa dhammaṁ desento ekaṁ āpattiṁ āpajjati: dukkaṭaṁ.
8. anādariyaṁ paṭicca chamāya nisīditvā āsane nisinnassa dhammaṁ desento ekaṁ āpattiṁ āpajjati: dukkaṭaṁ.

9. anādariyaṁ paṭicca nīce āsane nisīditvā ucce āsane nisinnassa dhammaṁ desento ekaṁ āpattiṁ āpajjati: dukkaṭaṁ.

10. anādariyaṁ paṭicca ṭhito nisinnassa dhammaṁ desento ekaṁ āpattiṁ āpajjati: dukkaṭaṁ.

11. anādariyaṁ paṭicca pacchato gacchanto purato gacchantassa dhammaṁ desento ekaṁ āpattiṁ āpajjati: dukkaṭaṁ.

12. anādariyaṁ paṭicca uppathena gacchanto pathena gacchantassa dhammaṁ desento ekaṁ āpattiṁ āpajjati: dukkaṭaṁ.

13. anādariyaṁ paṭicca ṭhito uccāraṁ vā passāvaṁ vā karonto ekaṁ āpattiṁ āpajjati: dukkaṭaṁ.

14. anādariyaṁ paṭicca harite uccāraṁ vā passāvaṁ vā kheḷaṁ vā karonto ekaṁ āpattiṁ āpajjati: dukkaṭaṁ.

15. anādariyaṁ paṭicca udake uccāraṁ vā passāvaṁ vā kheḷaṁ vā karonto kati āpattiyo āpajjati: anādariyaṁ paṭicca udake uccāraṁ vā passāvaṁ vā kheḷaṁ vā karonto ekaṁ āpattiṁ āpajjati: dukkaṭaṁ. anādariyaṁ paṭicca udake uccāraṁ vā passāvaṁ vā kheḷaṁ vā karonto imaṁ ekaṁ āpattiṁ āpajjati.

pādukāvaggo sattamo
sekhiyā niṭṭhitā.

katāpatativāro niṭṭhito dutiyo

[bjt page 152] [\x 152/]

3. vipattivāro

1. methunaṁ dhammaṁ paṭisevantassa āpattiyo catunnaṁ vipattīnaṁ kati vipattiyo bhajanti: methunaṁ dhammaṁ paṭisevantassa āpattiyo catunnaṁ vipattīnaṁ dve vipattiyo bhajanti: siyā sīlavipatti, siyā ācāravipatti - pe -

2. anādariyaṁ paṭicca udake uccāraṁ vā passāvaṁ vā kheḷaṁ vā karontassa āpatti catunnaṁ vipattīnaṁ kati vipattiyo bhajati: anādariyaṁ paṭicca udake uccāraṁ vā passāvaṁ vā kheḷaṁ vā karontassa āpatti catunnaṁ vipattīnaṁ ekaṁ vipattiṁ bhajati: ācāravipattiṁ.

vipattivāro niṭṭhito tatiyo.

4. saṅgahitavāro

1. methunaṁ dhammaṁ paṭisevantassa āpattiyo sattannaṁ āpattikkhandhānaṁ katīhi āpattikkhandhehi saṅgahītā: methunaṁ dhammaṁ paṭisevantassa āpattiyo sattannaṁ āpattikkhandhānaṁ tīhi āpattikkhandhehi saṅgahītā: siyā pārājikapattikkhandhena, siyā thullaccayāpattikkhandhena, siyā dukkaṭāpattikkhandhena - pe -

[pts page 047] [\q  47/]
2. anādariyaṁ paṭicca udake uccāraṁ vā passāvaṁ vā kheḷaṁ vā karontassa āpatti sattannaṁ āpattikkhandhānaṁ katīhi āpattikkhandhehi saṅgahītā: anādariyaṁ paṭicca udake uccāraṁ vā passāvaṁ vā kheḷaṁ vā karontassa āpatti sattannaṁ āpattikkhandhānaṁ ekena āpattikkhandhena saṅgagītā: dukkaṭāpattikkhandhena

saṅgahitavāro niṭṭhito catuttho.

[bjt page 154] [\x 154/]

5. samuṭṭhānavāro

1. methunaṁ dhammaṁ paṭisevantassa āpattiyo channaṁ āpatti samuṭṭhānānaṁ katīhi samuṭṭhānehi samuṭṭhahanti: methunaṁ dhammaṁ paṭisevantassa āpattiyo channaṁ āpattikkhandhānaṁ ekena samuṭṭhānena samuṭṭhahanti 1- kāyato cittato ca samuṭṭhahanti, na vācato - pe -
2. anādariyaṁ paṭicca udake uccāraṁ vā passāvaṁ vā kheḷaṁ vā karontassa āpatti channaṁ āpattisamuṭṭhānaṁ katīhi samuṭṭhānehi samuṭṭhāti: anādariyaṁ paṭicca udake uccāraṁ vā passāvaṁ vā kheḷaṁ vā karontassa āpatti channaṁ āpattisamuṭṭhānaṁ ekena samuṭṭhānena samuṭṭhāti: kāyato ca cittato ca samuṭṭhāti: na vācato

samuṭṭhānavāro niṭṭhito pañcamo.

6. adhikaraṇavāro

1. methunaṁ dhammaṁ paṭisevantassa āpattiyo catunnaṁ adhikaraṇānaṁ katamaṁ adhikaraṇaṁ: methunaṁ dhammaṁ paṭisevantassa āpattiyo catunnaṁ adhikaraṇānaṁ āpattādhikaraṇaṁ - pe -

2. anādariyaṁ paṭicca udake uccāraṁ vā passāvaṁ vā kheḷaṁ vā karontassa āpatti catunnaṁ adhikaraṇānaṁ katamaṁ adhikaraṇaṁ: anādariyaṁ paṭicca udake uccāraṁ vā passāvaṁ vā kheḷaṁ vā karontassa āpatti catunnaṁ adhikaraṇānaṁ āpattādhikaraṇaṁ

adhikaraṇavāro niṭṭhito chaṭṭho.

1. samuṭṭhanti - machasaṁ

[bjt page 156] [\x 156/]

7. samathavāro

1. methunaṁ dhammaṁ paṭisevantassa āpattiyo sattannaṁ samathānaṁ katīhi samathehi sammanti: methunaṁ dhammaṁ paṭisevantassa āpattiyo sattannaṁ samathānaṁ tīhi samathehi sammanti: siyā sammukhāvinayena ca paṭiññātakaraṇena ca. siyā sammukhāvinayena ca tiṇavatthārakena ca - pe -

2. anādariyaṁ paṭicca udake uccāraṁ vā passāvaṁ vā kheḷaṁ vā karontassa āpatti sattannaṁ samathānaṁ katīhi samathehi sammati: anādariyaṁ paṭicca udake uccāraṁ vā passāvaṁ vā kheḷaṁ vā karontassa āpatti sattannaṁ samathānaṁ tīhi samathehi sammati: siyā sammukhāvinayena ca, paṭiññātakaraṇena ca, siyā sammukhāvinayena ca tiṇavatthārakena ca.

samathavāro niṭṭhito sattamo.

. 2[bjt page 158] [\x 158/]

8. samuccayavāro

1. methunaṁ dhammaṁ paṭisevantassa kati āpattiyo āpajjati: methunaṁ dhammaṁ paṭisevanto tisso āpattiyo āpajjati: akkhayite 1sarīre methunaṁ dhammaṁ paṭisevati, āpatti pārājikassa. yebhuyyena khayite 2- sarīre methunaṁ dhammaṁ paṭisevati, āpatti thullaccayassa. vattakate 3- mukhe [pts page 048] [\q  48/]      acchupantaṁ aṅgajātaṁ paveseti, āpatti dukkaṭassa. methunaṁ dhammaṁ paṭisevanto imā tisso āpattiyo āpajjati.
tā āpattiyo catunnaṁ vipattīnaṁ kati vipattiyo bhajanti: sattannaṁ āpattikkhandhānaṁ katīhi āpattikkhandhehi saṅgahītā: channaṁ āpattisamuṭṭhānānaṁ katīhi samuṭṭhānehi samuṭṭhahanti: catunnaṁ adhikaraṇānaṁ katamaṁ adhikaraṇaṁ: sattannaṁ samathānaṁ katīhi samathehi sammanti.

tā āpattiyo catunnaṁ vipattīnaṁ dve vipattiyo bhajanti: siyā silavipattiṁ siyā ācāravipattiṁ sattannaṁ āpattikkhandhānaṁ tīhi āpattikkhandhehi saṅgahītā: siyā pārājikāpattikkhandhena, siyā thullaccayāpattikkhandhena, siyā dukkaṭāpattikkhandhena. channaṁ āpattisamuṭṭhānānaṁ ekena samuṭṭhānena samuṭṭhahanti: kāyato ca cittato ca samuṭṭhahanti, na vācato catunnaṁ adhikaraṇānaṁ āpattādhikaraṇaṁ; sattannaṁ samathānaṁ tīhi samathehi sammanti siyā sammukhāvinayena ca paṭiññātakaraṇena ca, siyā sammukhāvinayena ca tiṇavatthārakena ca - pe -

2. anādariyaṁ paṭicca udake uccāraṁ vā passāvaṁ vā kheḷaṁ vā karonto kati āpattiyo āpajjati: anādariyaṁ paṭicca udake uccāraṁ vā passāvaṁ vā kheḷaṁ vā karonto ekaṁ āpattiṁ āpajjati: dukkaṭaṁ. anādariyaṁ paṭicca udake uccāraṁ vā passāvaṁ vā kheḷaṁ vā karonto imaṁ ekaṁ āpattiṁ āpajjati.
sā āpatti catunnaṁ vipattīnaṁ kati vipattiyo bhajati: sattannaṁ āpattikkhandhānaṁ katīhi āpattikkhandhehi saṅgahītā channaṁ āpattisamuṭṭhānānaṁ katīhi samuṭṭhānehi samuṭṭhāti: catunnaṁ adhikaraṇānaṁ katamaṁ adhikaraṇaṁ: sattannaṁ samathānaṁ katīhi samathehi sammati: sā āpatti catunnaṁ vipattīnaṁ ekaṁ vipattiṁ bhajati:

1. akkhāyite - machasaṁ 2. khāyite - machasaṁ
3. vaṭṭakate - machasaṁ

[bjt page 160] [\x 160/]

ācāravipattiṁ sattannaṁ āpattikkhandhānaṁ ekena āpattikkhandhena saṅgahītā, dukkaṭāpattikkhandhena. channaṁ āpattisamuṭṭhānānaṁ ekena samuṭṭhānena samuṭṭhāti: kāyato ca cittato ca samuṭṭhāti, na vācato catunnaṁ adhikaraṇānaṁ āpattādhikaraṇaṁ. sattannaṁ samathānaṁ tīhi samathehi sammati: siyā sammukhāvinayena ca paṭiññāta karaṇena ca, siyā sammukhāvinayena ca tiṇavatthārakena ca.

samuccayavāro niṭṭhito aṭṭhamo.
ime aṭṭhavāro sajjhāyanāmaggena 1- likhitā.

tassuddānaṁ:
kattha paññatti kati ca vipatti saṅgahena ca,
samuṭṭhānādhikaraṇā samatho samuccayena cāti.

1. sajjhāya magge - machasaṁ

[bjt page 162] [\x 162/]

9. katthapaññattivāro
9.1
1. yaṁ tena bhagavatā jānatā passatā arahatā sammāsambuddhena methunaṁ dhammaṁ paṭisevanapaccayā pārājikaṁ kattha paññattaṁ, kaṁ ārabbha, kismiṁ vatthusmiṁ, atthi tattha paññatti, anupaññatti, anupannapaññatti, sabbattha paññatti, padesapaññatti, sādhāraṇapaññatti, asādhāraṇapaññatti, ekato paññatti, ubhato paññatti, pañcannaṁ pātimokkhuddesānaṁ katthogadhaṁ, kattha pariyāpannaṁ, katamena uddesena uddesaṁ āgacchati, catunnaṁ vipattīnaṁ katamā vipatti. sattannaṁ āpattikkhandhānaṁ katamo āpattikkhandho, channaṁ āpattisamuṭṭhānānaṁ katīhi samuṭṭhānehi samuṭṭhāti, catunnaṁ adhikaraṇānaṁ katamaṁ adhikaraṇaṁ, sattannaṁ samathānaṁ katīhi samathehi sammati. ko tattha vinayo, ko tattha abhivinayo, kiṁ tattha pātimokkhaṁ, kiṁ tattha adhipātimokkhaṁ, kā vipatti, kā sampatti, kā paṭipatti, kati atthavase paṭicca bhagavatā paṭhamaṁ pārājikaṁ paññattaṁ, ke sikkhanti, ke sikkhitasikkhā, kattha ṭhitaṁ, ke dhārenti, kassa vacanaṁ, kenābhatanti:

yaṁ tena bhagavatā jānatā passatā arahatā sammāsambuddhena methunaṁ dhammaṁ paṭisevanapaccayā [pts page 049] [\q  49/]      pārājikaṁ kattha paññattanti: vesāliyaṁ paññattaṁ. kaṁ ārabbhāti: sudinnaṁ kalandaputtaṁ ārabbha kismiṁ vatthusminti: sudinno kalandaputto purāṇadutisikāya methunaṁ dhammaṁ paṭisevi. tasmiṁ vatthusmiṁ atthi tattha paññatti, anupaññatti, anuppannapaññatti ekā paññatiti, dve anupaññattiyo. anuppannapaññatti tasmiṁ natthi. sabbattha paññatti padesapaññattiti: sabbattha paññatti. sādhāraṇapaññatti asādhāraṇa paññatti: sādhāraṇapaññati. ekato paññati ubhato paññattīti: ubhato paññatti. pañcannaṁ pātimokkhuddesānaṁ katthogadhaṁ, kattha pariyāpannanti: nidānogadhaṁ nidānapariyāpannaṁ. katame uddesena uddesaṁ āgacchatīti: dutiyena uddesena uddesaṁ āgacchati. catunnaṁ vipattīnaṁ katamā vipattīti: sīlavipatti. sattannaṁ āpattikkhandhānaṁ katamo āpattikkhandhoti: pārājikāpattikkhandho. channaṁ āpattisamuṭṭhānānaṁ katīhi samuṭṭhānehi samuṭṭhātīti: ekena samuṭṭhānena samuṭṭhāti, kāyato ca cittato ca samuṭṭhāti, na vācato. catunnaṁ adhikaraṇānaṁ katamaṁ adhikaraṇanti: āpattādhikaraṇaṁ sattannaṁ samathānaṁ katīhi samathehi sammatīti dvīhi samathehi sammati: sammukhāvinayona ca paṭiññātakaraṇena ca. ko tattha vinayo ko tattha abhivinayoti: paññatti vinayo, vibhatti abhivinayo. kiṁ tattha pātimokkhaṁ kiṁ tattha adhipātimokkhanti: paññatti pātimokkhaṁ, vibhatti adhipāmokkhaṁ kā vipattīti: asaṁvaro vipatti. kā sampattiti: saṁvaro sampatti. kāpaṭipattiti: na evarūpaṁ karissāmiti yāvajīvaṁ āpāṇakoṭikaṁ samādāya sikkhati sikkhāpadesu. kati atthavase paṭicca bhagavatā paṭhamaṁ pārājikaṁ paññattanti: dasa atthavase paṭicca bhagavatā paṭhamaṁ pārājikaṁ paññattaṁ: saṅghasuṭṭhutāya, saṅghaphāsutāya, dummaṅkūnaṁ puggalānaṁ niggahāya, pesalānaṁ bhikkhūnaṁ phāsuvihārāya, diṭṭhadhammikānaṁ āsavānaṁ saṁvarāya, samparāyikānaṁ āsavānaṁ paṭighātāya, appasannānaṁ pasādāya, pasannānaṁ bhiyyobhāvāya, saddhammaṭṭhitiyā, vinayānuggahāya. ke sikkhantīti: sekhā ca puthujjanakalyāṇakā ca sikkhanti. ke sikkhitasikkhāti arahanto sikkhitasikkhā. kattha ṭhitanti: sikkhā kāmesu ṭhitaṁ

ke dhārentīti yesaṁ vattati te dhārenti.

kassa vacananti: bhagavato vacanaṁ arahato sammāsambuddhassa.

kenābhatanti: paramparābhataṁ.

" upāli dāsako ceva soṇako siggavo tathā,
moggaliputtena pañcamā ete jambusirivhaye.

tato mahindo iṭṭhiyo uttiyo ceva sambalo
bhaddanāmo ca paṇḍito,
ete nāgā mahāpaññā jambudipā idhāgatā.

vinayaṁ te vācayiṁsu piṭakaṁ tambapaṇṇiyā,
nikāye pañca vācesuṁ satta ceva pakaraṇe

tato ariṭṭho medhāvi tissadatto ca paṇḍito
visārado kāḷasumano thero ca dīghanāmako,
dīghusumano ca paṇḍito.

punadeva kāḷasumano nāgatthero ca buddharakkhito,
tissatthero ca medhāvi devatthero ca paṇḍito.

punadeva sumano medhāvi vinaye ca visārado,
bahussuto cuḷanāgo gajo ca duppadhaṁsiyo.

dhammapāgitanāmo ca rohaṇo sādhupūjito,
tassa sisso mahāpañño khemanāmo tipeṭako,
dīpe tārakarājāva paññāya
atirocatha.

upatisso ca medhāvi phussadevo mahākathī
punadve sumano medhāvī pupphanāmo bahussuto.

mahākathi mahāsīvo piṭake sabbattha kovido,
punadeva upāli medhāvi vinaye ca visārado.

mahānāgo mahāpañño saddhammavaṁsakovido,
punadeva abhayo medhāvi piṭake sabbattha kovido.

tissatthero ca medhāvi vinaye ca visārado,
tassa sisso mahāpañño pupphanāmo bahussuto,
sāsanaṁ anurakkhanto jambudīpe patiṭṭhito

cuḷābhayo ca medhāvi vinaye ca visārado,
tissatthero ca medhāvi saddhammavaṁsakovido.

phussadevo ca medhāvi vinaye ca visārado,
sīvattheroca medhāvi vinaye sabbattha kovido.

te nāgā mahāpaññā vinayaññū maggakovidā,
vinayaṁ dīpe pakāsesuṁ piṭakaṁ tambapaṇṇiyāti.

2. yaṁ tena bhagavatā - pe - adinnaṁ ādiyanapaccayā pārājikaṁ kattha paññattanti: rājagahe paññattaṁ. kaṁ ārabbhāti: dhaniyaṁ kumbhakāraputtaṁ ārabbha kismiṁ vatthusminti: dhaniyo kumbhakāraputto rañño dārūni adinnāni ādiyi, tasmiṁ vatthusmiṁ ekā paññatti, ekā anupaññatti. channaṁ āpattisamuṭṭhānānaṁ tīhi samuṭṭhānehi samuṭṭhātīti: tīhī samuṭṭhānehi samuṭṭhāti, siyā kāyato ca cittato ca samuṭṭhāti, na vācato. siyā vācato ca cittato ca samuṭṭhāti na kāyato, siyā kāyato ca vācato ca cittato ca samuṭṭhāti - pe -

1. adinnaṁ - machasaṁ

[bjt page 164] [\x 164/]

3. sañcicca manussaviggahaṁ jīvitā voropanapaccayā pārājikaṁ kattha paññattanti: vesāliyaṁ paññattaṁ. kaṁ ārabbhāti: sambahule bhikkhū ārabbha. kismiṁ vatthusminti: sambahulā bhikkhū aññamaññaṁ jīvitā voropesuṁ, tasmiṁ vatthusmiṁ ekā paññatti. ekā anupaññatti channaṁ āpattisamuṭṭhānānaṁ tīhi samuṭṭhānehi samuṭṭhātīti: ekena samuṭṭhānena samuṭṭhāti, kāyato ca cittato ca samuṭṭhāti, na vācato. catunnaṁ adhikaraṇānaṁ katamaṁ adhikaraṇanti: āpattādhikaraṇaṁ sattannaṁ samathānaṁ katīhi samathehi sammatīti dvīhi samathehi sammati: sammukhāvinayena ca paṭiññātakaraṇena ca. ko tattha vinayo ko tattha abhivinayoti: paññatti vinayo, vibhatti abhivinayo. kiṁ tattha pātimokkhaṁ kiṁ tattha adhipātimokkhanti: paññatti pātimokkhaṁ, vibhatti adhipāmokkhaṁ kā vipattīti: asaṁvaro vipatti. kā sampattiti: saṁvaro sampatti. kāpaṭipattiti: na evarūpaṁ karissāmiti yāvajīvaṁ āpāṇakoṭikaṁ samādāya sikkhati sikkhāpadesu. kati atthavase paṭicca bhagavatā paṭhamaṁ pārājikaṁ paññattanti: dasa atthavase paṭicca bhagavatā paṭhamaṁ pārājikaṁ paññattaṁ: saṅghasuṭṭhutāya, saṅghaphāsutāya, dummaṅkuna puggalānaṁ niggabhāya, pesalānaṁ bhikkhūnaṁ phāsuvihārāya, diṭṭhadhammikānaṁ āsavānaṁ saṁvarāya, samparāyikānaṁ āsavānaṁ paṭighātāya, appasannānaṁ pasādāya, pasannānaṁ bhiyyobhāvāya, saddhammaṭṭhitiyā, vinayānuggahāya. ke sikkhantīti: sekhā ca puthujjanakalyāṇakā ca sikkhanti. ke sikkhitasikkhāti arahanto sikkhitasikkhā. kattha ṭhitanti: sikkhā kāmesu ṭhitaṁ
ke dhārentīti yesaṁ vattati te dhārenti.

kassa vacananti: bhagavato vacanaṁ arahato sammāsambuddhassa.

kenābhatanti: paramparābhataṁ.

" upāli dāsako ceva soṇako siggavo tathā,
moggaliputtena pañcamā ete jambusirivhaye.

tato mahindo iṭṭhiyo uttiyo ceva sambalo
bhaddanāmo ca paṇḍito,
ete nāgā mahāpaññā jambudipā idhāgatā.

vinayaṁ te vācayiṁsu piṭakaṁ tambapaṇṇiyā,
nikāye pañca vācesuṁ satta ceva pakaraṇe

tato ariṭṭho medhāvi tissadatto ca paṇḍito
visārado kāḷasumano thero ca dīghanāmako,
dīghusumano ca paṇḍito.

punadeva kāḷasumano nāgatthero ca buddharakkhito,
tissatthero ca medhāvi devatthero ca paṇḍito.

punadeva sumano medhāvi vinaye ca visārado,
bahussuto cūḷanāgo gajo ca duppadhaṁsiyo.

dhammapāgitanāmo ca rohaṇo sādhupūjito,
tassa sisso mahāpañño khemanāmo tipeṭako,
dīpe tārakarājāva paññāya
atirocatha.

upatisso ca medhāvi phussadevo mahākathī
punadve sumano medhāvi pupphanāmo bahussuto.

mahākathi mahāsīvo piṭake sabbattha kovido,
punadeva upāli medhāvi vinaye ca visārado.

mahānāgo mahāpañño saddhammavaṁsakovido,
punadeva abhayo medhāvi piṭake sabbattha kovido.

tissatthero ca medhāvi vinaye ca visārado,
tassa sisso mahāpañño pupphanāmo bahussuto,
sāsanaṁ anurakkhanto jambudīpe patiṭṭhito

cuḷābhayo ca medhāvi vinaye ca visārado,
tissatthero ca medhāvi saddhammavaṁsakovido.

phussadevo ca medhāvi vinaye ca visārado,
sīvattheroca medhāvi vinaye sabbattha kovido.

te nāgā mahāpaññā vinayaññū maggakovidā,
vinayaṁ dīpe pakāsesuṁ piṭakaṁ tambapaṇṇiyāti.

4. asantaṁ abhūtaṁ uttarimanussadhammaṁ ullapanapaccayā pārājikaṁ kattha paññattanti: vesāliyaṁ paññattaṁ. kaṁ ārabbhāti: vaggumudātiriye bhikkhū ārabbha kismiṁ vatthusminti: vaggumudātiriyā bhikkhu gihinaṁ aññamaññassa uttarimanussadhammassa vaṇṇaṁ bhāsiṁsu, tasmiṁ vatthusmiṁ ekā paññatti, ekā anupaññatti. channaṁ āpattisamuṭṭhānānaṁ tīhi samuṭṭhānehi samuṭṭhātīti: - pe -

cattāro pārājikā niṭṭhitā.

9. 2
saṅghādisesakaṇḍādayo

1. yaṁ tena bhagavatā jānatā passatā arahatā sammāsambuddhena upakkamitvā asucīṁ mocapanapaccayā saṅghādiseso kattha paññattanti: kaṁ ārabbhāti: kismiṁ vatthusminti: atthi tattha paññatti, anupaññatti, anuppannapaññatti, sabbattha paññatti, padesapaññatti, sādhāraṇapaññatti, asādhāraṇapaññatti, ekato paññatti, ubhato paññatti, pañcannaṁ pātimokkhuddesānaṁ katthogadhaṁ, kattha pariyāpannaṁ, katamena uddesena uddesaṁ āgacchati, catunnaṁ vipattinaṁkatamā vipatti. sattannaṁ āpattikkhandhānaṁ katamo āpattikkhandho, channaṁ āpattisamuṭṭhānānaṁ katīhi samuṭṭhānehi samuṭṭhāti, catunnaṁ adhikaraṇānaṁ katamaṁ adhikaraṇaṁ, sattannaṁ samathānaṁ katīhi samathehi sammati. ko tattha vinayo, ko tattha abhivinayo, kiṁ tattha pātimokkhaṁ, kiṁ tattha adhipātimokkhaṁ, kā vipatti, kā sampatti, kā paṭipatti, kati atthavase paṭicca bhagavatā paṭhamaṁ pārājikaṁ paññattaṁ, ke sikkhanti, ke sikkhitasikkhā, kattha ṭhitaṁ, ke dhārenti, kassa vacanaṁ, kenābhatanti:

yaṁ tena bhagavatā jānatā passatā arahatā sammāsambuddhena upakkamitvā asucīṁ mocapanapaccayā saṅghādiseso kattha paññattoti: sāvatthiyaṁ paññatto. kaṁ ārabbhāti: āyasmantānaṁ seyyasakaṁ ārabbha kismiṁ vatthusminti: āyasmā seyyasako upakkamitvā asuciṁ mocesi, tasmiṁ vatthusmiṁ. atthi tattha paññatti, anupaññatti, anuppannapaññatti, ekā paññatti, ekā anupaññatti, anuppannapaññatti tasmiṁ natthi, sabbattha paññatti padesapaññatti: sabbattha paññatti, sādhāraṇapaññatti, asādhāraṇapaññatti, asādhāraṇa paññatthi, sādhāraṇapaññatti, asādhāraṇapaññattīti: asādhāraṇapaññatti, ekato paññatti ubhato paññatti: ekato paññatti pañcannaṁ pātimokkhasuddhaṁ katthogadhaṁ, kattha pariyāpannanti: nidānogadhaṁ, nidānapariyāpannaṁ katamena uddesena uddesaṁ āgacchati, tatiyena uddesaṁ āgacchati. catunnaṁ vipattinaṁ katamā vipattīti: sattannaṁ āpattikkhandhānaṁ katamo āpattikkhandho, saṅghādisesā patimokkhandho channaṁ āpattisamuṭṭhānānaṁ katīhi samuṭṭhānehi samuṭṭhāti, ekena samuṭṭhena samuṭṭhāti: kāyato ca cittato ca samuṭṭhāti, na vācato. catunnaṁ adhikaraṇānaṁ katamaṁ adhikaraṇanti: āpattādhikaraṇaṁ sattannaṁ samathānaṁ katīhi samathehi sammatīti dvīhi samathehi sammati: sammukhāvinayena ca paṭiññātakaraṇena ca. ko tattha vinayo ko tattha abhivinayoti: paññatti vinayo, vibhatti abhivinayo. kiṁ tattha pātimokkhaṁ kiṁ tattha adhipātimokkhanti: paññatti pātimokkhaṁ, vibhatti adhipāmokkhaṁ kā vipattīti: asaṁvaro vipatti. kā sampattiti: saṁvaro sampatti. kāpaṭipattiti: na evarūpaṁ karissāmiti yāvajīvaṁ āpāṇakoṭikaṁ samādāya sikkhati sikkhāpadesu. kati atthavase paṭicca bhagavatā paṭhamaṁ saṁghādisesaṁ paññattanti: dasa atthavase paṭicca bhagavatā paṭhamaṁ saṁghādisesaṁ paññattaṁ: saṅghasuṭṭhutāya, saṅghaphāsutāya, dummaṅkūnaṁ puggalānaṁ niggahāya, pesalānaṁ bhikkhunaṁ phāsuvihārāya, diṭṭhadhammikānaṁ āsavānaṁ saṁvarāya, samparāyikānaṁ āsavānaṁ paṭighātāya, appasannānaṁ pasādāya, pasannānaṁ bhiyyobhāvāya, saddhammaṭṭhitiyā, vinayānuggahāya. ke sikkhantīti: sekhā ca puthujjanakalyāṇakā ca sikkhanti. ke sikkhitasikkhāti arahanto sikkhitasikkhā. kattha ṭhitanti: sikkhā kāmesu ṭhitaṁ ke dhārentīti yesaṁ vattati te dhārenti. kassa vacananti: bhagavato vacanaṁ arahato sammāsambuddhassa. kenābhatanti: paramparābhataṁ.

[bjt page 166] [\x 166/]

" upāli dāsako ceva soṇako siggavo tathā,
moggaliputtena pañcamā ete jambusirivhaye.

tato mahindo iṭṭhiyo uttiyo ceva sambalo
bhaddanāmo ca paṇḍito,
ete nāgā mahāpaññā jambudipā idhāgatā.

vinayaṁ te vācayiṁsu piṭakaṁ tambapaṇṇiyā,
nikāye pañca vācesuṁ satta ceva pakaraṇe

tato ariṭṭho medhāvi tissadatto ca paṇḍito
visārado kāḷasumano thero ca dīghanāmako,
dīghusumano ca paṇḍito.

punadeva kāḷasumano nāgatthero ca buddharakkhito,
tissatthero ca medhāvi devatthero ca paṇḍito.

punadeva sumano medhāvi vinaye ca visārado,
bahussuto cūḷanāgo gajo ca duppadhaṁsiyo.

dhammapāgitanāmo ca rohaṇo sādhupūjito,
tassa sisso mahāpañño khemanāmo tipeṭako,
dīpe tārakarājāva paññāya
atirocatha.

upatisso ca medhāvi phussadevo mahākathī
punadeva sumano medhāvi pupphanāmo bahussuto.

mahākathi mahāsīvo piṭake sabbattha kovido,
punadeva upāli medhāvi vinaye ca visārado.

mahānāgo mahāpañño saddhammavaṁsakovido,
punadeva abhayo medhāvi piṭake sabbattha kovido.

tissatthero ca medhāvi vinaye ca visārado,
tassa sisso mahāpañño pupphanāmo bahussuto,
sāsanaṁ anurakkhanto jambudīpe patiṭṭhito

cuḷābhayo ca medhāvi vinaye ca visārado,
tissatthero ca medhāvi saddhammavaṁsakovido.

phussadevo ca medhāvi vinaye ca visārado,
sīvattheroca medhāvi vinaye sabbattha kovido.

te nāgā mahāpaññā vinayaññū maggakovidā,
vinayaṁ dīpe pakāsesuṁ piṭakaṁ tambapaṇṇiyāti.

2. mātugāmena saddhiṁ kāyasaṁsaggaṁ samāpajjanapaccayā saṅghādiseso kattha paññattanti: sāvatthiyaṁ paññattaṁ. kaṁ ārabbhāti: āyasmantaṁ udāyi ārabbha kismiṁ vatthusminti: āyasmā udāyi mātugāmena saddhiṁ kāyasaṁsaggaṁ samāpajji, tasmiṁ vatthusmiṁ ekā paññatti, channaṁ āpattisamuṭṭhānānaṁ ekena samuṭṭhānena samuṭṭhātīti: kāyato ca cittato ca samuṭṭhāti, na vācato. - pe -

3. mātugāmaṁ duṭṭhullāhi vācāhi obhāsanapaccayā saṅghādiseso kattha paññattanti: sāvatthiyaṁ paññatto. kaṁ ārabbhāti: āyasmantaṁ udāyiṁ ārabbha kismiṁ vatthusminti: āyasmā udāyi mātugāmaṁ duṭṭhullāhi vācāhi obhāsi tasmiṁ vatthusmiṁ ekā paññatti. channaṁ āpattisamuṭṭhānānaṁ tīhi samuṭṭhānehi samuṭṭhātīti: siyā kāyato ca cittato ca samuṭṭhāti, na vācato siyā vācato ca cittato ca samuṭṭhāti, kāyato na vācato. cittato ca samuṭṭhāti. - pe -

4. mātugāmassa sannike attakāmapāricariyāya vaṇṇaṁ bhāsana paccā saṅghādiseso kattha paññattanti: sāvatthiyaṁ paññatto. kaṁ ārabbhāti: āyasmantaṁ udāyiṁ ārabbha kismiṁ vatthusminti: āyasmā udāyi matugāgāmassa santike attakāmapāricariyāya vaṇṇaṁ abhāsi tasmiṁ vatthusmiṁ ekā paññatti. channaṁ āpattisamuṭṭhānānaṁ tīhi samuṭṭhānehi samuṭṭhāti: - pe -

5. sañcarittaṁ samāpajjanapaccayā saṅghādiseso kattha paññattoti: sāvatthiyaṁ paññattaṁ kaṁ ārabbhāti: āyasmantaṁ udāyiṁ ārabbha kismiṁ vatthusminti: āyasmā udāyi sañcarittaṁ samāpajji, tasmiṁ vatthusmiṁ ekā paññatti. ekā anupaññatti. channaṁ āpattisamuṭṭhānānaṁ tīhi samuṭṭhānehi samuṭṭhāti: siyā kāyato samuṭṭhāti, na vācato na cittato siyā vācato samuṭṭhāti, na kāyato na cittato siyā kāyato ca vācato ca samuṭṭhāti, na cittato. siyā kāyato ca cittato ca samuṭṭhāti, na vācato siyā vācato ca cittato ca samuṭṭhāti, na kāyato. siyā kāyato ca vācato ca cittato ca samuṭṭhāti - pe -

6. saññācikāya kuṭiṁ kārāpanapaccā saṅghādiseso kattha [pts page 050] [\q  50/]      paññattoti: āḷaviyaṁ paññatto. kaṁ ārabbhāti: āḷavike bhikkhū ārabbha kismiṁ vatthusminti: āḷavikā bhikkhū saññācikāya kuṭiyo kārāpesuṁ, tasmiṁ vatthusmiṁ ekā paññatti. channaṁ āpatti samuṭṭhānānaṁ chahi samuṭṭhānehi samuṭṭhāti: - pe -

[bjt page 168] [\x 168/]

7. mahallakaṁ vihārakaṁ kārāpanapaccayā saṅghādiseso kattha paññattoti: kosambiyaṁ paññatto. kaṁ ārabbhāti: āyasmantaṁ channaṁ ārabbha kismiṁ vatthusminti: āyasmā channo vihāravatthuṁsodhento aññataraṁ cetiyarukkhaṁ chedāpesi, tasmiṁ vatthusmiṁ ekā paññatti. channaṁ āpattisamuṭṭhānānaṁ chahi samuṭṭhānehi samuṭṭhāti: - pe -
8. bhikkhuṁ amūlakena pārājikena dhammena anuddhaṁsanapaccayā saṅghādiseso kattha paññattoti: rājagahe paññatto. kaṁ ārabbhāti: mettiyabhummajake bhikkhu ārabbha kismiṁ vatthusminti: mettiyabhummajakā bhikkhu āyasmantaṁ dabbaṁ malalaputtaṁ amūlakena pārājikena dhammena anuddhaṁsesuṁ, tasmiṁ vatthusmiṁ ekā paññatti. channaṁ āpattisamuṭṭhānānaṁ tīhi samuṭṭhānehi samuṭṭhāti: - pe -

9. bhikkhuṁ aññabhāgiyassa adhikaraṇassa kiñcidesaṁ lesamattaṁ upādāya pārājikena dhammena anuddhaṁsanapaccayā saṅghādiseso kattha paññattoti: rājagahe paññatto. kaṁ ārabbhāti: mettiyabhummajake bhikkhū ārabbha kismiṁ vatthusminti: mettiyabhummajakā bhikkhū āyasmantaṁ dabbaṁ malalaputtaṁ aññabhāgiyassa adhikaraṇassa kiñcidesaṁ lesamattā upādāya pārājikena dhammena anuddhaṁsesuṁ, tasmiṁ vatthusmiṁ ekā paññatti. channaṁ āpattisamuṭṭhānānaṁ tīhi samuṭṭhānehi samuṭṭhāti: - pe -

10. saṅghabhedakassa bhikkhuno yāvatatiyaṁ samanubhāsanāya nappaṭinissajanapaccayā saṅghādiseso kattha paññattoti: rājagahe paññatto. kaṁ ārabbhāti: devattaṁ ārabbha kismiṁ vatthusminti: devadatto samaggassa saṅghassa bhedāya parakkami. tasmiṁ vatthusmiṁ ekā paññatti. channaṁ āpattisamuṭṭhānānaṁ ekena samuṭṭhānena samuṭṭhāti: kāyato ca vācato ca cittato ca samuṭṭhāti - pe -

11. bhedakānuvattakānaṁ bhikkhūnaṁ yāvatatiyaṁ samanubhāsanāya nappaṭinissajanapaccayā saṅghādiseso kattha paññattoti: rājagahe paññatto. kaṁ ārabbhāti: sambahule bhikkhū ārabbha kismiṁ vatthusminti: sambahulā bhikkhū devadattassa saṅghabhedāya parakkamantassa anuvattakā ahesaṁ vaggavādakā, tasmiṁ vatthusmiṁ ekā paññatti. channaṁ āpattisamuṭṭhānānaṁ ekena samuṭṭhānena samuṭṭhāti: kāyato ca vācato ca cittato ca samuṭṭhāti - pe -

12. dubbacassa bhikkhuno yāvatatiyaṁ samanubhāsanāya nappaṭinissajanapaccayā saṅghādiseso kattha paññattoti: kosambiyaṁ paññatto. kaṁ ārabbhāti: ayasmantaṁ channaṁ ārabbha kismiṁ vatthusminti: āyasmā channo bhikkhūhi sahadhammikaṁ vuccamāno attānaṁ avacanīyaṁ akāsi, tasmiṁ vatthusmiṁ ekā paññatti. channaṁ āpattisamuṭṭhānānaṁ ekena samuṭṭhānena samuṭṭhāti: kāyato ca vācato ca cittato ca samuṭṭhāti - pe -

[bjt page 170] [\x 170/]

13. kuladusakassa bhikkhuno yāvatatiyaṁ samanubhāsanāya nappaṭinissajanapaccayā saṅghādiseso kattha paññattoti: sāvatthiyaṁ paññatto. kaṁ ārabbhāti: assajipunabbasuke bhikkhū ārabbha kismiṁ vatthusminti: assajipunabbasukā bhikkhū saṅghena pabbājanīya kammakatā bhikkhū chandagāmitā dosagāmitā mohagāmitā bhayagāmitā pāpesuṁ, tasmiṁ vatthusmiṁ ekā paññatti. channaṁ āpattisamuṭṭhānānaṁ ekena samuṭṭhānena samuṭṭhāti: kāyato ca vācato ca cittato ca samuṭṭhāti - pe -

14. yaṁ tena bhagavatā jānatā passatā arahatā sammāsambuddhena anādariyaṁ paṭicca udake uccāraṁ vā passāvaṁ vā kheḷaṁ vā karaṇa paccayā dukkaṭaṁ kattha paññattanti: sāvatthiyaṁ paññattaṁ. kaṁ ārabbhāti: chabbaggiye bhikkhū ārabbha. kismiṁ vatthusminti: chabbaggiyā bhikkhū udake uccārampi passāvampi kheḷampi akaṁsu, tasmiṁ vatthusmiṁ ekā paññatti, ekā anupaññatti. channaṁ āpatti samuṭṭhānānaṁ ekena samuṭṭhānena samuṭṭhāti: kāyato ca cittato ca samuṭṭhāti na vācato - pe -

katthapaññattivāro niṭṭhito paṭhamo.

[bjt page 172] [\x 172/]

10. katāpattivāro
10.1

pārājika kaṇeḍā
1. methunaṁ dhammaṁ paṭisevanapaccayā kati āpattiyo [pts page 051] [\q  51/]      āpajjati: methunaṁ dhammaṁ paṭisevanapaccayā catasso āpattiyo āpajjati: akkhayite sarīre methunaṁ dhammaṁ paṭisevati, āpatti pārājikassa. yebhuyyena khayite sarīre methunaṁ dhammaṁ paṭisevati, āpatti thullaccayassa. vattakate mukhe acchupantaṁ aṅgajātaṁ paveseti, āpatti dukkaṭassa. jatumaṭṭake 1- pācittiyaṁ. methunaṁ dhammaṁ paṭisevanapaccayā imā catasso āpattiyo āpajjati.

2. adinnaṁ ādiyanapaccayā kati āpattiyo āpajjati: adinnaṁ ādiyanapaccayā tisso āpattiyo āpajjati: pañcamāsakaṁ vā atirekapañcamāsakaṁ vā agghanakaṁ adinnaṁ theyyasaṅkhātaṁ ādiyati, āpatti pārājikassa. atirekamāsakaṁ vā ūnapañcamāsakaṁ vā agghanakaṁ adinnaṁ theyyasaṅkhātaṁ ādiyati, āpatti thullaccayassa. māsakaṁ vā ūnamāsakaṁ vā agghanakaṁ adinnaṁ theyyasaṅkhātaṁ ādiyati, āpatti dukkaṭassa. adinnaṁ ādiyanapaccayā imā tisso āpattiyo āpajjati.

3. sañcicca manussaviggahaṁ jīvitā voropanapaccayā kati āpattiyo āpajjati: sañcicca manussaviggahaṁ jīvitā voropana paccayā tisso āpattiyo āpajjati: manussaṁ odissa opātaṁ khaṇati papatitvā marissatīti, āpatti dukkaṭassa.papatite dukkhā vedanā uppajjati, āpatti thullaccayassa marati, āpatti pārājikassa sañcicca manussaviggahaṁ jīvitā voropanapaccayā imā tisso āpattiyo āpajjati.

4. asantaṁ abhūtaṁ uttarimanussadhammaṁ ullapanapaccayā kati āpattiyo āpajjati: asantaṁ abhūtaṁ uttarimanussadhammaṁ ullapanapaccayā tisso āpattiyo āpajjati.pāpiccho icchāpakato asantaṁ abhūtaṁ uttarimanussadhammaṁ ullapati, āpatti pārājikassa. 'yo te vihāre vasati so bhikkhu arahā'ti bhaṇati, paṭivijānantassa āpatti thullaccayassa. nappaṭivijānantassa āpatti dukkaṭassa asantaṁ abhūtaṁ uttarimanussadhammaṁ ullapanapaccayā imā tisso āpattiyo āpajjati.

cattāro pārājikā niṭṭhito

1. jatumaṭṭhake - machasaṁ

[bjt page 174] [\x 174/]

10. 2
saṅghādisesakaṇḍādayo.

1. upakkamitvā asucīṁ mocanapaccayā kati āpattiyo āpajjati: upakkamitvā asuciṁ mocanapaccayā tisso āpattiyo āpajjati: ceteti upakkamati muccati, āpatti saṅghādisesassa. ceteti upakkamati na muccati, āpatti thullaccayassa payoge dukkaṭaṁ upakkamitvā asuciṁ mocanapaccayā imā tisso āpattiyo āpajjati.

2. kāyasaṁsaggaṁ samāpajjanapaccayā kati āpattiyo āpajjati: kāyasaṁsaggaṁ samāpajjanapaccayā pañca āpattiyo āpajjati: avassutā bhikkhunī avassutassa purisapuggalassa adhakkhakaṁ ubbhajāṇu maṇḍalaṁ gahaṇaṁ sādiyati āpatti pārājikassa bhikkhuṁ kāyena kāyaṁ āmasati, āpatti saṅghādisesassa kāyena kāyapaṭibaddhaṁ āmasati, apatti thullaccayassa kāyapaṭibaddhena kāyapaṭibaddhaṁ āmasati āpatti dukkaṭassa. aṅgulipatodake pācittiyaṁ kāyasaṁsaggaṁ samāpajjanapaccayā imā pañca āpattiyo āpajjati

3. mātugāmaṁ duṭṭhullāhi vācāhi obhāsanapaccayā tisso āpattiyo āpajjati: vaccamaggaṁ passāvamaggaṁ ādissa vaṇṇampi bhaṇati avaṇṇampi bhaṇati, āpatti saṅghādisesassa vaccamaggaṁ passāvamaggaṁ ṭhapetvā adhakkhakaṁ ubbhajāṇumaṇḍalaṁ ādissa vaṇṇampi bhaṇati, avaṇṇampi bhaṇati, āpatti thullaccayassa. kāyapaṭibaddhaṁ ādissa vaṇṇampi bhaṇati, avaṇṇampi bhaṇati āpatti dukkaṭassa.

4. attakāmapāricariyāya vaṇṇaṁ bhāsanapaccayā tisso āpattiyo āpajjati: mātugāmassa santike attakāmapāricayāya vaṇṇaṁ bhāsati, āpatti saṅghādisesassa paṇḍitassa santike attakāmapāricariyāya vaṇṇaṁ bhāsati, āpatti thullaccayassa. tiracchānagatassa santike attakāmapāricayāya vaṇṇaṁ bhāsati āpatti dukkaṭassa.

5. sañcarittaṁ samāpajjanapaccayā tisso āpattiyo āpajjati: paṭigaṇhāti 1vimaṁsati paccāharati, āpatti saṅghādisesassa paṭigaṇhāti vimaṁsati na paccāharati, āpatti thullaccayassa. paṭigaṇhāti, na vimaṁsati, na paccāharati, āpatti dukkaṭassa.

6. saññācikāya kuṭiṁ kārāpanapaccayā tisso āpattiyo āpajjati: kārāpeti, payoge dukkaṭaṁ ekaṁ piṇḍaṁ 2anāgate āpatti thullaccayassa tasmiṁ piṇḍe āgate āpatti saṅghādisesassa

7. mahallakaṁ vihāraṁ kārāpanapaccayā tisso āpattiyo āpajjati: kārāpeti, payoge dukkaṭaṁ ekaṁ piṇḍaṁ anāgate āpatti thullaccayassa tasmiṁ piṇḍe āgate āpatti saṅghādisesassa

8. bhikkhuṁ amūlakena pārājikena dhammena anuddhaṁsanāpaccayā tisso āpattiyo āpajjati: anokāsaṁ kārāpetvā cāvanādhippāyo vadeti, āpatti saṅghādisesena dukkaṭassa. okāsaṁ kārāpetvā akkosādhippāyo vadeti, āpatti omasavādassa
1. paggaṇhāti - machasaṁ
2. ekapiṇḍe - syā

[bjt page 176] [\x 176/]

9. bhikkhuṁ aññabhāgiyassa adhikaraṇassa kiñcidesaṁ lesamattaṁ upādāya pārājikena dhammena anuddhaṁsanapanapaccā tisso āpattiyo āpajjati: anokāyaṁ kārāpetvā cācanādhippāyo vadeti, āpatti saṅghādisesena dukkaṭassa, okāsaṁ kārāpetvā akkosādhippāyo vadeti, āpatti omasavādassa.

10. saṅghabhedako bhikkhū yāvatatiyaṁ samanubhāsanāya nappaṭinissajanapaccayā tisso āpattiyo āpajjati: ñattiyā dukkaṭaṁ, dvīhi kammavācāhi thullaccayā, kammavācāpariyosāne āpatti saṅghādisesassa

11. bhedakānuvattakā bhikkhū yāvatatiyaṁ samanubhāsanāya nappaṭinissajanapaccayā tisso āpattiyo āpajjati ñattiyā dukkaṭaṁ, dvīhi kammavācāhi thullaccayā, kammāvācāpariyosāne āpatti saṅghādisesassa

12. dubbeco bhikkhu yāvatatiyaṁ samanubhāsanāya nappaṭinissajanapaccayā tisso āpattiyo āpajjati ñattiyā dukkaṭaṁ, dvīhi kammavācāhi thullaccayā, kammāvācāpariyosāne āpatti saṅghādisesassa

13. kuladusako bhikkhū yāvatatiyaṁ samanubhāsanāya nappaṭinissajanapaccayā tisso āpattiyo āpajjati ñattiyā dukkaṭaṁ, dvīhi kammavācāhi thullaccayā, kammāvācāpariyosāne āpatti saṅghādisesassa - pe -

14. anādariyaṁ paṭicca udake uccāraṁ vā passāvaṁ vā kheḷaṁ [pts page 052] [\q  52/]      vā karaṇapaccayā kati āpattiyo āpajjati: anādariyaṁ paṭicca udake uccāraṁ vā passāvaṁ vā kheḷaṁ vā karaṇapaccayā ekaṁ āpattiṁ āpajjati: dukkaṭaṁ anādariyaṁ paṭicca udake uccāraṁ vā passāvaṁ vā khelaṁ vā karaṇapaccayā imaṁ ekaṁ āpattiṁ āpajjati.

katāpattivāro niṭṭhito dutiyo.

[bjt page 178] [\x 178/]

11. vipattivāro

1. methunaṁ dhammaṁ paṭisevanapaccayā kati āpattiyo catunnaṁ vipattīnaṁ kati vipattiyo bhajanti: methunaṁ dhammaṁ paṭisevanapaccayā āpattiyo catunnaṁ vipattīnaṁ dve vipattiyo bhajanti: siyā sīla vipatti, siyā ācāravipatti - pe -

2. anādariyaṁ paṭicca udake uccāraṁ vā passāvaṁ vā kheḷaṁ vā karaṇapaccayā āpatti catunnaṁ vipattīnaṁ kati vipattiyo bhajati anādariyaṁ paṭicca udake uccāraṁ vā passāvaṁ vā kheḷaṁ vā karaṇapaccayā āpatti catunnaṁ vipattīnaṁ ekaṁ vipattiṁ bhajati: ācāravipattiṁ

vipattivāro niṭṭhito tatiyo

12. saṅgahitavāro

1. methunaṁ dhammaṁ paṭisevanapaccayā āpattiyo sattannaṁ āpattikkhandhānaṁ katīhi āpattikkhandhehi saṅgahītā: methunaṁ dhammaṁ paṭisevanapaccayā āpattiyo sattannaṁ āpattikkhandhānaṁ catūhi āpattikkhandhehi saṅgahītā: siyā pārājikāpattikkhandhena, siyā thullaccayāpattikkhandhena, siyā pācittiyāpattikkhandhena, siyā dukkaṭāpattikkhandhena - pe -

2. anādariyaṁ paṭicca udake uccāraṁ vā passāvaṁ vā kheḷaṁ vā karaṇapaccayā āpatti sattannaṁ apattikkhandhānaṁ katīhi āpattikkhandhehi saṅgahītā anādariyaṁ paṭicca udake uccāraṁ vā passāvaṁ vā kheḷaṁ vā karaṇapaccayā āpatti sattannaṁ āpattikkhandhānaṁ ekena āpattikkhandhena saṅgahītā: dukkaṭāpattikkhandhena.

saṅgahitavāro niṭṭhito catuttho

[bjt page 180] [\x 180/]

13. samuṭṭhānavāro

1. methunaṁ dhammaṁ paṭisevanapaccayā kati āpattiyo channaṁ āpatti samuṭṭhānānaṁ katīhi samuṭṭhānehi samuṭṭhahanti: methunaṁ dhammaṁ paṭisevanapaccayā āpattiyo channaṁ āpattisamuṭṭhānānaṁ ekena samuṭṭhānena samuṭṭhahanti: kāyato ca cittato ca samuṭṭhahanti, na vācato - pe -

2. anādariyaṁ paṭicca udake uccāraṁ vā passāvaṁ vā kheḷaṁ vā karaṇapaccayā āpatti channaṁ āpattisamuṭṭhānānaṁ katīhi samuṭṭhānehi samuṭṭhāti anādariyaṁ paṭicca udake uccāraṁ vā passāvaṁ vā kheḷaṁ vā karaṇapaccayā āpatti channaṁ āpattisamuṭṭhānānaṁ ekena samuṭṭhānena samuṭṭhāti: kāyato ca cittato ca samuṭṭhāti, na vācato

samuṭṭhānavāro niṭṭhito pañcamo

14. adhikaraṇavāro

1. methunaṁ dhammaṁ paṭisevanapaccayā āpattiyo catunnaṁ adhikaraṇānaṁ katamaṁ adhikaraṇaṁ methunaṁ dhammaṁ paṭisevanapaccayā āpattiyo catunnaṁ adhikaraṇānaṁ āpattādhikaraṇaṁ - pe -

2. anādariyaṁ paṭicca udake uccāraṁ vā passāvaṁ vā kheḷaṁ vā karaṇapaccayā āpatti catunnaṁ adhikaraṇānaṁ katamaṁ adhikaraṇaṁ: anādariyaṁ paṭicca udake uccāraṁ vā passāvaṁ vā kheḷaṁ vā karaṇapaccayā āpatti catunnaṁ adhikaraṇānaṁ āpattādhikaraṇaṁ
adhikaraṇavāro niṭṭhito chaṭṭho

[bjt page 182] [\x 182/]

15. samathavāro

1. methunaṁ dhammaṁ paṭisevanapaccayā āpattiyo sattannaṁ samathānaṁ katīhi samathehi sammanti: methunaṁ dhammaṁ paṭisevanapaccayā āpattiyo sattannaṁ samathānaṁ tīhi samathehi sammanti: siyā sammukhā vinayena ca paṭiññātakaraṇena ca, siyā sammukhāvinayena ca tiṇavatthārakena ca - pe -

2. anādariyaṁ paṭicca udake uccāraṁ vā passāvaṁ vā kheḷaṁ vā karaṇapaccayā āpatti samathānaṁ katīhi samathehi sammati: anādariyaṁ paṭicca udake uccāraṁ vā passāvaṁ vā kheḷaṁ vā karaṇapaccayā āpatti sattannaṁ samathānaṁ tīhi samathehi sammati: siyā sammukhāvinayena ca paṭiññāta karaṇena ca, siyā sammukhāvinayena ca tiṇavatthārakena ca.

samathavāro niṭṭhito sattamo

[bjt page 184] [\x 184/]

16. samuccayavāro

1. methunaṁ dhammaṁ paṭisevanapaccayā kati āpattiyo āpajjati: methunaṁ dhammaṁ paṭisevanapaccayā cattasso [pts page 053] [\q  53/]      āpattiyo āpajjati: akkhayite sarīre methunaṁ dhammaṁ paṭisevati, āpatti pārājikassa. yebhuyyena khayite sarīre methunaṁ dhammaṁ paṭisevati, āpatti thullaccayassa. vattakate mukhe acchupantaṁ aṅgajātaṁ paveseti, āpatti dukkaṭassa. jatumaṭṭake pācittiyaṁ. methunaṁ dhammaṁ paṭisevanapaccayā imā catasso āpattiyo āpajjati.

2. tā āpattiyo catunnaṁ vipattīnaṁ kati vipattiyo bhajanti: sattannaṁ āpattikkhandhānaṁ katīhi āpattikkhandhehi saṅgahītā: channaṁ āpattisamuṭṭhānānaṁ katīhi samuṭṭhānehi samuṭṭhahanti: catunnaṁ adhikaraṇānaṁ katamaṁ adhikaraṇaṁ: sattannaṁ samathānaṁ katīhi samathehi sammanti.

tā āpattiyo catunnaṁ vipattīnaṁ dve vipattiyo bhajanti: siyā sīlavipatti siyā ācāravipatti. sattannaṁ āpattikkhandhānaṁ catūhi āpattikkhandhehi saṅgahītā: siyā pārājikāpattikkhandhena, siyā thullaccayāpattikkhandhena, siyā dukkaṭāpattikkhandhena. channaṁ āpattisamuṭṭhānānaṁ ekena samuṭṭhānena samuṭṭhahanti: kāyato ca cittato ca samuṭṭhahanti, na vācato catunnaṁ adhikaraṇānaṁ āpattādhikaraṇaṁ; sattannaṁ samathānaṁ tīhi samathehi sammanti siyā sammukhāvinayena ca paṭiññātakaraṇena ca, siyā sammukhāvinayena ca tiṇavatthārakena ca - pe -

3. anādariyaṁ paṭicca udake uccāraṁ vā passāvaṁ vā kheḷaṁ vā karaṇapaccayā kati āpattiyo āpajjati: anādariyaṁ paṭicca udake uccāraṁ vā passāvaṁ vā kheḷaṁ vā karaṇapaccayā ekaṁ āpattiṁ āpajjati: dukkaṭaṁ. anādariyaṁ paṭicca udake uccāraṁ vā passāvaṁ vā kheḷaṁ vā karaṇapaccayā imaṁ ekaṁ āpattiṁ āpajjati.
4. sā āpatti catunnaṁ vipattīnaṁ kati vipattiyo bhajati: sattannaṁ āpattikkhandhānaṁ katīhi āpattikkhandhehi saṅgahītā channaṁ āpattisamuṭṭhānānaṁ katīhi samuṭṭhānehi samuṭṭhāti: catunnaṁ adhikaraṇānaṁ katamaṁ adhikaraṇaṁ: sattannaṁ samathānaṁ katīhi samathehi sammati:
[bjt page 186] [\x 186/]

sā āpatti catunnaṁ vipattīnaṁ ekaṁ vipattiṁ bhajati: ācāravipattiṁ sattannaṁ āpattikkhandhānaṁ ekena āpattikkhandhena saṅgahītā, dukkaṭāpattikkhandhena. channaṁ āpattisamuṭṭhānānaṁ ekena samuṭṭhānena samuṭṭhāti: kāyato ca cittato ca samuṭṭhāti, na vācato catunnaṁ adhikaraṇānaṁ āpattādhikaraṇaṁ. sattannaṁ samathānaṁ tīhi samathehi sammati: siyā sammukhāvinayena ca paṭiññāta karaṇena ca, siyā sammukhāvinayena ca tiṇavatthārakena ca.

samuccayavāro niṭṭhito aṭṭhamo.

aṭṭha paccayavārā niṭṭhitā.

mahāvibhaṅge soḷasa mahāvārā niṭṭhitā.

niṭṭhito ca mahāvibhaṅgo. 1-

1. bhikkhu vibhaṅga mahāvāro niṭṭhito - machasaṁ

[bjt page 188] [\x 188/]
[pts page 054] [\q  54/]

bhikkhunīvibhaṅgo
1. katthapaññattivāro

1. 1

pārājikakaṇḍo

1. yaṁ tena bhagavatā jānatā passatā arahatā sammāsambuddhena bhikkhunīnaṁ pañcamaṁ pārājikaṁ kattha paññattaṁ, kaṁ ārabbha, kismiṁ vatthusmiṁ, atthi tattha paññatti, anupaññatti, anuppannapaññatti, sabbattha paññatti, padesapaññatti, sādhāraṇapaññatti, asādhāraṇapaññatti, ekato paññatti, ubhato paññatti, catunnaṁ pātimokkhuddesānaṁ katthogadhaṁ, kattha pariyāpannaṁ, katamena uddesena uddesaṁ āgacchati, catunnaṁ vipattīnaṁ katamā vipatti. sattannaṁ āpattikkhandhānaṁ katamo āpattikkhandho, channaṁ āpattisamuṭṭhānānaṁ katīhi samuṭṭhānehi samuṭṭhāti, catunnaṁ adhikaraṇānaṁ katamaṁ adhikaraṇaṁ, sattannaṁ samathānaṁ katīhi samathehi sammati. ko kattha vinayo, ko tattha abhivinayo, kiṁ tattha pātimokkhaṁ, kiṁ tattha adhipātimokkhaṁ, kā vipatti, kā sampatti, kā paṭipatti, kati atthavase paṭicca bhagavatā bhikkhunīnaṁ pañcamaṁ pārājikaṁ paññattaṁ, kā sikkhanti, kā sikkhitasikkhā, kattha ṭhitaṁ, kā dhārenti, kassa vacanaṁ, kenābhatanti:

yaṁ tena bhagavatā jānatā passatā arahatā sammāsambuddhena bhikkhunīnaṁ pañcamaṁ pārājikaṁ kattha paññattanti: sāvatthiyaṁ paññattaṁ.

kaṁ ārabbhāti: sundarīnandaṁ bhikkhuniṁ ārabbha.

kismiṁ vatthusminti: sundarīnandā bhikkhunī avassutā avassutassa purisapuggalassa kāyasaṁsaggaṁ sādiyi, tasmiṁ vatthusmiṁ

atthi tattha paññatti, anupaññatti, anuppannapaññatti ekā paññatti, anupaññanti anuppannapaññatti tasmiṁ natthi.

sabbattha paññatti padesapaññattīti: sabbattha paññatti.

sādhāraṇapaññatti asādhāraṇa paññatti: asādhāraṇapaññati.

ekato paññatti ubhato paññattīti: ekato paññatti.

catunnaṁ pātimokkhuddesānaṁ katthogadhaṁ, kattha pariyāpannanti: nidānogadhaṁ nidānapariyāpannaṁ.

katamena uddesena uddesaṁ āgacchatīti: dutiyena uddesena uddesaṁ āgacchati.

[bjt page 190] [\x 190/]

catunnaṁ vipattīnaṁ katamā vipattīti: sīlavipatti.

sattannaṁ āpattikkhandhānaṁ katamo āpattikkhandhoti: pārājikāpattikkhandho.

channaṁ āpattisamuṭṭhānānaṁ katīhi samuṭṭhānehi samuṭṭhātīti: ekena samuṭṭhānena samuṭṭhāti, kāyato ca cittato ca samuṭṭhāti, na vācato.

catunnaṁ adhikaraṇānaṁ katamaṁ adhikaraṇanti: āpattādhikaraṇaṁ

sattannaṁ samathānaṁ katīhi samathehi sammatīti dvīhi samathehi sammati: sammukhāvinayena ca paṭiññātakaraṇena ca.

ko tattha vinayo ko tattha abhivinayoti: paññatti vinayo, vibhatti abhivinayo.

kiṁ tattha pātimokkhaṁ kiṁ tattha adhipātimokkhanti: paññatti pātimokkhaṁ, vibhatti adhipāmokkhaṁ

kā vipattīti: asaṁvaro vipatti.

kā sampattīti: saṁvaro sampatti.

kā paṭipattīti: na evarūpaṁ karissāmīti"ti yāvajīvaṁ āpāṇakoṭikaṁ samādāya sikkhati sikkhāpadesu.

kati atthavase paṭicca bhagavatā bhikkhunīnaṁ pañcamaṁ pārājikaṁ paññattanti: dasa atthavase paṭicca bhagavatā bhikkhunīnaṁ pañcamaṁ pārājikaṁ paññattaṁ: saṅghasuṭṭhutāya, saṅghaphāsutāya, dummaṅkunīnaṁ 1- bhikkhunīnaṁ niggahāya, pesalānaṁ bhikkhunīnaṁ phāsuvihārāya, diṭṭhadhammikānaṁ āsavānaṁ saṁvarāya, samparāyikānaṁ āsavānaṁ paṭighātāya, appasannānaṁ pasādāya, pasannānaṁ bhiyyobhāvāya, saddhammaṭṭhitiyā, vinayānuggahāya.

kā sikkhantīti: sekkhā ca puthujjanakalyāṇikā ca sikkhanti.

kā sikkhitasikkhāti arahantā sikkhitasikkhā.

kattha ṭhitanti: sikkhākāmesu ṭhitaṁ

kā dhārentīti yāsaṁ vattanti, tā dhārenti.

kassa vacananti: bhagavato vacanaṁ arahato sammāsambuddhassa.

kenābhatanti: paramparābhataṁ.

1. upāli dāsako ceva soṇako siggavo tathā,
moggaliputtena pañcamā ete jambusirivhaye.

2. tato mahindo iṭṭhiyo uttiyo ceva sambalo
bhaddanāmo ca paṇḍito,
ete nāgā mahāpaññā jambudipā idhāgatā.

3. vinayaṁ te vācayiṁsu piṭakaṁ tambapaṇṇiyā,
nikāye pañca vācesuṁ satta ceva pakaraṇe

1. dummaṅkunaṁ - machasaṁ
2. sambalo tathā - machasaṁ

[bjt page 192] [\x 192/]

4. tato ariṭṭho medhāvi tissadatto ca paṇḍito
visārado kāḷasumano thero ca dīghanāmako,
dīghusumano ca paṇḍito.

5. punadeva kāḷasumano nāgatthero ca buddharakkhito,
tissatthero ca medhāvi devatthero ca paṇḍito.

6. punadeva sumano medhāvi vinaye ca visārado,
bahussuto cūḷanāgo gajo ca duppadhaṁsiyo.

7. dhammapālitanāmo ca rohaṇo sādhu pūjito,
tassa sisso mahāpañño khemanāmo tipeṭako,
dīpe tārakarājāva paññāya atirocatha.

8. upatisso ca medhāvī phussadevo mahākathī
punadve sumano medhāvī pupphanāmo 1- bahussuto.

9. mahākathi mahāsīvo piṭake sabbattha kovido,
punadeva upāli medhāvi vinaye ca visārado.

10. mahānāgo mahāpañño saddhammavaṁsakovido,
punadeva abhayo medhāvi piṭake sabbattha kovido.

11. tissatthero ca medhāvi vinaye ca visārado,
tassa sisso mahāpañño pupphanāmo bahussuto,
sāsanaṁ anurakkhanto jambudīpe patiṭṭhito

12. cuḷābhayo ca medhāvi vinaye ca visārado,
tissatthero ca medhāvi saddhammavaṁsakovido.

13. phussadevo ca medhāvi vinaye ca visārado,
sīvattheroca medhāvi vinaye sabbattha kovido.

14. ete nāgā mahāpaññā vinayaññu maggakovidā,
vinayaṁ dīpe pakāsesuṁ piṭakaṁ tambapaṇṇiyāti.
[pts page 055] [\q  55/]
2. yaṁ tena bhagavatā jānatā passatā arahatā sammāsambuddhena bhikkhunīnaṁ chaṭṭhaṁ pārājikaṁ kattha paññattanti: sāvatthiyaṁ paññattaṁ. kaṁ ārabbhāti: thullanandaṁ bhikkhuniṁ ārabbha kismiṁ vatthusminti: thullanandā bhikkhunī jānaṁ jārājikaṁ dhammaṁ ajjhāpannaṁ bhikkhuniṁ nevattanā paṭicodesi, na gaṇassa ārocesi, tasmiṁ vatthusmiṁ. ekā paññatti channaṁ āpattisamuṭṭhānānaṁ ekena samuṭṭhānena samuṭṭhāti: kāyato ca vācato. ca cittato ca samuṭṭhāti - pe -

3. bhikkhunīnaṁ sattamaṁ pārājikaṁ kattha paññattanti: sāvatthiyaṁ paññattaṁ. kaṁ ārabbhāti: thullanandaṁ bhikkhuniṁ ārabbha kismiṁ vatthusminti: thullanandā bhikkhunī samaggena saṅghena ukkhittaṁ ariṭṭhaṁ bhikkhuṁ gaddhabādhipubbaṁ anuvatti, tasmiṁ vatthusmiṁ. ekā paññatti channaṁ āpattisamuṭṭhānānaṁ ekena samuṭṭhānena samuṭṭhātīti dhuranikkhepe - pe -

1. phussanāmo - sīmu
2. phussanāmo - sīmu
3. mūladevo ca - machasaṁ

[bjt page 194] [\x 194/]

4. bhikkhunīnaṁ aṭṭhamaṁ pārājikaṁ kattha paññattanti: sāvatthiyaṁ paññattaṁ. kaṁ ārabbhāti: chabbaggiyā bhikkhuniyo ārabbha kismiṁ vatthusminti: chabbaggiyā bhikkhuniyo aṭṭhamaṁ vatthuṁ paripūresuṁ. tasmiṁ vatthusmiṁ. ekā paññatti channaṁ āpattisamuṭṭhānānaṁ ekena samuṭṭhānena samuṭṭhāti dhuranikkhepe - pe -

aṭṭha pārājikā niṭṭhitā.

tassuddānaṁ:
methunādinnadānañca manusasaviggahuttari,
kāyasaṁsaggaṁ chādeti ukkhittā aṭṭhavatthukā;
paññapesi mahāvīro chejjavatthu asaṁsayāti.

1. 2
saṅghādisesa kaṇḍo

1. yaṁ tena bhagavatā jānatā passatā arahatā sammāsambuddhena ussayavādikāya bhikkhuniyā aṭṭaṁ karontiyā saṅghādiseso kattha paññatto - pe - kenābhattanti
yaṁ tena bhagavatā jānatā passatā arahatā sammāsambuddhena ussayavādikāya bhikkhuniyā aṭṭaṁ karontiyā saṅghādiseso kattha paññattoti: sāvatthiyaṁ paññatto.

kaṁ ārabbhāti: thullanandaṁ bhikkhunīṁ ārabbha

kismiṁ vatthusminti: thullanandā bhikkhuni ussayavādikā vihari, tasmiṁ vatthusmiṁ

atthi tattha paññatti, anupaññatti, anuppannapaññatti ekā paññatti, anupaññanti anuppannapaññatti tasmiṁ natthi.

sabbattha paññatti padesapaññattīti: sabbattha paññatti.

sādhāraṇapaññatti asādhāraṇa paññattīti: asādhāraṇapaññatti.

ekato paññatti ubhato paññattīti: ekato paññatti.

catunnaṁ pātimokkhuddesānaṁ katthogadhaṁ, kattha pariyāpannanti: nidānogadhaṁ nidānapariyāpannaṁ.

katamena uddesena uddesaṁ āgacchatīti: tatiyena uddesena uddesaṁ āgacchati.

catunnaṁ vipattīnaṁ katamā vipattīti: sīlavipatti.

sattannaṁ āpattikkhandhānaṁ katamo āpattikkhandhoti: saṅghādisesāpattikkhandho.
[bjt page 196] [\x 196/]

channaṁ āpattisamuṭṭhānānaṁ katīhi samuṭṭhānehi samuṭṭhātīti: dvīhi samuṭṭhānehi samuṭṭhāti, siyā kāyato ca vācato ca samuṭṭhāti, na cittato siyā kāyato ca [pts page 056] [\q  56/]      vācato ca cittato ca samuṭṭhāti, - pe - kenābhatanti: paramparābhataṁ

1. upāli dāsako ceva soṇako siggavo tathā,
moggaliputtena pañcamā ete jambusirivhaye.

2. tato mahindo iṭṭhiyo uttiyo ceva sambalo
bhaddanāmo ca paṇḍito,
ete nāgā mahāpaññā jambudipā idhāgatā.

3. vinayaṁ te vācayiṁsu piṭakaṁ tambapaṇṇiyā,
nikāye pañca vācesuṁ satta ceva pakaraṇe

4. tato ariṭṭho medhāvi tissadatto ca paṇḍito
visārado kāḷasumano thero ca dīghanāmako,
dīghusumano ca paṇḍito.

5. punadeva kāḷasumano nāgatthero ca buddharakkhito,
tissatthero ca medhāvi devatthero ca paṇḍito.

6. punadeva sumano medhāvi vinaye ca visārado,
bahussuto cūḷanāgo gajo va duppadhaṁsiyo.

7. dhammapālitanāmo ca rohaṇo sādhu pūjito,
tassa sisso mahāpañño khemanāmo tipeṭako,
dīpe tārakarājāva paññāya atirocatha.

8. upatisso ca medhāvi phussadevo mahākathī
punadve sumano medhāvi pupphanāmo 1- bahussuto.

9. mahākathi mahāsīvo piṭake sabbattha kovido,
punadeva upāli medhāvi vinaye ca visārado.

10. mahānāgo mahāpañño saddhammavaṁsakovido,
punadeva abhayo medhāvi piṭake sabbattha kovido.

11. tissatthero ca medhāvi vinaye ca visārado,
tassa sisso mahāpañño pupphanāmo bahussuto,
sāsanaṁ anurakkhanto jambudīpe patiṭṭhito

12. cūḷābhayo ca medhāvi vinaye ca visārado,
tissatthero ca medhāvi saddhammavaṁsakovido.

13. phussadevo ca medhāvi vinaye ca visārado,
sīvattheroca medhāvi vinaye sabbattha kovido.

14. ete nāgā mahāpaññā vinayaññu maggakovidā,
vinayaṁ dīpe pakāsesuṁ piṭakaṁ tambapaṇṇiyāti.

2. coriṁ vuṭṭhāpentiyā saṅghādiseso kattha paññattoti: sāvatthiyaṁ paññatto. kaṁ ārabbhāti: thullanandaṁ bhikkhuniṁ ārabbha kismiṁ vatthusminti: thullanandā bhikkhunī coriṁ vuṭṭhāpesi, tasmiṁ vatthusmiṁ. ekā paññatti channaṁ āpattisamuṭṭhānānaṁ dvīhi samuṭṭhānehi samuṭṭhāti: siyā vācato ca cittato ca samuṭṭhāti, na kāyato siyā kāyato ca vācato cittato ca samuṭṭhāti - pe -

3. ekāya gāmantaraṁ gacchantiyā saṅghādisoso kattha paññattanti: sāvatthiyaṁ paññattaṁ kaṁ ārabbhāti: aññataraṁ bhikkhuniṁ ārabbha kismiṁ vatthusminti: aññatarā bhikkhunī ekāva gāmantaraṁ gacchi, tasmiṁ vatthusmiṁ. ekā paññatti tisso anupaññattiyo channaṁ āpattisamuṭṭhānānaṁ ekena samuṭṭhānena samuṭṭhātīti paṭhamapārājike - pe -

4. samaggena saṅghena ukkhittaṁ bhikkhuniṁ dhammena vinayena satthu sāsanena anapaloketvā kārakasaṅghaṁ anaññāya gaṇassa chandaṁ osārentiyā saṅghādiseso kattha paññattoti: sāvatthiyaṁ paññatto. kaṁ ārabbhāti: thullanandaṁ bhikkhuniṁ ārabbha kismiṁ vatthusminti: thullanandā bhikkhunī samaggena saṅghena ukkhittaṁ bhikkhuniṁ dhammena vinayena satthusāsanena anapaloketvā kārakasaṅghaṁ anaññāya gaṇassa chandaṁ osāresi, tasmiṁ vatthusmiṁ. ekā paññatti channaṁ āpattisamuṭṭhānānaṁ ekena samuṭṭhānena samuṭṭhāti dhuranikkhepe - pe -

5. avassutāya bhikkhuniyā avassutassa purisapuggalassa hatthato khādanīyaṁ vā bhojanīyaṁ vā sahatthā paṭiggahetvā bhuñjantiyā saṅghādiseso kattha paññattoti: sāvatthiyaṁ paññatto. kaṁ ārabbhāti: sundarinandaṁ bhikkhuniṁ ārabbha kismiṁ vatthusminti: sundarinandā bhikkhunī avassutassa purisapuggalassa hatto āmisaṁ paṭiggahesi, tasmiṁ vatthusmiṁ. ekā paññatti channaṁ āpattisamuṭṭhānānaṁ ekena samuṭṭhānena samuṭṭhāti paṭhamapārājike - pe -

1. ekā - machasaṁ

[bjt page 198] [\x 198/]

6. "kiṁ te ayye, eso purisapuggalo karissati avassuto vā anavassuto vā, yato tvaṁ anavassutā, iṅghayye, yaṁ te eso purisapuggalo deti khādanīyaṁ vā bhojanīyaṁ vā, taṁ tvaṁ sahatthā paṭiggahetvā khāda vā, bhuñjavā"ti. uyyojentiyā saṅghadiseso kattha paññattoti: sāvatthiyaṁ paññatto. kaṁ ārabbhāti: aññataraṁ bhikkhuniṁ ārabbha kismiṁ vatthusminti: aññatarā bhikkhunī "kiṁ te ayye, eso purisapuggalo karissati avassuto vā anavassuto vā, yato tvaṁ anavassutā, iṅghayye, yaṁ te eso purisapuggalo deti khādanīyaṁ vā bhojanīyaṁ vā, taṁ tvaṁ sahatthā paṭiggahetvā khāda vā, bhuñjavā"ti. uyyojesi tasmiṁ vatthusmiṁ ekā paññatti channaṁ āpatti samuṭṭhānānaṁ tīhi samuṭṭhānehi samuṭṭhāti - pe -

7. kupitāya anattamanāya bhikkhuniyā yāvatatiyaṁ samanubhāsanāya [pts page 057] [\q  57/]      nappaṭinissajantiyā 1 saṅghādiseso kattha paññattoti: sāvatthiyaṁ paññatto. kaṁ ārabbhāti: caṇḍakāḷiṁ bhikkhuniṁ ārabbha kismiṁ vatthusminti: caṇḍakāḷi bhikkhunī kupitā anattamanā evaṁ avaca "buddhaṁ paccācikkhāmi, dhammaṁ paccācikkhāmi, saṅghaṁ paccācikkhāmi, sikkhaṁ paccācikkhāmi"ti, tasmiṁ vatthusmiṁ ekā paññatti channaṁ āpatti samuṭṭhānānaṁ ekena samuṭṭhānena samuṭṭhāti dhuranikkhepe - pe -

8. kismicideva adhikaraṇe paccākatāya bhikkhuniyā yāvatatiyaṁ samanubhāsanāya nappaṭinissajantiyā 1 saṅghādiseso kattha paññattoti: sāvatthiyaṁ paññatto. kaṁ ārabbhāti: caṇḍakāḷiṁ bhikkhuniṁ ārabbha kismiṁ vatthusminti: caṇḍakāḷī bhikkhunī kismicideva adhikaraṇe paccākatā kupitā anattamanā evaṁ avaca "chandagāmi niyo ca bhikkhuniyo dosagāminiyo ca bhikkhuniyo mohagāminiyo ca bhikkhuniyo bhayagāminiyo ca bhikkhuniyo"ti, tasmiṁ vatthusmiṁ ekā paññatti channaṁ āpattisamuṭṭhānānaṁ ekena samuṭṭhānena samuṭṭhāti dhuranikkhepe - pe -

9. saṁsaṭṭhānaṁ bhikkhunīnaṁ yāvatatiyaṁ samanubhāsanāya nappaṭinissantīnaṁ saṅghādiseso kattha paññattoti: sāvatthiyaṁ paññatto. kaṁ ārabbhāti: sambahulā bhikkhuniyo ārabbha kismiṁ vatthusminti: sambahulā bhikkhunīyo saṁsaṭṭhā vihariṁsu, tasmiṁ vatthusmiṁ ekā paññatti channaṁ āpattisamuṭṭhānānaṁ ekena samuṭṭhānena samuṭṭhāti dhuranikkhepe - pe -

1. nappaṭinissajjantiyā - machasaṁ

[bjt page 200] [\x 200/]

10. "saṁsaṭṭhāva ayye tumhe viharatha. mā tumhe nānāviharathā"ti 1uyyojentiyā yāvatatiyaṁ samanubhāsanāya nappaṭinissajantiyā saṅghādiseso kattha paññattoti: sāvatthiyaṁ paññatto. kaṁ ārabbhāti: thullanandaṁ bhikkhuniṁ ārabbha kismiṁ vatthusminti: thullanandā bhikkhunī "saṁsaṭṭhāva ayye tumhe viharatha, mā tumhe nānā viharathā"ti uyyojesi, tasmiṁ vatthusmiṁ ekā paññatti channaṁ āpattisamuṭṭhānānaṁ ekena samuṭṭhānena samuṭṭhāti; dhuranikkhepe - pe -

dasa saṅghādisesā niṭṭhitā.

tassuddānaṁ:
ussaya cori gāmantaraṁ 2- ukkhittaṁ khādanena ca,
kiṁ te kupitā kismici 3- saṁsaṭṭhā ñāyate dasāti.
1. 3
nissaggiya kaṇḍo

1. yaṁ tena bhagavatā jānatā passatā arahatā sammāsambuddhena pattasannicayaṁ karontiyā nisasaggiyaṁ pācittiyaṁ kattha paññattanti sāvatthiyaṁ paññattaṁ. kaṁ ārabbhāti: chabbaggiyā bhikkhuniyo ārabbha. kismiṁ vatthusminti: chabbaggiyā bhikkhuniyo pattasannicayaṁ akaṁsu, tasmiṁ vatthusmiṁ ekā paññatti. channaṁ āpattisamuṭṭhānānaṁ dvihī samuṭṭhānehi samuṭṭhāti, kaṭhinake - pe -

2. akālacīvaraṁ kālacīvaraṁ adhiṭṭhahitvā bhājāpentiyā nissaggiyaṁ pācittiyaṁ kattha paññattanti sāvatthiyaṁ paññattaṁ. kaṁ ārabbhāti: thullanandaṁ bhikkhuniṁ ārabbha kismiṁ vatthusminti: thullannadā [pts page 058] [\q  58/]      bhikkhunī akālacīvaraṁ kālacīvaranti adhiṭṭhahitvā bhājāpesi, tasmiṁ vatthusmiṁ ekā paññatti. channaṁ āpattisamuṭṭhānānaṁ tihī samuṭṭhānehi samuṭṭhāti, - pe -

3. bhikkhuniyā saddhiṁ cīvaraṁ parivattetvā acchindantiyā nissaggiyaṁ pācittiyaṁ kattha paññattanti sāvatthiyaṁ paññattaṁ. kaṁ ārabbhāti: thullanandaṁ bhikkhuniṁ ārabbha kismiṁ vatthusminti: thullannadā bhikkhunī bhikkhuniyā saddhiṁ cīvaraṁ parivattetvā acchindi, tasmiṁ vatthusmiṁ ekā paññatti. channaṁ āpattisamuṭṭhānānaṁ tihī samuṭṭhānehi samuṭṭhāti, pe -
1. viharitthāti - machasaṁ
2. gāmantaṁ - machasaṁ
3. kismiṁci - ma. cha, saṁ

[bjt page 202] [\x 202/]

4. aññaṁ viññāpetvā aññaṁ viññāpentiyā nissaggiyaṁ pācittiyaṁ kattha paññattanti sāvatthiyaṁ paññattaṁ. kaṁ ārabbhāti: thullanandaṁ bhikkhuniṁ ārabbha kismiṁ vatthusminti: thullannadā bhikkhunī aññaṁ viññāpetvā aññaṁ viññāpesi, tasmiṁ vatthusmiṁ ekā paññatti channaṁ āpattisamuṭṭhānānaṁ chahi samuṭṭhānehi samuṭṭhāti, pe -

5. aññaṁ cetāpetvā aññaṁ cetāpentiyā nissaggiyaṁ pācittiyaṁ kattha paññattanti sāvatthiyaṁ paññattaṁ. kaṁ ārabbhāti: thullanandaṁ bhikkhuniṁ ārabbha. kismiṁ vatthusminti: thullannadā bhikkhunī aññaṁ cetāpetvā aññaṁ cetāpesi, tasmiṁ vatthusmiṁ ekā paññatti channaṁ āpattisamuṭṭhānānaṁ chahi samuṭṭhānehi samuṭṭhāti, pe -

6. aññadatthikena parikkhārena aññuddisikena saṅghikena aññaṁ cetāpentiyā nissaggiyaṁ pācittiyaṁ kattha paññattanti sāvatthiyaṁ paññattaṁ. kaṁ ārabbhāti: sambahulā bhikkhuniyo ārabbha. kismiṁ vatthusminti: sambahulā bhikkhuniyo aññadatthikena parikkhārena aññuddisikena saṅghikena aññaṁ cetāpesuṁ tasmiṁ vatthusmiṁ ekā paññatti channaṁ āpattisamuṭṭhānānaṁ chahi samuṭṭhānehi samuṭṭhāti, pe -

7. aññadatthikena parikkhārena aññuddisikena saṅghikena saññācikena aññaṁ cetāpentiyā nissaggiyaṁ pācittiyaṁ kattha paññattanti sāvatthiyaṁ paññattaṁ. kaṁ ārabbhāti: sambahulā bhikkhuniyo ārabbha kismiṁ vatthusminti: sambahulā bhikkhuniyo aññadatthikena parikkhārena aññuddisikena saṅghikena saññācikena aññaṁ cetāpesuṁ tasmiṁ vatthusmiṁ ekā paññatti channaṁ āpattisamuṭṭhānānaṁ chahi samuṭṭhānehi samuṭṭhāti, - pe -

8. aññadatthikena parikkhārena aññuddisikena mahājanikena aññaṁ cetāpentiyā nissaggiyaṁ pācittiyaṁ kattha paññattanti sāvatthiyaṁ paññattaṁ. kaṁ ārabbhāti: sambahulā bhikkhuniyo ārabbha kismiṁ vatthusminti: sambahulā bhikkhuniyo aññadatthikena parikkhārena aññuddisikena mahājanikena aññaṁ cetāpesuṁ tasmiṁ vatthusmiṁ ekā paññatti channaṁ āpattisamuṭṭhānānaṁ chahi samuṭṭhānehi samuṭṭhāti, - pe -

9. aññadatthikena parikkhārena aññuddisikena mahājanikena saññācikena aññaṁ cetāpentiyā nissaggiyaṁ pācittiyaṁ kattha paññattanti sāvatthiyaṁ paññattaṁ. kaṁ ārabbhāti sambahulā bhikkhuniyo ārabbha kismiṁ vatthusminti: sambahulā bhikkhuniyo aññadatthikena parikkhārena aññuddisikena mahājanikena saññācikena aññaṁ cetāpesuṁ tasmiṁ vatthusmiṁ ekā paññatti channaṁ āpattisamuṭṭhānānaṁ chahi samuṭṭhānehi samuṭṭhāti, - pe -

[bjt page 204] [\x 204/]

10. aññadatthikena parikkhārena aññuddisikena puggalikena saññācikena aññaṁ cetāpentiyā nissaggiyaṁ pācittiyaṁ kattha paññattanti sāvatthiyaṁ paññattaṁ. kaṁ ārabbhāti thullanandaṁ bhikkhuniṁ ārabbha kismiṁ vatthusminti: thullanandā bhikkhunī aññadatthikena parikkhārena aññuddisikena puggalikena saññācikena aññaṁ cetāpesuṁ tasmiṁ vatthusmiṁ ekā paññatti channaṁ āpattisamuṭṭhānānaṁ chahi samuṭṭhānehi samuṭṭhāti, - pe -

11. atirekacatukkaṁsaparamaṁ garupāpuraṇaṁ cetāpentiyā nissaggiyaṁ pācittiyaṁ kattha paññattanti sāvatthiyaṁ paññattaṁ. kaṁ ārabbhāti thullanandaṁ bhikkhuniṁ ārabbha kismiṁ vatthusminti: thullanandā bhikkhunī rājānaṁ kambalaṁ viññāpesi, tasmiṁ vatthusmiṁ ekā paññatti channaṁ āpattisamuṭṭhānānaṁ chahi samuṭṭhānehi samuṭṭhāti, - pe -

12. atirekaaḍḍhateyyakaṁsaparamaṁ lahupāpuraṇaṁ [pts page 059] [\q  59/]      cetāpentiyā nissaggiyaṁ pācittiyaṁ kattha paññattanti sāvatthiyaṁ paññattaṁ. kaṁ ārabbhāti thullanandaṁ bhikkhuniṁ ārabbha kismiṁ vatthusminti: thullanandā bhikkhunī rājānaṁ khomaṁ viññāpesi, tasmiṁ vatthusmiṁ ekā paññatti channaṁ āpattisamuṭṭhānānaṁ chahi samuṭṭhānehi samuṭṭhāti, - pe -

dvādasa nissaggiyā pācittiyā niṭṭhitā

tassuddānaṁ:
pattaṁ akālaṁ kālañca parivatte ca viññape,
cetāpetvā aññadatthi saṅghikañca mahājanikaṁ,
saññācikā puggalikā catukkaṁsaḍḍhateyyakāti.

1. 4
pācittiya kaṇḍo
4. 1

1. yaṁ tena bhagavatā jānatā passatā arahatā sammāsambuddhena lasuṇaṁ khādantiyā pācittiyaṁ kattha paññattanti sāvatthiyaṁ paññattaṁ. kaṁ ārabbhāti: thullanandaṁ bhikkhuniṁ ārabbha. kismiṁ vatthusminti: thullanandaṁ bhikkhunī na mattaṁ jānitvā bahuṁ lasuṇaṁ harāpesi, tasmiṁ vatthusmiṁ ekā paññatti. channaṁ āpattisamuṭṭhānānaṁ dvihī samuṭṭhānehi samuṭṭhāti, eḷakalomake - pe -

[bjt page 206] [\x 206/]

2. sambādhe lomaṁ saṁharāpentiyā pācittiyaṁ kattha paññattanti sāvatthiyaṁ paññattaṁ. kaṁ ārabbhāti: chabbaggiyā bhikkhuniyo ārabbha. kismiṁ vatthusminti: chabbaggiyā bhikkhuniyo sambādhe lomaṁ saṁharāpesuṁ, tasmiṁ vatthusmiṁ ekā paññatti. channaṁ āpattisamuṭṭhānānaṁ catuhi samuṭṭhānehi samuṭṭhāti, - pe -

3. talaghātake pācittiyaṁ kattha paññattanti sāvatthiyaṁ paññattaṁ. kaṁ ārabbhāti: dve bhikkhuniyo ārabbha. kismiṁ vatthusminti: dve bhikkhuniyo talaghātakaṁ akaṁsu, tasmiṁ vatthusmiṁ ekā paññatti. channaṁ āpattisamuṭṭhānānaṁ ekena samuṭṭhānena samuṭṭhāti, paṭhamapārājike - pe -

4. jatumaṭṭake pācittiyaṁ kattha paññattanti sāvatthiyaṁ paññattaṁ. kaṁ ārabbhāti: aññataraṁ bhikkhuniṁ ārabbha. kismiṁ vatthusminti: aññatarā bhikkhunī jatumaṭṭakaṁ ādiyi, tasmiṁ vatthusmiṁ ekā paññatti. channaṁ āpattisamuṭṭhānānaṁ ekena samuṭṭhānena samuṭṭhāti, paṭhamapārājike - pe -

5. atirekadvaṅgulapabbaparamaṁ udakasuddhikaṁ ādiyantiyā pācittiyaṁ kattha paññattanti sakkesu paññattaṁ. kaṁ ārabbhāti: aññataraṁ bhikkhuniṁ ārabbha. kismiṁ vatthusminti: aññatarā bhikkhunī atigambhīraṁ udakasuddhikaṁ adiyi, tasmiṁ vatthusmiṁ ekā paññatti. channaṁ āpattisamuṭṭhānānaṁ ekena samuṭṭhānena samuṭṭhāti, paṭhamapārājike - pe -

6. bhikkhussa bhuñjantassa pānīyena vā vidhūpanena va upatiṭṭhantiyā pācittiyaṁ kattha paññattanti sāvatthiyaṁ paññattaṁ. kaṁ ārabbhāti: aññataraṁ bhikkhuniṁ ārabbha. kismiṁ vatthusminti: aññatarā bhikkhunī bhikkhussa bhuñjantassa pānīyena ca vidhūpanena ca upatiṭṭhi, tasmiṁ vatthusmiṁ ekā paññatti. channaṁ āpattisamuṭṭhānānaṁ dvihī samuṭṭhānehi samuṭṭhāti eḷakalomake - pe -

[pts page 060] [\q  60/]
7. āmakadhaññaṁ viññāpetvā bhuñjantiyā pācittiyaṁ kattha paññattanti sāvatthiyaṁ paññattaṁ. kaṁ ārabbhāti: sambahulā bhikkhuniyo ārabbha. kismiṁ vatthusminti: sambahulā bhikkhuniyo āmakadhaññaṁ viññāpetvā bhuñjiṁsu, tasmiṁ vatthusmiṁ ekā paññatti. channaṁ āpattisamuṭṭhānānaṁ catūhi samuṭṭhānehi samuṭṭhāti - pe -

8. uccāraṁ vā passāvaṁ vā saṅkāraṁ vā vighāsaṁ vā 2tirokuḍḍe vā tiropākāre vā chaḍḍentiyā pācittiyaṁ kattha paññattanti sāvatthiyaṁ paññattaṁ. kaṁ ārabbhāti: aññataraṁ bhikkhuniṁ ārabbha. kismiṁ vatthusminti: aññatarā bhikkhunī uccāraṁ tirokuḍḍe tiropākāre chaḍḍesi 1- tasmiṁ vatthusmiṁ ekā paññatti. channaṁ āpatti samuṭṭhānānaṁ chahi samuṭṭhānehi samuṭṭhāti, - pe -

1. tirokuḍḍe chaḍḍesi - machasaṁ

[bjt page 208] [\x 208/]

9. uccāraṁ vā passāvaṁ vā saṅkāraṁ vā vighāsaṁ vā 1harite chaḍḍentiyā pācittiyaṁ kattha paññattanti sāvatthiyaṁ paññattaṁ. kaṁ ārabbhāti: sambahulā bhikkhuniyo ārabbha. kismiṁ vatthusminti: sambahulā bhikkhuniyo uccārampi passāvampi saṅkārampi vighāsampi harite chaḍḍesu, tasmiṁ vatthusmiṁ ekā paññatti. channaṁ āpatti samuṭṭhānānaṁ chahi samuṭṭhānehi samuṭṭhāti, - pe -

10. naccaṁ vā gītaṁ vā vāditaṁ vā dassanāya gacchantiyā pācittiyaṁ kattha paññattanti rājagahe paññattaṁ. kaṁ ārabbhāti: chabbaggiyā bhikkhuniyo ārabbha. kismiṁ vatthusminti: chabbaggiyā bhikkhuniyo naccampi gītampi vāditampi dassanāya agamaṁsu, tasmiṁ vatthusmiṁ ekā paññatti. channaṁ āpattisamuṭṭhānānaṁ dvīhi samuṭṭhānehi samuṭṭhāti, eḷakalomake - pe -

lasuṇavaggo paṭhamo.

4. 2

1. rattandhakāre appadīpe purisena saddhiṁ ekenekāya santiṭṭhantiyā pācittiyaṁ kattha paññattanti sāvatthiyaṁ paññattaṁ. kaṁ ārabbhāti: aññataraṁ bhikkhuniṁ ārabbha. kismiṁ vatthusminti: aññatarā bhikkhunī rattandhakāre appadīpe purisena saddhiṁ ekenekā santiṭṭhi, tasmiṁ vatthusmiṁ ekā paññatti. channaṁ āpattisamuṭṭhānānaṁ dvīhi samuṭṭhānehi samuṭṭhāti, theyyasatthake - pe -

2. paricchanne okāse purisena saddhiṁ ekenekāya santiṭṭhantiyā pācittiyaṁ kattha paññattanti sāvatthiyaṁ paññattaṁ. kaṁ ārabbhāti: aññataraṁ bhikkhuniṁ ārabbha. kismiṁ vatthusminti: aññatarā bhikkhunī paṭicchanne okāse purisena saddhiṁ ekenekā santiṭṭhi, tasmiṁ vatthusmiṁ ekā paññatti. channaṁ āpattisamuṭṭhānānaṁ dvīhi samuṭṭhānehi samuṭṭhāti theyyasatthake - pe -

3. ajjhokāse purisena saddhiṁ ekenekāya santiṭṭhantiyā pācittiyaṁ kattha paññattanti sāvatthiyaṁ paññattaṁ. kaṁ ārabbhāti: aññataraṁ bhikkhuniṁ ārabbha. kismiṁ vatthusminti: aññatarā bhikkhunī ajjhokāse purisena saddhiṁ ekenekā santiṭṭhi, tasmiṁ vatthusmiṁ ekā paññatti. channaṁ āpattisamuṭṭhānānaṁ dvīhi samuṭṭhānehi samuṭṭhāti theyyasatthake - pe -
4. rathiyā 2- vā byuhe vā siṅghāṭake vā purisena saddhiṁ ekenekāya santiṭṭhantiyā pācittiyaṁ kattha paññattanti sāvatthiyaṁ paññattaṁ. kaṁ ārabbhāti: thullanandaṁ bhikkhuniṁ ārabbha. kismiṁ vatthusminti: thullanandā bhikkhunī rathiyāpi byuhepi siṅghāṭakepi purisena saddhiṁ ekenekā santiṭṭhi, tasmiṁ vatthusmiṁ ekā paññatti. channaṁ āpattisamuṭṭhānānaṁ dvīhi samuṭṭhānehi samuṭṭhāti theyyasatthake - pe -

1. uccārampi passāvampi saṅkārampi vighāsampi (itipi)
2. rathikāya - machasaṁ

[bjt page 210] [\x 210/]

5. purebhattaṁ kulāni upaṅkamitvā āsane nisīditvā sāmike anāpucchā pakkamantiyā pācittiyaṁ kattha paññattanti sāvatthiyaṁ [pts page 061] [\q  61/]      paññattaṁ. kaṁ ārabbhāti: aññataraṁ bhikkhuniṁ ārabbha. kismiṁ vatthusminti: aññatarā bhikkhunī purebhattaṁ kulāni upasaṅkamitvā āsane nisīditvā sāmike anāpucchā pakkami, tasmiṁ vatthusmiṁ ekā paññatti. channaṁ āpattisamuṭṭhānānaṁ dvīhi samuṭṭhānehi samuṭṭhāti kaṭhinake - pe -

6. pacchābhattaṁ kulāni upaṅkamitvā sāmike anāpucchā āsane nisīdantiyā pācittiyaṁ kattha paññattanti sāvatthiyaṁ paññattaṁ. kaṁ ārabbhāti: thullanandaṁ bhikkhuniṁ ārabbha. kismiṁ vatthusminti: thullanandā bhikkhunī pacchābhattaṁ kulāni upasaṅkamitvā sāmike anāpucchā āsane nisīdi, tasmiṁ vatthusmiṁ ekā paññatti. channaṁ āpattisamuṭṭhānānaṁ dvīhi samuṭṭhānehi samuṭṭhāti kaṭhinake - pe -

7. vikāle kulāni upaṅkamitvā sāmike anāpucchā seyyaṁ sattharitvā vā sattharāpetvā abhinisīdantiyā pācittiyaṁ kattha paññattanti sāvatthiyaṁ paññattaṁ. kaṁ ārabbhāti: sambahulā bhikkhuniyo ārabbha. kismiṁ vatthusminti: sambahulā bhikkhuniyo vikāle kulāni upasaṅkamitvā sāmike anāpucchā seyyaṁ sattharitvā abhinisīdiṁsu, tasmiṁ vatthusmiṁ ekā paññatti. channaṁ āpattisamuṭṭhānānaṁ dvīhi samuṭṭhānehi samuṭṭhāti kaṭhinake - pe -

8. duggahitena dupadhāritena paraṁ ujjhāpentiyā pācittiyaṁ kattha paññattanti sāvatthiyaṁ paññattaṁ. kaṁ ārabbhāti: aññataraṁ bhikkhuniṁ ārabbha. kismiṁ vatthusminti: aññatarā bhikkhunī duggahitena dupadhāritena paraṁ ujjhāpesi, tasmiṁ vatthusmiṁ ekā paññatti. channaṁ āpattisamuṭṭhānānaṁ tīhi samuṭṭhānehi samuṭṭhāti - pe -

9. attānaṁ vā paraṁ vā nirayena vā brahmacariyena vā abhisapantiyā pācittiyaṁ kattha paññattanti sāvatthiyaṁ paññattaṁ. kaṁ ārabbhāti: caṇḍakāḷiṁ bhikkhuniṁ ārabbha. kismiṁ vatthusminti: caṇḍakāḷī bhikkhunī attānampi parampi nirayenapi brahmacariyenapi abhisapi, tasmiṁ vatthusmiṁ ekā paññatti. channaṁ āpattisamuṭṭhānānaṁ tīhi samuṭṭhānehi samuṭṭhāti - pe -

10. attānaṁ vadhitvā vadhitvā vadhitvā rodantiyā pācittiyaṁ kattha paññattanti sāvatthiyaṁ paññattaṁ. kaṁ ārabbhāti: caṇḍakāḷiṁ bhikkhuniṁ ārabbha. kismiṁ vatthusminti: caṇḍakāḷī bhikkhunī attānaṁ vadhitvā vadhitvā rodi, tasmiṁ vatthusmiṁ ekā paññatti. channaṁ āpattisamuṭṭhānānaṁ ekena samuṭṭhānena samuṭṭhāti dhuranikkhepe - pe -

rattandhakāravaggo dutiyo

[bjt page 212] [\x 212/]

1. naggāya nahāyantiyā pācittiyaṁ kattha paññattanti sāvatthiyaṁ paññattaṁ. kaṁ ārabbhāti: sambahulā bhikkhuniyo ārabbha. kismiṁ vatthusminti: sambahulā bhikkhuniyo naggā nahāyiṁsu, tasmiṁ vatthusmiṁ ekā paññatti. channaṁ āpattisamuṭṭhānānaṁ dvīhi samuṭṭhānehi samuṭṭhāti eḷakalomake - pe -

2. pamāṇātikkantaṁ udakasāṭikaṁ kārāpentiyā pācittiyaṁ kattha paññattanti sāvatthiyaṁ paññattaṁ. kaṁ ārabbhāti: chabbaggiyā bhikkhuniyo ārabbha. kismiṁ vatthusminti: chabbaggiyā bhikkhuniyo appamāṇikāyo udakasāṭikāyo kāresuṁ, tasmiṁ vatthusmiṁ ekā paññatti channaṁ āpattisamuṭṭhānānaṁ chahi samuṭṭhānehi samuṭṭhāti - pe -

[pts page 062] [\q  62/]
3. bhikkhuniyā cīvaraṁ visibbetvā vā visibbāpetvā vā neva sibbentiyā na sibbāpanāya ussukkaṁ kārentiyā pācittiyaṁ kattha paññattanti sāvatthiyaṁ paññattaṁ. kaṁ ārabbhāti: thullanandaṁ bhikkhuniṁ ārabbha. kismiṁ vatthusminti: thullanandā bhikkhunī bhikkhuniyā cīvaraṁ visibbāpetvā neva sibbesi, na sibbāpanāya ussukkaṁ ākāsi, tasmiṁ vatthusmiṁ ekā paññatti channaṁ āpattisamuṭṭhānānaṁ ekena samuṭṭhānena samuṭṭhāti dhuranikkhepe - pe -

4. pañcāhikaṁ saṅghāṭivāraṁ atikkāmentiyā pācittiyaṁ kattha paññattanti sāvatthiyaṁ paññattaṁ. kaṁ ārabbhāti: sambahulā bhikkhuniyo ārabbha. kismiṁ vatthusminti: sambahulā bhikkhuniyo bhikkhunīnaṁ hatthe cīvaraṁ nikkhipitvā sattaruttarena janapadacārikaṁ pakkamiṁsu, tasmiṁ vatthusmiṁ ekā paññatti channaṁ āpattisamuṭṭhānānaṁ divīhi samuṭṭhānehi samuṭṭhāti kaṭhinake - pe -

5. cīvarasaṅkamanīyaṁ dhārentiyā pācittiyaṁ kattha paññattanti sāvatthiyaṁ paññattaṁ. kaṁ ārabbhāti: aññataraṁ bhikkhuniṁ ārabbha. kismiṁ vatthusminti: aññatarā bhikkhunī aññatarāya bhikkhuniyā cīvaraṁ anāpucchā pārupi, tasmiṁ vatthusmiṁ ekā paññatti channaṁ āpattisamuṭṭhānānaṁ divīhi samuṭṭhānehi samuṭṭhāti kaṭhinake - pe -

6. gaṇassa cīvaralābhaṁ antarāyaṁ karontiyā pācittiyaṁ kattha paññattanti sāvatthiyaṁ paññattaṁ. kaṁ ārabbhāti: thullanandaṁ bhikkhuniṁ ārabbha. kismiṁ vatthusminti: thullanandā bhikkhunī gaṇassa cīvaralābhaṁ annarāyaṁ akāsi, tasmiṁ vatthusmiṁ ekā paññatti channaṁ āpattisamuṭṭhānānaṁ tīhi samuṭṭhānehi samuṭṭhāti - pe -

7. dhammikaṁ cīvaravibhaṅgaṁ paṭibāhantiyā pācittiyaṁ kattha paññattanti sāvatthiyaṁ paññattaṁ kaṁ ārabbhāti: thullanandaṁ bhikkhuniṁ ārabbha. kismiṁ vatthusminti: thullanandā bhikkhunī dhammikaṁ cīvaravibhaṅgaṁ paṭibāhi, tasmiṁ vatthusmiṁ ekā paññatti channaṁ āpattisamuṭṭhānānaṁ tīhi samuṭṭhānehi samuṭṭhāti - pe -

[bjt page 214] [\x 214/]

8. agārikassa vā paribbājakassa vā paribbājikāya vā samaṇacīvaraṁ dentiyā pācittiyaṁ kattha paññattanti sāvatthiyaṁ paññattaṁ kaṁ ārabbhāti: thullanandaṁ bhikkhuniṁ ārabbha. kismiṁ vatthusminti: thullanandā bhikkhunī agārikassa samaṇacīvaraṁ adāsi, tasmiṁ vatthusmiṁ ekā paññatti channaṁ āpattisamuṭṭhānānaṁ chahi samuṭṭhānehi samuṭṭhāti - pe -

9. dubbalacīvarapaccāsāya cīvarakālasamayaṁ atikkāmentiyā pācittiyaṁ kattha paññattanti sāvatthiyaṁ paññattaṁ kaṁ ārabbhāti: thullanandaṁ bhikkhuniṁ ārabbha. kismiṁ vatthusminti: thullanandā bhikkhunī dubbalacīvarapaccāsāya cīvarakālasamayaṁ atikkāmesi, tasmiṁ vatthusmiṁ ekā paññatti channaṁ āpattisamuṭṭhānānaṁ tīhi samuṭṭhānehi samuṭṭhāti - pe -

10. dhammikaṁ kaṭhinuddhāraṁ paṭibāhantiyā pācittiyaṁ kattha paññattanti sāvatthiyaṁ paññattaṁ kaṁ ārabbhāti: thullanandaṁ bhikkhuniṁ [pts page 063] [\q  63/]      ārabbha. kismiṁ vatthusminti: thullanandā bhikkhunī dhammikaṁ kaṭhinuddhāraṁ paṭibāhi, tasmiṁ vatthusmiṁ ekā paññatti channaṁ āpattisamuṭṭhānānaṁ tīhi samuṭṭhānehi samuṭṭhāti - pe -

nahānavaggo tatiyo

(4. 4)

1. dvinnaṁ bhikkhunīnaṁ ekamañce tuvaṭṭentīnaṁ pācittiyaṁ kattha paññattanti sāvatthiyaṁ paññattaṁ kaṁ ārabbhāti: sambahulā bhikkhuniyo ārabbha. kismiṁ vatthusminti: sambahulā bhikkhuniyo dve ekamañce tuvaṭṭesuṁ, tasmiṁ vatthusmiṁ ekā paññatti channaṁ āpattisamuṭṭhānānaṁ dvīhi samuṭṭhānehi samuṭṭhāti eḷakalomake - pe -

2. dvinnaṁ bhikkhunīnaṁ ekattharaṇapāpuraṇe tuvaṭṭentīnaṁ pācittiyaṁ kattha paññattanti sāvatthiyaṁ paññattaṁ kaṁ ārabbhāti: sambahulā bhikkhuniyo ārabbha. kismiṁ vatthusminti: sambahulā bhikkhuniyo dve ekattharaṇapāpuraṇe tuvaṭṭesuṁ, tasmiṁ vatthusmiṁ ekā paññatti channaṁ āpattisamuṭṭhānānaṁ dvīhi samuṭṭhānehi samuṭṭhāti eḷakalomake - pe -

3. bhikkhuniyā sañcicca aphāsuṁ karontiyā pācittiyaṁ kattha paññattanti sāvatthiyaṁ paññattaṁ kaṁ ārabbhāti: thullanandaṁ bhikkhuniṁ ārabbha. kismiṁ vatthusminti: thullanandā bhikkhunī bhikkhuniyā sañcicca aphāsuṁ akāsi, tasmiṁ vatthusmiṁ ekā paññatti channaṁ āpattisamuṭṭhānānaṁ tīhi samuṭṭhānehi samuṭṭhāti - pe -

4. dukkhitaṁ sahajīviniṁ neva upaṭṭhentiyā na upaṭṭhāpanāya ussukkaṁ karontiyā pācittiyaṁ kattha paññattanti sāvatthiyaṁ paññattaṁ kaṁ ārabbhāti: thullanandaṁ bhikkhuniṁ ārabbha. kismiṁ

[bjt page 216] [\x 216/]

vatthusminti: thullanandā bhikkhunī dukkhitaṁ sahajīviniṁ neva upaṭṭhesi. na upaṭṭhāpanāya ussukkaṁ akāsi. tasmiṁ vatthusmiṁ ekā paññatti channaṁ āpattisamuṭṭhānānaṁ ekena samuṭṭhānena samuṭṭhāti dhuranikkhepe - pe -

5. bhikkhuniyā upassayaṁ datvā kupitā anattamanāya nikkaḍḍhantiyā pācittiyaṁ kattha paññattanti sāvatthiyaṁ paññattaṁ kaṁ ārabbhāti: thullanandaṁ bhikkhuniṁ ārabbha. kismiṁ vatthusminti: thullanandā bhikkhunī bhikkhuniyā upassayaṁ datvā kupitā anattamanā nikkaḍḍhi, tasmiṁ vatthusmiṁ ekā paññatti channaṁ āpattisamuṭṭhānānaṁ tīhi samuṭṭhānehi samuṭṭhāti - pe -

6. saṁsaṭṭhāya bhikkhuniyā yāvatatiyaṁ samanubhāsanāya nappaṭinissajjantiyā pācittiyaṁ kattha paññattanti sāvatthiyaṁ paññattaṁ kaṁ ārabbhāti: caṇḍakāḷiṁ bhikkhuniṁ ārabbha. kismiṁ vatthusminti: caṇḍakāḷī bhikkhunī saṁsaṭṭhā vihari, tasmiṁ vatthusmiṁ ekā paññatti channaṁ āpattisamuṭṭhānānaṁ ekena samuṭṭhānena samuṭṭhāti dhuranikkhepe - pe -

7. antoraṭṭhe sāsaṅkasammate sappaṭibhaye asatthikāya cārikaṁ carantiyā pācittiyaṁ kattha paññattanti sāvatthiyaṁ paññattaṁ kaṁ ārabbhāti: [pts page 064] [\q  64/]      sambahulā bhikkhuniyo ārabbha. kismiṁ vatthusminti: sambahulā bhikkhuniyo antoraṭṭhe sāsaṅkasammate sappaṭibhaye asatthikāyo cārikaṁ cariṁsu, tasmiṁ vatthusmiṁ ekā paññatti channaṁ āpattisamuṭṭhānānaṁ dvīhi samuṭṭhānehi samuṭṭhāti eḷakalomake - pe -

8. tiroraṭṭhe sāsaṅkasammate sappaṭibhaye asatthikāya cārikaṁ carantiyā pācittiyaṁ kattha paññattanti sāvatthiyaṁ paññattaṁ kaṁ ārabbhāti: sambahulā bhikkhuniyo ārabbha. kismiṁ vatthusminti: sambahulā bhikkhuniyo tiroraṭṭhe sāsaṅkasammate sappaṭibhaye asatthikāyo cārikaṁ cariṁsu, tasmiṁ vatthusmiṁ ekā paññatti channaṁ āpattisamuṭṭhānānaṁ dvīhi samuṭṭhānehi samuṭṭhāti eḷakalomake - pe -

9. antovassaṁ cārikaṁ carantiyā pācittiyaṁ kattha paññattanti rājagahe paññattaṁ kaṁ ārabbhāti: sambahulā bhikkhuniyo ārabbha. kismiṁ vatthusminti: sambahulā bhikkhuniyo antovassaṁ cārikaṁ carisuṁ, tasmiṁ vatthusmiṁ ekā paññatti channaṁ āpattisamuṭṭhānānaṁ dvīhi samuṭṭhānehi samuṭṭhāti eḷakalomake - pe -

10. vassaṁ vutthāya 1- bhikkhuniyā cārikaṁ na pakkamantiyā pācittiyaṁ kattha paññattanti rājagahe paññattaṁ kaṁ ārabbhāti: sambahulā bhikkhuniyo ārabbha. kismiṁ vatthusminti: sambahulā bhikkhuniyo vassaṁ vutvā cārikaṁ na pakkamiṁsu, tasmiṁ vatthusmiṁ ekā paññatti channaṁ āpattisamuṭṭhānānaṁ ekena samuṭṭhānena samuṭṭhāti paṭhamapārājike - pe -
tuvaṭṭavaggo catuttho

1. vassaṁ vuṭṭhāya - machasaṁ

[bjt page 218] [\x 218/]

4. 5

1. rājāgāraṁ vā cittāgāraṁ vā ārāmaṁ vā uyyānaṁ vā pokkharaṇiṁ vā dassanāya gacchantiyā pācittiyaṁ kattha paññattanti: sāvatthiyaṁ paññattaṁ kaṁ ārabbhāti. chabbaggiyā bhikkhuniyo ārabbha kismiṁ vatthusminti: chabbaggiyā bhikkhuniyo rājāgārampi cittāgārampi dassanāya agamaṁsu tasmiṁ vatthusmiṁ ekā paññatti. channaṁ āpattisamuṭṭhānānaṁ dvīhi samuṭṭhānehi samuṭṭhāti eḷakalomake - pe -

2. āsandiṁ vā pallaṅkaṁ vā paribhuñjantiyā pācittiyaṁ kattha paññattanti: sāvatthiyaṁ paññattaṁ kaṁ ārabbhāti. sambahulā bhikkhuniyo ārabbha kismiṁ vatthusminti: sambahulā bhikkhuniyo āsandimpi pallaṅkampi paribhuñjiṁsu, tasmiṁ vatthusmiṁ ekā paññatti. channaṁ āpattisamuṭṭhānānaṁ dvīhi samuṭṭhānehi samuṭṭhāti eḷakalomake - pe -

3. suttaṁ kantantiyā pācittiyaṁ kattha paññattanti: sāvatthiyaṁ paññattaṁ kaṁ ārabbhāti chabbaggiyā bhikkhuniyo ārabbha kismiṁ vatthusminti: chabbaggiyā bhikkhuniyo suttaṁ kantiṁsu, tasmiṁ vatthusmiṁ ekā paññatti. channaṁ āpattisamuṭṭhānānaṁ dvīhi samuṭṭhānehi samuṭṭhāti eḷakalomake - pe -

4. gihīveyyāvaccaṁ karontiyā pācittiyaṁ kattha paññattanti: sāvatthiyaṁ paññattaṁ kaṁ ārabbhāti sambahulā bhikkhuniyo ārabbha kismiṁ vatthusminti: sambahulā bhikkhuniyo suttaṁ gihīveyyāvaccaṁ akaṁsu, tasmiṁ vatthusmiṁ ekā paññatti. channaṁ āpattisamuṭṭhānānaṁ dvīhi samuṭṭhānehi samuṭṭhāti eḷakalomake - pe -

5. bhikkhunīhi 1- 'ehayye imaṁ adhikaraṇaṁ vūpasamehī'ti vuccamānāya sādhūti paṭissutvā 2- neva upasamentiyā na upasamāya ussukkaṁ karontiyā pācittiyaṁ kattha paññattanti: sāvatthiyaṁ paññattaṁ kaṁ ārabbhāti thullanandaṁ bhikkhuniṁ ārabbha kismiṁ vatthusminti: [pts page 065] [\q  65/]      thullanandā bhikkhunī bhikkhunīhi 'ehayye imaṁ adhikaraṇaṁ vūpasamehī'ti vuccamānā sādhūti paṭissutvā neva upasamesi, na upasamāya ussukkaṁ akāsi, tasmiṁ vatthusmiṁ ekā paññatti channaṁ āpattisamuṭṭhānānaṁ ekena samuṭṭhānena samuṭṭhāti dhuranikkhepe - pe -

6. agārikassa vā paribbājakassa vā paribbājikāya vā sahatthā khādanīyaṁ vā bhojanīyaṁ vā dentiyā pācittiyaṁ kattha paññattanti: sāvatthiyaṁ paññattaṁ kaṁ ārabbhāti thullanandaṁ bhikkhuniṁ ārabbha kismiṁ vatthusminti: thullanandā bhikkhunī agārikassa sahatthā khādanīyampi bhojanīyampi adāsi, tasmiṁ vatthusmiṁ ekā paññatti channaṁ āpattisamuṭṭhānānaṁ dvīhi samuṭṭhānehi samuṭṭhāti eḷakalomake - pe -

1. bhikkhuniyā - machasaṁ
2. paṭissuṇitvā - machasaṁ

[bjt page 220] [\x 220/]

7. āvasathacīvaraṁ anissajjitvā paribhuñjantiyā pācittiyaṁ kattha paññattanti: sāvatthiyaṁ paññattaṁ kaṁ ārabbhāti thullanandaṁ bhikkhuniṁ ārabbha kismiṁ vatthusminti: thullanandā bhikkhunī āvasathacīvaraṁ anissajjitvā paribhuñji. tasmiṁ vatthusmiṁ ekā paññatti channaṁ āpattisamuṭṭhānānaṁ dvīhi samuṭṭhānehi samuṭṭhāti kaṭhinake - pe -

8. āvasathaṁ anissajjitvā cārikaṁ pakkamantiyā pācittiyaṁ kattha paññattanti: sāvatthiyaṁ paññattaṁ kaṁ ārabbhāti thullanandaṁ bhikkhuniṁ ārabbha kismiṁ vatthusminti: thullanandā bhikkhunī āvasathaṁ anissajjitvā cārikaṁ pakkami. tasmiṁ vatthusmiṁ ekā paññatti channaṁ āpattisamuṭṭhānānaṁ dvīhi samuṭṭhānehi samuṭṭhāti kaṭhinake - pe -

9. tiracchānavijjaṁ pariyāpuṇantiyā pācittiyaṁ kattha paññattanti: sāvatthiyaṁ paññattaṁ kaṁ ārabbhāti chabbaggiyā bhikkhuniyo ārabbha kismiṁ vatthusminti: chabbaggiyā bhikkhuniyo tiracchānavijjaṁ pariyāpuṇiṁsu, tasmiṁ vatthusmiṁ ekā paññatti channaṁ āpattisamuṭṭhānānaṁ dvīhi samuṭṭhānehi samuṭṭhāti padasodhamme - pe -

10. tiracchānavijjaṁ vācentiyā pācittiyaṁ kattha paññattanti: sāvatthiyaṁ paññattaṁ kaṁ ārabbhāti chabbaggiyā bhikkhuniyo ārabbha kismiṁ vatthusminti: chabbaggiyā bhikkhuniyo tiracchānavijjaṁ vācesuṁ, tasmiṁ vatthusmiṁ ekā paññatti channaṁ āpattisamuṭṭhānānaṁ dvīhi samuṭṭhānehi samuṭṭhāti padasodhamme - pe -

cittagāravaggo pañcamo.

4. 6

1. jānaṁ sabhikkhukaṁ ārāmaṁ anāpucchā pavisantiyā pācittiyaṁ kattha paññattanti: sāvatthiyaṁ paññattaṁ kaṁ ārabbhāti sambahulā bhikkhuniyo ārabbha kismiṁ vatthusminti: sambahulā bhikkhuniyo anāpucchā ārāmaṁ pavisiṁsu, tasmiṁ vatthusmiṁ ekā paññatti dve anupaññattiyo channaṁ āpattisamuṭṭhānānaṁ ekena samuṭṭhānena samuṭṭhāti dhuranikkhepe - pe -

2. bhikkhuṁ akkosantiyā paribhāsantiyā pācittiyaṁ kattha paññattanti: vesāliyaṁ paññattaṁ kaṁ ārabbhāti chabbaggiyā bhikkhuniyo ārabbha kismiṁ vatthusminti: chabbaggiyā bhikkhuniyo āyasmantaṁ upāliṁ akkosiṁsu, tasmiṁ vatthusmiṁ ekā paññatti channaṁ āpattisamuṭṭhānānaṁ tīhi samuṭṭhānehi samuṭṭhāti - pe -

3. caṇḍikatāya gaṇaṁ paribhāsantiyā pācittiyaṁ kattha paññattanti: sāvatthiyaṁ [pts page 066] [\q  66/]      paññattaṁ kaṁ ārabbhāti thullanandaṁ bhikkhuniṁ ārabbha kismiṁ vatthusminti: thullanandā bhikkhuniyo caṇḍikatāya gaṇaṁ paribhāsi, tasmiṁ vatthusmiṁ ekā paññatti channaṁ āpattisamuṭṭhānānaṁ tīhi samuṭṭhānehi samuṭṭhāti - pe -

[bjt page 222] [\x 222/]

4. nimantitāya vā pavāritāya vā khādanīyaṁ vā bhojanīyaṁ vā aññatra bhuñjantiyā pācittiyaṁ kattha paññattanti: sāvatthiyaṁ paññattaṁ kaṁ ārabbhāti sambahulā bhikkhuniyo ārabbha kismiṁ vatthusminti: sambahulā bhikkhuniyo bhuttāviniyo pavāritā aññatra bhuñjiṁsu, tasmiṁ vatthusmiṁ ekā paññatti channaṁ āpattisamuṭṭhānānaṁ catūhi samuṭṭhānehi samuṭṭhāti - pe -

5. kulaṁ maccharāyantiyā pācittiyaṁ kattha paññattanti: sāvatthiyaṁ paññattaṁ kaṁ ārabbhāti aññataraṁ bhikkhuniṁ ārabbha kismiṁ vatthusminti: aññatarā bhikkhunī kulaṁ maccharāyi, tasmiṁ vatthusmiṁ ekā paññatti channaṁ āpattisamuṭṭhānānaṁ tīhi samuṭṭhānehi samuṭṭhāti - pe -
6. abhikkhuke āvāse vassaṁ vasantiyā pācittiyaṁ kattha paññattanti: sāvatthiyaṁ paññattaṁ kaṁ ārabbhāti sambahulā bhikkhuniyo ārabbha kismiṁ vatthusminti: sambahulā bhikkhuniyo abhikkhuke āvāse vassaṁ vasiṁsu, tasmiṁ vatthusmiṁ ekā paññatti channaṁ āpattisamuṭṭhānānaṁ dvīhi samuṭṭhānehi samuṭṭhāti eḷakalomake - pe -

7. vassaṁ vutthāya bhikkhuniyā ubhato saṅghe tīhi dhānehi nappavārentiyā pācittiyaṁ kattha paññattanti: sāvatthiyaṁ paññattaṁ kaṁ ārabbhāti sambahulā bhikkhuniyo ārabbha kismiṁ vatthusminti: sambahulā bhikkhuniyo vassaṁ vutthā bhikkhunīsaṅghe 1nappavāresuṁ, tasmiṁ vatthusmiṁ ekā paññatti channaṁ āpattisamuṭṭhānānaṁ ekena samuṭṭhānena samuṭṭhāti dhuranikkhepe - pe -

8. ovādāya vā saṁvāsāya vā na gacchantiyā pācittiyaṁ kattha paññattanti: sakkesu paññattaṁ kaṁ ārabbhāti chabbaggiyā bhikkhuniyo ārabbha kismiṁ vatthusminti: chabbaggiyā bhikkhuniyo ovādaṁ na gacchiṁsu, tasmiṁ vatthusmiṁ ekā paññatti channaṁ āpattisamuṭṭhānānaṁ ekena samuṭṭhānena samuṭṭhāti paṭhamapārājike - pe -

9. uposathampi na pucchantiyā ovādampi na yācantiyā pācittiyaṁ kattha paññattanti: sāvatthiyaṁ paññattaṁ kaṁ ārabbhāti sambahulā bhikkhuniyo ārabbha kismiṁ vatthusminti: sambahulā bhikkhuniyo uposathampi na pucchiṁsu, ovādampi na yāciṁsu, tasmiṁ vatthusmiṁ ekā paññatti channaṁ āpattisamuṭṭhānānaṁ ekena samuṭṭhānena samuṭṭhāti dhuranikkhepe - pe -

1. bhikkhusaṅghaṁ - machasaṁ 2. rudhitaṁ - machasaṁ

[bjt page 224] [\x 224/]

10. pasākhe jātaṁ gaṇḍaṁ vā ruhitaṁ vā anapaloketvā saṅghaṁ vā gaṇaṁ vā purisena saddhiṁ ekenekāya bhedāpentiyā pācittiyaṁ kattha paññattanti: sāvatthiyaṁ paññattaṁ kaṁ ārabbhāti: aññataraṁ bhikkhuniṁ ārabbha kismiṁ vatthusminti: aññatarā bhikkhunī pasākhe jātaṁ gaṇḍaṁ purisena saddhiṁ ekenekā bhedāpesi, tasmiṁ vatthusmiṁ ekā paññatti channaṁ āpattisamuṭṭhānānaṁ dvīhi samuṭṭhānehi samuṭṭhāti kaṭhinake - pe -

ārāmavaggo chaṭṭho

4. 7

1. gabhiniṁ vuṭṭhāpentiyā pācittiyaṁ kattha paññattanti: sāvatthiyaṁ [pts page 067] [\q  67/]      paññattaṁ kaṁ ārabbhāti: sambahulā bhikkhuniyo ārabbha kismiṁ vatthusminti: sambahulā bhikkhuniyo gabhiniṁ vuṭṭhāpesuṁ, tasmiṁ vatthusmiṁ ekā paññatti channaṁ āpattisamuṭṭhānānaṁ tīhi samuṭṭhānehi samuṭṭhāti - pe -

2. pāyantiṁ vuṭṭhāpentiyā pācittiyaṁ kattha paññattanti: sāvatthiyaṁ paññattaṁ kaṁ ārabbhāti: sambahulā bhikkhuniyo ārabbha kismiṁ vatthusminti: sambahulā bhikkhuniyo pāyantiṁ vuṭṭhāpesuṁ, tasmiṁ vatthusmiṁ ekā paññatti channaṁ āpattisamuṭṭhānānaṁ tīhi samuṭṭhānehi samuṭṭhāti - pe -

3. dve vassāni dhammesu asikkhitasikkhaṁ sikkhamānaṁ vuṭṭhāpentiyā pācittiyaṁ kattha paññattanti: sāvatthiyaṁ paññattaṁ kaṁ ārabbhāti: sambahulā bhikkhuniyo ārabbha kismiṁ vatthusminti: sambahulā bhikkhuniyo dve vassāti chasu dhammesu asikkhitasikkhaṁ sikkhamānaṁ vuṭṭhāpesuṁ, tasmiṁ vatthusmiṁ ekā paññatti channaṁ āpattisamuṭṭhānānaṁ tīhi samuṭṭhānehi samuṭṭhāti - pe -

4. dve vassāni chasu dhammesu sikkhitasikkhaṁ sikkhamānaṁ saṅghena asammataṁ vuṭṭhāpentiyā pācittiyaṁ kattha paññattanti: sāvatthiyaṁ paññattaṁ kaṁ ārabbhāti: sambahulā bhikkhuniyo ārabbha kismiṁ vatthusminti: sambahulā bhikkhuniyo dve vassāti chasu dhammesu sikkhitasikkhaṁ sikkhamānaṁ saṅghena asammataṁ vuṭṭhāpesuṁ, tasmiṁ vatthusmiṁ ekā paññatti channaṁ āpattisamuṭṭhānānaṁ tīhi samuṭṭhānehi samuṭṭhāti - pe -

5. ūnadvādasavassaṁ gihīgataṁ vuṭṭhāpentiyā pācittiyaṁ kattha paññattanti: sāvatthiyaṁ paññattaṁ kaṁ ārabbhāti: sambahulā bhikkhuniyo ārabbha kismiṁ vatthusminti: sambahulā bhikkhuniyo ūnadvādasavassaṁ gihīgataṁ vuṭṭhāpesuṁ, tasmiṁ vatthusmiṁ ekā paññatti channaṁ āpattisamuṭṭhānānaṁ tīhi samuṭṭhānehi samuṭṭhāti - pe -

[bjt page 226] [\x 226/]

6. paripuṇṇadvādasavassaṁ gihigataṁ dve vassāni chasu dhammesu asikkhitasikkhaṁ vuṭṭhāpentiyā pācittiyaṁ kattha paññattanti: sāvatthiyaṁ paññattaṁ kaṁ ārabbhāti: sambahulā bhikkhuniyo ārabbha kismiṁ vatthusminti: sambahulā bhikkhuniyo paripuṇṇadvādasavassaṁ gihīgataṁ dve vassāni chasu dhammesu asikkhitasikkhaṁ vuṭṭhāpesuṁ, tasmiṁ vatthusmiṁ ekā paññatti channaṁ āpattisamuṭṭhānānaṁ tīhi samuṭṭhānehi samuṭṭhāti - pe -

7. paripuṇṇadvādasavassaṁ gihigataṁ dve vassāni chasu dhammesu sikkhitasikkhaṁ saṅghena asammataṁ vuṭṭhāpentiyā pācittiyaṁ kattha paññattanti: sāvatthiyaṁ paññattaṁ kaṁ ārabbhāti: sambahulā bhikkhuniyo ārabbha kismiṁ vatthusminti: sambahulā bhikkhuniyo paripuṇṇadvādasavassaṁ gihīgataṁ dve vassāni chasu dhammesu sikkhitasikkhaṁ saṅghena asammataṁ vuṭṭhāpesuṁ, tasmiṁ vatthusmiṁ ekā paññatti channaṁ āpattisamuṭṭhānānaṁ tīhi samuṭṭhānehi samuṭṭhāti - pe -

8. sahajīviniṁ vuṭṭhāpetvā dve vassāni neva anuggaṇhantiyā na anuggaṇhāpentiyā pācittiyaṁ kattha paññattanti: sāvatthiyaṁ paññattaṁ kaṁ ārabbhāti: thullanandaṁ bhikkhuniṁ ārabbha kismiṁ vatthusminti: thullanandā bhikkhunī sahajiviniṁ vuṭṭhāpetvā dve vassāni neva anuggahesi, na anuggaṇhāpesi, tasmiṁ vatthusmiṁ ekā paññatti channaṁ āpattisamuṭṭhānānaṁ ekena samuṭṭhānena samuṭṭhāti dhuranikkhepe - pe -

9. vuṭṭhāpitaṁ pavattiniṁ dve vassāni nānubandhantiyā pācittiyaṁ kattha paññattanti: sāvatthiyaṁ paññattaṁ kaṁ ārabbhāti: sambahulā bhikkhuniyo ārabbha kismiṁ vatthusminti: sambahulā bhikkhuniyo vuṭṭhāpitaṁ pavattiniṁ dve vassāni nānubandhiṁsu, tasmiṁ vatthusmiṁ ekā paññatti channaṁ āpattisamuṭṭhānānaṁ ekena samuṭṭhānena samuṭṭhāti paṭhamapārājike - pe -
10. sahajīviniṁ vuṭṭhāpetvā neva vūpakāsentiyā na vūpakāsāpentiyā pācittiyaṁ kattha paññattanti; sāvatthiyaṁ paññattaṁ kaṁ ārabbhāti: thullanandaṁ bhikkhuniṁ ārabbha kismiṁ vatthusminti: thullanandā bhikkhunī sahajīviniṁ vuṭṭhāpetvā neva vūpakāsesi, na vūpakāsāpesi, tasmiṁ vatthusmiṁ ekā paññatti channaṁ āpattisamuṭṭhānānaṁ ekena samuṭṭhānena samuṭṭhāti dhuranikkhepe - pe -

gabbhinivaggo sattamo.

[bjt page 228] [\x 228/]

1. ūnavisativassaṁ kumāribhūtaṁ vuṭṭhāpentiyā pācittiyaṁ kattha paññattanti; sāvatthiyaṁ paññattaṁ kaṁ ārabbhāti: sambahulā bhikkhuniyo ārabbha kismiṁ vatthusminti: sambahulā bhikkhuniyo ūnavisativassaṁ kumārībhūtaṁ vuṭṭhāpesuṁ, tasmiṁ vatthusmiṁ ekā paññatti channaṁ āpattisamuṭṭhānānaṁ tihī samuṭṭhānehi samuṭṭhāti - pe -

2. paripuṇṇavīsativassaṁ kumārībhūtaṁ dve vassāni chasu dhammesu asikkhitasikkhaṁ vuṭṭhāpentiyā pācittiyaṁ kattha paññattanti; sāvatthiyaṁ paññattaṁ kaṁ ārabbhāti: sambahulā bhikkhuniyo ārabbha kismiṁ vatthusminti: sambahulā bhikkhuniyo paripuṇṇavīsativassaṁ kumārībhūtaṁ dve vassāni chasu dhammesu asikkhitasikkhaṁ vuṭṭhāpesuṁ, tasmiṁ vatthusmiṁ ekā paññatti channaṁ āpattisamuṭṭhānānaṁ tihī samuṭṭhānehi samuṭṭhāti - pe -

[pts page 068] [\q  68/]
3. paripuṇṇavīsativassaṁ kumārībhūtaṁ dve vassāni chasu dhammesu sikkhitasikkhaṁ saṅghena asammataṁ vuṭṭhāpentiyā pācittiyaṁ kattha paññattanti; sāvatthiyaṁ paññattaṁ kaṁ ārabbhāti: sambahulā bhikkhuniyo ārabbha kismiṁ vatthusminti: sambahulā bhikkhuniyo paripuṇṇavīsativassaṁ kumārībhūtaṁ dve vassāni chasu dhammesu sikkhitasikkhaṁ saṅghena asammataṁ vuṭṭhāpesuṁ, tasmiṁ vatthusmiṁ ekā paññatti channaṁ āpattisamuṭṭhānānaṁ tihī samuṭṭhānehi samuṭṭhāti - pe -
4. ūnadvādasavassāya vuṭṭhāpentiyā pācittiyaṁ kattha paññattanti; sāvatthiyaṁ paññattaṁ kaṁ ārabbhāti: sambahulā bhikkhuniyo ārabbha kismiṁ vatthusminti: sambahulā bhikkhuniyo ūnadvādasavassaṁ vuṭṭhāpesuṁ, tasmiṁ vatthusmiṁ ekā paññatti channaṁ āpattisamuṭṭhānānaṁ tihī samuṭṭhānehi samuṭṭhāti - pe -

5. paripuṇṇadvādasavassāya saṅghena asammatāya vuṭṭhāpentiyā pācittiyaṁ kattha paññattanti; sāvatthiyaṁ paññattaṁ kaṁ ārabbhāti: sambahulā bhikkhuniyo ārabbha kismiṁ vatthusminti: sambahulā bhikkhuniyo paripuṇṇadvādasavassā saṅghena asammatā vuṭṭhāpesuṁ, tasmiṁ vatthusmiṁ ekā paññatti channaṁ āpattisamuṭṭhānānaṁ tihī samuṭṭhānehi samuṭṭhāti eḷakalomake - pe- -

6. 'alaṁ tāva te ayye vuṭṭhāpitenā'ti vuccamānāya sādhūti paṭissuṇitvā pacchā khīyanadhammaṁ āpajjantiyā pācittiyaṁ kattha paññattanti; sāvatthiyaṁ paññattaṁ kaṁ ārabbhāti caṇḍakāḷiṁ bhikkhuniṁ ārabbha kismiṁ vatthusminti: caṇḍakāḷī bhikkhunī 'alaṁ tāva te ayye vuṭṭhāpitenā'ti vuccamānā sādhūti paṭissuṇitvā pacchā khīyanadhammaṁ āpajji, tasmiṁ vatthusmiṁ ekā paññatti channaṁ āpattisamuṭṭhānānaṁ tihī samuṭṭhānehi samuṭṭhāti - pe -
[bjt page 230] [\x 230/]

7. sikkhamānaṁ 'sace me tvaṁ ayye cīvaraṁ dassasi, evāhaṁ taṁ vuṭṭhāpessāmīti vatvā neva vuṭṭhāpenti na vuṭṭāpanāya ussukkaṁ karontiyā pācittiyaṁ kattha paññattanti; sāvatthiyaṁ paññattaṁ kaṁ ārabbhāti thullanandaṁ bhikkhuniṁ ārabbha kismiṁ vatthusminti: thullanandā bhikkhunī sikkhamānaṁ 'sace me tvaṁ ayye cīvaraṁ dassasi, evāhaṁ taṁ vuṭṭhāpessāmī'ti vatvā neva vuṭṭhāpesi, na vuṭṭhāpanāya ussukkaṁ akāsi, tasmiṁ vatthusmiṁ ekā paññatti channaṁ āpattisamuṭṭhānānaṁ ekena samuṭṭhānena samuṭṭhāti dhuranikkhepe - pe -

8. sikkhamānaṁ 'sace me tvaṁ ayye dve vassāni anubandhissasi evāhaṁ taṁ vuṭṭhāpessāmi'ti vatvā neva vuṭṭhāpentiyā na vuṭṭhāpanāya ussukkaṁ karontiyā pācittiyaṁ kattha paññattanti; sāvatthiyaṁ paññattaṁ kaṁ ārabbhāti thullanandaṁ bhikkhuniṁ ārabbha kismiṁ vatthusminti: thullanandā bhikkhunī sikkhamānaṁ 'sace maṁ tvaṁ ayye dve vassāni anubandhissasi, evāhaṁ taṁ vuṭṭhāpessāmī'ti vatvā neva vuṭṭhāpesi, na vuṭṭhāpanāya ussukkaṁ akāsi, tasmiṁ vatthusmiṁ ekā paññatti channaṁ āpattisamuṭṭhānānaṁ ekena samuṭṭhānena samuṭṭhāti dhuranikkhepe - pe -

9. purisasaṁsaṭṭhaṁ kumārakasaṁsaṭṭhaṁ caṇḍiṁ sokāvassaṁ 1sikkhamānaṁ vuṭṭhāpentiyā pācittiyaṁ kattha paññattanti; sāvatthiyaṁ paññattaṁ kaṁ ārabbhāti thullanandaṁ bhikkhuniṁ ārabbha kismiṁ vatthusminti: thullanandā bhikkhunī purisasaṁsaṭṭhaṁ kumārakasaṁsaṭṭhaṁ caṇḍikaṁ sokāvassaṁ sikkhamānaṁ vuṭṭhāpesi, tasmiṁ vatthusmiṁ ekā paññatti channaṁ āpattisamuṭṭhānānaṁ tīhi samuṭṭhānehi samuṭṭhāti - pe -

10. mātāpituhi vā sāmikena vā ananuññātaṁ sikkhamānaṁ vuṭṭhāpentiyā pācittiyaṁ kattha paññattanti; sāvatthiyaṁ paññattaṁ kaṁ ārabbhāti thullanandaṁ bhikkhuniṁ ārabbha kismiṁ vatthusminti: thullanandā bhikkhunī mātāpituhipi sāmikenapi ananuññātaṁ sikkhamānaṁ [pts page 069] [\q  69/]      vuṭṭhāpesi, tasmiṁ vatthusmiṁ ekā paññatti channaṁ āpattisamuṭṭhānānaṁ catūhi samuṭṭhānehi samuṭṭhāti siyā vācato samuṭṭhāti, na kāyato na cittato siyā kāyato ca vācato ca samuṭṭhāti, na cittato. siyā vācato ca cittato ca samuṭṭhāti, na kāyato. siyā kāyato ca vācato ca cittato ca samuṭṭhāti - pe -
11. pārivāsikachandadānena sikkhamānaṁ vuṭṭhāpentiyā pācittiyaṁ kattha paññattanti; rājagahe paññattaṁ kaṁ ārabbhāti thullanandaṁ bhikkhuniṁ ārabbha kismiṁ vatthusminti: thullanandā bhikkhunī pārivāsika chandadānena sikkhamānaṁ vuṭṭhāpesi, tasmiṁ vatthusmiṁ ekā paññatti channaṁ āpattisamuṭṭhānānaṁ tīhi samuṭṭhānehi samuṭṭhāti - pe -

1. sokāvāsaṁ machasaṁ

[bjt page 232] [\x 232/]

12. anuvassaṁ vuṭṭhāpentiyā pācittiyaṁ kattha paññattanti; sāvatthiyaṁ paññattaṁ kaṁ ārabbhāti sambahulā bhikkhuniyo ārabbha kismiṁ vatthusminti: sambahulā bhikkhuniyo anuvassaṁ vuṭṭhāpesuṁ, tasmiṁ vatthusmiṁ ekā paññatti channaṁ āpattisamuṭṭhānānaṁ tīhi samuṭṭhānehi samuṭṭhāti - pe -

13. ekaṁ vassaṁ dve vuṭṭhāpentiyā pācittiyaṁ kattha paññattanti; sāvatthiyaṁ paññattaṁ kaṁ ārabbhāti: sambahulā bhikkhuniyo ārabbha kismiṁ vatthusminti: sambahulā bhikkhuniyo ekaṁ vassaṁ dve vuṭṭhāpesuṁ, tasmiṁ vatthusmiṁ ekā paññatti channaṁ āpattisamuṭṭhānānaṁ tīhi samuṭṭhānehi samuṭṭhāti - pe -

kumārībhūtavaggo aṭṭhamo.

4. 9

1. chattupāhanaṁ dhārentiyā pācittiyaṁ kattha paññattanti; sāvatthiyaṁ paññattaṁ kaṁ ārabbhāti: chabbaggiyā bhikkhuniyo ārabbha kismiṁ vatthusminti: chabbaggiyā bhikkhuniyo chattupāhanaṁ dhāresuṁ tasmiṁ vatthusmiṁ ekā paññatti ekā anupaññatti channaṁ āpatti samuṭṭhānānaṁ dvīhi samuṭṭhānehi samuṭṭhāti eḷakalomake - pe -

2. yānena yāyantiyā pācittiyaṁ kattha paññattanti; sāvatthiyaṁ paññattaṁ kaṁ ārabbhāti: chabbaggiyā bhikkhuniyo ārabbha kismiṁ vatthusminti: chabbaggiyā bhikkhuniyo yānena yāyiṁsu, tasmiṁ vatthusmiṁ ekā paññatti ekā anupaññatti channaṁ āpattisamuṭṭhānānaṁ dvīhi samuṭṭhānehi samuṭṭhāti eḷakalomake - pe -

3. saṅghāṇiṁ dhārentiyā pācittiyaṁ kattha paññattanti; sāvatthiyaṁ paññattaṁ kaṁ ārabbhāti: aññataraṁ bhikkhuniṁ ārabbha kismiṁ vatthusminti: aññataro bhikkhunī saṅghāṇiṁ dhāresi, tasmiṁ vatthusmiṁ ekā paññatti channaṁ āpattisamuṭṭhānānaṁ dvīhi samuṭṭhānehi samuṭṭhāti eḷakalomake - pe -

4. itthālaṅkāraṁ dhārentiyā pācittiyaṁ kattha paññattanti; sāvatthiyaṁ paññattaṁ kaṁ ārabbhāti: chabbaggiyā bhikkhuniyo ārabbha kismiṁ vatthusminti: chabbaggiyā bhikkhuniyo itthālaṅkāraṁ dhāresuṁ, tasmiṁ vatthusmiṁ ekā paññatti channaṁ āpattisamuṭṭhānānaṁ dvīhi samuṭṭhānehi samuṭṭhāti eḷakalomake - pe -

5. gandhavaṇṇakena nahāyantiyā pācittiyaṁ kattha paññattanti; sāvatthiyaṁ paññattaṁ kaṁ ārabbhāti: chabbaggiyā bhikkhuniyo ārabbha kismiṁ vatthusminti: chabbaggiyā bhikkhuniyo gandhavaṇṇakena nahāyiṁsu, tasmiṁ vatthusmiṁ ekā paññatti channaṁ āpattisamuṭṭhānānaṁ dvīhi samuṭṭhānehi samuṭṭhāti eḷakalomake - pe -

[bjt page 234] [\x 234/]

6. vāsitakena piññākena nahāyantiyā pācittiyaṁ kattha paññattanti; sāvatthiyaṁ paññattaṁ kaṁ ārabbhāti: chabbaggiyā bhikkhuniyo ārabbha kismiṁ vatthusminti: chabbaggiyā bhikkhuniyo vāsitakena piññākena nahāyiṁsu, tasmiṁ vatthusmiṁ ekā paññatti channaṁ āpattisamuṭṭhānānaṁ dvīhi samuṭṭhānehi samuṭṭhāti; eḷakalomake - pe -

7. bhikkhuniyā ummaddāpentiyā parimaddāpentiyā pācittiyaṁ kattha paññattanti: sāvatthiyaṁ paññattaṁ kaṁ ārabbhāti: sambahulā bhikkhuniyo ārabbha kismiṁ vatthusminti: sambahulā bhikkhuniyo bhikkhuniyā ummaddāpesuṁ, tasmiṁ vatthusmiṁ ekā paññatti channaṁ āpattisamuṭṭhānānaṁ dvīhi samuṭṭhānehi samuṭṭhāti: eḷakalomake - pe -

[pts page 070] [\q  70/]
8. sikkhamānāya ummaddāpentiyā parimaddāpentiyā pācittiyaṁ kattha paññattanti: sāvatthiyaṁ paññattaṁ kaṁ ārabbhāti: sambahulā bhikkhuniyo ārabbha kismiṁ vatthusminti: sambahulā bhikkhuniyo sikkhamānāya ummaddāpesuṁ, tasmiṁ vatthusmiṁ ekā paññatti channaṁ āpattisamuṭṭhānānaṁ dvīhi samuṭṭhānehi samuṭṭhāti: eḷakalomake - pe -

9. sāmaṇeriyā ummaddāpentiyā parimaddāpentiyā pācittiyaṁ kattha paññattanti: sāvatthiyaṁ paññattaṁ kaṁ ārabbhāti: sambahulā bhikkhuniyo ārabbha kismiṁ vatthusminti: sambahulā bhikkhuniyo sāmaṇeriyā ummaddāpesuṁ, parimaddāpesuṁ, tasmiṁ vatthusmiṁ ekā paññatti channaṁ āpattisamuṭṭhānānaṁ dvīhi samuṭṭhānehi samuṭṭhāti: eḷakalomake - pe -
10. gihiniyā ummaddāpentiyā parimaddāpentiyā pācittiyaṁ kattha paññattanti: sāvatthiyaṁ paññattaṁ kaṁ ārabbhāti: sambahulā bhikkhuniyo ārabbha kismiṁ vatthusminti: sambahulā bhikkhuniyo gihiniyā ummaddāpesuṁ, parimaddāpesuṁ, tasmiṁ vatthusmiṁ ekā paññatti channaṁ āpattisamuṭṭhānānaṁ dvīhi samuṭṭhānehi samuṭṭhāti: eḷakalomake - pe -

11. bhikkhussa purato anāpucchā āsane nisīdantiyā pācittiyaṁ kattha paññattanti: sāvatthiyaṁ paññattaṁ kaṁ ārabbhāti: sambahulā bhikkhuniyo ārabbha kismiṁ vatthusminti: sambahulā bhikkhuniyo bhikkhussa purato anāpucchā āsane nisīdiṁsu, tasmiṁ vatthusmiṁ ekā paññatti channaṁ āpattisamuṭṭhānānaṁ dvīhi samuṭṭhānehi samuṭṭhāti: kaṭhinake - pe -
12. anokāsakataṁ bhikkhuṁ pañhaṁ pucchāntiyā pācittiyaṁ kattha paññattanti: sāvatthiyaṁ paññattaṁ kaṁ ārabbhāti: sambahulā bhikkhuniyo ārabbha kismiṁ vatthusminti: sambahulā bhikkhuniyo anokāsakataṁ bhikkhuṁ pañhaṁ pucchiṁsu, tasmiṁ vatthusmiṁ ekā paññatti channaṁ āpattisamuṭṭhānānaṁ dvīhi samuṭṭhānehi samuṭṭhāti padaso dhamme - pe -

13. asaṅkaccikāya gāmaṁ pavisantiyā pācittiyaṁ kattha paññattanti: sāvatthiyaṁ paññattaṁ kaṁ ārabbhāti: bhikkhuniṁ ārabbha kismiṁ vatthusminti: aññataro bhikkhunī asaṅkaccikā gāmaṁ pāvisi, tasmiṁ vatthusmiṁ ekā paññatti channaṁ āpattisamuṭṭhānānaṁ dvīhi samuṭṭhānehi samuṭṭhāti: siyā kāyato samuṭṭhāti na vācato cittato siyā kāyato ca cittato ca samuṭṭhāti na vācato - pe -

chattupāhanavaggo navamo
navavaggakhuddakā niṭṭhitā

tassuddānaṁ:

1. lasuṇaṁ saṁhare lomaṁ talamaṭṭañca suddhikaṁ,
bhuñjantāmakadhaññānaṁ dve vighāsena dassanā.

2. andhakāre paṭicchanne ajjhokāse rathikāya ca,
pure pacchā vikāle ca duggahi tiraye vadhi.

3. naggodakā visibbetvā pañcāhikaṁ saṅkamaniyaṁ,
gaṇavibhaṅgasamaṇaṁ dubbalaṁ kaṭhinena ca.

4. ekamañcattharaṇena sañcicca sahajiviniṁ,
datvā saṁsaṭṭha anto ca tirocassaṁ na pakkame.

[bjt page 238] [\x 238/]

5. rājā āsandi suttañca gihī vupasamena ca,
dade cīvarāvasathaṁ pariyāpuṇañca vācaye.

6. ārāmakkosacaṇḍi ca bhuñjeyya kulamacchari,
vāso pavāraṇovādā 1- dve dhammā pasākhena ca.

7. gabbhinī 2- pāyantī cha dhamme asammatunadvādasa,
paripuṇṇañca saṅghena sahavuṭṭhā cha pañca ca.
[pts page 071] [\q  71/]

8. kumārī dve ca saṅghena dvādasa sammatena ca,
alaṁ sace ca dve vassaṁ saṁsaṭṭhā sāmikena ca.

9. pārivāsikānuvassaṁ duce vuṭṭhāpanena ca,
chatta yānena saṅghāṇi itthālaṅkāravaṇṇake

10. piññāka bhikkhuni ceva sikkhā ca sāmaṇerikā,
gihini bhikkhussa purato anokāsamasaṅkaccikāti.

tesaṁ vaggānaṁ uddānaṁ:
lasuṇandhakāranahānā tuvaṭṭa cittāgārakā, 3-
ārāma 4- gabbhinī ceva kumāri chattupāhanāti

1. vāse pavāraṇevāda machasaṁ 3. cittagārakā ma. cha. saṁ
2. gabbhī machasaṁ 4. ārama machasaṁ
[bjt page 240] [\x 240/]

1. 5
pāṭidesanīya kaṇḍo

1. sappiṁ viññāpetvā bhuñjantiyā pāṭidesanīyaṁ kattha paññattanti: sāvatthiyaṁ paññattaṁ kaṁ ārabbhāti: chabbaggiyā bhikkhuniyo ārabbha. kismiṁ vatthusminti: chabbaggiyā bhikkhuniyo sappiṁ viññāpetvā bhuñjiṁsu, tasmiṁ vatthusmiṁ ekā paññatti. ekā anupaññatti channaṁ āpattisamuṭṭhānānaṁ catūhi samuṭṭhānehi samuṭṭhāti - pe -

2. telaṁ viññāpetvā bhuñjantiyā pāṭidesanīyaṁ kattha paññattanti: sāvatthiyaṁ paññattaṁ kaṁ ārabbhāti: chabbaggiyā bhikkhuniyo ārabbha. kismiṁ vatthusminti: chabbaggiyā bhikkhuniyo telaṁ viññāpetvā bhuñjiṁsu, tasmiṁ vatthusmiṁ - pe -
3. madhuṁ viññāpetvā bhuñjantiyā pāṭidesanīyaṁ kattha paññattanti: sāvatthiyaṁ paññattaṁ kaṁ ārabbhāti: chabbaggiyā bhikkhuniyo ārabbha. kismiṁ vatthusminti: chabbaggiyā bhikkhuniyo madhuṁ viññāpetvā bhuñjiṁsu, tasmiṁ vatthusmiṁ - pe -

4. phāṇitaṁ viññāpetvā bhuñjantiyā pāṭidesanīyaṁ kattha paññattanti: sāvatthiyaṁ paññattaṁ kaṁ ārabbhāti: chabbaggiyā bhikkhuniyo ārabbha. kismiṁ vatthusminti: chabbaggiyā bhikkhuniyo phāṇitaṁ viññāpetvā bhuñjiṁsu, tasmiṁ vatthusmiṁ - pe -

5. macchaṁ viññāpetvā bhuñjantiyā pāṭidesanīyaṁ kattha paññattanti: sāvatthiyaṁ paññattaṁ kaṁ ārabbhāti: chabbaggiyā bhikkhuniyo ārabbha. kismiṁ vatthusminti: chabbaggiyā bhikkhuniyo macchaṁ viññāpetvā bhuñjiṁsu, tasmiṁ vatthusmiṁ - pe -

6. maṁsaṁ viññāpetvā bhuñjantiyā pāṭidesanīyaṁ kattha paññattanti: sāvatthiyaṁ paññattaṁ kaṁ ārabbhāti: chabbaggiyā bhikkhuniyo ārabbha. kismiṁ vatthusminti: chabbaggiyā bhikkhuniyo maṁsaṁ viññāpetvā bhuñjiṁsu, tasmiṁ vatthusmiṁ - pe -

7. khiraṁ viññāpetvā bhuñjantiyā pāṭidesanīyaṁ kattha paññattanti: sāvatthiyaṁ paññattaṁ kaṁ ārabbhāti: chabbaggiyā bhikkhuniyo ārabbha. kismiṁ vatthusminti: chabbaggiyā bhikkhuniyo khīraṁ viññāpetvā bhuñjiṁsu, tasmiṁ vatthusmiṁ - pe -

8. dadhiṁ viññāpetvā bhuñjantiyā pāṭidesanīyaṁ kattha paññattanti: sāvatthiyaṁ paññattaṁ kaṁ ārabbhāti: chabbaggiyā bhikkhuniyo ārabbha. kismiṁ vatthusminti: chabbaggiyā bhikkhuniyo dadhiṁ viññāpetvā bhuñjiṁsu, tasmiṁ vatthusmiṁ. ekā paññatti. ekā anu-
[bjt page 242] [\x 242/]

paññatti channaṁ āpattisamuṭṭhānānaṁ catūhi samuṭṭhānehi samuṭṭhāti, siyā kāyato samuṭṭhāti, na vācato na cittato siyā kāyato ca vācato ca samuṭṭhāti na cittato, siyā kāyato ca cittato ca samuṭṭhāti, na vācato siyā kāyato ca vācato ca cittato ca samuṭṭhāti - pe -

aṭṭha pāṭidesanīyā niṭṭhitā

tassuddānaṁ:
sappiṁ telaṁ madhuñceva phāṇitaṁ macchameva ca,
maṁsaṁ khīraṁ dadhiñcāpi viññāpetvāna bhikkhunī,
pāṭidesanīyā aṭṭha sambuddhena pakāsitāti. 1-

ye sikkhāpadā bhikkhuvibhaṅge vitthāritā,
te saṁkhittā 2- bhikkhuni vibhaṅge.

kattha paññattivāro niṭṭhito paṭhamo

1. sayaṁ buddhena devatāti machasaṁ
2. saṁkhipikhā - sīmu 1. 2

[bjt page 244] [\x 244/]

2. katāpattivāro
2. 1
pārājika kaṇḍo

1. avassutā bhikkhunī avassutassa purisapuggalassa kāyasaṁsaggaṁ sādiyantī kati āpattiyo āpajjati: avassutā bhikkhunī avassutassa purisapuggalassa kāyasaṁsaggaṁ [pts page 072] [\q  72/]      sādiyantī tisso āpattiyo āpajjati: adhakkhakaṁ ubbhajāṇumaṇḍalaṁ gahaṇaṁ sādiyati āpatti pārājikassa. ubbhakkhakaṁ adhojāṇumaṇḍalaṁ gahaṇaṁ sādiyati āpatti thullaccayassa, kāyapaṭibaddhagahaṇaṁ sādiyati, āpatti dukkaṭassa. avassutā bhikkhunī avassutassa purisapuggalassa kāyasaṁgaggaṁ sādiyantī imā tisso āpattiyo āpajjati.

2. vajjapaṭicchādikā bhikkhunī vajjaṁ paṭicchādentī kati āpattiyo āpajjati: vajjapaṭicchādikā bhikkhunī vajjaṁ paṭicchādentī tisso āpattiyo āpajjati: jānaṁ pārājikaṁ dhammaṁ paṭicchādeti āpatti pārājikassa, vematikā paṭicchādeti, āpatti thullaccayassa. ācāra vipattiṁ paṭicchādeti, āpatti dukkaṭassa vajjapaṭicchādikā bhikkhunī vajjaṁ paṭicchādentī imā tisso āpattiyo āpajjati.

3. ukkhittānuvattikā bhikkhunī yāva tatiyaṁ samanubhāsanāya nappaṭinissajjantī kati āpattiyo āpajjati: ukkhittānuvattikā bhikkhunī yāva tatiyaṁ samanubhāsanāya nappaṭinissajjantī tisso āpattiyo āpajjati: ñattiyā dukkaṭaṁ dvīhi kammavācāhi thullaccayaṁ kammavācāpariyosāne āpatti pārājikassa. ukkhittānuvattikā bhikkhunī yāvatatiyaṁ samanubhāsanāya nappaṭinissajjantī imā tisso āpattiyo āpajjati:

4. aṭṭhamaṁ vatthuṁ paripurentī kati āpattiyo āpajjati: aṭṭhamaṁ vatthuṁ paripūrentī tisso āpattiyo āpajjati: "purisena itthannāmaṁ gahanaṁ āgacchā"ti. vuttā gacchati. āpatti dukkaṭassa. purisena hatthapāsaṁ okkantamatte āpatti thullaccayassa. aṭṭhamaṁ vatthuṁ paripūreti āpatti pārājikassa aṭṭhamaṁ vatthuṁ paripūrentī imā tisso āpattiyo āpajjati.

pārājikā niṭṭhitā

2. 2
saṅghādisesa kaṇḍo

1. ussayavādikā bhikkhunī aṭṭaṁ karontī tisso āpattiyo āpajjati: ekassa āroceti, āpatti dukkaṭassa dutiyassa āroceti, āpatti thullaccayassa aṭṭapariyosāne āpatti saṅghādisesassa.

1. itthannāmaṁ okāsaṁ machasaṁ itthannāmaṁ gabbha. syā,

[bjt page 246] [\x 246/]

2. coriṁ vuṭṭhāpentī tisso āpattiyo āpajjati: ñattiyā dukkaṭaṁ dvīhi kammavācāhi thullaccayaṁ kammavācāpariyosāne āpatti saṅghādisesassa.

3. ekā gāmantaraṁ gacchantī tisso āpattiyo āpajjati: gacchati āpatti dukkaṭassa paṭhamaṁ pādaṁ parikkhepaṁ atikkāmeti, āpatti thullaccayassa. dutiyaṁ pādaṁ atikkāmeti āpatti saṅghādisesassa.

4. samaggena saṅghena ukkhittaṁ bhikkhuniṁ dhammena vinayena satthusāsanena anapaloketvā kārakasaṅghaṁ anaññāya gaṇassa chandaṁ osārentī tisso āpattiyo āpajjati: ñattiyā dukkaṭaṁ dvīhi kammavācāhi thullaccayaṁ kammavācāpariyosāne āpatti saṅghādisesassa.
5. avassutā bhikkhunī avassutassa puripuggalassa hatthato khādanīyaṁ vā bhojanīyaṁ vā sahatthā paṭiggahetvā [pts page 073] [\q  73/]      bhuñjantī tisso āpattiyo āpajjati: khādissāmi bhuñjissāmīti paṭigaṇhāti, āpattiyo thullaccayassa. ajjhohāre ajajhohāre āpatti saṅghādisesassa. udakadantapoṇaṁ paṭiggaṇhāti, āpatti dukkaṭassa.

6. "kiṁ te ayye eso purisapuggalo karissati avassuto vā anavassuto vā yato tvaṁ anavassutā, iṅghayye yaṁ te eso purisapuggalo deti khādanīyaṁ vā bhojanīyaṁ vā, taṁ tvaṁ sahatthā paṭiggahetvā khāda vā bhuñja vā"ti uyyojentī tisso āpattiyo āpajjati: tassā vacanena khādissāmi bhuñjissāmīti paṭiggaṇhāti, āpatti dukkaṭassa. ajjhohāre ajjhohāre āpatti thullaccayassa bhojanapariyosāne āpatti saṅghādisesassa.

7. kupitā bhikkhunī yāva tatiyaṁ samanubhāsanāya nappaṭinissajjantī tisso āpattiyo āpajjati: ñattiyā dukkaṭaṁ dvīhi kammavācāhi thullaccayaṁ kammavācāpariyosāne āpatti saṅghādisesassa.

8. kismicideva adhikaraṇe paccākatā bhikkhunī yāvatatiyaṁ samanubhāsanāya nappaṭinissajjantī tisso āpattiyo āpajjati: ñattiyā dukkaṭaṁ dvīhi kammavācāhi thullaccayaṁ kammavācāpariyosāne āpatti saṅghādisesassa.

9. saṁsaṭṭhā bhikkhuniyo yāvatatiyaṁ samanubhāsanāya nappaṭinissajjantī tisso āpattiyo āpajjati: ñattiyā dukkaṭaṁ dvīhi kammavācāhi thullaccayaṁ kammavācāpariyosāne āpatti saṅghādisesassa.

10. "saṁsaṭṭhāvayye tumhe viharatha. mā tumhe nānā viharitthā"ti uyyojentī yāvatatiyaṁ samanubhāsanāya nappaṭinissajjantī tisso āpattiyo āpajjati: ñattiyā dukkaṭaṁ dvīhi kammavācāhi thullaccayaṁ kammavācāpariyosāne āpatti saṅghādisesassa.

saṅghādisesā niṭṭhitā

1. paṭiggaṇhāti - simu 2

[bjt page 248] [\x 248/]

2. 3
nissaggiya kaṇḍo

1. pattasannicayaṁ karontī ekaṁ āpattiṁ āpajjati: nissaggiyaṁ pācittiyaṁ

2. akālacīvaraṁ kālacīvaranti adhīṭṭhahitvā bhājāpentī dve āpattiyo āpajjati: bhājāpeti, payoge dukkaṭaṁ, bhājāpite nissaggiyaṁ pācittiyaṁ.

3. bhikkhuniyā saddhiṁ cīvaraṁ parivattetvā acchindantī dve āpattiyo āpajjati: acchindati payoge dukkaṭaṁ, acchinne nissaggiyaṁ pācittiyaṁ

4. aññaṁ viññāpetvā aññaṁ viññāpentī dve āpattiyo āpajjati: viññāpeti payoge dukkaṭaṁ, viññāpite nissaggiyaṁ pācittiyaṁ

5. aññaṁ cetāpetvā aññaṁ cetāpentī dve āpattiyo āpajjati: cetāpeti, payoge dukkaṭaṁ, cetāpite nissaggiyaṁ pācittiyaṁ.

6. aññadatthikena parikkhārena aññuddisikena saṅghikena aññaṁ cetāpentī dve āpattiyo āpajjati: cetāpeti payoge dukkaṭaṁ, cetāpine nissaggiyaṁ pācittiyaṁ

7. aññadatthikena parikkhārena aññuddisikena saṅghikena saññācikena aññaṁ cetāpentī dve āpattiyo āpajjati: cetāpeti payoge dukkaṭaṁ, cetāpite nissaggiyaṁ pācittiyaṁ

8. aññadatthikena parikkhārena aññuddisikena mahājanikena aññaṁ cetāpentī dve āpattiyo āpajjati: cetāpeti payoge dukkaṭaṁ, cetāpine nissaggiyaṁ pācittiyaṁ
9. aññadatthikena parikkhārena aññuddisikena mahājanikena saññācikena aññaṁ cetāpentī dve āpattiyo āpajjati: cetāpeti payoge dukkaṭaṁ, cetāpite nissaggiyaṁ pācittiyaṁ
[pts page 074] [\q  74/]

10. aññadatthikena parikkhārena aññuddisikena puggalikena saññācikena aññaṁ cetāpentī dve āpattiyo āpajjati: cetāpeti payoge dukkaṭaṁ, cetāpite nissaggiyaṁ pācittiyaṁ

11. atirekacatukkaṁsaparamaṁ garupāpuraṇaṁ cetāpentī dve āpattiyo āpajjati: cetāpeti payoge dukkaṭaṁ, cetāpite nissaggiyaṁ pācittiyaṁ

12. atirekaaḍḍhateyyakaṁsaparamaṁ lahupāpuraṇaṁ cetāpentī dve āpattiyo āpajjati: cetāpeti payoge dukkaṭaṁ, cetāpite nissaggiyaṁ pācittiyaṁ

nissaggiyā pācittiyā niṭṭhitā.

[bjt page 250] [\x 250/]

2. 4
pācittiya kaṇḍo
4. 1

1. lasuṇaṁ khādantī dve āpattiyo āpajjati: khādissāmīti paṭiggaṇhāti 1- āpatti dukkaṭassa, ajjhohāre ajjhohāre āpatti pācittissa.

2. sambādhe lomaṁ saṁharāpentī dve āpattiyo āpajjati: saṁharāpeti, payoge dukkaṭaṁ, saṁharāpite āpatti pācittiyassa.

3. talaghātakaṁ kārentī dve āpattiyo āpajjati: karoti, payoge dukkaṭaṁ, kate āpatti pācittiyassa.
4. jatumaṭṭakaṁ ādiyantī dve āpattiyo āpajjati: ādiyati, payoge dukkaṭaṁ, ādiyite 2- āpatti pācittiyassa.
5. atirekadvaṅgulapabbaparamaṁ udakasuddhikaṁ ādiyantī dve āpattiyo āpajjati: ādiyati, payoge dukkaṭaṁ, ādinne āpatti pācittissa.

6. bhikkhussa bhuñjantassa pānīyena vā vidhupanena vā upatiṭṭhantī dve āpattiyo āpajjati: hatthapāse tiṭṭhati āpatti pācittiyassa. hatthapāsaṁ vijahitvā tiṭṭhati āpatti dukkaṭassa.

7. āmakadhaññaṁ viññāpetvā bhuñjantī dve āpattiyo āpajjati: bhuñjissāmīti paṭigaṇhāti āpatti dukkaṭassa ajjhohāre ajjhohāre āpatti pācittissa.

8. uccāraṁ vā passāvaṁ vā saṅkāraṁ vā vighāsaṁ vā tirokuḍḍe vā tiropākāre vā chaḍḍentī dve āpattiyo āpajjati: chaḍḍeti payoge dukkaṭaṁ chaḍḍite āpatti pācittissa.

9. uccāraṁ vā passāvaṁ vā saṅkāraṁ vā vighāsaṁ vā harite chaḍḍentī dve āpattiyo āpajjati: chaḍḍeti payoge dukkaṭaṁ chaḍḍite āpatti pācittissa.

10. naccaṁ vā gītaṁ vā vāditaṁ vā dasasnāya gacchantī dve āpattiyo āpajjati: gacchati āpatti dukkaṭassa yattha ṭhitā passati vā suṇāti vā āpatti pācittiyassa.

lasuṇavaggo paṭhamo.

1. paṭiggaṇhāti - sīmu 1, 2 machasaṁ

[bjt page 252] [\x 252/]

4. 2

1. rattandhakāre appadīpe purisena saddhiṁ ekenekā santiṭṭhantī dve āpattiyo āpajjati: hatthapāse tiṭṭhati āpatti pācittiyassa. hatthapāsaṁ vijahitvā tiṭṭhati āpatti dukkaṭassa.

2. paṭicchanne okāse purisena saddhiṁ ekenekā santiṭṭhantī dve āpattiyo āpajjati: hatthapāse tiṭṭhati āpatti pācittiyassa. hatthapāsaṁ vijahitvā tiṭṭhati āpatti dukkaṭassa. [pts page 075] [\q  75/]

3. ajjhokāse purisena saddhiṁ ekenekā santiṭṭhantī dve āpattiyo āpajjati: hatthapāse tiṭṭhati āpatti pācittiyassa. hatthapāsaṁ vijahitvā tiṭṭhati āpatti dukkaṭassa.

4. rathīyā vā byuhe vā siṅghāṭake vā purisena saddhiṁ ekenekā santiṭṭhantī dve āpattiyo āpajjati: hatthapāse tiṭṭhati āpatti pācittiyassa. hatthapāsaṁ vijahitvā tiṭṭhati āpatti dukkaṭassa.

5. purebhattaṁ kulāni upasaṅkamitvā āsane nisīditvā sāmike anāpucchā pakkamantī dve āpattiyo āpajjati: paṭhamaṁ pādaṁ anovassakaṁ atikkāmeti āpatti dukkaṭassa. dutiyaṁ pādaṁ atikkameti āpatti pācittissa.

6. pacchābhattaṁ kulāni upasaṅkamitvā sāmike anāpucchā āsane nisīdantī dve āpattiyo āpajjati: nisīdati payoge dukkaṭaṁ nisinne āpatti pācittissa.

7. vikāle kulāni upasaṅkamitvā sāmike anāpucchā seyyaṁ sattharitvā vā sattharāpetvā vā abhinisīdantī dve āpattiyo āpajjati: abhinisīdati payoge dukkaṭaṁ, abhinisinne āpatti . pācittissa.

8. uggahitena dūpadhāritena paraṁ ujjhāpentī dve āpattiyo āpajjati: ujjhāpeti payoge dukkaṭaṁ ujjhāpite āpatti pācittissa.

9. attānaṁ vā paraṁ vā nirayena vā brahmacariyena vā abhisapantī dve āpattiyo āpajjati: ujjhāpeti
āpajjati: abhisapati payoge dukkaṭaṁ abhisapite āpatti pācittissa.

10. attānaṁ vadhitvā rodantī dve āpattiyo āpajjati: vadhati rodati āpatti pācittissa. vadhati na rodati āpatti dukkaṭassa,

rattandhakāravaggo dutiyo

[xxxxxxxxxxx1.] rattandhakāre appadipe purisena saddhiṁ ekenekā santiṭaṁṭhanti dve āpatyo āpajjati: hatthapāse tiṭṭhati āpatti pācittiyassa hatthāpasaṁ vijahitvā tiṭṭhati āpatti dukkaṭassa.

2. paṭicchanne okhāse purisena saddhiṁ ekenekā santiṭaṁṭhanti dve āpatyo āpajjati: hatthapāse tiṭṭhati āpatti pācittiyassa hatthāpasaṁ vijahitvā tiṭṭhati āpatti dukkaṭassa.

3. ajjhokāse purisena saddhiṁ ekenekā santiṭaṁṭhanti dve āpatyo āpajjati: hatthapāse tiṭṭhati āpatti pācittiyassa hatthāpasaṁ vijahitvā tiṭṭhati āpatti
dukkaṭassa.

4. rathiyā vā byuhe vā siṅghāṭake vā purisena saddhiṁ ekenekā santiṭaṁṭhanti dve āpatyo āpajjati: hatthapāse tiṭṭhati āpatti pācittiyassa hatthāpasaṁ vijahitvā tiṭṭhati āpatti dukkaṭassa.

5. purebhattaṁ kulāni upasaṅkamitvā āsane nisīditvā sāmike anāpucchā pakkamanti dve āpatyo āpajjati: paṭhamaṁ padāṁ anovassakaṁ atikkāmeti āpatti dukkaṭassa dutiyaṁ pādaṁ atikkameti āpatti pācittiyassa

6. pacchābhattaṁ kulāni upasaṅkamitvā sāmike anāpucchā āsane nisīdanti dve āpatyo āpajjati: nisidati payoge dukkaṭaṁ nisinne āpatti pācittiyassa

7. vikāle kulāni upasaṅkamitvā sāmike anāpucchā seyyaṁ sattharitvā vā sattharāpetvā vā abhinisīdanti dve āpatyo āpajjati: abhinisidati payoge dukkaṭaṁ abhinisinne āpatti pācittiyassa

8. uggahitena dupadhāritena paraṁ ujjhāpenti dve āpatyo āpajjati: ujjhāpeti payoge dukkaṭaṁ ujjhāpite āpatti pācittiyassa
[pts page 076] [\q  76/]

9. attānaṁ vā paraṁ vā nirayena vā brahmacariyena vā abhisapanti dve āpatyo āpajjati: abhisapati payoge dukkaṭaṁ abhisapite āpatti pācittiyassa

10. attānaṁ vadhītvā rodanti dve āpatyo āpajjati: vadhati rodati āpatti pācittiyassa vadhati na rodati āpatti dukkaṭassa,

rattandhāravaggo dutiyo[yyvvvyyvvvyyvvvyyvvvyyvvvyyvvv]

[bjt page 254] [\x 254/]

1. naggā nahāyantī dve āpattiyo āpajjati: nahāyati payoge dukkaṭaṁ nahānapariyosāne āpatti pācittiyassa.

2. pamāṇātikkantaṁ udakasāṭikaṁ kārāpentī dve āpattiyo āpajjati: kārāpeti payoge dukkaṭaṁ kārāpite āpatti pācittiyassa.

3. bhikkhuniyā cīvaraṁ visibbetvā vā visibbāpetvā vā neva sibbentī na sibbāpanāya ussukkaṁ karontī ekaṁ āpattiṁ āpajjati: pācittiyaṁ.

4. pañcāhikaṁ saṅghāṭivāraṁ 1- atikkāmentī ekaṁ āpattiṁ āpajjati: pācittiyaṁ.
5. cīvarasaṅkamanīyaṁ dhārentī dve āpattiyo āpajjati: dhāreti payoge dukkaṭaṁ dhārite āpatti pācittiyassa.

6. gaṇassa cīvaralābhaṁ antarāyaṁ karontī dve āpattiyo āpajjati: karoti payoge dukkaṭaṁ kate āpatti pācittiyassa.

7. dhammikaṁ cīvaravibhaṅgaṁ paṭibāhantī dve āpattiyo āpajjati: paṭibāhati payoge dukkaṭaṁ. paṭibāhite āpatti āpajjati: pācittiyassa.

8. agārikassa vā paribbājakassa vā paribbājikāya vā samaṇacīvaraṁ dentī dve āpattiyo āpajjati: paṭibāhati payoge
āpajjati: deti payoge dukkaṭaṁ dinne āpatti pācittiyassa.

9. dubbalacīvarapaccāsāya cīvarakālasamayaṁ atikkāmentī dve āpattiyo āpajjati: atikkāmeti payoge dukkaṭaṁ atikkāmite āpatti pācittiyassa.
10. dhammikaṁ kaṭhinuddhāraṁ paṭibāhantī dve āpattiyo āpajjati: paṭibāhati payoge dukkaṭaṁ paṭibāhite āpatti pācittiyassa.

nahānavaggo tatiyo.

4. 4

1. dve bhikkhuniyo ekamaññe tuvaṭṭentiyo dve āpattiyo āpajjati: nipajjanti payoge dukkaṭaṁ nipante āpatti pācittiyassa.

2. dve bhikkhuniyo ekattharaṇapāpuraṇā tuvaṭṭentiyo dve āpattiyo āpajjati: nipajjanti payoge dukkaṭaṁ nipante āpatti pācittiyassa.

1. saṅghāṭidhāraṁ - machasaṁ

[bjt page 256] [\x 256/]

3. bhikkhuniyo sañcicca aphāsuṁ karontī dve āpattiyo āpajjati: karoti payoge dukkaṭaṁ kate āpatti pācittiyassa.

4. dukkhitaṁ sahajīviniṁ neva upaṭṭhahantī na upaṭṭhāpanāya ussukkaṁ karontī ekaṁ āpattiṁ āpajjati: pācittiyaṁ.
5. bhikkhuniyā upassayaṁ datvā kupitā anattamanā nikkaḍḍhantī dve āpattiyo āpajjati: nikkiḍḍhati payoge dukkaṭaṁ nikkaḍḍhite āpatti pācittiyassa.

6. saṁsaṭṭhā bhikkhunī yāva tatiyaṁ samanubhāsanāya nappaṭinissajjantī dve āpattiyo āpajjati: ñattiyā dukkaṭaṁ kammavācāpariyosāne āpatti pācittiyassa.

7. antoraṭṭhe sāsaṅkasammate sappaṭibhaye asatthikā cārikaṁ carantī dve āpattiyo āpajjati: paṭipajjati payoge dukkaṭaṁ paṭipanne āpatti pācittiyassa.

8. tiroraṭṭhe sāsaṅkasammate sappaṭibhaye asatthikā cārikaṁ carantī dve āpattiyo āpajjati: paṭipajjati payoge dukkaṭaṁ paṭipanne āpatti pācittiyassa.

9. antovassaṁ cārikaṁ carantī dve āpattiyo āpajjati: paṭipajjati payoge dukkaṭaṁ paṭipanne āpatti pācittiyassa.

10. vassaṁ vutthā bhikkhunī cārikaṁ na pakkamantī ekaṁ āpattiṁ āpajjati: pācittiyaṁ.
tuvaṭṭavaggo catuttho

4. 5

1. rājāgāraṁ vā cittāgāraṁ vā ārāmaṁ vā uyyānaṁ vā pokkharaṇiṁ vā dassanāya gacchantī dve āpattiyo āpajjati: gacchati payoge dukkaṭaṁ yattha ṭhitā 1passati, āpatti pācittiyassa.

2. āsandiṁ vā pallaṅkaṁ vā paribhuñjantī dve āpattiyo āpajjati: paribhuñjati payoge dukkaṭaṁ, paribhutte āpatti pācittiyassa.

3. suttaṁ kantantī dve āpattiyo āpajjati: kantati payoge dukkaṭaṁ, ujjavujjave āpatti pācittiyassa.

4. gihīveyyāvaccaṁ karontī dve āpattiyo āpajjati: karoti payoge dukkaṭaṁ, kate āpatti pācittiyassa.

1. tattha ṭhitā - sīmu, 2

[bjt page 258] [\x 258/]
[pts page 077] [\q  77/]

5. bhikkhuniyā "ehayye imaṁ adhikaraṇaṁ vūpasamehī"ti vuccamānā sādhūti paṭissuṇitvā neva vūpasamentī na vūpasamāya ussukkaṁ karontī ekaṁ āpattiṁ āpajjati: pācittiyaṁ.

6. agārikassa vā paribbājakassa vā paribbājikāya vā sahatthā khādanīyaṁ vā bhojanīyaṁ vā dentī dve āpattiyo āpajjati: deti payoge dukkaṭaṁ dinne āpatti pācittiyassa.

7. āvasathacīvaraṁ anissajjitvā paribhuñjantī dve āpattiyo āpajjati: paribhuñjati, payoge dukkaṭaṁ paribhutte āpatti pācittiyassa.

8. āvasathaṁ anissajitvā cārikaṁ pakkamantī dve āpattiyo āpajjati: paṭhamaṁ pādaṁ parikkhepaṁ atikkāmeti āpatti dukkaṭassa. dutiyaṁ pādaṁ atikkāmeti āpatti pācittiyassa.

9. tiracchānavijjaṁ pariyāpuṇantī dve āpattiyo āpajjati: pariyāpuṇāti, payoge dukkaṭaṁ pade pade āpatti pācittiyassa.

10. tiracchānavijjaṁ vācentī dve āpattiyo āpajjati: vāceti, payoge dukkaṭaṁ pade pade āpatti pācittiyasasa.

cittāgāravaggo pañcamo.

4. 6

1. jānaṁ sabhikkhukaṁ ārāmaṁ anāpucchā pavisantī dve āpattiyo āpajjati: paṭhamaṁ pādaṁ parikkhepaṁ atikkāmeti āpatti dukkaṭassa dutiyaṁ pādaṁ atikkāmeti āpatti pācittiyassa

2. bhikkhuṁ akkosantī paribhāsantī dve āpattiyo āpajjati: akkosati payoge dukkaṭaṁ, akkosite āpatti pācittiyassa.

3. caṇḍikatāya 1- gaṇaṁ paribhāsantī dve āpattiyo āpajjati: paribhāsati payoge dukkaṭaṁ paribhāsite āpatti pācittiyassa.

4. nimantitā vā pavāritā vā khādanīyaṁ vā bhojanīyaṁ vā bhuñjantī dve āpattiyo āpajajati: khādissāmi bhuñjissāmīti paṭigaṇhāti āpatti dukkaṭassa ajjhohāre ajjhohāre āpatti pācittiyassa.

5. kulaṁ vā maccharāyantī dve āpattiyo āpajjati: maccharāyati payoge dukkaṭaṁ maccharite āpatti pācittiyassa.

1. caṇḍikatā - sīmu, 2

[bjt page 260] [\x 260/]

6. abhikkhuke āvāse vassaṁ vasantī dve āpattiyo āpajjati: vassaṁ vasissāmīti senāsanaṁ paññāpeti, pānīyaṁ vā paribhojanīyaṁ vā upaṭṭhapeti, pariveṇaṁ vā sammajjati āpatti dukkaṭassa saha aruṇuggamanā āpatti pācittiyassa.

7. vassaṁ vutthā bhikkhunī ubhato saṅghe tīhi ṭhānehi nappaṭivārantī ekaṁ āpattiṁ āpajjati: pācittiyaṁ.

8. ovādāya vā saṁvāsāya vā na gacchantī ekaṁ āpattiṁ āpajjati: pācittiyaṁ.

9. uposathampi na pucchantī ovādampi na yācantī ekaṁ āpattiṁ āpajjati: pācittiyaṁ.
10. pasākhe jātaṁ gaṇḍaṁ vā ruhitaṁ vā anapaloketvā saṅghaṁ vā gaṇaṁ vā purisena saddhiṁ ekenekā bhedāpentī [pts page 078] [\q  78/]      dve āpattiyo āpajjati: bhedāpeti payoge dukkaṭaṁ. bhedhāpite āpatti pācittiyassa.

ārāmavaggo chaṭṭho

4. 7

1. gabbhiniṁ vuṭṭhāpentī dve āpattiyo āpajjati: vuṭṭhāpeti payoge dukkaṭaṁ vuṭṭhāpite āpatti pācittiyassa.

2. pāyantiṁ vuṭṭhāpentī dve āpattiyo āpajjati: vuṭṭhāpeti payoge dukkaṭasaṁ vuṭṭhāpite āpatti pācittiyassa.

3. dve vasasāni chasu dhammesu asikkhitasikkhaṁ sikkhamānaṁ vuṭṭhāpentī dve āpattiyo āpajjati: vuṭṭhāpeti payoge dukkaṭaṁ vuṭṭhāpite āpatti pācittiyassa.

4. dve vasasāni chasu dhammesu sikkhitasikkhaṁ sikkhamānaṁ saṅghena asammataṁ vuṭṭhāpentī dve āpattiyo āpajjati: vuṭṭhāpeti payoge dukkaṭaṁ vuṭṭhāpite āpatti pācittiyassa.
5. ūnadvādasavassaṁ gihīgataṁ vuṭṭhāpentī dve āpattiyo āpajjati: vuṭṭhāpeti payoge dukkaṭaṁ vuṭṭhāpite āpatti pācittiyassa.

6. paripuṇṇadvādasavassaṁ gihīgataṁ dve vassāni chasu dhammesu asikkhitasikkhaṁ vuṭṭhāpenatī dve āpattiyo āpajjati: vuṭṭhāpeti payoge dukkaṭaṁ vuṭṭhāpite āpatti pācittiyassa.

[bjt page 262] [\x 262/]

7. paripuṇṇadvādasavassaṁ gihīgataṁ dve vassāni chasu dhammesu sikkhitasikkhaṁ saṅghena asammataṁ vuṭṭhāpentī dve āpattiyo āpajjati: vuṭṭhāpeti payoge dukkaṭaṁ vuṭṭhāpite āpatti pācittiyassa.

8. sahajīviniṁ vuṭṭhāpetvā dve vassāni neva anuggaṇhantī nānuggaṇhāpentī ekaṁ āpattiṁ āpajjati: pācittiyaṁ.

9. vuṭṭhāpitaṁ pavattiniṁ dve vassāni nānubandhantī ekaṁ āpattiṁ āpajjati: pācittiyaṁ.
10. sahajīviniṁ vuṭṭhāpetvā neva vūpakāsentī na vūpakāsāpentī ekaṁ āpattiṁ āpajjati: pācittiyaṁ.

gabbhinīvaggo sattamo.

4. 8

1. ūnavīsativassaṁ kumārībhūtaṁ vuṭṭhāpentī dve āpattiyo āpajjati: vuṭṭhāpeti payoge dukkaṭaṁ vuṭṭhāpite āpatti pācittiyassa.

2. paripuṇṇavīsativassaṁ kumārībhūtaṁ dve vassāni chasu dhammesu asikkhitasikkhaṁ vuṭṭhāpentī dve āpattiyo āpajjati: vuṭṭhāpeti payoge dukkaṭaṁ vuṭṭhāpite āpatti pācittiyassa.
3. paripuṇṇavīsativassaṁ kumārībhūtaṁ dve vassāni chasu dhammesu sikkhitasikkhaṁ saṅghena asammataṁ vuṭṭhāpentī dve āpattiyo āpajjati: vuṭṭhāpeti payoge dukkaṭaṁ vuṭṭhāpite āpatti pācittiyassa.

4. ūnadvādasavassaṁ vuṭṭhāpentī dve āpattiyo āpajjati: vuṭṭhāpeti payoge dukkaṭaṁ vuṭṭhāpite āpatti pācittiyassa.

5. paripuṇṇadvādasavassaṁ saṅghena asammatā vuṭṭhāpentī dve āpattiyo āpajjati: vuṭṭhāpeti payoge dukkaṭaṁ vuṭṭhāpite āpatti pācittiyassa.

6. "alaṁ tāva te ayye vuṭṭhāpitenā"ti vuccamānā sādhūti paṭissuṇitvā pacchā khīyanadhammaṁ āpajjantī dve āpattiyo āpajjati: khīyati payoge dukkaṭaṁ khiyīte āpatti pācittiyassa.

7. sikkhamānaṁ "sace me tvaṁ ayye cīvaraṁ dassasi, evāhaṁ taṁ vuṭṭhāpessāmī'ti. vatvā neva vuṭṭhāpentī na vuṭṭhāpanāya ussukkaṁ karontī ekaṁ āpattiṁ āpajjati: pācittiyaṁ.

[bjt page 264] [\x 264/]
[pts page 079] [\q  79/]

8. sikkhamānaṁ "sace maṁ tvaṁ ayye dve vassāni anubandhissasi, evāhaṁ taṁ vuṭṭhāpessāmī'ti. vatvā neva vuṭṭhāpentī na vuṭṭhāpanāya ussukkaṁ karontī ekaṁ āpattiṁ āpajjati: pācittiyaṁ.

9. purisasaṁsaṭṭhaṁ kumārakasaṁsaṭṭhaṁ caṇḍiṁ sokāvassaṁ sikkhamānaṁ vuṭṭhāpentī dve āpattiyo āpajjati: vuṭṭhāpeti payoge dukkaṭaṁ vuṭṭhāpite āpatti pācittiyassa.

10. mātupituhi vā sāmikena vā ananuññātaṁ sikkhamānaṁ vuṭṭhāpentī dve āpattiyo āpajjati: vuṭṭhāpeti payoge dukkaṭaṁ vuṭṭhāpite āpatti pācittiyassa.
11. pārivāsikachandadānena sikkhamānaṁ vuṭṭhāpentī dve āpattiyo āpajjati: vuṭṭhāpeti payoge dukkaṭaṁ vuṭṭhāpite āpatti pācittiyassa.
12. anuvassaṁ vuṭṭhāpentī dve āpattiyo āpajjati: vuṭṭhāpeti payoge dukkaṭaṁ vuṭṭhāpite āpatti pācittiyassa.

13. ekaṁ vassaṁ dve vuṭṭhāpentī dve āpattiyo āpajjati: vuṭṭhāpeti payoge dukkaṭaṁ vuṭṭhāpite āpatti pācittiyassa.

kumārībhūtavaggo aṭṭhamo.

4. 9

1. chattūpāhanaṁ dhārentī dve āpattiyo āpajjati: dhāreti payoge dukkaṭaṁ dhārite āpatti pācittiyassa.

2. yānena yāyantī dve āpattiyo āpajjati: yāyati payoge dukkaṭaṁ yāyite āpatti pācittiyassa.

3. saṅghāṇiṁ dhārentī dve āpattiyo āpajjati: dhāreti payoge dukkaṭaṁ dhārite āpatti pācittiyassa.

4. itthālaṅkāraṁ vā dhārentī dve āpattiyo āpajjati: dhāreti dukkaṭaṁ dhārite āpatti pācittiyassa.

5. gandhavaṇṇakena nahāyantī dve āpattiyo āpajjati: nahāyati payoge dukkaṭaṁ nahānapariyosāne āpatti pācittiyassa.

6. vāsitakena piññākena nahāyantī dve āpattiyo āpajjati: nahāyati payoge dukkaṭaṁ nahānapariyosāne āpatti pācittiyassa.

[bjt page 266] [\x 266/]

7. bhikkhuniyā ummaddāpentī parimaddāpentī dve āpattiyo āpajjati: ummaddāpeti payoge dukkaṭaṁ ummaddite āpatti pācittiyassa.

8. sikkhamānāya ummaddāpentī parimaddāpentī dve āpattiyo āpajjati: ummaddāpeti payoge dukkaṭaṁ ummaddite āpatti pācittiyassa.

9. sāmaṇeriyā ummaddāpentī parimaddāpentī dve āpattiyo āpajjati: ummaddāpeti payoge dukkaṭaṁ ummaddite āpatti pācittiyassa.

10. gihiniyā ummaddāpentī parimaddāpentī dve āpattiyo āpajjati: ummaddāpeti payoge dukkaṭaṁ ummaddite āpatti pācittiyassa.

11. bhikkhussa purato anāpucchā āsane nisīdantī dve āpattiyo āpajjati: nisīdati payoge dukkaṭaṁ ummaddite āpatti pācittiyassa.

12. anokāsaṁ kataṁ bhikkhuṁ pañhaṁ pucchantī dve āpattiyo āpajjati: pucchati payoge dukkaṭaṁ pucchite āpatti pācittiyassa.

13. asaṅkaccikā gāmaṁ pavisantī dve āpattiyo āpajjati: paṭhamaṁ pādaṁ parikkhepaṁ atikkāmeti āpatti dukkaṭassa dutiyaṁ pādaṁ atikkāmeti āpatti pācittiyassa.

chatatupāhanavaggo navamo
navavaggakhuddakā 1- niṭṭhitā

2. 5
pāṭidesanīya kaṇḍo

1. sappīṁ viññāpetvā bhuñjantī dve āpattiyo āpajjati bhuñjissāmīti paṭigaṇhāti, 2- āpatti dukkaṭassa ajjhohāre ajjhohāre āpatti pāṭidesanīyassa.

2. telaṁ viññāpetvā bhuñjantī dve āpattiyo āpajjati bhuñjissāmīti paṭigaṇhāti, āpatti dukkaṭassa ajjhohāre ajjhohāre āpatti pāṭidesanīyassa.

3. madhuṁ viññāpetvā bhuñjantī dve āpattiyo āpajjati bhuñjissāmīti paṭigaṇhāti, āpatti dukkaṭassa ajjhohāre ajjhohāre āpatti pāṭidesanīyassa.

1. khuddakaṁ niṭṭhitaṁ machasaṁ
2. paṭiggaṇhāti - sīmu, machasaṁ

[bjt page 268] [\x 268/]

4. phāṇitaṁ viññāpetvā bhuñjantī dve āpattiyo āpajjati bhuñjissāmīti paṭigaṇhāti, āpatti dukkaṭassa ajjhohāre ajjhohāre āpatti pāṭidesanīyassa.

5. macchaṁ viññāpetvā bhuñjantī dve āpattiyo āpajjati bhuñjissāmīti paṭigaṇhāti, āpatti dukkaṭassa ajjhohāre ajjhohāre āpatti pāṭidesanīyassa.

6. maṁsaṁ viññāpetvā bhuñjantī dve āpattiyo āpajjati bhuñjissāmīti paṭigaṇhāti, āpatti dukkaṭassa ajjhohāre ajjhohāre āpatti pāṭidesanīyassa.

7. khiraṁ viññāpetvā bhuñjantī dve āpattiyo āpajjati bhuñjissāmīti paṭigaṇhāti, āpatti dukkaṭassa ajjhohāre ajjhohāre āpatti pāṭidesanīyassa.

8. dadhiṁ viññāpetvā bhuñjantī dve āpattiyo āpajjati bhuñjissāmīti paṭigaṇhāti, āpatti dukkaṭassa ajjhohāre ajjhohāre āpatti pāṭidesanīyassa.

aṭṭha pāṭidesanīyā niṭṭhitā

katāpattivāro niṭṭhito dutiyo

[bjt page 270] [\x 270/]
[pts page 080] [\q  80/]

3. vipattivāro

1. avassutāya bhikkhuniyā avassutassa purisapuggalassa kāyasaṁsaggaṁ sādiyantiyā āpattiyo catunnaṁ vipattīnaṁ kati vipattiyo bhajanti: avassutāya bhikkhuniyā avassutassa purisapuggalassa kāyaṁsaggaṁ sādiyantiyā āpattiyo catunanaṁ vipattīnaṁ dve vipattiyo bhajanti: siyā sīlavipattiṁ, siyā ācāravipattiṁ - pe -

2. dadhiṁ viññāpetvā bhuñjantiyā āpattiyo catunnaṁ vipattīnaṁ kati vipattiyo bhajanti: dadhiṁ viññāpetvā bhuñjantiyā āpattiyo catunnaṁ vipattīnaṁ ekaṁ vipattiṁ bhajanti: ācāravipattiṁ.

vipattivāro niṭṭhito tatiyo

4. saṅgahavāro

1. avassutāya bhikkhuniyā avassutassa purisapuggalassa kāyasaṁsaggaṁ sādiyantiyā āpattiyo sattannaṁ āpattikkhāndhānaṁ katīhi āpattikkhandhehi saṅgahītā: avassutāya bhikkhuniyā avassutassa purisapuggalassa kāyaṁsaggaṁ sādiyantiyā āpattiyo sattannaṁ āpattikkhandhānaṁ tīhi āpattikkhandhehi saṅgahītā: siyā pārājikāpattikkhandhena, siyā thullaccayāpattikkhandhena, siyā dukkaṭāpattikkhandhena - pe -

2. dadhiṁ viññāpetvā bhuñjantiyā āpattiyo sattannaṁ āpattikkhandhānaṁ katīhi āpattikkhandhehi saṅgahītā: dadhiṁ viññāpetvā bhuñjantiyā āpattiyo sattannaṁ āpattikkhandhānaṁ dvīhi āpattikkhandhehi saṅgahītā: siyā pāṭidesanīyāpattikkhandhena, siyā dukkaṭāpattikkhandhena.

saṅgahavāro niṭṭhito catuttho

[bjt page 272] [\x 272/]

5. samuṭṭhānavāro

1. avassutāya bhikkhuniyā avassutassa purisapuggalassa kāyasaṁsaggaṁ sādiyantiyā āpattiyo channaṁ āpattisamuṭṭhānānaṁ katīhi samuṭṭhānehi samuṭṭhahanti: avassutāya bhikkhuniyā avassutassa purisapuggalassa kāyasaṁsaggaṁ sādiyantiyā āpattiyo channaṁ āpatti samuṭṭhānānaṁ ekena samuṭṭhānena samuṭṭhahanti: kāyato ca cittato ca samuṭṭhahanti, na vācato - pe -

2. dadhiṁ viññāpetvā bhuñjantiyā āpattiyo channaṁ samuṭṭhānānaṁ katīhi samuṭṭhānehi samuṭṭhahanti: dadhiṁ viññāpetvā bhuñjantiyā āpattiyo channaṁ āpattisamuṭṭhānānaṁ catūhi samuṭṭhānehi samuṭṭhahanti: siyā kāyato samuṭṭhahanti, na vācato na cittato. siyā kāyato ca vācato ca samuṭṭhahanti, na citto siyā kāyato ca cittato ca samuṭṭhahanti, na vācato siyā kāyetā ca vācato ca cittato ca samuṭṭhahanti.

samuṭṭhānavāro niṭṭhito pañcamo

6. adhikaraṇavāro

1. avassutāya bhikkhuniyā avassutassa purisapuggalassa kāyasaṁsaggaṁ sādiyantiyā āpattiyo catunnaṁ adhikaraṇānaṁ katamaṁ adhikaraṇaṁ: avassutāya bhikkhuniyā avassutassa purisapuggalassa kāyasaṁsaggaṁ sādiyantiyā āpattiyo catunnaṁ adhikaraṇānaṁ āpattādhikaraṇaṁ - pe -

2. dadhiṁ viññāpetvā bhuñjantiyā āpattiyo catunnaṁ adhikaraṇānaṁ katamaṁ adhīkaraṇaṁ: dadhiṁ viññāpetvā bhuñjantiyā āpattiyo catunnaṁ adhikaraṇānaṁ āpattādhikaraṇaṁ

adhikaraṇavāro niṭṭhito chaṭṭho

[bjt page 274] [\x 274/]

7. samathavāro

1. avassutāya bhikkhuniyā avassutassa purisapuggalassa kāyasaṁsaggaṁ sādiyantiyā āpattiyo sattannaṁ samathānaṁ kahihi samathehi sammanti: avassutāya bhikkhuniyā avassutassa purisapuggalassa kāyasaṁsaggaṁ sādiyantiyā āpattiyo sattanaṁ samathānaṁ tīhi samathehi sammanti: siyā sammukhāvinayena ca paṭiññātakaraṇena ca, siyā sammukhāvinayena ca paṭiññātakaraṇena ca, siyā sammukhāvinayena ca tiṇavatthārakena ca - pe -

[pts page 081  [\q  81/]     2.] dadhiṁ viññāpetvā bhuñjantiyā āpattiyo sattannaṁ samathānaṁ katīhi samathehi sammanti: dadhiṁ viññāpetvā bhuñjantiyā āpattiyo sattannaṁ samathānaṁ tīhi samathehi sammanti: siyā sammukhāvinayena ca paṭiññātakaraṇena ca, siyā sammukhāvinayena ca tiṇavatthārakena ca
samathavāro niṭṭhito sattamo

[bjt page 276] [\x 276/]

8. samuccayavāro

1. avassutā bhikkhunī avassutassa purisapuggalassa kāyasaṁsaggaṁ sādiyantiyā kati āpattiyo āpajjati: avassutā bhikkhunī avassutassa purisapuggalassa kāyasaṁsaggaṁ sādiyantī tisso āpattiyo āpajjati: adhakkhakaṁ ubbhajāṇumaṇḍalaṁ gahaṇaṁ sādiyati, āpatti pārājikassa ubbhakkhakaṁ adhojāṇumaṇḍalaṁ gahaṇaṁ sādiyati, āpatti thullaccayassa. kāyapaṭibaddhaṁ gahaṇaṁ sādiyati, āpatti dukkaṭassa. avassutā bhikkhunī avassutassa purisapuggalassa kāyasaṁsaggaṁ sādiyantī imā tisso āpattiyo āpajjati.

tā āpattiyo catunnaṁ vipattīnaṁ kati vipattiyo bhajanti, sattannaṁ āpattikkhandhānaṁ katīhi āpattikkhandhehi saṅgahītā, channaṁ āpattisamuṭṭhānānaṁ katīhi samuṭṭhānehi samuṭṭhahanti, catunnaṁ adhikaraṇānaṁ katamaṁ adhikaraṇaṁ, sattannaṁ samathānaṁ katīhi samathehi sammanti:

tā āpattiyo catunnaṁ vipattīnaṁ dve vipattiyo bhajanti, siyā sīlavipattiṁ siyā ācāravipattiṁ sattannaṁ āpattikkhandhānaṁ tīhi āpattikkhandhehi saṅgahītā: siyā pārājikāpattikkhandhena. siyā thullaccayāpattikkhandhena. siyā dukkaṭāpattikkhandhena. channaṁ āpatti samuṭṭhānānaṁ ekena samuṭṭhānena samuṭṭhahanti: kāyato ca cittato ca samuṭṭhahanti na vācato catunnaṁ adhikaraṇānaṁ āpattādhikaraṇaṁ. sattannaṁ samathānaṁ tīhi samathehi sammanti: siyā sammukhāvinayena ca paṭiññātakaraṇena ca siyā sammukhāvinayena ca tiṇavatthārakena ca - pe -

2. dadhiṁ viññāpetvā bhuñjantiyā kati āpattiyo āpajjati: dadhīṁ viññāpetvā bhuñjantī dve āpattiyo āpajjati: bhuñjissāmīti paṭigaṇhāti, āpatti dukkaṭassa ajjhohāre ajjhohāre āpatti pāṭidesanīyassa dadhiṁ viññāpetvā bhuñjantiyā imā dve āpattiyo āpajjati.

tā āpattiyo catunnaṁ vipattīnaṁ kati vipattiyo bhajanti, sattannaṁ āpattikkhandhānaṁ katīhi āpattikkhandhehi saṅgahītā, channaṁ āpattisamuṭṭhānānaṁ katīhi samuṭṭhānehi samuṭṭhahanti, catunnaṁ adhikaraṇānaṁ katamaṁ adhikaraṇaṁ, sattannaṁ samathānaṁ katīhi samathehi sammanti:

[bjt page 278] [\x 278/]

3. tā āpattiyo catunnaṁ vipattīnaṁ ekaṁ vipattiṁ bhajanti: ācāravipattiṁ. sattannaṁ āpattikkhandhānaṁ dvīhi āpattikkhandhehi saṅgahītā: siyā pāṭidesanīyāpattikkhandhena, siyā dukkaṭāpattikkhandhena. channaṁ āpattikkhandhānaṁ catūhi samuṭṭhānehi samuṭṭhahanti: siyā kāyato samuṭṭhahanti, na vācato na cittato, siyā kāyato ca vācato ca samuṭṭhahanti na cittato. siyā kāyato ca cittato ca samuṭṭhahanti na vācato. siyā kāyato ca vācato ca cittato ca samuṭṭhahanti. catunnaṁ adhikaraṇānaṁ āpattādhikaraṇaṁ. sattannaṁ samathānaṁ tīhi samathehi sammanti: siyā sammukhāvinayena ca paṭiññātakaraṇena ca. siyā sammukhāvinayena ca tiṇavatthārakena ca.

samuccayavāro niṭṭhito aṭṭhamo.

[bjt page 280] [\x 280/]

9. katthapaññattivāro
pārājikakaṇḍo

1. yaṁ tena bhagavatā jānatā passatā arahatā sammāsambuddhena kāyasaṁsaggaṁ sādiyanapaccayā pārājikaṁ kattha paññattaṁ, kaṁ ārabbha, kismiṁ vatthusmiṁ, - pe - kenābhatanti:

yaṁ tena bhagavatā jānatā passatā arahatā sammāsambuddhena kāyasaṁsaggaṁ sādiyanapaccayā pārājikaṁ kattha paññattanti: sāvatthiyaṁ paññattaṁ kaṁ ārabbhāti: sundarīnandaṁ bhikkhuniṁ ārabbha kismiṁ vatthusminti, sundarīndā bhikkhunī avassutā avassutassa purisa puggalassa kāyasaṁsaggaṁ sādiyi, tasmiṁ vatthusmiṁ atthi tattha paññatti anupaññatti anuppanna paññattīti: ekā paññatti, anupaññatti anuppannapaññatti tasmiṁ natthi. sabbattha paññatti padesapaññattīti: sabbattha paññatti. sādhāraṇapaññatti, asādhāraṇapaññattīti: asādhāraṇapaññatti. ekato paññatti ubhato paññatti ekato paññatti. catunnaṁ pātimokkhuddesānaṁ katthogadhaṁ kattha pariyāpannanti: nidānogadhaṁ, nidānapariyāpannaṁ. katamena uddesena uddesaṁ āgacchatīti: dutiyena uddesena uddesaṁ āgacchati. catunnaṁ vipattīnaṁ katamā vipattīti: sīlavipatti. sattannaṁ āpattikkhandhānaṁ katamo āpattikkhandhoti: pārājikāpattikkhandho. channaṁ āpattisamuṭṭhānānaṁ katīhi samuṭṭhānehi samuṭṭhātīti: ekena samuṭṭhānena samuṭṭhāti: kāyato ca cittato ca samuṭṭhāti, na vācato - pe kenābhatanti: paramparābhataṁ.

11. upāli dāsako ceva soṇako siggavo tathā,
moggaliputtena pañcamā ete jambusirivhaye.

2. tato mahindo iṭṭhiyo uttiyo ceva sambalo
bhaddanāmo ca paṇḍito,
ete nāgā mahāpaññā jambudipā idhāgatā.

3. vinayaṁ te vācayiṁsu piṭakaṁ tambapaṇṇiyā,
nikāye pañca vācesuṁ satta ceva pakaraṇe

4. tato ariṭṭho medhāvī tissadatto ca paṇḍito
visārado kāḷasumano thero ca dīghanāmako,
dīghusumano ca paṇḍito.

5. punadeva kāḷasumano nāgatthero ca buddharakkhito,
tissatthero ca medhāvī devatthero ca paṇḍito.

6. punadeva sumano medhāvī vinaye ca visārado,
bahussuto cuḷanāgo gajo ca duppadhaṁsiyo.

7. dhammapālitanāmo ca rohaṇo sādhupūjito,
tassa sisso mahāpañño khemanāmo tipeṭako,
dīpe tārakarājāva paññāya atirocatha.

8. upatisso ca medhāvī phussadevo mahākathī
punadeva sumano medhāvī pupphanāmo bahussuto.

9. mahākathī mahāsīvo piṭake sabbattha kovido,
punadeva upāli medhāvī vinaye ca visārado.

10. mahānāgo mahāpañño saddhammavaṁsakovido,
punadeva abhayo medhāvī piṭake sabbattha kovido.

11. tissatthero ca medhāvī vinaye ca visārado,
tassa sisso mahāpañño pupphanāmo bahussuto,
sāsanaṁ anurakkhanto jambudīpe patiṭṭhito

12. cuḷābhayo ca medhāvī vinaye ca visārado,
tissatthero ca medhāvī saddhammavaṁsakovido.

13. phussadevo ca medhāvī vinaye ca visārado,
sīvattheroca medhāvi vinaye sabbattha kovido.

14. ete nāgā mahāpaññā vinayaññū maggakovidā,
vinayaṁ dīpe pakāsesuṁ piṭakaṁ tambapaṇṇiyāti.
[pts page 082] [\q  82/]

2. vajjapaṭicchādanapaccayā pārājikaṁ kattha paññattanti: sāvatthiyaṁ paññattaṁ kaṁ ārabbhāti: thullanandaṁ bhikkhuṇaniṁ ārabbha kismiṁ vatthusminti, thullanandā bhikkhunī jānaṁ pārājikaṁ dhammaṁ ajjhāpannaṁ bhikkhuniṁ nevattanā paṭicodesi, na gaṇassa ārocesi, tasmiṁ vatthusmiṁ ekā paññatti channaṁ āpattisamuṭṭhānānaṁ ekena samuṭṭhānena samuṭṭhāti: dhuranikkhepe - pe -

3. yāva tatiyaṁ samanubhāsanāya nappaṭinissajjanapaccayā pārājikaṁ kattha paññattanti: sāvatthiyaṁ paññattaṁ kaṁ ārabbhāti: thullanandaṁ bhikkhuniṁ ārabbha kismiṁ vatthusminti, thullanandā bhikkhunī samaggena saṅghena ukkhittaṁ ariṭṭhaṁ bhikkhuṁ gaddhabādhipubbaṁ anuvatti, tasmiṁ vatthusmiṁ ekā paññatti channaṁ āpattisamuṭṭhānānaṁ ekena samuṭṭhānena samuṭṭhāti: dhuranikkhepe - pe -

[bjt page 282] [\x 282/]

4. aṭṭhamaṁ vatthuṁ paripūraṇapaccayā pārājikaṁ kattha paññattanti: sāvatthiyaṁ paññattaṁ kaṁ ārabbhāti: chabbaggiyā bhikkhuniyo ārabbha kismiṁ vatthusminti, chabbaggiyā bhikkhuniyo aṭṭhamaṁ vatthuṁ paripūresuṁ, tasmiṁ vatthusmiṁ ekā paññatti channaṁ āpattisamuṭṭhānānaṁ ekena samuṭṭhānena samuṭṭhāti: dhuranikkhepe - pe -

pārājikā niṭṭhitā

saṅghādisesakaṇḍo

1. yaṁ tena bhagavatā jānatā passatā arahatā sammāsambuddhena ussayavādikāya bhikkhuniyā aṭṭakaraṇapaccayā saṅghādiseso kattha paññattaṁ, kaṁ ārabbha, kismiṁ vatthusmiṁ, - pe - kenābhatanti:

2. yaṁ tena bhagavatā jānatā passatā arahatā sammāsambuddhena ussayavādikāya bhikkhuniyā aṭṭakaraṇapaccayā saṅghādiseso kattha paññattanti: sāvatthiyaṁ paññattaṁ kaṁ ārabbhāti: thullanandaṁ bhikkhuniṁ ārabbha kismiṁ vatthusminti, thullanandā bhikkhunī ussayavādikā vihari, tasmiṁ vatthusmiṁ atthi tattha paññatti anupaññatti anuppanna paññattīti: ekā paññatti, anupaññatti anuppannapaññatti tasmiṁ natthi. sabbattha paññatti padesapaññattīti: sabbattha paññatti. sādhāraṇapaññatti, asādhāraṇapaññatti asādhāraṇapaññatti. ekato paññatti ubhato paññatti ekato paññatti. catunnaṁ pātimokkhuddesānaṁ katthogadhaṁ kattha pariyāpannanti: nidānogadhaṁ, nidānapariyāpannaṁ katamena uddesena uddesaṁ āgacchatīti: tatiyena uddesena uddesaṁ āgacchati. catunnaṁ vipattīnaṁ katamā vipattīti: sīlavipatti. sattannaṁ āpattikkhandhānaṁ katamo āpattikkhandhoti: saṅghādisesāpattikkhandho channaṁ āpattisamuṭṭhānānaṁ katīhi samuṭṭhānehi samuṭṭhātiti: dvīhi samuṭṭhānena samuṭṭhāti: siyā kāyato ca vācato ca samuṭṭhāti, dvīhi samuṭṭhānehi samuṭṭhāti: siyā kāyeto ca vacato ca samuṭṭhāti, na cittato siyā kāyato ca vācato ca cittato ca samuṭṭhāti kenābhatanti, paramparābhataṁ

1. upāli dāsako ceva soṇako siggavo tathā,
moggaliputtena pañcamā ete jambusirivhaye.

2. tato mahindo iṭṭhiyo uttiyo ceva sambalo
bhaddanāmo ca paṇḍito,
ete nāgā mahāpaññā jambudipā idhāgatā.

3. vinayaṁ te vācayiṁsu piṭakaṁ tambapaṇṇiyā,
nikāye pañca vācesuṁ satta ceva pakaraṇe

4. tato ariṭṭho medhāvī tissadatto ca paṇḍito
visārado kāḷasumano thero ca dīghanāmako,
dīghusumano ca paṇḍito.

5. punadeva kāḷasumano nāgatthero ca buddharakkhito,
tissatthero ca medhāvī devatthero ca paṇḍito.

6. punadeva sumano medhāvī vinaye ca visārado,
bahussuto cuḷanāgo gajo ca duppadhaṁsiyo.

7. dhammapālitanāmo ca rohaṇo sādhupūjito,
tassa sisso mahāpañño khemanāmo tipeṭako,
dīpe tārakarājāva paññāya atirocatha.

8. upatisso ca medhāvī phussadevo mahākathī
punadve sumano medhāvī pupphanāmo bahussuto.

9. mahākathī mahāsīvo piṭake sabbattha kovido,
punadeva upāli medhāvī vinaye ca visārado.

10. mahānāgo mahāpañño saddhammavaṁsakovido,
punadeva abhayo medhāvī piṭake sabbattha kovido.

11. tissatthero ca medhāvī vinaye ca visārado,
tassa sisso mahāpañño pupphanāmo bahussuto,
sāsanaṁ anurakkhanto jambudīpe patiṭṭhito

12. cuḷābhayo ca medhāvī vinaye ca visārado,
tissatthero ca medhāvī saddhammavaṁsakovido.

13. phussadevo ca medhāvī vinaye ca visārado,
sīvattheroca medhāvi vinaye sabbattha kovido.

14. ete nāgā mahāpaññā vinayaññū maggakovidā,
vinayaṁ dīpe pakāsesuṁ piṭakaṁ tambapaṇṇiyāti.

3. coriṁ vuṭṭhāpanapaccayā saṅghādiseso kattha paññattoti: sāvatthiyaṁ paññatto. kaṁ ārabbhāti: thullanandaṁ bhikkhuniṁ ārabbha kismiṁ vatthusminti, thullanandā bhikkhunī coriṁ vuṭṭhāpesi, tasmiṁ vatthusmiṁ. ekā paññatti. channaṁ āpattisamuṭṭhānānaṁ dvīhi samuṭṭhānehi samuṭṭhāti: siyā vācato ca cittato ca samuṭṭhāti, na kāyato. siyā kāyato ca vācato ca cittato ca samuṭṭhāti.
1. aṭṭaṁ - machasaṁ

[bjt page 284] [\x 284/]

4. ekā gāmantaraṁ gamanapaccayā saṅghādiseso kattha paññattoti: sāvatthiyaṁ paññatto. kaṁ ārabbhāti: aññataraṁ bhikkhuniṁ ārabbha. kismiṁ vatthusminti, aññatarā bhikkhunī ekā gāmantaraṁ gacchi, tasmiṁ vatthusmiṁ ekā paññatti tisso anupaññattiyo, channaṁ āpattisamuṭṭhānānaṁ ekena samuṭṭhānena samuṭṭhāti: paṭhamapārājike - pe -

5. samaggena saṅghena ukkhittaṁ bhikkhuniṁ dhammena vinayena satthusāsanena anapaloketvā kārakasaṅghaṁ anaññāya gaṇassa chandaṁ osāraṇapaccayā saṅghādiseso kattha paññattoti: sāvatthiyaṁ paññatto. kaṁ ārabbhāti: thullanandaṁ bhikkhuniṁ ārabbha. kismiṁ vatthusminti, thullanandā bhikkhunī samaggena saṅghena ukkhittaṁ bhikkhuniṁ dhammena vinayena satthusāsanena anapaloketvā kārakasaṅghaṁ anaññāya gaṇassa chandaṁ osāresi, tasmiṁ vatthusmiṁ ekā paññatti channaṁ āpattisamuṭṭhānānaṁ ekena samuṭṭhānena samuṭṭhāti: dhuranikkhepe - pe -

6. avassutāya bhikkhuniyā avassutassa purisapuggalassa hatthato khādanīyaṁ vā bhojanīyaṁ vā sahatthā paṭiggahetvā bhuñjanapaccayā saṅghādiseso kattha paññattoti: sāvatthiyaṁ paññatto. kaṁ ārabbhāti: sundarinandaṁ bhikkhuniṁ ārabbha. kismiṁ vatthusminti, sundarinandā bhikkhunī avassutā avassutassa purisapuggalassa hatthato khādanīyampi bhojanīyampi paṭiggahesi, tasmiṁ vatthusmiṁ ekā paññatti channaṁ āpattisamuṭṭhānānaṁ ekena samuṭṭhānena samuṭṭhāti: paṭhamapārājike - pe -

7. kiṁ te ayye eso purisapuggalo karissati avassuto vā anavassuto vā yato tvaṁ anavassutā, iṅghayye yaṁ te eso purisapuggalo deti khādanīyaṁ vā bhojanīyaṁ vā, taṁ tvaṁ sahatthā paṭiggahetvā khāda vā bhuñjavā"ti uyyojanapaccayā saṅghādiseso kattha paññattoti: sāvatthiyaṁ paññatto. kaṁ ārabbhāti: aññataraṁ bhikkhuniṁ ārabbha. kismiṁ vatthusminti, aññatarā bhikkhunī "kiṁ te ayye eso purisapuggalo karissati avassuto vā anavassuto vā yato tvaṁ anavassutā, iṅghayye yaṁ te eso purisapuggalo deti khādanīyaṁ vā bhojanīyaṁ vā, taṁ tvaṁ sahatthā paṭiggahetvā khāda vā bhuñja vā"ti uyyojesi, tasmiṁ vatthusmiṁ. ekā paññatti channaṁ āpattisamuṭṭhānānaṁ tīhi samuṭṭhānehi samuṭṭhāti: - pe -

8. kupitāya anattamanāya bhikkhuniyā yāvatatiyaṁ samanubhāsanāya nappaṭinissajjanapaccayā saṅghādiseso kattha paññattoti: sāvatthiyaṁ paññatto. kaṁ ārabbhāti: caṇḍakāḷiṁ bhikkhuniṁ ārabbha. kismiṁ vatthusminti, caṇḍakāḷī bhikkhunī kupitā anattamanā evaṁ avaca: 'buddhaṁ paccakkhāmi. dhammaṁ paccakkhāmi. saṅghaṁ paccakkhāmi. sikkhaṁ paccakkhāmī" ti, tasmiṁ vatthusmiṁ ekā paññatti channaṁ āpattisamuṭṭhānānaṁ ekena samuṭṭhānena samuṭṭhāti: dhuranikkhepe - pe -

[bjt page 286] [\x 286/]

9. kismicideva adhikaraṇe paccākatāya bhikkhuniyā yāvatatiyaṁ samanubhāsanāya nappaṭinissajjanapaccayā saṅghādiseso kattha paññattoti: sāvatthiyaṁ paññatto. kaṁ ārabbhāti: caṇḍakāḷiṁ bhikkhuniṁ ārabbha. kismiṁ vatthusminti, caṇḍakāḷī bhikkhunī kismicideva adhikaraṇe paccākatā kupitā anattamanā evaṁ avaca: 'chandagāminiyo ca bhikkhuniyo. dosagāminiyo ca bhikkhuniyo. mohagāminiyo ca bhikkhuniyo. bhayagāminiyo ca bhikkhuniyo'ti. tasmiṁ vatthusmiṁ. ekā paññatti channaṁ āpattisamuṭṭhānānaṁ ekena samuṭṭhānena samuṭṭhāti: dhuranikkhepe - pe -

10. saṁsaṭṭhānaṁ bhikkhunīnaṁ yāvatatiyaṁ samanubhāsanāya nappaṭinissajjanapaccayā saṅghādiseso kattha paññattoti: sāvatthiyaṁ paññatto. kaṁ ārabbhāti: sambahulā bhikkhuniyo ārabbha. kismiṁ vatthusminti, sambahulā bhikkhuniyo saṁsaṭṭhā vihariṁsu, tasmiṁ vatthusmiṁ. ekā paññatti. channaṁ āpattisamuṭṭhānānaṁ ekena samuṭṭhānena samuṭṭhāti: dhuranikkhepe - pe -

[pts page 083] [\q  83/]

11. saṁsaṭṭhā vayye tumhe viharatha. mā tumhe nānā viharathā"ti uyyojentiyā yāvatatiyaṁ samanubhāsanāya nappaṭinissajjanapaccayā saṅghādiseso kattha paññattoti: sāvatthiyaṁ paññatto. kaṁ ārabbhāti: thullanandaṁ bhikkhuniṁ ārabbha. kismiṁ vatthusminti, thullanandā bhikkhunī 'saṁsaṭṭhāvayye tumhe viharatha mā tumhe nānā viharitthā"ti uyyojesi, tasmiṁ vatthusmiṁ ekā paññatti channaṁ āpattisamuṭṭhānānaṁ ekena samuṭṭhānena samuṭṭhāti: dhuranikkhepe - pe -

12. dadhiṁ viññāpetvā bhuñjanapaccayā pāṭidesanīyaṁ kattha paññattanti: sāvatthiyaṁ paññattaṁ. kaṁ ārabbhāti: chabbaggiyā bhikkhuniyo ārabbha. kismiṁ vatthusminti, chabbaggiyā bhikkhuniyo dadhiṁ viññāpetvā bhuñjiṁsu, tasmiṁ vatthusmiṁ ekā paññatti. channaṁ āpattisamuṭṭhānānaṁ catūhi samuṭṭhānehi samuṭṭhāti: - pe -

katthapaññattivāro niṭṭhito paṭhamo.

[bjt page 288] [\x 288/]

10. katāpattivāro

1. kāyasaṁsaggaṁ sādiyanapaccayā kati āpattiyo āpajjati: kāyasaṁsaggaṁ sādiyanapaccayā pañca āpattiyo āpajjati: avassutā bhikkhunī avassutassa purisapuggalassa adhakkhakaṁ ubbhajāṇumaṇḍalaṁ gahaṇaṁ sādiyati, āpatti pārājikassa. bhikkhu kāyena kāyaṁ āmasati, āpatti saṅghādisesassa kāyena kāyapaṭibaddhaṁ āmasati, āpatti thullaccayassa. kāyapaṭibaddhena kāyapaṭibaddhaṁ āmasati, āpatti dukkaṭassa. aṅgulipatodake pācittiyaṁ. kāyasaṁsaggaṁ sādiyanapaccayā imā pañca āpattiyo āpajjati.

2. vajjapaṭicchādanapaccayā kati āpattiyo āpajjati: vajjapaṭicchādanapaccayā catasso āpattiyo āpajjati: bhikkhunī jānaṁ pārājikaṁ dhammaṁ 1- paṭicchādeti, āpatti pārājikassa. vematikā paṭicchādeti, āpatti thullaccayassa. bhikkhu saṅghādisesaṁ paṭicchādeti, āpatti pācittiyassa. ācāravipattiṁ paṭicchādeti āpatti dukkaṭassa vajjapaṭicchādanapaccayā imā catasso āpattiyo āpajjati.

3. yāvatatiyaṁ samanubhāsanāya nappaṭinissajjanapaccayā kati āpattiyo āpajjati: yāvatatiyaṁ samanubhāsanāya nappaṭinissajjanapaccayā pañca āpattiyo āpajjati: ukkhittānuvattikā bhikkhunī yāvatatiyaṁ samanubhāsanāya nappaṭinissajjati, ñattiyā dukkaṭaṁ dvīhi kammavācāhi thullaccayā. kammavācāpariyosāne āpatti pārājikassa. bhedakānuvattikā bhikkhunī yāvatatiyaṁ samanubhāsanāya nappaṭinissajjati, āpatti saṅghādisesassa pāpikāya diṭṭhiyā yāvatatiyaṁ samanubhāsanāya nappaṭinissajjati, āpatti pācittiyassa. yāva tatiyaṁ samanubhāsanāya nappaṭinissajjanapaccayā imā pañca āpattiyo āpajjati.

4. aṭṭhamaṁ vatthuṁ paripūraṇapaccayā kati āpattiyo āpajjati aṭṭhamaṁ vatthuṁ paripūraṇapaccayā tisso āpattiyo āpajjati: purisena "itthannāma gahanaṁ āgacchā"ti vuttā gacchati āpatti dukkaṭassa. purisassa hatthapāsaṁ okkantamatte āpatti thullaccayassa. aṭṭhamaṁ vatthuṁ paripūreti, āpatti pārājikassa. aṭṭhamaṁ vatthuṁ paripūraṇapaccayā imā tisso āpattiyo āpajjati.

pārājikā niṭṭhitā

1. dhammaṁ ajjhāpanaṁ syā.

[bjt page 290] [\x 290/]

saṅghādisesakaṇḍo

1. ussayavādikā bhikkhunī aṭṭakaraṇapaccayā tisso āpattiyo āpajjati: ekassa āroceti, āpatti dukkaṭassa. dutiyassa āroceti, āpatti thullaccayassa, aṭṭapariyosāne āpatti saṅghādisesassa.
[pts page 084] [\q  84/]

2. coriṁ vuṭṭhāpanapaccayā tisso āpattiyo āpajjati: ñattiyā dukkaṭaṁ dvīhi kammavācāhi thullaccayā kammavācāpariyosāne āpatti saṅghādisesassa

3. ekā gāmantaraṁ gamanapaccayā tisso āpattiyo āpajjati: gacchati, āpatti dukkaṭassa. paṭhamaṁ pādaṁ parikkhepaṁ atikkāmeti āpatti thullaccayassa. dutiyaṁ pādaṁ atikkāmeti, āpatti saṅghādisesassa.

4. samaggena saṅghena ukkhittaṁ bhikkhuniṁ dhammena vinayena satthusāsanena anapaloketvā kārakasaṅghaṁ anaññāya gaṇassa chandaṁ osāraṇapaccayā tisso āpattiyo āpajjati: ñattiyā dukkaṭaṁ dvīhi kammavācāhi thullaccayā kammavācāpariyosāne āpatti saṅghādisesassa.

5. avassutā bhikkhunī avassutassa purisapuggalassa hatthato khādanīyaṁ vā bhojanīyaṁ vā sahatthā paṭiggahetvā bhuñjanapaccayā tisso āpattiyo āpajjati: khādissāmi bhuñjissāmīti paṭigaṇhāti, āpatti thullaccayassa ajjhohāre ajjhohāre āpatti saṅghādisesassa. udakadantapoṇaṁ paṭigaṇhāti, āpatti dukkaṭassa.
6. "kiṁ te ayye eso purisapuggalo karissati avassuto vā anavassuto vā yato tvaṁ anavassutā, iṅghayye yaṁ te eso purisapuggalo deti khādanīyaṁ vā bhojanīyaṁ vā, taṁ tvaṁ sahatthā paṭiggahetvā khāda vā bhuñja vā"ti uyyojanapaccayā tisso āpattiyo āpajjati: tassā vacanena khādissāmi bhuñjissāmīti paṭigaṇhāti, āpatti dukkaṭassa. ajjhohāre ajjhohāre āpatti thullaccayassa bhojanapariyosāne āpatti saṅghādisesassa.

7. kupitā bhikkhunī yāvatatiyaṁ samanubhāsanāya nappaṭinissajjana paccayā tisso āpattiyo āpajjati: ñattiyā dukkaṭaṁ dvīhi kammavācāhi thullaccayā, kammavācā pariyosāne āpatti saṅghādisesassa

8. kismicideva adhikaraṇe paccākatā bhikkhunī yāvatatiyaṁ samanubhāsanāya nappaṭinissajjanapaccayā tisso āpattiyo āpajjati: ñattiyā dukkaṭaṁ. dvīhi kammavācāhi thullaccayā, kammavācāpariyosāne āpatti saṅghādisesassa.

9. saṁsaṭṭhā bhikkhunī yāvatatiyaṁ samanubhāsanāya nappaṭinissajjanapaccayā tisso āpattiyo āpajjati: ñattiyā dukkaṭaṁ. dvīhi kammavācāhi thullaccayā, kammavācāpariyosāne āpatti saṅghādisesassa.
[bjt page 292] [\x 292/]
10. "saṁsaṭṭhāvayye tumhe viharatha mā tumhe nānā viharitthā"ti uyyojentī yāvatatiyaṁ samanubhāsanāya nappaṭinissajjanapaccayā tisso āpattiyo āpajjati: ñattiyā dukkaṭaṁ dvīhi kammavācāhi thullaccayā, kammavācāpariyosāne āpatti saṅghādisesassa - pe -

dasasaṅghādisesā niṭṭhitā

yathā heṭṭhā tathā vitthāretabbā,

paccayameva nānākaraṇaṁ.

11. dadhiṁ viññāpetvā bhuñjanapaccayā kati āpattiyo āpajjati: dadhiṁ viññāpetvā bhuñjanapaccayā dve āpattiyo āpajjati: khādissāmi bhuñjissāmīti paṭigaṇhāti, āpatti dukkaṭassa. ajjhohāre ajjhohāre āpatti pāṭidesanīyassa dadhiṁ viññāpetvā bhuñjanapaccayā imā dve āpattiyo āpajjati.

katāpattivāro niṭṭhito dutiyo

[bjt page 294] [\x 294/]

11. vipattivāro

1. kāyasaṁsaggaṁ sādiyanapaccayā āpattiyo catunnaṁ vipattīnaṁ kati vipattiyo bhajanti: kāyasaṁsaggaṁ sādiyanapaccayā āpattiyo catunnaṁ vipattīnaṁ dve vipattiyo bhajanti: siyā sīlavipattiṁ, siyā ācāravipattiṁ - pe -

2. dadhiṁ viññāpetvā bhuñjanappaccayā āpattiyo catunnaṁ vipattīnaṁ kati vipattiyo bhajanti: dadhiṁ viññāpetvā bhuñjanapaccayā āpattiyo catunnaṁ vipattīnaṁ ekaṁ vipattiṁ bhajanti: ācāravipattiṁ.

vipattivāro niṭṭhito tatiyo

12. saṅgahavāro

1. kāyasaṁsaggaṁ sādiyanapaccayā āpattiyo sattannaṁ [pts page 085] [\q  85/]      āpattikkhandhānaṁ katīhi āpattikkhandhehi saṅgahītā: kāyasaṁsaggaṁ sādiyanapaccayā āpattiyo sattannaṁ āpattikkhandhānaṁ pañcahi āpattikkhandhehi saṅgahītā: siyā pārājikāpattikkhandhena. siyā saṅghādiseyāpattikkhandhena. siyā thullaccayāpattikkhandhena. siyā pācittiyāpattikkhandhena siyā dukkaṭāpattikkhandhena - pe -

2. dadhiṁ viññāpetvā bhuñjanapaccayā āpattiyo sattannaṁ āpattikkhandhānaṁ katīhi āpattikkhandhehi saṅgahītā: dadhiṁ viññāpetvā bhuñjanapaccayā āpattiyo sattannaṁ āpattikkhandhānaṁ dvīhi āpattikkhandhehi saṅgahītā: siyā pāṭidesanīyāpattikkhandhena siyā dukkaṭāpattikkhandhena

saṅgahavāro niṭṭhito catuttho

[bjt page 296] [\x 296/]

13. samuṭṭhānavāro

1. kāyasaṁsaggaṁ sādiyanapaccayā āpattiyo channaṁ āpatti samuṭṭhānānaṁ katīhi samuṭṭhānehi samuṭṭhahanti: kāyasaṁsaggaṁ sādiyanapaccayā āpattiyo channaṁ āpattisamuṭṭhānānaṁ ekena samuṭṭhānena samuṭṭhahanti: kāyato ca cittato ca samuṭṭhahanti, na vācato - pe -

2. dadhiṁ viññāpetvā bhuñjanapaccayā āpattiyo channaṁ āpattisamuṭṭhānānaṁ katīhi samuṭṭhānehi samuṭṭhahanti: dadhiṁ viññāpetvā bhuñjanapaccayā āpattiyo channaṁ āpattisamuṭṭhānānaṁ catūhi samuṭṭhānehi samuṭṭhahanti: siyā kāyato samuṭṭhahanti, na vācato na cittato siyā kāyato ca vācato ca samuṭṭhahanti, na cittato siyā kāyato ca cittato ca samuṭṭhahanti, na vācato siyā kāyato ca vācato ca cittato ca samuṭṭhahanti.

samuṭṭhānavāro niṭṭhito pañcamo

14. adhikaraṇavāro

1. kāyasaṁsaggaṁ sādiyanapaccayā āpattiyo catunnaṁ adhikaraṇānaṁ katamaṁ adhikaraṇaṁ: kāyasaṁsaggaṁ sādiyanapaccayā āpattiyo catunnaṁ adhikaraṇānaṁ āpattādhikaraṇaṁ - pe
2. dadhiṁ viññāpetvā bhuñjanapaccayā āpattiyo catunnaṁ adhikaraṇānaṁ katamaṁ adhikaraṇaṁ: dadhiṁ viññāpetvā bhuñjanapaccayā āpattiyo catunnaṁ adhikaraṇānaṁ āpattādhikaraṇaṁ.

adhikaraṇavāro niṭṭhito chaṭṭho

[bjt page 298] [\x 298/]

15. samathavāro

1. kāyasaṁsaggaṁ sādiyanapaccayā āpattiyo sattannaṁ samathānaṁ katīhi samathehi sammanti: kāyasaṁsaggaṁ sādiyanapaccayā āpattiyo sattannaṁ samathānaṁ tīhi samathehi sammanti: siyā sammukhāvinayena ca, paṭiññātakaraṇena ca, siyā sammukhāvinayena ca, tiṇavatthārakena ca - pe

2. dadhiṁ viññāpetvā bhuñjanapaccayā āpattiyo sattannaṁ samathānaṁ katīhi samathehi sammanti: dadhiṁ viññāpetvā bhuñjanapaccayā āpattiyo sattannaṁ samathānaṁ tīhi samathehi sammanti: siyā sammukhāvinayena ca, paṭiññātakaraṇena ca, siyā sammukhāvinayena ca tiṇavatthārakena ca.

samathavāro niṭṭhito sattamo.

[bjt page 300] [\x 300/]

16. samuccayavāro

1. kāyasaṁsaggaṁ sādiyanapaccayā kati āpattiyo kati āpattiyo āpajjati: kāyaṁsaggaṁ sādiyanapaccayā pañca āpattiyo āpajjati: avassutā bhikkhunī avassutassa purisapuggalassa adhakkhakaṁ ubbhajāṇumaṇḍalaṁ gahaṇaṁ sādiyati, āpattipārājikassa. bhikkhū kāyena kāyaṁ āmasati, āpatti saṅghādisesassa. kāyena kāyapaṭibaddhaṁ āmasati, āpatti thullaccayassa. kāyapaṭibaddhena kāyapaṭibaddhaṁ āmasati, āpatti dukkaṭassa. aṅgulipatodake pācittiyaṁ kāyasaṁsaggaṁ sādiyanapaccayā imā pañca āpattiyo āpajjati.

tā āpattiyo catunnaṁ vipattīnaṁ kati vipattiyo bhajanti, sattannaṁ āpattikkhandhānaṁ katīhi āpattikkhandhehi saṅgahītā, channaṁ āpattisamuṭṭhānānaṁ katīhi samuṭṭhānehi samuṭṭhahanti, catunnaṁ adhikaraṇānaṁ katamaṁ adhikaraṇaṁ, sattannaṁ samathānaṁ katīhi samathehi sammanti:

tā āpattiyo catunnaṁ vipattīnaṁ dve vipattiyo bhajanti, siyā sīlavipattiṁ siyā ācāravipattiṁ. sattannaṁ āpattikkhandhānaṁ pañcahi āpattikkhandhehi saṅgahītā: siyā pārājikāpattikkhandhena siyā saṅghādisesāpattikkhandhena, siyā thullaccayāpattikkhandhena siyā pācittiyāpattikkhandhena, siyā dukkaṭāpattikkhandhena channaṁ āpattisamuṭṭhānānaṁ ekena samuṭṭhānena samuṭṭhahanti: kāyato ca citatto ca samuṭṭhahanti na vācato. catunnaṁ adhikaraṇānaṁ āpattādhikaraṇaṁ. sattannaṁ samathānaṁ tihi samathehi sammanti: siyā sammukhāvinayena ca paṭiññātakaraṇena ca. siyā sammukhāvinayena ca tiṇavatthārakena ca - pe -

2. dadhiṁ viññāpetvā bhuñjanapaccayā tati āpattiyo āpajjati: dadhīṁ viññāpatvā bhuñjanapaccayā dve āpattiyo āpajjati: bhuñjissāmīti paṭigaṇhāti, āpatti dukkaṭassa ajjhohāre ajjhohāre āpatti pāṭidesanīyassa dadhiṁ viññāpetvā bhuñjantiyā imā dve āpattiyo āpajjati.

tā āpattiyo catunnaṁ vipattīnaṁ kati vipattiyo bhajanti, sattannaṁ āpattikkhandhānaṁ katīhi āpattikkhandhehi saṅgahītā, channaṁ āpattisamuṭṭhānānaṁ katīhi samuṭṭhānehi samuṭṭhahanti, catunnaṁ adhikaraṇānaṁ katamaṁ adhikaraṇaṁ, sattannaṁ samathānaṁ katīhi samathehi sammanti:

[bjt page 302] [\x 302/]

tā āpattiyo catunnaṁ vipattīnaṁ ekaṁ vipattiṁ bhajanti: ācāravipattiṁ sattannaṁ āpattikkhandhānaṁ dvīhi āpattikkhandhehi saṅgahītā: siyā pāṭidesanīyāpattikkhandhena, siyā dukkaṭāpattikkhandhena channaṁ āpattisamuṭṭhānānaṁ catūhi samuṭṭhānehi samuṭṭhahanti: siyā kāyato samuṭṭhahanti, na vācato na cittato, siyā kāyato ca vācato ca samuṭṭhahanti, na cittato. siyā kāyato ca cittato ca samuṭṭhahanti, na vācato. siyā kāyato ca vācato ca cittato ca samuṭṭhahanti. catunnaṁ adhikaraṇānaṁ āpattādhikaraṇaṁ. sattannaṁ samathānaṁ tīhi samathehi sammanti: siyā sammukhāvinayena ca paṭiññātakaraṇena ca siyā sammukhāvinayena ca tiṇavatthārakena cāti.

samuccayavāro niṭṭhito aṭṭhamo.

aṭṭha paccayavārā niṭṭhitā.
tesaṁ uddānaṁ:
kativāro ca vipattivāro ca saṅgahavāro
samuṭṭhānavāro ceva adhikaraṇavāro ca,
samathavāro ca samuccayavāro ca ime satta vārā
ādito paññattivārena saha aṭṭha vārā honti.

bhikkhunīvibhaṅge soḷasa mahāvārā niṭṭhitā

niṭṭhito ca bhikkhunī vibhaṅgo.

[bjt page 304] [\x 304/]
[pts page 086] [\q  86/]

samuṭṭhānasīsasaṅkhepo

samuṭṭhānassuddānaṁ:
1. aniccā sabbe saṅkhārā dukkhā'nattā ca saṅkhatā,
nibbānañceva paññatti anattā iti nicchayā.

2. buddhacande anuppanne buddhādicce anuggate,
tesaṁ sabhāgadhammānaṁ nāmamattaṁ na ñāyati.

3. dukkaraṁ vividhaṁ katvā pūrayitvāna pāramī,
uppajjanti mahāvīrā cakkhubhūtā sabrahmake.

4. te desayanti saddhammaṁ dukkhahāniṁ sukhāvahaṁ,
aṅgīraso sakyamuni sabbabhūtānukampako.

5. sabbasattuttamo sīho piṭake tīṇi desayī,
suttantaṁ abhidhammañca vinayañca mahāguṇaṁ

6. evaṁ nīyati saddhammo vinayo yadi tiṭṭhati,
ubhato ca vibhaṅgāni khandhakā yāca mātikā.

7. mālāsuttaguṇeneva parivārena ganthitā,
tasseva parivārassa samuṭṭhānaṁ nayato 1- kataṁ.

8. sambhedaṁ nidānañcaññaṁ sutte dissanti upari,
tasmā sikkhe parivāraṁ dhammakāmo supesaloti.

terasasamuṭṭhānāni
9. vibhaṅge dvisu paññattaṁ uddisanti uposathe,
pavakkhāmi samuṭṭhānaṁ yathāñāyaṁ suṇātha me.

10. pārājikaṁ yaṁ paṭhamaṁ dutiyañca tato paraṁ,
pañcarittānubhāsañca 1- atirekañca cīvaraṁ.

11. lomāni padaso dhammo bhūtaṁ saṁvidhānena ca,
theyyadesanacoriṁ ca ananuññātāya terasa

12. terasete samuṭṭhānanayā viññūhi cintitā,
ekekasmiṁ samuṭṭhāne sadisā idha dissare.

1. sañcarittānu bhāsanañca machasaṁ
2. niyato, sī. mu machasaṁ

[bjt page 306] [\x 306/]

paṭhamapārājika samuṭṭhānaṁ

13. methunaṁ sukkasaṁsaggo aniyatā paṭhamikā,
pubbūpaparipācītā raho bhikkhuniyo saha.

[pts page 087] [\q  87/]
14. sabhojane 2- raho ceva aṅguli udake hasaṁ,
pahāre uggire dve ca tepaññāsā ca sekhiyā.

15. adhakkhakagāmavassutā talamaṭṭhañca suddhikā,
vassaṁ vutthā ca ovādaṁ nānubandhe pavattiniṁ.

16. chasattati imā sikkhā kāyamānasikā katā,
sabbe ekasamuṭṭhānā paṭhamaṁ pārājikaṁ yathā.

paṭhamapārājikasamuṭṭhānaṁ niṭṭhitaṁ

dutiyapārājika samuṭṭhānaṁ

17. adinnaṁ viggahuttariṁ duṭṭhullaṁ attakāmatā, 1-
amūlā aññabhāgiyā aniyatā dutiyikā.

18. acchinde pariṇāmane musā omasa pesunā,
duṭṭhullā paṭhaviṁ khaṇe bhūtaṁ aññāya ujjhape.

19. nikkaḍḍhanaṁ siñcanañca āmisahetu bhuttāvi,
ehi anādarī hiṁsā apanidhe ca jīvitaṁ.

20. jānaṁ sappāṇakaṁ kammaṁ ūnena saṁvāsanāsanā,
sahadhammikaṁ vilekhā va moho amūlakena ca.

21. kukkuccaṁ dhammikaṁ cīvaraṁ pariṇāmeyya puggale,
kiṁ te akālaṁ acchinde duggahīta 4- nirayena ca.

22. gaṇaṁ vibhaṅgaṁ dubbalaṁ kaṭhināphāsu passayaṁ,
akkosacaṇḍi macchari gabbhinī ca pāyantiyā.

23. dve vassaṁ sikkhā saṅghena tayo ceva gihīgatā,
kumārībhūtā tisso ca ūnadvādasa sammatā.

24. alaṁ tāva sokāvassaṁ chandā anuvassā ca dve,
sikkhāpadā sattatime samuṭṭhānā tikā katā.

25. kāyacittena na vācā cittaṁ na kāyikaṁ,
tihi dvārehi jāyanti pārājikaṁ dutiyaṁ yathā.

dutiya pārājikasamuṭṭhānaṁ niṭṭhitaṁ.

1. attakāminaṁ sīmu
2. dve machasaṁ
3. kukkuccaṁ dhammikaṁ cīvaraṁ datvā machasaṁ kukkuccaṁ
4. duggahī machasaṁ (dhammikaṁ datvā syā).

[bjt page 308] [\x 308/]

sañcaritta samuṭṭhānaṁ

26. sañcari kuṭi vihāro dhovanañca paṭiggaho,
viññattuttari abhihaṭṭhuṁ ubhinnaṁ dūtakena ca.

27. kosiya suddha dvebhāgā chabbassāni nisīdanaṁ,
riñcanti rūpikā ceva ubho nānappakārakā.

28. ūna bandhana vassikā suttaṁ vikappanena ca,
dvāra dāna sibbanī ca pūvapaccaya joti ca.

29. ratanaṁ suci mañco ca tulaṁ nisīdanaṁ kaṇḍu ca,
vassikā va sugatena viññatti aññaṁ cetāpanā

30. dve saṅghikā mahājanī dve puggalā lahukā garu,
dve vighāsā sāṭikā ca samaṇacīvarena ca.

31. samapaññāsime dhammā chahi ṭhānahi jāyare,
kāyato na cittā vācato na kāyamanā.

[pts page 088] [\q  88/]
32. kāyavācā na cittato 1- kāyacittā na vācato,
vācā cittā na kāyena tīhi dvārehi 2- jāyare,
cha samuṭṭhānikā cete sañcarittena sādisā.

sañcarittasamuṭṭhānaṁ niṭṭhitaṁ

samanubhāsana samuṭṭhānaṁ

33. bhedānuvattadubbaca dusa duṭṭhulla diṭṭhi ca,
chandaṁ ujjagghikā dve ca dve ca saddā na byāhare.

34. chamā nīcāsane ṭhānaṁ pacchato uppathena ca,
vajjānuvattigahaṇā osāre paccācikkhanā.

35. kismiṁ saṁsaṭṭhā dve vadhī visibbe dukkhitāya ca,
puna saṁsaṭṭhā na vūpasame ārāmañca pavāraṇā.

36. anvaddhamāsaṁ sahajivi dve cīvaraṁ anubandhanā,
sattatiṁsa ime dhammā kāyavācāya cittato,
sabbe ekasamuṭṭhānā samanubhāsanā yathā.

samanubhāsanasamuṭṭhānaṁ niṭṭhitaṁ

1. cittā machasaṁ 2. tīhi ṭhānehi syā.

[bjt page 310] [\x 310/]

kaṭhina samuṭṭhānaṁ

37. ubbhataṁ kaṭhinaṁ tīṇi paṭhamaṁ pattabhesajjaṁ,
accekaṁ cāpi sāsaṅkaṁ pakkamantena vā duve.

38. upassayaṁ paramparaṁ anatirittaṁ nimantanaṁ,
vikappaṁ raññe vikāle vosāsāraññakena ca.

39. ussayā sannicayañca pure pacchā vikāle ca,
pañcāhikā saṅkamanī duve āvasathena ca.

40. pasākhe āsane ceva tiṁsa ekunakā ime,
kāyavācā na cittā tīhi dvārehi jāyare,
dve samuṭṭhānikā sabbe kaṭhinena sahā samā

kaṭhinasamuṭṭhānaṁ niṭṭhitaṁ

eḷakaloma samuṭṭhānaṁ

41. eḷakalomā dve seyyaṁ āhacca piṇḍabhojanaṁ,
gaṇa vikāla sannidhī dantapoṇena celakā.

42. uyyuttaṁ senaṁ uyyodhī surā orena nahāyanā,
dubabaṇṇe dve desanīyā 1- lasuṇūpatiṭṭhe naccanā.

43. nahānaṁ attharaṇaṁ seyyā anto raṭṭhe tathā bahī,
antovassaṁ cittāgāraṁ āsandiṁ suttakantanā.

44. veyyāvaccaṁ sahatthā ca abhikkhukāvāsena ca,
chattaṁ yānañca saṅghāṇiṁ alaṅkāraṁ gandhavāsitaṁ.

45. bhikkhunī sikkhamānā ca sāmaṇerī gihīniyā,
asaṁkaccikā āpatti cattārīsā catuttarī.

46. kāyena na vācā cittena kāyacittena na vācato,
dve samuṭṭhātikā sabbe samā eḷakalomāti.

eḷakalomasamuṭṭhānaṁ niṭṭhitaṁ

1. desanikā machasaṁ

[bjt page 312] [\x 312/]
[pts page 089] [\q  89/]
padasodhamma samuṭṭhānaṁ

47. padaññatra asammatā atthaṅgatena ca,
tiracchānavijjā dve vuttā anokāse pucchanā.

48. satta sikkhāpadā ete vācā na kāyacittato,
vācā cittena jāyanti na tu kāyena jāyare,
dve samuṭṭhānikā sabbe padasodhammasādisā.

padasodhammasamuṭṭhānaṁ niṭṭhitaṁ
addhāna samuṭṭhānaṁ

49. addhānaṁ nāvaṁ paṇitaṁ mātugāmena saṁhare,
dhaññaṁ nimantitā ceva aṭṭha ca pāṭidesanī.

50. sikkhā paṇṇarasā ete kāyā na vācā na manā,
kāyavācāhi jāyanti na te cittena jāyare

51. kāyacittena jāyanti na te jāyanti vācato,
kāyavācāhi cittena samuṭṭhānā catubbidhā,
paññattā buddhañāṇena addhānena sahā samā. 1-

addhānasamuṭṭhānaṁ niṭṭhitaṁ.

theyyasattha samuṭṭhānaṁ

52. theyyasatthaṁ upassūti viññāpanena ca,
ratti channañca okāsaṁ ete byuhena sattamā.

53. kāya cittena jāyanti na te jāyanti vācato,
tihi dvārehi jāyanti dve samuṭṭhānikā ime,
theyyasatthasamuṭṭhānā desitādiccabandhunā.

theyyasatthasamuṭṭhānaṁ niṭṭhitaṁ.

dhammadesana samuṭṭhānaṁ

54. chattapāṇissa saddhammaṁ na desenti tathāgatā,
tatheva 2- daṇḍapāṇissa sattha āyudhapāṇinaṁ.

55. pādukupāhanā yānaṁ seyya pallatthikāya ca,
veṭhito guṇṭhito ceva ekādasa manūnakā.

56. vācā cittena jāyanti na te jāyanti kāyato,
sabbe ekasamuṭṭhānā samakā dhammadesane.

dhammadesanasamuṭṭhānaṁ niṭṭhitaṁ

1. samānayā syā 2. evame - machasaṁ

[bjt page 314] [\x 314/]

bhūtārocana samuṭṭhānaṁ

57. bhūtaṁ kāyena jāyati na vācāya 1- na cittato,
vācato ca samuṭṭhāti na kāyā na ca cittato

58. kāyavācāya jāyati na ca jāyati cittato,
bhūtārocanakā nāma tīhi ṭhānehi jāyati.

bhūtārocanasamuṭṭhānaṁ niṭṭhitaṁ

corivuṭṭhāpana samuṭṭhānaṁ

59. coriṁ 2- vācāya cittena na tu jāyati kāyato,
jāyati tīhi dvārehi corivuṭṭhāpanaṁ idaṁ,
akataṁ dvisamuṭṭhānaṁ dhammarājena bhāsitaṁ.

corivuṭṭhāpanasamuṭṭhānaṁ niṭṭhitaṁ.

anunuññāta samuṭṭhānaṁ

60. ananuññātaṁ vācāya na kāyā na ca cittato,
jāyati kāyavācāya na taṁ jāyati cittato.

61. jāyati vācā cittena na taṁ jāyati kāyato,
jāyati tīhi dvārehi akataṁ catuṭhānikaṁ.
[pts page 090] [\q  90/]

ananuññātasamuṭṭhānaṁ niṭṭhitaṁ.

62. samuṭṭhānaṁ hi saṅkhepaṁ dasa tiṇi sudesitaṁ,
asammohakaraṁ ṭhānaṁ nettidhammānulomikaṁ,
dhārayanto imaṁ viññū samuṭṭhāne na muyhatīti

samuṭṭhānasīsasaṅkhepo niṭṭhito.

1. na vācā - machasaṁ 2. cori - machasaṁ

[bjt page 316] [\x 316/]
[pts page 091] [\q  91/]

antarapeyyāle
katipucchāvāro

kati āpattiyo kati āpattikkhandhā, kati vinītavatthuni, kati agāravā, kati gāravā, kati vinītavatthūni, kati vipattiyo, kati āpattisamuṭṭhānā, kati vivādamūlāni, kati anuvādamūlāni, kati sārāṇiyā dhammā, kati bhedakaravatthūni, kati adhikaraṇāni, kati samathā:
pañca āpattiyo, pañca āpattikkhandhā, pañca vinītavatthūni, satta āpattiyo, satta āpattikkhandhā, satta vinīta vatthūni, cha agāravā, cha gāravā, cha vinītavatthūni, catasso vipattiyo, cha āpattisamuṭṭhānā, cha vivādamūlāni, cha anuvādamūlāni, cha sārāṇiyā dhammā, aṭṭhārasa bhedakaravatthūni, cattāri adhikaraṇāni, sattasamathā

1. tattha katamā pañca āpattiyo: pārājikāpatti, saṅghādisesāpatti, pācittiyāpatti, pāṭidesanīyāpatti, dukkaṭāpatti. imā pañca āpattitiyo

2. kattha katame pañca āpattikkhandhā: pārājikāpattikkhandho, saṅghādisesāpattikkhandho, pācittiyāpattikkhandho, pāṭidesanīyāpattikkhandho dukkaṭāpattikkhandho, ime pañca āpattikkhandhā

3. tattha katamāni pañca vinītavatthūni: pañcahi āpattikkhandhehi ārati virati paṭivirati veramaṇi akiriyā akaraṇaṁ anajjhāpatti velāanatikkamo setughāto, imāni pañca vinītavatthūni.

4. tattha katamā satta āpattiyo: pārājikāpatti, saṅghādisesāpatti, thullaccayāpatti, pācittiyāpatti, pāṭidesanīyāpatti, dukkaṭāpatti. dubbhāsitāpatti. imā satta āpattiyo

5. tattha katame satta āpattikkhandhā: pārājikāpattikkhandho, saṅghādisesāpattikkhandho thullaccayāpattikkhandho, pācittiyāpattikkhandho, pāṭidesanīyāpattikkhandho dukkaṭāpattikkhandho, ime satta āpattikkhandhā.
6. tattha katamāni satta vinītavatthūni: sattahi āpattikkhandhehi ārati virati paṭivirati veramaṇi akiriyā akaraṇaṁ anajjhāpatti celāanatikkamo setughāto, imāni satta vinītavatthūni.

7. tattha katame cha agāravā: buddhe agāravo, dhamme agāravo, saṅghe agāravo, sikkhāya agāravo, appamāde agāravo, paṭisanthāre agāravo. ime cha agāravā.

[bjt page 318] [\x 318/]
[pts page 092] [\q  92/]

8. tattha katame cha gāravā: buddhe gāravo, dhamme gāravo, saṅghe gāravo, sikkhāya gāravo, appamāde gāravo, paṭisanthāre gāravo. ime cha gāravā.
9. tattha katamāni cha vinītavatthūni: chahi agāravehi, ārati virati paṭivirati veramaṇi akiriyā akaraṇaṁ anajjhāpatti velāanatikkamo setughāto imāni cha vinītavatthūni.
10. tattha katamā catasso vipattiyo: sīlavipatti, ācāravipatti, diṭṭhivipatti, ājivavipatti imā catasso vipattiyo.

11. tattha katame cha āpattisamuṭṭhānā: atthāpatti kāyato samuṭṭhāti, na vācato na cittato atthāpatti vācato samuṭṭhāti, na kāyato na cittato, atthāpatti kāyato ca vācato ca samuṭṭhāti na cittato, atthāpatti kāyato ca cittato ca samuṭṭhāti, na vācato atthāpatati vācato ca cittato ca samuṭṭhati, na kāyato atthāpatti kāyato ca vācato ca cittato ca samuṭṭhāti. ime cha āpattisamuṭṭhānā

12. tattha katamāni cha vivādamūlāni: idha bhikkhū kodhano hoti upanāhī, yo so bhikkhū kodhano hoti upanāhi, so sattharipi agāravo viharati appatissavo, dhammepi agāravo viharati appatissavo, saṅghepi agāravo viharati appatissavo, sikkhāyapi na paripūrakāri hoti yo so bhikkhū satthari agāravo viharati appatissavo, dhamme agāravo viharati appatissavo, saṅghe agāravo viharati appatissavo, sikkhāya na paripūrakāri hoti yo so bhikkhu satthari agāravo viharati appatissavo, dhamme agāravo viharati appatissavo, saṅghe agāravo viharati appatissavo, sikkhāya na paripūrakāri hoti so saṅghe vivādaṁ janeti, yo hoti vivādo bahujanaahitāya bahujanaasubāya bahuno janassa anatthāya ahitāya dukkhāya devamanussānaṁ evarūpaṁ ce tumhe vivādamūlaṁ ajjhattaṁ vā bahiddhā vā samanupasseyyātha, tatra tumhe tasseva pāpakassa vivādamūlassa pahānāya vāyameyyātha evarūpaṁ ce tumhe vivādamūlaṁ ajjhattaṁ vā bahiddhā vā samanupasseyyātha, tatra tumhe tasseva pāpakassa vivādamūlassa āyatiṁ anavassavāya paṭipajjeyyātha evametassa pāpakassa vivādamūlassa pahānaṁ hoti, evametassa pāpakassa vivādamūlassa āyatiṁ anavassavo hoti

punacaparaṁ bhikkhu makkhī hoti palāsī. parāmāsī hoti ādhānagāhī duppaṭinissaggī,yo so bhikkhū sandiṭṭhiparāmāsī hoti ādhānagāhī duppaṭinissaggī, so sattharipi agāravo viharati appatissavo, dhammepi agāravo viharati appatissavo, saṅghepi agāravo viharati appatissavo, sikkhāyapi na paripūrakāri hoti yo so bhikkhū satthari agāravo viharati appatissavo, dhamme agāravo viharati appatissavo, saṅghe agāravo viharati appatissavo, sikkhāya na paripūrakāri hoti so saṅghe vivādaṁ janeti, yo hoti vivādo bahujanaahitāya bahujanaasubāya bahuno janassa anatthāya ahitāya dukkhāya devamanussānaṁ evarūpaṁ ce tumhe vivādamūlaṁ ajjhattaṁ vā bahiddhā vā samanupasseyyātha, tatra tumhe tasseva pāpakassa vivādamūlakassa pahānāya vāyameyyātha evarūpaṁ ce tumhe vivādamūlaṁ ajjhattaṁ vā bahiddhā vā samanupasseyyātha, tatra tumhe tasseva pāpakassa vivādamūlassa āyatiṁ anavassāvāya paṭipajjeyyātha evametassa pāpakassa vivādamūlassa pahānaṁ hoti, evametassa pāpakassa vivādamūlassa āyatiṁ anavassavo hoti

punacaparaṁ bhikkhu issakī hoti maccharī sandiṭṭhi parāmāsī hoti ādhānagāhī duppaṭinissaggī, yo so bhikkhū sandiṭṭhi parāmāsī hoti ādhānagāhī duppaṭinissaggī so sattharipi agāravo viharati appatissavo, dhammepi agāravo viharati appatissavo, saṅghepi agāravo viharati appatissavo, sikkhāyapi na paripūrakāri hoti yo so bhikkhu satthari agāravo viharati appatissavo, dhamme agāravo viharati appatissavo, saṅghe agāravo viharati appatissavo, sikkhāya na paripūrakārī hoti so saṅghe vivādaṁ janeti, yo hoti vivādo bahujanaahitāya bahujanaasubāya bahuno janassa anatthāya ahitāya dukkhāya devamanussānaṁ evarūpaṁ ce tumhe vivādamūlaṁ ajjhattaṁ vā bahiddhā vā samanupasseyyātha, tatra tumhe tasseva pāpakassa vivādamūlakassa pahānāya vāyameyyātha evarūpaṁ ce tumhe vivādamūlaṁ ajjhattaṁ vā bahiddhā vā samanupasseyyātha, tatra tumhe tasseva pāpakassa vivādamūlassa āyatiṁ anavassavāya paṭipajjeyyātha evametassa pāpakassa vivādamūlassa pahānaṁ hoti, evametassa pāpakassa vivādamūlassa āyatiṁ anavassavo hoti

punacaparaṁ bhikkhū saṭho hoti māyāvī sandiṭṭhi parāmāsī hoti ādhānagāhī duppaṭinissaggī, yo so bhikkhū sandiṭṭhi parāmāsī hoti ādhānagāhī duppaṭinissaggī, so sattharipi agāravo viharati appatissavo, dhammepi agāravo viharati appatissavo, saṅghepi agāravo viharati appatissavo, sikkhāyapi na paripūrakāri hoti yo so bhikkhu satthari agāravo viharati appatissavo, dhamme agāravo viharati appatissavo, saṅghe agāravo viharati appatissavo, sikkhāya na paripūrakāri hoti so saṅghe vivādaṁ janeti, yo hoti vivādo bahujanaahitāya bahujanaasubāya bahuno janassa anatthāya ahitāya dukkhāya devamanussānaṁ evarūpaṁ ce tumhe vivādamūlaṁ ajjhattaṁ vā bahiddhā vā samanupasseyyātha, tatra tumhe tasseva pāpakassa vivādamūlakassa pahānāya vāyameyyātha evarūpaṁ ce tumhe vivādamūlaṁ ajjhattaṁ vā bahiddhā vā samanupasseyyātha, tatra tumhe tasseva pāpakassa vivādamūlassa āyatiṁ anavassavāya paṭipajjeyyātha evametassa pāpakassa vivādamūlassa pahānaṁ hoti, evametassa pāpakassa vivādamūlassa āyatiṁ anavassavo hoti

punacaparaṁ bhikkhū pāpiccho hoti micchādiṭṭhi sandiṭṭhi parāmāsī hoti ādhānagāhī duppaṭinissaggī, yo so bhikkhū sandiṭṭhi parāmāsī hoti ādhānagāhī duppaṭinissaggī, so
sattharipi agāravo viharati appatissavo, dhammepi agāravo viharati appatissavo, saṅghepi agāravo viharati appatissavo, sikkhāyapi na paripūrakāri hoti yo so bhikkhū satthari agāravo viharati appatissavo, dhamme agāravo viharati appatissavo, saṅghe agāravo viharati appatissavo, sikkhāya na paripūrakāri hoti so saṅghe vivādaṁ
[bjt page 320] [\x 320/]      janeti, yo hoti vivādo bahujanaahitāya bahujanaasubāya bahuno janassa anatthāya ahitāya dukkhāya devamanussānaṁ evarūpaṁ ce tumhe vivādamūlaṁ ajjhattaṁ vā bahiddhā vā samanupasseyyātha, tatra tumhe tasseva pāpakassa vivādamūlakassa pahānāya vāyameyyātha evarūpaṁ ce tumhe vivādamūlaṁ ajjhattaṁ vā bahiddhā vā samanupasseyyātha, tatra tumhe tasseva pāpakassa vivādamūlassa āyatiṁ anavassavāya paṭipajjeyyātha evametassa pāpakassa vivādamūlassa pahānaṁ hoti, evametassa pāpakassa vivādamūlassa āyatiṁ anavassavo hoti

[bjt page 322] [\x 322/]

14. kattha katame cha sārāṇiyā dhammā: idha bhikkhuno mettaṁ kāyakammaṁ paccupaṭṭhitaṁ hoti sabrahmacārisu āvī ceva raho ca, ayampi dhammo sārāṇiyo piyakaraṇo garukaraṇo saṅgahāya avivādāya sāmaggiyā ekībhāvāya saṁvattati.

punacaparaṁ bhikkhuno mettaṁ vacikammaṁ paccupaṭṭhitaṁ hoti sabrahmacārīsu āvī ceva raho ca, ayampi dhammo sārāṇiyo piyakaraṇo garukaraṇo saṅgāhāya avivādāya sāmaggiyā ekībhāvāya saṁvatatti.

punacaparaṁ bhikkhuno mettaṁ manokammaṁ paccupaṭṭhitaṁ hoti sabrahmacārīsu āvī ceva raho ca, ayampi dhammo sārāṇiyo piyakaraṇo garukaraṇo saṅgāhāya avivādāya sāmaggiyā ekībhāvāya saṁvatatti.

punacaparaṁ bhikkhu ye te lābhā dhammikā dhammaladdhā antamaso pattapariyāpannamattampi, tathārūpehi lābhehi appaṭivibhattahogī hoti sīlavantehi sabrahmacārīhi sādhāraṇabhogī, ayampi dhammo sārāṇiyo piyakaraṇo garukaraṇo saṅgāhāya avivādāya sāmaggiyā ekībhāvāya saṁvatatti.

punacaparaṁ bhikkhu yāni tāni sīlāni akhaṇḍāni acchiddāni asabalāni akammāsāni bhujissāni viññuppasatthāni aparāmaṭṭhāni [pts page 093] [\q  93/]      samādhisaṁvattanikāni, tathārūpesu sīlesu sīlasāmaññagato viharati sabrahmacārīhi āvī ceva raho ca, ayampi dhammo sārāṇiyo piyakaraṇo garukaraṇo saṅgāhāya avivādāya sāmaggiyā ekībhāvāya saṁvatatti.

punacaparaṁ bhikkhū yāyaṁ diṭṭhi ariyā niyyānikā niyyāti takkarassa sammā dukkhakkhayāya, tathārūpāya diṭṭhiyā diṭṭhisāmaññagato viharati sabrahmacārīhi āvī ceva raho ca, ayampi dhammo sārāṇiyo piyakaraṇo garukaraṇo saṅgāhāya avivādāya sāmaggiyā ekībhāvāya saṁvatatti. ime cha sārāṇiyā dhammā.

15. tattha katamāni aṭṭhārasa bhedakaravatthūni: idha bhikkhu adhammaṁ dhammoti dīpeti, dhammaṁ adhammoti dīpeti, avinayaṁ vinayoti dīpeti, vinayaṁ avinayoti dīpeti, abhāsitaṁ alapitaṁ tathāgatena bhāsitaṁ lapitaṁ tathāgatenāti dīpeti, bhāsitaṁ lapitaṁ tathāgatena abhāsitaṁ alapitaṁ tathāgatenāti dīpeti, anāciṇṇaṁ tathāgatena āciṇṇaṁ tathāgatenāti dīpeti, āciṇṇaṁ tathāgatena anāciṇṇaṁ

[bjt page 324] [\x 324/]

tathāgatenāti dīpeti, apaññattaṁ tathāgatena paññattaṁ tathāgatenāti dīpeti, paññattaṁ tathāgatena apaññattaṁ tathāgatenāti dīpeti, āpattiṁ anāpattīti dipeti, anāpattiṁ āpattīti dīpeti, lahukaṁ āpattiṁ garukāpattīti dipeti garukaṁ āpattiṁ lahukāpattīti dīpeti, sāvasesaṁ āpattiṁ anavasesāpattīti dīpeti, anavasseṁ āpattiṁ sāvasesāpattīti dīpeti, duṭṭhullaṁ āpattiṁ aduṭṭhullāpattīti dīpeti, aduṭaṭhullaṁ āpattiṁ duṭṭhullā āpattīti dīpeti, imāni aṭṭhārasa bhedakaravatthūni.
16. tattha katamāni cattari adhikaraṇāni: vivādādhikaraṇaṁ, anuvādādhikaraṇaṁ, āpattādhikaraṇaṁ, kiccādhikaraṇaṁ, imāni cattāri adhikaraṇāni.

17. tattha katame satta samathā: sammukhāvinayo, sativinayo, amūḷhavinayo, paṭiññātakaraṇaṁ, yebhuyyasikā, tassapāpiyyasikā, tiṇavatthārako ime satta samathā.
katipucchāvāro niṭṭhito

tassuddānaṁ:
1. āpatti āpattikkhandhā - vinitā sattadhā puna,
vinītāgāravā ceva - gāravā mūlameva ca.

2. puna vinītā vipatti - samuṭṭhānā vivādanā,
anuvādā sārānīyā - bhedādhikaraṇena ca,
satteva samathā vuttā - padā sattarasā imeti

cha āpattisamuṭṭhānavāro

1. paṭhamena āpattisamuṭṭhānena pārājikaṁ āpajjeyyāti: na hīti vattabbaṁ saṅghādisesaṁ āpajjeyyāti: siyāti vattabbaṁ thullaccayaṁ āpajjeyyāti: siyāti vattabbaṁ pācittiyaṁ āpajjeyyāti: siyāti vattabbaṁ pāṭidesanīyaṁ āpajjeyyāti: siyāti vattabbaṁ dukkaṭaṁ āpajjeyyāti: siyāti vattabbaṁ dubbhāsitaṁ āpajjeyyāti: na hīti vattabbaṁ.

2. dutiyena āpattisamuṭṭhānena pārājikaṁ āpajjeyyāti: na hīti vattabbaṁ saṅghādisesaṁ āpajjeyyāti: siyāti vattabbaṁ thullaccayaṁ āpajjeyyāti: siyāti vattabbaṁ pācittiyaṁ āpajjeyyāti: siyāti vattabbaṁ pāṭidesanīyaṁ āpajjeyyāti: siyāti vattabbaṁ dukkaṭaṁ āpajjeyyāti: siyāti vattabbaṁ dubbhāsitaṁ āpajjeyyāti: na hīti vattabbaṁ.

[bjt page 326] [\x 326/]

3. tatiyena āpattisamuṭṭhānena pārājikaṁ āpajjeyyāti: na hīti vattabbaṁ saṅghādisesaṁ āpajjeyyāti: siyāti vattabbaṁ thullaccayaṁ āpajjeyyāti: siyāti vattabbaṁ pācittiyaṁ āpajjeyyāti: siyāti vattabbaṁ pāṭidesanīyaṁ āpajjeyyāti: siyāti vattabbaṁ dukkaṭaṁ āpajjeyyāti: siyāti vattabbaṁ dubbhāsitaṁ āpajjeyyāti: na hīti vattabbaṁ.
[pts page 094] [\q  94/]

4. catutthena āpattisamuṭṭhānena pārājikaṁ āpajjeyyāti: siyāti vattabbaṁ saṅghādisesaṁ āpajjeyyāti: siyāti vattabbaṁ thullaccayaṁ āpajjeyyāti: siyāti vattabbaṁ pācittiyaṁ āpajjeyyāti: siyāti vattabbaṁ pāṭidesanīyaṁ āpajjeyyāti: siyāti vattabbaṁ dukkaṭaṁ āpajjeyyāti: siyāti vattabbaṁ dubbhāsitaṁ āpajjeyyāti: na hīti vattabbaṁ.

5. pañcamena āpattisamuṭṭhānena pārājikaṁ āpajjeyyāti: siyāti vattabbaṁ saṅghādisesaṁ āpajjeyyāti: siyāti vattabbaṁ thullaccayaṁ āpajjeyyāti: siyāti vattabbaṁ pācittiyaṁ āpajjeyyāti: siyāti vattabbaṁ pāṭidesanīyaṁ āpajjeyyāti: siyāti vattabbaṁ dukkaṭaṁ āpajjeyyāti: siyāti vattabbaṁ dubbhāsitaṁ āpajjeyyāti: siyāti vattabbaṁ.

6. chaṭṭhena āpattisamuṭṭhānena pārājikaṁ āpajjeyyāti: siyāti vattabbaṁ saṅghādisesaṁ āpajjeyyāti: siyāti vattabbaṁ thullaccayaṁ āpajjeyyāti: siyāti vattabbaṁ pācittiyaṁ āpajjeyyāti: siyāti vattabbaṁ pāṭidesanīyaṁ āpajjeyyāti: siyāti vattabbaṁ dukkaṭaṁ āpajjeyyāti: siyāti vattabbaṁ dubbhāsitaṁ āpajjeyyāti: na hīti vattabbaṁ.

cha āpattisamuṭṭhānavāro niṭṭhito paṭhamo

katāpattivāro

1. paṭhamena āpattisamuṭṭhānena kati āpattiyo āpajjati: paṭhamena āpattisamuṭṭhānena pañca āpattiyo āpajjati: bhikkhu kappiyasaññī saññācikāya kuṭiṁ karoti adesitavatthukaṁ pamāṇātikkantaṁ sārambhaṁ aparikkamanaṁ, payoge dukkaṭaṁ. ekaṁ piṇḍaṁ anāgate āpatti thullaccayassa, tasmiṁ piṇḍe āgate āpatti saṅghādisesassa. bhikkhu kappiyasaññi vikāle bhojanaṁ bhuñjati, āpatti pācittiyassa. bhikkhu kappiyasaññī vikāle bhojanaṁ bhuñjati, āpatti pācittiyassa.bhikkhu kappiyasaññī aññātikāya bhikkhuniyā antaragharaṁ paviṭṭhāya hatthato khādanīyaṁ vā bhojanīyaṁ vā sahatthā paṭiggahetvā bhuñjati, āpatti pāṭidesanīyassa. paṭhamena āpattisamuṭṭhānena imā pañca āpattiyo āpajjati.

[bjt page 328] [\x 328/]

tā āpatti catunnaṁ vipattīnaṁ kati vipattiyo bhajanti: sattannaṁ āpattikkhandhānaṁ katīhi āpattikkhandhehi saṅgahītā: channaṁ āpattisamuṭṭhānānaṁ katīhi samuṭṭhānehi samuṭṭhahanti: catunnaṁ adhikaraṇānaṁ katamaṁ adhikaraṇaṁ: sattannaṁ samathānaṁ katīhi samathehi sammanti:

tā āpattiyo catunnaṁ vipattīnaṁ dve vipattiyo bhajanti: siyā sīlavipattiṁ siyā ācāravipattiṁ sattannaṁ āpattikkhandhānaṁ pañcahi āpattikkhandhehi saṅgahītā: siyā saṅghādisesāpattikkhandhena, siyā thullaccayāpattikkhandhena siyā pācittiyāpattikkhandhena siyā pāṭidesanīyāpattikkhandhena siyā dukkaṭāpattikkhandhena channaṁ āpattisamuṭṭhānānaṁ ekena samuṭṭhānena samuṭṭhahanti: kāyato samuṭṭhahanti, na vācato na cittato. catunnaṁ adhikaraṇānaṁ āpattādhikaraṇaṁ, sattanaṁ samathānaṁ tīhi samathehi sammanti: siyā sammukhāvinayena ca paṭiññātakaraṇena ca, siyā sammukhāvinayena ca tiṇavatthārakena ca.

2. dutiyena āpattisamuṭṭhānena kati āpattiyo āpajjati: dutiyena āpattisamuṭṭhānena catasso āpattiyo āpajjati: kappiyasaññī [pts page 095] [\q  95/]      samādisati "kuṭiṁ me karothā"ti, tassa kuṭiṁ karonti adesitavatthukaṁ pamāṇātikkantaṁ sārambhaṁ aparikkamanaṁ, payoge dukkaṭaṁ ekaṁ piṇḍaṁ anāgate āpatti thullaccayassa. tasmiṁ piṇḍe āgate āpatti saṅghādisesassa, bhikkhu kappiyasaññī anupasampannaṁ padasodhammaṁ vāceti, āpatti pācittiyassa dutiyena āpattisamuṭṭhānena imā catasso āpattiyo āpajjati.

tā āpattiyo catunnaṁ vipattīnaṁ kati vipattiyo bhajanti: sattannaṁ āpatatikkhandhānaṁ katīhi āpattikkhandhehi saṅgahītā: channaṁ āpattisamuṭṭhānānaṁ katīhi samuṭṭhānehi samuṭṭhahanti: catunnaṁ adhikaraṇānaṁ katamaṁ adhikaraṇaṁ: sattannaṁ samathānaṁ katīhi samathehi sammanti:

tā āpattiyo catunnaṁ vipattīnaṁ dve vipattiyo bhajanti: siyā sīlavipattiṁ siyā ācāravipattiṁ sattannaṁ āpattikkhandhānaṁ catūhi āpattikkhandhehi saṅgahītā: siyā saṅghādisesāpattikkhandhena, siyā thullaccayāpattikkhandhena siyā pācittiyāpattikkhandhena siyā pāṭidesanīyāpattikkhandhena siyā dukkaṭāpattikkhandhena channaṁ āpattisamuṭṭhānānaṁ ekena samuṭṭhānena samuṭṭhahanti: vācato samuṭṭhahanti, na kāyato na cittato. catunnaṁ adhikaraṇānaṁ āpattādhikaraṇaṁ, sattanaṁ samathānaṁ tīhi samathehi sammanti: siyā sammukhāviyena ca paṭiññātakaraṇena ca, siyā sammukhāvinayena ca tiṇavatthārakena ca.

3. tatiyena āpattisamuṭṭhānena kati āpattiyo āpajjati: tatiyena āpattisamuṭṭhānena pañca āpattiyo āpajjati: bhikkhu kappiyasaññī saṁvidahitvā kuṭiṁ karoti, adesitavatthukaṁ pamāṇātikkantaṁ sārambhaṁ aparikkamanaṁ, payoge dukkaṭaṁ ekaṁ piṇḍaṁ anāgate āpatti thullaccayassa. tasmiṁ piṇḍe āgate āpatti saṅghādisesassa, bhikkhu kappiyasaññī paṇītabhojanāni attano atthāya viññāpetvā bhuñjati, āpatti pācittiyassa bhikkhu kappiyasaññī bhikkhuniyā vosāsantiyā na nivāretvā bhuñjati, āpatti pāṭidesanīyassa. tatiyena āpattisamuṭṭhānena imā pañca āpattiyo āpajjati.

[bjt page 330] [\x 330/]

tā āpattiyo catunnaṁ vipattīnaṁ kati vipattiyo bhajanti: sattannaṁ āpattikkhandhānaṁ katīhi āpattikkhandhehi saṅgahītā: channaṁ āpattisamuṭṭhānānaṁ katīhi samuṭṭhānehi samuṭṭhahanti: catunnaṁ adhikaraṇānaṁ katamaṁ adhikaraṇaṁ: sattannaṁ samathānaṁ katīhi samathehi sammanti:

tā āpattiyo catunnaṁ vipattīnaṁ dve vipattiyo bhajanti: siyā sīlavipattiṁ siyā ācāravipattiṁ sattannaṁ āpattikkhandhānaṁ pañcahi āpattikkhandhehi saṅgahītā: siyā saṅghādisesāpattikkhandhena, siyā thullaccayāpattikkhandhena siyā pācittiyāpattikkhandhena siyā pāṭidesanīyāpattikkhandhena siyā dukkaṭāpattikkhandhena channaṁ āpattisamuṭṭhānānaṁ ekena samuṭṭhānena samuṭṭhahanti: kāyato ca samuṭṭhahanti, vācato ca samuṭṭhahanti, na cittato. catunnaṁ adhikaraṇānaṁ āpattādhikaraṇaṁ, sattanaṁ samathānaṁ tīhi samathehi sammanti: siyā sammukhāvinayena ca paṭiññātakaraṇena ca, siyā sammukhāvinayena ca tiṇavatthārakena ca.

4. catutthena āpattisamuṭṭhānena kati āpattiyo āpajjati: catutthena āpattisamuṭṭhānena cha āpattiyo āpajjati: bhikkhu methunaṁ dhammaṁ paṭisevati āpatti pārājikassa bhikkhu akappiyasaññī saññācikāya kuṭiṁ [pts page 096] [\q  96/]      karoti adesitavatthukaṁ pamāṇātikkantaṁ sārambhaṁ aparikkamanaṁ, payoge dukkaṭaṁ ekaṁ piṇḍaṁ anāgate āpatti thullaccayassa. tasmiṁ piṇḍe āgate āpatti saṅghādisesassa, bhikkhu akappiyasaññī vikāle bhojanaṁ bhuñjati, āpatti pācittiyassa bhikkhū akappiyasaññī aññātikāya bhikkhuniyā antaragharaṁ paviṭṭhāya hatthato khādanīyaṁ vā bhojanīyaṁ vā sahatthā paṭiggahetvā bhuñjati, āpatti pāṭidesanīyassa. catutthena āpattisamuṭṭhānena imā cha āpattiyo āpajjati.

tā āpattiyo catunnaṁ vipattīnaṁ kati vipattiyo bhajanti: sattannaṁ āpatatikkhandhānaṁ katīhi āpattikkhandhehi saṅgahītā: channaṁ āpattisamuṭṭhānānaṁ katīhi samuṭṭhānehi samuṭṭhahanti: catunnaṁ adhikaraṇānaṁ katamaṁ adhikaraṇaṁ: sattannaṁ samathānaṁ katīhi samathehi sammanti:

tā āpattiyo catunnaṁ vipattīnaṁ dve vipattiyo bhajanti: siyā sīlavipattiṁ siyā ācāravipattiṁ sattannaṁ āpattikkhandhānaṁ chahi āpattikkhandhehi saṅgahītā: siyā pārājikāpattikkhandhena. siyā siyā pāṭidesanīyāpattikkhandhena siyā dukkaṭāpattikkhandhena channaṁ āpattisamuṭṭhānānaṁ ekena samuṭṭhānena samuṭṭhahanti: kāyato ca cittato ca samuṭṭhahanti, na vācato catunnaṁ adhikaraṇānaṁ āpattādhikaraṇaṁ, sattanaṁ samathānaṁ tīhi samathehi sammanti: siyā sammukhāviyena ca paṭiññātakaraṇena ca, siyā sammukhāvinayena ca tiṇavatthārakena ca.

5. pañcamena āpattisamuṭṭhānena kati āpattiyo āpajjati: pañcamena āpattisamuṭṭhānena cha āpattiyo āpajjati: bhikkhu pāpiccho icchāpakato asantaṁ abhūtaṁ uttarimanussadhammaṁ ullapati, āpatti pārājikassa bhikkhu akappiyasaññī samādiyati "kuṭiṁ me karothā"ti tassa kuṭiṁ karonti adesitavatthukaṁ pamāṇātikkantaṁ sārambhaṁ aparikkamanaṁ, payoge dukkaṭaṁ ekaṁ piṇḍaṁ anāgate āpatti thullaccayassa. tasmiṁ piṇḍe āgate āpatti saṅghādisesassa.

[bjt page 332] [\x 332/]

bhikkhu akappiyasaññī anupasampannaṁ padasodhammaṁ vāceti, āpatti pācittiyassa. khuṁsetukāmo na vambhetukāmo na maṅkukattukāmo davakamyatyā hīnena hīnaṁ vadeti, āpatti dubbhāsitassa pañcamena āpattisamuṭṭhānena imā cha āpattiyo āpajjati.
tā āpattiyo catunnaṁ vipattīnaṁ kati vipattiyo bhajanti: sattannaṁ āpattikkhandhānaṁ katīhi āpattikkhandhehi saṅgahītā: channaṁ āpattisamuṭṭhānānaṁ katīhi samuṭṭhānehi samuṭṭhahanti: catunnaṁ adhikaraṇānaṁ katamaṁ adhikaraṇaṁ: sattannaṁ samathānaṁ katīhi samathehi sammanti:

tā āpattiyo catunnaṁ vipattīnaṁ dve vipattiyo bhajanti: siyā sīlavipattiṁ siyā ācāravipattiṁ sattannaṁ āpattikkhandhānaṁ chahi āpattikkhandhehi saṅgahītā: siyā pārājikāpattikkhandhena siyā saṅghādisesāpattikkhandhena, siyā thullaccayāpattikkhandhena. siyā pācittiyāpattikkhandhena, siyā dukkaṭāpattikkhandhena, siyā dubbhāsitāpattikkhandhena channaṁ āpattisamuṭṭhānānaṁ ekena samuṭṭhānena samuṭṭhahanti: vācato ca cittato ca samuṭṭhahanti, na kāyato catunnaṁ adhikaraṇānaṁ āpattādhikaraṇaṁ, sattanaṁ samathānaṁ tihi samathehi sammanti: siyā sammukhāvinayena ca paṭiññātakaraṇena ca, siyā sammukhāvinayena ca tiṇavatthārakena ca.

6. chaṭṭhena āpattisamuṭṭhānena kati āpattiyo āpajjati: chaṭṭhena āpattisamuṭṭhānena cha āpattiyo āpajjati: bhikkhu saṁvidahitvā bhaṇḍaṁ avaharati, āpatti [pts page 097] [\q  97/]      pārājikassa bhikkhu akappiyasaññī saṁvidahitvā kuṭiṁ karoti, adesitavatthukaṁ pamāṇātikkantaṁ sārambhaṁ aparikkamanaṁ, payoge dukkaṭaṁ ekaṁ piṇḍaṁ anāgate āpatti thullaccayassa. tasmiṁ piṇḍe āgate āpatti saṅghādisesassa, bhikkhu akappiyasaññī paṇitabhojanāni attano atthāya viññāpetvā bhuñjati, āpatti pācittiyassa bhikkhū akappiyasaññī bhikkhuniyā vosāsantiyā na nivāretvā bhuñjati, āpatti pāṭidesanīyassa chaṭṭhena āpatti samuṭṭhānena imā cha āpattiyo āpajjati.

tā āpatti catunnaṁ vipattīnaṁ kati vipattiyo bhajanti: sattannaṁ āpattikkhandhānaṁ katīhi āpattikkhandhehi saṅgahītā: channaṁ āpattisamuṭṭhānānaṁ katīhi samuṭṭhānehi samuṭṭhahanti: catunnaṁ adhikaraṇānaṁ katamaṁ adhikaraṇaṁ: sattannaṁ samathānaṁ katīhi samathehi sammanti:

tā āpattiyo catunnaṁ vipattinaṁ dve vipattiyo bhajanti: siyā sīlavipattiṁ siyā ācāravipattiṁ sattannaṁ āpattikkhandhānaṁ chahi āpattikkhandhehi saṅgahītā: siyā pārājikāpattikkhandhena saṅghādisesāpattikkhandhena siyā thullaccayāpattikkhandhena, siyā pācittiyāpattikkhandhena siyā pāṭidesanīyāpattikkhandhena siyā dukkaṭāpattikkhandhena channaṁ āpattisamuṭṭhānānaṁ ekena samuṭṭhānena samuṭṭhahanti: kāyato ca vācato ca cittato ca samuṭṭhahanti, catunnaṁ adhikaraṇaṁ āpattādhikaraṇaṁ, sattanaṁ samathānaṁ tīhi samathehi sammanti: siyā sammukhāvinayena ca paṭiññātakaraṇena ca, siyā sammukhāvinayena ca tiṇavatthārakena cāti.

cha āpattisamuṭṭhānānaṁ katāpattivāro niṭṭhito dutiyo

[bjt page 334] [\x 334/]

3. āpattisamuṭṭhānagāthā

1. samuṭṭhānā kāyikā anantadassinā
akkhātā lokahitena vivekadassinā,
āpattiyo tena samuṭṭhitā kati
pucchāmi taṁ brūhi vibhaṅgakovida.

2. samuṭṭhānā kāyikā anantadassinā
akkhātā lokahitena vivekadassinā,
āpattiyo tena samuṭṭhitā pañca
etaṁ te akkhāmi vibhaṅgakovida.

3. samuṭṭhānā vācasikā anantadassinā
akkhātā lokahitena vivekadassinā,
āpattiyo tena samuṭṭhitā kati
pucchāmi taṁ brūhi vibhaṅgakovida.

4. samuṭṭhānā vācasikā anantadassinā
akkhātā lokahitena vivekadassinā,
āpattiyo tena samuṭṭhitā catasso
etaṁ te akkhāmi vibhaṅgakovida.

5. samuṭṭhānā kāyikā vācasikā anantadassinā
akkhātā lokahitena vivekadassinā,
āpattiyo tena samuṭṭhitā kati
pucchāmi taṁ brūhi vibhaṅgakovida.

6. samuṭṭhānā kāyikā vācasikā anantadassinā
akkhātā lokahitena viveka dassinā,
āpattiyo tena samuṭṭhitā pañca
etaṁ te akkhāmi vibhaṅgakovida.

7. samuṭṭhānā kāyikā mānasikā anantadassinā
akkhātā lokahitena vivekadassinā,
āpattiyo tena samuṭṭhitā kati
pucchāmi taṁ brūhi vibhaṅgakovida.

8. samuṭṭhānā kāyikā mānasikā anantadassinā
akkhātā lokahitena vivekadassinā,
āpattiyo tena samuṭṭhitā cha
etaṁ te akkhāmi vibhaṅgakovida.

9. samuṭṭhānā vācasikā mānasikā anantadassinā
akkhātā lokahitena vivekadassinā,
āpattiyo tena samuṭṭhitā kati
pucchāmi taṁ brūhi vibhaṅgakovida.

[bjt page 336] [\x 336/]

10. samuṭṭhānā vācasikā mānasikā anantadassinā
akkhātā lokahitena vivekadassinā,
āpattiyo tena samuṭṭhitā cha
etaṁ te akkhāmi vibhaṅgakovida.

11. samuṭṭhānā kāyikā vācasikā anantadassinā
akkhātā lokahitena vivekadassinā,
āpattiyo tena samuṭṭhitā kati
pucchāmi taṁ brūhi vibhaṅgakovida.
[pts page 098] [\q  98/]

12. samuṭṭhānā kāyikā vācasikā mānasikā anantadassinā
akkhātā lokahitena vivekadassinā,
āpattiyo tena samuṭṭhitā cha
etaṁ te akkhāmi vibhaṅgakovida.

āpatti samuṭṭhānagāthā niṭṭhitā tatiyā

4. vipatti paccayavāro

1. sīlavipattipaccayā kati āpattiyo āpajjati: sīlavipattipaccayā catasso āpattiyo āpajjati: bhikkhunī jānaṁ pārājikaṁ dhammaṁ paṭicchādeti, āpatti pārājikassa vematikā paṭicchādeti, āpatti thullaccayassa bhikkhu saṅghadisesaṁ paṭicchādeti, āpatti pācittiyassa attano duṭṭhullaṁ paṭicchādeti, āpatti dukkaṭassa. sīlavipattipaccayā imā cattasso āpattiyo āpajjati.

tā āpattiyo catunnaṁ vipattīnaṁ kati vipattiyo bhajanti: sattannaṁ āpattikkhandhānaṁ katīhi āpattikkhandhehi saṅgahītā: channaṁ āpattisamuṭṭhānānaṁ katīhi samuṭṭhānehi samuṭṭhahanti: catunnaṁ adhikaraṇānaṁ katamaṁ adhikaraṇaṁ: sattannaṁ samathānaṁ katīhi samathehi sammanti:

tā āpattiyo catunnaṁ vipattīnaṁ dve vipattiyo bhajanti: siyā sīlavipattiṁ siyā ācāravipattiṁ sattannaṁ āpattikkhandhānaṁ catūhi āpattikkhandhehi saṅgahītā: siyā pārājikāpattikkhandhena siyā thullaccayāpattikkhandhena, siyā pācittiyāpattikkhandhena siyā dukkaṭāpattikkhandhena channaṁ āpattisamuṭṭhānānaṁ ekena samuṭṭhānena samuṭṭhahanti: kāyato ca vācato ca cittato ca samuṭṭhahanti, catunnaṁ adhikaraṇānaṁ āpattādhikaraṇaṁ, sattanaṁ samathānaṁ tīhi samathehi sammanti: siyā sammukhāvinayena ca paṭiññātakaraṇena ca, siyā sammukhāvinayena ca tiṇavatthārakena ca.

2. ācāravipattipaccayā kati āpattiyo āpajjati: ācāravipattipaccayā ekaṁ āpattiṁ āpajjati: ācāravipattiṁ paṭicchādeti, āpatti dukkaṭassa ācāravipattipaccayā imaṁ ekaṁ āpattiṁ āpajjati.

sā āpatti catunnaṁ vipattīnaṁ kati vipattiyo bhajati: sattannaṁ āpattikkhandhānaṁ katīhi āpattikkhandhehi saṅgahītā: channaṁ āpattisamuṭṭhānānaṁ katīhi samuṭṭhānehi samuṭṭhahanti: catunnaṁ adhikaraṇānaṁ katamaṁ adhikaraṇaṁ: sattannaṁ samathānaṁ katīhi samathehi sammati:

[bjt page 338] [\x 338/]

sā āpatti catunnaṁ vipattīnaṁ ekaṁ vipattiṁ bhajati: ācāravipattiṁ sattannaṁ āpattikkhandhānaṁ ekena āpattikkhandhena saṅgahītā: dukkaṭāpattikkhandhena channaṁ āpattisamuṭṭhānānaṁ ekena samuṭṭhānena samuṭṭhāti: kāyato ca vācato ca cittato ca samuṭṭhāti. catunnaṁ adhikaraṇānaṁ āpattādhikaraṇaṁ, sattannaṁ samathānaṁ tīhi samathehi sammati: siyā sammukhāvinayena ca paṭiññātakaraṇena ca, siyā sammukhāvinayena ca tiṇavatthārakena ca.
3. diṭṭhivipattipaccayā kati āpattiyo āpajjati: diṭṭhivipattipaccayā dve āpattiyo āpajjati: pāpikāya diṭṭhiyā yāva tatiyaṁ samanubhāsanāya nappaṭinissajjati, ñattiyā dukkaṭaṁ kamamavācāparisosāne āpatti pācittiyassa diṭṭhivipattipaccayā imā dve āpattiyo āpajjati.

tā āpattiyo catunnaṁ vipattīnaṁ kati vipattiyo bhajanti: sattannaṁ āpattikkhandhānaṁ katīhi āpattikkhandhehi saṅgahītā: channaṁ āpattisamuṭṭhānānaṁ katīhi samuṭṭhānehi samuṭṭhahanti: catunnaṁ adhikaraṇānaṁ katamaṁ adhikaraṇaṁ: sattannaṁ samathānaṁ katīhi samathehi sammanti:

tā āpattiyo catunnaṁ vipattīnaṁ ekaṁ vipattiṁ bhajanti: ācāravipattiṁ sattannaṁ āpattikkhandhānaṁ dvīhi āpattikkhandhehi saṅgahītā: [pts page 099] [\q  99/]      siyā pācittiyāpattikkhandhena siyā dukkaṭāpattikkhandhena channaṁ āpattisamuṭṭhānānaṁ ekena samuṭṭhānena samuṭṭhahanti: kāyato ca vācato ca cittato ca samuṭṭhahanti, catunnaṁ adhikaraṇānaṁ āpattādhikaraṇaṁ, sattannaṁ samathānaṁ tīhi samathehi sammanti: siyā sammukhāvinayena ca paṭiññātakaraṇena ca, siyā sammukhāvinayena ca tiṇavatthārakena ca.

4. ājīvavipattipaccayā kati āpattiyo āpajjati: ājīvavipattipaccayā cha āpattiyo āpajjati: ājīvahetu ājīvakāraṇā pāpiccho icchāpakato asantaṁ abhūtaṁ uttarimanussadhammaṁ ullapati,āpatti pārājikassa. ājīvahetu ājīvakāraṇā sañcarittaṁ samāpajjati, āpatti saṅghādisesassa ājīvahetu ājīvakāraṇā yo te vihāre vasati, so bhikkhu arahāti bhaṇati, paṭivijānantassa āpatti thullaccayassa. ājīvahetu ājīvakāraṇā bhikkhu paṇitabhojanāni attano atthāya viññāpetvā bhuñjati, āpatti pācittiyassa. ājīvahetu ājīvakāraṇā bhikkhunī paṇītabhojanāni attano atthāya viññāpetvā bhuñjati, āpatti pāṭidesanīyassa. ājīvahetu ājivakāraṇā sūpaṁ vā odanaṁ vā agilāno attano atthāya viññāpetvā bhuñjati āpatti dukkaṭassa ājīvavipattipaccayā imā cha āpattiyo āpajjati.

tā āpattiyo catunnaṁ vipattīnaṁ kati vipattiyo bhajanti: sattannaṁ āpattikkhandhānaṁ katīhi āpattikkhandhehi saṅgahītā: channaṁ āpattisamuṭṭhānānaṁ katīhi samuṭṭhānehi samuṭṭhahanti: catunnaṁ adhikaraṇānaṁ katamaṁ adhikaraṇaṁ: sattannaṁ samathānaṁ katīhi samathehi sammanti:

tā āpattiyo catunnaṁ vipattīnaṁ dve vipattiyo bhajanti: siyā sīlavipatti, siyā ācāravipattiṁ sattannaṁ āpattikkhandhānaṁ chahi āpattikkhandhehi saṅgahītā: siyā pārājikāpattikkhandhena siyā saṅghādisesāpattikkhandhena siyā thullaccayāpattikkhandhena.
[bjt page 340] [\x 340/]

siyā pācittiyāpattikkhandhena siyā pāṭidesanīyāpattikkhandhena siyā dukkaṭāpattikkhandhena channaṁ āpattisamuṭṭhānānaṁ chahi samuṭṭhānehi samuṭṭhahanti: siyā kāyato samuṭṭhahanti na vācato na cittato siyā vācato samuṭṭhahanti, na kāyato na cittato siyā kāyato ca vācato ca samuṭṭhahanti, na cittato. siyā kāyato ca cittato ca samuṭṭhahanti na vācato, siyā vācato ca cittato ca samuṭṭhahanti, na kāyato, siyā kāyato ca vācato ca citatto ca samuṭṭhahanti catunnaṁ adhikaraṇānaṁ āpattādhikaraṇaṁ, sattanaṁ samathānaṁ tīhi samathehi sammanti: siyā sammukhāvinayena ca paṭiññātakaraṇena ca, siyā sammukhāvinayena ca tiṇavatthārakena ca.

vipattipaccayavāro niṭṭhito catuttho

5. adhikaraṇa paccayavāro

1. vivādādhikaraṇapaccayā kati āpattiyo āpajjati: vivādādhikaraṇapaccayā dve āpattiyo āpajjati: upasampannaṁ omasati, āpatti pācittiyassa. anupasampannaṁ omasati, āpatti dukkaṭassa. vivādādhikaraṇapaccayā imā dve āpattiyo āpajjati.
tā āpattiyo catunnaṁ vipattīnaṁ kati vipattiyo bhajanti: sattannaṁ āpattikkhandhānaṁ katīhi āpattikkhandhehi saṅgahītā: channaṁ āpattisamuṭṭhānānaṁ katīhi samuṭṭhānehi samuṭṭhahanti: catunnaṁ adhikaraṇānaṁ katamaṁ adhikaraṇaṁ: sattannaṁ samathānaṁ katīhi samathehi sammanti:

tā āpattiyo catunnaṁ vipattīnaṁ ekaṁ vipattiṁ bhajanti: ācāra vipattiṁ, sattannaṁ āpattikkhandhānaṁ dvīhi āpattikkhandhehi saṅgahītā: siyā pācittiyāpattikkhandhena. siyā dukkaṭāpattikkhandhena channaṁ āpattisamuṭṭhānānaṁ tīhi samuṭṭhānehi samuṭṭhanti: siyā kāyato ca cittato ca samuṭṭhahanti na vācato. siyā vācato ca cittato ca samuṭṭhahanti, na [pts page 100] [\q 100/]      kāyato. siyā kāyato ca vācato ca cittato ca samuṭṭhahanti. catunnaṁ adhikaraṇānaṁ āpattādhikaraṇaṁ, sattannaṁ samathānaṁ tīhi samathehi sammanti: siyā sammukhāvinayena ca paṭiññātakaraṇena ca, siyā sammukhāvinayena ca tiṇavatthārakena ca.

2. anuvādādhikaraṇapaccayā kati āpattiyo āpajjati: anuvādādhikaraṇapaccayā tisso āpattiyo āpajjati: bhikkhuṁ amūlakena pārājikena dhammena anuddhaṁseti āpatti saṅghādisesassa amūlakena saṅghādisesena anuddhaṁseti āpatti pācittiyassa. amūlakāya ācāravipattiyā anuddhaṁseti āpatti dukkaṭassa. anuvādādhikaraṇapaccayā imā tisso āpattiyo āpajjati.

[bjt page 342] [\x 342/]

tā āpattiyo catunnaṁ vipattīnaṁ kati vipattiyo bhajanti: sattannaṁ āpattikkhandhānaṁ katīhi āpattikkhandhehi saṅgahītā: channaṁ āpattisamuṭṭhānānaṁ katīhi samuṭṭhānehi samuṭṭhahanti: catunnaṁ adhikaraṇānaṁ katamaṁ adhikaraṇaṁ: sattannaṁ samathānaṁ katīhi samathehi sammanti:

tā āpattiyo catunnaṁ vipattīnaṁ dve vipattiyo bhajanti: siyā sīlavipattiṁ siyā ācāravipattiṁ, sattannaṁ āpattikkhandhānaṁ tīhi āpattikkhandhehi saṅgahītā: siyā saṅghādisesāpattikkhandhena siyā pācittiyāpattikkhandhena. siyā dukkaṭāpattikkhandhena channaṁ āpattisamuṭṭhānānaṁ tīhi samuṭṭhānehi samuṭṭhahanti: siyā kāyato ca cittato ca samuṭṭhahanti na vācato. siyā vācato ca cittato ca samuṭṭhahanti, na kāyato. siyā kāyato ca vācato ca cittato ca samuṭṭhahanti. catunnaṁ adhikaraṇānaṁ āpattādhikaraṇaṁ, sattannaṁ samathānaṁ tīhi samathehi sammanti: siyā sammukhāvinayena ca paṭiññātakaraṇena ca, siyā sammukhāvinayena ca tiṇavatthārakena ca.

3. āpattādhikaraṇapaccayā kati āpattiyo āpajjati: āpattādhikaraṇapaccayā catasso āpattiyo āpajjati: bhikkhunī jānaṁ pārājikaṁ dhammaṁ paṭicchādeti, āpatti pārājikassa. vematikā paṭicchādeti. āpatti thullaccayassa. bhikkhu saṅghādisesaṁ paṭicchādeti āpattipācittiyassa ācāravipattiṁ paṭicchādeti āpatti dukkaṭassa āpattādhikaraṇapaccayā imā catasso āpattiyo āpajjati.

tā āpattiyo catunnaṁ vipattīnaṁ kati vipattiyo bhajanti: sattannaṁ āpattikkhandhānaṁ katīhi āpattikkhandhehi saṅgahītā: channaṁ āpattisamuṭṭhānānaṁ katīhi samuṭṭhānehi samuṭṭhahanti: catunnaṁ adhikaraṇānaṁ katamaṁ adhikaraṇaṁ: sattannaṁ samathānaṁ katīhi samathehi sammanti:

tā āpattiyo catunnaṁ vipattīnaṁ dve vipattiyo bhajanti: siyā sīlavipattiṁ siyā ācāravipattiṁ, sattannaṁ āpattikkhandhānaṁ catūhi āpattikkhandhehi saṅgahītā: siyā pārājikāpattikkhandhena siyā thullaccayāpattikkhandhena. siyā pācittiyāpattikkhandhena. siyā dukkaṭāpattikkhandhena. channaṁ āpattisamuṭṭhānānaṁ ekena samuṭṭhānena samuṭṭhahanti: kāyato ca vācato ca cittato ca samuṭṭhahanti. catunnaṁ adhikaraṇānaṁ āpattādhikaraṇaṁ, sattannaṁ samathānaṁ tihi samathehi sammanti: siyā sammukhāvinayena ca paṭiññātakaraṇena ca, siyā sammukhāvinayena ca tiṇavatthārakena ca.

4. kiccādhikaraṇapaccayā kati āpattiyo āpajjati: kiccādhikaraṇapaccayā pañca āpattiyo āpajjati: ukkhittānuvattikā bhikkhunī yāvatatiyaṁ samanubhāsanāya nappaṭinissajjati, ñattiyā dukkaṭaṁ. dvīhi kammavācāhi thullaccayā, kammavācāpariyosāne āpatti pārājikassa. bhedakānuvattakā bhikkhū yāvatatiyaṁ samanubhāsanāya nappaṭinissajjanti. āpatti saṅghādisesassa. pāpikāya diṭṭhiyā yāvatatiyaṁ samanubhāsanāya nappaṭinissajati, āpatti pācittiyassa. kiccādhikaraṇapaccayā imā pañca āpattiyo āpajjati.

[bjt page 344] [\x 344/]
[pts page 101] [\q 101/]

tā āpattiyo catunnaṁ vipattīnaṁ kati vipattiyo bhajanti: sattannaṁ āpatatikkhandhānaṁ katīhi āpattikkhandhehi saṅgahītā: channaṁ āpattisamuṭṭhānānaṁ katīhi samuṭṭhānehi samuṭṭhahanti: catunnaṁ adhikaraṇānaṁ katamaṁ adhikaraṇaṁ: sattannaṁ samathānaṁ katīhi samathehi sammanti:

tā āpattiyo catunnaṁ vipattīnaṁ dve vipattiyo bhajanti: siyā sīlavipattiṁ siyā ācāravipattiṁ, sattannaṁ āpattikkhandhānaṁ pañcahi āpattikkhandhehi saṅgahītā: siyā pārājikāpattikkhandhena. siyā saṅghādisesāpattikkhandhena. siyā thullaccayāpattikkhandhena, siyā pācittiyāpattikkhandhena. siyā dukkaṭāpattikkhandhena. channaṁ āpattisamuṭṭhānānaṁ ekena samuṭṭhānena samuṭṭhahanti: kāyato ca vācato ca cittato ca samuṭṭhahanti. catunnaṁ adhikaraṇānaṁ āpattādhikaraṇaṁ, sattannaṁ samathānaṁ tīhisamathehi sammanti: siyā sammukhāvinayena ca paṭiññātakaraṇena ca, siyā sammukhāvinayena ca tiṇavatthārakena ca.

ṭhapetvā satta āpattiyo sattāpattikkhandhe avasesā āpattiyo catunnaṁ vipattīnaṁ kati vipattiyo bhajanti, sattannaṁ āpattikkhandhānaṁ katīhi āpattikkhandhehi saṅgahītā, channaṁ āpattisamuṭṭhānānaṁ katīhi samuṭṭhānehi samuṭṭhahanti, catunnaṁ adhikaraṇānaṁ katamaṁ adhikaraṇaṁ, sattannaṁ samathānaṁ katīhi samathehi sammanti.

ṭhapetvā satta āpattiyo sattāpattikkhandhe avasesā āpattiyo catunnaṁ vipattīnaṁ na katamaṁ vipattiṁ bhajanti, sattannaṁ āpattikkhandhānaṁ na katamena āpattikkhandhena saṅgahītā, channaṁ āpattisamuṭṭhānānaṁ na katamena samuṭṭhānena samuṭṭhahanti, catunnaṁ adhikaraṇānaṁ na katamaṁ adhikaraṇaṁ, sattannaṁ samathānaṁ na katamena samathena sammanti. taṁ tissa hetu: ṭhapetvā sattāpattikkhandhe natthaññāpattiyoti.

adhikaraṇapaccayavāro niṭṭhito pañcamo.

antarapeyyālo 1- niṭṭhito

tassuddānaṁ:
kati pucchā samuṭṭhānā - katāpatti tatheva ca,
samuṭṭhānā vipattī ca - tathādhikaraṇena cāti.

1. antarapeyyālaṁ - sīmu.

[bjt page 346] [\x 346/]

samathabhedo
6. pariyāyavāro

1. vivādādhikaraṇassa kiṁ pubbaṅgamaṁ, kati ṭhānāni, kati vatthūni, kati bhumiyo, kati hetu, kati mūlāni, katīhākārehi vivadati, vivādādhikaraṇaṁ katīhi samathehi sammati.

2. anuvādādhikaraṇassa kiṁ pubbaṅgamaṁ, kati ṭhānāni, kati vatthūni, kati bhumiyo, kati hetu, kati mūlāni, katīhākārehi anuvadati, anuvādādhikaraṇaṁ katīhi samathehi sammati.
3. āpattādhikaraṇassa kiṁ pubbaṅgamaṁ, kati ṭhānāni, kati vatthūni, kati bhumiyo, kati hetu, kati mūlāni, katīhākārehi āpattiṁ āpajjati, āpattādhikaraṇaṁ katīhi samathehi sammati.

4. kiccādhikaraṇassa kiṁ pubbaṅgamaṁ, kati ṭhānāni, kati vatthūni, kati bhumiyo, kati hetu, kati mūlāni, katīhākārehi kiccaṁ jāniyā, kiccādhikaraṇaṁ katīhi samathehi sammati.
[pts page 102] [\q 102/]
1. vivādādhikaraṇassa kiṁ pubbaṅgamanti: lobho pubbaṅgamo, doso pubbaṅgamo, moho pubbaṅgamo alobho pubbaṅgamo, adoso pubbaṅgamo. amoho pubbaṅgamo. kati ṭhānānīti: aṭṭhārasa bhedakaravatthūni ṭhānāni. kati vatthūnīti: aṭṭhārasa bhedakara vatthūni vatthūni. kati bhumiyoti: aṭṭhārasa bhedakaravatthūni bhumiyo. kati hetūti: nava hetu: tayo kusalahetu, tayo akusalahetu, tayo abyākatahetu. kati mulānīti: dvādasa mūlānī. katihākārehi vivadatīti: dvihākārehi vivadati: dhammadiṭṭhi vā, adhammadiṭṭhi vā. vivādādhikaraṇaṁ katīhi samathehi sammatīti; vivādādhikaraṇaṁ dvīhi samathehi sammati: sammukhāvinayena ca yebhuyyasikāya ca

2. anuvādādhikaraṇassa kiṁ pubbaṅgamanti: lobho pubbaṅgamo, doso pubbaṅgamo, moho pubbaṅgamo alobho pubbaṅgamo, adoso pubbaṅgamo. amoho pubbaṅgamo. kati ṭhānānīti: catasso vipattiyo ṭhānāni, kati vatthunīti: catasso vipattiya vatthūni. kati bhumiyoti: catasso vipattiyo bhumiyo, kati hetūti: nava hetu: tayo kusalahetu, tayo akusalahetu, tayo abyākatahetu. kati mulānīti: cuddasa mūlāni. katīhākārehi anuvadatīti: dvihākārehi anuvadati: vatthuto vā āpattito vā anuvādādhikaraṇaṁ katīhi samathehi sammatīti; anuvādādhikaraṇaṁ catūhi samathehi sammati: sammukhāvinayena ca sativinayena ca amūḷhavinayena ca tassapāpiyyasikāya ca

piṭavu 348

3. āpattādhikaraṇassa kiṁ pubbaṅgamanti: lobho pubbaṅgamo, doso pubbeṅgamo, moho pubbaṅgamo alobho pubbaṅgamo, adoso pubbaṅgamo. amoho pubbaṅgamo. kati ṭhānānīti: sattapāttikkhandhā ṭhānāni. kati vatthūnīti: sattāpattikkhandhā vatthūni: kati bhumiyoti: sattāpattikkhandhā bhumiyo, kati hetuti: nava hetu: 1- tayo kusalahetu, tayo akusalahetu, tayo abyākatahetu. kati mulānīti: cha āpattisamuṭṭhānāni mūlāni. katīhākārehi āpattiṁ āpajjati: chahākārehi āpattiṁ āpajajati: alajjitā, aññāṇatā, kukkuccāpakatatā, akappiye kappiyasaññitā, kappiye akappiyasaññitā, sati sammosā āpattādhikaraṇaṁ katīhi samathehi sammatīti: āpattidhiraṇaṁ tīhi samathehi sammati: sammukhāvinayena ca paṭiññātakaraṇena ca sammukhāvinayena ca tiṇavatthārakena ca.

4. kiccādhikaraṇassa kiṁ pubbaṅgamanti: lobho pubbaṅgamo, doso pubbeṅgamo, moho pubbaṅgamo alobho pubbaṅgamo, adoso pubbaṅgamo. amoho pubbaṅgamo. kati ṭhānānīti: cattāri kammāni ṭhānāni. kati vatthūnīti: cattāri kammāni vatthūni. kati bhumiyoti: cattāri kammāni bhumiyo, kati hetūti: nava hetu: tayo kusalahetu, tayo akusalahetu, tayo abyākatahetu. kati mulānīti: ekaṁ mūlaṁ saṅgho. katīhākārehi kiccaṁ jāyatīti: dvihākārehi kiccaṁ jāyati: ñattito vā, apalokanato vā kiccādhikaraṇaṁ katīhi samathehi sammatīti: kiccādhikaraṇaṁ ekena samathena sammati: sammukhāvinayena.
[pts page 103] [\q 103/]

kati samathā: satta samathā: sammukhāvinayo, sativinayo, amūḷhavinayo, paṭiññātakaraṇaṁ, yebhuyyasikā, tassapāpiyyasikā, tiṇavatthārako.

ime satta samathā. siyā ime satta samathā dasa samathā honti. dasa samathā satta samathā honti. vatthuvasena pariyāyena siyāti.

kathañca siyā: vivādādhikaraṇassa dve samathā. anuvādādhikaraṇassa cattāro samathā, āpattādhikaraṇassa tayo samathā, kiccādhikaraṇassa eko samatho. evaṁ ime satta samathā dasasamathā honti. dasa samathā satta samathā honti vatthuvasena pariyāyena.

pariyāyavāro niṭṭhito chaṭṭho

1. tatihetuti chahetu - machasaṁ

[bjt page 350] [\x 35/]

7. sādhāraṇavāro

kati samathā vivādādhikaraṇassa sādhāraṇā, kati samathā vivādādhikaraṇassa asādhāraṇā kati samathā anuvādādhikaraṇassa sādhāraṇā, kati samathā anuvādādhikaraṇassa asādhāraṇā. kati samathā apatattādhikaraṇassa sādhāraṇā, kati samathā āpattādhikaraṇassa asādhāraṇā. kati samathā kiccādhikaraṇassa sādhāraṇā, kati samathā kiccādhikaraṇassa asādhāraṇā.

1. dve samathā vivādādhikaraṇassa sādhāraṇā: sammukhāvinayo yebhuyyasikā. pañca samathā vivādādhikaraṇassa asādhāraṇā: sativinayo amūḷhavinayo, paṭiññātakaraṇaṁ, tassapāpiyyasikā, tiṇavatthārako

2. cattāro samathā anuvādādhikaraṇassa sādhāraṇā: sammukhāvinayo sativinayo, amūḷhavinayo, tassapāpiyyasikā tayo samathā anuvādādhikaraṇassa asādhāraṇā: yebhuyyasikā paṭiññātakaraṇaṁ, tiṇavatthārako

3. tayo samathā āpattādhikaraṇassa sādhāraṇā: sammukhāvinayo paṭiññātakaraṇaṁ tiṇavatthārako cattāro samathā āpattādhikaraṇassa asādhāraṇā, yebhuyyasikā sativinayo, amūḷhavinayo, tassa pāpiyyasikā

4. eko samathā kiccādhikaraṇassa sādhāraṇā: sammukhāvinayo cha samathā kiccādhikaraṇassa asādhāraṇā, yebhuyyasikā sativinayo, amūḷhavinayo, paṭiññātakaraṇaṁ, tassapāpiyyasikā, tiṇavatthārako.
sādhāraṇavāro niṭṭhito sattamo

8. tabbhāgiyavāro

kati samathā vivādādhikaraṇassa tabbhāgiyā, kati samathā vivādādhīkaraṇassa aññabhāgiyā. kati samathā anuvādādhikaraṇassa tabbhāgiyā, kati samathā anuvādādhikaraṇassa aññabhāgiyā. kati samathā āpattādhikaraṇassa tabbhāgiyā, kati samathā āpattādhikaraṇassa aññabhāgiyā. kati samathā kiccādhikaraṇassa tabbhāgiyā, kati samathā kiccādhikaraṇassa aññabhāgiyā.
[pts page 104] [\q 104/]

1. dve samathā vivādādhikaraṇassa tabbhāgiyā: sammukhāvinayo yebhuyyasikā. pañca samathā vivādādhikaraṇassa aññabhāgiyā: sativinayo amūḷhavinayo, paṭiññātakaraṇaṁ, tassapāpiyyasikā, tiṇavatthārako

2. cattāro samathā anuvādādhikaraṇassa tabbhāgiyā: sammukhāvinayo sativinayo, amūḷhavinayo, tassapāpiyyasikā tayo samathā anuvādādhikaraṇassa aññabhāgiyā: yebhuyyasikā paṭiññātakaraṇaṁ, tiṇavatthārako

[bjt page 352] [\x 352/]

3. tayo samathā āpattādhikaraṇassa tabbhāgiyā: sammukhāvinayo paṭiññātakaraṇaṁ tiṇavatthārako cattāro samathā āpattādhikaraṇassa aññabhāgiyā: yebhuyyasikā sativinayo, amūḷhavinayo, tassa pāpiyyasikā

4. eko samatho kiccādhikaraṇassa tabbhāgiyā: sammukhāvinayo cha samathā kiccādhikaraṇassa aññabhāgiyā: yebhuyyasikā sativinayo, amūḷhavinayo, paṭiññātakaraṇaṁ, tassapāpiyyasikā, tiṇavatthārako

tabbhāgiyavāro niṭṭhito aṭṭhamo

9. samathā samathassa sādhāraṇavāro

samathā samathassa sādhāraṇā, samathā samathassa asādhāraṇa, siyā samathā samathassa sādhāraṇā, siyā samathā samathassa asādhāraṇā.

kathaṁ siyā samathā samathassa sādhāraṇā, kathaṁ siyā samathā samathassa āsādhāraṇā:

1. yebhuyyasikā sammukhāvinayassa sādhāraṇā, sativinayassa amūḷhavinayassa paṭiññātakaraṇassa tassapāpiyyasikāya tiṇavatthārakassa asādhāraṇā.

2. sativinayo sammukhāvinayassa sādhāraṇo, amūḷhavinayassa paṭiññātakaraṇassa tassapāpiyyasikāya tiṇavatthārakassa yebhuyyasikāya asādhāraṇo.

3. amūḷhavinayo sammukhāvinayassa sādhāraṇo, paṭiññātakaraṇassa tassapāpiyyasikāya tiṇavatthārakassa yebhuyyasikāya sativinayassa asādhāraṇo.

4. paṭiññātakaraṇaṁ sammukhāvinayassa sādhāraṇaṁ tassapāpiyyasikāya tiṇavatthārakassa yebhuyyasikāya sativinayassa amūḷhavinayassa asādhāraṇaṁ.

5. tassapāpiyyasikāya sammukhāvinayassa sādhāraṇā, tiṇavatthārakassa yebhuyyasikāya sativinayassa amūḷhavinayassa paṭiññātakaraṇassa asādhāraṇā.

6. tiṇavatthārako sammukhāvinayassa sādhāraṇo, yebhuyyasikāya sativinayassa amūḷhavinayassa paṭiññātakaraṇassa tassapāpiyyasikāya asādhāraṇo; evaṁ siyā samathā samathassa sādhāraṇā evaṁ siyā samathā samathassa asādhāraṇā.

samathā samathassa sādhāraṇavāro niṭṭhito navamo.

[bjt page 354] [\x 354/]

10. samathā samathassa tabbhāgiyavāro

samathā samathassa tabbhāgiyā, samathā samathassa aññabhāgiyā siyā samathā samathassa tabbhāgiyā, siyā samathā samathassa aññabhāgiyā.

kathaṁ siyā samathā samathassa tabbhāgiyā, kathaṁ siyā samathā samathassa aññabhāgiyā:

1. yebhuyyasikā sammukhāvinayassa tabbhāgiyā, sativinayassa amūḷhavinayassa paṭiññātakaraṇassa tassapāpiyyasikāya tiṇavatthārakassa aññabhāgiyā.

2. sativinayo sammukhāvinayassa tabbhāgiyo, amūḷhavinayassa paṭiññātakaraṇassa tassapāpiyyasikāya tiṇavatthārakassa yebhuyyasikāya aññabhāgiyo.

3. amūḷhavinayo sammukhāvinayassa tabbāgiyo, paṭiññātakaraṇassa tassapāpiyyasikāya tiṇavatthārakassa yebhuyyasikāya sativinayassa aññabhāgiyo.

4. paṭiññātakaraṇaṁ sammukhāvinayassa tabbāgiyaṁ tassapāpiyyasikāya tiṇavatthārakassa yebhuyyasikāya sativinayassa amūḷhavinayassa aññabhāgiyaṁ.

5. tassapāpiyyasikāya sammukhāvinayassa tabbābhāgiyā, tiṇavatthārakassa yebhuyyasikāya sativinayassa amūḷhavinayassa paṭiññātakaraṇassa tassapāpiyyasikāya aññabhāgiyā.

6. tiṇavatthārako sammukhāvinayassa tabbhāgiyo, yebhuyyasikāya sativinayassa amūḷhavinayassa paṭiññātakaraṇassa tassapāpiyyasikāya aññabhāgiyo; evaṁ siyā samathā samathassa tabbhāgiyā. evaṁ siyā samathā samathassa aññabhāgiyā.

samathā samathassa tabbhāgiyavāro niṭṭhito dasamo.

11. samathāsammukhāvinayavāro

samathā sammukhāvinayo. sammukhāvinayo samatho. samatho yebhuyyasikā, yebhuyyasikā samatho. samatho [pts page 105] [\q 105/]      sativinayo. sativinayo samatho. samatho amūḷhavinayo. amūḷhavinayo samatho. samatho paṭiññātakaraṇaṁ. paṭiññātakaraṇaṁ samatho. samatho tassapāpiyyasikā, tassapāpiyyasikā samatho. samatho tiṇavatthārako, tiṇavatthārako samatho.
1. yebhuyyasikā sativinayo amūḷhavinayo paṭiññātakaraṇaṁ tassapāpiyyasikā tiṇavatthārako ime samathā samathā. no sammukhā vinayo. sammukhāvinayo samatho ceva sammukhāvinayo ca.

2. sativinayo amūḷhavinayo paṭiññātakaraṇaṁ tassapāpiyyasikā tiṇavatthārako sammukhāvinayo ime samathā samathā, no yebhuyyasikā. yebhuyyasikā samatho ceva yebhuyyasikā ca.

[bjt page 356] [\x 356/]

3. amūḷhavinayo paṭiññātakaraṇaṁ tassapāpiyyasikā tiṇavatthārako sammukhāvinayo yebhuyyasikā ime samathā samathā, no sativinayo. sativinayo samatho ceva sativinayo ca.
4. paṭiññātakaraṇaṁ tassapāpiyyasikā tiṇavatthārako sammukhāvinayo yebhuyyasikā sativinayo ime samathā samathā. no amūḷhavinayo. amūḷhavinayo samatho ceva amūḷha vinayo ca.
.
5. tassapāpiyyasikā tiṇavatthārako sammukhāvinayo yebhuyyasikā sativinayo amūḷhavinayo ime samathā samathā, no paṭiññātakaraṇaṁ. paṭiññātakaraṇaṁ samatho ceva paṭiññātakaraṇañca.
.
6. tiṇavatthārako sammukhāvinayo yebhuyyasikā sativinayo amūḷhavinayo paṭiññātakaraṇaṁ ime samathā samathā, no tassāpiyyasikā. tassapāpiyyasikā samatho ceva tassapāpiyyasikā ca.

7. sammukhāvinayo yebhuyyasikā sativinayo amūḷhavinayo paṭiññātakaraṇaṁ tassapāpiyyasikā ime samathā samathā, no tiṇavatthārako. tiṇavatthārako samatho ceva tiṇavatthārako ca.
.
samathasammukhāvinayavāro niṭṭhito ekādasamo

12. vinayavāro

vinayo sammukhāvinayo. sammukhāvinayo vinayo. vinayo yebhuyyasikā. yebhuyyasikā vinayo. vinayo sativinayo, sativinayo vinayo. vinayo amūḷhavinayo, amūḷhavinayo vinayo. vinayo paṭiññātakaraṇaṁ. paṭiññātakaraṇaṁ vinayo. vinayo tassapāpiyyasikā. tassapāpiyyasikā vinayo. vinayo tiṇavatthārako. tiṇavatthārako vinayo.

1. vinayo siyā sammukhāvinayo. siyā na sammukhāvinayo. sammukhāvinayo vinayo ceva sammukhāvinayo ca.

2. vinayo siyā yebhuyyasikā. siyā na yebhuyyasikā. yebhuyyasikā vinayo ceva yebhuyyasikā ca.

3. vinayo siyā sativinayo. siyā na sativinayo sativinayo vinayo ceva sativinayo ca.
4. vinayo siyā amūḷhavinayo. siyā na amūḷhavinayo. amūḷhavinayo vinayo ceva amūḷhavinayo ca.

5. vinayo siyā paṭiññātakaraṇaṁ siyā na paṭiññātakaraṇaṁ paṭiññātakaraṇaṁ vinayo ceva paṭiññātakaraṇañca.

[bjt page 358] [\x 358/]

6. vinayo siyā tassapāpiyyasikā siyā na tassapāpiyyasikā. tassapāpiyyasikā vinayo ceva tassapāpiyyasikā ca.

7. vinayo siyā tiṇavatthārako. siyā na tiṇavatthārako. tiṇavatthārako vinayo ceva tiṇavatthārako ca.

vinayavāro niṭṭhito dvāsadamo

13. kusalavāro

sammukhāvinayo kusalo akusalo abyākato. yebhuyyasikā kusalā akusalā abyākatā. sativinayo kusalo akusalo abyākato. amūḷhavinayo kusalo akusalo abyākato, paṭiññātakaraṇaṁ kusalaṁ akusalaṁ abyākataṁ, tassapāpiyyāsikā kusalā akusalā abyākatā. tiṇavatthārako kusalo akusalo abyākato.

1. sammukhāvinayo siyā kusalo siyā abyākato. natthi sammukhā vinayo akusalo.
2. yebhuyyasikā siyā kusalā. siyā akusalā. siyā abyākatā.
.
3. sativinayo siyā kusalo. siyā akusalo. siyā abyākato.

4. amūḷhavinayo siyā kusalo. siyā akusalo. siyā abyākato.

5. paṭiññātakaraṇaṁ siyā kusalaṁ. siyā akusalaṁ. siyā abyākataṁ.

6. tassapāpiyyasikā siyā kusalā. siyā akusalā. siyā abyākatā.

7. tiṇavatthārako siyā kusalo. siyā akusalo. siyā abyākato.
[pts page 106] [\q 106/]

vivādādhikaraṇaṁ kusalaṁ akusalaṁ abyākataṁ. anuvādādhikaraṇaṁ kusalaṁ akusalaṁ abyākataṁ. āpattādhikaraṇaṁ kusalaṁ akusalaṁ abyākataṁ. kiccādhikaraṇaṁ kusalaṁ akusalaṁ abyākataṁ:
1. vivādādhikaraṇaṁ siyā kusalaṁ. siyā akusalaṁ. siyā abyākataṁ.

2. anuvādādhikaraṇaṁ siyā kusalaṁ. siyā akusalaṁ. siyā abyākataṁ.

3. āpattādhikaraṇaṁ siyā akusalaṁ. siyā siyā abyākataṁ. natthi āpattādhikaraṇaṁ kusalaṁ.
4. kiccādhikaraṇaṁ siyā kusalaṁ. siyā akusalaṁ. siyā abyākataṁ.

kusalavāro niṭṭhito terasamo.

[bjt page 360] [\x 360/]

14. yatthavāro

1. yattha yebhuyyasikā labbhati, tattha sammukhāvinayo labbhati. yattha sammukhāvinayo labbhati, tattha yebhuyyasiyā labbhati. na tattha sativinayo labbhati. na tattha amūḷhavinayo labbhati. na tattha paṭiññātakaraṇaṁ labbhati. na ttatha tassapāpiyyasikā labbhati. na tattha tiṇavatthārako labbhati.

2. yattha sativinayo labbhati, tattha sammukhāvinayo labbhati. yattha sammukhāvinayo labbhati, tattha yebhuyyasiyā labbhati. na tattha amūḷhavinayo labbhati. na tattha paṭiññātakaraṇaṁ labbhati. na tattha tassapāpiyyasikā labbhati. na tattha tiṇavatthārako labbhati. na tattha yebhuyyasikā labbhati.

3. yattha amūḷhavinayo labbhati, tattha sammukhāvinayo labbhati. yattha sammukhāvinayo labbhati, tattha amūḷhavinayo labbhati. na tattha paṭiññātakaraṇaṁ labbhati. na tattha tassapāpiyyasikā labbhati. na tattha tiṇavatthārako labbhati. na tattha yebhuyyasikā labbhati. na tattha sativinayo labbhati.

4. yattha paṭiññātakaraṇaṁ labbhati, tattha sammukhāvinayo labbhati. yattha sammukhāvinayo labbhati, tattha paṭiññātakaraṇaṁ labbhati. na tattha tassapāpiyyasikā labbhati. na tattha tiṇavatthārako labbhati. na tattha yebhuyyasikā labbhati. na tattha sativinayo labbhati. na tattha amūḷhavinayo labbhati.

5. yattha tassapāpiyyasikā labbhati, tattha sammukhāvinayo labbhati. yattha sammukhāvinayo labbhati, tattha tassapāpiyyasikā labbhati. na tattha tiṇavatthārako labbhati. na tattha yebhuyyasikā labbhati. na tattha sativinayo labbhati. na ttatha amūḷhavinayo labbhati. na tattha paṭiññātakaraṇaṁ labbhati.

6. yattha tassapāpiyyasikā labbhati, tattha sammukhāvinayo labbhati. yattha sammukhāvinayo labbhati, tattha tiṇavatthārako labbhati. na tattha yebhuyasikā labbhati. na tattha
sativinayo labbhati. na tattha amulhavinayo labbhati. na ttatha paṭiññātakaraṇaṁ labbhati. na tattha tassapāpiyyasikā labbhati.

7. yattha yebhuyyasikā tattha sammukhāvinayo. yattha sammukhāvinayo tattha yebhuyyasikā. na tattha sativinayo. na tattha amūḷhavinayo. na tattha paṭiññātakaraṇaṁ. na tattha tassapāpiyyasikā. na tattha tiṇavatthārako.

8. yattha sativinayo, tattha sammukhāvinayo yattha sammukhāvinayo tattha sativinayo na ttatha amūḷhavinayo na ttatha paṭiññātakaraṇaṁ. na tattha tassapāpiyyasikā. na tattha tiṇavatthārako. na tattha yebhuyyasikā ( sammukhāvinayaṁ kātunamūlaṁ - pe - )

[bjt page 362] [\x 362/]

9. yattha tiṇavatthārako, tattha sammukhāvinayo yattha sammukhāvinayo tattha tiṇavatthārako na ttatha yebhuyyasikā na tattha sativinayo na tattha amūḷhavinayo na tattha paṭiññātakaraṇaṁ na tattha tassapāpiyyasikā

cakkapeyyālaṁ
yatthavāro niṭṭhito cuddasamo.

15. samathavāro

1. yasmiṁ samaye sammukhā vinayena ca yebhuyyasikāya ca adhikaraṇaṁ vūpasammati, yattha yebhuyyasikā labbhati. tattha sammukhāvinayo labbhati, yattha sammukhāvinayo labbhati, tattha yebhuyyasikā labbhati. na tattha sativinayo labbhati. na tattha amūḷhavinayo labbhati. na tattha paṭiññātakaraṇaṁ labbhati. na tattha tassapāpiyyasikā labbhati. na tattha tiṇavatthārako labbhati.
[pts page 107] [\q 107/]

2. yasmiṁ samaye sammukhāvinayena ca sativinayena ca adhikaraṇaṁ vūpasammati, yattha sativinayo labbhati. tattha sammukhāvinayo labbhati, yattha sammukhāvinayo labbhati, tattha sativinayo labbhati. na tattha amūḷhavinayo labbhati. na tattha paṭiññātakaraṇaṁ labbhati. na tattha tassapāpiyyasikā labbhati. na tattha tiṇavatthārako labbhati. na tattha yebhuyyasikā labbhati.

3. yasmiṁ samaye sammukhāvinayena ca amūḷhavinayena ca adhikaraṇaṁ vūpasammati, yattha amūḷhavinayo labbhati. tattha sammukhāvinayo labbhati, yattha sammukhāvinayo labbhati, tattha amūḷhavinayo labbhati. na tattha paṭiññātakaraṇaṁ labbhati, na tattha tassapāpiyyasikā labbhati. na tattha tiṇavatthārako labbhati. na tattha yebhuyyasikā labbhati. na tattha sativinayo labbhati.

4. yasmiṁ samaye sammukhāvinayena ca paṭiññātakaraṇena ca adhikaraṇaṁ vūpasammati, yattha paṭiññātakaraṇaṁ labbhati. tattha sammukhāvinayo labbhati, yattha sammukhāvinayo labbhati, tattha paṭiññātakaraṇaṁ labbhati. na tattha tassapāpiyyasikā labbhati. na tattha tiṇavatthārako labbhati. na tattha yebhuyyasikā labbhati. na tattha sativinayo labbhati. na tattha amūḷhavinayo labbhati.
5. yasmiṁ samaye sammukhāvinayena ca tassapāpiyyasikāya ca adhikaraṇaṁ vupasammati, yattha tassapāpiyyasikā labbhati. tattha sammukhāvinayo labbhati, yattha sammukhāvinayo labbhati, tattha tassapāpiyyasikā labbhati. na tattha tiṇavatthārako labbhati. na tattha yebhuyyasikā labbhati. na tattha sativinayo labbhati. na tattha amūḷhavinayo labbhati. na tattha paṭiññātakaraṇaṁ labbhati.

[bjt page 364] [\x 364/]

6. yasmiṁ samaye sammukhāvinayona ca tiṇavatthārakena ca adhikaraṇaṁ vupasammati, yattha tiṇavatthārako labbhati. tattha sammukhāvinayo labbhati, yattha sammukhāvinayo labbhati, tattha tiṇavatthārako labbhati. na tattha yebhuyyasikā labbhati. na tattha sativinayo labbhati. na tattha amūḷhavinayo labbhati. na tattha paṭiññātakaraṇaṁ labbhati. na tattha tassapāpiyyasikā labbhati.

samathavāro niṭṭhito paṇṇarasamo.

16. saṁsaṭṭhavāro

adhikaraṇanti vā samathāti vā ime dhammā saṁsaṭṭhā udāhu visaṁsaṭṭhā, labbhā ca panimesaṁ dhammānaṁ vinibbhujitvā vinibbhujitvā nānākaraṇaṁ paññāpetunti:

adhikaraṇanti vā samathāti vā ime dhammā visaṁsaṭṭhā, no saṁsaṭṭhā. labbhā ca panimesaṁ dhammānaṁ vinibbhujitvā vinibbhujitvā nānākaraṇaṁ. paññāpetunti, so mā hevantissa vacanīyo. adhikaraṇanti vā samathāti vā ime dhammā saṁsaṭṭhā no visaṁsaṭṭhā na ca labbhā 1imesaṁ dhammānaṁ vinibbhujitvā nānākaraṇaṁ paññāpetuṁ. taṁ kissa hetu: nanu vuttaṁ bhagavatā "cattārimāni bhikkhave adhikaraṇāni, satta samathā. adhikaraṇā samathehi sammanti. samathā adhikaraṇehi sammantī"ti. evaṁ ime dhammā saṁsaṭṭhā no visaṁsaṭṭhā no ca labbhā imesaṁ dhammānaṁ vinibbhujitvā vinibbhujitvā nānākaraṇaṁ paññāpetunti.

saṁsaṭṭhavāro niṭṭhito soḷasamo.

17. sammativāro

vivādādhikaraṇaṁ katīhi samathehi sammati, anuvādādhikaraṇaṁ katīhi samathehi sammati, āpattādhikaraṇaṁ katīhi samathehi sammati, kiccādhīkaraṇaṁ katīhi samathehi sammati:

1. vivādādhikaraṇaṁ dvīhi samathehi sammati: sammukhāvinayena ca yebhuyyasikāya ca.

2. anuvādādhikaraṇaṁ catūhi samathehi sammati: sammukhāvinayena ca sativinayena ca amūḷhavinayena ca tassapāpiyyasikāya ca.

3. āpattādhikaraṇaṁ tīhi samathehi sammati: sammukhāvinayena ca paṭiññātakaraṇena ca tiṇavatthārakena ca.

4. kiccādhikaraṇaṁ ekena samathena sammati: sammukhāvinayena.

1. no ca labbhā - machasaṁ

[bjt page 366] [\x 366/]

1. vivādādhikaraṇañca anuvādādhikaraṇañca katīhi samathehi sammanti: vivādādhikaraṇañca anuvādādhikaraṇañca pañcahi samathehi sammanti: sammukhāvinayena ca yebhuyyasikāya ca sativinayena ca amūḷhavinayena ca tassapāpiyyasikāya ca.
[pts page 108] [\q 108/]

2. vivādādhikaraṇañca āpattādhikaraṇañca katīhi samathehi sammanti: vivādādhikaraṇañca āpattādhikaraṇañca catūhi samathehi sammanti: sammukhāvinayena ca yebhuyyasikāya ca paṭiññātakaraṇena ca tiṇavatthārakena ca.

3. vivādādhikaraṇañca kiccādhikaraṇañca katīhi samathehi sammanti: vivādādhikaraṇañca kiccādhikaraṇañca dvīhi samathehi sammanti: sammukhāvinayena ca yebhuyyasikāya ca
4. anuvādādhikaraṇañca āpattādhikaraṇañca katīhi samathehi sammanti: anuvādādhikaraṇañca āpattādhikaraṇañca chahi samathehi sammanti: sammukhāvinayena ca sativinayena ca amūḷhavinayena ca paṭiññātakaraṇena ca tassapāpiyyasikāya ca tiṇavatthārakena ca

5. anuvādādhikaraṇañca kiccādhikaraṇañca katīhi samathehi sammanti: anuvādādhikaraṇañca kiccādhikaraṇañca catūhi samathehi sammanti: sammukhāvinayena ca sativinayena ca amūḷhavinayena ca tassapāpiyyasikāya ca.

6. āpattādhikaraṇañca kiccādhikaraṇañca katīhi samathehi sammanti: āpattādhikaraṇañca kiccādhikaraṇañca tīhi samathehi sammanti: sammukhāvinayena ca paṭiññātakaraṇena ca tiṇavatthārakena ca.

7. vivādādhikaraṇañca anuvādādhikaraṇañca āpattādhikaraṇañca katīhi samathehi sammanti: vivādādhikaraṇañca anuvādādhikaraṇañca āpattādhikaraṇañca sattahi samathehi sammanti: sammukhāvinayena ca yebhuyyasikāya ca sativinayena ca amūḷhavinayena ca paṭiññātakaraṇena ca tassapāpiyyasikāya ca tiṇavatthārakena ca.

8. vivādādhikaraṇañca anuvādādhikaraṇañca kiccādhikaraṇañca katīhi samathehi sammanti: vivādādhikaraṇañca anuvādādhikaraṇañca kiccādhikaraṇañca pañcahi samathehi sammanti: sammukhāvinayena ca yebhuyyasikāya ca sativinayena ca amūḷhavinayena ca tassapāpiyyasikāya ca.

9. anuvādādhikaraṇañca āpattādhikaraṇañca kiccādhikaraṇañca katīhi samathehi sammanti: anuvādādhikaraṇañca āpattādhikaraṇañca kiccādhikaraṇañca chahi samathehi sammanti: sammukhāvinayena ca sativinayena ca amūḷhavinayena ca paṭiññātakaraṇena ca tassapāpiyyasikāya ca tiṇavatthārakena ca.

[bjt page 368] [\x 368/]

10. vivādādhikaraṇañca anuvādādhikaraṇañca āpattādhikaraṇañca kiccādhikaraṇañca katīhi samathehi sammanti: vivādādhikaraṇañca anuvādādhikaraṇañca āpattadhikaraṇañca kiccādhikaraṇañca sattahi samathehi sammanti: sammukhāvinayena ca yebhuyyasikhāya ca sativinayena ca amūḷhavinayena ca paṭiññātakaraṇena ca tassapāpiyyasikāya ca tiṇavatthārakena ca.

sammativāro 1- niṭṭhito sattarasamo.

18. sammati na sammativāro

vivādādhikaraṇaṁ katīhi samathehi sammati, katīhi samathehi na sammati, anuvādādhikaraṇaṁ katīhi samathehi sammati, katīhi samathehi na sammati, āpattādhikaraṇaṁ katīhi samathehi sammati, katīhi samathehi na sammati, kiccādhikaraṇaṁ katīhi samathehi sammati, katīhi samathehi na sammati,
1. vivādādhikaraṇaṁ dvīhi samathehi sammati: sammukhāvinayena ca yebhuyyasikhāya ca. pañcahi samathehi na sammati: sativinayena ca amūḷhavinayena ca paṭiññātakaraṇena ca tassapāpiyyasikāya ca tiṇavatthārakena ca.

2. anuvādādhikaraṇaṁ catūhi samathehi sammati: sammukhāvinayena ca sativinayena ca. amūḷhavinayena ca tassapāpiyyasikāya ca. tīhi samathehi na sammati: yebhuyyasikāya ca paṭiññātakaraṇena ca tiṇavatthārakena ca.

3. āpattādhikaraṇaṁ tīhi samathehi sammati: sammukhāvinayena ca paṭiññātakaraṇena ca tiṇavatthārakena ca, catūhi samathehi na sammati: yebhuyyasikāya ca sativinayena ca amūḷhavinayena ca tassapāpiyyasikāya ca.
[pts page 109] [\q 109/]

4. kiccādhikaraṇaṁ ekena samathehi sammati: sammukhāvinayena chahi samathehi na sammati: yebhuyyasikāya ca sativinayena ca amūḷhavinayena ca paṭiññātakaraṇena ca tassapāpiyyasikāya ca tiṇavatthārakena ca.

5. vivādādhikaraṇañca anuvādādhikarañca katīhi samathehi sammanti: katīhi samathehi na sammanti: vivādādhikaraṇañca anuvādādhikaraṇañca pañcahi samathehi sammanti: sammukhāvinayena ca yebhuyyasikāya ca sativinayena amūḷhavinayena ca tassapāpiyyasikāya ca dvīhi samathehi na sammanti: paṭiññātakaraṇena ca tiṇavatthārakena ca.

1. samantivāro - machasaṁ

[bjt page 370] [\x 370/]

6. vivādādhikaraṇañca āpattādhikaraṇañca katīhi samathehi sammanti: katīhi samathehi na sammanti: vivādādhikaraṇañca āpattādhikaraṇañca catūhi samathehi sammanti: sammukhāvinayena ca yebhuyyasikāya ca paṭiññātakaraṇena ca tiṇavatthārakena ca tīhi samathehi na sammanti: sativinayena ca amūḷhavinayena ca tassapāpiyyasikāya ca.

7. vivādādhikaraṇañca kiccādhikaraṇañca katīhi samathehi sammanti: katīhi samathehi na sammanti: vivādādhikaraṇañca kiccādhikaraṇañca dvīhi samathehi sammanti: sammukhāvinayena ca yebhuyyasikāya ca pañcahi samathehi na sammanti: sativinayena ca amūḷhavinayena ca paṭiññātakaraṇena ca tassapāpiyyasikāya ca tiṇavatthārakena ca.

8. anuvādādhikaraṇañca āpattādhikaraṇañca katīhi samathehi sammanti: katīhi samathehi na sammanti: anuvādādhikaraṇañca āpattādhikaraṇañca chahi samathehi sammanti: sammukhāvinayena ca sativinayena ca amūḷhavinayena ca paṭiññātakaraṇena ca tassapāpiyyasikāya ca tiṇavatthārakena ca. ekena samathena na sammanti yebhuyyasikāya.

9. anuvādādhikaraṇañca kiccādhikarañca katīhi samathehi sammanti: katīhi samathehi na sammanti: anuvādādhikaraṇañca kiccādhikaraṇañca catūhi samathehi sammanti: sammukhāvinayena ca sativinayena ca amūḷhavinayena ca tassapāpiyyasikāya ca tīhi samathehi na sammanti: yebhuyyasikāya ca paṭiññātakaraṇena ca tiṇavatthārakena ca.

10 āpattādhikaraṇañca kiccādhikaraṇañca katīhi samathehi sammanti: katīhi samathehi na sammanti: āpattādhikaraṇañca kiccādhikaraṇañca tīhi samathehi sammanti: sammukhāvinayena ca paṭiññātakaraṇena ca tiṇavatthārakena ca. catūhi samathehi na sammanti: yebhuyyasikāya ca sativinayena ca amūḷhavinayena ca tassapāpiyyasikāya ca

11. vivādādhikaraṇañca anuvādādhikaraṇañca āpattādhikaraṇañca katīhi samathehi sammanti: katīhi samathehi na sammanti: vivādādhikaraṇañca anuvādādhikaraṇañca āpattādhikaraṇañca sattahi samathehi sammanti: sammukhāvinayena ca yebhuyyasikāya ca sativinayena ca amūḷhavinayena ca paṭiññātakaraṇena ca tassapāpiyyasikāya ca tiṇavatthārakena ca.
12. vivādādhikaraṇañca anuvādādhikaraṇañca kiccādhikaraṇañca katīhi samathehi sammanti: katīhi samathehi na sammanti: vivādhikaraṇañca anuvādādhikaraṇañca kiccādhikaraṇañca pañcahi samathehi sammanti: sammukhāvinayena ca yebhuyyasikāya ca sativinayena ca amūḷhavinayena ca tassapāpiyyasikāya ca. dvīhi samathehi na sammanti: paṭiññātakaraṇena ca tiṇavatthārakena ca.
[bjt page 372] [\x 372/]

13. anuvādādhikaraṇañca āpattādhikaraṇañca kiccādhikaraṇañca katīhi samathehi sammanti: katīhi samathehi na sammanti: anuvādhikaraṇañca āpattādhikaraṇañca kiccādhikaraṇañca chahi samathehi sammanti: sammukhāvinayena ca sativinayena ca amūḷhavinayena ca paṭiññātakaraṇena ca tassapāpiyyasikāya ca tiṇavatthārakena ca ekena samathena na sammanti: yebhuyyasikāya.
14. vivādādhikaraṇañca anuvādādhikaraṇañca āpattādhikaraṇañca kiccādhikaraṇañca katīhi samathehi sammanti: katīhi samathehi na sammanti: vivādādhikaraṇañca anuvādādhikaraṇañca āpattādhikaraṇañca kiccādhikaraṇañca sattahi samathehi sammanti: sammukhāvinayena ca yebhuyyasikāya ca sativinayena ca amūḷhavinayena ca paṭiññātakaraṇena ca tassapāpiyyasikāya ca tiṇavatthārakena ca.

sammati na sammati vāro niṭṭhito aṭṭhārasamo.

19. samathādhikaraṇavāro

samathā samathehi sammanti, samathā adhikaraṇehi sammanti. adhikaraṇā samathehi sammanti adhikaraṇā adhikaraṇehi sammanti:
[pts page 110] [\q 110/]

siyā samathā samathehi sammanti. siyā samathā samathehi na sammanti. siyā samathā adhikaraṇehi sammanti. siyā samathā adhikaraṇehi na sammanti. siyā adhikaraṇā samathehi sammanti. siyā adhikaraṇā samathehi na sammanti. siyā adhikaraṇā adhikaraṇehi sammanti. siyā adhikaraṇā adhikaraṇehi na sammanti.

(1)
kathaṁ siyā samathā samathehi sammanti, kathaṁ siyā samathā samathehi na sammanti:

yebhuyyasikā sammukhāvinayena sammati. sativinayena na sammati. amūḷhavinayena na sammati. paṭiññātakaraṇena na sammati. tassapāpiyyasikāya na sammati.

sativinayo sammukhāvinayena sammati. amūḷhavinayena na sammati. paṭiññātakaraṇena na sammati. tassapāpiyyasikāya na sammati. tiṇavatthārakena na sammati. yebhuyyasikāya na sammati.
amūḷhavinayo sammukhāvinayena sammati. paṭiññātakaraṇena na sammati. tassapāpiyyasikāya na sammati. tiṇavatthārakena na sammati. yebhuyyasikāya na sammati. sativinayena na sammati.

paṭiññātakaraṇaṁ sammukhāvinayena sammati. tassapāpiyyasikāya na sammati. tiṇavatthārakena na sammati. yebhuyyasikāya na sammati. sativinayena na sammati. amūḷhavinayena na sammati.
[bjt page 374] [\x 374/]

tassapāpiyyasikā sammukhāvinayena sammati. tiṇavatthārakena na sammati. yebhuyyasikāya na sammati. sativinayena na sammati. amūḷhavinayena na sammati. paṭiññātakaraṇena na sammati.

tiṇavatthārako sammukhāvinayena sammati. yebhuyyasikāya na sammati. sativinayena na sammati. amūḷhavinayena na sammati. paṭiññātakaraṇena na sammati. tassapāpiyyasikāya na sammati.

evaṁ siyā samathā samathehi sammanti. evaṁ siyā samathā samathehi na sammanti.

(2)
kathaṁ siyā samathā adhikaraṇehi sammanti, kathaṁ siyā samathā adhikaraṇehi na sammanti:

sammukhāvinayo vivādādhikaraṇena na sammati. anuvādādhikaraṇena na sammati. āpattādhikaraṇena na sammati. kiccādhikaraṇena sammati.

yebhuyyasikā vivādādhikaraṇena na sammati. anuvādādhikaraṇena na sammati. āpattādhikaraṇena na sammati. kiccādhikaraṇena sammati.

sativinayo vivādādhikaraṇena na sammati. anuvādādhikaraṇena na sammati. āpattādhikaraṇena na sammati. kiccādhikaraṇena sammati.

amūḷhavinayo vivādādhikaraṇena na sammati. anuvādādhikaraṇena na sammati. āpattādhikaraṇena na sammati. kiccādhikaraṇena sammati.

paṭiññātakaraṇaṁ vivādādhikaraṇena na sammati. anuvādādhikaraṇena na sammati. āpattādhikaraṇena na sammati. kiccādhikaraṇena sammati.

tassapāpiyyasikā vivādādhikaraṇena na sammati. anuvādādhikaraṇena na sammati. āpattādhikaraṇena na sammati. kiccādhikaraṇena sammati.

tiṇavatthārako vivādādhikaraṇena na sammati. anuvādādhikaraṇena na sammati. āpattādhikaraṇena na sammati. kiccādhikaraṇena sammati.

evaṁ siyā samathā adhikaraṇehi sammanti. evaṁ siyā samathā adhikaraṇehi na sammanti.

(3)
kathaṁ siyā adhikaraṇā samathehi sammanti, kathaṁ siyā adhikaraṇā samathehi na sammanti.

vivādādhikaraṇaṁ sammukhāvinayena ca yebhuyyasikāya ca sammati. sativinayena ca amūḷhavinayena ca paṭiññātakaraṇena ca tassapāpiyyasikāya ca tiṇavatthārakena ca na sammati.

[bjt page 376] [\x 376/]

anuvādādhikaraṇaṁ sammukhāviyena ca sativinayena ca amūḷhavinayena ca tassapāpiyyasikāya ca sammati. yebhuyyasikāya ca paṭiññātakaraṇena ca tiṇavatthārakena ca na sammati.

āpattādhikaraṇaṁ sammukhāvinayena ca paṭiññātakaraṇena ca tiṇavatthārakena ca sammati. yebhuyyasikāya ca sativinayena ca amūḷhavinayena ca tassapāpiyyasikāya ca na sammati.

kiccādhikaraṇaṁ sammukhāvinayena sammati. yebhuyyasikāya ca sativinayena ca amūḷhavinayena ca paṭiññātakaraṇena ca [pts page 111] [\q 111/]      tassapāpiyyasikāya ca tiṇavatthārakena ca na sammati.

evaṁ siyā adhikaraṇā samathehi sammanti. evaṁ siyā adhikaraṇā samathehi na sammanti.

(4)
kathaṁ adhikaraṇā adhikaraṇehi sammanti, kathaṁ siyā adhikaraṇā adhikaraṇehi na sammanti.

vivādādhikaraṇaṁ vivādādhikaraṇena na sammati. anuvādādhikaraṇena na sammati āpattādhikaraṇena na sammati. kiccādhikaraṇena sammati.

anuvādādhikaraṇaṁ vivādādhikaraṇena na sammati. anuvādādhikaraṇena na sammati āpattādhikaraṇena na sammati. kiccādhikaraṇena sammati.

āpattādhikaraṇaṁ vivādādhikaraṇena na sammati. anuvādādhikaraṇena na sammati āpattādhikaraṇena na sammati. kiccādhikaraṇena sammati.

kiccādhikaraṇaṁ vivādādhikaraṇena na sammati. anuvādādhikaraṇena na sammati āpattādhikaraṇena na sammati. kiccādhikaraṇena sammati.

evaṁ siyā adhikaraṇā adhikaraṇehi sammanti. evaṁ siyā adhikaraṇā adhikaraṇehi na sammanti
chapi samathā cattāropi adhikaraṇā sammukhāvinayena sammanti. sammukhāvinayo na kenaci sammati

samathādhikaraṇavāro niṭṭhito ekunavīsatimo

20. samuṭṭhāpanavāro

1. vivādādhikaraṇaṁ catunnaṁ adhikaraṇānaṁ katamaṁ adhikaraṇaṁ samuṭṭhāpeti: vivādādhikaraṇaṁ catunnaṁ adhikaraṇānaṁ na katamaṁ adhikaraṇaṁ samuṭṭhāpeti. api ca vivādādhikaraṇapaccayā cattāro adhikaraṇā jāyanti. yathākathaṁ viya: idha bhikkhū vivadanti dhammoti vā adhammoti vā vinayoti vā avinayoti vā bhāsitaṁ lapitaṁ tathāgatenāti vā abhāsitaṁ alapitaṁ tathāgatenāti vā, āciṇṇaṁ

[bjt page 378] [\x 378/]

tathāgatenāti vā anāciṇṇaṁ tathāgatenāti vā, paññattaṁ tathāgatenāti vā apaññattaṁ tathāgatenāti vā, āpattīti vā anāpattīti vā, lahukāpattīti vā, garukāpattīti vā, sāvasesāpattīti vā anavasesāpattīti vā, duṭṭhullāpattīti vā aduṭṭhullāpattīti vā. yaṁ tattha bhaṇḍanaṁ kalaho viggaho vivādo nānāvādo aññathāvādo vipaccayatāya vohāro medhagaṁ idaṁ vuccati vivādādhikaraṇaṁ. vivādādhikaraṇe saṅgho vivadati, vivādādhikaraṇaṁ. vivadamāno anuvadati, anuvādādhikaraṇaṁ, anuvadamāno āpattiṁ āpajjati, āpattādhikaraṇaṁ tāya āpattiyā saṅgho kammaṁ karoti, kiccādhikaraṇaṁ. evaṁ vivādādhikaraṇapaccayā cattāro adhikaraṇā jāyanti.

2. anuvādādhikaraṇaṁ catunnaṁ adhikaraṇānaṁ katamaṁ adhikaraṇaṁ samuṭṭhāpeti: anuvādādhikaraṇaṁ catunnaṁ adhikaraṇānaṁ na katamaṁ adhikaraṇaṁ samuṭṭhāpeti. api ca anuvādādhikaraṇapaccayā cattāro adhikaraṇā jāyanti. yathākathaṁ viya: idha bhikkhū bhikkhuṁ anuvadanti sīlavipattiyā vā, ācāravipattiyā vā diṭṭhivipattiyā vā ājīvavipattiyā vā yo tattha anuvādo anuvadanā anullapanā anubhaṇanā anusampavaṅkatā abbhussahanatā anubalappadānaṁ, idaṁ vuccati anuvādādhikaraṇaṁ anuvādādhikaraṇe saṅgho vivadati, vivādādhikaraṇaṁ vivādamāno anuvadati anuvādādhikaraṇaṁ. anuvadamāno āpattiṁ apajjati, āpattādhikaraṇaṁ. tāya āpattiyā saṅgho kammaṁ karoti, kiccādhikaraṇaṁ. evaṁ anuvādādhikaraṇapaccayā cattāro adhikaraṇā jāyanti.

3. āpattādhikaraṇaṁ catunnaṁ adhikaraṇānaṁ katamaṁ adhikaraṇaṁ samuṭṭhāpeti: āpattādhikaraṇaṁ catunnaṁ adhikaraṇānaṁ na katamaṁ adhikaraṇaṁ samuṭṭhāpeti. api ca āpattādhikaraṇapaccayā cattāro adhikaraṇā jāyanti. yathākathaṁ viya: pañcapi āpattikkhandhā sattapi āpattikkhandhā āpattādhikaraṇaṁ. idaṁ vuccati āpattādhikaraṇaṁ āpattādhikaraṇe saṅgho vivadati, vivādādhikaraṇaṁ. vivadamāno [pts page 112] [\q 112/]      anuvadati, anuvādādhikaraṇaṁ. anuvadamāno āpattiṁ āpajjati, āpattādhikaraṇaṁ. tāya āpattiyā saṅgho kammaṁ karoti kiccādhikaraṇaṁ evaṁ āpattādhikaraṇapaccayā cattāro adhikaraṇā jāyanti.

4. kiccādhikaraṇaṁ catunnaṁ adhikaraṇānaṁ katamaṁ adhikaraṇaṁ samuṭṭhāpeti: kiccādhikaraṇaṁ catunnaṁ adhikaraṇānaṁ na katamaṁ adhikaraṇaṁ samuṭṭhāpeti. api ca kiccādhikaraṇapaccayā cattāro adhikaraṇā jāyanti. yathākathaṁ viya: yā saṅghassa kiccayatā karaṇīyatā apalokanakammaṁ ñattikammaṁ ñattidutiyakammaṁ ñatatticatutthakammaṁ, idaṁ vuccati kiccādhikaraṇaṁ kiccādhikaraṇe saṅgho vivadati, vivādādhikaraṇaṁ vivadamāno anuvadati, anuvādādhikaraṇaṁ. anuvadamāno āpattiṁ āpajjati, āpattādhikaraṇaṁ. tāya āpattiyā saṅgho kammaṁ karoti kiccādhikaraṇaṁ. evaṁ kiccādhikaraṇapaccayā cattāro adhikaraṇā jāyanti.

samuṭṭhāpanavāro niṭṭhito visatimo

[bjt page 380] [\x 380/]

21. bhajativāro

1. vivādādhikaraṇaṁ catunnaṁ adhikaraṇānaṁ katamaṁ adhikaraṇaṁ bhajati, katamaṁ adhikaraṇaṁ upanissitaṁ, katamaṁ adhikaraṇaṁ pariyāpannaṁ, katamena adhikaraṇena saṅgahītaṁ.

2. anuvādādhikaraṇaṁ catunnaṁ adhikaraṇānaṁ katamaṁ adhikaraṇaṁ bhajati, katamaṁ adhikaraṇaṁ upanissitaṁ, katamaṁ adhikaraṇaṁ pariyāpannaṁ, katamena adhikaraṇena saṅgahītaṁ.

3. āpattādhikaraṇaṁ catunnaṁ adhikaraṇānaṁ katamaṁ adhikaraṇaṁ bhajati, katamaṁ adhikaraṇaṁ upanissitaṁ, katamaṁ adhikaraṇaṁ pariyāpannaṁ, katamena adhikaraṇena saṅgahītaṁ.

4. kiccādhikaraṇaṁ catunnaṁ adhikaraṇānaṁ katamaṁ adhikaraṇaṁ bhajati, katamaṁ adhikaraṇaṁ upanissitaṁ, katamaṁ adhikaraṇaṁ pariyāpannaṁ, katamena adhikaraṇena saṅgahītaṁ.

1. vivādādhikaraṇaṁ catunnaṁ adhikaraṇānaṁ vivādādhikaraṇaṁ bhajati, vivādādhikaraṇaṁ upanissitaṁ, vivādādhikaraṇaṁ pariyāpannaṁ, vivādādhikaraṇena saṅgahītaṁ.

2. anuvādādhikaraṇaṁ catunnaṁ adhikaraṇānaṁ anuvādādhikaraṇaṁ bhajati, anuvādādhikaraṇaṁ upanissitaṁ, anuvādādhikaraṇaṁ pariyāpannaṁ, anuvādādhikaraṇena saṅgahītaṁ.

3. āpattādhikaraṇaṁ catunnaṁ adhikaraṇānaṁ apattādhikaraṇaṁ bhajati, āpattādhikaraṇaṁ upanissitaṁ, āpattādhikaraṇaṁ pariyāpannaṁ, āpattādhikaraṇena saṅgahītaṁ.

4. kiccādhikaraṇaṁ catunnaṁ adhikaraṇānaṁ kiccādhikaraṇaṁ bhajati, kiccādhikaraṇaṁ
upanissitaṁ, kiccādhikaraṇaṁ pariyāpannaṁ, kiccādhikaraṇena saṅgahītaṁ.

1. vivādādhikaraṇaṁ sattannaṁ samathānaṁ kati samathe bhajati, kati samathe upanissitaṁ, kati samathe pariyāpannaṁ, katīhi samathehi saṅgahītaṁ, katīhi samathehi sammati.

2. anuvādādhikaraṇaṁ sattannaṁ samathānaṁ kati samathe bhajati, kati samathe upanissitaṁ, kati samathe pariyāpannaṁ, katīhi samathehi saṅgahītaṁ, katīhi samathehi sammati.

3. āpattādhikaraṇaṁ sattannaṁ samathānaṁ kati samathe bhajati, kati samathe upanissitaṁ, kati samathe pariyāpannaṁ, katīhi samathehi saṅgahītaṁ, katīhi samathehi sammati.

4. kiccādādhikaraṇaṁ sattannaṁ samathānaṁ kati samathe bhajati, kati samathe upanissitaṁ, kati samathe pariyāpannaṁ, katīhi samathehi saṅgahītaṁ, katīhi samathehi sammati.

[bjt page 382] [\x 382/]

1. vivādādhikaraṇaṁ sattannaṁ samathānaṁ dve samathe bhajati. dve samathe upanissitaṁ dve samathe pariyāpannaṁ dvīhi samathehi saṅgahītaṁ. dvīhi samathehi sammati: sammukhāvinayena ca yebhuyyasikāya ca.

2. anuvādādhikaraṇaṁ sattannaṁ samathānaṁ cattāro samathe bhajati. cattāro samathe upanissitaṁ cattāro samathe pariyāpannaṁ catūhi samathehi saṅgahītaṁ. catūhi samathehi sammati: sammukhāvinayena ca sativinayena ca amūḷhavinayena ca tassapāpiyyasikāya ca.

3. āpattādhikaraṇaṁ sattannaṁ samathānaṁ tayo samathe bhajati. tayo samathe upanissitaṁ tayo samathe pariyāpannaṁ tīhi samathehi saṅgahītaṁ. tīhi samathehi sammati: sammukhāvinayena ca paṭiññātakaraṇena [pts page 113] [\q 113/]      ca tiṇavatthārakena ca.
4. kiccādhikaraṇaṁ sattannaṁ samathānaṁ ekaṁ samathaṁ bhajati. ekaṁ samathaṁ upanissitaṁ ekaṁ samathaṁ pariyāpannaṁ ekena samathena saṅgahītaṁ. ekena samathena sammati: sammukhāvinayenāti.

bhajativāro niṭṭhito ekavisatimo.

samathabhedo niṭṭhito

tassuddānaṁ:
adhikaraṇaṁ pariyāyaṁ - sādhāraṇā ca bhāgiyā,
samathā sādhāraṇikā - samathassa tabbhāgiyā.

samathā sammukhā ceva - vinayena kusalena ca.
yattha samathā saṁsaṭṭhā - sammati na sammati ca.
samathādhikaraṇañceva - samuṭṭhānaṁ bhajanti cāti.

[bjt vol v-5-2] [\z vin /] [\w vb /]
[bjt page 002] [\x   2/]
[pts vol v - 5] [\z vin /] [\f v /]
[pts page 114] [\q 114/]

vinayapiṭake

parivārapāḷi

dutiyo bhāgo

namo tassa bhagavato arahato sammā sambuddhassa

khandhakapucchā

1. upasampadaṁ pucchissaṁ sanidānaṁ saniddesaṁ, samukkaṭṭhapadānaṁ. kati āpattiyo: upasampadaṁ vissajjissaṁ sanidānaṁ saniddesaṁ, samukkaṭṭhapadānaṁ dve āpattiyo.
2. uposathaṁ pucchissaṁ sanidānaṁ saniddesaṁ, samukkaṭṭhapadānaṁ. kati āpattiyo: uposathaṁ vissajjissaṁ sanidānaṁ saniddesaṁ, samukkaṭṭhapadānaṁ tisso āpattiyo.
3. vassūpanāyikaṁ pucchissaṁ sanidānaṁ saniddesaṁ, samukkaṭṭhapadānaṁ. kati āpattiyo: vassūpanāyikaṁ vissajjissaṁ sanidānaṁ saniddesaṁ, samukkaṭṭhapadānaṁ ekā āpatti.

4. pavāraṇaṁ pucchissaṁ sanidānaṁ saniddesaṁ, samukkaṭṭhapadānaṁ. kati āpattiyo: pavāraṇaṁ vissajjissaṁ sanidānaṁ saniddesaṁ, samukkaṭṭhapadānaṁ tisso āpattiyo.

5. cammasaññuttaṁ pucchissaṁ sanidānaṁ saniddesaṁ, samukkaṭṭhapadānaṁ. kati āpattiyo: cammasaññuttaṁ vissajjissaṁ sanidānaṁ saniddesaṁ, samukkaṭṭhapadānaṁ tisso āpattiyo.

6. bhesajjaṁ pucchissaṁ sanidānaṁ saniddesaṁ, samukkaṭṭhapadānaṁ. kati āpattiyo: bhesajjaṁ vissajjissaṁ sanidānaṁ saniddesaṁ, samukkaṭṭhapadānaṁ tisso āpattiyo.

7. kaṭhinakaṁ pucchissaṁ sanidānaṁ saniddesaṁ, samukkaṭṭhapadānaṁ. kati āpattiyo: kaṭhinakaṁ vissajjissaṁ sanidānaṁ saniddesaṁ, samukkaṭṭhapadānaṁ natthi tattha āpatti.

8. cīvarasaññuttaṁ pucchissaṁ sanidānaṁ saniddesaṁ, samukkaṭṭhapadānaṁ. kati āpattiyo: cīvarasaññuttaṁ vissajjissaṁ sanidānaṁ saniddesaṁ, samukkaṭṭhapadānaṁ tisso āpattiyo.

[bjt page 004] [\x   4/]

9. campeyyakaṁ pucchissaṁ sanidānaṁ saniddesaṁ, samukkaṭṭhapadānaṁ. kati āpattiyo: campeyyakaṁ vissajjissaṁ sanidānaṁ saniddesaṁ, samukkaṭṭhapadānaṁ ekā āpatti.

10. kosambakaṁ pucchissaṁ sanidānaṁ saniddesaṁ, samukkaṭṭhapadānaṁ. kati āpattiyo: kosambakaṁ vissajjissaṁ sanidānaṁ saniddesaṁ, samukkaṭṭhapadānaṁ ekā āpatti.

11. kammakkhandhakaṁ pucchissaṁ sanidānaṁ saniddesaṁ, samukkaṭṭhapadānaṁ. kati āpattiyo: kammakkhandhakaṁ vissajjissaṁ sanidānaṁ saniddesaṁ, samukkaṭṭhapadānaṁ ekā āpatti.

12. pārivāsikaṁ pucchissaṁ sanidānaṁ saniddesaṁ, samukkaṭṭhapadānaṁ. kati āpattiyo: pārivāsikaṁ vissajjissaṁ sanidānaṁ saniddesaṁ, samukkaṭṭhapadānaṁ ekā āpatti.

13. samuccayaṁ pucchissaṁ sanidānaṁ saniddesaṁ, samukkaṭṭhapadānaṁ. kati āpattiyo: samuccayaṁ vissajjissaṁ sanidānaṁ saniddesaṁ, samukkaṭṭhapadānaṁ ekā āpatti.

14. samathaṁ pucchissaṁ sanidānaṁ saniddesaṁ, samukkaṭṭhapadānaṁ. kati āpattiyo: samathaṁ vissajjissaṁ sanidānaṁ saniddesaṁ, samukkaṭṭhapadānaṁ dve āpattiyo.

15. khuddakavatthukaṁ pucchissaṁ sanidānaṁ saniddesaṁ, samukkaṭṭhapadānaṁ. kati āpattiyo: khuddakavatthukaṁ vissajjissaṁ sanidānaṁ saniddesaṁ, samukkaṭṭhapadānaṁ tisso āpattiyo.
16. senāsanaṁ pucchissaṁ sanidānaṁ saniddesaṁ, samukkaṭṭhapadānaṁ. kati āpattiyo: senāsanaṁ vissajjissaṁ sanidānaṁ saniddesaṁ, samukkaṭṭhapadānaṁ tisso āpattiyo.
17. saṅghabhedaṁ pucchissaṁ sanidānaṁ saniddesaṁ, samukkaṭṭhapadānaṁ. kati āpattiyo: saṅghabhedaṁ vissajjissaṁ sanidānaṁ saniddesaṁ, samukkaṭṭhapadānaṁ dve āpattiyo.

18. samācāraṁ pucchissaṁ sanidānaṁ saniddesaṁ, samukkaṭṭhapadānaṁ. kati āpattiyo: samācāraṁ vissajjissaṁ sanidānaṁ saniddesaṁ, samukkaṭṭhapadānaṁ ekā āpatti.

19. ṭhapanaṁ pucchissaṁ sanidānaṁ saniddesaṁ, samukkaṭṭhapadānaṁ. kati āpattiyo: ṭhapanaṁ vissajjissaṁ sanidānaṁ saniddesaṁ, samukkaṭṭhapadānaṁ ekā āpatti.

20. bhikkhunīkhandhakaṁ pucchissaṁ sanidānaṁ saniddesaṁ, samukkaṭṭhapadānaṁ. kati āpattiyo: bhikkhunīkhandhakaṁ vissajjissaṁ sanidānaṁ saniddesaṁ, samukkaṭṭhapadānaṁ dve āpattiyo.
[bjt page 006] [\x   6/]

21. pañcasatikaṁ pucchissaṁ sanidānaṁ saniddesaṁ, samukkaṭṭhapadānaṁ. kati āpattiyo: pañcasatikaṁ vissajjissaṁ sanidānaṁ saniddesaṁ, samukkaṭṭhapadānaṁ natthi tattha āpatti.
22. sattasatikaṁ pucchissaṁ sanidānaṁ saniddesaṁ, samukkaṭṭhapadānaṁ. kati āpattiyo: sattasatikaṁ vissajjissaṁ sanidānaṁ saniddesaṁ, samukkaṭṭhapadānaṁ natthi tattha āpattīti.
khandhakapucchā niṭṭhitā paṭhamā.

tassuddānaṁ:

1. upasampadūposathā1 - vassūpanāyikapavāraṇā, 2
cammabhesajjakaṭhinā - cīvaraṁ campeyyakena ca.

2. kosambakkhandhakaṁ kammaṁ - parivāsisamuccayā,
samathakhuddakā senā - saṅghabhedaṁ samācāro, 3
ṭhapanaṁ bhikkhunīkhandhaṁ - pañcasattasatena cāti.

1. upasampaduposathaṁ - syā.
2. vassupanāpavāraṇaṁ - syā.
3. saṅghabhedasamācarā - syā.
[bjt page 008] [\x   8/]
[pts page 115] [\q 115/]
ekuttarikaṁ

ekakaṁ

1. āpattikarā dhammā jānitabbā, anāpattikarā dhammā jānitabbā.

āpatti jānitabbā, anāpatti jānitabbā.

lahukā āpatti jānitabbā, garukā āpatti jānitabbā.

sāvasesā āpatti jānitabbā, anavasesā āpatti jānitabbā.

duṭṭhullā āpatti jānitabbā, aduṭṭhullā āpatti jānitabbā.

sappaṭikammā āpatti jānitabbā, appaṭikammā āpatti jānitabbā.

desanāgāminī āpatti jānitabbā, adesanāgāminī āpatti jānitabbā.

antarāyikā āpatti jānitabbā, anantarāyikā āpatti jānitabbā.

sāvajjapaññatti āpatti jānitabbā, anavajjapaññatti āpatti jānitabbā.

kiriyato samuṭṭhitā āpatti jānitabbā, akiriyato samuṭṭhitā āpatti jānitabbā. kiriyākiriyato samuṭṭhitā āpatti jānitabbā.

pubbāpatti jānitabbā, aparāpatti jānitabbā.

pubbāpattīnaṁ antarāpatti jānitabbā, aparāpattīnaṁ antarāpatti jānitabbā.

desitā gaṇanūpagā āpatti jānitabbā, desitā na gaṇanūpagā āpatti jānitabbā.

paññatti jānitabbā, anupaññatti jānitabbā. anuppanna paññatti jānitabbā.

sabbattha paññatti jānitabbā, padesapaññatti jānitabbā,

sādhāraṇapaññatti jānitabbā, asādhāraṇapaññatti jānitabbā.

ekato paññatti jānitabbā, ubhato paññatti jānitabbā.

thullavajjā āpatti jānitabbā, athullavajjā āpatti jānitabbā.

[bjt page 010] [\x  10/]

gihīpaṭisaññuttā āpatti jānitabbā, na gihīpaṭisaññuttā āpatti jānitabbā.

niyatā āpatti jānitabbā, aniyatā āpatti jānitabbā.

ādikaro puggalo jānitabbo, anādikaro puggalo jānitabbo.

adhiccāpattiko puggalo jānitabbo, abhiṇhāpattiko puggalo jānitabbo.

codako puggalo jānitabbo, cuditako puggalo jānitabbo.

adhammacodako puggalo jānitabbo, adhammacuditako puggalo jānitabbo.

dhammacodako puggalo jānitabbo, dhammacuditako puggalo jānitabbo.

niyato puggalo jānitabbo, aniyato puggalo jānitabbo.

bhabbāpattiko puggalo jānitabbo, abhabbāpattiko puggalo jānitabbo.

ukkhittako puggalo jānitabbo, anukkhittako puggalo jānitabbo.

nāsitako puggalo jānitabbo, anāsitako puggalo jānitabbo.

samānasaṁvāsako puggalo jānitabbo, asamānasaṁvāsako puggalo jānitabbo.
ṭhapanaṁ jānitabbanti.

ekakaṁ niṭṭhitaṁ.

tassuddānaṁ:

1. karā āpatti lahukā sāvasesā ca duṭṭhullā,
paṭikammadesanā ceva antarāvajjakiriyā1

2. kiriyākiriyaṁ pubbā antarā gaṇanūpagā,
paññatti anānuppanna sabbattha padesasādhāraṇā ca ekato. 2
[pts page 116] [\q 116/]
3. thullagihīniyatā ca ādi adhicca codakā,
adhammadhamma niyato abhabbokkhitta nāsitā,
samānaṁ ṭhapanaṁ ceva uddānaṁ ekake idanti.

1. paṭikamma desanā ca antarāvajjakiriyaṁ - machasaṁ.
2. sabbatthādhāranā ca ekako - machasaṁ.
paññattānuppannā sabbā sādhāraṇe ca ekato - syā.

[bjt page 012] [\x  12/]
[pts page 116] [\q 116/]

dukaṁ

1. atthāpatthi saññāvimokkhā, atthāpatti no saññāvimokkhā.

atthāpatti laddhasamāpattikassa, atthāpatti na laddhasamāpattikassa.

atthāpatti saddhammapaṭisaññuttā, atthāpatti asaddhammapaṭisaññuttā.

atthāpatti saparikkhārapaṭisaññuttā, atthāpatti paraparikkhārapaṭisaññuttā.

atthāpatti sapuggalapaṭisaññuttā, atthāpatti parapuggalapaṭisaññuttā.

atthi saccaṁ bhaṇanno garukaṁ āpattiṁ āpajjati, atthi saccaṁ bhaṇanno lahukaṁ āpattiṁ āpajjati.

atthi musā bhaṇanno garukaṁ āpattiṁ āpajjati, atthi musā bhaṇanno lahukaṁ āpattiṁ āpajjati.

atthāpatti bhumigato āpajjati no vehāsagato, atthāpatti vehāsagato āpajjati no bhūmigato.

atthāpatti nikkhamanto āpajjati no pavisanto, atthāpatti pavisanto āpajjati no nikkhamanto.

atthāpatti ādiyanno āpajjati, atthāpatti anādiyanto āpajjati.

atthāpatti samādiyanto āpajjati, atthāpatti na samādiyanto āpajjati.

atthāpatti karonto āpajjati, atthāpatti na karonto āpajjati.

atthāpatti dento āpajjati, atthāpatti na dento āpajjati.

atthāpatti desento āpajjati, atthāpatti na desento āpajjati.

atthāpatti paṭigaṇhanto āpajjati, atthāpatti na paṭigaṇhanto āpajjati.

atthāpatti paribhogena āpajjati, atthāpatti na paribhogena āpajjiti.

atthāpatti rattiṁ āpajjati no divā, atthāpatti divā āpajjati no rattiṁ.

atthāpatti aruṇugge āpajjati, atthāpatti na aruṇugge āpajjati.

[bjt page 014] [\x  14/]

atthāpatti chindanto āpajjati, atthāpatti na chindanto āpajjati.

atthāpatti chādento āpajjati, atthāpatti na chādento āpajjati.

atthāpatti dhārento āpajjati, atthāpatti na dhārento āpajjati.

2. dve uposathā: cātuddasiko ca paṇṇarasiko ca.

dve pavāraṇā: cātuddasiko ca paṇṇarasiko ca.

dve kammāni: apalokanakammaṁ, ñattikammaṁ. aparānipi dve kammāni: ñattidutiyakammaṁ, ñatticatutthakammaṁ.

dve kammavatthūni: apalokanakammassa vatthu, ñattikammassa vatthu. aparānipi dve kammavatthūni: ñattidutiyakammassa vatthu, ñatticatuttha kammassa vatthu.

dve kammadosā: apalokanakammassa doso, ñattikammassa doso. aparepi dve kammadosā: ñattidutiyakammassa doso, ñatticatutthakammassa doso.

dve kammasampattiyo: apalokanakammassa sampatti, ñattikammassa sampatti. aparāpi dve kammasampattiyo: ñattidutiyakammassa sampatti, ñatticatutthakammassa sampatti.

dve nānāsaṁvāsakabhūmiyo: attanāva attānaṁ nānāsaṁvāsakaṁ karoti, samaggo vā naṁ saṅgho ukkhipati adassane vā appaṭikamme vā appaṭinissagge vā.

dve samānasaṁvāsakabhūmiyo: attanāva [pts page 117] [\q 117/]      attānaṁ samānasaṁvāsakaṁ karoti, samaggo vā naṁ saṅgho ukkhittaṁ osāreti dassane vā paṭikamme vā paṭinissagge vā.

dve pārājikā: bhikkhūnañca bhikkhunīnañca, dve saṅghādisesā bhikkhūnañca bhikkhunīnañca, dve thullaccayā bhikkhūnañca bhikkhunīnañca, dve pācittiyā bhikkhūnañca bhikkhunīnañca, dve pāṭidesanīyā bhikkhūnañca bhikkhunīnañca, dve dukkaṭā bhikkhūnañca bhikkhunīnañca, dve dubbhāsitā bhikkhūnañca bhikkhunīnañca.

satta āpattiyo, satta āpattikkhandhā.

dvīhākārehi saṅgho bhijjati: kammena vā, salākagāhena vā.

3. dve puggalā na upasampādetabbā: addhānahīno aṅgahīno. aparepi dve puggalā na upasampādetabbā: vatthuvipanno karaṇadukkaṭako. aparepi dve puggalā na upasampādetabbā: aparipūro paripūro no ca yācati.

dvinnaṁ puggalānaṁ nissāya na vatthabbaṁ: alajjissa ca bālassa ca.

[bjt page 016] [\x  16/]

dvinnaṁ puggalānaṁ nissayo na dātabbo: alajjissa ca lajjino ca na yācati.

dvinnaṁ puggalānaṁ nissayo dātabbo: bālassa ca lajjissa ca yācati.

dve puggalā abhabbā āpattiṁ āpajjituṁ: buddhā ca. paccekabuddhā ca.

dve puggalā bhabbā āpattiṁ āpajjituṁ: bhikkhū ca bhikkhuniyo ca.

dve puggalā abhabbā sañcicca āpattiṁ āpajjituṁ: bhikkhū ca bhikkhuniyo ca ariyapuggalā.

dve puggalā bhabbā sañcicca āpattiṁ āpajjitūṁ: bhikkhū ca bhikkhuniyo ca puthujjanā.
dve puggalā abhabbā sañcicca sātisāraṁ vatthuṁ ajjhācarituṁ: bhikkhū ca bhikkhuniyo ca ariyapuggalā.

dve puggalā bhabbā sañcicca sātisāraṁ vatthuṁ ajjhācarituṁ: bhikkhū ca bhikkhuniyo ca puthujjanā.

dve paṭikkosā: kāyena vā paṭikkosāti, vācāya vā paṭikkosati.

dve nissāraṇā: atthi puggalo appatto nissāraṇaṁ tañce saṅgho nissāreti, ekacco sunissārito, ekacco dunnissārito.

dve osāraṇā: atthi puggalo appatto osāraṇaṁ tañce saṅgho osāreti, ekacco sosārito, ekacco dosārito.

dve paṭiññā: kāyena vā paṭijānāti, vācāya vā paṭijānāti.

dve paṭiggahā: kāyena vā paṭigaṇhāti, kāyapaṭibaddhena vā paṭigaṇhāti.

dve paṭikkhepā: kāyena vā paṭikkhipati vācāya vā paṭikkhipati.

dve upaghātikā: sikkhūpaghātikā ca bhogūpaghātikā ca.

dve codanā: kāyena vā codeti, vācāya vā codeti.

4. dve kaṭhinassa palibodhā: āvāsapalibodho ca cīvarapalibodho ca.

dve kaṭhinassa apalibodhā: āvāsa apalibodho ca cīvaraapalibodho ca.

dve cīvarāni: gahapatikañca paṁsukulikañca.

dve pattā: ayopatto mattikā patto.

dve maṇḍalāni: tipumayaṁ sīsamayaṁ.

[bjt page 018] [\x  18/]

dve pattassa adhiṭṭhānā: kāyena vā adhiṭṭheti, vācāya vā adhiṭṭheti.

dve cīvarassa [pts page 118] [\q 118/]      adhiṭṭhānā: kāyena vā adhiṭṭheti, vācāya vā adhiṭṭheti.

dve vikappanā: sammukhāvikappanā ca parammukhāvikappanā ca.

5. dve vinayā: bhikkhūnañca bhikkhunīnañca.

dve venayikā: paññattañca paññattānulomañca.

dve vinayassa sallekhā: akappiye setughāto, kappiye mattakāritā.

dvīhākārehi āpattiṁ āpajjati: kāyena vā āpajjati, vācāya vā āpajjati.

dvīhākārehi āpattiyā vuṭṭhāti: kāyena vā vuṭṭhāti, vācāya vā vuṭṭhāti.

dve parivāsā: paṭicchannaparivāso apaṭicchannaparivāso, aparepi dve parivāsā: suddhantaparivāso samodhānaparivāso.

dve mānattā: paṭicchannamānattaṁ apaṭicchannamānattaṁ. aparepi dve mānattā: pakkhamānattaṁ samodhānamānattaṁ.

dvinnaṁ puggalānaṁ ratticchedo: pārivāsikassa ca mānattacārikassa ca.

dve anādariyāni: puggalaanādariyañca dhammaanādariyañca.

6. dve loṇāni: jātimañca kārimañca, 1 aparānipi dve loṇāni: sāmuddaṁ kāḷaloṇaṁ. aparānipi dve loṇāni: sindhavaṁ ubbhidaṁ. aparānipi dve loṇāni: romakaṁ pakkālakaṁ.

dve paribhogā: abbhantaraparibhogo ca bāhiraparibhogo ca.

dve akkosā: hīno ca akkoso ukkaṭṭho ca akkoso.

dvīhākārehi pesuññaṁ hoti: piyakamyassa vā bhedādhippā yassa vā.

dvīhākārehi gaṇabhojanaṁ pasavati: nimantanato vā viññattito vā.

7. dve vassūpanāyikā: purimikā ca pacchimikā ca.

dve adhammikāni pātimokkhaṭṭhapanāni.

dve dhammikāni pātimokkhaṭṭhapanāni.

1. khātimayañca byārimayañca - syā.

[bjt page 020] [\x  20/]

8. dve puggalā bālā: yo ca anāgataṁ bhāraṁ vahati, yo ca āgataṁ bhāraṁ na vahati. dve puggalā paṇḍitā: yo ca anāgataṁ bhāraṁ na vahati, yo ca āgataṁ bhāraṁ vahati.

aparepi dve puggalā bālā: yo ca akappiye kappiyasaññī, yo ca kappiye akappiyasaññī, dve puggalā paṇḍitā: yo ca akappiye akappiyasaññī, yo ca kappiye kappiya saññī.

aparepi puggalā bālā: yo ca anāpattiyā āpattisaññī, yo ca āpattiyā anāpattisaññī. dve puggalā paṇḍitā: yo ca āpattiyā āpattisaññī, yo ca anāpattiyā anāpattisaññī.

aparepi dve puggalā bālā: yo ca adhamme dhammasaññī, yo ca dhamme adhammasaññī. dve puggalā paṇḍitā: yo ca adhamme adhammasaññī, yo ca dhamme dhammasaññī.

aparepi dve puggalā bālā: yo ca avinaye vinayasaññī, yo ca vinaye avinayasaññī, dve puggalā paṇḍitā: yo ca avinaye avinayasaññī, yo ca vinaye vinayasaññī.

9. dvinnaṁ puggalānaṁ āsavā vaḍḍhanti: yo ca na kukkuccāyitabbaṁ kukkuccāyati, yo ca kukkuccāyitabbaṁ [pts page 119] [\q 119/]      na kukkuccāyati. dvinnaṁ puggalānaṁ āsavā na vaḍḍhanti: yo na kukkuccāyitabbaṁ na kukkuccāyati yo ca kukkuccāyitabbaṁ kukkuccāyati.

aparesampi dvinnaṁ puggalānaṁ āsavā vaḍḍhanti: yo ca akappiye kappiyasaññī, yo ca kappiye akappiyasaññī. dvinnaṁ puggalānaṁ āsavā na vaḍḍhanti: yo ca akappiye akappiyasaññī, yo ca kappiye kappiyasaññī.

aparesampi dvinnaṁ puggalānaṁ āsavā vaḍḍhanti: yo ca anāpattiyā āpattisaññī, yo ca āpattiyā anāpattisaññī. dvinnaṁ puggalānaṁ āsavā na vaḍḍhanti: yo ca anāpattiyā anāpattisaññī, yo ca āpattiyā āpattisaññī.

aparesampi dvinnaṁ puggalānaṁ āsavā vaḍḍhanti: yo ca adhamme dhammasaññī, yo ca dhamme adhammasaññī. dvinnaṁ puggalānaṁ āsavā na vaḍḍhanti: yo ca adhamme adhammasaññī, yo ca dhamme dhammasaññī.

aparesampi dvinnaṁ puggalānaṁ āsavā vaḍḍhanti: yo ca avinaye vinayasaññī, yo ca vinaye avinayasaññī. dvinnaṁ puggalānaṁ āsavā na vaḍḍhanti: yo ca avinaye avinayasaññī, yo ca vinaye vinayasaññī.

dukaṁ niṭṭhitaṁ.

[bjt page 022] [\x  22/]
tassuddānaṁ:
1. saññā laddhā ca saddhammā parikkhārā ca puggalā,
saccaṁ bhūmi nikkhamanto ādiyanto samādiyaṁ.

2. karonto dento gaṇhanto paribhogena ratti ca,
aruṇā chindaṁ chādento dhārento ca uposathā.

3. pavāraṇā kammā parā vatthu aparā dosā ca,
aparā dve ca sampatti nānā samānameva ca.

4. pārājikā saṅghā thullacca1 pācittiyā pāṭidesanī,
dukkaṭā dubbhāsitā ceva2 sattāpattikkhandhā ca.

5. bhijjati upasampadā tatheva apare duve,
na vatthabbaṁ na dātabbaṁ abhabbābhabbameva ca.

6. sañcicca sātisārā ca paṭikkosā ca nissāraṇā,
osāraṇā paṭiññā ca paṭiggahā paṭikkhipā.

7. upaghāti codanā ca kaṭhinā ca duve tathā,
cīvarā pattamaṇḍalā adhiṭṭhānā tatheva dve.

8. vikappanā ca vinayā venayikā sallekhā,
āpajjati ca vuṭṭhāti parivāsā apare duve.

9. dve mānattā apare ca ratticchedo anādari,
dve loṇā tayo apare paribhogakkosanā ca.

10. pesuñño ca gaṇāvassaṭṭhapanā bhārakappiyā,
anāpatti adhammadhammā vinaye āsave tathā ti.

tikaṁ

1. atthāpatti tiṭṭhante bhagavati āpajjati no parinibbute, atthāpatti parinibbute bhagavati āpajjati no tiṭṭhante, [pts page 120] [\q 120/]      atthāpatti tiṭṭhantepi bhagavati āpajjati parinibbutepi.

atthāpatti kāle āpajjati no vikāle, atthāpatti vikāle āpajjati no kāle, atthāpatti kāle ceva āpajjati vikāle ca.

atthāpatti rattiṁ āpajjati no divā, atthāpatti divā āpajjati no rattiṁ, atthāpatti rattiṁ ceva āpajjati divā ca.

1. pārāji saṅghā thullaccaṁ - syā.
2. bhāsitāceva - syā.

[bjt page 024] [\x  24/]

atthāpatthi dasavasso āpajjati no ūnadasavasso, atthāpatti ūnadasavasso āpajjati no dasavasso, atthāpatti dasavasso ceva āpajjati ūnadasavasso ca.
atthāpatti pañcavasso āpajjati no ūnapañcavasso, atthāpatti ūnapañcavasso āpajjati no pañcavasso, atthāpatti pañcavasso ceva āpajjati ūnapañcavasso ca.

atthāpatti kusalacitto āpajjati, atthāpatti akusalacitto āpajjati, atthāpatti abyākatacitto āpajjati.

atthāpatti sukhavedanāsamaṅgī āpajjati, atthāpatti dukkhavedanāsamaṅgī āpajjati, atthāpatti adukkhamasukhavedanāsamaṅgī āpajjati.

2. tīṇi codanāvatthūni: diṭṭhena sutena parisaṅkāya.

tayo salākagāhā: gūḷhako vivaṭako sakaṇṇajappako.

tayo paṭikkhepā: mahicchatā asantuṭṭhitā1 asallekhatā.

tayo anuññātā: appicchā santuṭṭhitā sallekhatā. aparepi

tayo paṭikkhepā: mahicchatā asantuṭṭhitā amattaññutā.

tayo anuññātā: appicchatā santuṭṭhitā mattaññutā.

tisso paññattiyo: paññatti anupaññatti anuppannapaññatti, aparāpi tisso paññattiyo: sabbattha paññatti padesapaññatti sādhāraṇapaññatti, aparāpi tisso paññattiyo: asādhāraṇapaññatti ekato paññatti ubhato paññatti.

3. atthāpatti bālo āpajajati no paṇḍito, atthāpatti paṇḍito āpajjati no bālo, atthāpatti bālo ceva āpajjati paṇḍito ca.

atthāpatti kāḷe āpajjati no juṇhe, atthāpatti juṇhe āpajjati no kāḷe, atthāpatti kāḷe ceva āpajjati juṇhe ca.

atthi kāḷe kappati no juṇhe, atthi juṇhe kappati no kāḷe, atthi kāḷe ceva kappati juṇhe ca.

atthāpatti hemante āpajjati no gimhe no vasse, atthāpatti gimhe āpajjati no hemante no vasse, atthāpatti vasse āpajjati no gimhe no hemante.

atthāpatti saṅgho āpajjati na gaṇo na puggalo, atthāpatti gaṇo āpajjati na saṅgho na puggalo, atthāpatti puggalo āpajjati na saṅgho na gaṇo.

1. asantuṭṭhatā - syā.

[bjt page 026] [\x  26/]

atthi saṅghassa kappati na gaṇassa na puggalassa, atthi gaṇassa kappati na saṅghassa na puggalassa, atthi puggalassa kappati na saṅghassa na gaṇassa.

tisso chādanā: vatthuṁ chādeti no āpattiṁ, āpattiṁ chādeti na vatthuṁ, vatthuñce va chādeti āpattiñca.

tisso paṭicchādiyo: chantāgharapaṭicchādi, udakapaṭicchādi vatthapaṭicchādi.

tīṇi paṭicchannāni vahanti no vivaṭāni: mātugāmo paṭicchanno vahati no vivaṭo, brāhmaṇānaṁ mantā paṭicchannā vahanti no vivaṭā, micchādiṭṭhi [pts page 121] [\q 121/]      paṭicchinnā vahati no vivaṭā.

tīṇi vivaṭāni virocanti no paṭicchannāni: candamaṇḍalaṁ vivaṭaṁ virocati no paṭicchannaṁ, suriyamaṇḍalaṁ vivaṭaṁ virocati no paṭicchannaṁ, tathāgatappavedito dhammavinayo vivaṭo virocati no paṭicchanno.

tayo senāsanagāhā: purimako pacchimako antarāmuttako.

atthāpatti gilāno āpajjati no agilāno, atthāpatti agilāno āpajjati no gilāno, atthāpatti gilāno ceva āpajjati agilāno ca.

4. tīṇi adhammikāni pātimokkhaṭṭhapanāni. tīṇi dhammikāni pātimokkhaṭṭhapanāni.

tayo parivāsā: paṭicchannaparivāso, apaṭicchanna parivāso, suddhantaparivāso.

tayo mānattā: paṭicchannamānattaṁ, apaṭicchannamānattaṁ, pakkhamānattaṁ.

tayo pārivāsikassa bhikkhuno ratticchedā: sahavāso, vippavāso, anārocanā.
atthāpatti anto āpajjati no bahi, atthāpatti bahi āpajjati no anto, atthāpatti anto ceva āpajjati bahi ca.

atthāpatti antosīmāya āpajjati no bahisīmāya, atthāpatti bahisīmāya āpajjati no antosīmāya, atthāpatti antosīmāya ceva āpajjati bahisīmāya ca.

tīhākārehi āpattiṁ āpajjati: kāyena āpajjati, vācāya āpajjati, kāyena vācāya āpajjati. aparehipi tīhākārehi āpattiṁ āpajjati: saṅghamajjhe, gaṇamajjhe, puggalassa santike.

tīhākārehi āpattiyā vuṭṭhāti: kāyena vuṭṭhāti, vācāya vuṭṭhāti, kāyena vācāya vuṭṭhāti. aparehipi tīhākārehi āpattiyā vuṭṭhāti: saṅghamajjhe, gaṇamajjhe, puggalassa santike.

[bjt page 028] [\x  28/]

tīṇi adhammikāni amūḷhavinayassa dānāni: tīṇi dhammikāni amūḷhavinayassa dānāni.

5. tīhaṅgehi samannāgatassa bhikkhuno ākaṅkhamāno saṅgho tajjanīyakammaṁ kareyya: bhaṇḍanakārako hoti kalahakārako vivādakārako bhassakārako saṅghe adhikaraṇakārako, bālo hoti abyatto āpattibahulo anapadāno, gihīsaṁsaṭṭho viharati ananulomikehi gihīsaṁsaggehi.

tīhaṅgehi samannāgatassa bhikkhuno ākaṅkhamāno saṅgho niyassakammaṁ kareyya:
bhaṇḍanakārako hoti kalahakārako vivādakārako bhassakārako saṅghe adhikaraṇakārako, bālo hoti abyatto āpattibahulo anapadāno, gihīsaṁsaṭṭho viharati ananulomikehi gihīsaṁsaggehi.

tīhaṅgehi samannāgatassa bhikkhuno ākaṅkhamāno saṅgho pabbājanīyakammaṁ kareyya: bhaṇḍanakārako hoti kalahakārako vivādakārako bhassakārako saṅghe adhikaraṇakārako, bālo hoti abyatto āpattibahulo anapadāno, kuladūsako hoti pāpakā samācārā suyyanti ca.

tīhaṅgehi samannāgatassa bhikkhuno ākaṅkhamāno saṅgho paṭisāraṇīyakammaṁ kareyya: bhaṇḍanakārako hoti kalahakārako vivādakārako bhassakārako saṅghe adhikaraṇakārako, bālo hoti abyatto āpattibahulo anapadāno, gihī
akkosati paribhāsati.

tīhaṅgehi samannāgatassa bhikkhuno ākaṅkhamāno saṅgho
āpattiyā adassane ukkhepanīyakammaṁ [pts page 122] [\q 122/]      kareyya:
bhaṇḍanakārako hoti kalahakārako vivādakārako bhassakārako saṅghe adhikaraṇakārako, bālo hoti abyatto āpattibahulo anapadāno, āpattiṁ āpajjitvā na icchati āpattiṁ passituṁ.

tīhaṅgehi samannāgatassa bhikkhuno ākaṅkhamāno saṅgho
āpattiyā appaṭikamme ukkhepanīyakammaṁ kareyya:
bhaṇḍanakārako hoti kalahakārako vivādakārako bhassakārako saṅghe adhikaraṇakārako, bālo hoti abyatto āpattibahulo anapadāno, āpattiṁ āpajjitvā na icchati āpattiṁ paṭikātuṁ.

tīhaṅgehi samannāgatassa bhikkhuno ākaṅkhamāno saṅgho
pāpikāya diṭṭhiyā appaṭinissagge ukkhepanīyakammaṁ kareyya:
bhaṇḍanakārako hoti kalahakārako vivādakārako bhassakārako saṅghe adhikaraṇakārako, bālo hoti abyatto āpattibahulo anapadāno, na icchati pāpikaṁ diṭṭhiṁ paṭinissajjituṁ.

tīhaṅgehi samannāgatassa bhikkhuno ākaṅkhamāno saṅgho āgāḷhāya ceteyya: bhaṇḍanakārako hoti kalahakārako vivādakārako bhassakārako saṅghe adhikaraṇakārako, bālo hoti abyatto āpattibahulo anapadāno, gihīsaṁsaṭṭho viharati ananulomikehi gihīsaṁsaggehi.

[bjt page 030] [\x  30/]

6. tīhaṅgehi samannāgatassa bhikkhuno kammaṁ kātabbaṁ: alajjī ca hoti. bālo ca, apakatatto ca.

aparehipi tīhaṅgehi samannāgatassa bhikkhuno kammaṁ kātabbaṁ: adhisīle sīlavipanno hoti, ajjhācāre ācāravipanno hoti, atidiṭṭhiyā diṭṭhivipanno hoti.

aparehipi tīhaṅgehi samannāgatassa bhikkhuno kammaṁ kātabbaṁ: kāyikena davena samannāgato hoti, vācasikena davena samannāgato hoti, kāyikavācasikena davena samannāgato hoti.

aparehipi tīhaṅgehi samannāgatassa bhikkhuno kammaṁ kātabbaṁ: kāyikena anācārena samannāgato hoti, vācasikena anācārena samannāgato hoti, vācasikena anācārena samannāgato hoti, kāyikavācasikena anācārena samannāgato hoti.
aparehipi tīhaṅgehi samannāgatassa bhikkhuno kammaṁ kātabbaṁ: kāyikena upaghātikena samannāgato hoti, vācasikena upaghātikena samannāgato hoti, kāyikavācasikena upaghātikena samannāgato hoti.

aparehipi tīhaṅgehi samannāgatassa bhikkhuno kammaṁ kātabbaṁ: kāyikena micchājīvena samannāgato hoti, vācasikena micchājīvena samannāgato hoti, kāyikavācasikena micchājīvena samannāgato hoti.

aparehipi tīhaṅgehi samannāgatassa bhikkhuno kammaṁ kātabbaṁ: āpattiṁ āpanno kammakato upasampādeti, nissayaṁ deti, sāmaṇeraṁ upaṭṭhāpeti.

aparehipi tīhaṅgehi samannāgatassa bhikkhuno kammaṁ kātabbaṁ: yāya āpattiyā saṅghena kammaṁ kataṁ hoti, taṁ āpattiṁ āpajjati, aññaṁ vā tādisikaṁ, tato vā pāpiṭṭhataraṁ.

aparehipi tīhaṅgehi samannāgatassa bhikkhuno kammaṁ kātabbaṁ: buddhassa avaṇṇaṁ bhāsati, dhammassa avaṇṇaṁ bhāsati, saṅghassa avaṇṇaṁ bhāsati.

7. tīhaṅgehi samannāgatassa bhikkhuno saṅghamajjhe uposathaṁ ṭhapentassa ''alaṁ bhikkhu mā bhaṇḍanaṁ, mā kalahaṁ, mā viggahaṁ, mā vivādaṁ''ti omadditvā saṅghena uposatho kātabbo: alajji ca hoti, bālo ca apakatatto ca.

tīhaṅgehi samannāgatassa bhikkhuno saṅghamajjhe pavāraṇaṁ ṭhapentassa ''alaṁ bhikkhu
mā bhaṇḍanaṁ, mā kalahaṁ, mā viggahaṁ, mā vivādaṁ''ti omadditvā saṅghena pavāretabbaṁ: alajji ca hoti, bālo ca apakatatto ca.

1. ovaditvā - sīmu 1, 2.

[bjt page 032] [\x  32/]

8. tīhaṅgehi samannāgatassa bhikkhuno na kāci saṅghasammuti dātabbā: alajjī ca hoti, bālo ca, apakatatto ca.

tīhaṅgehi samannāgatena bhikkhunā saṅghe na voharitabbaṁ1 alajjī ca hoti, bālo ca, apakatatto ca.

tīhaṅgehi samannāgato bhikkhu na kismicī paccekaṭṭhāne ṭhapetabbo: alajjī ca hoti, bālo ca, apakatatto ca.

tīhaṅgehi samannāgatassa [pts page 123] [\q 123/]      bhikkhuno nissāya na vatthabbaṁ: alajjīca hoti, bālo ca, apakatatto ca.

tīhaṅgehi samannāgatassa bhikkhuno nissayo na dātabbo: alajjī ca hoti, bālo ca, apakatatto ca.

tīhaṅgehi samannāgatassa bhikkhuno okāsakammaṁ kārāpentassa nālaṁ okāsakammaṁ kātuṁ: alajjī ca hoti, bālo ca, apakatatto ca.

tīhaṅgehi samannāgatassa bhikkhuno savacanīyaṁ nādātabbaṁ2: alajjī ca hoti, bālo ca, apakatatto ca.

tīhaṅgehi samannāgatassa bhikkhuno na vinayo pucchitabbo: alajjī ca hoti, bālo ca, apakatatto ca.

tīhaṅgehi samannāgatena bhikkhunā vinayo na pucchitabbo: alajjī ca hoti, bālo ca, apakatatto ca.

tīhaṅgehi samannāgatassa bhikkhuno na vinayo vissajjitabbo: alajjī ca hoti, bālo ca, apakatatto ca.

tīhaṅgehi samannāgatena bhikkhunā vinayo na vissajjitabbo: alajjī ca hoti, bālo ca, apakatatto ca.

tīhaṅgehi samannāgatassa bhikkhuno anuyogo na dātabbo: alajjī ca hoti, bālo ca, apakatatto ca.

tīhaṅgehi samannāgatena bhikkhunā saddhiṁ vinayo na sākacchitabbo3: alajjī ca hoti, bālo ca, apakatatto ca.

tīhaṅgehi samannāgatena bhikkhunā na upasampādetabbo, na nissayo dātabbo na sāmaṇero upaṭṭhāpetabbo: alajjī ca hoti, bālo ca, apakatatto ca.

9. tayo uposathā: cātuddasiko, paṇṇarasiko, sāmaggiuposatho. aparepi tayo uposathā: saṅghe uposatho, gaṇe uposatho puggale uposatho aparepi tayo uposathā: suttuddeso uposatho, pārisuddhi uposatho, adhiṭṭhānuposatho.

1. saṅgho na voharitabbo - syā.
2. na dātabbaṁ - sīmu. 1, 2.
3. sākacchātabbo machasaṁ, syā.

[bjt page 034] [\x  34/]

tisso pavāraṇā: cātuddasikā, paṇṇarasikā, sāmaggīpavāraṇā. aparāpi tisso pavāraṇā: saṅghe pavāraṇā, gaṇe pavāraṇā, puggale pavāraṇā. aparāpi tisso pavāraṇā: tevācikā pavāraṇā, dvevācikā pavāraṇā, samānavassikā pavāraṇā.

10. tayo āpāyikā nerayikā idamappahāya: yo ca abrahmacārī brahmacārīpaṭiñño, yo ca suddhaṁ brahmacāriṁ1 parisuddhaṁ2 brahmacariyaṁ carannaṁ amūlakena abrahmacariyena3 anuddhaṁseti, yo cāyaṁ evaṁvādī evaṁdiṭṭhi ''natthi kāmesu doso''ti so kāmesu pātavyataṁ āpajjati. ''

11. tīṇi akusalamūlāni: lobho akusalamūlaṁ, doso akusalamūlaṁ, moho akusalamūlaṁ. tīṇi kusalamūlāni: alobho kusalamūlaṁ, adoso kusalamūlaṁ, amoho kusalamūlaṁ.

tīṇi duccaritāni: kāyaduccaritaṁ, vacīduccaritaṁ, manoduccaritaṁ. tīṇi sucaritāni: kāyasucaritaṁ, vacīsucaritaṁ, manosucaritaṁ.

12. tayo atthavase paṭicca bhagavatā kulesu tikabhojanaṁ paññattaṁ: dummaṅkūnaṁ puggalānaṁ niggahāya pesalānaṁ bhikkhūnaṁ phāsuvihārāya, mā pāpicchā pakkhaṁ nissāya saṅghaṁ [pts page 124] [\q 124/]      bhindeyyuṁ, kulānuddayatāya ca.

tīhi asaddhammehi abhibhuto pariyādinnacitto devadatto āpāyiko nerayiko kappaṭṭho atekiccho: pāpicchatā, pāpamittatā, oramattakena visesādhigamena antarāvosānaṁ āpādi.

13. tisso sammutiyo: daṇḍasammuti, sikkāsammuti, daṇḍasikkā sammuti.

tisso pādukā dhuvaṭṭhāniyā4 asaṅkamanīyā: vaccapādukā, passāvapādukā, ācamanapādukā.

tisso pādaghaṁsaniyo: sakkharā kaṭhalā, samuddapheṇakoti.

tikaṁ niṭṭhitaṁ.

tassuddānaṁ:

1. tiṭṭhante kāle rattiṁ ca dasa pañca kusalena,
vedanā codanā vatthu salākā dve paṭikkhipā.

2. paññatti apare dve ca bālo kāḷe ca kappati,
hemante saṅgho saṅghassa chādanā ca paṭicchādi

1. asuddha brahmacāri - sīmu 1.
2. suddhaṁ - syā,
3. brahmacariyena - sīmu 1.
4. dhuvaṭṭhitikā - machasaṁ.

[bjt page 036] [\x  36/]

3. paṭicchannā vivaṭā ca senāsanagilāyanā,
pātimokkhaṁ parivāsaṁ mānattāpārivāsikā.

4. atto ante ca sīmāya āpajjati punāpare,
vuṭṭhāti apare ceva amūḷhavinayā duve.

5. tajjanīyā niyassā ca pabbājapaṭisāraṇi,
adassanāpaṭikamme anissagge va1 diṭṭhiyā.

6. āgāḷhakammādhisīle davānācāraghātikā,
ājīvāpannātādisikā avaṇṇuposathena ca

7. pavāraṇā sammuti ca vohārapaccekena ca
na vatthabbaṁ na dātabbaṁ okāsaṁ na kare tathā.

8. na kare savacanīyaṁ na pucchitabbakā duve,
na vissajje duve ceva anuyogampi no dade.

9. sākacchā upasampadā nissayasāmaṇerā ca,
uposathā tikā tīṇi pavāraṇā tikā tayo.

10. āpāyikā akusalā kusalā caritā duve,
tikabhojanasaddhamme sammuti pādukena ca.
pādaghaṁsanikā ceva udānaṁ tikake idanti.

catukkaṁ

1. atthāpatti sakavācāya āpajjati, paravācāya vuṭṭhāti. atthāpatti paravācāya āpajjati, sakavācāya vuṭṭhāti. atthāpatti sakavācāya āpajjati, sakāvācāya vuṭṭhāti. atthāpatti paravācāya āpajjati, paravācāya vuṭṭhāti.

atthāpatti kāyena āpajjati, vācāya vuṭṭhāti. atthāpatti vācāya āpajjati, kāyena vuṭṭhāti. atthāpatti kāyena āpajjati, kāyena vuṭṭhāti. atthāpatti vācāya āpajjati, vācāya vuṭṭhāti.

atthāpatti pasutto āpajjati, paṭibuddho vuṭṭhāti. atthāpatti paṭibuddho [pts page 125] [\q 125/]      āpajjati, pasutto vuṭṭhāti. atthāpatti pasutto āpajjati, pasutto vuṭṭhāti. atthāpatti paṭibuddho āpajjati, paṭibuddho vuṭṭhāti.

atthāpatti acittako āpajjati, sacittako vuṭṭhāti. atthāpatti sacittako āpajjati, acittako vuṭṭhāti. atthāpatti acittako āpajjati, acittako vuṭṭhāti. atthāpatti sacittako āpajjati, sacittako vuṭṭhāti.

1. anissaggī ca - sīmu.

[bjt page 038] [\x  38/]

atthāpatti āpajjanto deseti, desento āpajjati. atthāpatti āpajjanato vuṭṭhāti, vuṭṭhahanto āpajjati.

atthāpatti kammena āpajjati, akammena vuṭṭhāti. atthāpatti akammena āpajjati, kammena vuṭṭhāti. atthāpatti kammena āpajjati, kammena vuṭṭhāti. atthāpatti akammena āpajjati, akammena vuṭṭhāti.

2. cattāro anariyavohārā: adiṭṭhe diṭṭhavāditā, asute sutavāditā, amute mutavāditā, aviññāte viññātavāditā.

cattāro ariyavohārā: adiṭṭhe adiṭṭhavāditā, asute asutavāditā, amute amutavāditā, aviññāte viññātavāditā.

aparepi cattāro anariyavohārā: diṭṭhe adiṭṭhavāditā, sute asutavāditā, mute amutavāditā, viññāte aviññātavāditā.

cattāro ariyavohārā: diṭṭhe diṭṭhavāditā, sute sutavāditā, mute mutavāditā, viññāte viññātavāditā.

3. cattāro pārājikā bhikkhūnaṁ bhikkhunīhi sādhāraṇā, cattāro pārājikā bhikkhunīnaṁ bhikkhūhi asādhāraṇā.

cattāro parikkhārā: atthi parikkhāro rakkhitabbo gopetabbo mamāyitabbo paribhuñjitabbo, atthi parikkhāro rakkhitabbo gopetabbo mamāyitabbo na paribhuñjitabbo, atthi parikkhāro rakkhitabbo gopetabbo na mamāyitabbo na paribhuñjitabbo, atthi parikkhāro na rakkhitabbo na gopetabbo na mamāyitabbo na paribhuñjitabbo.

atthāpatti sammukhā āpajjati, parammukhā vuṭṭhāti. atthāpatti parammukhā āpajjati, sammukhā vuṭṭhāti. atthāpatti sammukhā āpajjati sammukhā vuṭṭhāti. atthāpatti parammukhā āpajjati, parammukhā vuṭṭhāti.

atthāpatti ajānanto āpajjati, jānanto vuṭṭhāti atthāpatti jānanto āpajjati, ajānanto vuṭṭhāti. atthāpatti ajānanto āpajjati, ajānanto vuṭṭhāti. atthāpatti jānanto āpajjati jānanto vuṭṭhāti.

4. catuhākārehi āpattiṁ āpajjati: kāyena āpajjati, vācāya āpajjati, kāyena vācāya āpajjati, kammavācāya āpajjati. aparehipi catuhākārehi āpattiṁ āpajjiti: saṅghamajjhe, gaṇamajjhe, puggalassa santike, liṅgapātubhāvena.

catuhākārehi āpattiyā vuṭṭhāti: kāyena vuṭṭhāti, vācāya vuṭṭhāti. kāyena vācāya vuṭṭhāti, kammavācāya vuṭṭhāti.

[bjt page 040] [\x  40/]

aparehipi catuhākārehi āpattiyā vuṭṭhāti: saṅghamajjhe, gaṇamajjhe, puggalassa santike, liṅgapātubhāvena. sahapaṭilābhena purimaṁ jahāti, pacchime patiṭṭhāti, viññattiyo paṭippassambhanti, paññattiyo1 nirujjhanti. sahapaṭilābhena pacchimaṁ jahāti, purime patiṭṭhāti, viññattiyo paṭippassambhanti, paññattiyo nirujjhanti.

5. catasso codanā: sīlavipattiyā [pts page 126] [\q 126/]      codeti, ācāravipattiyā codeti, diṭṭhivipattiyā codeti, ājīvavipattiyā codeti.

cattāro parivāsā: paṭicchannaparivāso, apaṭicchannaparivāso, suddhantaparivāso, samodhānaparivāso.

cattāri mānattāni2: paṭicchannamānattaṁ, apaṭicchannamānattaṁ, pakkhamānattaṁ, samodhānamānattaṁ.

cattāro mānattacārikassa bhikkhuno ratticchedā: sahavāso vippavāso, anārocanā, ūne gaṇe carati

cattāro sāmukkaṁsā.

6. cattāro paṭiggahitaparibhogā: yāvakālikaṁ, yāmakālikaṁ, sattāhakālikaṁ, yāvajīvikaṁ.

cattāri mahāvikaṭāni: gūtho, muttaṁ, chārikā, mattikā

cattāri kammāni: apalokanakammaṁ, ñattikammaṁ, ñattidutiyakammaṁ, ñatticatutthakammaṁ.
aparānipi cattāri kammāni: adhammena vaggakammaṁ, adhammena samaggakammaṁ, dhammena vaggakammaṁ dhammena samaggakammaṁ.

catasso vipattiyo: sīlavipatti, ācāravipatti, diṭṭhivipatti, ājīvavipatti.

cattāri adhikaraṇāni: vivādādhikaraṇaṁ, anuvādādhikaraṇaṁ, āpattādhikaraṇaṁ, kiccādhikaraṇaṁ.

cattāro parisadūsanā: bhikkhū dussīlo pāpadhammo parisadūsano, bhikkhunī dussīlā pāpadhammā parisadūsanā, upāsako dussīlo pāpadhammo parisadūsano, upāsikā dussīlā pāpadhammā parisadūsanā.

cattāro parisasobhanā: bhikkhu sīlavā kalyāṇadhammo parisasobhano, bhikkhunī sīlavatī kalyāṇadhammā parisasobhanā, upāsako sīlavā kalyāṇadhammo parisasobhano, upāsikā sīlavatī kalyāṇadhammā parisasobhanā.

1. paṇṇattiyo - machasaṁ.
2. cattāro mānattā - sīmu 1. 2.

[bjt page 042] [\x  42/]

7. atthāpatti āgantuko āpajjati no āvāsiko. atthāpatti āvāsiko āpajjiti no āgantuko. atthāpatti āgantuko ceva āpajjati āvāsiko ca. atthāpatti neva āgantuko āpajjati no āvāsiko.

atthāpatti gamiko āpajjati no āvāsiko. atthāpatti āvāsiko āpajjati no gamiko. atthāpatti gamiko ceva āpajjati āvāsiko ca. atthāpatti neva gamiko āpajjati no āvāsiko.

atthi vatthunānattatā no āpattinānattatā. , atthi āpatti nānattatā no vatthunānattatā. atthi vatthunānattatā ceva āpattinānattatā ca. atthi neva vatthunānattatā no āpattinātattatā.

atthi vatthusabhāgatā no āpattisabhāgatā, atthi āpattisabhāgatā no vatthusabhāgatā, atthi vatthusabhāgatā ceva āpattisabhāgatā ca. atthi neva vatthusabhāgatā no āpattisabhāgatā.

atthāpatti upajjhāyo āpajjati no saddhivihāriko. atthāpatti saddhivihāriko āpajjati no upajjhāyo. atthāpatti upajjhāyo ceva āpajjati saddhivihāriko ca. atthāpatti neva upajjhāyo āpajjati no saddhivihāriko.

atthāpatti ācariyo āpajjati no antevāsiko. atthāpatti antevāsiko āpajjati no ācariyo atthāpatti ācariyo ceva āpajjati antevāsiko ca. atthāpatti neva ācariyo āpajjati no antevāsiko.

8. cattāro paccayā anāpatti vassacchedassa: saṅgho vā bhinno hoti, saṅghaṁ bhinditukāmā vā honti, jīvitantarāyo vā hoti, brahmacariyantarāyo vā.

cattāri vacīduccaritāni: musāvādo, pisunā vācā, pharusā vācā, samphappalāpo.
cattāri vacīsucaritāni: saccavācā, apisunā vācā, saṇhā vācā, mantābhāsā. [pts page 127] [\q 127/]

atthi ādiyanto garukaṁ āpattiṁ āpajjati, payojento lahukaṁ. atthi ādiyanto lahukaṁ āpattiṁ āpajjati, payojento garukaṁ. atthi ādiyantopi payojentopi garukaṁ āpattiṁ āpajjati. atthi ādiyantopi payojentopi lahukaṁ āpattiṁ āpajjati.

9. atthi puggalo abhivādanāraho no paccuṭṭhānāraho. atthi puggalo paccuṭṭhānāraho no abhivādanāraho. atthi puggalo abhivādanāraho ceva paccuṭṭhānāraho ca. atthi puggalo neva abhivādanāraho no paccuṭṭhānāraho.
[bjt page 044] [\x  44/]

atthi puggalo āsanāraho no abhivādanāraho. atthi puggalo abhivādanāraho no āsanāraho. atthi puggalo āsanāraho ceva abhivādanāraho ca. atthi puggalo neva āsanāraho no abhivādanāraho.

10. atthāpatti kāle āpajjati no vikāle. atthāpatti vikāle āpajjati no kāle. atthāpatti kāle ceva āpajjati vikāle ca, atthāpatti neva kāle āpajjati no vikāle.

atthi paṭiggahitaṁ kāle kappati no vikāle atthi paṭiggahitaṁ vikāle kappati no kāle. atthi paṭiggahitaṁ kāle ceva kappati vikāle ca. atthi paṭiggahitaṁ neva kāle kappati no vikāle.

atthāpatti paccantimesu janapadesu āpajjati no majjhimesu janapadesu, atthāpatti majjhimesu janapadesu āpajjati no paccantimesu janapadesu, atthāpatti paccantimesu janapadesu ceva āpajjati majjhimesu janapadesu ca, atthāpatti neva paccantimesu janapadesu āpajjati no majjhimesu janapadesu.

atthi paccantimesu janapadesu kappati no majjhimesu janapadesu, atthi majjhimesu janapadesu kappati no paccantimesu janapadesu. atthi paccantimesu janapadesu ceva kappati majjhimesu janapadesu ca. atthi neva paccantimesu janapadesu kappati. no majjhimesu janapadesu.

atthāpatti anto āpajjati no bahi, atthāpatti bahi āpajjati no anto. atthāpatti anto ceva āpajjati bahi ca. atthāpatti neva anto āpajjati no bahi.

atthāpatti antosīmāya āpajjati no bahisīmāya. atthāpatti bahisīmāya āpajjati no antosīmāya. atthāpatti antosīmāya ceva āpajjati bahisīmāya ca. atthāpatti neva antosīmāya āpajjati no bahisīmāya.

atthāpatti gāme āpajjati no araññe. atthāpatti araññe āpajjati no gāme. atthāpatti gāme ceva āpajjati araññe ca atthāpatti neva gāme āpajjati no araññe.

11. catasso codanā: vatthusandassanā āpattisandassanā, saṁvāsapaṭikkhepo, sāmīcipaṭikkhepo.

cattāro pubbakiccā. cattāro pattakallā. cattāri anaññapācittiyāni. catasso bhikkhusammutiyo.

cattāri agatigamanāni: chandāgatiṁ gacchati, dosāgatiṁ gacchati, mohāgatiṁ gacchati, bhayāgatiṁ gacchati.

cattāri nāgatigamanāni: na chandāgatiṁ gacchati, na dosāgatiṁ gacchati, na mohāgatiṁ gacchati, na bhayāgatiṁ gacchati.

[bjt page 046] [\x  46/]

12. catuhaṅgehi samannāgato alajji bhikkhu saṅghaṁ bhindati. chandāgatiṁ gacchanto, dosāgatiṁ gacchanto, mohāgatiṁ gacchanto, bhayāgatiṁ gacchanto.

catuhaṅgehi samannāgato pesalo bhikkhu bhinnaṁ saṅghaṁ samaggaṁ karoti.
na chandāgatiṁ gacchanto, na dosāgatiṁ na gacchanto, na mohāgatiṁ gacchanto, na bhayāgatiṁ gacchanto.

catuhaṅgehi samannāgatassa bhikkhuno vinayo na pucchitabbo: chandāgatiṁ gacchati,
dosāgatiṁ gacchati, mohāgatiṁ gacchati, bhayāgatiṁ gacchati.

catuhaṅgehi samannāgatena bhikkhunā vinayo na pucchitabbo: chandāgatiṁ gacchati,
dosāgatiṁ gacchati, mohāgatiṁ gacchati, bhayāgatiṁ gacchati.

catuhaṅgehi samannāgatassa bhikkhuno vinayo na visajjetabbo: chandāgatiṁ gacchati, dosāgatiṁ gacchati, mohāgatiṁ gacchati, bhayāgatiṁ gacchati.

catuhaṅgehi samannāgatena bhikkhunā vinayo na vissajjetabbo: chandāgatiṁ gacchati,
dosāgatiṁ gacchati, mohāgatiṁ gacchati, bhayāgatiṁ gacchati.

catuhaṅgehi samannāgatassa bhikkhuno anuyogo na dātabbo: chandāgatiṁ gacchati, dosāgatiṁ gacchati, mohāgatiṁ gacchati, bhayāgatiṁ gacchati.

catuhaṅgehi [pts page 128] [\q 128/]      samannāgatena bhikkhunā saddhiṁ vinayo na sākacchitabbo: chandāgatiṁ gacchati,
dosāgatiṁ gacchati, mohāgatiṁ gacchati, bhayāgatiṁ gacchati.

13. atthāpatti gilāno āpajjati no agilāno, atthāpatti agilāno āpajjati no gilāno, atthāpatti gilāno ceva āpajjati agilāno ca, atthāpatti neva gilāno āpajjati no agilāno.

14. cattāri adhammikāni pātimokkhaṭṭhapanāni. cattāri dhammikāni pātimokkhaṭṭhapanānīti.

catukkaṁ niṭṭhitaṁ.

tassuddānaṁ:

1. sakavācāya kāyena pasutto ca acittako
āpajjanto ca kammena vohārā caturo tathā

2. bhikkhūnaṁ bhikkhunīnañca parikkhāro ca sammukhā
ajānakāle1 majjhe ca vuṭṭhāti duvidhā tathā

1. ājānakāle - machasaṁ.

[bjt page 048] [\x  48/]

3. paṭilābhā1 ca codanā parivāsā ca vuccati,
mānattacārikā cāpi sāmukkaṁsā paṭiggahā2

4. mahāvikaṭakammāni puna kammavipattiyo, 3
adhikaraṇā dussīlā ca sobhanāgantukena ca

5. gamiko vatthunānattā sabhāgupajjhāyena ca,
ācariyo paccayā ca duccaritaṁ sucaritaṁ

6. ādiyanto puggalo ca arahā āsanena ca,
kāle ca kappati ceva paccantimesu kappati

7. anto anto ca sīmāya gāme ca codanāya ca,
pubbakiccaṁ pattakallaṁ anaññāsammutiyo ca

8. agati nāgati ceva alajji pesalena ca,
pucchitabbā duve ceva vissajjeyyā tathā duve:
anuyogo ca sākacchā gilāno ṭhapanena cā ti.

pañcakaṁ

1. pañca āpattiyo. pañca āpattikkhandhā. pañca vinītavatthūni. pañca kammāni ānantarikāni. pañca pullalā niyatā. pañca chedanakā āpattiyo. pañcahākārehī āpattiṁ āpajjati. pañca āpattiyo musāvādapaccayā.

2. pañcahākārehi kammaṁ na upeti: sayaṁvā kammaṁ na karoti, paraṁ vā nājjhesati, chandaṁ vā pārisuddhiṁ vā na deti, kayiramāne kamme paṭikkosati, kate vā pana kamme adhammadiṭṭhi hoti.

pañcahākārehi kammaṁ upeti: sayaṁ vā kammaṁ karoti, paraṁ vā ajjhesati, chandaṁ vā pārisuddhiṁ vā deti, kayiramāne kamme na paṭikkosati, kate vā pana kamme dhammadiṭṭhi hoti.

3. pañca piṇḍapātikassa bhikkhuno kappanti: anāmantacāro, gaṇabhojanaṁ, paramparabhojanaṁ, anadhiṭṭhānaṁ, avikappanā.

4. pañcahaṅgehi samannāgato bhikkhu [pts page 129] [\q 129/]      ussaṅkitaparisaṅkito hoti pāpabhikkhupi akuppadhammopi: vesiyagocaro4 vā hoti, vidhavāgocaro vā hoti, thullakumārīgocaro5 vā hoti, paṇḍakagocaro vā hoti, bhikkhunīgocaro vā hoti.

1. paṭilābhena - machasaṁ.
2. paṭiggahi - machasaṁ.
3. puna kamme - machasaṁ.
4. vesiyāgocaro - sīmu2.
5. thullakumārigocaro - machasaṁ.

[bjt page 050] [\x  50/]

5. pañca telāni: tilatelaṁ, sāsapatelaṁ, madhukatelaṁ, eraṇḍatelaṁ, vasātelaṁ.
pañca vasāni: acchavasaṁ, macchavasaṁ, susukāvasaṁ, sūkaravasaṁ, gadrabhavasaṁ.

6. pañca byasanāni: ñātibyasanaṁ, bhogabyasanaṁ, rogabyasanaṁ, sīlabyasanaṁ, diṭṭhibyasanaṁ.

pañca sampadā: ñātisampadā, bhogasampadā, arogasampadā, sīlasampadā, diṭṭhisampadā.
7. pañca nissayapaṭippassaddhiyo upajjhāyamhā: upajjhāyo pakkanto vā hoti, vibbhanto vā, kālakato vā, pakkhasaṅkanto vā, āṇattiyeva pañcamī.

pañca puggalā na upasampādetabbā: addhānahīno, aṅgahīno, vatthuvipanno, karaṇadukkaṭako, aparipūro.

8. pañca paṁsukūlāni: sosānikaṁ, pāpaṇikaṁ undurakhāyitaṁ, upavikā khāyitaṁ, aggidaḍḍhaṁ.

aparānipi pañca paṁsukūlāni: gokhāyitaṁ, ajakhāyitaṁ, thūpacīvaraṁ, ābhisekikaṁ, gatapaṭiyāgataṁ.

9. pañca avahārā: theyyāvahāro, pasayhāvahāro, parikappāvahāro, paṭicchannāvahāro, kusāvāharo.

10. pañca mahācorā santo saṁvijjamānā lokasmiṁ.

pañca avissajjīyāni.

pañca avehaṅgiyāni.

pañcāpattiyo kāyato samuṭṭhahanti na vācato na cittato.

pañcāpattiyo kāyato ca vācato ca samuṭṭhahanti na cittato.

pañcāpattiyo desanāgāminiyo.

pañca saṅghā.

pañca pātimokkhuddesā.

sabbapaccantimesu janapadesu vinayadharapañcamena gaṇena upasampādetabbaṁ.

pañca ānisaṁsā kaṭhinatthāre.

pañca kammāni.

yāvatatiyake pañcāpattiyo.

[bjt page 052] [\x  52/]

pañcahākārehi adinnaṁ ādiyantassa āpatti pārājikassa.

pañcahākārehi adinnaṁ ādiyantassa āpatti thullavaccayassa.

pañcahākārehi adinnaṁ ādiyantassa āpatti dukkaṭassa.

11. pañca akappiyāni na paribhuñjitabbāni: adinnañca hoti, aviditañca hoti, akappiyañca hoti, apaṭiggahitañca hoti, akatātirittañca hoti.

pañcakappiyāni paribhuñjitabbāni: dinnañceva hoti, viditañca hoti, kappiyañca hoti, paṭiggahitañca hoti, katātirittañca hoti.

pañca dānāni apuññāni puññasammatāni lokassa1: majjadānaṁ, samajjadānaṁ, itthidānaṁ, usabhadānaṁ cittakammadānaṁ.

pañca uppannā duppaṭivinodayā2: uppanno rāgo duppaṭivinodayo, uppanno doso duppaṭivinodayo, uppanno moho duppaṭivinodayo, uppannaṁ paṭibhānaṁ duppaṭivinodayaṁ, uppannaṁ gamiyacittaṁ duppaṭivinodayaṁ.

pañcānisaṁsā sammajjaniyā: sakacittaṁ pasīdati, paracittaṁ pasīdati, devatā attamanā honti, [pts page 130] [\q 130/]      pāsādikasaṁvattanikaṁ3 kammaṁ upacināti, kāyassa bhedā parammaraṇā sugatiṁ saggaṁ lokaṁ upapajjati.

aparepi pañcānisaṁsā sammajjaniyā: sakacittaṁ pasīdati. paracittaṁ pasīdati, devatā attamanā honti satthusāsanaṁ kataṁ hoti, pacchimā janatā diṭṭhānugatiṁ āpajjati.
12. pañcahaṅgehi samannāgato vinayadharo bālottheva saṅkhaṁ gacchati: attano bhāsapariyantaṁ na uggaṇhāti, parassa bhāsapariyantaṁ na uggaṇhāti, attano bhāsapariyantaṁ anuggahetvā4 parassa bhāsapariyantaṁ anuggahetvā, adhammena kāreti apaṭiññāya.

pañcahaṅgehi samannāgato vinayadharo paṇḍitottheva saṅkhaṁ gacchati: attano bhāsapariyantaṁ uggaṇhāti, parassa bhāsapariyantaṁ uggaṇhāti, attano bhāsapariyantaṁ uggahetvā parassa bhāsapariyantaṁ uggahetvā, dhammena kāreti paṭiññāya.

aparehipi pañcahaṅgehi samannāgato vinayadharo bālotveva saṅkhaṁ gacchati: āpattiṁ na jānāti, āpattiyā mūlaṁ na jānāti, āpattisamudayaṁ na jānāti, āpattinirodhaṁ na jānāti, āpattinirodhagāminiṁ paṭipadaṁ5 na jānāti.

1. lokasmiṁ - sīmu 1, 2. machasaṁ.
2. duppaṭivinodiyā - syā.
3. pāsādika saṁvattiyaṁ - sīmu. 1, 2.
pāsādika saṁvattiyaṁ - syā.
pāsādika saṁvattikakammaṁ - machasaṁ.
4. na uggahetvā - machasaṁ.
5. āpattinirodhagāmiṇipaṭipadaṁ - sīmu, 1.

[bjt page 054] [\x  54/]

pañcahaṅgehi samannāgato vinayadharo paṇḍitotveva saṅkhaṁ gacchati: āpattiṁ jānāti, āpattiyā mūlaṁ jānāti, āpattisamudayaṁ jānāti, āpattinirodhaṁ jānāti, āpattinirodhagāminiṁ paṭipadaṁ jānāti.

aparehipi pañcahaṅgehi samannāgato vinayadharo bālotveva saṅkhaṁ gacchati: adhikaraṇaṁ na jānāti, adhikaraṇassa mūlaṁ na jānāti, adhikaraṇasamudayaṁ na jānāti, adhikaraṇanirodhaṁ na jānāti, adhikaraṇanirodhagāminiṁ paṭipadaṁ na jānāti.

pañcahaṅgehi samannāgato vinayadharo paṇḍitotveva saṅkhaṁ gacchati: adhikaraṇaṁ jānāti, adhikaraṇassa mūlaṁ jānāti, adhikaraṇasamudayaṁ jānāti, adhikaraṇanirodhaṁ jānāti, adhikaraṇanirodhagāminiṁ paṭipadaṁ jānāti.

aparehipi pañcahaṅgehi samannāgato vinayadharo bālotveva saṅkhaṁ gacchati: vatthuṁ na jānāti, nidānaṁ na jānāti, paññattiṁ na jānāti, anupaññattiṁ
na jānāti, anusandhivacanapathaṁ na jānāti.

pañcahaṅgehi samannāgato vinayadharo paṇḍitotveva saṅkhaṁ gacchati: vatthuṁ jānāti, nidānaṁ jānāti, paññattiṁ jānāti, anupaññattiṁ jānāti,
anusandhivacanapathaṁ jānāti.

aparehipi pañcahaṅgehi samannāgato vinayadharo bālotveva saṅkhaṁ gacchati: ñattiṁ na jānāti, ñattiyā karaṇaṁ na jānāti, na pubbakusalo hoti, na aparakusalo hoti, akālaññū ca hoti.

pañcahaṅgehi samannāgato vinayadharo paṇḍitotveva saṅkhaṁ gacchati: ñattiṁ jānāti, ñattiyā karaṇaṁ jānāti, pubbakusalo hoti, aparakusalo hoti, kālaññū ca hoti.
aparehipi pañcahaṅgehi samannāgato vinayadharo bālotveva saṅkhaṁ gacchati: āpattānāpattiṁ na jānāti, lahukagarukaṁ āpattiṁ na jānāti. sāvasesānavasesaṁ āpattiṁ na jānāti, duṭaṭhullāduṭṭhullaṁ āpattiṁ na jānāti, ācariyaparamparā kho panassa na suggahītā hoti na sumanasikatā na sūpadhāritā

pañchaṅgehi samannāgato vinayadharo paṇḍitotveva saṅkhaṁ gacchati: āpattānāpattiṁ jānāti, lahukagarukaṁ āpattiṁ jānāti. sāvasesānavasesaṁ āpattiṁ jānāti, duṭṭhullāduṭṭhullaṁ āpattiṁ jānāti, ācariyaparamparā kho panassa suggahitā hoti sumanasikatā sūpadhāritā.

aparehipi pañcahaṅgehi samannāgato vinayadharo bālotveva saṅkhaṁ gacchati: āpattānāpattiṁ na jānāti, lahukagarukaṁ āpattiṁ na jānāti, sāvasesānavasesaṁ āpattiṁ na jānāti, duṭṭhullāduṭṭhullaṁ āpattiṁ [pts page 131] [\q 131/]      na jānāti, ubhayāni kho panassa pātimokkhāni na vitthārena svāgatāni honti na suvibhattāni na suppavattīni na suvinicchitāni suttaso anubyañjanaso.

[bjt page 056] [\x  56/]

pañcahaṅgehi samannāgato vinayadharo paṇḍitottheva saṅkhaṁ gacchati: āpattānāpattiṁ jānāti, lahukagarukaṁ āpattiṁ jānāti, sāvasesānavasesaṁ āpattiṁ jānāti, duṭṭhullāduṭṭhullaṁ āpattiṁ jānāti, ubhayāni kho panassa pātimokkhāni vitthārena svāgatāni honti suvibhattāni suppavattīni suvinicchitāni suttaso anubyañjanaso.

aparehipi pañcahaṅgehi samannāgato vinayadharo bālotveva saṅkhaṁ gacchati: āpattānāpattiṁ na jānāti, lahukagarukaṁ āpattiṁ na jānāti, sāvasesānavasesaṁ āpattiṁ na jānāti, duṭṭhullāduṭṭhullaṁ āpattiṁ na jānāti, adhikaraṇe ca na vinicchayakusalo hoti.

pañcahaṅgehi samannāgato vinayadharo paṇḍitotveva saṅkhaṁ gacchati: āpattānāpattiṁ jānāti, lahukagarukaṁ āpattiṁ jānāti, sāvasesānavasesaṁ āpattiṁ jānāti, duṭṭhullāduṭṭhullaṁ āpattiṁ jānāti, adhikaraṇe ca vinicchayakusalo hoti.

13. pañca āraññakā1: mandattā momuhattā āraññako hoti, pāpiccho icchāpakato āraññako hoti, ummādā cittakkhepā āraññako hoti, vaṇṇitaṁ buddhehi buddhasāvakehīti āraññako hoti, api ca appicchaññeva nissāya santuṭṭhiññeva nissāya sallekhaññeva nissāya pavivekaññeva nissāya idamatthitaññeva2 nissāya āraññako hoti.

pañca piṇḍapātikā: mandattā momuhattā piṇḍapātiko hoti, pāpiccho
icchāpakato piṇḍapātiko hoti, ummādā cittakkhepā piṇḍapātiko hoti, vaṇṇitaṁ khuddhehi buddhasāvakehīti piṇḍapātiko hoti, api ca appicchaññeva nissāya santuṭṭhiññeva nissāya sallekhaññeva nissāya pavivekaññeva nissāya idamatthitaññeva nissāya piṇḍapātiko hoti.
pañca paṁsukūlikā: mandattā momuhattā paṁsakūliko hoti, pāpiccho
icchāpakato paṁsakūliko hoti, ummādā cittakkhepā paṁsakūliko hoti, vaṇṇitaṁ khuddhehi buddhasāvakehīti paṁsakūliko hoti, api ca appicchaññeva nissāya santuṭṭhiññeva nissāya sallekhaññeva nissāya pavivekaññeva nissāya idamatthitaññeva nissāya paṁsakūliko hoti.

pañca rukkhamūlikā: mandattā momuhattā rukkhamūliko hoti, pāpiccho
icchāpakato rukkhamūliko hoti, ummādā cittakkhepā rukkhamūliko hoti, vaṇṇitaṁ khuddhehi buddhasāvakehīti rukkhamūliko hoti, api ca appicchaññeva nissāya santuṭṭhiññeva nissāya sallekhaññeva nissāya pavivekaññeva nissāya idamatthitaññeva nissāya rukkhamūliko hoti.

pañca sosānikā: mandattā momuhattā sosāniko hoti, pāpiccho
icchāpakato sosāniko hoti, ummādā cittakkhepā sosāniko hoti, vaṇṇitaṁ khuddhehi buddhasāvakehīti sosāniko hoti, api ca appicchaññeva nissāya santuṭṭhiññeva nissāya sallekhaññeva nissāya pavivekaññeva nissāya idamatthitaññeva nissāya sosāniko hoti.

pañca abbhokāsikā: mandattā momuhattā abbhokāsiko hoti, pāpiccho icchāpakato abbhokāsiko hoti, ummādā cittakkhepā abbhokāsiko hoti, vaṇṇitaṁ khuddhehi
buddhasāvakehīti abbhokāsiko hoti, api ca appicchaññeva nissāya santuṭṭhiññeva nissāya sallekhaññeva nissāya pavivekaññeva nissāya idamatthitaññeva nissāya abbhokāsiko hoti.

pañca tecīvarikā: mandattā momuhattā tecīvariko hoti, pāpiccho
icchāpakato tecīvariko hoti, ummādā cittakkhepā tecīvariko hoti, vaṇṇitaṁ khuddhehi buddhasāvakehīti tecīvariko hoti, api ca appicchaññeva nissāya santuṭṭhiññeva nissāya sallekhaññeva nissāya pavivekaññeva nissāya idamatthitaññeva nissāya tecīvariko hoti.

pañca sapadānacārikā: mandattā momuhattā sapadānacāriko hoti, pāpiccho icchāpakato sapadānacāriko hoti, ummādā cittakkhepā sapadānacāriko hoti, vaṇṇitaṁ khuddhehi buddhasāvakehīti
sapadānacāriko hoti, api ca appicchaññeva nissāya
santuṭṭhiññeva nissāya sallekhaññeva nissāya pavivekaññeva nissāya idamatthitaññeva nissāya sapadānacāriko hoti.

pañca nesajjīkā: mandattā momuhattā nesajjīko hoti, pāpiccho
icchāpakato nesajjīko hoti, ummādā cittakkhepā nesajjīko hoti, vaṇṇitaṁ khuddhehi buddhasāvakehīti nesajjīko hoti, api ca appicchaññeva nissāya santuṭṭhiññeva nissāya sallekhaññeva nissāya pavivekaññeva nissāya idamatthitaññeva nissāya nesajjīko hoti.

pañca yathāsanthatikā: mandattā momuhattā yathāsanthatiko hoti, pāpiccho
icchāpakato yathāsanthatiko hoti, ummādā cittakkhe
pā yathāsanthatiko hoti, vaṇṇitaṁ khuddhehi buddhasāvakehīti
yathāsanthatiko hoti, api ca appicchaññeva nissāya
santuṭṭhiññeva nissāya sallekhaññeva nissāya pavivekaññeva nissāya idamatthitaññeva nissāya yathāsanthatiko hoti.

pañca ekāsanikā: mandattā momuhattā ekāsaniko hoti, pāpiccho
icchāpakato ekāsaniko hoti, ummādā cittakkhepā ekāsaniko hoti, vaṇṇitaṁ khuddhehi buddhasāvakehīti ekāsaniko hoti, api ca appicchaññeva nissāya santuṭṭhiññeva nissāya sallekhaññeva nissāya pavivekaññeva nissāya idamatthitaññeva nissāya ekāsaniko hoti.

pañca khalupacchābhattikā: mandattā momuhattā khalupacchābhattiko hoti, pāpiccho icchāpakato khalupacchābhattiko hoti, ummādā cittakkhe
pā khalupacchābhattiko hoti, vaṇṇitaṁ khuddhehi buddhasāvakehīti
khalupacchābhattiko hoti, api ca appicchaññeva nissāya
santuṭṭhiññeva nissāya sallekhaññeva nissāya pavivekaññeva nissāya idamatthitaññeva nissāya khalupacchābhattiko hoti.

pañca pattapiṇḍikā: mandattā momuhattā pattapiṇḍiko hoti, pāpiccho
icchāpakato pattapiṇḍiko hoti, ummādā cittakkhepā pattapiṇḍiko hoti, vaṇṇitaṁ khuddhehi buddhasāvakehīti pattapiṇḍiko hoti, api ca appicchaññeva nissāya santuṭṭhiññeva nissāya sallekhaññeva nissāya pavivekaññeva nissāya idamatthitaññeva nissāya pattapiṇḍiko hoti.

14. pañcahaṅgehi samannāgatena bhikkhunā nānissitena vatthabbaṁ: uposathaṁ na jānāti, uposathakammaṁ na jānāti, pātimokkhaṁ na jānāti, pātimokkhuddesaṁ na jānāti, ūnapañcavasso hoti,

pañcahaṅgehi samannāgatena bhikkhunā anissitena vatthabbaṁ: uposathaṁ jānāti, uposathakammaṁ jānāti, pātimokkhaṁ jānāti, pātimokkhuddesaṁ jānāti, pañcavasso vā hoti atirekavañcavasso vā.

1. āraññikā - sīmu. 1
2. idamaṭṭhitaññeva - sīmu 1

[bjt page 058] [\x  58/]

aparehipi pañcahaṅgehi samannāgatena bhikkhunā nānissitena vatthabbaṁ: pavāraṇaṁ na jānāti, pavāraṇakammaṁ na jānāti, pātimokkhaṁ na jānāti, pātimokkhuddesaṁ na jānāti, ūnapañcavasso hoti.

pañcahaṅgehi samannāgatena bhikkhunā anissitena vatthabbaṁ: pavāraṇaṁ jānāti, pavāraṇakammaṁ jānāti, pātimokkhaṁ jānāti, pātimokkhuddesaṁ jānāti. pañcavasso vā hoti atirekapañcavasso vā.

aparehipi pañcahaṅgehi samannāgatena bhikkhunā nānissitena vatthabbaṁ: āpattānāpattiṁ na jānāti, lahukagarukaṁ āpattiṁ na jānāti,
sāvasesānavasesaṁ āpattiṁ na jānāti, duṭṭhullāduṭṭhullaṁ āpattiṁ na
jānāti, ūnapañcavasso hoti.

pañcahaṅgehi samannāgatena bhikkhunā anissitena vatthabbaṁ:
āpattānāpattiṁ jānāti, lahukagarukaṁ āpattiṁ jānāti, sāvasesānavasesaṁ āpattiṁ jānāti, duṭuṭhullāduṭṭhullaṁ āpattiṁ jānāti.
pañcavasso vā hoti atirekapañcavasso vā.

15. pañcahaṅgehi samannāgatāya bhikkhuniyā nānissitāya vatthabbaṁ: uposathaṁ na
jānāti, uposathakammaṁ na jānāti, pātimokkhaṁ na jānāti, pātimokkhuddesaṁ na jānāti, ūnapañcavassā hoti. [pts page 132] [\q 132/]

pañcahaṅgehi samannāgatāya bhikkhuniyā anissitāya vatthabbaṁ: uposathaṁ jānāti, uposathakammaṁ jānāti, pātimokkhaṁ jānāti, pātimokkhuddesaṁ jānāti. pañcavassā vā hoti atirekapañcavassā vā.

aparehipi pañcahaṅgehi samannāgatāya bhikkhuniyā nānissitāya vatthabbaṁ: pavāraṇaṁ na jānāti, pavāraṇakammaṁ na jānāti, pātimokkhaṁ na jānāti, pātimokkhuddesaṁ na jānāti, ūnapañcavassā hoti.

pañcahaṅgehi samannāgatāya bhikkhuniyā anissitāya vatthabbaṁ: pavāraṇaṁ jānāti, pavāraṇakammaṁ jānāti, pātimokkhaṁ jānāti, pātimokkhuddesaṁ jānāti. pañcavassā vā hoti atirekapañcavassā vā.

aparehipi pañcahaṅgehi samannāgatāya bhikkhuniyā nānissitāya
vatthabbaṁ: āpattānāpattiṁ na jānāti, lahukagarukaṁ āpattiṁ na jānāti,
sāvasesānavasesaṁ āpattiṁ na jānāti, duṭṭhullāduṭṭhullaṁ āpattiṁ na
jānāti, ūnapañcavassā hoti.

pañcahaṅgehi samannāgatāya bhikkhuniyā anissitāya vatthabbaṁ:
āpattānāpattiṁ jānāti, lahukagarukaṁ āpattiṁ jānāti, sāvasesānavasesaṁ āpattiṁ jānāti, duṭuṭhullāduṭṭhullaṁ āpattiṁ jānāti.
pañcavassā vā hoti atirekapañcavassā vā.

[bjt page 060] [\x  60/]

16. pañca ādīnavā apāsādike: attāpi attānaṁ upavadati, anuvicca1 viññū garahanti, pāpako kittisaddo abbhuggacchati, sammūḷho kālaṁ karoti, kāyassa bhedā parammaraṇā apāyaṁ duggatiṁ vinipātaṁ nirayaṁ upapajjati.

pañcānisaṁsā pāsādike: attāpi attānaṁ na upavadati, anuvicca viññu pasaṁsanti, kalyāṇo kittisaddo abbhuggacchati, asammūḷho kālaṁ karoti, kāyassa bhedā parammaraṇā sugatiṁ saggaṁ lokaṁ upapajjati.

aparepi pañca ādīnavā apāsādike: appasannā nappasīdanti, pasannānaṁ ekaccānaṁ aññathattaṁ hoti, satthusāsanaṁ akataṁ hoti, pacchimā janatā diṭṭhānugatiṁ āpajjati, cittamassa nappasīdati.

pañcānisaṁsā pāsādike: appasannā pasīdanti, pasannānaṁ bhiyyobhāvāya hoti, satthusāsanaṁ kataṁ hoti, pacchimā janatā diṭṭhānugatiṁ āpajjati, cittamassa pasīdati.
17. pañca ādīnavā kulūpage3: anāmantacāro2 āpajjati, raho nisajjāya āpajjati, paṭicchanne āsane āpajjati, mātugāmassa uttariṁ chappañcavācāhi dhammaṁ desento āpajjati, kāmasaṅkappabahulo ca viharati.

pañca ādīnavā kulūpagassa4 bhikkhuno ativelaṁ kulesu saṁsaṭṭhassa viharato: mātugāmassa abhiṇhadassanaṁ, dassane sati saṁsaggo, saṁsagge sati vissāso, vissāse sati otāro, otiṇṇacittassetaṁ bhikkhuno pāṭikaṅkhaṁ: anabhirato vā brahmacariyaṁ carissati, aññataraṁ vā saṅkiliṭṭhaṁ āpattiṁ āpajjissati, sikkhaṁ vā paccakkhāya hīnāyāvattissatīti.

18. pañca bījāni: mūlabījaṁ, khandhabījaṁ, phalubījaṁ, aggabījaṁ, bījabījaññeva pañcamaṁ.
pañcahi samaṇakappehi phalaṁ paribhuñjitabbaṁ: aggiparicitaṁ, satthaparicitaṁ, nakhaparicitaṁ, abījaṁ, nibbaṭṭabījaññeva5 pañcamaṁ.

19. pañca visuddhiyo: nidānaṁ uddisitvā avasesaṁ sutena sāvetabbaṁ ayaṁ paṭhamā visuddhi, nidānaṁ uddisitvā cattāri pārājikāni uddisitvā avasesaṁ sutena sāvetabbaṁ ayaṁ dutiyā visuddhi, nidānaṁ uddisitvā cattāri pārājikāni uddisitvā terasa saṅghādisese uddisitvā avasesaṁ sutena sāvetabbaṁ ayaṁ tatiyā visuddhi, nidānaṁ uddisitvā cattāri pārājikāni uddisitvā terasa saṅghādisese uddisitvā dve [pts page 133] [\q 133/]      aniyate uddisitvā avasesaṁ sutena sāvetabbaṁ ayaṁ catutthā visuddhi, vitthāreneva pañcamī.
1. anuviccapi - machasaṁ
2. anāmantacāre - machasaṁ
3. kulūpage - sīmu.
4. kulūpakassa - sīmu.
5. nibbatta bījaññeva - machasaṁ.
nibbaṭa bījaññeva - syā.
[bjt page 062] [\x  62/]
aparāpi pañca visuddhiyo: suttuddeso, pārisuddhiuposatho, adhiṭṭhānuposatho, pavāraṇā, sāmaggiuposathoyeva pañcamo.

20. pañcānisaṁsā vinayadhare: attano sīlakkhandho sugutto hoti surakkhito, kukkuccapakatānaṁ paṭisaraṇaṁ hoti, visārado saṅghamajjhe voharati, paccatthike sahadhammena suniggahītaṁ niggaṇhāti, saddhammaṭṭhitiyā paṭipanno hoti.

21. pañca adhammikāni pātimokkhaṭṭhapanāni.

pañca dhammikāni pātimokkhaṭṭhapanānīti.

pañcakaṁ niṭṭhitaṁ.

tassuddānaṁ:

1. āpatti āpattikkhandhā vinītānantarena ca,
puggalacchedanā ceva āpajjati ca paccayā.

2. na upeti upeti ca kappantūssaṅkitelaṁ ca,
vasaṁ byasanasampadā passaddhi puggalena ca.

3. sosānikaṁ khāyitañca theyyaṁ coro pavuccati, 1
avissajji avebhaṅgi kāyato kāyavācato.

4. desanā saṅghauddesā paccanti kaṭhinena ca,
kammāni yāva tatiyaṁ pārājikā thulladukkaṭaṁ.

5. akappiyaṁ kappiyañca apuññā duvinodayā,
sammajjanī apare ca bhāsaṁ āpatti meva ca.

6. adhikaraṇaṁ vatthu ñatti āpattā ubhayāni ca,
lahukaṭṭhamakā ete kaṇhasukkā vijānatha.

7. araññaṁ piṇḍapātañca paṁsurukkhasusānikā,
abbhokāso cīvarañca sapadāna nisajjikā2

8. satthati khalupacchāpi pattapiṇḍikameva ca,
uposathaṁ pavāraṇaṁ āpattānāpattipi ca,
kaṇhasukkapadā ete bhikkhunīnampi te tathā.

9. apāsādikapāsādi tatheva apare duve,
kulūpake ativelaṁ bījaṁ samaṇakappā ca.

10. visuddhi apare ceva vinayā dhammikena ca,
dhammikā ca tathā vuttā niṭṭhitā suddhipaññakāti.

1. vuccati - machasaṁ.
2. sapadāno nissajjiko - machasaṁ

[bjt page 064] [\x  64/]

chakkaṁ

1. cha agāravā, cha gāravā, cha vinītavatthūni, cha sāmīciyo, cha āpattisamuṭṭhānā, cha chedanakā āpattiyo, chahākārehi āpattiṁ āpajjati, cha ānisaṁsā vinayadhare, cha paramāni, chārattaṁ ticīvarena vippavasitabbaṁ, cha [pts page 134] [\q 134/]      cīvarāni, cha rajanāni, cha āpattiyo kāyato ca cittato ca samuṭṭhahanti na vācato, cha āpattiyo vācato ca cittato ca samuṭṭhahanti na kāyato, cha āpattiyo kāyato ca vācato ca cittato ca samuṭṭhahanti, cha kammāni, cha vivādamūlāni, cha anuvādamūlāni, cha sārāṇiyadhammā, dīghato cha vidatthiyo sugata vidatthiyā tiriyaṁ cha vidatthiyo, cha nissayapaṭippassaddhiyo ācariyamhā, cha nahāne anupaññattiyo, vippakatacīvaraṁ ādāya pakkamati. vippakatacīvaraṁ samādāya pakkamati.

2. chahaṅgehi samannāgatena bhikkhunā upasampādetabbaṁ nissayo dātabbo sāmaṇero upaṭṭhāpetabbo: asekkhena sīlakkhandhena samannāgato hoti, asekkhena samādhikkhandhena samannāgato hoti, asekkhena paññākkhandhena samannāgato hoti, asekkhena vimuttikkhandhena samannāgato hoti, asekkhena vimuttiñāṇadassanakkhandhena samannāgato hoti. dasavasso vā hoti atirekadasavasso vā.

aparehipi chahaṅgehi samannāgatena bhikkhunā upasampādetabbaṁ nissayo dātabbo sāmaṇero upaṭṭhāpetabbo: attanā asekkhena sīlakkhandhena samannāgato hoti paraṁ asekkhe sīlakkhandhe samādapetā, attanā asekkhena samādhikkhandhena samannāgato hoti paraṁ asekkhe samādhikkhandhe samādapetā, attanā asekkhena paññākkhandhena samannāgato hoti paraṁ asekkhe paññākkhandhe samādapetā, attanā asekkhena vimuttikkhandhena samannāgato hoti paraṁ asekkhe vimuttikkhandhe samādapetā, attanā asekkhe vimuttiñāṇadassanakkhandhena samannāgato hoti paraṁ asekkhe vimuttiñāṇadassanakkhandhe samādapetā, dasavasso vā hoti atirekadasavasso vā.

aparehipi chahaṅgehi samannāgatena bhikkhunā upasampādetabbaṁ nissayo dātabbo sāmaṇero upaṭṭhāpetabbo: saddho hoti, hirimā hoti, ottappī hoti, āraddhaviriyo hoti, upaṭṭhitasati hoti, dasavasso vā hoti atirekadasavasso vā.

aparehipi chahaṅgehi samannāgatena bhikkhunā upasampādetabbaṁ nissayo dātabbo sāmaṇero upaṭṭhāpetabbo: na adhisīle sīlavipanno hoti, na ajjhācāre ācāravipanno hoti, na atidiṭṭhiyā diṭṭhivipanno hoti, bahussuto hoti, paññavā hoti, dasavasso vā hoti atirekadasavasso vā.

[bjt page 066] [\x  66/]

aparehipi chahaṅgehi samannāgatena bhikkhunā upasampādetabbaṁ nissayo dātabbo sāmaṇero upaṭṭhāpetabbo: paṭibalo hoti antevāsiṁ vā saddhivihāriṁ vā gilānaṁ upaṭṭhātuṁ vā upaṭṭhāpetuṁ vā, anabhirataṁ1 vūpakāsetuṁ vā vūpakāsāpetuṁ vā, uppannaṁ kukkuccaṁ dhammato vinodetuṁ2, āpattiṁ jānāti, āpattivuṭṭhānaṁ jānāti, dasavasso vā hoti atirekadasavasso vā.
aparehipi chahaṅgehi samannāgatena bhikkhunā upasampādetabbaṁ nissayo dātabbo sāmaṇero upaṭṭhāpetabbo: paṭibalo hoti antevāsiṁ vā saddhivihāriṁ vā ābhisamācārikāya sikkhāya sikkhāpetuṁ, ādibrahmacariyakāya sikkhāya vinetuṁ, abhidhamme vinetuṁ, abhivinaye vinetuṁ, uppannaṁ diṭṭhigataṁ dhammato vivecetuṁ,
dasavasso vā hoti atirekadasavasso vā.

aparehipi chahaṅgehi samannāgatena bhikkhunā upasampādetabbaṁ nissayo dātabbo sāmaṇero upaṭṭhāpetabbo: āpattiṁ jānāti, anāpattiṁ jānāti, lahukaṁ āpattiṁ jānāti, garukaṁ āpattiṁ jānāti, ubhayāni kho panassa pātimokkhāni vitthārena svāgatāni honti suvibhattāni suppavattīni suvinicchitāni suttaso anubyañjanaso dasavasso vā hoti atirekadasavasso vā.

3. cha adhammikāni pātimokkhaṭṭhapanāni.

cha dhammikāni pātimokkhaṭṭhapanānīti.

chakkaṁ niṭṭhitaṁ

tassuddānaṁ:

1. agāravā gāravā ca vinītā sāmīcīpi ca,
samuṭṭhānā chedanā ceva ākārānisaṁsena ca.

2. paramāni cha chārattaṁ cīvaraṁ rajanāni ca,
kāyato cittato cāpi vācato cittatopi ca.

3. kāyavācā cittato ca kammavivādameva ca:
anuvādā dīghato ca tiriyaṁ nissayena ca.

4. anupaññatti ādāya samādāya tatheva ca,
asekkhe samādapetā saddho adhisīlena ca,
gilānābhisamācārī āpattādhammadhammikāti.

1. anabhiratiṁ - sīmu.
2. vinodetuṁ vā vinodāpetuṁ vā - syā.

[bjt page 068] [\x  68/]

sattakaṁ

1. satta āpattiyo, satta āpattikkhandhā, satta vinītavatthūni, satta sāmīciyo, satta adhammikā paṭiññātakaraṇā, satta dhammikā paṭiññātakaraṇā, sattannaṁ anāpatti1 sattāhakaraṇiyena gantuṁ, sattānisaṁsā vinayadhare, satta [pts page 135] [\q 135/]      paramāni, sattame aruṇuggamane nissaggiyaṁ hoti, satta samathā, satta kammāni, satta āmakadhaññāni, tiriyaṁ sattantarā, gaṇabhojane satta anupaññattiyo, bhesajjāni paṭiggahetvā sattāhaparamaṁ sannidhikārakaṁ paribhuñjitabbāni, katacīvaraṁ ādāya pakkamati, katacīvaraṁ samādāya pakkamati, bhikkhussa na hoti āpatti daṭṭhabbā, bhikkhussa hoti āpatti daṭṭhabbā, bhikkhussa hoti āpatti paṭikātabbā, satta adhammikāni pātimokkhaṭṭhapanāni, satta dhammikāti patimokkhaṭṭhapanāni.

2. sattahaṅgehi samannāgato bhikkhu vinayadharo hoti: āpattiṁ jānāti, anāpattiṁ jānāti, lahukaṁ āpattiṁ jānāti, garukaṁ āpattiṁ jānāti, sīlavā hoti pātimokkhasaṁvarasaṁvuto viharati ācāragocarasampanno aṇumattesu vajjesu bhayadassāvī samādāya sikkhati sikkhāpadesu, catunnaṁ jhānānaṁ ābhicetasikānaṁ diṭṭhadhammasukhavihārānaṁ nikāmalābhī hoti akicchalābhī akasiralābhī, āsavānaṁ khayā anāsavaṁ cetovimuttiṁ paññāvimuttiṁ diṭṭheva dhamme sayaṁ abhiññā sacchikatvā upasampajja viharati.

3. aparehipi sattahaṅgehi samannāgato vinayadharo hoti: āpattiṁ jānāti, anāpattiṁ jānāti, lahukaṁ āpattiṁ jānāti, garukaṁ āpattiṁ jānāti, bahussuto hoti sutadharo sutasannicayo ye te dhammā ādikalyāṇā majjhekalyāṇā pariyosānakalyāṇā sātthā2 savyañjanā kevalaparipuṇṇaṁ parisuddhaṁ brahmacariyaṁ abhivadanti tathārūpāssa dhammā bahussutā honti dhatā3 vacasā paricitā manasānupekkhitā diṭṭhiyā suppaṭividdhā, catunnaṁ jhānānaṁ ābhicetasikānaṁ diṭṭhadhammasukhavihārānaṁ nikāmalābhī hoti akicchalābhī akasiralābhī, āsavānañca khayā anāsavaṁ cetovimuttiṁ paññāvimuttiṁ diṭṭheva dhamme sayaṁ abhiññā sacchikatvā upasampajja viharati.

14. aparehipi sattahaṅgehi samannāgato bhikkhu vinayadharo hoti: āpattiṁ jānāti, anāpattiṁ jānāti, lahukaṁ āpattiṁ jānāti, garukaṁ āpattiṁ jānāti, ubhayāni kho panassa pātimokkhāni vitthārena svāgatāni honti suvibhattāni suppavattīni suvinicchitāni suttaso anubyañjanaso, catunnaṁ jhānānaṁ ābhicetasikānaṁ diṭṭhadhammasukhavihārānaṁ nikāmalābhī hoti akicchalābhī akasiralābhī, āsavānañca khayā anāsavaṁ cetovimuttiṁ paññāvimuttiṁ diṭṭhevadhamme sayaṁ abhiññā sacchikatvā upasampajja viharati.
1. sattannaṁ āpatti. simu. potthakesu adhikaṁ.
2. sātthaṁ - simū 2.
3. dhātā - machasaṁ.

[bjt page 070] [\x  70/]

5. aparehipi sattahaṅgehi samannāgato vinayadharo hoti: āpattiṁ jānāti, anāpattiṁ jānāti, lahukaṁ āpattiṁ jānāti, garukaṁ āpattiṁ jānāti, anekavihitaṁ pubbenivāsaṁ anussarati seyyathīdaṁ: ekampi jātiṁ dvepi jātiyo tissopi jātiyo catassopi jātiyo pañcapi jātiyo dasapi jātiyo vīsampi jātiyo tiṁsampi jātiyo cattālīsampi jātiyo paññāsampi jātiyo jātisatampi jātisahassampi jātisatasahassampi anekepi saṁvaṭṭakappe anekepi vivaṭṭakappe anekepi saṁvaṭṭavivaṭṭakappe amutrāsiṁ evaṁnāmo evaṁgotto evaṁvaṇṇo evamāhāro evaṁsukhadukkhapaṭisaṁvedī evamāyupariyanto so tato cuto idhūpapannoti'' iti sākāraṁ sauddesaṁ anekavihitaṁ pubbenivāsaṁ anussarati.

dibbena cakkhunā visuddhena atikkantamānusakena satte passati cavamāne uppajjamāne hīne paṇite suvaṇṇe dubbaṇṇe sugate duggate yathākammūpage satte pajānāti ''ime vata bhonto sattā kāyaduccaritena samannāgatā vacīduccaritena samannāgatā manoduccaritena samannāgatā ariyānaṁ upavādakā micchādiṭṭhikā micchādiṭṭhikammasamādānā te kāyassa bhedā parammaraṇā apāyaṁ duggatiṁ vinipātaṁ nirayaṁ upapannā, ime vā pana bhonto sattā kāyasucaritena samannāgatā vacīsucaritena samannāgatā manosucaritena samannāgatā ariyānaṁ anupavādakā sammādiṭṭhikā sammādiṭṭhikammasamādānā te kāyassabhedā parammaraṇā sugatiṁ saggaṁ lokaṁ upapannāti'' iti dibbena cakkhunā visuddhena atikkantamānusakena satte passati cavamāne uppajjamāne hīne paṇite suvaṇṇe dubbaṇṇe sugate dūggate yathākammūpage satte pajānāti.

āsavānañca khayā anāsavaṁ cetovimuttiṁ paññāvimuttiṁ diṭṭheva dhamme sayaṁ abhiññā sacchikatvā upasampajja viharati.

6. sattahaṅgehi samannāgato vinayadharo [pts page 136] [\q 136/]      sobhati: āpattiṁ jānāti, anāpattiṁ jānāti, lahukaṁ āpattiṁ jānāti, garukaṁ āpattiṁ jānāti, sīlavā hoti pātimokkhasaṁvarasaṁvuto viharati ācāragocarasampanno aṇumattesu vajjesu bhayadassāvī samādāya sikkhati sikkhāpadesu, catunnaṁ jhānānaṁ ābhicetasikānaṁ diṭṭhadhammasukhavihārānaṁ nikāmalābhī hoti akicchalābhī akasiralābhī, āsavānañca khayā anāsavaṁ vetovimuttiṁ paññāvimuttiṁ diṭṭheva dhamme sayaṁ abhiññā sacchikatvā upasampajja viharati.

7. aparehipi sattahaṅgehi samannāgato vinayadharo sobhati: āpattiṁ jānāti, anāpattiṁ jānāti, lahukaṁ āpattiṁ jānāti, garukaṁ āpattiṁ jānāti, bahussuto hoti sutadharo sutasannicayo ye te dhammā ādikalyāṇā majjhekalyāṇā pariyosānakalyāṇā sātthā savyañjanā kevalaparipuṇṇaṁ parisuddhaṁ brahmacariyaṁ abhivadanti tathārūpāssa dhammā bahussutā honti dhatā vacasā paricitā manasānupekkhitā diṭṭhiyā suppaṭividdhā, catunnaṁ jhānānaṁ ābhicetasikānaṁ diṭṭhadhammasukhavihārānaṁ nikāmalābhī hoti akicchalābhī akasiralābhī, āsavānañca khayā anāsavaṁ cetovimuttiṁ paññāvimuttiṁ diṭṭheva dhamme sayaṁ abhiññā sacchikatvā upasampajja viharati.

[bjt page 072] [\x  72/]

8. aparehipi sattahaṅgehi samannāgato bhikkhu vinayadharo sobhati: āpattiṁ jānāti, anāpattiṁ jānāti, lahukaṁ āpattiṁ jānāti, garukaṁ āpattiṁ jānāti, ubhayāni kho panassa pātimokkhāni vitthārena svāgatāni honti suvibhattāni suppavattīni suvinicchitāni suttaso anubyañjanaso, catunnaṁ jhānānaṁ ābhicetasikānaṁ diṭṭhadhammasukhavihārānaṁ nikāmalābhī hoti akicchalābhī akasiralābhī, āsavānañca khayā anāsavaṁ cetovimuttiṁ paññāvimuttiṁ diṭṭhevadhamme sayaṁ abhiññā sacchikatvā upasampajja viharati.

9. aparehipi sattahaṅgehi samannāgato vinayadharo sobhati: āpattiṁ jānāti, anāpattiṁ jānāti, lahukaṁ āpattiṁ jānāti, garukaṁ āpattiṁ jānāti, anekavihitaṁ pubbenivāsaṁ anussarati seyyathīdaṁ: ekampi jātiṁ dvepi jātiyo tissopi jātiyo catassopi jātiyo pañcapi jātiyo dasapi jātiyo vīsampi jātiyo tiṁsampi jātiyo cattālīsampi jātiyo paññāsampi jātiyo jātisatampi jātisahassampi jātisatasahassampi anekepi saṁvaṭṭakappe anekepi vivaṭṭakappe anekepi saṁvaṭṭavivaṭṭakappe amutrāsiṁ evaṁnāmo evaṁgotto evaṁvaṇṇo evamāhāro evaṁsukhadukkhapaṭisaṁvedī evamāyupariyanto so tato cuto idhūpapannoti'' iti sākāraṁ sauddesaṁ anekavihitaṁ pubbenivāsaṁ anussarati.

dibbena cakkhunā visuddhena atikkantamānusakena satte passati cavamāne uppajjamāne hīne paṇite suvaṇṇe dubbaṇṇe sugate duggate yathākammūpage satte pajānāti ''ime vata bhonto sattā kāyaduccaritena samannāgatā vacīduccaritena samannāgatā manoduccaritena samannāgatā ariyānaṁ upavādakā micchādiṭṭhikā micchādiṭṭhikammasamādānā te kāyassa bhedā parammaraṇā apāyaṁ duggatiṁ vinipātaṁ nirayaṁ uppannā, ime vā pana bhonto sattā kāyasucaritena samannāgatā vacīsucaritena samannāgatā manosucaritena samannāgatā ariyānaṁ anūpavādakā sammādiṭṭhikā sammādiṭṭhikammasamādānā te kāyassabhedā parammaraṇā sugatiṁ saggaṁ lokaṁ upapannāti'' iti dibbena cakkhunā visuddhena atikkantamānusakena satte passati cavamāne uppajjamāne hīne paṇite suvaṇṇe dubbaṇṇe sugate dūggate yathākammūpage satte pajānāti.
āsavānañca khayā anāsavaṁ cetovimuttiṁ paññāvimuttiṁ diṭṭheva dhamme sayaṁ abhiññā sacchikatvā upasampajja viharati.

10. satta asaddhammā: assaddho hoti, ahiriko hoti, anottappī hoti, appassuto hoti, kusīto hoti, muṭṭhassati hoti, duppañño hoti.

11. satta saddhammā: saddho hoti, hirimā hoti, ottappī hoti, bahassuto hoti, āraddhaviriyo hoti, upaṭṭhitasati1 hoti, paññavā hotīti.

sattakaṁ niṭṭhitaṁ

tassuddānaṁ:

1. āpatti āpattikkhandhā vinītā sāmīcipi ca,
adhammikā dhammikā ca anāpattī ca sattāhaṁ

2. ānisaṁsaparamāni aruṇā samathena ca,
kammā āmakadhaññā ca tiriyaṁ gaṇabhojane.

3. sattāhaparamaṁ ādāya samādāya tatheva ca,
na hoti hoti hoti ca adhammadhammikāni ca.

4. cattāro2 vinayadharā catu bhikkhū ca sobhane,
satta ceva asaddhammā satta saddhammadesitāti.

1. upaṭṭhitassati - machasaṁ, syā
2. caturo - machasaṁ,

[bjt page 074] [\x  74/]

aṭṭhakaṁ

1. aṭṭhānisaṁse sampassamānena na so bhikkhu āpattiyā adassane ukkhipitabbo, aṭṭhānisaṁse sampassamānena paresampi saddhāya sā āpatti desetabbā, aṭṭha yāvatatiyakā, aṭṭhahākārehi kulāni dūseti, aṭṭha mātikā cīvarassa uppādāya, aṭṭha mātikā kaṭhinassa ubbhārāya, aṭṭha pānāni, aṭṭhahi asaddhammehi abhibhūto pariyādinnacitto devadatto āpāyiko nerayiko kappaṭṭho atekiccho, aṭṭha lokadhammā, aṭṭha garudhammā, aṭṭha pāṭidesanīyā, aṭṭhaṅgiko [pts page 137] [\q 137/]      musāvādo, aṭṭha uposathaṅgāni, aṭṭha dūteyyaṅgāni, aṭṭha titthiyavattāni, aṭṭha acchariyabbhutā dhammā mahāsamudde, aṭṭha acchariyā abbhutā dhammā imasmiṁ dhammavinaye, aṭṭha anatirittā, aṭṭha atirittā, aṭṭhame aruṇuggamane nissaggiyaṁ hoti, aṭṭha pārājikā, aṭṭhamaṁ vatthuṁ paripūrenti nāsetabbā, aṭṭhamaṁ vatthuṁ paripūrentiyā desitāpi adesitā hoti, aṭṭhavācikā upasampadā, aṭṭhannaṁ paccuṭṭhātabbaṁ, aṭṭhannaṁ āsanaṁ dātabbaṁ, upāsikā aṭṭha varāni yācati, aṭṭhahaṅgehi samannāgato bhikkhu bhikkhūnovādako sammannitabbo, aṭṭhānisaṁsā vinayadhare, aṭṭha paramāni, tassapāpiyyasikā kammakatena bhikkhūnā aṭṭhasu dhammesu sammā vattitabbaṁ. aṭṭha adhammikāni pātimokkhaṭṭhapanāni, aṭṭha dhammikāni pātimokkhaṭṭhapanānīti.

aṭṭhakaṁ niṭṭhitaṁ

tassuddānaṁ:

1. na so bhikkhu paresampi yāvatatiyaṁ dūsanā,
mātikā kaṭhinubbhārā pānā abhibhūtena ca.

2. lokadhammā garudhammā pāṭidesanīyā musā,
uposathā ca dūtaṅgā titthikā samuddepi ca.

3. abbhutā anatirittaṁ atirittaṁ nissaggiyaṁ,
pārājikaṭṭhamaṁ vatthu adesitūpasampadā.

4. paccuṭṭhānāsanañceva varaṁ ovādakena ca,
ānisaṁsaparamāni aṭṭha dhammesu vattanā,
adhammikā dhammikā ca aṭṭhakā suppakāsitā ti.

[bjt page 076] [\x  76/]

navakaṁ

1. nava āghātavatthūni, nava āghātapaṭivinayā, nava vinītavatthūni, nava paṭhamāpattikā, navahi saṅgho bhijjati, nava paṇitabhojanāni, navamaṁsehi dukkaṭaṁ, nava pātimokkhuddesā, nava paramāni, nava taṇhāmūlakā dhammā, navavidhamānā, nava cīvarāni adhiṭṭhātabbāni, nava cīvarāni na vikappetabbāni, dīghaso nava vidatthiyo sugatavidatthiyā, nava adhammikāni dānāni, nava adhammikā paṭiggahā, nava adhammikā paribhogā, tīṇi dhammikāni dānāni, tayo dhammikā paṭiggahā, tayo dhammikā paribhogā, nava adhammikā saññattiyo1, nava dhammikā saññattiyo1, adhammakamme dve navakāni, dhammakamme [pts page 138] [\q 138/]      dve navakāni, nava adhammikāni pātimokkhaṭṭhapanāni, nava dhammakāni pātimokkhaṭṭhapanānīti.

navakaṁ niṭṭhitaṁ

tassuddānaṁ:

1. āghātavatthu vinayā vinītā paṭhamena ca,
bhijjati ca paṇitañca maṁsuddesaparamāni ca.

2. taṇhā mānā adhiṭṭhānā vikappe ca vidatthiyo,
dānā paṭiggahā bhogā tividhā puna dhammikā.

3. adhamma dhamma saññatti2 duve dve navakāni ca,
pātimokkhaṭhapanāni adhammikāni cāti.

dasakaṁ

1. dasa āghātavatthūni, dasa āghāta paṭivinayā, 3 dasa vinītavatthūni, dasavatthukā micchādiṭṭhi, dasavatthukā sammādiṭṭhi, dasa antaggāhikā diṭṭhi, dasa micchattā, dasa sammattā, dasa akusalakammapathā, dasa kusala kammapathā, dasa adhammikā salākagāhā, dasa dhammikā salākagāhā, sāmaṇerānaṁ dasa sikkhāpadāni, dasahaṅgehi samannāgato sāmaṇero nāsetabbo.

2. dasahaṅgehi samannāgato vinayadharo bālotveva saṅkhaṁ gacchati: attano bhāsapariyantaṁ na uggaṇhāti, parassa bhāsapariyantaṁ na uggaṇhāti, attano bhāsapariyantaṁ anuggahetvā parassa bhāsapariyantaṁ anuggahetvā adhammena kāreti. apaṭiññāya, āpattiṁ na jānāti, āpattiyā mūlaṁ na jānāti, āpatti samudayaṁ na jānāti, āpatti nirodhaṁ na jānāti, āpatti nirodhagāminīpaṭipadaṁ na jānāti.
1. paññattiyo - sīmu. 1, 2,
2. paññatti - sīmu 1 2,
3. dasa āghātacatthupaṭinayā - sīmu. 2

[bjt page 078] [\x  78/]

2. dasahaṅgehi samannāgato vinayadharo paṇḍitotveva saṅkhaṁ gacchati:
attano bhāsapariyantaṁ uggaṇhāti, parassa bhāsapariyantaṁ uggaṇhāti, attano bhāsapariyantaṁ uggahetvā parassa bhāsapariyantaṁ uggahetvā dhammena kāreti. paṭiññāya, āpattiṁ jānāti, āpattiyā mūlaṁ jānāti, āpatti samudayaṁ jānāti, āpatti nirodhaṁ jānāti, āpatti nirodhagāminīpaṭipadaṁ jānāti.

3. aparehipi dasahaṅgehi samannāgato vinayadharo bālotveva saṅkhaṁ gacchati: adhiraṇaṁ na jānāti, adhikaraṇassa mūlaṁ na jānāti, adhikaraṇasamudayaṁ na jānāti, adhikaraṇanirodhaṁ na jānāti, adhikaraṇanirodhagāminīpaṭipadaṁ na jānāti, vatthuṁ na jānāti, nidānaṁ na jānāti, paññattiṁ na jānāti, anupaññattiṁ na jānāti, anusandhivacanapathaṁ na jānāti.
dasahaṅgehi samannāgato vinayadharo paṇḍitotveva saṅkhaṁ gacchati: adhiraṇaṁ
jānāti, adhikaraṇassa mūlaṁ jānāti, adhikaraṇasamudayaṁ jānāti, adhikaraṇanirodhaṁ
jānāti, adhikaraṇanirodhagāminīpaṭipadaṁ jānāti, vatthuṁ jānāti, nidānaṁ
jānāti, paññattiṁ jānāti, anupaññattiṁ jānāti, anusandhivacanapathaṁ jānāti.
4. aparehipi dasahaṅgehi [pts page 139] [\q 139/]      samannāgato vinayadharo bālotveva saṅkhaṁ gacchati: ñattiṁ na jānāti, ñattiyā karaṇaṁ na jānāti, na pubbakusalo hoti, na aparakusalo hoti, akālaññū ca hoti, āpattānāpattiṁ na jānāti, lahukagarukaṁ āpattiṁ na jānāti, sāvasesānavasesaṁ āpattiṁ na jānāti, duṭṭhullāduṭṭhullaṁ āpattiṁ na jānāti, ācariyaparamparā kho panassa na suggahitā hoti na sumanasikatā na sūpadhāritā.
dasahaṅgehi samannāgato vinayadharo paṇḍitotveva saṅkhaṁ gacchati: ñattiṁ
jānāti, ñattiyā karaṇaṁ karaṇaṁ jānāti, pubbakusalo hoti, aparakusalo
hoti, kālaññū ca hoti, āpattānāpattiṁ jānāti, lahukagarukaṁ āpattiṁ jānāti, sāvasesānavasesaṁ āpattiṁ jānāti, duṭṭhullāduṭṭhullaṁ āpattiṁ jānāti, ācariyaparamparā kho panassa suggahitā hoti sumanasikatā sūpadhāritā.
5. aparehipi dasahaṅgehi samannāgato vinayadharo bālotveva saṅkhaṁ gacchati: āpattānāpattiṁ na jānāti, lahukagarukaṁ āpattiṁ na jānāti, sāvasesānavasesaṁ āpattiṁ na jānāti, duṭṭhullāduṭṭhullaṁ āpattiṁ na jānāti, ubhayāni kho panassa pātimokkhāni vitthārena na svāgatāni honti na suvibhattāni na suppavattīni na suvinicchitāni suttaso anubyañjanaso, āpattānāpattiṁ na jānāti, lahukagarukaṁ āpattiṁ na jānāti, sāvasesānavasesaṁ āpattiṁ na jānāti, duṭṭhullāduṭṭhullaṁ āpattiṁ na jānāti, adhikaraṇe ca na vinicchakusalo hoti.
dasahaṅgehi samannāgato vinayadharo paṇḍitotveva saṅkhaṁ gacchati:
āpattānāpattiṁ jānāti, lahukagarukaṁ āpattiṁ jānāti, sāvasesānavasesaṁ āpattiṁ jānāti, duṭṭhullāduṭṭhullaṁ āpattiṁ jānāti, ubhayāni kho panassa pātimokkhāni vitthārena svāgatāni

[bjt page 080] [\x  80/]

honti suvibhattāni suppavattīni
suvinicchitāni suttaso anubyañjanaso, āpattānāpattiṁ jānāti, lahukagarukaṁ āpattiṁ jānāti, sāvasesānavasesaṁ āpattiṁ jānāti, duṭṭhullāduṭṭhullaṁ āpattiṁ jānāti, adhikaraṇe ca vinicchayakusalo hoti.

6. dasahaṅgehi samannāgato bhikkhu ubbāhikāya sammannitabbo, dasa atthavase paṭicca tathāgatena sāvakānaṁ sikkhāpadaṁ paññattaṁ, dasa ādīnavā rājante purappavesane, dasa dānavatthūni, dasa ratanāni, dasavaggo bhikkhusaṅgho, dasavaggena gaṇena upasampādetabbaṁ, dasa paṁsakulāni, dasa cīvaradhāraṇā, dasāhaparamaṁ atirekacīvaraṁ dhāretabbaṁ, dasa sukkāni, dasa itthiyo, dasa bhariyāyo, vesāliyaṁ dasa vatthūni dīpenti.

dasa puggalā avandiyā, dasa akkosavatthūni, dasahākārehi pesuññaṁ upasaṁharati, dasa senāsanāni, dasa varāni yāciṁsu, dasa adhammikāni pātimokkhaṭhapanāni, dasa dhammikāni pātimokkhaṭhapanāni, dasānisaṁsā yāguyā, dasa maṁsā akappiyā, dasa paramāni, dasavassena bhikkhunā byattena paṭibalena pabbājetabbaṁ upasampādetabbaṁ nissayo dātabbo sāmaṇero upaṭṭhāpetabbo, dasavassāya bhikkhuniyā byattāya paṭibalāya pabbājetabbā upasampādetabbā nissayo dātabbo sāmaṇerī upaṭṭhāpetabbā, dasavassāya bhikkhuniyā byattāya paṭibalāya uṭṭhāpanasammuti sāditabbā, dasavassāya gihīgatāya sikkhā dātabbāti.

dasakaṁ niṭṭhitaṁ

tassuddānaṁ:
[pts page 140] [\q 140/]

1. āghātavinayā1 vatthu micchā sammā ca antagā,
micchattā ceva sammattā akusalā kusalāpī ca.

2. salākā adhammā dhammā ca sāmaṇerā ca nāsanā,
bhāsādhikaraṇā2 ceva paññatti lahukameva ca.

3. lahukā garukā ete kaṇhasukkā vijānatha,
ubbāhikā ca sikkhā ca antopure ca vatthuni.

4. ratanaṁ dasavaggo ca tatheva upasampadā,
paṁsukūladhāraṇā ca dasāhasukkaitthiyo.

5. bhariyā dasa vatthūni avandiyakkosena ca,
pesuññā ceva senāni varāni ca adhammikā.

6. dhammikā yāgumaṁsā ca paramā bhikkhu bhikkhunī,
vuṭṭhāpanā gihīgatā dasakā suppakāsitāti.

1. āghātavinayaṁ - machasaṁ.
2. bhāsādhikaraṇañceva - machasaṁ.

[bjt page 082] [\x  82/]

ekādasakaṁ

1. ekādasa puggalā anupasampannā na upasampādetabbā upasampannā nāsetabbā, ekādasa pādukā akappiyā, ekādasa pattā akappiyā, ekādasa cīvarāni akappiyāni, ekādasa yāvatatiyakā bhikkhunīnaṁ, ekādasa antarāyikā dhammā pucchitabbā, ekādasa cīvarāni adhiṭṭhātabbāni, ekādasa cīvarāni na vikappetabbāni, ekādasa aruṇuggamane nissaggiyaṁ hoti, ekādasa gaṇṭhikā kappiyā, ekādasa vīṭhā1 kappiyā, ekādasa paṭhaviyo akappiyā. ekādasa paṭhaviyo kappiyā, ekādasa nissayapaṭippassaddhiyo, ekādasa puggalā avandiyā, ekādasa paramāni, ekādasa varāni yāciṁsu, ekādasa sīmādosā, akkosakaparibhāsake puggale ekādasa ādīnavā pāṭikaṅkhā.

2. mettāya ceto vimuttiyā āsevitāya bhāvitāya bahulīkatāya yānīkatāya vatthukatāya anuṭṭhitāya parivitāya susamāraddhāya ekādasānisaṁsā pāṭikaṅkhā: sukhaṁ supati, sukhaṁ paṭibujjhati, na pāpakaṁ supinaṁ passati, manussānaṁ piyo hoti, amanussānaṁ piyo hoti, devatā rakkhanti, nāssa aggi vā visaṁ vā satthaṁ vā kamati, tuvaṭaṁ cittaṁ samādhiyati, mukhavaṇṇo vippasīdati, asammūḷho kālaṁ karoti, uttariṁ appaṭivijjhanto brahmalokūpago hoti. mettāya cetovimuttiyā āsevitāya bhāvitāya bahulīkatāya yānīkatāya vatthukatāya anuṭṭhitāya paricitāya susamāraddhāya ime ekādasānisaṁsā pāṭikaṅkhāti.

ekādasakaṁ niṭṭhitaṁ

tassuddānaṁ:

1. nāsetabbā2 pādukā ca pattā ca cīvarāni ca,
tatiyā pucchitabbā ca adhiṭṭhāna vikappanā.
[pts page 141] [\q 141/]

2. aruṇā gaṇṭhikā vīṭhā1 akappiyā ca kappiyā,
nissayā vandiyā ceva paramāni varāni ca:
sīmādosā ca akkosā mettāyekādasā katāti.

ekuttarikaṁ niṭṭhitaṁ.

tassuddānaṁ:

1. ekakā ca dukā ceva tikā ca catu pañcakā,
cha sattaṭṭha navakā ca dasa ekādasāni ca.

2. hitāya sabbasattānaṁ ñātadhammena tādinā
ekuttarikā vimalā mahāvīrena desitāti.

1. vidhā - machasaṁ, vīṭā - syā.
2. nāsetabbo - sīmu 2.

[bjt page 084] [\x  84/]
[pts page 142] [\q 142/]

uposathādi pucchā vissajjanā

pucchā

1. uposathakammassa ko ādi, kiṁ majjhe, kiṁ pariyosānaṁ.
pavāraṇassa kammassa ko ādi, kiṁ majjhe, kiṁ pariyosānaṁ.
tajjanīyakammassa ko ādi, kiṁ majjhe, kiṁ pariyosānaṁ.
niyassakammassa ko ādi, kiṁ majjhe, kiṁ pariyosānaṁ.
pabbājanīyakammassa ko ādi, kiṁ majjhe, kiṁ pariyosānaṁ.
paṭisāraṇīyakammassa ko ādi, kiṁ majjhe, kiṁ pariyosānaṁ.
ukkhepanīyakammassa ko ādi, kiṁ majjhe, kiṁ pariyosānaṁ.
parivāsadānassa ko ādi, kiṁ majjhe, kiṁ pariyosānaṁ.
mūlāya paṭikassanāya ko ādi, kiṁ majjhe, kiṁ pariyosānaṁ.
mānattadānassa ko ādi, kiṁ majjhe, kiṁ pariyosānaṁ.
abbhānassa ko ādi, kiṁ majjhe, kiṁ pariyosānaṁ.
upasampadakammassa ko ādi, kiṁ majjhe, kiṁ pariyosānaṁ.

2. tajjanīyakammassa paṭippassaddhiyā ko ādi, kiṁ majjhe, kiṁ pariyosānaṁ.
niyassakammassa paṭippassaddhiyā ko ādi, kiṁ majjhe, kiṁ pariyosānaṁ.
pabbājanīyakammassa paṭippassaddhiyā ko ādi, kiṁ majjhe, kiṁ pariyosānaṁ.
paṭisāraṇīyanīyakammassa paṭippassaddhiyā ko ādi, kiṁ majjhe, kiṁ pariyosānaṁ.
ukkhepanīyakammassa paṭippassaddhiyā ko ādi, kiṁ majjhe, kiṁ pariyosānaṁ.

2. sativinayassa ko [pts page 143] [\q 143/]      ādi, kiṁ majjhe, kiṁ pariyosānaṁ.
amūḷhavinayassa ko ādi, kiṁ majjhe, kiṁ pariyosānaṁ.
tassapāpiyyasikāya ko ādi, kiṁ majjhe, kiṁ pariyosānaṁ.
tiṇavatthārakassa ko ādi, kiṁ majjhe, kiṁ pariyosānaṁ.
bhikkhunovādakasammutiyā ko ādi, kiṁ majjhe, kiṁ pariyosānaṁ.
ticīvarena avippavāsasammutiyā ko ādi, kiṁ majjhe, kiṁ pariyosānaṁ.
santhatasammutiyā ko ādi, kiṁ majjhe, kiṁ pariyosānaṁ.
rūpiyachaḍḍakasammutiyā ko ādi, kiṁ majjhe, kiṁ pariyosānaṁ.
sāṭiyagāhāpakasammutiyā ko ādi, kiṁ majjhe, kiṁ pariyosānaṁ.
pattagāhāpakasammutiyā ko ādi, kiṁ majjhe, kiṁ pariyosānaṁ.
daṇḍasammutiyā ko ādi, kiṁ majjhe, kiṁ pariyosānaṁ.
sikkāsammutiyā ko ādi, kiṁ majjhe, kiṁ pariyosānaṁ.
daṇḍasikkāsammutiyā ko ādi, kiṁ majjhe, kiṁ pariyosānaṁ.

pucchā niṭṭhitā

vissajjanā

1. uposathakammassa ko ādi, kiṁ majjhe, kiṁ pariyosānanti: uposathakammassa sāmaggi ādi, kiriyā majjhe, niṭṭhānaṁ pariyosānaṁ.

2. pavāraṇākammassa ko ādi, kiṁ majjhe, kiṁ pariyosānanti: pavāraṇākammassa sāmaggi ādi, kiriyā majjhe, niṭṭhānaṁ pariyosānaṁ.

3. tajjanīyakammassa ko ādi, kiṁ majjhe, kiṁ pariyosānanti: tajjanīyakammassa vatthu ca puggalo ca ādi, ñatti majjhe, kammavācā pariyosānaṁ.

4. niyassakammassa ko ādi, kiṁ majjhe, kiṁ pariyosānanti: niyassakammassa vatthu ca puggalo ca ādi, ñatti majjhe, kammavācā pariyosānaṁ.

pabbājanīyakammassa ko ādi, kiṁ majjhe, kiṁ pariyosānanti: pabbājanīyakammassa vatthu ca puggalo ca ādi, ñatti majjhe, kammavācā pariyosānaṁ.

paṭisāraṇīyakammassa ko ādi, kiṁ majjhe, kiṁ pariyosānanti: paṭisāraṇīyakammassa vatthu ca puggalo ca ādi, ñatti majjhe, kammavācā pariyosānaṁ.

ukkhepanīyakammassa ko ādi, kiṁ majjhe, kiṁ pariyosānanti: ukkhepanīyakammassa vatthu ca puggalo ca ādi, ñatti majjhe, kammavācā pariyosānaṁ.

parivāsadānassa ko ādi, kiṁ majjhe, kiṁ pariyosānanti: parivāsadānassa
vatthu ca puggalo ca ādi, ñatti majjhe, kammavācā pariyosānaṁ.

mūlāya paṭikassanāya ko ādi, kiṁ majjhe, kiṁ pariyosānanti: mūlāya paṭikassanāya vatthu ca puggalo ca ādi, ñatti majjhe, kammavācā pariyosānaṁ.

mānattadānassa ko ādi, kiṁ majjhe, kiṁ pariyosānanti: mānattadānassa
vatthu ca puggalo ca ādi, ñatti majjhe, kammavācā pariyosānaṁ.

abbhānassa ko ādi, kiṁ majjhe, kiṁ pariyosānanti: abbhānassa
vatthu ca puggalo ca ādi, ñatti majjhe, kammavācā pariyosānaṁ.

[bjt page 086] [\x  86/]

5. upasampadakammassa ko ādi, kiṁ majjhe, kiṁ pariyosānanti: upasampadakammassa puggalo ādi, ñatti majjhe, kammavācā pariyosānaṁ.

6. tajjanīyakammassa paṭipassaddhiyā ko ādi, kiṁ majjhe, kiṁ pariyosānanti: tajjanīyakammassa paṭippassaddhiyā sammāvattanā ādi, ñatti majjhe, kammavācā pariyosānaṁ.

7. niyassakammassa paṭipassaddhiyā ko ādi, kiṁ majjhe, kiṁ pariyosānanti: niyassakammassa paṭippassaddhiyā sammāvattanā ādi, ñatti majjhe, kammavācā pariyosānaṁ.

pabbājanīyakammassa paṭipassaddhiyā ko ādi, kiṁ majjhe, kiṁ pariyosānanti: pabbājanīyakammassa paṭippassaddhiyā sammāvattanā ādi, ñatti majjhe, kammavācā pariyosānaṁ.

paṭisāraṇīyakammassa paṭipassaddhiyā ko ādi, kiṁ majjhe, kiṁ pariyosānanti: paṭisāraṇīyakammassa paṭippassaddhiyā sammāvattanā ādi, ñatti majjhe, kammavācā pariyosānaṁ.

ukkhepanīyakammassa paṭipassaddhiyā ko ādi, kiṁ majjhe, kiṁ pariyosānanti: ukkhepanīyakammassa paṭippassaddhiyā sammāvattanā ādi, ñatti majjhe, kammavācā pariyosānaṁ.

8. sativinayassa ko ādi, kiṁ majjhe, kiṁ pariyosānanti:
sativinayassa vatthu ca puggalo ca ādi, ñatti majjhe, kammavācā pariyosānaṁ.
9. amūḷhavinayassa ko ādi, kiṁ majjhe, kiṁ pariyosānanti:
amūḷhavinayassa vatthu ca puggalo ca ādi, ñatti majjhe, kammavācā pariyosānaṁ.
tassa pāpiyyasikāya ko ādi, kiṁ majjhe, kiṁ pariyosānanti:
tassa pāpiyyasikāya vatthu ca puggalo ca ādi, ñatti majjhe, kammavācā pariyosānaṁ.

tiṇavatthārakassa ko ādi, kiṁ majjhe, kiṁ pariyosānanti:
tiṇavatthārakassa vatthu ca puggalo ca ādi, ñatti majjhe, kammavācā pariyosānaṁ.
bhikkhunovādakasammutiyā ko ādi, kiṁ majjhe, kiṁ pariyosānanti:
bhikkhunovādakasammutiyā vatthu ca puggalo ca ādi, ñatti majjhe, kammavācā pariyosānaṁ.

ticīvarena avippavāsasammutiyā ko ādi, kiṁ majjhe, kiṁ pariyosānanti: ticīvarena avippavāsasammutiyā vatthu ca puggalo ca ādi, ñatti majjhe,
kammavācā pariyosānaṁ.

santhatasammutiyā ko ādi, kiṁ majjhe, kiṁ pariyosānanti:
santhatasammutiyā vatthu ca puggalo ca ādi, ñatti majjhe, kammavācā pariyosānaṁ.
rupiyachaḍḍakasammutiyā ko ādi, kiṁ majjhe, kiṁ pariyosānanti:
rupiyachaḍḍakasammutiyā vatthu ca puggalo ca ādi, ñatti majjhe, kammavācā pariyosānaṁ.

sāṭiyagāhāpakasammutiyā ko ādi, kiṁ majjhe, kiṁ pariyosānanti:
sāṭiyagāhāpakasammutiyā vatthu ca puggalo ca ādi, ñatti majjhe, kammavācā pariyosānaṁ.

pattagāhāpakasammutiyā ko ādi, kiṁ majjhe, kiṁ pariyosānanti:
pattagāhāpakasammutiyā vatthu ca puggalo ca ādi, ñatti majjhe, kammavācā pariyosānaṁ.

daṇḍasammutiyā ko ādi, kiṁ majjhe, kiṁ pariyosānanti:
daṇḍasammutiyā vatthu ca puggalo ca ādi, ñatti majjhe, kammavācā pariyosānaṁ.
sikkāsammutiyā ko ādi, kiṁ majjhe, kiṁ pariyosānanti:
sikkāsammutiyā vatthu ca puggalo ca ādi, ñatti majjhe, kammavācā pariyosānaṁ.
daṇḍasikkāsammutiyā ko ādi, kiṁ majjhe, kiṁ pariyosānanti:
daṇḍasikkāsammutiyā vatthu ca puggalo ca ādi, ñatti majjhe, kammavācā
pariyosānaṁ.

vissajjanā niṭṭhitā

uposathādi pucchāvissajjanā niṭṭhitā.

[bjt page 088] [\x  88/]

atthavasappakaraṇaṁ

1. dasa atthavase paṭicca tathāgatena sāvakānaṁ sikkhāpadaṁ paññattaṁ: saṅghasuṭṭhutāya, saṅghaphāsutāya, dummaṅkūnaṁ puggalānaṁ niggahāya, pesalānaṁ bhikkhūnaṁ phāsuvihārāya, diṭṭhadhammikānaṁ āsavānaṁ saṁvarāya, samparāyikānaṁ āsavānaṁ paṭighātāya, appasannānaṁ pasādāya, pasannānaṁ bhiyyobhāvāya, saddhammaṭṭhiyā, vinayānuggahāya.
2. yaṁ saṅghasuṭṭhu, taṁ saṅghaphāsu. yaṁ saṅghaphāsu, taṁ dummaṅkūnaṁ puggalānaṁ niggahāya. yaṁ dummaṅkūnaṁ puggalānaṁ niggahāya, taṁ pesalānaṁ bhikkhūnaṁ phāsuvihārāya. yaṁ pesalānaṁ bhikkhūnaṁ phāsuvihārāya, taṁ diṭṭhadhammikānaṁ āsavānaṁ saṁvarāya. yaṁ diṭṭhadhammikānaṁ āsavānaṁ saṁvāraya, taṁ samparāyikānaṁ āsavānaṁ paṭighātāya. yaṁ samparāyikānaṁ āsavānaṁ paṭighātāya. taṁ appasannānaṁ pasādāya. yaṁ appasannānaṁ pasādāya, taṁ pasannānaṁ bhiyyobhāvāya. yaṁ pasannānaṁ bhiyyobhāvāya, taṁ saddhammaṭṭhitiyā, taṁ vinayānuggahāya.

3. yaṁ saṅghasuṭṭhu, taṁ saṅghaphāsu. yaṁ saṅghasuṭṭhu, taṁ dummaṅkūnaṁ puggalānaṁ niggahāya. yaṁ saṅghasuṭṭhu, taṁ pesalānaṁ bhikkhūnaṁ phāsuvihārāya. yaṁ saṅghasuṭṭhu, taṁ diṭṭhadhammikānaṁ āsavānaṁ saṁvarāya. yaṁ saṅghasuṭṭhu, taṁ samparāyikānaṁ āsavānaṁ paṭighātāya. yaṁ saṅghasuṭṭhu, taṁ appasannānaṁ pasādāya. yaṁ saṅghasuṭṭhu, taṁ pasannānaṁ bhiyyobhāvāya. yaṁ saṅghasuṭṭhu, taṁ saddhammaṭṭhitiyā. yaṁ saṅghasuṭṭhu, taṁ vinayānuggahāya.

4. yaṁ saṅghaphāsu, taṁ dummaṅkūnaṁ puggalānaṁ niggahāya. yaṁ saṅghaphāsu, taṁ pesalānaṁ bhikkhūnaṁ phāsuvihārāya. yaṁ saṅghaphāsu, taṁ diṭṭhadhammikānaṁ āsavānaṁ saṁvarāya, yaṁ saṅghaphāsu, taṁ samparāyikānaṁ āsavānaṁ paṭighātāya. yaṁ saṅghaphāsu, taṁ appasannānaṁ pasādāya. yaṁ saṅghaphāsu, taṁ pasannānaṁ bhiyyobhāvāya. yaṁ saṅghaphāsu, taṁ saddhammaṭṭhitiyā. yaṁ saṅghaphāsu, taṁ vinayānuggahāya. yaṁ saṅghaphāsu, taṁ saṅghasuṭṭhu.
5. yaṁ dummaṅkūnaṁ puggalānaṁ niggahāya. taṁ pesalānaṁ
bhikkhūnaṁ phāsuvihārāya. yaṁ diṭṭhadhammikānaṁ āsavānaṁ saṁvarāya,
taṁ samparāyikānaṁ āsavānaṁ paṭighātāya. yaṁ appasannānaṁ
pasādāya. taṁ pasannānaṁ bhiyyobhāvāya. yaṁ
saddhammaṭṭhitiyā. taṁ vinayānuggahāya.

[bjt page 090] [\x  90/]

6. yaṁ vinayānuggahāya, taṁ saṅghasuṭṭhu. yaṁ vinayānuggahāya, taṁ saṅghaphāsu. yaṁ vinayānuggahāya, taṁ dummaṅkūnaṁ puggalānaṁ niggahāya. yaṁ vinayānuggahāya, taṁ pesalānaṁ bhikkhūnaṁ phāsuvihārāya. yaṁ vinayānuggahāya, taṁ diṭṭhadhammikānaṁ āsavānaṁ saṁvarāya. yaṁ vinayānuggahāya, taṁ samparāyikānaṁ āsavānaṁ paṭighātāya. yaṁ vinayānuggahāya, taṁ appasannānaṁ pasādāya. yaṁ vinayānuggahāya, taṁ pasannānaṁ bhiyyobhāvāya. yaṁ vinayānuggahāya, taṁ saddhammaṭṭhitiyāti.

atthasataṁ dhammasataṁ dve niruttisatāni ca,
cattāri ñāṇasatāni atthavase pakaraṇeti.

atthavasappakaraṇaṁ niṭṭhitaṁ

mahāvaggo niṭṭhito

tassuddānaṁ:

1. paṭhamaṁ aṭṭha pucchāya paccayesu punaṭṭha ca,
bhikkhūnaṁ soḷasa ete bhikkhunīnampi soḷasa.

2. peyyāla antarā bhedā ekuttarikameva ca,
pavāraṇatthavasikā mahāvaggassa saṅgahoti.

[bjt page 092] [\x  92/]
[pts page 144] [\q 144/]

gāthāsaṅgaṇikaṁ

1. ekaṁsaṁ cīvaraṁ katvā paggahetvāna1 añjaliṁ,
āsiṁsamānarūpo va2 kissa tvaṁ idha māgato.

2. dvīsu vinayesu paññattā ye uddesaṁ āgacchanti uposathesu,
kati te sikkhāpadāni honti katisu nagaresu paññattā.

3. bhaddako te ummaggo3 yoniso paripucchasi,
taggha te ahamakkhissaṁ yathāpi kusalo tathā.

4. dvīsu vinayesu paññattā ye uddesaṁ āgacchanti uposathesu,
aḍḍhuḍḍhasatāni te honti sattasu nagaresu paññattā.

5. katamesu sattasu nagaresu paññattā iṅgha me tvaṁ byākara4,
taṁ vacanapathaṁ5 nisāmayitvā paṭipajjema hitāya no siyāti.

6. vesāliyaṁ rājagahe sāvatthiyaṁ ca āḷaviyaṁ,
kosambiyaṁ ca sakkesu bhaggesu ceva paññattā.

7. kati vesāliyaṁ paññattā kati rājagahe katā,
sāvatthiyaṁ kati honti āḷaviyaṁ katā.

8. kati kosambiyaṁ paññattā, kati sakkesu vuccanti,
kati bhaggesu paññattā taṁ me akkhāhi pucchito.

9. dasa vesāliyaṁ paññattā ekavīsa rājagahe katā,
cha ūna tīni satāni sabbe sāvatthiyaṁ katā.

10. cha āḷaviyaṁ paññattā aṭṭha kosambiyaṁ katā,
aṭṭha sakkesu vuccanti tayo bhaggesu paññattā.

11. ye vesāliyaṁ paññattā te suṇohi yathā kathaṁ,
methuna viggahuttari atirekañca kāḷakaṁ.

12. bhūtaṁ paramparabhattaṁ dantaponena acelako,
bhikkhunīsu ca akkoso dasate vesāliyaṁ katā.

1. paggaṇhitvāna - machasaṁ.
2. āsīsamāna rūpova - machasaṁ.
3. ummaṅgo - machasaṁ. syā. sīmu.
4. iṅgha me tvaṁ byākaranā - machasaṁ.
5. tava vacanapathaṁ - syā.
6. yathātathaṁ - sīmu. 2, machasaṁ.

[bjt page 094] [\x  94/]

13. ye rājagahe paññattā te suṇohi yathā kathaṁ, 1
adinnādānaṁ rājagahe dve anuddhaṁsanāpi ca.

14. dve pica bhedā antaravāsakaṁ rūpiyaṁ suttaṁ ujjhāpanena ca
[pts page 145] [\q 145/]
pācitapiṇḍaṁ gaṇabhojanaṁ vikāle ca carittaṁ nahānaṁ ūnavīsati.

15. cīvaraṁ datvā vosāsantī ete rājagahe katā,
giraggacariyā tattheva chandadānena ekavīsati.

16. ye sāvatthiyaṁ paññattā te suṇohi yathā kathaṁ,
pārājikāni cattāri saṅghādisesā bhavanti soḷasa.

17. aniyatā ca dve honti nissaggiyā catutiṁsati, 2
cha paññāsasatañceva khuddakāni pavuccanti.

18. dasayeva ca gārayhā dve sattati ca sekhiyā,
cha ūna tīṇi satāni sabbe sāvatthiyaṁ katā.

19. ye āḷaviyā paññattā te suṇohi yathā kathaṁ,
kuṭi kosiya seyyā ca khanane gaccha devate:
sappāṇakañca siñcanti cha ete āḷaviyaṁ katā.

20. ye kosambiyaṁ paññattā te suṇohi yathā kathaṁ, 1
mahāvihāro dovacassaṁ aññaṁ dvāraṁ surāya ca,
anādariyaṁ sahadhammo payo pānena aṭṭhamaṁ.

21. ye ca sakkesu paññattā te suṇohi yathā kathaṁ, 1
eḷakalomāni patto ca ovādo ceva bhesajjaṁ.

22. sūcī āraññako ceva cha ete3 kāpilavatthave,
udakasuddhiyā ovādo bhikkhunīsu pavuccanti.

23. ye ca bhaggesu paññattā te suṇohi yathā kathaṁ, 1
samādahitvā visibbenti sāmisena sasitthakaṁ.

24. pārājikāni cattāri saṅghādisesāni bhavanti,
satta nissaggiyā aṭṭha dvattiṁsati ca khuddakā.

25. dve gārayhā tayo sekkhā4 cha paññāya sikkhāpadā,
chasu nagaresu paññattā buddhenādiccabandhunā

26. cha ūna tīṇi satāni sabbe sāvatthiyaṁ katā,
kāruṇikena buddhena gotamena yasassinā.

1. yatātathaṁ - sīmu. 2. machasaṁ.
2. catuvīsati - sīmu, machasaṁ, syā.
3. aṭṭhete - machasaṁ.
4. sikkhā - machasaṁ.

[bjt page 096] [\x  96/]

catuvipatti

1. yaṁ taṁ apucchimha akittayī no,
yaṁ taṁ byākataṁ anaññathā:
aññaṁ taṁ pucchāmi tadiṅgha brūhi.

2. garukalahukañcāpi sāvasesaṁ nāvasesaṁ.
duṭṭhullañca aduṭṭhullaṁ ye ca yāvatatiyakā.

3. sādhāraṇāsādhāraṇaṁ vipattiyo1 yehi samathehi sammanti,
sabbānipetāni viyākarohi handa vākyaṁ suṇoma te.
[pts page 146] [\q 146/]
4. ekatiṁsā ye garukā aṭṭhettha anavasesā,
ye garukā te duṭṭhullā ye duṭṭhullā sā sīlavipatti.

5. pārājikaṁ saṅghādiseso sīlavipattīti vuccati,
thullaccayaṁ pācittiyaṁ pāṭidesanīyaṁ tathā.

6. dukkaṭaṁ dubbhāsitaṁ yo cāyaṁ akkosati.
hassādhippāyo ayaṁ sā ācāravipatti sammatā.

7. viparītadiṭṭhiṁ gaṇhanti asaddhammehi purakkhatā,
abbhācikkhanti sambuddhaṁ duppaññā mohapārutā
ayaṁ sā diṭṭhi vipattisammatā.

8. ājīvahetu ājivakāraṇā pāpiccho icchāpakato asantaṁ abhūtaṁ uttarimanussadhammaṁ ullapati, ājīvahetu ājīvakāraṇā sañcarittaṁ samāpajjati, ājīvahetu ājīvakāraṇā 'yo te vihāre vasati so bhikkhu arahā'ti bhaṇati, ājīvahetu ājīvakāraṇā bhikkhu paṇitabhojanāni attano atthāya viññāpetvā bhuñjati, ājīvahetu ājīvakāraṇā bhikkhu sūpaṁ vā odanaṁ vā agilāno attano atthāya viññāpetvā bhuñjati. ayaṁ sā ājīvavipatti sammatā.

9. ekādasa yāvatatiyakā te suṇohi yathā kathaṁ,
ukkhittānuvattakā aṭṭha yāvatatiyakā:
ariṭṭho caṇḍakāḷī ca ime te yāvatatiyakā.

1. vibhattiyā - machasaṁ.

[bjt page 098] [\x  98/]

chedanakādi

1. kati chedanakāni kati bhedanakāti,
kati uddālanakāni kati anaññapācittiyāni.

2. kati bhikkhusammutiyo kati sāmīciyo kati paramāni,
kati jānanti paññattā buddhenādiccabandhunā.

3. cha chedanakāni ekaṁ bhedanakaṁ,
ekaṁ uddālanakaṁ cattāri anaññapācittiyāni.

4. catasso bhikkhusammutiyo satta sāmīciyo cuddasa paramāni,
soḷasa1 jānanti paññattā buddhenādiccabandhunā.

asādhāraṇakādi

1. vīsaṁ dve satāni bhikkhūnaṁ sikkhāpadāni,
uddesaṁ āgacchanti uposathesu.

2. tīṇi satāni cattāri bhikkhunīnaṁ sikkhāpadāni,
uddesaṁ āgacchanti uposathesu.

3. cha cattālīsā bhikkhūnaṁ bhikkhūnīhi asādhāraṇā,
sataṁ tiṁsā ca bhikkhunīnaṁ bhikkhūhi asādhāraṇā.

4. sataṁ sattati chacceva ubhinnaṁ asādhāraṇā,
sataṁ sattati cattāri ubhinnaṁ samasikkhatā.
[pts page 147] [\q 147/]
5. vīsaṁ dve satāni bhikkhūnaṁ sikkhāpadāni,
uddesaṁ āgacchanti uposathesu te suṇohi yathā kathaṁ.

6. pārājikāni cattāri saṅghādisesāni bhavanti terasa,
aniyatā dve honti nissaggiyāni tiṁseva:
dve navuti ca khuddakā cattāro pāṭidesanīyā,
pañca sattati sekhiyā.

7. visaṁ dve satāni cime2 honti bhikkhūnaṁ,
sikkhāpadāni uddesaṁ āgacchanti uposathesu.

8. tīṇi satāni cattāri bhikkhunīnaṁ sikkhāpadāni,
uddesaṁ āgacchanti uposathesu te suṇohi yathā kathaṁ

9. pārājikāni aṭṭha saṅghādisesāni bhavanti sattarasa,
nissaggiyāni tiṁseva sataṁ saṭṭhi chacceva khuddakāni pavuccanti.

1. sodasa - machasaṁ.
2. dvesatānipime - sīmu.

[bjt page 100] [\x 100/]

10. aṭṭha pāṭidesanīyā pañca sattati sekhiyā,
tīṇi satāni cattārime honti bhikkhunīnaṁ:
sikkhāpadāni uddesaṁ āgacchanti uposathesu.

11. cha cattālīsa bhikkhūnaṁ bhikkhunīhi asādhāraṇā,
te suṇohi yathā kathaṁ.

12. cha saṅghādisesā dvīhi aniyatehi1 aṭṭha,
nissaggiyāni dvādasa te tehi honti vīsati.

13. dvāvīsati khuddakā cattāro pāṭidesanīyā,
cha cattālīsāpime honti bhikkhūnaṁ bhikkhunīhi asādhāraṇā.

14. sataṁ tiṁsā ca bhikkhunīnaṁ bhikkhūhi asādhāraṇā.
te suṇohi yathā kathaṁ2

15. pārājikāni cattāri saṅghamhā dasa nissare,
nissaggiyā dvādasa channavuti ca khuddakā aṭṭha pāṭidesanīyā:
sataṁ tiṁsāpime honti bhikkhunīnaṁ bhikkhūhi asādhāraṇā.

16. sataṁ sattati chacce va ubhinnaṁ asādhāraṇā,
te suṇohi yathā kathaṁ. 2

17. pārājikāni cattāri saṅghādisesāni bhavanti soḷasa,
aniyatāni ca dve honti nissaggiyāni catuvīsati.

18. sataṁ aṭṭhārasa ceva khuddakāni pavuccanti dvādasa pāṭidesanīyā
sataṁ sattati cha cevapime honti ubhinnaṁ asādhāraṇā.

19. sataṁ sattati cattāri ubhinnaṁ samasikkhatā,
te suṇohi yathā kathaṁ.

20. pārājikāni cattāri saṅghādisesāni bhavanti satta,
nissaggiyāni aṭṭhārasa samasattati khuddakā pañcasattatisekhiyā:
sataṁ sattati cattāripime honti ubhinnaṁ samasikkhatā.
[pts page 148] [\q 148/]
21. aṭṭheva pārājikā ye durāsadā tālavatthusamūpamā,
paṇḍupalāso puthusilā sīsacchinnova so naro.
tālova matthakā chinno avirūḷhī bhavanti te.

22. tevīsati saṅghādisesā dve aniyatā cattālīsa nissaggiyā
aṭṭhāsīti sataṁ pācittiyā dvādasa pāṭidesanīyā,

23. pañca sattati sekhiyā tīhi samathehi sammanti.
sammukhā ca paṭiññāya tiṇavatthārakena ca.

24. dve uposathā dve pavāraṇā cattāri kammāni jinena desitā
pañceva uddesā cattāro bhavanti anaññathā,
āpattikkhandhā ca bhavanti satta.

25. adhikaraṇāni cattāri sattahi samathehi sammanti,
dvīhi catūhi tīhi kiccaṁ ekena sammati.

1. dve aniyatehi - machasaṁ.
2. yathā tathaṁ - sīmu 2, machasaṁ.

[bjt page 102] [\x 102/]

pārājikādi āpatti

1. pārājikanti yaṁ vuttaṁ taṁ suṇohi yathā kathaṁ,
cuto paraddho bhaṭṭho ca saddhammā hi niraṁkato1
saṁvāsopi tahiṁ natthi tenetaṁ iti vuccati.

2. saṅghādisesoti yaṁ vuttaṁ taṁ suṇohi yathā kathaṁ2,
saṅghova deti parivāsaṁ mūlāya paṭikassati:
mānattaṁ deti abbheti tenetaṁ iti vuccati.

3. aniyatoti yaṁ vuttaṁ taṁ suṇohi yathā kathaṁ, 2
aniyato na niyato anekaṁsikataṁ padaṁ:
tiṇṇamaññataraṁ ṭhānaṁ aniyatoti pavuccati.

4. thullaccayanti yaṁ vuttaṁ taṁ suṇohi yathā kathaṁ,
ekassa mūle ye deseti yo ca taṁ patigaṇhati:
accayo tena samo natthi tenetaṁ iti vuccati.

5. nissagigayanti yaṁ vuttaṁ taṁ suṇohi yathā kathaṁ, 2
saṅghamajjhe gaṇamajjhe ekakasseva ekato:
nissajitvāna deseti tenetaṁ iti vuccati.

6. pācittiyanti yaṁ vuttaṁ taṁ suṇohi yathā kathaṁ, 2
pāteti kusalaṁ dhammaṁ ariyamaggamaparajjhati:
cittasammohanaṭṭhānaṁ tenetaṁ iti vuccati.

7. pāṭidesanīyanti yaṁ vuttaṁ taṁ suṇohi yathā kathaṁ,
bhikkhu aññātako santo kicchā laddhāya bhojanaṁ.
sāmaṁ gahetvā bhuñjeyya gārayhanti pavuccati.

8. nimantanāsu bhuñjantaṁ3 chandāya vosāsati tattha bhikkhunī. 4
anivāretvā tahiṁ bhuñje gārayhanti pavuccati.
[pts page 149] [\q 149/]

9. saddhācittaṁ kalaṁ gantvā appabhogaṁ anāḷhiyaṁ, 5
agilāno tahiṁ bhuñje gārayhanti pavuccati.

10. yo ce araññe viharanto sāsaṅke sabhayānake,
aviditaṁ tahiṁ bhuñje gārayhanti pavuccati.

11. bhikkhunī aññātikā santā yaṁ paresaṁ mamāyitaṁ,
sappi telaṁ madhu phāṇitaṁ macchamaṁsaṁ athopi khīraṁ:
dadhiñca yaṁ viññapeyya bhikkhunī gārayhapattā sugatassa sāsane.

1. nirākato - sīmu 2.
2. yathātathaṁ - sīmu 2, machasaṁ.
3. bhuñjantā - machasaṁ.
4. bhikkhuniṁ - machasaṁ.
5. anāḷiyaṁ - machasaṁ.

[bjt page 104] [\x 104/]

12. dukkaṭanti yaṁ vuttaṁ taṁ suṇohi yathā kathaṁ,
aparaddhaṁ viraddhañca khalitaṁ yañca dukkaṭaṁ.

13. yaṁ manusso kare pāpaṁ āvi vā yadi vā raho,
dukkaṭanti pavedenti tenetaṁ iti vuccati.

14. dubbhāsitanti yaṁ vuttaṁ taṁ suṇohi yathā kathaṁ,
dubbhāsitaṁ durābhaṭṭhaṁ saṅkiliṭṭhañca yaṁ padaṁ:
yañca viññū garahanti tenetaṁ iti vuccati.

15. sekhiyanti yaṁ vuttaṁ taṁ suṇohi yathā kathaṁ,
sekhassa sikkhamānassa ujumaggānusārino.

16. ādipetaṁ caraṇañca mukhaṁ saṁyamasaṁvaro,
sikkhā etādisī natthi tenetaṁ iti vuccati.

17. channamativassati civaṭaṁ nātivassati,
tasmā channaṁ vivaretha evaṁ taṁ nātivassati.

18. gati migānaṁ pavanaṁ ākāso pakkhinaṁ gati,
vibhavo gati dhammānaṁ nibbāṇaṁ arahato gati.

gāthāsaṅgaṇikaṁ niṭṭhitaṁ.

tassuddānaṁ:

1. satta nagaresu paññattaṁ vipatti caturopi ca,
bhikkhūnaṁ bhikkhunīnañca sādhāraṇā asādhāraṇā:
sāsanānuggahāya gāthāsaṅgaṇikaṁ idanti.

[bjt page 106] [\x 106/]
[pts page 150] [\q 150/]
adhikaraṇabhedo

1. cattāri adhikaraṇāni: vivādādhikaraṇaṁ, anuvādādhikaraṇaṁ, āpattādhikaraṇaṁ, kiccādhikaraṇaṁ. imāni cattāri adhikaraṇāni.

imesaṁ catunnaṁ adhikaraṇānaṁ kati ukkoṭā: imesaṁ catunnaṁ adhikaraṇānaṁ dasa ukkoṭā: vivādādhikaraṇassa dve ukkoṭā, anuvādādhikaraṇassa cattāro ukkoṭā, āpattādhikaraṇassa tayo ukkoṭā, kiccādhikaraṇassa eko ukkoṭo, imesaṁ catunnaṁ adhikaraṇānaṁ ime dasa ukkoṭā.

2. vivādādhikaraṇaṁ ukkoṭanto kati samathe ukkoṭeti,
anuvādādhikaraṇaṁ ukkoṭanto kati samathe ukkoṭeti,
āpattādhikaraṇaṁ ukkoṭanto kati samathe ukkoṭeti,
kiccādhikaraṇaṁ ukkoṭanto kati samathe ukkoṭeti:

vivādādhikaraṇaṁ ukkoṭanto dve samathe ukkoṭeti.
anuvādādhikaraṇaṁ ukkoṭanto cattāro samathe ukkoṭeti.
āpattādhikaraṇaṁ ukkoṭanto tayo samathe ukkoṭeti.
kiccādhikaraṇaṁ ukkoṭanto ekaṁ samathaṁ ukkoṭeti.

3. kati ukkoṭā, katihākārehi ukkoṭanaṁ pasavati, katihaṅgehi samannāgato puggalo adhikaraṇaṁ ukkoṭeti, kati puggalā adhikaraṇaṁ ukkoṭento āpattiṁ āpajjati.

dvādasa ukkoṭā, dasahākārehi ukkoṭanaṁ pasavati. catuhaṅgehi samannāgato puggalo adhikaraṇaṁ ukkoṭeti, cattāro puggalā adhikaraṇaṁ ukkoṭento āpattiṁ āpajjanti.

4. katame dvādasa ukkoṭā: akataṁ kammaṁ, dukkataṁ kammaṁ, pūna kātabbaṁ kammaṁ, anihataṁ, dunnihataṁ, pūna nihanitabbaṁ, avinicchitaṁ, duvinicchitaṁ, puna vinicchitabbaṁ, avupasantaṁ, duvupasantaṁ, puna upasametabbanti ime dvādasa ukkoṭā.

5. katamehi dasahākārehi ukkoṭanaṁ pasavati: tattha jātakaṁ adhikaraṇaṁ ukkoṭeti, tattha jātakaṁ vupasantaṁ adhikaraṇaṁ ukkoṭeti, antarāmagge adhikaraṇaṁ ukkoṭeti, antarāmagge vūpasantaṁ adhikaraṇaṁ ukkoṭeti, tattha gataṁ adhikaraṇaṁ ukkoṭeti, tattha gataṁ vūpasantaṁ adhikaraṇaṁ ukkoṭeti, sativinayaṁ ukkoṭeti, amūḷhavinayaṁ ukkoṭeti, [pts page 151] [\q 151/]      tassapāpiyyasikaṁ ukkoṭeti, tiṇavatthārakaṁ ukkoṭeti. imehi dasahākārehi ukkoṭanaṁ pasavati.
[bjt page 108] [\x 108/]

6. katamehi catuhaṅgehi samannāgato puggalo adhikaraṇaṁ ukkoṭeti:
chandāgatiṁ gacchanto adhikaraṇaṁ ukkoṭeti, dosāgatiṁ gacchanto adhikaraṇaṁ ukkoṭeti,
mohāgatiṁ gacchanto adhikaraṇaṁ ukkoṭeti,
bhayāgatiṁ gacchanto adhikaraṇaṁ ukkoṭeti. imehi catuhaṅgehi samannāgato puggalo adhikaraṇaṁ ukkoṭeti.

7. katame cattāro puggalā adhikaraṇaṁ ukkoṭento āpattiṁ āpajjanti: tadahūpasampanno ukkoṭeti ukkoṭanakaṁ pācittiyaṁ, āgantuko ukkoṭeti ukkoṭanakaṁ pācittiyaṁ, kārako ukkoṭeti ukkoṭanakaṁ pācittiyaṁ, chandadāyako ukkoṭeti ukkoṭanakaṁ pācittiyaṁ. ime cattāro puggalā adhikaraṇaṁ ukkoṭento āpattiṁ āpajjanti.

adhikaraṇanidānādayo

1. vivādādhikaraṇaṁ kiṁnidānaṁ, kiṁsamudayaṁ, kiṁjātikaṁ, kiṁpabhavaṁ, kiṁsambhāraṁ, kiṁsamuṭṭhānaṁ: anuvādādhikaraṇaṁ kiṁnidānaṁ, kiṁsamudayaṁ, kiṁjātikaṁ, kiṁpabhavaṁ, kiṁsambhāraṁ, kiṁsamuṭṭhānaṁ: āpattādhikaraṇaṁ kiṁnidānaṁ, kiṁsamudayaṁ, kiṁjātikaṁ, kiṁpabhavaṁ, kiṁsambhāraṁ, kiṁsamuṭṭhānaṁ: kiccādhikaraṇaṁ kiṁnidānaṁ, kiṁsamudayaṁ, kiṁjātikaṁ, kiṁpabhavaṁ, kiṁsambhāraṁ, kiṁsamuṭṭhānaṁ:

vivādādhikaraṇaṁ vivādanidānaṁ, vivādasamudayaṁ, vivādajātikaṁ, vivādappabhavaṁ, vivādasambhāraṁ, vivādasamuṭṭhānaṁ.
anuvādādhikaraṇaṁ anuvādanidānaṁ, anuvādasamudayaṁ, anuvādajātikaṁ,
anuvādappabhavaṁ, anuvādasambhāraṁ, anuvādasamuṭṭhānaṁ.
āpattādhikaraṇaṁ āpattinidānaṁ, āpattisamudayaṁ, āpattijātikaṁ,
āpattippabhavaṁ, āpattisambhāraṁ, āpattisamuṭṭhānaṁ.
kiccādhikaraṇaṁ kiccanidānaṁ, kiccasamudayaṁ, kiccajātikaṁ, kiccappabhavaṁ,
kiccasambhāraṁ, kiccasamuṭṭhānaṁ.

2. vivādādhikaraṇaṁ kiṁnidānaṁ, kiṁsamudayaṁ, kiṁjātikaṁ, kiṁpabhavaṁ, kiṁsambhāraṁ, kiṁsamuṭṭhānaṁ: anuvādādhikaraṇaṁ kiṁnidānaṁ, kiṁsamudayaṁ, kiṁjātikaṁ, kiṁpabhavaṁ, kiṁsambhāraṁ, kiṁsamuṭṭhānaṁ: āpattādhikaraṇaṁ kiṁnidānaṁ, kiṁsamudayaṁ, kiṁjātikaṁ, kiṁpabhavaṁ, kiṁsambhāraṁ, kiṁsamuṭṭhānaṁ: kiccādhikaraṇaṁ kiṁnidānaṁ, kiṁsamudayaṁ, kiṁjātikaṁ, kiṁpabhavaṁ, kiṁsambhāraṁ, kiṁsamuṭṭhānaṁ:

[bjt page 110] [\x 110/]

vivādādhikaraṇaṁ hetunidānaṁ, hetusamudayaṁ, hetujātikaṁ, hetuppabhavaṁ,
hetusambhāraṁ, hetusamuṭṭhānaṁ: anuvādādhikaraṇaṁ hetunidānaṁ, hetusamudayaṁ, hetujātikaṁ, hetuppabhavaṁ, hetusambhāraṁ, hetusamuṭṭhānaṁ: āpattādhikaraṇaṁ hetunidānaṁ, hetusamudayaṁ, hetujātikaṁ, hetuppabhavaṁ, hetusambhāraṁ,
hetusamuṭṭhānaṁ: kiccādhikaraṇaṁ hetunidānaṁ, hetusamudayaṁ,
hetujātikaṁ, hetuppabhavaṁ, hetusambhāraṁ, hetusamuṭṭhānaṁ.

3. vivādādhikaraṇaṁ kiṁnidānaṁ, kiṁsamudayaṁ, kiṁjātikaṁ, kiṁpabhavaṁ, kiṁsambhāraṁ, kiṁsamuṭṭhānaṁ: anuvādādhikaraṇaṁ kiṁnidānaṁ, kiṁsamudayaṁ, kiṁjātikaṁ, kiṁpabhavaṁ, kiṁsambhāraṁ, kiṁsamuṭṭhānaṁ: āpattādhikaraṇaṁ kiṁnidānaṁ, kiṁsamudayaṁ, kiṁjātikaṁ, kiṁpabhavaṁ, kiṁsambhāraṁ, kiṁsamuṭṭhānaṁ: kiccādhikaraṇaṁ kiṁnidānaṁ, kiṁsamudayaṁ, kiṁjātikaṁ, kiṁpabhavaṁ, kiṁsambhāraṁ, kiṁsamuṭṭhānaṁ:

vivādādhikaraṇaṁ paccayanidānaṁ, paccayasamudayaṁ, paccayajātikaṁ, paccayappabhavaṁ,
paccayasambhāraṁ, paccayasamuṭṭhānaṁ: anuvādādhikaraṇaṁ paccayanidānaṁ,
paccayasamudayaṁ, paccayajātikaṁ, paccayappabhavaṁ, paccayasambhāraṁ,
paccayasamuṭṭhānaṁ: āpattādhikaraṇaṁ paccayanidānaṁ, paccayasamudayaṁ, paccayajātikaṁ, paccayappabhavaṁ, paccayasambhāraṁ, paccayasamuṭṭhānaṁ: kiccādhikaraṇaṁ paccayanidānaṁ, paccayasamudayaṁ, paccayajātikaṁ, paccayappabhavaṁ, paccayasambhāraṁ, paccayasamuṭṭhānaṁ.

adhikaraṇamūlādayo

1. catunnaṁ adhikaraṇānaṁ kati mūlāni, kati samuṭṭhānā:

catunnaṁ adhikaraṇānaṁ tettiṁsa mūlāni, tettiṁsa samuṭṭhānā.

2. catunnaṁ adhikaraṇānaṁ katamāni tettiṁsa mūlāni:

vivādādhikaraṇassa dvādasa mūlāni, anuvādādhikaraṇassa cuddasa mūlāni, āpattādhikaraṇassa cha mūlāni, kiccādhikaraṇassa ekaṁ mūlaṁ saṅgho. catunnaṁ adhikaraṇānaṁ imāni tettiṁsa mūlāni.
[pts page 152  [\q 152/]     3.] catunnaṁ adhikaraṇānaṁ katame tettiṁsa samuṭṭhānā:

vivādādhikaraṇassa aṭṭhārasa bhedakaravatthūni samuṭṭhānā, anuvādādhikaraṇassa catasso vipattiyo samuṭṭhānā, āpattādhikaraṇassa satta āpattikkhandhā1 samuṭṭhānā, kiccādhikaraṇassa cattāri kammāni samuṭṭhānā. catunnaṁ adhikaraṇānaṁ ime tettiṁsa samuṭṭhānā.

adhikaraṇapaccayāpatti

1. vivādādhikaraṇaṁ āpattānāpattīti: vivādādhikaraṇaṁ na āpatti.

kiṁ pana vivādādhikaraṇapaccayā āpattiṁ āpajjeyyāti: āma, vivādādhikaraṇapaccayā āpattiṁ āpajjeyya.

1. sattāpattikkhandhā - machasaṁ.

[bjt page 112] [\x 112/]

vivādādhikaraṇapaccayā kati āpattiyo āpajjati: vivādādhikaraṇapaccayā dve āpattiyo āpajjati: upasampannaṁ omasati āpatti pācittiyassa, anupasampannaṁ omasati āpatti dukkaṭassa. vivādādhikaraṇapaccayā imā dve āpattiyo āpajjati.

2. tā āpattiyo catunnaṁ vipattīnaṁ kati vipattiyo bhajanti, catunnaṁ adhikaraṇānaṁ katamaṁ adhikaraṇaṁ, sattannaṁ āpattikkhandhānaṁ katīhi āpattikkhandhehi saṅgahītā, channaṁ āpattisamuṭṭhānānaṁ katīhi samuṭṭhānehi samuṭṭhahanti, katīhi adhikaraṇehi katīsu ṭhānesu katīhi samathehi sammanti:

tā āpattiyo catunnaṁ vipattīnaṁ ekaṁ vipattiṁ bhajanti: ācāravipattiṁ catunnaṁ adhikaraṇānaṁ āpattādhikaraṇaṁ. sattannaṁ āpattikkhandhānaṁ dvīhi āpattikkhandhehi saṅgahītā: siyā pācittiyā pattikkhandhena siyā dukkaṭāpattikkhandhena. channaṁ āpattisamuṭṭhānānaṁ tīhi samuṭṭhānehi samuṭṭhahanti. ekena adhikaraṇena kiccādhikaraṇena. tīsu ṭhānesu: saṅghamajjhe gaṇamajjhe puggalassa santike. tīhi samathehi sammanti: siyā sammukhāvinayena ca paṭiññātakaraṇena ca, siyā sammukhāvinayena ca tiṇavatthārakena ca.

3. anuvādādhikaraṇaṁ āpattānāpattīti: anuvādādhikaraṇaṁ na āpatti.

kimpana anuvādādhikaraṇapaccayā āpattiṁ āpajjeyyāti: āma, anuvādādhikaraṇapaccayā āpattiṁ āpajjeyya.

anuvādādhikaraṇapaccayā kati āpattiyo āpajjati: anuvādādhikaraṇapaccayā tisso āpattiyo āpajjati: bhikkhuṁ amūlakena pārājikena dhammena anuddhaṁseti āpatti saṅghādisesassa, amūlakena saṅghādisesena anuddhaṁseti āpatti pācittiyassa, amūlakāya ācāravipattiyā anuddhaṁseti āpatti dukkaṭassa. anuvādādhikaraṇapaccayā imā tisso āpattiyo āpajjati.

4. tā āpattiyo catunnaṁ vipattīnaṁ kati vipattiyo bhajanti, catunnaṁ adhikaraṇānaṁ katamaṁ adhikaraṇaṁ, sattannaṁ āpattikkhandhānaṁ katīhi āpattikkhandhehi saṅgahītā, channaṁ āpattisamuṭṭhānānaṁ katīhi samuṭṭhānehi samuṭṭhahanti, katīhi adhikaraṇehi katīsu ṭhānesu katīhi samathehi sammanti:

tā āpattiyo catunnaṁ vipattīnaṁ dve vipattiyo bhajanti:
siyā sīlavipattiṁ, siyā ācāravipattiṁ. catunnaṁ
adhikaraṇānaṁ [pts page 153] [\q 153/]      āpattādhikaraṇaṁ. sattannaṁ āpattikkhandhānaṁ tīhi āpattikkhandhehi saṅgahītā: siyā saṅghādisesāpattikkhandhena, siyā pācittiyāpattikkhandhena, siyā dukkaṭāpattikkhandhena. channaṁ āpattisamuṭṭhānānaṁ tīhi samuṭṭhānehi samuṭṭhahanti. yā tā āpattiyo garukā tā āpattiyo ekena adhikaraṇena, kiccādhikaraṇena.

[bjt page 114] [\x 114/]

ekamhi ṭhāne saṅghamajjhe. dvīhi samathehi sammanti: sammukhāvinayena ca, paṭiññātakaraṇe ca. yā tā āpattiyo lahukā, tā āpattiyo ekena adhikaraṇena kiccādhikaraṇena. tīsu ṭhānesu: saṅghamajjhe gaṇamajjhe puggalassa santike. tīhi samathehi sammanti: siyā sammukhāvinayena ca paṭiññātakaraṇena ca, siyā sammukhāvinayena ca tiṇavatthārakena ca.

5. āpattādhikaraṇaṁ āpattānāpattīti: āpattādhikaraṇaṁ āpatti.

kimpana āpattādhikaraṇapaccayā āpattiṁ āpajjeyyāti: āma, āpattādhikaraṇapaccayā āpattiṁ āpajjeyya.

āpattādhikaraṇapaccayā kati āpattiyo āpajjati: āpattādhikaraṇapaccayā catasso āpattiyo āpajjati: bhikkhunī jānaṁ pārājikaṁ dhammaṁ1 paṭicchādeti āpatti pārājikassa, vematikā paṭicchādeti āpattithullaccayassa, bhikkhu saṅghādisesaṁ paṭicchādeti āpatti pācittiyassa, ācāravipattiṁ paṭicchādeti āpatti dukkaṭassa āpattādhikaraṇapaccayā ima catasso āpattiyo āpajjati.

6. tā āpattiyo catunnaṁ vipattīnaṁ kati vipattiyo bhajanti, catunnaṁ adhikaraṇānaṁ katamaṁ adhikaraṇaṁ, sattannaṁ āpattikkhandhānaṁ katīhi āpattikkhandhehi saṅgahītā, channaṁ āpattisamuṭṭhānānaṁ katīhi samuṭṭhānehi samuṭṭhahanti, katīhi adhikaraṇehi katīsu ṭhānesu katīhi samathehi sammanti:

tā āpattiyo catunnaṁ vipattīnaṁ dve vipattiyo bhajanti:
siyā sīlavipattiṁ, siyā ācāravipattiṁ. catunnaṁ
adhikaraṇānaṁ āpattādhikaraṇaṁ. sattannaṁ āpattikkhandhānaṁ catūhi āpattikkhandhehi saṅgahītā: siyā pārājikāpattikkhandhena, siyā thullaccayāpattikkhandhena,
siyā pācittiyāpattikkhandhena siyā dukkaṭāpattikkhandhena. channaṁ
āpattisamuṭṭhānānaṁ ekena samuṭṭhānena samuṭṭhahanti: kāyato ca vācato ca cittato ca samuṭṭhahanti. yā sā āpatti anavasesā sā āpatti na katamena adhikaraṇena na katamamhi ṭhāne na katamena samathena sammati, yā tā āpattiyo. lahukā tā āpattiyo ekena adhikaraṇena kiccādhikaraṇena. tīsu
ṭhānesu: saṅghamajjhe gaṇamajjhe puggalassa santike. tīhi samathehi sammanti: siyā sammukhāvinayena ca paṭiññātakaraṇena ca, siyā sammukhāvinayena ca tiṇavatthārakena ca.

7. kiccādhikaraṇaṁ āpattānāpattīti: kiccādhikaraṇaṁ nāpatti.

kimapana kiccādhikaraṇapaccayā āpattiṁ āpajjeyyāti: āma, kiccādhikaraṇapaccayā āpattiṁ āpajjeyya.

1. pārājika dhammaṁ ajjhāpannaṁ - syā.

[bjt page 116] [\x 116/]

kiccādhikaraṇapaccayā kati āpattiyo āpajjati: kiccādhikaraṇapaccayā pañca āpattiyo āpajjati: ukkhittānuvattikā bhikkhunī yāva tatiyaṁ samunubhāsanāya nappaṭinissajjati ñattiyā dukkaṭaṁ, dvīhi kammavācāhi thullavaccayā, kammavācāpariyosāne āpatti pārājikassa bhedakānuvattakā bhikkhū yāvatatiyaṁ samanubhāsanāya nappaṭinissajjanti āpatti saṅghādisesassa, pāpikāya diṭṭhiyā yāvatatiyaṁ samanubhāsanāya nappaṭinissajjanti āpatti pācittiyassa. kiccādhikaraṇapaccayā imā pañca āpattiyo āpajjati.

8. tā āpattiyo catunnaṁ vipattīnaṁ kati vipattiyo bhajanti, catunnaṁ adhikaraṇānaṁ katamaṁ adhikaraṇaṁ, sattannaṁ āpattikkhandhānaṁ katīhi āpattikkhandhehi saṅgahītā, channaṁ āpattisamuṭṭhānānaṁ katīhi samuṭṭhānehi samuṭṭhahanti, katīhi adhikaraṇehi katīsu ṭhānesu katīhi samathehi sammanti:
[pts page 154] [\q 154/]
tā āpattiyo catunnaṁ vipattīnaṁ dve vipattiyo bhajanti:
siyā sīlavipattiṁ siyā ācāravipattiṁ. catunnaṁ
adhikaraṇānaṁ āpattādhikaraṇaṁ. sattannaṁ āpattikkhandhānaṁ pañcahi āpattikkhandhehi saṅgahītā: siyā pārājikāpattikkhandhena, siyā saṅghādisesāpattikkhandhena, siyā thullaccayāpattikkhandhena, siyā pācittiyāpattikkhandhena siyā
dukkaṭāpattikkhandhena. channaṁ āpattisamuṭṭhānānaṁ ekena samuṭṭhānena samuṭṭhahanti: kāyato ca vācato ca cittato ca samuṭṭhahanti. yā sā āpatti anavasesā, sā āpatti na katamena adhikaraṇena na katamamhi ṭhāne na katamena samathena sammati. yā sā āpatti garukā, sā āpatti ekena adhikaraṇena kiccādhikaraṇena. ekamhi ṭhāne saṅghamajjhe. dvīhi samathehi sammati: sammukhāvinayena ca paṭiññātakaraṇena ca. yā tā āpattiyo lahukā, tā āpattiyo ekena adhikaraṇena kiccādhikaraṇena. tīsu
ṭhānesu: saṅghamajjhe gaṇamajjhe puggalassa santike. tīhi samathehi sammanti: siyā sammukhāvinayena ca paṭiññātakaraṇena ca, siyā sammukhāvinayena ca tiṇavatthārakena ca.

adhikaraṇādhippāyo

1. vivādādhikaraṇaṁ hoti anuvādādhikaraṇaṁ, hoti āpattādhikaraṇaṁ, hoti kiccādhikaraṇaṁ.

vivādādhikaraṇaṁ na hoti anuvādādhikaraṇaṁ, na hoti āpattādhikaraṇaṁ, na hoti kiccādhikaraṇaṁ. apica vivādādhikaraṇapaccayā hoti anuvādādhikaraṇaṁ, hoti āpattādhikaraṇaṁ, hoti kiccādhikaraṇaṁ. yathā kathaṁ viya: idha bhikkhū vivadanti
tattha katamo vivādo no adhikaraṇaṁ: idha bhikkhu vivadanti dhammoti vā adhammoti vā vinayoti vā avinayoti vā bhāsitaṁ lapitaṁ tathāgatenāti vā abhāsitaṁ alapitaṁ tathāgatenāti vā, āciṇṇaṁ tathāgatenāti vā anāciṇṇaṁ tathāgatenāti vā, paññattaṁ tathāgatenāti vā apaññattaṁ tathāgatenāti vā, āpattīti vā, anāpattīti vā, lahukāpattīti vā, garukāpattīti vā, sāvasesāpattīti vā anavasesāpattīti vā, duṭṭhullāpattīti vā, aduṭṭhullāpattīti vā, yaṁ tattha bhaṇḍanaṁ kalaho viggaho vivādo nānāvādo aññathāvādo vipaccayatāya vohāro medhagaṁ idaṁ vuccati vivādādhikaraṇaṁ, vivādādhikaraṇe saṅgho vivadati

[bjt page 118] [\x 118/]

vivādādhikaraṇaṁ, vivadamāno anuvadati anuvādādhikaraṇaṁ, anuvadamāno āpattiṁ āpajjati āpattādhikaraṇaṁ, tāya āpattiyā saṅgho kammaṁ karoti kiccādhikaraṇaṁ. evaṁ vivādādhikaraṇapaccayā hoti anuvādādhikaraṇaṁ, hoti āpattādhikaraṇaṁ, hoti kiccādhikaraṇaṁ.

2. anuvādādhikaraṇaṁ hoti āpattādhikaraṇaṁ, hoti kiccādhikaraṇaṁ, hoti vivādādhikaraṇaṁ.

anuvādādhikaraṇaṁ na hoti apattādhikaraṇaṁ, na hoti kiccādhikaraṇaṁ, na hoti vivādādhikaraṇaṁ. api ca anuvādādhikaraṇapaccayā hoti āpattādhikaraṇaṁ, hoti kiccādhikaraṇaṁ, hoti vivādādhikaraṇaṁ, yathā kathaṁ viya: idha bhikkhū bhikkhuṁ anuvadanti sīlavipattiyā vā ācāravipattiyā vā diṭṭhivipattiyā vā ājīvavipattiyā vā, yo tattha anuvādo anuvādanā anullapanā anubhaṇanā anusampavaṅkatā abbhussahanatā anubalappadānaṁ, idaṁ vuccati anuvādādhikaraṇaṁ, anuvādādhikaraṇe saṅgho vivadati vivādādhikaraṇaṁ, vivadamāno anuvadati anuvādādhikaraṇaṁ, anuvadamāno āpattiṁ āpajjati āpattādhikaraṇaṁ, tāya āpattiyā saṅgho kammaṁ karoti kiccādhikaraṇaṁ. evaṁ anuvādādhikaraṇapaccayā hoti āpattādhikaraṇaṁ, hoti kiccādhikaraṇaṁ, hoti vivādādhikaraṇaṁ.

3. āpattādhikaraṇaṁ hoti kiccādhikaraṇaṁ. hoti vivādādhikaraṇaṁ, hoti anuvādādhikaraṇaṁ.

āpattādhikaraṇaṁ na hoti kiccādhikaraṇaṁ, na hoti vivādādhikaraṇaṁ, na hoti anuvādādhikaraṇaṁ. api ca āpattādhikaraṇapaccayā hoti kiccādhikaraṇaṁ, hoti vivādādhikaraṇaṁ, hoti anuvādādhikaraṇaṁ. yathā kathaṁ viya: pañcapi āpattikkhandhā āpattādhikaraṇaṁ, sattapi āpattikkhandhā āpattādhikaraṇaṁ, idaṁ vuccati āpattādhikaraṇaṁ, āpattādhikaraṇe saṅgho vivadati vivādādhikaraṇaṁ, vivadamāno anuvadati anuvādādhikaraṇaṁ, anuvadamāno āpattiṁ āpajjati āpattādhikaraṇa, tāya āpattiyā saṅgho kammaṁ karoti kiccādhikaraṇaṁ. evaṁ āpattādhikaraṇapaccayā hoti kiccādhikaraṇaṁ, hoti vivādādhikaraṇaṁ, hoti anuvādādhikaraṇaṁ.

4. kiccādhikaraṇaṁ hoti vivādādhikaraṇaṁ, hoti anuvādādhikaraṇaṁ, hoti āpattādhikaraṇaṁ:

kiccādhikaraṇaṁ na hoti vivādādhikaraṇaṁ, na hoti anuvādādhikaraṇaṁ, na hoti āpattādhikaraṇaṁ. api ca kiccādhikaraṇapaccayā hoti vivādādhikaraṇaṁ, hoti anuvādādhikaraṇaṁ, hoti āpattādhikaraṇaṁ, yathā kathaṁ viya: yā saṅghassa kiccayatā karaṇīyatā apalokanakammaṁ ñattikammaṁ ñattidutiyakammaṁ ñatticatutthakammaṁ. idaṁ vuccati kiccādhikaraṇaṁ. kiccādhikaraṇe saṅgho vivadati vivādādhikaraṇaṁ. vivadamāno anuvadati anuvādādhikaraṇaṁ, anuvadamāne āpattiṁ āpajjati āpattādhikaraṇaṁ. tāya āpattiyā saṅgho kammaṁ karoti kiccādhikaraṇaṁ. evaṁ kiccādhikaraṇapaccayā hoti vivādādhiraṇaṁ, hoti anuvādādhikaraṇaṁ, hoti āpattādhikaraṇaṁ.

[bjt page 120] [\x 120/]

pucchāvissajjanavāro

1. yattha sativinayo tattha sammukhāvinayo, yattha sammukhāvinayo [pts page 155] [\q 155/]      tattha sativinayo, yattha amūḷhavinayo tattha sammukhāvinayo, yattha sammukhāvinayo tattha amūḷhavinayo, yattha paṭiññātakaraṇaṁ tattha sammukhāvinayo, yattha sammukhāvinayo tattha paṭiññātakaraṇaṁ, yattha yebhuyyasikā tattha sammukhāvinayo, yattha sammukhāvinayo tattha yebhuyyasikā, yattha tassapāpiyyasikā tattha sammukhāvinayo, yattha sammukhāvinayo tattha tassapāpiyyasikā, yattha tiṇavatthārako tattha sammukhāvinayo, yattha sammukhāvinayo tattha tiṇavatthārako.
2. yasmiṁ samaye sammukhāvinayena ca sativinayena ca adhikaraṇaṁ vūpasammati, yattha sativinayo tattha sammukhāvinayo, yattha sammukhāvinayo tattha sativinayo. na tattha, amūḷhavinayo, na tattha paṭiññātakaraṇaṁ, na tattha yebhuyyasikā, na tattha tassapāpiyyasikā, na tattha tiṇavatthārako.

3. yasmiṁ samaye sammukhāvinayena ca amūḷhavinayena ca adhikaraṇaṁ vūpasammati, yattha amūḷhavinayo tattha sammukhāvinayo, yattha sammukhāvinayo tattha amūḷhavinayo. sammukhāvinayena ca paṭiññātakaraṇena ca adhikaraṇaṁ vūpasammati, yattha
paṭiññātakaraṇo tattha sammukhāvinayo, yattha sammukhāvinayo tattha paṭiññātakaraṇo. sammukhāvinayena ca yebhuyyasikāya ca adhikaraṇaṁ vūpasammati, yattha
yebhuyyāsikāyo tattha sammukhāvinayo, yattha sammukhāvinayo tattha yebhuyyasikāyo. sammukhāvinayena ca tassapāpiyyasikāya ca adhikaraṇaṁ vūpasammati, yattha
tassapāpiyyasikāyo tattha sammukhāvinayo, yattha sammukhāvinayo
tattha tassapāpiyyasikāyo.
sammukhāvinayena ca tiṇavatthārakena ca adhikaraṇaṁ vūpasammati, yattha
tiṇavatthārako tattha sammukhāvinayo, yattha sammukhāvinayo tattha tiṇavatthārako. na tattha sativinayo, na tattha amūḷhavinayo, na tattha paṭiññātakaraṇaṁ, na tattha yebhuyyasikā, na tattha tassapāpiyyasikā.

saṁsaṭṭhavāro

1. sammukhāvinayoti vā sativinayoti vā ime dhammā saṁsaṭṭhā udāhu visaṁsaṭṭhā: labbhā ca panimesaṁ dhammānaṁ vinibbhujitvā vinibbhujitvā nānākaraṇaṁ paññāpetuṁ: sammukhāvinayoti vā amūḷhavinayoti vā ime dhammā saṁsaṭṭhā udāhu visaṁsaṭṭhā, labbhā ca panimesaṁ dhammānaṁ vinibbhujitvā vinibbhujitvā nānākaraṇaṁ paññāpetuṁ.
sammukhāvinayoti vā paṭiññātakaraṇanti vā ime dhammā saṁsaṭṭhā udāhu visaṁsaṭṭhā, labbhā ca panimesaṁ dhammānaṁ vinibbhujitvā vinibbhujitvā nānākaraṇaṁ paññāpetuṁ.
sammukhāvinayoti vā yebhuyyasikāti vā ime dhammā saṁsaṭṭhā udāhu visaṁsaṭṭhā, labbhā ca panimesaṁ dhammānaṁ vinibbhujitvā vinibbhujitvā nānākaraṇaṁ paññāpetuṁ.
sammukhāvinayoti vā tassapāpiyyasikāti vā ime dhammā saṁsaṭṭhā udāhu visaṁsaṭṭhā, labbhā ca panimesaṁ dhammānaṁ vinibbhujitvā vinibbhujitvā nānākaraṇaṁ paññāpetuṁ.
sammukhāvinayoti vā tiṇavatthārakoti vā ime dhammā saṁsaṭṭhā udāhu visaṁsaṭṭhā, labbhā ca panimesaṁ dhammānaṁ vinibbhujitvā vinibbhujitvā nānākaraṇaṁ paññāpetuṁ.

2. sammukhāvinayoti vā sativinayoti vā ime dhammā saṁsaṭṭhā, no visaṁsaṭṭhā. na ca labbhā imesaṁ dhammānaṁ vinibbhujitvā vinibbhujitvā nānākaraṇaṁ paññāpetuṁ sammukhāvinayoti vā ime dhammā saṁsaṭṭhā, no visaṁsaṭṭhā. na ca
labbhā imesaṁ dhammānaṁ vinibbhujitvā vinibbhujitvā nānākaraṇaṁ paññāpetuṁ amūḷhavinayoti vā ime dhammā saṁsaṭṭhā, no visaṁsaṭṭhā. na ca
labbhā imesaṁ dhammānaṁ vinibbhujitvā vinibbhujitvā nānākaraṇaṁ paññāpetuṁ sammukhāvinayoti vā paṭiññātakaraṇanti vā ime dhammā saṁsaṭṭhā, no visaṁsaṭṭhā. na ca labbhā imesaṁ dhammānaṁ vinibbhujitvā vinibbhujitvā nānākaraṇaṁ paññāpetuṁ sammukhāvinayoti vā yebhuyyasikāti vā ime dhammā saṁsaṭṭhā, no visaṁsaṭṭhā. na ca labbhā imesaṁ dhammānaṁ vinibbhujitvā vinibbhujitvā nānākaraṇaṁ paññāpetuṁ sammukhāvinayoti vā tassapāpiyyasikāti vā ime dhammā saṁsaṭṭhā, no visaṁsaṭṭhā. na ca labbhā imesaṁ dhammānaṁ vinibbhujitvā vinibbhujitvā nānākaraṇaṁ paññāpetuṁ sammukhāvinayoti vā tiṇavatthārakoti vā ime dhammā saṁsaṭṭhā, no visaṁsaṭṭhā. na ca labbhā imesaṁ dhammānaṁ vinibbhujitvā vinibbhujitvā nānākaraṇaṁ paññāpetuṁ.

[bjt page 122] [\x 122/]

samathanidānādayo

1. sammukhāvinayo kiṁnidāno, kiṁsamudayo, kiṁjātiko, kiṁpabhavo, kiṁsambhāro, kiṁsamuṭṭhāno:
sativinayo kiṁnidāno, kiṁsamudayo, kiṁjātiko, kiṁpabhavo,
kiṁsambhāro, kiṁsamuṭṭhāno:
amūḷhavinayo kiṁnidāno, kiṁsamudayo, kiṁjātiko, kiṁpabhavo,
kiṁsambhāro, kiṁsamuṭṭhāno:
paṭiññātakaraṇaṁ kiṁnidāno, kiṁsamudayo, kiṁjātiko, kiṁpabhavo,
kiṁsambhāro, kiṁsamuṭṭhāno:
yebhuyyasikā kiṁnidāno, kiṁsamudayo, kiṁjātiko, kiṁpabhavo,
kiṁsambhāro, kiṁsamuṭṭhāno:
tassapāpiyyasikā kiṁnidāno, kiṁsamudayo, kiṁjātiko, kiṁpabhavo,
kiṁsambhāro, kiṁsamuṭṭhāno:
tiṇavatthārako kiṁnidāno, kiṁsamudayo, kiṁjātiko, kiṁpabhavo,
kiṁsambhāro, kiṁsamuṭṭhāno:

sammukhāvinayo nidānanidāno, nidānasamudayo, nidānajātiko, nidānapabhavo, nidānasambhāro, nidānasamuṭṭhāno.
sativinayo nidānanidāno, nidānasamudayo, nidānajātiko, nidānapabhavo, nidānasambhāro, nidānasamuṭṭhāno.
amūḷhavinayo nidānanidāno, nidānasamudayo, nidānajātiko, nidānapabhavo, nidānasambhāro, nidānasamuṭṭhāno.
paṭiññātakaraṇaṁ nidānanidānaṁ, nidānasamudayaṁ, nidānajātikaṁ, nidānapabhavaṁ, nidānasambhāraṁ, nidānasamuṭṭhānaṁ.
yebhuyyasikā nidānanidānā, nidānasamudayā, nidānajātikā, nidānapabhavā,
nidānasambhārā, nidānasamuṭṭhānā.
tassapāpiyyasikā nidānanidānā, nidānasamudayā, nidānajātikā, nidānapabhavā, nidānasambhārā, nidānasamuṭṭhānā.
tiṇavatthārako nidānanidāno, nidānasamudayo, nidānajātiko, nidānapabhavo, nidānasambhāro, nidānasamuṭṭhāno.
[pts page 156] [\q 156/]
2. sammukhāvinayo kiṁnidāno, kiṁsamudayo, kiṁjātiko, kiṁpabhavo, kiṁsambhāro, kiṁsamuṭṭhāno:
sativinayo kiṁnidāno, kiṁsamudayo, kiṁjātiko, kiṁpabhavo,
kiṁsambhāro, kiṁsamuṭṭhāno:
amūḷhavinayo kiṁnidāno, kiṁsamudayo, kiṁjātiko, kiṁpabhavo,
kiṁsambhāro, kiṁsamuṭṭhāno:
paṭiññātakaraṇaṁ kiṁnidāno, kiṁsamudayo, kiṁjātiko, kiṁpabhavo,
kiṁsambhāro, kiṁsamuṭṭhāno:
yebhuyyasikā kiṁnidāno, kiṁsamudayo, kiṁjātiko, kiṁpabhavo,
kiṁsambhāro, kiṁsamuṭṭhāno:
tassapāpiyyasikā kiṁnidāno, kiṁsamudayo, kiṁjātiko, kiṁpabhavo,
kiṁsambhāro, kiṁsamuṭṭhāno:
tiṇavatthārako kiṁnidāno, kiṁsamudayo, kiṁjātiko, kiṁpabhavo,
kiṁsambhāro, kiṁsamuṭṭhāno:

sammukhāvinayo hetunidāno, hetusamudayo, hetujātiko, hetupabhavo, hetusambhāro, hetusamuṭṭhāno.
sativinayo hetunidāno, hetusamudayo, hetujātiko, hetupabhavo,
hetusambhāro, hetusamuṭṭhāno.
amūḷhavinayo hetunidāno, hetusamudayo, hetujātiko, hetupabhavo,
hetusambhāro, hetusamuṭṭhāno.
paṭiññātakaraṇaṁ hetunidānaṁ, hetusamudayaṁ, hetujātikaṁ, hetupabhavaṁ,
hetusambhāraṁ, hetusamuṭṭhānaṁ.
yebhuyyasikā hetunidānā, hetusamudayā, hetujātikā, hetupabhavā,
hetusambhārā, hetusamuṭṭhānā.
tassapāpiyyasikā hetunidānā, hetusamudayā, hetujātikā, hetupabhavā,
hetusambhārā, hetusamuṭṭhānā.
tiṇavatthārako hetunidāno, hetusamudayo, hetujātiko, hetupabhavo, hetusambhāro, hetusamuṭṭhāno.

3. sammukhāvinayo kiṁnidāno, kiṁsamudayo, kiṁjātiko, kiṁpabhavo, kiṁsambhāro, kiṁsamuṭṭhāno:
sativinayo kiṁnidāno, kiṁsamudayo, kiṁjātiko, kiṁpabhavo,
kiṁsambhāro, kiṁsamuṭṭhāno:
amūḷhavinayo kiṁnidāno, kiṁsamudayo, kiṁjātiko, kiṁpabhavo,
kiṁsambhāro, kiṁsamuṭṭhāno:
paṭiññātakaraṇaṁ kiṁnidāno, kiṁsamudayo, kiṁjātiko, kiṁpabhavo,
kiṁsambhāro, kiṁsamuṭṭhāno:
yebhuyyasikā kiṁnidāno, kiṁsamudayo, kiṁjātiko, kiṁpabhavo,
kiṁsambhāro, kiṁsamuṭṭhāno:
tassapāpiyyasikā kiṁnidāno, kiṁsamudayo, kiṁjātiko, kiṁpabhavo,
kiṁsambhāro, kiṁsamuṭṭhāno:
tiṇavatthārako kiṁnidāno, kiṁsamudayo, kiṁjātiko, kiṁpabhavo,
kiṁsambhāro, kiṁsamuṭṭhāno:

[bjt page 124] [\x 124/]

sammukhāvinayo paccayanidāno, paccayasamudayo, paccayajātiko,
paccayapabhavo, paccayasambhāro, paccayasamuṭṭhāno.
sativinayo paccayanidāno, paccayasamudayo, paccayajātiko,
paccayapabhavo, paccayasambhāro, paccayasamuṭṭhāno.
amūḷhavinayo paccayanidāno, paccayasamudayo, paccayajātiko,
paccayapabhavo, paccayasambhāro, paccayasamuṭṭhāno.
paṭiññātakaraṇaṁ paccayanidānaṁ, paccayasamudayaṁ, paccayajātikaṁ, paccayapabhavaṁ, paccayasambhāraṁ, paccayasamuṭṭhānaṁ.
yebhuyyasikā paccayanidānā, paccayasamudayā, paccayajātikā, paccayapabhavā,
paccayasambhārā, paccayasamuṭṭhānā.
tassapāpiyyasikā paccayanidānā, paccayasamudayā, paccayajātikā, paccayapabhavā, paccayasambhārā, paccayasamuṭṭhānā.
tiṇavatthārako paccayanidāno, paccayasamudayo, paccayajātiko, paccayapabhavo, paccayasambhāro, paccayasamuṭṭhāno.

4. sattannaṁ samathānaṁ kati mūlāni, kati samuṭṭhānā: sattannaṁ samathānaṁ chabbīsa mūlāni, chattiṁsa samuṭṭhānā.

sattannaṁ samathānaṁ katamāni chabbīsa mūlāni: sammukhāvinayassa cattāri mūlāni: saṅghasammukhatā, dhammasammukhatā, vinayasammukhatā, puggalasammukhatā.
sativinayassa cattāri mūlāni:
saṅghasammukhatā, dhammasammukhatā, vinayasammukhatā, puggalasammukhatā.
amūḷhavinayassa cattāri mūlāni:
saṅghasammukhatā, dhammasammukhatā, vinayasammukhatā, puggalasammukhatā.
paṭiññātakaraṇassa dve mūlāni: yo ce deseti, yassa ca deseti. yebhuyyasikāya cattāri mūlāni: saṅghasammukhatā, dhammasammukhatā, vinayasammukhatā, puggalasammukhatā.
tiṇavatthārakassa cattāri mūlāni:
saṅghasammukhatā, dhammasammukhatā, vinayasammukhatā, puggalasammukhatā. sattannaṁ samathānaṁ imāni jabbīsa mūlāni.

sattannaṁ samathānaṁ katame chattiṁsa samuṭṭhānā: sativinayassa kammassa kiriyā, karaṇaṁ, upagamanaṁ, ajjhupagamanaṁ, adhivāsanā, apaṭikkosanā.
amūḷhavinayassa kammassa kiriyā, karaṇaṁ,
upagamanaṁ, ajjhupagamanaṁ, adhivāsanā, apaṭikkosanā.
paṭiññātakaraṇassa kammassa kiriyā, karaṇaṁ,
upagamanaṁ, ajjhupagamanaṁ, adhivāsanā, apaṭikkosanā.
yebhuyyasikāya kammassa kiriyā, karaṇaṁ,
upagamanaṁ, ajjhupagamanaṁ, adhivāsanā, apaṭikkosanā.
tassa pāpiyyasikāya kammassa kiriyā, karaṇaṁ,
upagamanaṁ, ajjhupagamanaṁ, adhivāsanā, apaṭikkosanā.
tiṇavatthārakassa kammassa kiriyā, karaṇaṁ,
upagamanaṁ, ajjhupagamanaṁ, adhivāsanā, apaṭikkosanā. sattannaṁ samathānaṁ ime chattiṁsa samuṭṭhānā.

samatha nānatthādayo

1. sammukhāvinayoti vā sativinayoti vā ime dhammā nānatthā nānābyañjanā, udāhu byañjanameva nānaṁ:
sammukhāvinayoti vā amūḷhavinayoti vā ime dhammā nānatthā nānābyañjanā,
udāhu byañjanameva nānaṁ:
sammukhāvinayoti vā paṭiññātakaraṇanti vā ime dhammā nānatthā nānābyañjanā, udāhu byañjanameva nānaṁ:
sammukhāvinayoti vā yebhuyyasikāti vā ime dhammā nānatthā nānābyañjanā, udāhu byañjanameva nānaṁ:
sammukhāvinayoti vā tassapāpiyyasikāti vā ime dhammā nānatthā nānābyañjanā, udāhu byañjanameva nānaṁ:
sammukhāvinayoti vā tiṇavatthārakoti vā ime dhammā nānatthā nānābyañjanā, udāhu byañjanameva nānaṁ:

sammukhāvinayoti vā sativinayoti vā ime dhammā nānatthā ceva nānābyañjanā ca. sammukhāvinayoti vā amūḷhavinayoti vā ime dhammā nānatthā ceva nānābyañjanā ca. sammukhāvinayoti vā paṭiññātakaraṇanti vā ime dhammā nānatthā ceva nānābyañjanā ca. sammukhāvinayoti vā yebhuyyasikāti vā ime dhammā nānatthā ceva nānābyañjanā ca. sammukhāvinayoti vā tassapāpiyyasikāti vā ime dhammā nānatthā ceva nānābyañjanā ca. sammukhāvinayoti vā tiṇavatthārakoti vā ime dhammā nānatthā ceva nānābyañjanā ca.
[bjt page 126] [\x 126/]
[pts page 157] [\q 157/]

2. vivādo vivādādhikaraṇaṁ, vivādo no adhikaraṇa, adhikaraṇaṁ no vivādo, adhikaraṇaṁceva vivādo ca.

siyā vivādo vivādādhikaraṇaṁ, siyā vivādo no adhikaraṇaṁ, siyā adhikaraṇaṁ no vivādo, siyā adhikaraṇaṁceva vivādo ca.

tattha katamo vivādo adhikaraṇaṁ: idha bhikkhu vivadanti dhammoti vā adhammoti vā vinayoti vā avinayoti vā bhāsitaṁ lapitaṁ tathāgatenāti vā abhāsitaṁ alapitaṁ tathāgatenāti vā, āciṇṇaṁ tathāgatenāti vā anāciṇṇaṁ tathāgatenāti vā, paññattaṁ tathāgatenāti vā apaññattaṁ tathāgatenāti vā, āpattīti vā, anāpattīti vā, lahukāpattīti vā, garukāpattīti vā, sāvasesāpattīti vā anavasesāpattīti vā, duṭṭhullāpattīti vā, aduṭṭhullāpattīti vā, yaṁ tattha bhaṇḍanaṁ kalaho viggaho vivādo nānāvādo aññathāvādo vipaccayatā vohāro medhagaṁ, ayaṁ vivādo vivādādhikaraṇaṁ.

tattha katamo vivādo no adhikaraṇaṁ: mātāpi puttena vivadati, puttopi mātarā vivadati, pitāpi puttena vivadati, puttopi pitarā vivadati, bhātāpi bhātarā vivadati, bhātāpi bhaginiyā vivadati, bhaginīpi bhātarā vivadati, sahāyopi sahāyena vivadati, ayaṁ vivādo no adhikaraṇaṁ.

tattha katamaṁ adhikaraṇaṁ no vivādo: anuvādādhikaraṇaṁ āpattādhikaraṇaṁ kiccādhikaraṇaṁ, idaṁ adhikaraṇaṁ no vivādo.

tattha katamaṁ adhikaraṇaṁ ceva vivādo ca: vivādādhikaraṇaṁ adhikaraṇañceva vivādo ca.
3. anuvādo anuvādādhikaraṇaṁ, anuvādo no adhikaraṇaṁ, adhikaraṇaṁ no anuvādo, adhikaraṇañceva anuvādo ca.

siyā anuvādo anuvādādhikaraṇaṁ, siyā anuvādo no adhikaraṇaṁ, siyā adhikaraṇaṁ no anuvādo, siyā adhikaraṇañceva anuvādo ca.

tattha katamo anuvādo anuvādādhikaraṇaṁ: idha bhikkhū bhikkhuṁ anuvadanti sīlavipattiyā vā ācāravipattiyā vā diṭṭhivipattiyā vā ājīvavipattiyā vā, yo tattha anuvādo anuvadanā anullapanā anubhaṇanā anusampavaṅkatā abbhussahanatā anubalappadānaṁ, ayaṁ anuvādo anuvādādhikaraṇaṁ.

tattha katamo anuvādo no adhikaraṇaṁ: mātāpi puttaṁ anuvadati, puttopi mātaraṁ anuvadati, pitāpi puttaṁ anuvadati, puttopi pitaraṁ anuvadati, bhātāpi bhātaraṁ anuvadati, bhātāpi bhaginiṁ anuvadati, bhaginipi bhātaraṁ anuvadati, sahāyopi sahāyaṁ anuvadati, ayaṁ anuvādo no adhikaraṇaṁ.

tattha katamaṁ adhikaraṇaṁ no anuvādo: āpattādhikaraṇaṁ kiccādhikaraṇaṁ vivādādhikaraṇaṁ, idaṁ adhikaraṇaṁ no anuvādo.

tattha katamaṁ adhikaraṇañceva anuvādo ca: anuvādādhikaraṇaṁ adhikaraṇañceva anuvādo ca.
4. āpatti āpattādhikaraṇaṁ. āpatti no adhikaraṇaṁ. adhikaraṇaṁ no āpatti adhikaraṇañceva āpatti ca.

[bjt page 128] [\x 128/]

siyā āpatti āpattādhikaraṇaṁ, siyā āpatti no adhikaraṇaṁ, siyā adhikaraṇaṁ no āpatti, siyā adhikaraṇañceva āpatti ca.

tattha katamā āpatti āpattādhikaraṇaṁ: pañcapi āpattikkhandhā āpattādhikaraṇaṁ, sattapi āpattikkhandhā āpattādhikaraṇaṁ. ayaṁ āpatti āpattādhikaraṇaṁ.

tattha katamā āpatti no adhikaraṇaṁ: sotāpatti samāpatti, ayaṁ āpatti no adhikaraṇaṁ.

tattha katamaṁ adhikaraṇaṁ no āpatti: kiccādhikaraṇaṁ, vivādādhikaraṇaṁ, anuvādādhikaraṇaṁ, idaṁ adhikaraṇaṁ no āpatti.

tattha katamaṁ adhikaraṇañceva āpatti ca: āpattādhikaraṇaṁ adhikaraṇañceva āpatti ca.

5. kiccaṁ kiccādhikaraṇaṁ, kiccaṁ no adhikaraṇaṁ, adhikaraṇaṁ no kiccaṁ, adhikaraṇañceva kiccañca:

siyā kiccaṁ kiccādhikaraṇaṁ, siyā kiccaṁ no adhikaraṇaṁ, siyā adhikaraṇaṁ no kiccaṁ, siyā adhikaraṇañceva kiccañca.

tattha katamaṁ kiccaṁ kiccādhikaraṇaṁ: yaṁ saṅghassa kiccayatā karaṇīyatā apalokanakammaṁ ñattikammaṁ ñattidutiyakammaṁ ñatticatutthakammaṁ, idaṁ kiccaṁ kiccādhikaraṇaṁ.

tattha katamaṁ kiccaṁ no adhikaraṇaṁ: ācariyakiccaṁ upajjhāyakiccaṁ1 samānupajjhāyakiccaṁ samānācariyakiccaṁ, idaṁ kiccaṁ no adhikaraṇaṁ.

tattha katamaṁ adhikaraṇaṁ no kiccaṁ: vivādādhikaraṇaṁ anuvādādhikaraṇaṁ āpattādhikaraṇaṁ, idaṁ adhikaraṇaṁ no kiccaṁ.

tattha katamaṁ adhikaraṇañceva kiccañca: kiccādhikaraṇaṁ adhikaraṇañceva kiccaṁ cāti.

adhikaraṇabhedo niṭṭhito.

tassuddānaṁ:

1. adhikaraṇaṁ ukkoṭā ākārā puggalena ca,
nidāna hetu paccayā mūlaṁ samuṭṭhānena ca.
āpatti hoti yattha ca saṁsaṭṭhā nidānappabhavā, 2

2. hetuppaccayamūlāni samuṭṭhānena byañjanaṁ:
vivādo adhikaraṇanti bhedādhikaraṇe idanti.

1. upajjhāyakiccaṁ sakiccaṁ - sīmu. 1, 2.
2. saṁsaṭṭhanidānena ca - machasaṁ.

[bjt page 130] [\x 130/]
[pts page 158] [\q 158/]

aparagāthāsaṅgaṇikaṁ

1. codanā kimatthāya sāraṇā kissa kāraṇā.
saṅgho kimatthāya matikammaṁ pana kissa kāraṇā:

2. codanā sāraṇatthāya niggahatthāya sāraṇā,
saṅgho pariggahatthāya matikammaṁ pana pāṭiyekkaṁ.

3. mā kho turito abhaṇi mā kho caṇḍikkato bhaṇī,
mā kho paṭighaṁ janayi sace anuvijjako tuvaṁ.

4. mā kho sahasā abhaṇi kathaṁ viggāhikaṁ anatthasaṁhitaṁ,
sutte vinaye anulome paññatte anulomike.

5. anuyogavattaṁ nisāmaya kusalena buddhimatā kataṁ,
suvuttaṁ sikkhāpadānulomikaṁ gatiṁ na nāsento samparāyikaṁ.

6. hitesī anuyuñjassu kālenatthū pasaṁhitaṁ,
cuditassa ca codakassa ca sahasā vohāraṁ mā padhārehi1

7. codako āha āpannoti cuditako āha anāpannoti
ubho anukkhipanno paṭiññānusandhitena kāraye.

8. paṭiññā lajjisu katā alajjisu evaṁ na vijjati,
bahumpi alajji bhāseyya vattānusandhitena2 kāraye.

9. alajjī kīdiso hoti paṭiññā yassa na rūhati,
evañca3 tāhaṁ pucchāmi kīdiso vuccati alajji puggalo:

10. saṁcicca āpattiṁ āpajjati āpattiṁ parigūhati,
agatigamanañca gacchati ediso vuccati alajji puggalo.

11. saccaṁ ahampi jānāmi ediso vuccati alajjī puggalo,
aññañca tāhaṁ pucchāmi kīdiso vuccati lajji puggalo:

12. saṁvicca āpattiṁ nāpajjati āpattiṁ na parigūhati,
agatigamanaṁ na gacchati ediso vuccati lajji puggalo.

13. saccaṁ ahampi jānāmi ediso vuccati lajji puggalo,
aññañca tāhaṁ pucchāmi kīdiso vuccati adhammacodako:

1. padhāresi - machasaṁ.
2. vuttānusandhitena - sīmu.
3. etañca - machasaṁ.

[bjt page 132] [\x 132/]
[pts page 159] [\q 159/]

14. akālena codeti abhutena pharusena anatthasaṁhitena,
dosantaro codeti no mettacitto1 ediso vuccati adhammacodako.
15. saccaṁ ahampi jānāmi ediso vuccati adhammacodako,
aññañca tāhaṁ pucchāmi kīdiso vuccati dhammacodako:

16. kālena codeti bhūtena saṇhena atthasaṁhitena,
mettacitto codeti no dosantaro ediso vuccati dhammacodako.

17. saccaṁ ahampi jānāmi ediso vuccati dhammacodako,
aññañca tāhaṁ pucchāmi kīdiso vuccati bālacodako:

19. pubbāparaṁ na jānāti pubbāparassa akovido,
anusandhivacanapathaṁ na jānāti anusandhivacanapathassa akovido
ediso vuccati bālacodako.

19. saccaṁ ahampi jānāmi ediso vuccati bālacodako,
aññañca tāhaṁ pucchāmi kīdiso vuccati paṇḍitacodako:

20. pubbāparaṁ vijānāti2 pubbāparassa kovido,
anusandhivacanapathaṁ jānāti anusandhivacanapathassa kovido:
ediso vuccati paṇḍitacodako.

21. saccaṁ ahampi jānāmi ediso vuccati paṇḍitacodako,
aññañca tāhaṁ pucchāmi codanā kinti vuccati:

22. sīlavipattiyā codeti atho ācāradiṭṭhiyā,
ājīvenapi codeti codanā tena vuccati.

aparagāthāsaṅgaṇikaṁ niṭṭhitaṁ

1. mettācitto - machasaṁ
2. pubbāparampijānāti - machasaṁ.

[bjt page 134] [\x 134/]
[pts page 160] [\q 160/]

codanākaṇḍo

anuvijjakassa anuyogo

1. anuvijjakena codako pucchitabbo ''yaṁ kho tvā āvuso imaṁ bhikkhuṁ codesi, kimhi naṁ codesi, sīlavipattiyā codesi, ācāravipattiyā codesi, diṭṭhivipattiyā codesī''ti.

2. so ce evaṁ vadeyya: ''sīlavipattiyā vā codemi. ācāravipattiyā vā codemi. diṭṭhivipattiyā vā codemī''ti so evamassa vacanīyo: ''jānāsi panāyasmā sīlavipattiṁ, jānāsi ācāravipattiṁ, jānāsi diṭṭhivipatti''nti.

3. so ce evaṁ vadeyya: ''jānāmi kho ahaṁ āvuso sīlavipattiṁ, jānāmi ācāravipattiṁ. jānāmi diṭṭhivipatti''nti. so evamassa vacanīyo: ''katamā panāvuso sīlavipatti, katamā ācāravipatti, katamā diṭṭhivipattī''ti.

4. so ce evaṁ vadeyya: ''cattāri pārājikāni terasa saṅghādisesā, ayaṁ sīlavipatti. thullaccayaṁ pācittiyaṁ pāṭidesanīyaṁ dukkaṭaṁ dubbhāsitaṁ, ayaṁ ācāravipatti. micchādiṭṭhi antaggāhikā diṭṭhi, ayaṁ diṭṭhivipattī''ti. so evamassa vacanīyo: ''yaṁ kho tvaṁ āvuso imaṁ bhikkhuṁ codesi, diṭṭhena codesi, sutena codesi, parisaṅkāya codesī''ti.

5. so ce evaṁ vadeyya: ''diṭṭhena vā codemi, sutena vā codemi, parisaṅkāya vā codemī''ti. so evamassa vacanīyo: ''yaṁ kho tvaṁ āvuso imaṁ bhikkhuṁ codesi, diṭṭhena codesi, kinte diṭṭhaṁ, kinti te diṭṭhaṁ, kadā te diṭṭhaṁ, kattha te diṭṭhaṁ, pārājikaṁ ajjhāpajjanto diṭṭho.
saṅghādisesaṁ ajjhāpajjanto diṭṭho. thullavaccayaṁ ajjhāpajjanto diṭṭho.
pācittiyaṁ ajjhāpajjanto diṭṭho. pāṭidesanīyaṁ ajjhāpajjanno diṭṭho.
dukkaṭaṁ ajjhāpajjanto diṭṭho. dubbhāsitaṁ ajjhāpajjanto diṭṭho. kattha ca tvaṁ ahosi, kattha cāyaṁ bhikkhu ahosi, kiñca tvaṁ karosi, kiñcāyaṁ bhikkhu karotī''ti

6. so ce evaṁ vadeyya: ''na kho ahaṁ āvuso imaṁ bhikkhuṁ diṭṭhena codemi, api ca sutena codemī''ti. so evamassa vacanīyo: ''yaṁ kho tvaṁ āvuso imaṁ bhikkhuṁ sutena codesi, kinte sutaṁ, kinti te sutaṁ, kadā te sutaṁ, kattha te sutaṁ, pārājikaṁ ajjhāpannoti sutaṁ,
saṅghādisesaṁ ajjhāpannoti sutaṁ, thullavaccayaṁ ajjhāpannoti sutaṁ,
pācittiyaṁ ajjhāpannoti sutaṁ, pāṭidesanīyaṁ ajjhāpannoti sutaṁ,
dukkaṭaṁ ajjhāpannoti sutaṁ, dubbhāsitaṁ ajjhāpannoti sutaṁ, bhikkhussa sutaṁ, bhikkhuniyā sutaṁ, sikkhamānāya sutaṁ, sāmaṇerassa sutaṁ, sāmaṇeriyā sutaṁ, upāsakassa sutaṁ, upāsikāya sutaṁ: rājūnaṁ sutaṁ, rājamahāmattānaṁ sutaṁ, titthiyānaṁ sutaṁ, titthiya sāvakānaṁ suta''nti.

[bjt page 136] [\x 136/]

7. so ce evaṁ vadeyya: ''na kho ahaṁ āvuso imaṁ bhikkhuṁ sutena codemi, api ca parisaṅkāya codemī''ti so evamassa vacanīyo: yaṁ kho tvaṁ āvuso imaṁ bhikkhuṁ parisaṅkāya codesi, kiṁ parisaṅkasi, kinti parisaṅkasi, kadā parisaṅkasi, kattha parisaṅkasi, pārājikaṁ ajjhāpannoti parisaṅkasi,
saṅghādisesaṁ ajjhāpannoti parisaṅkasi, thullavaccayaṁ ajjhāpannoti parisaṅkasi,
pācittiyaṁ ajjhāpannoti parisaṅkasi, pāṭidesanīyaṁ ajjhāpannoti parisaṅkasi,
dukkaṭaṁ ajjhāpannoti parisaṅkasi, dubbhāsitaṁ ajjhāpannoti parisaṅkasi,
bhikkhussa sutvā parisaṅkasi,
bhikkhuniyā sutvā parisaṅkasi, sikkhamānāya sutvā parisaṅkasi,
sāmaṇerassa sutvā parisaṅkasi, sāmaṇeriyā sutvā parisaṅkasi,
upāsakassa sutvā parisaṅkasi, upāsikāya sutvā parisaṅkasi,
rājūnaṁ sutvā parisaṅkasi, rājamahāmattānaṁ sutvā parisaṅkasi,
titthiyānaṁ sutvā parisaṅkasi, titthiyāsāvakānaṁ sutvā parisaṅkasī''ti.

8. diṭṭhaṁ diṭṭhena sameti diṭṭhena saṁsandate diṭṭhaṁ,
diṭṭhaṁ paṭicca na upeti asuddhaparisaṅkito:
so puggalo paṭiññāya kāretabbo tenuposatho.

9. sutaṁ sutena sameti sutena saṁsandate sutaṁ,
sutaṁ paṭicca na upeti asuddhaparisaṅkito:
so puggalo paṭiññāya kāretabbo tenuposatho.

10. mutaṁ mūtena sameti mutena saṁsandate mutaṁ,
mutaṁ paṭicca na upeti asuddhaparisaṅkito:
so puggalo paṭiññāya kāretabbo tenuposathoti.

11. codanāya ko ādi, kiṁ majjhe, kiṁ pariyosānaṁ: codanāya okāsakammaṁ ādi, kiriyā majjhe, samatho pariyosānaṁ.

12. codanāya kati mūlāni, kati vatthūni, kati bhūmiyo katihākārehi codeti: codanāya dve mūlāni, tīṇi vatthūni, pañca bhumiyo, dvīhākārehi codeti.

13. codanāya katamāni dve mūlāni: samūlikā vā amūlikā vā, codanāya imāni dve mūlāni.

14. codanāya katamāni tīṇi vatthūni: diṭṭhena sutena parisaṅkāya, codanāya imāni tīṇi vatthūni.
[pts page 161] [\q 161/]
15. codanāya katamā pañca bhūmiyo: kālena vakkhāmi no akālena, bhūtena vakkhāmi no abhūtena, saṇhena vakkhāmi no pharusena, atthasaṁhitena vakkhāmi no anatthasaṁhitena, mettacitto vakkhāmi no dosāntaroti, codanāya imā pañca bhūmiyo.

16. katamehi dvīhākārehi codeti: kāyena vā codeti, vācāya vā codeti. imehi dvīhākārehi codeti.

[bjt page 138] [\x 138/]

codakādipaṭipatti

1. codakena kathaṁ paṭipajjitabbaṁ, cuditakena kathaṁ paṭipajjitabbaṁ, saṅghena kathaṁ paṭipajjitabbaṁ, anuvijjakena kathaṁ paṭipajjitabbaṁ:

codakena kathaṁ paṭipajjitabbanti, codakena pañcasu dhammesu patiṭṭhāya paro codetabbo: kālena vakkhāmi no akālena, bhūtena vakkhāmi no abhūtena, saṇhena vakkhāmi no pharusena, atthasaṁhitena vakkhāmi, no anatthasaṁhitena, mettacitto vakkhāmi no dosantaroti. codakena evaṁ paṭipajjitabbaṁ.

cuditakena kathaṁ paṭipajjitabbanti cuditakena dvīsu dhammesu paṭipajjitabbaṁ: sacce va, akuppe ca, cuditakena evaṁ paṭipajjitabbaṁ.

saṅghena kathaṁ paṭipajjitabbanti saṅghena otiṇṇānotiṇṇaṁ jānitabbaṁ saṅghena evaṁ paṭipajjitabbaṁ.

anuvijjakena kathaṁ paṭipajjitabbanti anuvijjakena yena dhammena yena vinayena yena satthusāsanena taṁ adhikaraṇaṁ vūpasammati, tathā taṁ adhikaraṇaṁ vūpasametabbaṁ. anuvijjakena evaṁ paṭipajjitabbaṁ.

2. uposatho kimatthāya pavāraṇā kissa kāraṇā,
parivāso kimatthāya mūlāya paṭikassanā kissa kāraṇā,
mānattaṁ kimatthāya abbhānaṁ kissa kāraṇā.

3. uposatho sāmaggatthāya visuddhatthāya pavāraṇā,
parivāso mānattatthāya mūlāya paṭikassanā niggahatthāya:
mānattaṁ abbhānatthāya visuddhatthāya abbhānaṁ.

4. chandā dosā bhayā mohā there ca paribhāsati,
kāyassa bhedā duppañño khato upahatindriyo:
nirayaṁ gacchati dummedho na ca sikkhāya gāravo.

5. na cāmisaṁ hi nissāya na ca nissāya puggalaṁ,
ubho ete vivajjetvā yathā dhammo tathā kare,

codakassa attajjhāpanaṁ

1. kodhano upanāhī ca,
caṇḍo ca paribhāsako,
anāpattiyā āpattīti ropeti:
tādiso codako jhāpeti attānaṁ.

[bjt page 140] [\x 140/]
[pts page 162] [\q 162/]

2. upakaṇṇakaṁ jappati jimhaṁ pekkhati
vītiharati kummaggaṁ paṭisevati,
anāpattiyā āpattīti ropeti,
tādiso codako jhāpeti attānaṁ.

3. akālena codeti abhutena
pharusena anatthasaṁhitena,
dosāntaro codeti no mettacitto
anāpattiyā āpattīti ropeti,
tādiso codako jhāpeti attānaṁ.

4. dhammādhammaṁ na jānāti
dhammādhammassa akovido,
anāpattiyā āpattīti ropeti:
tādiso codako jhāpeti attānaṁ.

5. vinayāvinayaṁ na jānāti
vinayāvinayassa akovido,
anāpattiyā āpattīti ropeti:
tādiso codako jhāpeti attānaṁ.

6. bhāsitābhāsitaṁ na jānāti
bhāsitābhāsitassa akovido,
anāpattiyā āpattīti ropeti:
tādiso codako jhāpeti attānaṁ.

7. āciṇṇānāciṇṇaṁ na jānāti
āciṇṇānāciṇṇassa akovido,
anāpattiyā āpattīti ropeti:
tādiso codako jhāpeti attānaṁ.

8. paññattāpaññattaṁ na jānāti
paññattāpaññattassa akovido,
anāpattiyā āpattīti ropeti:
tādiso codako jhāpeti attānaṁ.

9. āpattānāpattiṁ na jānāti
āpattiyānāpattiyā akovido,
anāpattiyā āpattīti ropeti:
tādiso codako jhāpeti attānaṁ.

10. lahukagarukaṁ na jānāti
lahukagarukassa akovido,
anāpattiyā āpattīti ropeti:
tādiso codako jhāpeti attānaṁ.

11. sāvasesānavasesaṁ na jānāti
sāvasesānavasesassa akovido,
anāpattiyā āpattīti ropeti:
tādiso codako jhāpeti attānaṁ.

[bjt page 142] [\x 142/]

12. duṭṭhullāduṭṭhullaṁ na jānāti
duṭṭhullāduṭṭhullassa akovido,
anāpattiyā āpattīti ropeti:
tādiso codako jhāpeti attānaṁ.

13. pubbānaparaṁ na jānāti
pubbānaparassa akovido,
anāpattiyā āpattīti ropeti:
tādiso codako jhāpeti attānaṁ.

14. anusandhivacanapathaṁ na jānāti
anusandhipacanapathassa akovido,
anāpattiyā āpattīti ropeti:
tādiso codako jhāpeti attānanti.

codanākaṇḍo niṭṭhito.

tassuddānaṁ:

1. codanā anuvijjā ca ādimūlenuposatho,
gati codanākaṇḍamhi sāsanassa patiṭṭhāyanti1

1. patiṭṭhāpayanti - machasaṁ.

[bjt page 144] [\x 144/]
[pts page 163] [\q 163/]

cūḷasaṅgāmo

anuvijjakassapaṭipatti

1. saṅgāmāvacarena bhikkhunā saṅghaṁ upasaṅkamante nīcacittena saṅgho upasaṅkamitabbo rajoharaṇasamena cittena, āsanakusalena bhavitabbaṁ, nisajjākusalena there bhikkhū anupakhajjantena nave bhikkhū āsanena appaṭibāhantena, yathāpatirūpe āsane nisīditabbaṁ, anānākathikena bhavitabbaṁ atiracchānakathikena, sāmaṁ vā dhammo bhāsitabbo paro vā ajjhesitabbo, ariyo vā tuṇhibhāvo nātimaññitabbo.
2. saṅghena anumatena puggalena anuvijjakena anuvijjitukāmena na upajjhāyo pucchitabbo, na ācariyo pucchitabbo, na saddhivihāriko pucchitabbo, na antevāsiko pucchitabbo, na samānupajjhāyako pucchitabbo, na samānācariyako pucchitabbo, na jāti pucchitabbā, na nāmaṁ pucchitabbaṁ, na gottaṁ pucchitabbaṁ, na āgamo pucchitabbo, na kulapadeso pucchitabbo, na jātibhūmi pucchitabbā. taṁ kiṁ kāraṇā: atrassa pemaṁ vā doso vā. peme vā sati dose vā chandāpi gaccheyya, dosāpi gaccheyya, mohāpi gaccheyya, bhayāpi gaccheyya.

3. saṅghena anumatena puggalena anuvijjakena anuvijjitukāmena saṅghagarukena bhavitabbaṁ no puggalagarukena, saddhammagarukena bhavitabbaṁ no āmisagarukena, atthavasikena bhavitabbaṁ no parisakappiyena, 1 kālena anuvijjitabbaṁ no akālena, bhūtena anuvijjitabbaṁ no abhūtena, saṇhena anuvijjitabbaṁ no pharusena, atthasaṁhitena anuvijjitabbaṁ no anatthasaṁhitena, mettacittena anuvijjitabbaṁ no dosantarena, na upakaṇṇakajappinā bhavitabbaṁ, na chimbhaṁ2 pekkhitabbaṁ, na akkhī nikhaṇitabbā, na bhamūkā ukkhipitabbā, na sīsaṁ ukkhipitabbaṁ, na hatthavikāro kātabbo, na hatthamuddā dassetabbā.

4. āsanakusalena bhavitabbaṁ nisajjākusalena, yugamattaṁ pekkhantena atthaṁ anuvidhiyantena sake āsane nisīditabbaṁ, na ca āsanā vuṭṭhātabbaṁ, na vītihātabbaṁ, na kummaggo sevitabbo na bāhā vikkhepakaṁ bhaṇitabbaṁ aturitena bhavitabbaṁ asāhasikena, acaṇḍikkena bhavitabbaṁ [pts page 164] [\q 164/]      vacanakkhamena, mettacittena bhavitabbaṁ.

1. parisaṅkappikena - sīmu 1, 2.
parisakappikena - machasaṁ,
2. jimhaṁ - sīmu 1, 2,

[bjt page 146] [\x 146/]

hitānukampinā, kāruṇikena bhavitabbaṁ hitaparisakkinā1, ''asamphappalāpinā bhavitabbaṁ pariyantabhāṇinā, averavasikena bhavitabbaṁ anasuruttena, attā pariggahetabbo, paro pariggahetabbo, codako pariggahetabbo, cuditako pariggahetabbo, adhammacodako pariggahetabbo, adhammacuditako pariggahetabbo, dhammacodako pariggahetabbo, dhammacuditako pariggahetabbo, vuttaṁ ahāpentena avuttaṁ appakāsentena otiṇṇāni padavyañjanāni sādhukaṁ pariggahetvā2 paro paṭipucchitvā yathā paṭiññāya kāretabbo mando pahāsetabbo, 3 bhīrū assasetabbo, caṇḍo nisedhetabbo, asuci vibhāvetabbo uju maddavena, na chandāgati gantabbā, 4 na dosāgati gantabbā, na mohāgati gantabbā, na bhayāgati gantabbā majjhattena bhavitabbaṁ dhammesu ca puggalesu ca. evañca pana anuvijjako anuvijjamāno satthu ceva sāsanākaro hoti, viññūnaṁ sabrahmacārīnaṁ piyo ca hoti manāpo ca garu ca bhāvanīyo ca.

5. suttaṁ saṁsandanatthāya, opammaṁ nidassanatthāya, attho viññāpanatthāya, paṭipucchā ṭhapanatthāya, okāsakammaṁ codanatthāya, codanā sāraṇatthāya, sāraṇā savacanīyatthāya, savacanīyaṁ palibodhatthāya, palibodho vinicchayatthāya, vinicchayo santīraṇatthāya, santīraṇaṁ ṭhānāṭhānagamanatthāya, ṭhānāṭhānāgamanaṁ dummaṅkūnaṁ puggalānaṁ niggahatthāya pesalānaṁ bhikkhūnaṁ sampaggahatthāya, saṅgho sampariggahatthāya, sampariggaho sampaṭicchanatthāya, sampaṭicchanaṁ anibbidatthāya, saṅghena anumatā puggalā paccekaṭṭhāyino avisaṁvādaṭṭhāyino.

6. vinayo saṁvaratthāya, saṁvaro avippaṭisāratthāya, avippaṭisāro pāmojjatthāya, pāmojjaṁ pītatthāya, pīti passaddhatthāya, passaddhi sukhatthāya, sukhaṁ samādhatthāya, samādhi yathābhūtañāṇadassanatthāya, yathābhūtañāṇadassanaṁ nibbidatthāya, nibbidā virāgatthāya, virāgo vimuttatthāya, vimutti vimuttiñāṇadassanatthāya, vimuttañāṇadassanaṁ anupādā parinibbānatthāya. etadatthā kathā etadatthā mantanā etadatthā upanisā etadatthaṁ sotāvadhānaṁ yadidaṁ anupādā cittassa vimokkhoti.

1. anuyogavattaṁ nisāmaya kusalena buddhimatā kataṁ,
suvuttaṁ sikkhāpadānulomikaṁ gatiṁ na nāsento samparāyikaṁ.

2. vatthuṁ vipattiṁ āpattiṁ nidānaṁ ākāraakovido,
pubbāparaṁ na jānāti katākataṁ samena ca.

1. hitaparisaṅkinā - sīmu 1, 2.
2. uggahetvā - syā.
3. vepopahāsetabbo - syā.
4. chandā gatiṁ gantabbaṁ - machasaṁ, sīmu.

[bjt page 148] [\x 148/]
[pts page 165] [\q 165/]

3. kammaṁ ca adhikaraṇaṁ ca1 samathe cāpi akovido,
ratto duṭṭho ca mūḷho ca bhayā mohā ca gacchati.

4. na ca saññattikusalo nijjhattiyā ca akovido,
laddhapakkho ahiriko kaṇhakammo anādaro:
sa ce tādisako bhikkhu appaṭikkhoti vuccati.

5. vatthuṁ vipattiṁ āpattiṁ nidānaṁ ākārakovido,
pubbāparaṁ pajānāti katākataṁ samena ca.

6. kammaṁ ca adhikaraṇaṁ ca1 samathe cāpi kovido,
aratto aduṭṭho amūḷho bhayā mohā na gacchati.

7. saññattiyā ca kusalo nijjhattiyā ca kovido,
laddhapakkho hirimano sukkakammo sagāravo:
sa ve tādisako bhikkhu sappaṭikkhoti vuccatīti.

cūḷasaṅgāmo niṭṭhito

tassuddānaṁ:

1. nīcavittena puccheyya garusaṅghena puggalo,
suttaṁ saṁsandanatthāya vinayānuggahena ca:
uddānaṁ cūḷasaṅgāme ekuddesaṁ idaṁ katanti.

1. kamme ca adhikaraṇe ca - sīmu. 1, 2.

[bjt page 150] [\x 150/]
[pts page 166] [\q 166/]

mahāsaṅgāmo

1. saṅgāmāvacarena bhikkhunā saṅghe voharantena vatthu jānitabbaṁ, vipatti jānitabbā, āpatti jānitabbā, nidānaṁ jānitabbaṁ, ākāro jānitabbo, pubbāparaṁ jānitabbaṁ, katākataṁ jānitabbaṁ, kammaṁ jānitabbaṁ, adhikaraṇaṁ jānitabbaṁ, samatho jānitabbo, na chandāgati gantabbā, na dosāgati gantabbā, na mohāgati gantabbā, na bhayāgati gantabbā, saññāpanīye ṭhāne saññāpetabbaṁ, nijjhāpanīye ṭhāne nijjhāpetabbaṁ, pekkhanīye ṭhāne pekkhitabbaṁ, pasādanīye ṭhāne pasādetabbaṁ, ''laddhapakkhomabhī''tī parapakkho nāvajānitabbo, ''bahussutombhi''ti appassuto nāvajānitabbo, ''theratarombhi''ti navakataro nāvajānitabbo, asampattaṁ na vyāharitabbaṁ, sampattaṁ dhammato vinayato na parihāpetabbaṁ, yena dhammena yena vinayena satthusāsanena taṁ adhikaraṇaṁ vūpasammati, tathā taṁ adhikaraṇaṁ vūpasametabbaṁ.

2. vatthu jānitabbanti: aṭṭhapārājikānaṁ1. vatthu jānitabbaṁ, tevīsati saṅghādisesānaṁ vatthu jānitabbaṁ, dve aniyatānaṁ vatthu jānitabbaṁ. dve cattālīsanissaggiyānaṁ vatthu jānitabbaṁ, aṭṭhāsīti satapācittiyānaṁ vatthu jānitabbaṁ, dvādasapāṭidesanīyānaṁ vatthu jānitabbaṁ, dukkaṭānaṁ vatthu jānitabbaṁ, dubbhāsitaṁ vatthu jānitabbaṁ.

3. vipatti jānitabbāti: sīlavipatti jānitabbā, ācāravipatti jānitabbā, diṭṭhivipatti jānitabbā, ājīvavipatti jānitabbā.

4. āpatti jānitabbāti: pārājikāpatti jānitabbā, saṅghādisesāpatti jānitabbā, thullaccayāpatti jānitabbā, pācittiyāpatti jānitabbā, pāṭidesanīyāpatti jānitabbā dukkaṭāpatti jānitabbā, dubbhāsitāpatti jānitabbā.

5. nidānaṁ jānitabbanti: aṭṭhapārājikānaṁ nidānaṁ jānitabbaṁ. tevīsatisaṅghādisesānaṁ nidānaṁ jānitabbaṁ, dveaniyatānaṁ nidānaṁ jānitabbaṁ, dvecattālīsanissaggiyānaṁ nidānaṁ jānitabbaṁ,
aṭṭhāsītisatapācittiyānaṁ nidānaṁ jānitabbā,
dvādasa pāṭidesanīyānaṁ nidānaṁ jānitabbaṁ, dukkaṭānaṁ nidānaṁ jānitabbaṁ,
dubbhāsitānaṁ nidānaṁ jānitabbaṁ,

6. ākāro jānitabboti: saṁgho ākārato jānitabbo,
gaṇo ākārato jānitabbo, puggalo ākārato jānitabbo,
codako ākārato jānitabbo, cuditako ākārato jānitabbo,

1. aṭṭhannaṁ pārājikānaṁ - machasaṁ.

[bjt page 152] [\x 152/]
[pts page 167] [\q 167/]

saṅgho ākārato jānitabboti: paṭibalo nu kho ayaṁ saṅgho imaṁ adhikaraṇaṁ vūpasametuṁ dhammena vinayena satthusāsanena udāhu noti evaṁ saṅgho ākārato jānitabbo.

gaṇo ākārato jānitabboti: paṭibalo nu kho ayaṁ gaṇo imaṁ adhikaraṇaṁ vūpasametuṁ dhammena vinayena satthusāsanena udāhu noti. evaṁ gaṇo ākārato jānitabbo.

puggalo ākārato jānitabboti: paṭibalo nu kho ayaṁ puggalo imaṁ adhikaraṇaṁ vūpasametuṁ dhammena vinayena satthusāsanena udāhu noti. evaṁ puggalo ākārato jānitabbo.

codako ākārato jānitabboti: kacci nu kho ayamāyasmā pañcasu dhammesu patiṭṭhāya paraṁ codeti udāhu noti. evaṁ codako ākārato jānitabbo.
cuditako ākārato jānitabboti: kacci nu kho ayamāyasmā dvīsu dhammesu patiṭṭhito sacce ca akuppe ca udāhu noti. evaṁ cuditako ākārato jānitabbo.
7. pubbāparaṁ jānitabboti kacci nu kho ayamāyasmā vatthuto vā vatthuṁ saṅkamati, vipattito vā vipattiṁ saṅkamati, āpattito vā āpattiṁ saṅkamati, avajānitvā vā paṭijānāti, paṭijānitvā vā avajānāti, aññena vā aññaṁ paṭicarati, udāhu no'ti evaṁ pubbāparaṁ jānitabbaṁ.

8. katākataṁ jānitabbanti: methunadhammo jānitabbo, methunadhammassa anulomaṁ jānitabbaṁ, methunadhammassa pubbabhāgo jānitabbo.

methunadhammo jānitabboti dvayaṁdvayasamāpatti jānitabbā.

methunadhammassa anulomaṁ jānitabbanti: bhikkhu attano mukhena parassa aṅgajātaṁ gaṇhāti.

methunadhammassa pubbabhāgo jānitabboti: vaṇṇāvaṇṇaṁ kāyasaṁsaggo duṭṭhullā vācā attakāmapāricariyā vacanamanuppadānaṁ.

9. kammaṁ jānitabbanti: soḷasa kammāni jānitabbāni: cattāri apalokanakammāni jānitabbāni, cattāri ñattikammāni jānitabbāni, cattāri ñattidutiyakammāni jānitabbāni, cattāri ñatticatutthakammāni jānitabbāni.

10. adhikaraṇaṁ jānitabbanti: cattāri adhikaraṇāni jānitabbāni, vivādādhikaraṇaṁ jānitabbaṁ, anuvādādhikaraṇaṁ jānitabbaṁ, āpattādhikaraṇaṁ jānitabbaṁ, kiccādhikaraṇaṁ jānitabbaṁ.

[bjt page 154] [\x 154/]

11. samatho jānitabboti: satta samathā jānitabbā: sammukhāvinayo jānitabbo, sativinayo jānitabbo, amūḷhavinayo jānitabbo, paṭiññātakaraṇaṁ jānitabbaṁ, yebhuyyasikā jānitabbā, tassa pāpiyyasikā jānitabbā, tiṇavatthārako jānitabbo.
12. na chandāgati gantabbāti1 chandāgatiṁ gacchanto kathaṁ chandāgatiṁ gacchati: idhekacco ''ayaṁ me upajjhāyo vā ācariyo vā saddhivihāriko vā antevāsiko vā samānupajjhāyako vā samānācariyako vā sandiṭṭho vā sambhatto vā ñatisālohito vā''ti tassānukampakāya tassānurakkhāya
adhammaṁ dhammoti dīpeti, dhammaṁ adhammoti dīpeti, avinayaṁ vinayoti dīpeti, vinayaṁ avinayoti dīpeti, abhāsitaṁ alapitaṁ tathāgatena bhāsitaṁ lapitaṁ tathāgatenāti dīpeti, bhāsitaṁ lapitaṁ tathāgatena abhāsitaṁ alapitaṁ tathāgatenāti dīpeti. anāciṇṇaṁ tathāgatena āciṇṇaṁ tathāgatenāti dīpeti, āciṇṇaṁ tathāgatena anāciṇṇaṁ tathāgatenāti dīpeti, apaññattaṁ tathāgatena paññattaṁ tathāgatenāti dīpeti, paññattaṁ tathāgatena apaññattaṁ tathāgatenāti dīpeti, anāpattiṁ āpattīti dīpeti āpattiṁ anāpattīti dīpeti, lahukaṁ āpattiṁ garukā āpattīti dīpeti, garukaṁ āpattiṁ lahukā āpattīti dīpeti, sāvasesaṁ āpattiṁ anavasesā āpattīti dīpeti, anavasesaṁ āpattiṁ sāvasesā āpattīti dīpeti, duṭṭhullaṁ āpattiṁ aduṭṭhullā āpattīti dīpeti, [pts page 168] [\q 168/]      aduṭṭhullaṁ āpattīti duṭṭhullā āpattīti dīpeti. imehi aṭṭhārasahi vatthuhi chandāgatiṁ gacchanto bahujana ahitāya paṭipanno hoti bahujanaasukhāya bahuno janassa anatthāya ahitāya dukkhāya devamanussānaṁ. imehi aṭṭhārasahi vatthūhi chandāgatiṁ gacchanto khataṁ upahataṁ attānaṁ pariharati, sāvajjo ca hoti sānuvajjo ca viññūnaṁ. bahuñca apuññaṁ pasavati. chandāgatiṁ gacchanto evaṁ chandāgatiṁ gacchati.

13. na dosāgati gantabbāti: dosāgatiṁ gacchanto kathaṁ dosāgatiṁ gacchati: idhekacco anatthaṁ me acarīti āghātaṁ bandhati, anatthaṁ me caratīti āghātaṁ bandhati, anatthaṁ me carissatīti āghātaṁ bandhati, piyassa me manāpassa anatthaṁ acari, anatthaṁ carati, anatthaṁ carissatīti āghātaṁ bandhati, appiyassa me amanāpassa atthaṁ acari, atthaṁ carati, atthaṁ carissatīti āghātaṁ bandhati. imehi navahi āghātavatthūhi āghātito paṭighātito2 kuddho kodhābhibhuto adhammaṁ
dhammoti dīpeti, dhammaṁ adhammoti dīpeti, avinayaṁ vinayoti dīpeti, vinayaṁ avinayoti dīpeti, abhāsitaṁ alapitaṁ tathāgatena bhāsitaṁ lapitaṁ tathāgatenāti dīpeti, bhāsitaṁ lapitaṁ tathāgatena abhāsitaṁ alapitaṁ tathāgatenāti dīpeti. anāciṇṇaṁ tathāgatena āciṇṇaṁ tathāgatenāti dīpeti, āciṇṇaṁ tathāgatena anāciṇṇaṁ tathāgatenāti dīpeti, apaññattaṁ tathāgatena paññattaṁ tathāgatenāti dīpeti, paññattaṁ tathāgatena apaññattaṁ tathāgatenāti dīpeti, anāpattiṁ āpattīti dīpeti āpattiṁ anāpattīti dīpeti, lahukaṁ āpattiṁ garukā āpattīti dīpeti, garukaṁ āpattiṁ lahukā āpattīti dīpeti, sāvasesaṁ āpattiṁ anavasesā āpattīti dīpeti, anavasesaṁ āpattiṁ sāvasesā āpattīti dīpeti, duṭṭhullaṁ āpattiṁ aduṭṭhullā āpattīti dīpeti, aduṭṭhullaṁ āpattīti duṭṭhullā āpattīti dīpeti. imehi aṭṭhārasahi vatthuhi dosāgatiṁ gacchanto bahujana ahitāya paṭipanno hoti bahujanaasukhāya bahuno janassa anatthāya ahitāya dukkhāya devamanussānaṁ. imehi aṭṭhārasahi vatthūhi dosāgatiṁ gacchanto khataṁ upahataṁ attānaṁ pariharati, sāvajjo ca hoti sānuvajjo ca viññūnaṁ. bahuñca apuññaṁ pasavati. dosāgatiṁ gacchanto evaṁ dosāgatiṁ gacchati.
1. gantabbanti - sīmu2.
2. āghāto/paṭighāto - sīmu. machasaṁ, syā.

[bjt page 156] [\x 156/]

14. na mohāgati gantabbāti: mohāgatiṁ gacchanto kathaṁ mohāgatiṁ gacchati: ratto rāgavasena gacchati, duṭṭho dosavasena gacchati, mūḷho mohavasena gacchati, parāmaṭṭho diṭṭhivasena gacchati, mūḷho sammūḷho mohābhibhuto adhammaṁ
dhammoti dīpeti, dhammaṁ adhammoti dīpeti, avinayaṁ vinayoti dīpeti, vinayaṁ avinayoti dīpeti, abhāsitaṁ alapitaṁ tathāgatena bhāsitaṁ lapitaṁ tathāgatenāti dīpeti, bhāsitaṁ lapitaṁ tathāgatena abhāsitaṁ alapitaṁ tathāgatenāti dīpeti. anāciṇṇaṁ tathāgatena āciṇṇaṁ tathāgatenāti dīpeti, āciṇṇaṁ tathāgatena anāciṇṇaṁ tathāgatenāti dīpeti, apaññattaṁ tathāgatena paññattaṁ tathāgatenāti dīpeti, paññattaṁ tathāgatena apaññattaṁ tathāgatenāti dīpeti, anāpattiṁ āpattīti dīpeti āpattiṁ anāpattīti dīpeti, lahukaṁ āpattiṁ garukā āpattīti dīpeti, garukaṁ āpattiṁ lahukā āpattīti dīpeti, sāvasesaṁ āpattiṁ anavasesā āpattīti dīpeti, anavasesaṁ āpattiṁ sāvasesā āpattīti dīpeti, duṭṭhullaṁ āpattiṁ aduṭṭhullā āpattīti dīpeti, aduṭṭhullaṁ āpattīti duṭṭhullā āpattīti dīpeti. imehi aṭṭhārasahi vatthuhi mohāgatiṁ gacchanto bahujana ahitāya paṭipanno hoti bahujanaasukhāya bahuno janassa anatthāya ahitāya dukkhāya devamanussānaṁ. imehi aṭṭhārasahi vatthūhi mohāgatiṁ gacchanto khataṁ upahataṁ attānaṁ pariharati, sāvajjo ca hoti sānuvajjo ca viññūnaṁ. bahuñca apuññaṁ pasavati. mohāgatiṁ gacchanto evaṁ mohāgatiṁ gacchati.

15. na bhayāgati gantabbāti: bhayāgatiṁ gacchanto kathaṁ bhayāgatiṁ gacchati: idhekacco ''ayaṁ visamanissito vā gahananissito vā balavanissito vā kakkhaḷo pharuso jīvitantarāyaṁ vā brahmacariyantarāyaṁ vā karissatīti tassa bhayā bhīto adhammaṁ
dhammoti dīpeti, dhammaṁ adhammoti dīpeti, avinayaṁ vinayoti dīpeti, vinayaṁ avinayoti dīpeti, abhāsitaṁ alapitaṁ tathāgatena bhāsitaṁ lapitaṁ tathāgatenāti dīpeti, bhāsitaṁ lapitaṁ tathāgatena abhāsitaṁ alapitaṁ tathāgatenāti dīpeti. anāciṇṇaṁ tathāgatena āciṇṇaṁ tathāgatenāti dīpeti, āciṇṇaṁ tathāgatena anāciṇṇaṁ tathāgatenāti dīpeti, apaññattaṁ tathāgatena paññattaṁ tathāgatenāti dīpeti, paññattaṁ tathāgatena apaññattaṁ tathāgatenāti dīpeti, anāpattiṁ āpattīti dīpeti āpattiṁ anāpattīti dīpeti, lahukaṁ āpattiṁ garukā āpattīti dīpeti, garukaṁ āpattiṁ lahukā āpattīti dīpeti, sāvasesaṁ āpattiṁ anavasesā āpattīti dīpeti, anavasesaṁ āpattiṁ sāvasesā āpattīti dīpeti, duṭṭhullaṁ āpattiṁ aduṭṭhullā āpattīti dīpeti, aduṭṭhullaṁ āpattīti duṭṭhullā āpattīti dīpeti. imehi aṭṭhārasahi vatthuhi bhayāgatiṁ gacchanto bahujana ahitāya paṭipanno hoti bahujanaasukhāya bahuno janassa anatthāya ahitāya dukkhāya devamanussānaṁ. imehi aṭṭhārasahi vatthūhi bhayāgatiṁ gacchanto khataṁ upahataṁ attānaṁ pariharati, sāvajjo ca hoti sānuvajjo ca viññūnaṁ. bahuñca apuññaṁ pasavati. bhayāgatiṁ gacchanto evaṁ bhayāgatiṁ gacchati.

16. chandā dosā bhayā mohā yo dhammaṁ ativattati,
nihīyati tassa yaso kāḷapakkheva candimāti.

17. kathaṁ na chandāgatiṁ gacchati: adhammaṁ adhammoti dīpento na chandāgatiṁ gacchati, dhammaṁ dhammoti [pts page 169] [\q 169/]      dīpanto na chandāgatiṁ gacchati, avinayaṁ avinayoti dīpento na chandāgatiṁ gacchati, vinayaṁ vinayoti dīpentoti na chandāgatiṁ gacchati, abhāsitaṁ alapitaṁ tathāgatena abhāsitaṁ alapitaṁ tathāgatenāti dīpento na chandāgatiṁ gacchati, bhāsitaṁ lapitaṁ tathāgatena bhāsitaṁ lapitaṁ

[bjt page 158] [\x 158/]

tathāgatenāti dīpento na chandāgatiṁ gacchati, anāciṇṇaṁ tathāgatena anāciṇṇaṁ tathāgatenāti dīpento na chandāgatiṁ gacchati, āciṇṇaṁ tathāgatena āciṇṇaṁ tathāgatenāti dīpento na chandāgatiṁ gacchati, apaññattaṁ tathāgatena apaññattaṁ tathāgatenāti dīpento na chandāgatiṁ gacchati, paññattaṁ tathāgatena paññattaṁ tathāgatenāti dīpento na chandāgatiṁ gacchati, anāpattiṁ anāpattīti dīpento na chandāgatiṁ gacchati, āpattiṁ āpattīti dīpento na chandāgatiṁ gacchati, lahukaṁ āpattiṁ lahukā āpattīti dīpento na chandāgatiṁ gacchati, garukaṁ āpattiṁ garukā āpattīti dīpento na chandāgatiṁ gacchati, sāvasesaṁ āpattiṁ sāvasesā āpattīti dīpento na chandāgatiṁ gacchati, anavasesaṁ āpattiṁ anavasesā āpattīti dīpento na chandāgatiṁ gacchati, duṭṭhullaṁ āpattiṁ duṭṭhullā āpattīti dīpento na chandāgatiṁ gacchati, aduṭṭhullaṁ āpattiṁ aduṭṭhullā āpattīti dīpento na chandāgatiṁ gacchati. evaṁ na chandāgatiṁ gacchati.

18. kathaṁ na dosāgatiṁ gacchati: adhammaṁ adhammoti
dīpento na dosāgatiṁ gacchati, dhammaṁ dhammoti
dīpanto na dosāgatiṁ gacchati, avinayaṁ avinayoti dīpento na
dosāgatiṁ gacchati, vinayaṁ vinayoti dīpentoti na dosāgatiṁ gacchati, abhāsitaṁ alapitaṁ tathāgatena abhāsitaṁ alapitaṁ tathāgatenāti dīpento na
dosāgatiṁ gacchati, bhāsitaṁ lapitaṁ tathāgatena bhāsitaṁ lapitaṁ
tathāgatenāti dīpento na dosāgatiṁ gacchati, anāciṇṇaṁ tathāgatena anāciṇṇaṁ tathāgatenāti dīpento na dosāgatiṁ gacchati, āciṇṇaṁ tathāgatena āciṇṇaṁ tathāgatenāti dīpento na dosāgatiṁ gacchati, apaññattaṁ tathāgatena apaññattaṁ tathāgatenāti dīpento na dosāgatiṁ gacchati, paññattaṁ tathāgatena paññattaṁ tathāgatenāti dīpento na dosāgatiṁ gacchati, anāpattiṁ anāpattīti dīpento na chandāgatiṁ gacchati, āpattiṁ āpattīti dīpento na dosāgatiṁ gacchati, lahukaṁ āpattiṁ lahukā āpattīti dīpento na dosāgatiṁ gacchati, garukaṁ āpattiṁ garukā āpattīti dīpento na dosāgatiṁ gacchati,
sāvasesaṁ āpattiṁ sāvasesā āpattīti
dīpento na dosāgatiṁ gacchati, anavasesaṁ
āpattiṁ anavasesā āpattīti dīpento na chandāgatiṁ gacchati,
duṭṭhullaṁ āpattiṁ duṭṭhullā āpattīti dīpento na dosāgatiṁ
gacchati, aduṭṭhullaṁ āpattiṁ aduṭṭhullā āpattīti dīpento na dosāgatiṁ gacchati. evaṁ na dosāgatiṁ gacchati.

19. kathaṁ na mohāgatiṁ gacchati: adhammaṁ adhammoti dīpento na mohāgatiṁ gacchati, dhammaṁ dhammoti dīpanto na mohāgatiṁ gacchati,
avinayaṁ avinayoti dīpento na mohāgatiṁ gacchati,
vinayaṁ vinayoti dīpentoti na mehāgatiṁ gacchati, abhāsitaṁ
alapitaṁ tathāgatena abhāsitaṁ alapitaṁ tathāgatenāti dīpento na mohāgatiṁ gacchati, bhāsitaṁ lapitaṁ tathāgatena bhāsitaṁ lapitaṁ
tathāgatenāti dīpento na mohāgatiṁ gacchati, anāciṇṇaṁ tathāgatena anāciṇṇaṁ tathāgatenāti dīpento na mohāgatiṁ gacchati, āciṇṇaṁ tathāgatena āciṇṇaṁ tathāgatenāti dīpento na mohāgatiṁ gacchati, apaññattaṁ tathāgatena apaññattaṁ tathāgatenāti dīpento na mohāgatiṁ gacchati, paññattaṁ tathāgatena paññattaṁ tathāgatenāti dīpento na mohāgatiṁ gacchati, anāpattiṁ anāpattīti dīpento na chandāgatiṁ gacchati, āpattiṁ āpattīti dīpento na mohāgatiṁ gacchati, lahukaṁ āpattiṁ lahukā āpattīti dīpento na mohāgatiṁ gacchati, garukaṁ āpattiṁ garukā āpattīti dīpento na mohāgatiṁ gacchati, sāvasesaṁ āpattiṁ sāvasesā āpattīti dīpento na mohāgatiṁ gacchati, anavasesaṁ āpattiṁ anavasesā āpattīti dīpento na mohāgatiṁ gacchati, duṭṭhullaṁ āpattiṁ duṭṭhullā āpattīti dīpento na mohāgatiṁ gacchati, aduṭṭhullaṁ āpattiṁ aduṭṭhullā āpattīti dīpento na mohāgatiṁ gacchati. evaṁ na mohāgatiṁ gacchati.

20. kathaṁ na bhayāgatiṁ gacchati: adhammaṁ adhammoti dīpento na bhayāgatiṁ gacchati, dhammaṁ dhammoti dīpanto na bhayāgatiṁ gacchati, avinayaṁ avinayoti dīpento na bhayāgatiṁ gacchati, vinayaṁ vinayoti dīpentoti na bhayāgatiṁ gacchati, abhāsitaṁ alapitaṁ tathāgatena abhāsitaṁ alapitaṁ tathāgatenāti dīpento na bhayāgatiṁ gacchati, bhāsitaṁ lapitaṁ tathāgatena bhāsitaṁ lapitaṁ
tathāgatenāti dīpento na bhayāgatiṁ gacchati, anāciṇṇaṁ tathāgatena anāciṇṇaṁ tathāgatenāti dīpento na bhayāgatiṁ gacchati, āciṇṇaṁ tathāgatena āciṇṇaṁ tathāgatenāti dīpento na bhayāgatiṁ gacchati, apaññattaṁ tathāgatena apaññattaṁ tathāgatenāti dīpento na bhayāgatiṁ gacchati, paññattaṁ tathāgatena paññattaṁ tathāgatenāti dīpento na bhayāgatiṁ gacchati, anāpattiṁ anāpattīti dīpento na bhayāgatiṁ gacchati, āpattiṁ āpattīti dīpento na bhayāgatiṁ gacchati, lahukaṁ āpattiṁ lahukā āpattīti dīpento na bhayāgatiṁ gacchati, garukaṁ āpattiṁ garukā āpattīti

[bjt page 160] [\x 160/]

dīpento na bhayāgatiṁ gacchati, sāvasesaṁ āpattiṁ sāvasesā āpattīti
dīpento na bhayāgatiṁ gacchati, anavasesaṁ āpattiṁ anavasesā āpattīti dīpento na bhayāgatiṁ gacchati, duṭṭhullaṁ āpattiṁ duṭṭhullā āpattīti dīpento na bhayāgatiṁ gacchati, aduṭṭhullaṁ āpattiṁ aduṭṭhullā āpattīti dīpento na bhayāgatiṁ gacchati. evaṁ na bhayāgatiṁ gacchati.

21. chandā dosā bhayā mohā yo dhammaṁ nātivattati,
āpūrati tassa yaso sukkapakkheva candimāti.

22. kathaṁ saññāpanīye ṭhāne saññāpeti: adhammaṁ adhammoti dīpento saññāpanīye ṭhāne saññāpeti, dhammaṁ dhammoti dīpanto saññāpanīye ṭhāne saññāpeti, avinayaṁ avinayoti dīpento saññāpanīye ṭhāne saññāpeti,
vinayaṁ vinayoti dīpento saññāpanīye ṭhāne saññāpeti, abhāsitaṁ
alapitaṁ tathāgatena abhāsitaṁ alapitaṁ tathāgatenāti dīpento saññāpanīyo ṭhāne saññāpeti, bhāsitaṁ lapitaṁ tathāgatena bhāsitaṁ lapitaṁ
tathāgatenāti dīpento saññāpanīye ṭhāne saññāpeti, anāciṇṇaṁ tathāgatena anāciṇṇaṁ tathāgatenāti dīpento saññāpanīye ṭhāne saññāpeti,
āciṇṇaṁ tathāgatena āciṇṇaṁ tathāgatenāti dīpento saññāpanīye ṭhāne saññāpeti, apaññattaṁ tathāgatena apaññattaṁ
tathāgatenāti dīpento saññāpanīye ṭhāne saññāpeti, paññattaṁ tathāgatena paññattaṁ tathāgatenāti dīpento saññāpanīye ṭhāne saññāpeti, anāpattiṁ anāpattīti dīpento saññāpanīye ṭhāne saññāpeti, āpattiṁ āpattīti
dīpento saññāpanīye ṭhāne saññāpeti, lahukaṁ
āpattiṁ lahukā āpattīti dīpento saññāpanīye ṭhāne saññāpeti, garukaṁ
āpattiṁ garukā āpattīti dīpento saññāpanīye ṭhāne saññāpeti,
sāvasesaṁ āpattiṁ sāvasesā āpattīti dīpento saññāpanīye ṭhāne
saññāpeti, anavasesaṁ āpattiṁ anavasesā āpattīti dīpento
saññāpanīye ṭhāne saññāpeti, duṭṭhullaṁ āpattiṁ duṭṭhullā āpattīti dīpento saññāpanīye ṭhāne saññāpeti, aduṭṭhullaṁ āpattiṁ aduṭṭhullā āpattīti
dīpento saññāpanīye ṭhāne saññāpeti, evaṁ saññāpanīye ṭhāne saññāpeti. 23. kathaṁ nijjhāpanīye ṭhāne nijjhāpeti: adhammaṁ adhammoti dīpento nijjhāpanīye ṭhāne nijjhāpeti, dhammaṁ dhammoti dīpanto nijjhāpanīye ṭhāne nijjhāpeti, avinayaṁ avinayoti dīpento nijjhāpanīye ṭhāne nijjhāpeti,
vinayaṁ vinayoti dīpento nijjhāpanīye ṭhāne nijjhāpeti, abhāsitaṁ
alapitaṁ tathāgatena abhāsitaṁ alapitaṁ tathāgatenāti dīpento nijjhāpanīye ṭhāne nijjhāpeti, bhāsitaṁ lapitaṁ tathāgatena bhāsitaṁ lapitaṁ
tathāgatenāti dīpento nijjhāpanīye ṭhāne nijjhāpeti, anāciṇṇaṁ tathāgatena anāciṇṇaṁ tathāgatenāti dīpento nijjhāpanīye ṭhāne nijjhāpeti,
āciṇṇaṁ tathāgatena āciṇṇaṁ tathāgatenāti dīpento nijjhāpanīye ṭhāne nijjhāpeti, apaññattaṁ tathāgatena apaññattaṁ
tathāgatenāti dīpento nijjhāpanīye ṭhāne nijjhāpeti, paññattaṁ tathāgatena paññattaṁ tathāgatenāti dīpento nijjhāpanīye ṭhāne nijjhāpeti, anāpattiṁ anāpattīti dīpento nijjhāpanīye ṭhāne nijjhāpeti, āpattiṁ āpattīti
dīpento nijjhāpanīye ṭhāne nijjhāpeti, lahukaṁ
āpattiṁ lahukā āpattīti dīpento nijjhāpanīye ṭhāne nijjhāpeti, garukaṁ
āpattiṁ garukā āpattīti dīpento nijjhāpanīye ṭhāne nijjhāpeti,
sāvasesaṁ āpattiṁ sāvasesā āpattīti dīpento nijjhāpanīye ṭhāne
nijjhāpeti, anavasesaṁ āpattiṁ anavasesā āpattīti dīpento
nijjhāpanīye ṭhāne nijjhāpeti, duṭṭhullaṁ āpattiṁ duṭṭhullā āpattīti dīpento nijjhāpanīye ṭhāne nijjhāpeti, aduṭṭhullaṁ āpattiṁ aduṭṭhullā āpattīti
dīpento nijjhāpanīye ṭhāne nijjhāpeti, evaṁ nijjhāpanīye ṭhāne nijjhāpeti.
24. kathaṁ pekkhanīye ṭhāne pekkhati: adhammaṁ adhammoti dīpento pekkhanīye ṭhāne pekkhati, dhammaṁ dhammoti dīpanto pekkhanīye ṭhāne pekkhati,
avinayaṁ avinayoti dīpento pekkhanīye ṭhāne pekkhati,
vinayaṁ vinayoti dīpento pekkhanīye ṭhāne pekkhati, abhāsitaṁ
alapitaṁ tathāgatena abhāsitaṁ alapitaṁ tathāgatenāti dīpento pekkhanīye ṭhāne pekkhati, bhāsitaṁ lapitaṁ tathāgatena bhāsitaṁ lapitaṁ
tathāgatenāti dīpento pekkhanīye ṭhāne pekkhati, anāciṇṇaṁ tathāgatena
anāciṇṇaṁ tathāgatenāti dīpento pekkhanīye ṭhāne pekkhati,
āciṇṇaṁ tathāgatena āciṇṇaṁ tathāgatenāti dīpento pekkhanīye ṭhāne pekkhati, apaññattaṁ tathāgatena apaññattaṁ
tathāgatenāti dīpento pekkhanīye ṭhāne pekkhati, paññattaṁ tathāgatena paññattaṁ tathāgatenāti dīpento pekkhanīye ṭhāne pekkhati, anāpattiṁ
anāpattīti dīpento pekkhanīye ṭhāne pekkhati, āpattiṁ āpattīti
dīpento pekkhanīye ṭhāne pekkhati, lahukaṁ
āpattiṁ lahukā āpattīti dīpento pekkhanīye ṭhāne pekkhati, garukaṁ
āpattiṁ garukā āpattīti dīpento pekkhanīye ṭhāne pekkhati,
sāvasesaṁ āpattiṁ sāvasesā āpattīti dīpento pekkhanīye ṭhāne
pekkhati, anavasesaṁ āpattiṁ anavasesā āpattīti dīpento
pekkhanīye ṭhāne pekkhati, duṭṭhullaṁ āpattiṁ duṭṭhullā āpattīti dīpento pekkhanīye ṭhāne pekkhati, aduṭṭhullaṁ āpattiṁ aduṭṭhullā āpattīti
dīpento pekkhanīye ṭhāne pekkhati, evaṁ pekkhanīye ṭhāne pekkhati.

25. kathaṁ pasādanīye ṭhāne pasādeti: adhammaṁ adhammoti dīpento pasādanīye ṭhāne pasādeti, dhammaṁ dhammoti dīpanto pasādanīye ṭhāne pasādeti,
avinayaṁ avinayoti dīpento pasādanīye ṭhāne pasādeti,
vinayaṁ vinayoti dīpento pasādanīye ṭhāne pasādeti, abhāsitaṁ
alapitaṁ tathāgatena abhāsitaṁ alapitaṁ tathāgatenāti dīpento pasādanīye ṭhāne pasādeti, bhāsitaṁ lapitaṁ tathāgatena bhāsitaṁ lapitaṁ
tathāgatenāti dīpento pasādanīye ṭhāne pasādeti, anāciṇṇaṁ tathāgatena anāciṇṇaṁ tathāgatenāti dīpento pasādanīye ṭhāne pasādeti,
āciṇṇaṁ tathāgatena āciṇṇaṁ tathāgatenāti dīpento pasādanīye ṭhāne pasādeti, apaññattaṁ tathāgatena apaññattaṁ
tathāgatenāti dīpento pasādanīye ṭhāne pasādeti, paññattaṁ tathāgatena paññattaṁ tathāgatenāti dīpento pasādanīye ṭhāne pasādeti, anāpattiṁ
anāpattīti dīpento pasādanīye ṭhāne pasādeti, āpattiṁ āpattīti
dīpento pasādanīye ṭhāne pasādeti, lahukaṁ
āpattiṁ lahukā āpattīti dīpento pasādanīye ṭhāne pasādeti, garukaṁ
āpattiṁ garukā āpattīti dīpento pasādanīye ṭhāne pasādeti,
sāvasesaṁ āpattiṁ sāvasesā āpattīti dīpento pasādanīye ṭhāne
pasādeti, anavasesaṁ āpattiṁ anavasesā āpattīti dīpento
pasādanīye ṭhāne pasādeti, duṭṭhullaṁ āpattiṁ duṭṭhullā āpattīti dīpento pasādanīye ṭhāne pasādeti, aduṭṭhullaṁ āpattiṁ aduṭṭhullā āpattīti
dīpento pasādanīye ṭhāne pasādeti, evaṁ pasādanīye ṭhāne pasādeti.

26. kathaṁ laddhapakkhomhīti parapakkhaṁ avajānāti: idhakacco laddhapakkho hoti laddhaparivāro pakkhavā ñātimā, 'ayaṁ aladdhapakkho aladdhaparivāro na pakkhavā na ñātimā'ti tassa avajānanto adhammaṁ dhammoti dīpeti,
dhammaṁ adhammoti dīpeti, avinayaṁ vinayoti dīpeti,
vinayaṁ avinayoti dīpeti, abhāsitaṁ
alapitaṁ tathāgatena bhāsitaṁ alapitaṁ tathāgatenāti dīpeti,
bhāsitaṁ lapitaṁ tathāgatena abhāsitaṁ lapitaṁ tathāgatenāti dīpeti, anāciṇṇaṁ
tathāgatena āciṇṇaṁ tathāgatenāti dīpeti,
āciṇṇaṁ tathāgatena anāciṇṇaṁ tathāgatenāti dīpeti,
apaññattaṁ tathāgatena paññattaṁ tathāgatenāti dīpeti, paññattaṁ tathāgatena apaññattaṁ tathāgatenāti dīpeti, anāpattiṁ āpattīti dīpeti, āpattiṁ anāpattīti dīpeti, lahukaṁ āpattiṁ alahukā āpattīti dīpeti, garukaṁ
āpattiṁ garukā āpattīti dīpeti, sāvasesaṁ āpattiṁ anavasesā āpattīti dīpeti, anavasesaṁ āpattiṁ sāvasesā āpattīti dīpeti,
duṭṭhullaṁ āpattiṁ aduṭṭhullā āpattīti dīpeti,
aduṭṭhullaṁ āpattiṁ duṭṭhullā āpattīti
dīpeti, evaṁ laddhapakkhomhīti parapakkhaṁ avajānāti.

27. kathaṁ bahussutomhīti appassutaṁ avajānāti: idhekacco bahussuto hoti sutadharo sutasannicayo, ayaṁ appassuto appāgamo appadharoti
tassa avajānanto adhammaṁ dhammoti

[bjt page 162] [\x 162/]

dīpeti, dhammaṁ adhammoti dīpeti, avinayaṁ vinayoti dīpeti,
vinayaṁ avinayoti dīpeti, abhāsitaṁ
alapitaṁ tathāgatena bhāsitaṁ alapitaṁ tathāgatenāti dīpeti,
bhāsitaṁ lapitaṁ tathāgatena abhāsitaṁ lapitaṁ tathāgatenāti dīpeti, anāciṇṇaṁ
tathāgatena āciṇṇaṁ tathāgatenāti dīpeti,
āciṇṇaṁ tathāgatena anāciṇṇaṁ tathāgatenāti dīpeti,
apaññattaṁ tathāgatena paññattaṁ tathāgatenāti dīpeti, paññattaṁ tathāgatena apaññattaṁ tathāgatenāti dīpeti, anāpattiṁ āpattīti dīpeti, āpattiṁ anāpattīti dīpeti, lahukaṁ āpattiṁ alahukā āpattīti dīpeti, garukaṁ
āpattiṁ garukā āpattīti dīpeti, sāvasesaṁ āpattiṁ anavasesā āpattīti dīpeti, anavasesaṁ āpattiṁ sāvasesā āpattīti dīpeti,
duṭṭhullaṁ āpattiṁ aduṭṭhullā āpattī'ti dīpeti,
aduṭṭhullaṁ āpattiṁ duṭṭhullā āpattīti
dīpeti, evaṁ bahussutomhīti appassutaṁ avajānāti.

28. kathaṁ therataromhīti navakataraṁ avajānāti: idhekacco thero hoti
rattaññū cirapabbajito, 'ayaṁ navako apaññāto1 appassuto appakataññū, imassa vacanaṁ akataṁ bhavissatī'ti tassa avajānanto adhammaṁ dhammoti dīpeti,
dhammaṁ adhammoti dīpeti, avinayaṁ vinayoti dīpeti,
vinayaṁ avinayoti dīpeti, abhāsitaṁ
alapitaṁ tathāgatena bhāsitaṁ alapitaṁ tathāgatenāti dīpeti,
bhāsitaṁ lapitaṁ tathāgatena abhāsitaṁ lapitaṁ tathāgatenāti dīpeti, anāciṇṇaṁ
tathāgatena āciṇṇaṁ tathāgatenāti dīpeti,
āciṇṇaṁ tathāgatena anāciṇṇaṁ tathāgatenāti dīpeti,
apaññattaṁ tathāgatena paññattaṁ tathāgatenāti dīpeti, paññattaṁ tathāgatena apaññattaṁ tathāgatenāti dīpeti, anāpattiṁ āpattīti dīpeti, āpattiṁ anāpattīti dīpeti, lahukaṁ āpattiṁ alahukā āpattīti dīpeti, garukaṁ
āpattiṁ garukā āpattīti dīpeti, sāvasesaṁ āpattiṁ anavasesā āpattīti dīpeti, anavasesaṁ āpattiṁ sāvasesā āpattīti dīpeti,
duṭṭhullaṁ āpattiṁ aduṭṭhullā āpattīti dīpeti,
aduṭṭhullaṁ [pts page 170] [\q 170/]      āpattiṁ duṭṭhullā āpattīti
dīpeti, evaṁ therataromhīti navakataraṁ avajānāti.

29. asampattaṁ na vyāharitabbanti: anotiṇṇaṁ bhāraṁ na otāretabbaṁ.

30. sampattaṁ dhammato vinayato na parihāpetabbanti: yamatthāya saṅgho sannipatito hoti, tamatthaṁ dhammato vinayato na parihāpetabbaṁ.

31. yena dhammenāti: bhūtena vatthunā.

yena vinayenāti: codetvā sāretvā.

yena satthusāsanenāti: ñattisampadāya anusāvanasampadāya. yena dhammena yena vinayena yena satthusāsanena taṁ adhikaraṇaṁ vūpasammati, tathā taṁ adhikaraṇaṁ vūpasametabbanti.

anuvijjaka anuyogo

anuvijjakena codako pucchitabboti: yaṁ kho tvaṁ āvuso imassa bhikkhuno pavāraṇaṁ ṭhapesi, kimbhi naṁ ṭhapesi: sīlavipattiyā ṭhapesi, ācāravipattiyā ṭhapesi, diṭṭhivipattiyā ṭhapesīti.

so ce evaṁ vadeyya: ''sīlavipattiyā vā ṭhapemi, ācāravipattiyā vā ṭhapemi, diṭṭhivipattiyā vā ṭhapemī''ti.

so evamassa vacanīyo: 'jānāti panāyasmā sīlavipattiṁ, jānāti ācaravipattiṁ, jānāti diṭṭhivipattinti.

so ce evaṁ vadeyya: ''jānāmi kho ahaṁ āvuso sīlavipattiṁ, jānāmi ācāravipattiṁ, jānāmi diṭṭhivipatti''nti.

so evamassa vacanīyo: ''katamā panāvuso sīlavipatti, katamā ācāravipatti, katamā diṭṭhivipattī''ti.

1. appaññāto - sīmu, machasaṁ

[bjt page 164] [\x 164/]

so ce evaṁ vadeyya: ''cattāri pārājikāni terasa saṅghādisesā, ayaṁ sīlavipatti, thullaccayaṁ pācittiyaṁ pāṭidesanīyaṁ dukkaṭaṁ dubbhāsitaṁ, ayaṁ ācāravipatti. micchādiṭṭhi antaggāhikā diṭṭhi, ayaṁ diṭṭhivipattī''ti.

so evamassa vacanīyo ''yaṁ kho tvaṁ āvuso imassa bhikkhuno pavāraṇaṁ ṭhapesi, diṭṭhena ṭhapesi, sutena ṭhapesi, parisaṅkāya ṭhapesī''ti.

so ce evaṁ vadeyya: ''diṭṭhena vā ṭhapemi, sutena vā ṭhapemi, parisaṅkāya vā ṭhapemī''ti.

so evamassa vacanīyo: ''yaṁ kho tvaṁ āvuso imassa bhikkhuno diṭṭhena pavāraṇaṁ ṭhapesi, kiṁ te diṭṭhaṁ, kinti te diṭṭhaṁ, kadā te diṭṭhaṁ, kattha te diṭṭhaṁ, pārājikaṁ ajjhāpajjanto diṭṭho, saṅghādisesaṁ - thullaccayaṁ - pācittiyaṁ - pāṭidesanīyaṁ - dukkaṭaṁ - dubbhāsitaṁ ajjhāpajjanto diṭṭho, kattha ca tvaṁ ahosi, kattha cāyaṁ bhikkhu ahosi, kiñca tvaṁ karosi, kiñcāyaṁ bhikkhu karotī''ti.
so ce evaṁ vadeyya: na kho ahaṁ āvuso imassa bhikkhuno diṭṭhena pavāraṇaṁ ṭhapemi. api ca sutena pavāraṇaṁ ṭhapemī''ti.

so evamassa vacanīyo: yaṁ kho tvaṁ āvuso imassa bhikkhuno sutena pavāraṇaṁ ṭhapesi, kiṁ te sutaṁ, kinti te sutaṁ, kadā te sutaṁ, kattha te sutaṁ, pārājikaṁ ajjhāpannoti sutaṁ, saṅghādisesaṁ ajjhāpannoti sutaṁ, thullaccayaṁ - pācittiyaṁ - pāṭidesanīyaṁ - dukkaṭaṁ - dubbhāsitaṁ ajjhāpannoti sutaṁ, bhikkhussa sutaṁ, bhikkhuniyā sutaṁ, sikkhamānāya sutaṁ, sāmaṇerassa sutaṁ. sāmaṇeriyā sutaṁ, upāsakassa sutaṁ, upāsikāya sutaṁ, rājūnaṁ sutaṁ, rājamahāmattānaṁ sutaṁ, titthiyānaṁ sutaṁ, titthiyasāvakānaṁ suta''nti.

so ce evaṁ vadeyya: na kho ahaṁ āvuso imassa bhikkhuno sutena pavāraṇaṁ ṭhapemi, api ca parisaṅkāya pavāraṇaṁ ṭhapemīti.

so evamassa vacanīyo ''yaṁ kho tvaṁ āvuso imassa bhikkhuno parisaṅkāya pavāraṇaṁ ṭhapesi, kiṁ parisaṅkasi, kinti parisaṅkasi, kadā parisaṅkasi, kattha parisaṅkasi, 1 pārājikaṁ ajjhāpannoti parisaṅkasi, saṅghādisesaṁ - thullaccayaṁ - pācittiyaṁ - pāṭidesanīyaṁ - dukkaṭaṁ - dubbhāsitaṁ ajjhāpannoti parisaṅkasi, bhikkhussa sutvā parisaṅkasi, bhikkhuniyā sutvā parisaṅkasi, sikkhamānāya sutvā parisaṅkasi, sāmaṇerassa sutvā parisaṅkasi, sāmaṇeriyā sutvā parisaṅkasi, upāsakassa sutvā parisaṅkasi, upāsikāya sutvā parisaṅkasi, rājūnaṁ sutvā parisaṅkasi, rājamahāmattānaṁ sutvā parisaṅkasi, titthiyānaṁ sutvā parisaṅkasi, titthiyasāvakānaṁ sutvā parisaṅkasī'ti.

1. kiṁ te parisaṅkasi, kinti te parisaṅkasi, kadā te parisaṅkasi, kattha te parisaṅkasi - sīmu. 1, 2.

[bjt page 166] [\x 166/]

1. diṭṭhaṁ diṭṭhena sameti diṭṭhena saṁsandate diṭṭhaṁ,
diṭṭhaṁ paṭicca na upeti asuddhaparisaṅkito:
so puggalo paṭiññāya kātabbā tena pavāraṇā.

2. sutaṁ sutena sameti sutena saṁsandate sutaṁ,
sutaṁ paṭicca na upeti asuddhaparisaṅkito:
so puggalo paṭiññāya kātabbā tena pavāraṇā.

3. mutaṁ mutena sameti mutena saṁsandate mutaṁ,
mutaṁ paṭicca na upeti asuddhaparisaṅkito:
so puggalo paṭiññāya kātabbā tena pavāraṇāti.

pucchāvibhāgo

1. kiṁ te diṭṭhanti katamā pucchā, kinti te diṭṭhanti katamā pucchā, kadā te diṭṭhanti katamā pucchā, kattha te diṭṭhanti katamā pucchā:

2. kiṁ te diṭṭhanti vatthupucchā. vipattipucchā. āpattipucchā ajjhācārapucchā.

vatthupucchāti: aṭṭhannaṁ pārājikānaṁ vatthupucchā. tevīsatisaṅghādisesānaṁ vatthupucchā, dve aniyatānaṁ vatthupucchā, dve cattāḷīsanissaggiyānaṁ vatthupucchā, aṭṭhāsītisatapācittiyānaṁ, vatthupucchā, dvādasapāṭidesanīyānaṁ vatthupucchā, dukkaṭānaṁ vatthupucchā, dubbhāsitānaṁ vatthupucchā.

vipatti pucchāti: sīlavipatti pucchā, ācāravipattipucchā, diṭṭhivipatti pucchā, ājīvavipattipucchā.

āpatti pucchāti: pārājikāpattipucchā, saṅghādisesāpattipucchā, thullaccayāpattipucchā, pācittiyāpattipucchā, pāṭidesanīyāpattipucchā, dukkaṭāpattipucchā, dubbhāsitāpattipucchā.

ajjhācārapucchāti: dvayaṁ dvayasamāpattipucchā.

3. kinti te diṭṭhanti: liṅgapucchā, iriyāpathapucchā, ākārapucchā, vippakārapucchā.
liṅgapucchāti: dīghaṁ vā rassaṁ vā kaṇhaṁ vā odātaṁ vā.

iriyāpathapucchāti: gacchantaṁ vā ṭhitaṁ vā nisinnaṁ vā nipannaṁ vā.

ākārapucchāti: gihīliṅge vā titthiyaliṅge vā pabbajitaliṅge vā.

vippakārapucchāti: gacchantaṁ vā ṭhitaṁ vā nisinnaṁ vā nipannaṁ vā.

[bjt page 168] [\x 168/]
[pts page 171] [\q 171/]

4. kadā te diṭṭhanti: kālapucchā, samayapucchā, divasapucchā, utupucchā.

kālapucchāti: pubbanhakāle vā majjhantikakāle vā sāyanhakāle vā.

samayapucchāti: pubbanhasamaye vā majjhantikasamaye vā sāyanhasamaye vā.

divasapucchāti: purebhattaṁ vā pacchābhattaṁ vā rattiṁ vā divā vā kāḷe vā juṇhe vā.

utupucchāti: hemante vā gimhe vā vassāne vā1.

5. kattha te diṭṭhanti: ṭhānapucchā, bhūmipucchā, okāsapucchā, padesapucchā.

ṭhānapucchāti: bhūmiyā vā paṭhaviyā vā dharaṇiyā vā jagatiyā vā.

bhūmipucchāti: bhūmiyā vā paṭhaviyā vā pabbate vā pāsāṇe vā pāsāde vā.

okāsapucchāti: puratthime vā okāse pacchime vā okāse uttare vā okāse dakkhiṇe vā okāse.

padesapucchāti: puratthime vā padese pacchime vā padese uttare vā padese dakkhiṇe vā padese'ti.

mahāsaṅgāmo niṭṭhito.

tassuddānaṁ:

1. vatthu nidānaṁ ākāro pubbāparaṁ katākataṁ,
kammādhikaraṇañceva samatho chandagāmi ca.

2. dosā mohā bhayā ceva saññānijjhāpanena ca,
pekkhā pasāde pakkhomhi suta theratarena ca.

3. asampattañca sampattaṁ dhammena vinayena ca
satthussa sāsenenāpi mahāsaṅgāmañāpanātī.

1. vasse - machasaṁ.

[bjt page 170] [\x 170/]
[pts page 172] [\q 172/]

kaṭhinabhedo

kassa kaṭhinaṁ1 anatthataṁ, kassa kaṭhinaṁ atthataṁ, kinti kaṭhinaṁ anatthataṁ, kinti kaṭhinaṁ atthataṁ:

kassa kaṭhinaṁ anatthatanti: dvinnaṁ puggalānaṁ anatthataṁ hoti kaṭhinaṁ: anatthārakassa ca, ananumodakassa ca. imesaṁ dvinnaṁ puggalānaṁ anatthataṁ hoti kaṭhinaṁ.

kassa kaṭhinaṁ atthatanti: dvinnaṁ puggalānaṁ atthataṁ hoti kaṭhinaṁ: atthārakassa ca, anumodakassa ca. imesaṁ dvinnaṁ puggalānaṁ atthataṁ hoti kaṭhinaṁ.

kinti kaṭhinaṁ anatthatanti: catuvīsatiyā ākārehi anatthataṁ hoti kaṭhinaṁ: na ullikhitamattena atthataṁ hoti kaṭhinaṁ, na dhovanamattena atthataṁ hoti kaṭhinaṁ, na cīvaravicāraṇamattena atthataṁ hoti kaṭhinaṁ. na chedanamattena atthataṁ hoti kaṭhinaṁ. na bandhanamattena atthataṁ hoti kaṭhinaṁ na ovaṭṭīkaraṇamattena2 atthataṁ hoti kaṭhinaṁ. na kaṇḍusakaraṇamattena3 atthataṁ hoti kaṭhinaṁ. na daḷhīkaraṇamattena atthataṁ hoti kaṭhinaṁ. na anuvātakaraṇamattena atthataṁ hoti kaṭhinaṁ.
na paribhaṇḍakaraṇamattena atthataṁ hoti kaṭhinaṁ.
na ovaṭṭeyyakaraṇamattena atthataṁ hoti kaṭhinaṁ.
na kambalamaddanamattena atthataṁ hoti kaṭhinaṁ. na nimittakatena atthataṁ hoti kaṭhinaṁ. na parikathākatena atthataṁ hoti kaṭhinaṁ. na kukkukatena atthataṁ hoti kaṭhinaṁ. na sannidhikatena atthataṁ hoti kaṭhinaṁ. na nissaggiyena atthataṁ hoti kaṭhinaṁ. na akappakatena atthataṁ hoti kaṭhinaṁ. na aññatra saṅghāṭiyā atthataṁ hoti kaṭhinaṁ. na aññatra uttarāsaṅgena atthataṁ hoti kaṭhinaṁ.
na aññatra antaravāsakena atthataṁ hoti kaṭhinaṁ.
na aññatra pañcakena vā atirekapañcakena vā tadaheva sañchinnena samaṇḍalīkatena atthataṁ hoti kaṭhinaṁ. na aññatra puggalassa atthārā atthataṁ hoti kaṭhinaṁ.
sammāceva atthataṁ hoti kaṭhinaṁ. tañce nissīmaṭṭho anumodati, evampi anatthataṁ hoti kaṭhinaṁ.

nimittakammaṁ nāma: nimittaṁ karoti ''iminā dussena kaṭhinaṁ attharissāmī''ti.

parikathā nāma: parikathaṁ karoti ''imāya parikathāya kaṭhinadussaṁ nibbattessāmī''ti.
1. kathinaṁ - machasaṁ, sabbattha.
2. ovaṭṭiyakaraṇamatte - machasaṁ.
3. gaṇḍūsakaraṇamattena - ma. cha, saṁ.

[bjt page 172] [\x 172/]

kukkukataṁ nāma: anādiya dānaṁ vuccati.

sannidhi nāma: dve sannidhiyo: karaṇasannidhi ca, nicayasannidhi ca.

nissaggiyaṁ nāma: karīyamāne aruṇaṁ udriyati, 1 imehi catuvīsatiyā ākārehi anatthataṁ hoti kaṭhinaṁ.

kinti kaṭhinaṁ atthatanti: sattarasahi ākārehi atthataṁ hoti kaṭhinaṁ: ahatena atthataṁ hoti kaṭhinaṁ. ahatakappena atthataṁ hoti kaṭhinaṁ. pilotikāya atthataṁ hoti kaṭhinaṁ. paṁsukūlena atthataṁ hoti kaṭhinaṁ. pāpaṇikena atthataṁ hoti kaṭhinaṁ.
animittakatena atthataṁ hoti kaṭhinaṁ. aparikathākatena atthataṁ hoti kaṭhinaṁ.
akukkukatena atthataṁ hoti kaṭhinaṁ. asannidhikatena atthataṁ hoti kaṭhinaṁ.
anissaggiyena atthataṁ hoti kaṭhinaṁ. kappakatena atthataṁ hoti kaṭhinaṁ.
saṅghāṭiyā atthataṁ hoti kaṭhinaṁ. uttarāsaṅgena atthataṁ hoti kaṭhinaṁ.
antaravāsakena atthataṁ hoti kaṭhinaṁ.
pañcakena vā atirekapañcakena vā tadaheva sañchinnena samaṇḍalīkatena atthataṁ hoti kaṭhinaṁ. puggalassa atthārā atthataṁ hoti kaṭhinaṁ.
sammā ceva atthataṁ hoti kaṭhinaṁ.
tañce sīmaṭṭho anumodati evampi atthataṁ hoti kaṭhinaṁ.
imehi sattarasahi ākārehi atthataṁ hoti kaṭhinaṁ.

saha kaṭhinassa atthārā kati dhammā jāyanti: saha kaṭhinassa atthārā paṇṇarasa dhammā jāyanti, aṭṭha mātikā dve ca paḷibodhā, pañca ānisaṁsā. saha kaṭhinassa atthārā ime paṇṇarasa dhammā jāyanti.
[pts page 173] [\q 173/]
pucchāvissajjanaṁ

payogassa katame dhammā anantarapaccayena paccayo, samanantarapaccayena paccayo, nissayapaccayena paccayo, upanissayapaccayena paccayo, purejātapaccayena paccayo, pacchājātapaccayena paccayo, sahajātapaccayena paccayo,
pubbakaraṇassa katame dhammā anantarapaccayena paccayo, samanantarapaccayena paccayo, nissayapaccayena paccayo, upanissayapaccayena paccayo, purejātapaccayena paccayo, pacchājātapaccayena paccayo, sahajātapaccayena paccayo, paccuddhārassa
katame dhammā anantarapaccayena paccayo, samanantarapaccayena paccayo,
nissayapaccayena paccayo, upanissayapaccayena paccayo, purejātapaccayena paccayo, pacchājātapaccayena paccayo, sahajātapaccayena paccayo,
adhiṭṭhānassa katame dhammā anantarapaccayena paccayo, samanantarapaccayena paccayo, nissayapaccayena paccayo, upanissayapaccayena paccayo, purejātapaccayena paccayo, pacchājātapaccayena paccayo, sahajātapaccayena paccayo,
atthārassa katame dhammā anantarapaccayena paccayo, samanantarapaccayena paccayo, nissayapaccayena paccayo, upanissayapaccayena paccayo, purejātapaccayena paccayo, pacchājātapaccayena paccayo, sahajātapaccayena paccayo, mātikānañca paḷibodhānañca katame dhammā anantarapaccayena paccayo, samanantarapaccayena paccayo,
nissayapaccayena paccayo, upanissayapaccayena paccayo, purejātapaccayena paccayo, pacchājātapaccayena paccayo, sahajātapaccayena paccayo,
vatthussa katame dhammā anantarapaccayena paccayo, samanantarapaccayena paccayo, nissayapaccayena paccayo, upanissayapaccayena paccayo, purejātapaccayena paccayo, pacchājātapaccayena paccayo, sahajātapaccayena paccayo:

1. uṭṭhahati - sī. mū. 2, machasaṁ.

[bjt page 174] [\x 174/]

pubbakaraṇaṁ1 payogassa anantarapaccayena paccayo, samanantarapaccayena paccayo, nissayapaccayena paccayo, upanissayapaccayena paccayo, payogo pubbakaraṇassa purejātapaccayena paccayo, pubbakaraṇaṁ payogassa
pacchājātapaccayena paccayo, paṇṇarasa dhammā sahajātapaccayena paccayo.

paccuddhāro pubbakaraṇassa anantarapaccayena paccayo, samanantarapaccayena paccayo, nissayapaccayena paccayo, upanissayapaccayena paccayo, pubbakaraṇaṁ paccuddhārassa purejātapaccayena paccayo, paccuddhāro pubbakaraṇassa
pacchājātapaccayena paccayo, paṇṇarasa dhammā sahajātapaccayena paccayo.

adhiṭṭhānaṁ paccuddhārassa anantarapaccayena paccayo, samanantarapaccayena paccayo, nissayapaccayena paccayo, upanissayapaccayena paccayo, paccuddhāro adhiṭṭhānassa purejātapaccayena paccayo, adhiṭṭhānaṁ paccuddhārassa
pacchājātapaccayena paccayo, paṇṇarasa dhammā sahajātapaccayena paccayo.

atthāro adhiṭṭhānassa anantarapaccayena paccayo, samanantarapaccayena paccayo, nissayapaccayena paccayo, upanissayapaccayena paccayo, adhiṭṭhānaṁ atthārassa purejātapaccayena paccayo, atthāro adhiṭṭhānassa
pacchājātapaccayena paccayo, paṇṇarasa dhammā sahajātapaccayena paccayo.

mātikā ca paḷibodhā ca atthārassa anantarapaccayena paccayo,
samanantarapaccayena paccayo,
nissayapaccayena paccayo, upanissayapaccayena paccayo, atthāro mātikānañca paḷibodhānañca purejātapaccayena paccayo, mātikā ca paḷibodhā ca atthārassa pacchājātapaccayena paccayo, paṇṇarasa dhammā sahajātapaccayena paccayo.
[pts page 174] [\q 174/]

āsā ca anāsā ca vatthussa anantarapaccayena paccayo,
samanantarapaccayena paccayo,
nissayapaccayena paccayo, upanissayapaccayena paccayo, vatthu āsānañca anāsānañca purejātapaccayena paccayo, āsā ca anāsā ca vatthussa
pacchājātapaccayena paccayo, paṇṇarasa dhammā sahajātapaccayena paccayo.

pubbakaraṇaṁ kiṁnidānaṁ, kiṁsamudayaṁ, kiṁjātikaṁ, kiṁpabhavaṁ, kiṁsambhāraṁ, kiṁsamuṭṭhānaṁ. paccuddhāro kiṁnidāno, kiṁsamudayo, kiṁjātiko, kiṁpabhavo, kiṁsambhāro, kiṁsamuṭṭhāno adhiṭṭhānaṁ kiṁnidānaṁ, kiṁsamudayaṁ, kiṁjātikaṁ, kiṁpabhavaṁ, kiṁsambhāraṁ, kiṁsamuṭṭhānaṁ. atthāro kiṁnidāno, kiṁsamudayo, kiṁjātiko, kiṁpabhavo,

1. pubbakaraṇassa - sīmu. 2.

[bjt page 176] [\x 176/]

kiṁsambhāro, kiṁsamuṭṭhāno. mātikā ca paḷibodhā ca kiṁnidānā, kiṁsamudayā, kiṁjātikā, kiṁpabhavā, kiṁsambhārā, kiṁsamuṭṭhānā. āsā ca anāsā ca kiṁnidānā, kiṁsamudayā, kiṁjātikā, kiṁpabhavā, kiṁsambhārā, kiṁ samuṭṭhānā:

pubbakaraṇaṁ payoganidānaṁ, payogasamudayaṁ, payogajātikaṁ, payogapabhavaṁ, payogasambhāraṁ, payogasamuṭṭhānaṁ.

paccuddhāro pubbakaraṇanidāno, pubbakaraṇasamudayo, pubbakaraṇajātiko, pubbakaraṇapabhavo, pubbakaraṇasambhāro, pubbakaraṇasamuṭṭhāno.

adhiṭṭhānaṁ paccuddhāranidānaṁ, pacacuddhārasamudayaṁ, paccuddhārajātikaṁ, paccuddhārapabhavaṁ, paccuddhārasambhāraṁ, paccuddhārasamuṭṭhānaṁ.

atthāro adhiṭṭhānanidāno, adhiṭṭhāsamudayo, adhiṭṭhānajātiko, adhiṭṭhānapabhavo, adhiṭṭhānasambhāro, adhiṭṭhānasamuṭṭhāno.

mātikā ca paḷibodhā ca atthāranidānā, atthārasamudayā, atthārajātikā, atthārapabhavā, atthārasambhārā, atthārasamuṭṭhānā.
āsā ca anāsā ca vatthunidānā, vatthusamudayā, vatthujātikā, vatthupabhavā, vatthusambhārā, vatthusamuṭṭhānā.
payogo kiṁnidāno, kiṁsamudayo, kiṁjātiko, kiṁpabhavo, kiṁsambhāro, kiṁsamuṭṭhāno. pubbakaraṇaṁ kiṁnidānaṁ, kiṁsamudayaṁ, kiṁjātikaṁ, kiṁpabhavaṁ, kiṁsambhāraṁ, kiṁsamuṭṭhānaṁ. paccuddhāro - adhiṭṭhānā - atthāro - mātikā ca paḷibodhā ca - vatthu āsā ca - anāsā ca kiṁnidānā, kisamudayā, kiṁjātikā, kiṁpabhavā, kiṁsambhārā, kiṁsamuṭṭhānā:

payogo hetunidāno, hetusamudayo, hetujātiko, hetupabhavo,
hetusambhāro, hetusamuṭṭhāno. pubbakaraṇaṁ hetunidānaṁ, hetusamudayaṁ, hetujātikaṁ, hetupabhavaṁ, hetusambhāraṁ,
hetusamuṭṭhānaṁ. paccuddhāro - adhiṭṭhānaṁ - atthāro - mātikā ca
paḷibodhā ca - vatthu āsā ca - anāsā ca hetu nidānā, hetusamudayā, hetujātikā, hetupabhavā, hetusambhārā, hetusamuṭṭhānā:

payogo kiṁnidāno, kiṁsamudayo, kiṁjātiko, kiṁpabhavo, kiṁsambhāro, kiṁsamuṭṭhāno. pubbakaraṇaṁ kiṁnidānaṁ, kiṁsamudayaṁ, kiṁjātikaṁ, kiṁpabhavaṁ, kiṁsambhāraṁ, kiṁsamuṭṭhānaṁ. paccuddhāro - adhiṭṭhānaṁ - atthāro - mātikā ca paḷibodhā ca - vatthu āsā ca - anāsā ca kiṁnidānā, kiṁsamudayā, kiṁjātikā, kiṁpabhavā, kiṁsambhārā, kiṁsamuṭṭhānā:

[bjt page 178] [\x 178/]

payogo paccayanidāno, paccayasamudayo, paccayajātiko, paccayapabhavo, paccayasambhāro, paccayasamuṭṭhāno. pubbakaraṇaṁ paccayanidānaṁ,
paccayasamudayaṁ, paccayajātikaṁ, paccayapabhavaṁ, paccayasambhāraṁ,
paccayasamuṭṭhānaṁ. paccuddhāro - adhiṭṭhānaṁ - atthāro - mātikā ca
paḷibodhā ca - vatthu āsā ca - anāsā ca paccayanidānā, paccayasamudayā, paccayajātikā, paccayapabhavā, paccayasambhārā, paccayasamuṭṭhānā.

saṅgahavāro

pubbakaraṇaṁ katīhi dhammehi saṅgahītaṁ: pubbakaraṇaṁ sattahi dhammehi saṅgahītaṁ: dhovanena vicārena chedanena bandhanena sibbanena rajanena kappakaraṇena pubbakaraṇaṁ imehi sattahi dhammehi saṅgahītaṁ.

paccuddhāro katīhi dhammehi saṅgahīto, paccuddhāro tīhi dhammehi saṅgahīto: saṅghāṭiyā uttarāsaṅgena antaravāsakena.

adhiṭṭhānaṁ katīhi dhammehi saṅgahītaṁ: adhiṭṭhānaṁ tīhi dhammehi saṅgahītaṁ: saṅghāṭiyā uttarāsaṅgena antaravāsakena.

atthāro katīhi dhammehi saṅgahīto: atthāro ekena dhammena saṅgahīto: vacībhedena.

kaṭhinassa kati mūlāni, kati vatthūni, kati bhūmiyo: [pts page 175] [\q 175/]      kaṭhinassa ekaṁ mūlaṁ: saṅgho. tīṇi vatthūni: saṅghāṭi, uttarāsaṅgo, antaravāsako. cha bhūmiyo: khomaṁ, kappāsikaṁ, koseyyaṁ, kambalaṁ, sāṇaṁ, bhaṅgaṁ.

kaṭhinassa ko ādi, kiṁ majjhaṁ, kiṁ pariyosānaṁ: kaṭhinassa pubbakaraṇaṁ ādi, kiriyā majjhaṁ, atthāro pariyosānaṁ.

katīhaṅgehi samannāgato puggalo abhabbo kaṭhinaṁ attharituṁ,
katīhaṅgehi samannāgato puggalo bhabbo kaṭhinaṁ attharituṁ,
aṭṭhahaṅgehi samannāgato puggalo abhabbo kaṭhinaṁ attharituṁ,
aṭṭhahaṅgehi samannāgato puggalo bhabbo kaṭhinaṁ attharituṁ,

katamehi aṭṭhahaṅgehi samannāgato puggalo abhabbo kaṭhinaṁ attharituṁ: pubbakaraṇaṁ na jānāti, paccuddhāraṁ na jānāti, adhiṭṭhānaṁ na jānāti, atthāraṁ na jānāti, mātikaṁ na jānāti, paḷibodhaṁ na jānāti, uddhāraṁ na jānāti, ānasaṁsaṁ na jānāti. imehi aṭṭhahaṅgehi samannāgato puggalo abhabbo kaṭhinaṁ attharituṁ.

[bjt page 180] [\x 180/]

katamehi aṭṭhahaṅgehi samannāgato puggalo bhabbo kaṭhinaṁ attharituṁ: pubbakaraṇaṁ jānāti, paccuddhāraṁ jānāti, adhiṭṭhānaṁ jānāti, atthāraṁ jānāti, mātikaṁ jānāti, paḷibodhaṁ jānāti, uddhāraṁ jānāti, ānisaṁsaṁ jānāti. imehi aṭṭhahaṅgehi samannāgato puggalo bhabbo kaṭhinaṁ attharituṁ.

katinnaṁ1 puggalānaṁ kaṭhinatthārā na rūhanti, katinnaṁ puggalānaṁ kaṭhinatthārā rūhanti: tiṇṇaṁ puggalānaṁ kaṭhinatthārā na rūhanti. tiṇṇaṁ puggalānaṁ kaṭhinatthārā rūhanti.
katamesaṁ tiṇṇaṁ puggalānaṁ kaṭhinatthārā na rūhanti: nissīmaṭṭho anumodati, anumodanto na vācaṁ bhindati, vācaṁ bhindanto na paraṁ viññāpeti. imesaṁ
tiṇṇaṁ puggalānaṁ kaṭhinatthārā na rūhanti.

katamesaṁ tiṇṇaṁ puggalānaṁ kaṭhinatthārā rūhanti: sīmaṭṭho anumodati, anumodanto vācaṁ bhindati, vācaṁ bhindanto paraṁ viññāpeti. imesaṁ tiṇṇaṁ puggalānaṁ kaṭhinatthārā rūhanti.

kati kaṭhinatthārā na rūhanti, kati kaṭhinatthārā rūhanti: tayo kaṭhinatthārā na rūhanti, tayo kaṭhinatthārā rūhanti.

katame tayo kaṭhinatthārā na rūhanti: vatthuvipannañceva hoti, kālavipannañca, karaṇavipannañca. ime tayo kaṭhinatthārā na rūhanti.

katame tayo kaṭhinatthārā rūhanti: vatthusampannañceva hoti, kālasampannañca, karaṇasampannañca. ime tayo kaṭhinatthārā rūhanti.

1. kaṭhinaṁ jānitabbaṁ, kaṭhinatthāro jānitabbo, kaṭhinassa atthāramāso jānitabbo, kaṭhinassa atthāravipatti jānitabbā, kaṭhinassa atthārasampatti jānitabbā, nimittakammaṁ jānitabbaṁ, parikathā jānitabbā, kukkukataṁ jānitabbaṁ. sannidhi jānitabbā, nissaggiyaṁ jānitabbaṁ.
[pts page 176] [\q 176/]

2. kaṭhinaṁ jānitabbanti: tesaññeva dhammānaṁ saṅgaho, samavāyo, nāmaṁ, nāmakammaṁ, nāmadheyyaṁ, nirutti, byañjanaṁ, abhilāpo, yadidaṁ kaṭhinanti.

3. kaṭhinassa atthāramāso jānitabboti: vassānassa pacchimo māso jānitabbo.
4. kaṭhinassa atthāravipatti jānitabbāti: catuvisatiyā ākārehi kaṭhinassa atthāravipatti jānitabbā.

5. kaṭhinassa atthārasampatti jānitabbāti: sattarasahi ākārehi kaṭhinassa atthārasampatti jānitabbā.

1. katīnaṁ - sīmu. machasaṁ, syā.

[bjt page 182] [\x 182/]

6. nimittakammaṁ jānitabbanti: nimittakammaṁ karoti 'iminā dussena kaṭhinaṁ attharissāmī'ti.

7. parikathā jānitabbāti: parikathaṁ karoti 'imāya parikathāya kaṭhinadussaṁ nibbattessāmī'ti.

8. kukkukataṁ jānitabbanti: anādiyadānaṁ jānitabbaṁ.

9. sannidhijānitabbāti: dve sannidhiyo jānitabbā: karaṇa sannidhi ca nicayasannidhi ca.
10. nissaggiyaṁ jānitabbanti: karīyamāne aruṇaṁ udīrayati. 1

11. kaṭhinatthāro jānitabboti: sace saṅghassa kaṭhinadussaṁ uppannaṁ hoti: saṅghena kathaṁ paṭipajjitabbaṁ, atthārakena kathaṁ paṭipajjitabbaṁ, anumodakena kathaṁ paṭipajjitabbaṁ:

12. saṅghena ñattidutiyakammena kaṭhinatthārakassa bhikkhuno dātabbaṁ. tena kaṭhinatthārakena bhikkhunā tadaheva dhovitvā vimajjitvā vicāretvā jinditvā sibbetvā rajitvā kappaṁ katvā kaṭhinaṁ attharitabbaṁ. sace saṅghāṭiyā kaṭhinaṁ attharitukāmo hoti, porāṇakā saṅghāṭi paccuddharitabbā, navā saṅghāṭi adhiṭṭhātabbā. ''imāya saṅghāṭiyā kaṭhinaṁ attharāmī''ti vācā bhinditabbā. sace uttarā saṅghena kaṭhinaṁ attharitukāmo hoti, porāṇako uttarāsaṅgo paccuddharitabbo, navo uttarāsaṅgo adhiṭṭhātabbo, ''iminā uttarāsaṅgena kaṭhinaṁ attharāmī"ti vācā bhanditabbā. sace antaravāsakena kaṭhinaṁ attharitukāmo hoti, porāṇako antaravāsako paccuddharitabbo, navo antaravāsako adhiṭṭhātabbo, ''iminā antaravāsakena kaṭhinaṁ attharāmī''ti vācā bhinditabbā.

13. tena kaṭhinatthārakena bhikkhunā saṅghaṁ upasaṅkamitvā ekaṁsaṁ uttarāsaṅghaṁ karitvā añjaliṁ paggahetvā evamassa vacanīyo: ''atthataṁ bhante saṅghassa kaṭhinaṁ dhammiko kaṭhinatthāro, anumodathā''ti. tehi anumodakehi bhikkhūhi ekaṁsaṁ uttarāsaṅgaṁ karitvā [pts page 177] [\q 177/]      añjaliṁ paggahetvā evamassa vacanīyo: ''atthataṁ āvuso saṅghassa kaṭhinaṁ, dhammiko kaṭhinatthāro, anumodāmā''ti.

14. tena kaṭhinatthārakena bhikkhunā sambahule bhikkhū
upasaṅkamitvā ekaṁsaṁ uttarāsaṅghaṁ karitvā
añjaliṁ paggahetvā evamassa vacanīyo: ''atthataṁ bhante saṅghassa kaṭhinaṁ. dhammiko kaṭhinatthāro, anumodathā''ti. tehi anumodakehi bhikkhūhi ekaṁsaṁ uttarāsaṅgaṁ karitvā añjaliṁ paggahetvā evamassa vacanīyo: ''atthataṁ āvuso saṅghassa kaṭhinaṁ, dhammiko kaṭhinatthāro, anumodāmā''ti.

1. uṭṭhahati - machasaṁ.

[bjt page 184] [\x 184/]

15. tena kaṭhinatthārakena bhikkhunā ekaṁ bhikkhuṁ
upasaṅkamitvā ekaṁsaṁ uttarāsaṅghaṁ karitvā
añjaliṁ paggahetvā evamassa vacanīyo: ''atthataṁ āvuso saṅghassa kaṭhinaṁ, dhammiko kaṭhinatthāro, anumodathā''ti. tehi anumodakena bhikkhunā ekaṁsaṁ uttarāsaṅgaṁ karitvā añjaliṁ paggahetvā evamassa vacanīyo: ''atthataṁ āvuso saṅghassa kaṭhinaṁ, dhammiko kaṭhinatthāro, anumodāmī''ti.

saṅgho kaṭhinaṁ attharati, gaṇo kaṭhinaṁ attharati, puggalo kaṭhinaṁ attharatīti: na saṅgho kaṭhinaṁ attharati, na gaṇo kaṭhinaṁ attharati, puggalo kaṭhinaṁ attharati. hañci na saṅgho kaṭhinaṁ attharati, na gaṇo kaṭhinaṁ attharati, puggalo kaṭhinaṁ attharati: saṅghassa anatthataṁ hoti kaṭhinaṁ, gaṇassa anatthataṁ hoti kaṭhinaṁ, puggalassa atthataṁ hoti kaṭhinaṁ.

saṅgho pātimokkhaṁ uddisati, gaṇo pātimokkhaṁ uddisati,
puggalo pātimokkhaṁ uddisati, na saṅgho pātimokkhaṁ uddisati,
na gaṇo pātimokkhaṁ uddisati, puggalo pātimokkhaṁ uddisati,
hañci na saṅgho pātimokkhaṁ uddisati, na gaṇo pātimokkhaṁ uddisati,
puggalo pātimokkhaṁ uddisati, saṅghassa anudiṭṭhaṁ hoti pātimokkhaṁ,
gaṇassa anudiṭṭhaṁ hoti pātimokkhaṁ, puggalassa uddiṭṭhaṁ hoti pātimokkhaṁ,
saṅghassa sāmaggiyā gaṇassa sāmaggiyā puggalassa uddesā saṅghassa uddiṭṭhaṁ hoti pātimokkhaṁ, gaṇassa uddiṭṭhaṁ hoti pātimokkhaṁ,
puggalassa uddiṭṭhaṁ hoti pātimokkhaṁ,

evameva na saṅgho kaṭhinaṁ attharati, na gaṇo kaṭhinaṁ attharati, puggalo kaṭhinaṁ attharati, saṅghassa anumodanāya gaṇassa anumodanāya puggalassa atthārā saṅghassa atthataṁ hoti kaṭhinaṁ, gaṇassa atthataṁ hoti kaṭhinaṁ, puggalassa atthataṁ hoti kaṭhinanti.

1. pakkamantiko kaṭhinuddhāro vutto ādiccabandhunā.
etañca tāhaṁ pucchāmi katamo paḷibodho paṭhamaṁ chijjati:
[pts page 178] [\q 178/]
2. pakkamanantiko kaṭhinuddhāro vutto ādiccabandhūnā,
etañca tāhaṁ vissajjissaṁ cīvarapaḷibodho paṭhamaṁ chajjati:
tassa saha bahisīmagamanā āvāsapaḷibodho chajjati.

3. niṭṭhānanniko kaṭhinuddhāro vutto ādiccabandhunā,
etañca tāhaṁ pucchāmi katamo paḷibodho paṭhamaṁ chijjati:

4. niṭṭhānantiko kaṭhinuddhāro vutto ādiccabandhunā,
etañca tāhaṁ vissajjissaṁ āvāsapaḷibodho paṭhamaṁ chijjati:
cīvare niṭṭhite cīvarapaḷibodho chijjati.

5. sanniṭṭhānantiko kaṭhinuddhāro vutto ādiccabandhunā,
etañca tāhaṁ pucchāmi katamo paḷibodho paṭhamaṁ chijjati:

[bjt page 186] [\x 186/]

6. sanniṭṭhānantiko kaṭhinuddhāro vutto ādiccabandhunā,
etañca tāhaṁ vissajjissaṁ dve paḷibodhā apubbaṁ acarimaṁ chijjanti.

7. nāsanantiko kaṭhinuddhāro vutto ādiccabandhunā,
etañca tāhaṁ pucchāmi katamo paḷibodho paṭhamaṁ chijjati:

8. nāsanantiko kaṭhinuddhāro vutto ādiccabandhunā,
etañca tāhaṁ vissajjissaṁ āvāsapaḷibodho paṭhamaṁ chijjati:
cīvare naṭṭhe cīvarapaḷibodho chijjati.

9. savaṇantiko kaṭhinuddhāro vutto ādiccabandhunā,
etañca tāhaṁ pucchāmi katamo paḷibodho paṭhamaṁ chijjati.

10. savaṇantiko kaṭhinuddhāro vutto ādiccabandhunā,
etañca tāhaṁ vissajjissaṁ cīvarapaḷibodho paṭhamaṁ chijjati:
tassa saha savaṇena āvāsapaḷibodho chijjati.

11. āsāvacchediko kaṭhinuddhāro vutto ādiccabandhunā,
etañca tāhaṁ pucchāmi katamo paḷibodho paṭhamaṁ chijjati:

12. āsāvacchediko kaṭhinuddhāro vutto ādiccabandhunā,
etañca tāhaṁ vissajjissaṁ āvāsapaḷibodho paṭhamaṁ chijjati,
cīvarāsāya upacchinnāya cīvarapaḷibodho chijjati.

13. sīmātikkantiko kaṭhinuddhāro vutto ādiccabandhunā,
etañca tāhaṁ pucchāmi katamo paḷibodho paṭhamaṁ chijjati:

14. sīmātikkantiko kaṭhinuddhāro vutto ādiccabandhunā,
etañca tāhaṁ vissajjissaṁ cīvarapaḷibodho paṭhamaṁ chijjati:
tassa bahisīmagatassa āvāsapaḷibodho chijjati.

15. sahubbhāro kaṭhinuddhāro vutto ādiccabandhunā,
etañca tāhaṁ pucchāmi katamo paḷibodho paṭhamaṁ chijjati:

16. sahubbhāro kaṭhinuddhāro vutto ādiccabandhunā,
etañca tāhaṁ vissajjissaṁ dve paḷibodhā apubbaṁ acarimaṁ chijjantīti.

17. kati kaṭhinuddhārā saṅghādhīnā, kati kaṭhinuddhārā puggalādhīnā, kati kaṭhinuddhārā neva saṅghādhīnā na puggalādhīnā: eko kaṭhinuddhāro saṅghādhīno: antarubbhāro. cattāro kaṭhinuddhārā puggalādhīnā: pakkamanantiko niṭṭhānantiko sanniṭṭhānantiko sīmātikkantiko. cattāro kaṭhinuddhārā neva saṅghādhīnā na puggalādhīnā nāsanantiko savaṇantiko āsāvacchediko sahubbhāro.

[bjt page 188] [\x 188/]
[pts page 179] [\q 179/]
18. kati kaṭhinuddhārā antosīmāya uddharīyanti, kati kaṭhinuddhārā bahisīmāya uddharīyanti, kati kaṭhinuddhārā siyā antosīmāya uddharīyanti, siyā bahisīmāya uddharīyanni: dve kaṭhinuddhārā antosīmāya uddharīyanti: antarubbhāro sahubbhāro. tayo kaṭhinuddhāro bahisīmāya uddharīyanti: pakkamanantiko savaṇantiko sīmātikkantiko. cattāro kaṭhinuddhārā siyā antosīmāya uddharīyanti, siyā bahisīmāya uddharīyanti: niṭṭhānantiko sanniṭhānantiko savaṇantiko āsāvacchediko.

19. kati kaṭhinuddhārā1 ekuppādā, ekanirodhā, kati kaṭhinuddhārā ekuppādā, nānānirodhā: dve kaṭhinuddhārā ekuppādā ekanirodhā: antarubbhāro sahubbhāro. avasesā kaṭhinuddhārā ekuppādā nānānirodhāti.

kaṭhinabhedo2 niṭṭhito

tassuddānaṁ:

1. kassa kinti paṇṇarasa dhammā nidānahetu ca,
paccaya saṁgaha mūlā ādi ca atthāra puggalā. 3

2. bhedā tiṇṇaṁ4 tayo jānitabbaṁ atthāraṁ uddesena ca,
paḷibodhādhīnā sīmāya uppādanirodhena cāti.

1. kathinuddhārā - machasaṁ,
2. kathinabhedo - machasaṁ,
kaṭhinabhedaṁ - syā,
3. aṭṭhārapuggalā - sīmu.
4. tiṇṇaṁ tayo - machasaṁ.

[bjt page 190] [\x 190/]
[pts page 180] [\q 180/]

upāli pañcakaṁ

1. anissita vaggo

1. tena samayena buddho bhagavā sāvatthiyaṁ viharati jetavane anāthapiṇḍikassa ārāme. atha kho āyasmā upāli yena bhagavā tenupasaṅkami. upasaṅkamitvā bhagavantaṁ abhivādetvā ekamantaṁ nisīdi. ekamantaṁ nisinno kho āyasmā upāli bhagavantaṁ etadavoca: ''katīhi nukho bhante aṅgehi samannāgatena bhikkhunā yāvajīvaṁ nānissitena vatthabba''nti.

pañcahupāli, aṅgehi samannāgatena bhikkhunā yāvajīvaṁ nānissitena vatthabbaṁ, katamehi pañcahi: uposathaṁ na jānāti, uposathakammaṁ na jānāti, pātimokkhaṁ na jānāti, pātimokkhuddesaṁ na jānāti, ūnapañcavasso hoti. imehi kho upāli, pañcahaṅgehi samannāgatena bhikkhunā yāvajīvaṁ nānissitena vatthabbaṁ.

pañcahupāli, aṅgehi samannāgatena bhikkhunā yāvajīvaṁ anissitena vatthabbaṁ, katamehi pañcahi: uposathaṁ jānāti, uposathakammaṁ jānāti, pātimokkhaṁ jānāti, pātimokkhuddesaṁ jānāti, pañcavasso vā hoti atirepañcavasso vā. imehi kho upāli,
pañcahaṅgehi samannāgatena bhikkhunā yāvajīvaṁ anissitena vatthabbaṁ.

2 aparehipi upāli, pañcahaṅgehi samannāgatena bhikkhunā yāvajīvaṁ nānissitena
vatthabbaṁ, katamehi pañcahi: pavāraṇaṁ na jānāti, pavāraṇakammaṁ na jānāti,
pātimokkhaṁ na jānāti, pātimokkhuddesaṁ na jānāti, ūnapañcavasso hoti. imehi kho upāli,
pañcahaṅgehi samannāgatena bhikkhunā yāvajīvaṁ nānissitena vatthabbaṁ.

pañcahupāli, aṅgehi samannāgatena bhikkhunā yāvajīvaṁ anissitena vatthabbaṁ, katamehi pañcahi: pavāraṇaṁ jānāti, pavāraṇakammaṁ jānāti, pātimokkhaṁ jānāti, pātimokkhuddesaṁ jānāti, pañcavasso vā hoti atirekapañcavasso vā. imehi kho upāli,
pañcahaṅgehi samannāgatena bhikkhunā yāvajīvaṁ anissitena vatthabbaṁ.

3. aparehipi upāli, pañcahaṅgehi samannāgatena bhikkhunā yāvajīvaṁ nānissitena
vatthabbaṁ, katamehi pañcahi: āpattānāpattiṁ na jānāti, lahukagarukaṁ āpattiṁ na jānāti, sāvasesānavasesaṁ āpattiṁ na jānāti, duṭṭhullāduṭṭhullaṁ āpattiṁ na jānāti, ūnapañcavasso hoti. imehi kho upāli,
pañcahaṅgehi samannāgatena bhikkhunā yāvajīvaṁ nānissitena vatthabbaṁ.

[bjt page 192] [\x 192/]

pañcahupāli, aṅgehi samannāgatena bhikkhunā yāvajīvaṁ anissitena vatthabbaṁ, katamehi pañcahi: āpattānāpattiṁ jānāti, lahukagarukaṁ āpattiṁ jānāti, sāvasesānavasesaṁ āpattiṁ jānāti, duṭṭhullāduṭṭhullaṁ āpattiṁ jānāti, pañcavasso vā hoti atireka pañcavasso vā. imehi kho upāli,
pañcahaṅgehi samannāgatena bhikkhunā yāvajīvaṁ anissitena vatthabbaṁ.
[pts page 181] [\q 181/]

4. katīhi nu kho bhante, aṅgehi samannāgatena bhikkhunā na upasampādetabbaṁ, na nissayo dātabbo, na sāmaṇero upaṭṭhāpetabboti.

pañcahupāli aṅgehi samannāgatena bhikkhunā na upasampādetabbaṁ, na nissayo dātabbo, na sāmaṇero upaṭṭhāpetabbo, katamehi pañcahi: na paṭibalo hoti antevāsiṁ vā saddhivihāriṁ vā gilānaṁ upaṭṭhātuṁ vā upaṭṭhāpetuṁ vā, uppannaṁ anabhiratiṁ vūpakāsetuṁ vā, vūpakāsāpetuṁ vā, uppannaṁ kukkuccaṁ dhammato vinayato vinodetuṁ vā, vinodāpetuṁ vā, abhidhamme vinetuṁ, abhivinaye vinetuṁ. imehi kho upāli, pañcahaṅgehi samannāgatena bhikkhunā na upasampādetabbaṁ. na nissayo dātabbo. na sāmaṇero upaṭṭhāpetabbo.

pañcahupāli aṅgehi samannāgatena bhikkhunā upasampādetabbaṁ, nissayo dātabbo, sāmaṇero upaṭṭhāpetabbo, katamehi pañcahi: paṭibalo hoti antevāsiṁ vā saddhivihāriṁ vā gilānaṁ upaṭṭhātuṁ vā upaṭṭhāpetuṁ vā, uppannaṁ anabhiratiṁ vūpakāsetuṁ vā, vūpakāsāpetuṁ vā, uppannaṁ kukkuccaṁ dhammato vinayato vinodetuṁ vā, vinodāpetuṁ vā, abhidhamme vinetuṁ, abhivinaye vinetuṁ. imehi kho upāli, pañcahaṅgehi samannāgatena bhikkhunā upasampādetabbaṁ. nissayo dātabbo. sāmaṇero upaṭṭhāpetabbo.

5. aparehipi upāli, pañcahaṅgehi samannāgatena bhikkhunā na upasampādetabbaṁ, na nissayo dātabbo, na sāmaṇero upaṭṭhāpetabbo,
katamehi pañcahi: na paṭibalo hoti antevāsiṁ vā saddhivihāriṁ vā
ābhisamācārikāya sikkhāya sikkhāpetuṁ, ādibrahmacariyikāya sikkhāya vinetuṁ, adhisīle vinetuṁ, adhicitte vinetuṁ, adhipaññāya vinetuṁ. imehi
kho upāli, pañcahaṅgehi samannāgatena bhikkhunā na upasampādetabbaṁ. na nissayo dātabbo. na sāmaṇero upaṭṭhāpetabbo.

pañcahupāli, aṅgehi samannāgatena bhikkhunā upasampādetabbaṁ,
nissayo dātabbo, sāmaṇero upaṭṭhāpetabbo,
katamehi pañcahi: paṭibalo hoti antevāsiṁ vā saddhivihāriṁ vā
ābhisamācārikāya sikkhāya sikkhāpetuṁ, ādibrahmacariyikāya sikkhāya vinetuṁ, adhisīle vinetuṁ, adhicitte vinetuṁ, adhipaññāya vinetuṁ. imehi
kho upāli, pañcahaṅgehi samannāgatena bhikkhunā upasampādetabbaṁ. nissayo dātabbo. sāmaṇero upaṭṭhāpetabboti.

[bjt page 194] [\x 194/]

6. katīhi nu kho bhante, aṅgehi samannāgatassa bhikkhuno kammaṁ kātabbanti.

pañcahupāli, aṅgehi samannāgatassa bhikkhuno kammaṁ kātabbaṁ. katamehi pañcahi: alajji ca hoti, bālo ca, apakatatto ca, micchādiṭṭhiko ca hoti, ājīvavipanno ca, imehi kho upāli, pañcahaṅgehi samannāgatassa bhikkhuno kammaṁ kātabbaṁ.

7. aparehipi upāli, pañcahaṅgehi samannāgatassa bhikkhuno kammaṁ kātabbaṁ. katamehi pañcahi: adhisīle sīlavipanto hoti, ajjhācāre ācāravipanno hoti, atidiṭṭhiyā diṭṭhivipanno hoti, micchādiṭṭhiko ca hoti, ājīvavipanno ca, imehi kho upāli, pañcahaṅgehi samannāgatassa bhikkhuno kammaṁ kātabbaṁ.

8. aparehipi upāli, pañcahaṅgehi samannāgatassa bhikkhuno kammaṁ kātabbaṁ. katamehi pañcahi: kāyikena davena samannāgato hoti, vācasikena davena samannāgato hoti, kāyikavācasikena davena samannāgato hoti, [pts page 182] [\q 182/]      micchādiṭṭhiko ca hoti, ājīvavipanno ca. imehi kho upāli, pañcahaṅgehi samannāgatassa bhikkhuno kammaṁ kātabbaṁ.

9. aparehipi upāli, pañcahaṅgehi samannāgatassa bhikkhuno kammaṁ kātabbaṁ. katamehi pañcahi: kāyikena anācārena samannāgato hoti, vācasikena anācārena samannāgato hoti, kāyikavācasikena anācārena samannāgato hoti, micchādiṭṭhiko ca hoti, ājīvavipanno ca.
imehi kho upāli, pañcahaṅgehi samannāgatassa bhikkhuno kammaṁ kātabbaṁ.

10. aparehipi upāli, pañcahaṅgehi samannāgatassa bhikkhuno kammaṁ kātabbaṁ. katamehi pañcahi: kāyikena upaghātikena samannāgato hoti, vācasikena upaghātikena samannāgato hoti, kāyikavācasikena upaghātikena samannāgato hoti, micchādiṭṭhiko ca hoti, ājīvavipanno ca.
imehi kho upāli, pañcahaṅgehi samannāgatassa bhikkhuno kammaṁ kātabbaṁ.

11. aparehipi upāli, pañcahaṅgehi samannāgatassa bhikkhuno kammaṁ kātabbaṁ. katamehi pañcahi: kāyikena micchājīvena samannāgato hoti, vācasikena micchājīvena samannāgato hoti, kāyikavācasikena micchājīvena samannāgato hoti, micchādiṭṭhiko ca hoti, ājīvavipanno ca.
imehi kho upāli, pañcahaṅgehi samannāgatassa bhikkhuno kammaṁ kātabbaṁ.

12. aparehipi upāli, pañcahaṅgehi samannāgatassa bhikkhuno kammaṁ kātabbaṁ. katamehi pañcahi: āpattiṁ āpanno kammakato upasampādeti, nissayaṁ deti, sāmaṇeraṁ upaṭṭhāpeti, bhikkhunovādaka sammutiṁ sādiyati, sammatopi bhikkhuniyo ovadati.
imehi kho upāli, pañcahaṅgehi samannāgatassa bhikkhuno kammaṁ kātabbaṁ.

[bjt page 196] [\x 196/]

13. aparehipi upāli, pañcahaṅgehi samannāgatassa bhikkhuno kammaṁ kātabbaṁ. katamehi pañcahi: yāya āpattiyā saṅghena kammaṁ kataṁ hoti taṁ āpattiṁ āpajjati, aññaṁ vā tādisikaṁ, tato vā pāpiṭṭhataraṁ, kammaṁ garahati, kammike garahati,
imehi kho upāli, pañcahaṅgehi samannāgatassa bhikkhuno kammaṁ kātabbaṁ.

14. aparehipi upāli, pañcahaṅgehi samannāgatassa bhikkhuno kammaṁ kātabbaṁ. katamehi pañcahi: buddhassa avaṇṇaṁ bhāsati, dhammassa avaṇṇaṁ bhāsati, saṅghassa avaṇṇaṁ bhāsati, micchādiṭṭhiko ca hoti, ājīvavipanno ca.
imehi kho upāli, pañcahaṅgehi samannāgatassa bhikkhuno kammaṁ kātabbaṁ.

anissitavaggo paṭhamo

tassuddānaṁ:

1. uposathaṁ pavāraṇaṁ āpatti ca gilānakaṁ,
ābhisamācāralajjī ca adhisīladavena ca.

2. anācāraṁ upaghāti micchā āpattimeva ca,
yāya āpattiyā buddhassa paṭhamo vaggasaṅgahoti.

2. na paṭippasambhanavaggo

1. katīhi nu kho bhante, aṅgehi samannāgatassa bhikkhuno kammaṁ na paṭippassambhetabbanti.

pañcahupāli, aṅgehi samannāgatassa bhikkhuno kammaṁ na paṭippassambhetabbaṁ. katamehi pañcahi: [pts page 183] [\q 183/]      āpattiṁ āpanno kammakato upasampādeti, nissayaṁ deti, sāmaṇeraṁ upaṭṭhāpeti, bhikkhunovādaka sammutiṁ sādiyati, sammatopi bhikkhuniyo ovadati. imehi kho upāli, pañcahaṅgehi samannāgatassa bhikkhuno kammaṁ na paṭippassambhetabbaṁ.

2. aparehipi upāli, pañcahaṅgehi samannāgatassa bhikkhuno kammaṁ
na paṭippassambhetabbaṁ. katamehi pañcahi: yāya āpattiyā saṅghena kammaṁ kataṁ hoti taṁ āpattiṁ āpajjati, aññaṁ vā tādisikaṁ, tato vā pāpiṭṭhataraṁ, kammaṁ garahati. imehi kho upāli, pañcahaṅgehi samannāgatassa bhikkhuno kammaṁ na paṭippassambhetabbaṁ.
3. aparehipi upāli, pañcahaṅgehi samannāgatassa bhikkhuno kammaṁ
na paṭippassambhetabbaṁ. katamehi pañcahi: buddhassa avaṇṇaṁ bhāsati, dhammassa avaṇṇaṁ bhāsati, saṅghassa avaṇṇaṁ bhāsati, micchādiṭṭhiko ca hoti, ājīvavipanno ca.
imehi kho upāli, pañcahaṅgehi samannāgatassa bhikkhuno kammaṁ na paṭippassambhetabbaṁ.
[bjt page 198] [\x 198/]

4. aparehipi upāli, pañcahaṅgehi samannāgatassa bhikkhuno kammaṁ na paṭippassambhetabbaṁ. katamehi pañcahi: alajji ca hoti, bālo ca, apakatatto ca, omaddakārako ca hoti vattesu, sikkhāya ca na paripūrakārī. imehi kho upāli pañcahaṅgehi samannāgatassa bhikkhuno kammaṁ na paṭippassambhetabbanti.

5. saṅgāmāvacarena bhante, bhikkhunā saṅghaṁ upasaṅkamantena kati dhamme ajjhattaṁ upaṭṭhapetvā saṅgho upasaṅkamitabboti.

saṅgāmāvacarena upāli, bhikkhunā saṅghaṁ upasaṅkamantena pañca dhamme ajjhattaṁ upaṭṭhapetvā saṅgho upasaṅkamitabbo. katame pañca: saṅgāmāvacarena upāli bhikkhunā saṅghaṁ upasaṅkamantena nīcacittena saṅgho upasaṅkamitabbo rajoharaṇa samena cittena, āsanakusalena bhavitabbaṁ nisajjākusalena there bhikkhū anupakhajjantena nave bhikkhū āsanena appaṭibāhantena tathārūpe āsane nisīditabbaṁ, anānākathikena bhavitabbaṁ atiracchānakathikena, sāmaṁ vā dhammo bhāsitabbo paro vā ajjhesitabbo ariyo vā tuṇhībhāvo nātimaññitabbo, sace upāli, saṅgho samaggakaraṇiyāni kammāni karoti, tatra ce upāli, bhikkhuno nakkhamati api diṭṭhāvikammaṁ katvā upetabbā sāmaggi. taṁ kissa hetu: māhaṁ saṅghena nānatto assanti. saṅgāmāvacarena upāli, bhikkhunā saṅghaṁ upasaṅkamantena ime pañca dhamme ajjhattaṁ upaṭṭhapetvā saṅgho upasaṅkamitabboti.

6. katīhi nu kho bhante, aṅgehi samannāgato bhikkhu saṅghe voharanto bahujanaakanto ca hoti bahujanaamanāpo ca bahujanaarucito cāti.

pañcahupāli, aṅgehi samannāgato bhikkhu saṅghe voharanto bahujanaakanto ca hoti, bahujanaamanāpo ca bahujanaarucito ca. katamehi pañcahi: ussitamantī ca hoti, nissitajappī ca hoti na ca bhāsānusandhikusalo hoti, na yathādhamme yathāvinaye yathāpattiyā codetā hoti, na yathādhamme yathāvinaye yathāpattiyā kāretā hoti. imehi kho upāli pañcahaṅgehi samannāgato bhikkhu saṅghe voharanto bahujanaakanto ca hoti bahujanaamanāpo ca bahujanaarucito ca.

pañcahupāli, aṅgehi samannāgato bhikkhu saṅghe voharanto bahujanakanto ca hoti, bahujanamanāpo ca bahujanarucito ca.[pts page 184] [\q 184/]      katamehi pañcahi: na ussitamantī ca hoti, na nissitajappī ca hoti bhāsānusandhikusalo hoti, yathādhamme yathāvinaye
yathāpattiyā codetā hoti, yathādhamme yathāvinaye yathāpattiyā kāretā hoti. imehi kho upāli pañcahaṅgehi samannāgato bhikkhu saṅghe voharanto bahujanakanto ca hoti bahujanamanāpo ca bahujanarucito ca.

[bjt page 200] [\x 200/]

aparehipi upāli, pañcahaṅgehi samannāgato bhikkhu saṅghe voharanto bahujanaakanto ca hoti, bahujanaamanāpo ca bahujanaarucito ca. katamehi pañcahi: ussādetā hoti, apasādetā hoti, adhammaṁ gaṇhāti, dhammaṁ paṭibāhati, samphaṁ ca bahuṁ bhāsati. imehi kho upāli pañcahaṅgehi samannāgato bhikkhu saṅghe voharanto bahujanaakanto ca hoti bahujanaamanāpo ca bahujanaarucito ca.

pañcahupāli, aṅgehi samannāgato bhikkhu saṅghe voharanto bahujanakanto
ca hoti, bahujanamanāpo ca bahujanarucito ca. katamehi pañcahi: na ussādetā hoti, na apasādetā hoti, dhammaṁ gaṇhāti, adhammaṁ paṭibāhati, samphañca na bahuṁ bhāsati. imehi kho upāli pañcahaṅgehi samannāgato
bhikkhu saṅghe voharanto bahujanakanto ca hoti bahujanamanāpo ca bahujanarucito ca.
8. aparehipi upāli, pañcahaṅgehi samannāgato bhikkhu saṅghe voharanto
bahujanaakanto ca hoti, bahujanaamanāpo ca bahujanaarucito ca. katamehi pañcahi: pasayhapavattā hoti, anokāsakammaṁ kāretvā pavattā hoti, na yathādhamme yathāvinaye yathāpattiyā codetā hoti, na yathādhamme yathāvinaye yathāpattiyā kāretā hoti, na yathādiṭṭhiyā byākattā hoti.
imehi kho upāli pañcahaṅgehi samannāgato bhikkhu saṅghe voharanto
bahujanaakanto ca hoti bahujanaamanāpo ca bahujanaarucito ca.

pañcahupāli, aṅgehi samannāgato bhikkhu saṅghe voharanto
bahujanakanto ca hoti, bahujanamanāpo ca bahujanarucito ca. katamehi pañcahi: na pasayhapavattā hoti, na okāsakammaṁ kāretvā pavattā hoti, yathādhamme yathāvinaye yathāpattiyā codetā hoti, yathādhamme yathāvinaye yathāpattiyā kāretā hoti, yathādiṭṭhiyā byākattā hoti.
imehi kho upāli pañcahaṅgehi samannāgato bhikkhu saṅghe voharanto
bahujanakanto ca hoti bahujanamanāpo ca bahujanarucito cāti.

9. kati nu kho bhante, ānisaṁsā vinayapariyattiyāti?

pañcime upāli, ānisaṁsā vinayapariyattiyā. katame pañca: attano sīlakkhandho sugutto hoti surakkhito, kukkuccāpakatānaṁ paṭisaraṇaṁ hoti, visārado saṅghamajjhe voharati, paccatthike sahadhammena suniggahītaṁ niggaṇhāti, saddhammaṭṭhitiyā paṭipanno hoti. ime kho upāli, pañcānisaṁsā vinayapariyattiyāti.

na paṭippassambhanavaggo dutiyo

[bjt page 202] [\x 202/]

tassuddānaṁ:

1. āpanno yāya vaṇṇañca alajjī saṅgāmena ca,
ussitā ussādetā ca pasayhapariyattiyāti.

paṭhamayamakapaññattī
[pts page 185] [\q 185/]

3. vohāravaggo

1. katīhi nu kho bhante aṅgehi samannāgatena bhikkhunā saṅghe na voharitabbanti?

pañcahupāli aṅgehi samannāgatena bhikkhunā saṅghe na voharitabbaṁ katamehi pañcahi: āpattiṁ na jānāti, āpattisamuṭṭhānaṁ na jānāti, āpattiyā payogaṁ na jānāti, āpattiyā vūpasamaṁ na jānāti, āpattiyā na vinicchayakusalo hoti. imehi kho upāli pañcahaṅgehi samannāgatena bhikkhunā saṅghe na voharitabbaṁ.

pañcahupāli aṅgehi samannāgatena bhikkhunā saṅghe voharitabbaṁ katamehi pañcahi: āpattiṁ jānāti, āpattisamuṭṭhānaṁ jānāti, āpattiyā payogaṁ jānāti, āpattiyā vūpasamaṁ jānāti, āpattiyā vinicchayakusalo hoti. imehi kho upāli pañcahaṅgehi samannāgatena bhikkhunā saṅghe voharitabbaṁ.

2. aparehipi upāli, pañcahaṅgehi samannāgatena bhikkhunā saṅghe na voharitabbaṁ katamehi pañcahi: adhikaraṇaṁ na jānāti, adhikaraṇasamuṭṭhānaṁ na jānāti, adhikaraṇassa payogaṁ na jānāti, adhikaraṇassa vūpasamaṁ na jānāti, adhikaraṇassa na vinicchayakusalo hoti. imehi kho upāli, pañcahaṅgehi samannāgatena bhikkhunā saṅghe na voharitabbaṁ.
pañcahupāli, aṅgehi samannāgatena bhikkhunā saṅghe voharitabbaṁ
katamehi pañcahi: adhikaraṇaṁ jānāti, adhikaraṇasamuṭṭhānaṁ jānāti, adhikaraṇassa payogaṁ jānāti, adhikaraṇassa vūpasamaṁ jānāti, adhikaraṇassa vinicchayakusalo hoti. imehi kho upāli, pañcahaṅgehi samannāgatena bhikkhunā saṅghe voharitabbaṁ.

3. aparehipi upāli, pañcahaṅgehi samannāgatena bhikkhunā saṅghe na voharitabbaṁ katamehi pañcahi: pasayha pavattā hoti, anokāsakammaṁ kāretvā pavattā hoti, na yathādhamme yathāvinaye yathāpattiyā codetā hoti, na yathādhamme yathāvinaye yathāpattiyā kāretā hoti, na yathādiṭṭhiyā byākattā hoti.
imehi kho upāli, pañcahaṅgehi samannāgatena bhikkhunā saṅghe na voharitabbaṁ.

[bjt page 204] [\x 204/]

pañcahupāli, aṅgehi samannāgatena bhikkhunā saṅghe voharitabbaṁ.
katamehi pañcahi: na pasayha pavattā hoti, okāsakammaṁ kāretvā pavattā hoti, yathādhamme yathāvinaye yathāpattiyā codetā hoti, yathādhamme yathāvinaye yathāpattiyā kāretā hoti, yathādiṭṭhiyā byākattā hoti.
imehi kho upāli, pañcahaṅgehi samannāgatena bhikkhunā saṅghe voharitabbaṁ.

4. aparehipi upāli, pañcahaṅgehi samannāgatena bhikkhunā saṅghe na voharitabbaṁ katamehi pañcahi: āpattānāpattiṁ na jānāti, lahukagarukaṁ āpattiṁ na jānāti, sāvasesānavasesaṁ āpattiṁ na jānāti, duṭṭhullāduṭṭhullaṁ āpattiṁ na jānāti, sappaṭikammaṁ appaṭikammaṁ āpattiṁ na jānāti,
imehi kho upāli, pañcahaṅgehi samannāgatena bhikkhunā saṅghe na voharitabbaṁ.

pañcahupāli, aṅgehi samannāgatena bhikkhunā saṅghe voharitabbaṁ
katamehi pañcahi: āpattānāpattiṁ jānāti, lahukagarukaṁ āpattiṁ jānāti, sāvasesānavasesaṁ āpattiṁ jānāti, duṭṭhullāduṭṭhullaṁ āpattiṁ jānāti, sappaṭikammaṁ appaṭikammaṁ āpattiṁ jānāti,
imehi kho upāli, pañcahaṅgehi samannāgatena bhikkhunā saṅghe voharitabbaṁ.

5. aparehipi upāli, pañcahaṅgehi samannāgatena bhikkhunā saṅghe na voharitabbaṁ katamehi pañcahi: kammaṁ na jānāti, kammassa karaṇaṁ na jānāti, kammassa vatthuṁ na jānāti, kammassa vattaṁ na jānāti, kammassa vūpasamaṁ na jānāti,
imehi kho upāli, pañcahaṅgehi samannāgatena bhikkhunā saṅghe na voharitabbaṁ.
[pts page 186] [\q 186/]

pañcahupāli, aṅgehi samannāgatena bhikkhunā saṅghe voharitabbaṁ
katamehi pañcahi: kammaṁ jānāti, kammassa karaṇaṁ jānāti, kammassa vatthuṁ jānāti, kammassa vattaṁ jānāti, kammassa vūpasamaṁ jānāti,
imehi kho upāli, pañcahaṅgehi samannāgatena bhikkhunā saṅghe voharitabbaṁ.

6. aparehipi upāli, pañcahaṅgehi samannāgatena bhikkhunā saṅghe na voharitabbaṁ katamehi pañcahi: vatthuṁ na jānāti, nidānaṁ na jānāti, paññattiṁ
na jānāti, padapaccābhaṭṭhaṁ na jānāti, anusandhivacanapathaṁ na jānāti,
imehi kho upāli, pañcahaṅgehi samannāgatena bhikkhunā saṅghe na voharitabbaṁ.

pañcahupāli, aṅgehi samannāgatena bhikkhunā saṅghe voharitabbaṁ
katamehi pañcahi: vatthuṁ jānāti, nidānaṁ jānāti, paññattiṁ
jānāti, padapaccābhaṭṭhaṁ jānāti, anusandhipacanapathaṁ jānāti,
imehi kho upāli, pañcahaṅgehi samannāgatena bhikkhunā saṅghe voharitabbaṁ.

[bjt page 206] [\x 206/]

7. aparehipi upāli, pañcahaṅgehi samannāgatena bhikkhunā saṅghe na voharitabbaṁ katamehi pañcahi: chandāgatiṁ gacchati, dosāgatiṁ gacchati, mohāgatiṁ gacchati, bhayāgatiṁ gacchati, alajjī ca hoti.
imehi kho upāli, pañcahaṅgehi samannāgatena bhikkhunā saṅghe na voharitabbaṁ.

pañcahupāli, aṅgehi samannāgatena bhikkhunā saṅghe voharitabbaṁ
katamehi pañcahi: na chandāgatiṁ gacchati, na dosāgatiṁ gacchati, na
mohāgatiṁ gacchati, na bhayāgatiṁ gacchati, lajjī ca hoti.
imehi kho upāli, pañcahaṅgehi samannāgatena bhikkhunā saṅghe voharitabbaṁ.

8. aparehipi upāli, pañcahaṅgehi samannāgatena bhikkhunā saṅghe na voharitabbaṁ katamehi pañcahi: chandāgatiṁ gacchati, dosāgatiṁ gacchati, mohāgatiṁ gacchati, bhayāgatiṁ gacchati, akusalo ca hoti vinaye.
imehi kho upāli, pañcahaṅgehi samannāgatena bhikkhunā saṅghe na voharitabbaṁ.

pañcahupāli, aṅgehi samannāgatena bhikkhunā saṅghe voharitabbaṁ
katamehi pañcahi: na chandāgatiṁ gacchati, na dosāgatiṁ gacchati, na
mohāgatiṁ gacchati, na bhayāgatiṁ gacchati, kusalo ca hoti vinaye.
imehi kho upāli, pañcahaṅgehi samannāgatena bhikkhunā saṅghe voharitabbaṁ.

9. aparehipi upāli, pañcahaṅgehi samannāgatena bhikkhunā saṅghe na voharitabbaṁ katamehi pañcahi: ñattiṁ na jānāti, ñattiyā karaṇaṁ na jānāti, ñattiyā anusāvaṇaṁ na jānāti, ñattiyā samathaṁ na jānāti, ñattiyā vūpasamaṁ na jānāti.
imehi kho upāli, pañcahaṅgehi samannāgatena bhikkhunā saṅghe na voharitabbaṁ.

pañcahupāli, aṅgehi samannāgatena bhikkhunā saṅghe voharitabbaṁ
katamehi pañcahi: ñattiṁ jānāti, ñattiyā karaṇaṁ jānāti, ñattiyā anusāvaṇaṁ jānāti, ñattiyā samathaṁ jānāti, ñattiyā vūpasamaṁ jānāti.
imehi kho upāli, pañcahaṅgehi samannāgatena bhikkhunā saṅghe voharitabbaṁ.

10. aparehipi upāli, pañcahaṅgehi samannāgatena bhikkhunā saṅghe na voharitabbaṁ katamehi pañcahi: suttaṁ na jānāti, suttānulomaṁ na jānāti,
vinayaṁ na jānāti, vinayānulomaṁ na jānāti, na ca ṭhānāṭhānakusalo hoti.
imehi kho upāli, pañcahaṅgehi samannāgatena bhikkhunā saṅghe na voharitabbaṁ.

pañcahupāli, aṅgehi samannāgatena bhikkhunā saṅghe voharitabbaṁ
katamehi pañcahi: suttaṁ jānāti, suttānulomaṁ jānāti,
vinayaṁ jānāti, vinayānulomaṁ jānāti, ṭhānāṭhānakusalo ca hoti.
imehi kho upāli, pañcahaṅgehi samannāgatena bhikkhunā saṅghe voharitabbaṁ.

[bjt page 208] [\x 208/]

11. aparehipi upāli, pañcahaṅgehi samannāgatena bhikkhunā saṅghe na voharitabbaṁ katamehi pañcahi: dhammaṁ na jānāti, dhammānulomaṁ na jānāti,
vinayaṁ na jānāti, vinayānulomaṁ na jānāti, na ca pubbāparakusalo hoti.
imehi kho upāli, pañcahaṅgehi samannāgatena bhikkhunā saṅghe na voharitabbaṁ.

pañcahupāli, aṅgehi samannāgatena bhikkhunā saṅghe voharitabbaṁ
katamehi pañcahi: dhammaṁ jānāti, dhammānulomaṁ jānāti,
vinayaṁ jānāti, vinayānulomaṁ jānāti, pubbāparakusalo ca hoti.
[pts page 187] [\q 187/]      imehi kho upāli, pañcahaṅgehi samannāgatena bhikkhunā saṅghe voharitabbanti.

vohāravaggo tatiyo

tassuddānaṁ:

āpatti adhikaraṇaṁ pasayhāpatti jānatā. 1
kammaṁ vatthuṁ alajji ca akusalo ca ñattiyā:
suttaṁ na jānāti dhammaṁ tatiyo viggasaṅgahoti.

4. diṭṭhāvīkammavaggo

1. kati nu kho bhante, adhammikā diṭṭhāvīkammāti. ?

pañcime upāli, adhammikā diṭṭhāvīkammā. katame pañca: anāpattiyā diṭṭhiṁ āvīkaroti, adesanāgāminiyā āpattiyā diṭṭhiṁ āvīkaroti, desitāya āpattiyā diṭṭhiṁ āvīkaroti, catūhi pañcahi diṭṭhiṁ āvīkaroti, mano mānasena diṭṭhiṁ āvīkaroti. ime kho upāli pañca adhammikā diṭṭhāvīkammā. 1

pañcime upāli, dhammikā diṭṭhāvīkammā. katame pañca: āpattiyā diṭṭhiṁ āvīkaroti, desanāgāminiyā āpattiyā diṭṭhiṁ āvīkaroti, adesitāya āpattiyā diṭṭhiṁ āvīkaroti, na catūhi pañcahi diṭṭhiṁ āvīkaroti, na mano mānasena diṭṭhiṁ āvīkaroti. ime kho upāli pañca dhammikā diṭṭhāvīkammā.

2. aparepi upāli pañca adhammikā diṭṭhāvīkammā. katame pañca: nānāsaṁvāsakassa diṭṭhiṁ āvīkaroti,
nānāsīmāya ṭhitassa santike diṭṭhiṁ āvīkaroti, apakatattassa santike
diṭṭhiṁ āvīkaroti, catūhi pañcahi diṭṭhiṁ āvīkaroti, mano mānasena diṭṭhiṁ āvīkaroti. ime kho upāli pañca adhammikā diṭṭhāvīkammā.

1. jānena - machasaṁ.

[bjt page 210] [\x 210/]

pañcime upāli, dhammikā diṭṭhāvīkammā. katame pañca:
samāna saṁvāsakassa diṭṭhaṁ āvīkaroti,
samāna sīmāya ṭhitassa santike diṭṭhiṁ āvīkaroti, pakatattassa santike
diṭṭhiṁ āvīkaroti, na catūhi pañcahi diṭṭhiṁ āvīkaroti, na mano mānasena diṭṭhiṁ āvīkaroti. ime kho upāli pañca dhammikā diṭṭhāvīkammāti.

3. kati nu kho bhante, adhammikā paṭiggahāti?

pañcime upāli adhammikā paṭiggahā. katame pañca: kāyena dīyamānaṁ kāyena apaṭiggahitaṁ, kāyena dīyamānaṁ kāyapaṭibaddhena apaṭīggahitaṁ, kāyapaṭibaddhena dīyamānaṁ kāyena apaṭiggahitaṁ, kāyapaṭibaddhena dīyamānaṁ kāyapaṭibaddhena apaṭiggahitaṁ, nissaggiyena dīyamānaṁ kāyena vā kāyapaṭibaddhena vā apaṭiggahitaṁ. ime kho upāli pañca adhammikā paṭiggahā.

pañcime upāli dhammikā paṭiggahā. katame pañca: kāyena dīyamānaṁ kāyena paṭiggahitaṁ, kāyena dīyamānaṁ kāyapaṭibaddhena paṭiggahitaṁ, kāyapaṭibaddhena dīyamānaṁ kāyena paṭiggahitaṁ, kāyapaṭibaddhena dīyamānaṁ kāyapaṭibaddhena paṭiggahitaṁ, nissaggiyena dīyamānaṁ kāyena vā kāyapaṭibaddhena vā paṭiggahitaṁ. ime kho upāli pañca dhammikā paṭiggahāti.
[pts page 188] [\q 188/]

4. kati nu kho bhante, anatirittāti?

pañcime upāli: anatirittā. katame pañca: akappiyakataṁ hoti, apaṭiggahitakataṁ hoti, anuccāritakataṁ hoti, ahatthapāse kataṁ hoti, alametaṁ sabbanti avuttaṁ hoti. ime kho upāli, pañca anatirittā.

pañcime upāli: atirittā. katame pañca: kappiyakataṁ hoti, paṭiggahitakataṁ hoti, uccāritakataṁ hoti, hatthapāse kataṁ hoti, alametaṁ sabbanti vuttaṁ hoti. ime kho upāli, pañca atirittāti.

5. katīhi nu kho bhante, ākārehi pavāraṇā paññāyatīti?

pañcahupāli, ākārehi pavāraṇā paññāyati. katamehi pañcahi: asanaṁ paññāyati, bhojanaṁ paññāyati, hatthapāse ṭhito, abhiharati, paṭikkhepo paññāyati. imehi kho upāli, pañcahākārehi pavāraṇā paññāyatīti.

6. kati nu kho bhante, adhammikā paṭiññātakaraṇāti?

pañcime upāli, adhammikā paṭiññātakaraṇā. katame pañca: bhikkhu pārājikaṁ ajjhāpanno hoti, pārājikena codiyamāne saṅghādisesaṁ ajjhāpannoti paṭijānāti, taṁ saṅgho saṅghādisesena kāreti, adhammikaṁ paṭiññātakaraṇaṁ.
bhikkhu pārājikaṁ ajjhāpanno
hoti, pārājikena codiyamāne pācittiyaṁ ajjhāpannoti paṭijānāti, taṁ saṅgho pācittiyena kāreti, adhammikaṁ paṭiññātakaraṇaṁ.
bhikkhu pārājikaṁ ajjhāpanno hoti,
pārājikena codiyamāne pāṭidesanīyaṁ ajjhāpannoti paṭijānāti, taṁ
saṅgho pāṭidesaniyena kāreti, adhammikaṁ paṭiññātakaraṇaṁ.

[bjt page 212] [\x 212/]

dukkaṭaṁ ajjhāpannoti paṭijānāti, taṁ saṅgho dukkaṭena kāreti, adhammikaṁ paṭiññātakaraṇaṁ. bhikkhu saṅghādisesaṁ
dukkaṭaṁ ajjhāpannoti paṭijānāti, taṁ saṅgho dukkaṭena kāreti, adhammikaṁ paṭiññātakaraṇaṁ. bhikkhu pācittiyaṁ
dukkaṭaṁ ajjhāpannoti paṭijānāti, taṁ saṅgho dukkaṭena kāreti, adhammikaṁ paṭiññātakaraṇaṁ. bhikkhu pāṭidenīyaṁ
dukkaṭaṁ ajjhāpannoti paṭijānāti, taṁ saṅgho dukkaṭena kāreti, adhammikaṁ paṭiññātakaraṇaṁ.
bhikkhu dukkaṭaṁ ajjhāpanno hoti, dukkaṭena codiyamāne pārājikaṁ
ajjhāpannoti paṭijānāti, taṁ saṅgho pārājikena kāreti, adhammikaṁ paṭiññātakaraṇaṁ.
bhikkhu dukkaṭaṁ ajjhāpanno hoti, dukkaṭena codiyamāne saṅghādisesaṁ
ajjhāpannoti paṭijānāti, taṁ saṅgho saṅghādisesena kāreti, adhammikaṁ paṭiññātakaraṇaṁ.
bhikkhu dukkaṭaṁ ajjhāpanno hoti, dukkaṭena codiyamāne pācittiyaṁ
ajjhāpannoti paṭijānāti, taṁ saṅgho pācittiyena kāreti,
adhammikaṁ paṭiññātakaraṇaṁ.
bhikkhu dukkaṭaṁ ajjhāpanno hoti, dukkaṭena codiyamāne pāṭidesanīyaṁ
ajjhāpannoti paṭijānāti, taṁ saṅgho pāṭisenīyena kāreti,
adhammikaṁ paṭiññātakaraṇaṁ. ime kho upāli, pañca adhammikā paṭiññātakaraṇā.

pañcime upāli, dhammikā paṭiññātakaraṇā, katame pañca:
bhikkhu pārājikaṁ ajjhāpanno
hoti, pārājikena codiyamāne pārājikaṁ ajjhāpannoti paṭijānāti. taṁ saṅgho pārājikena kāreti, dhammikaṁ paṭiññātakaraṇaṁ.

bhikkhu saṅghādisesaṁ ajjhāpanno
hoti, saṅghādisesena codiyamāne saṅghādisesaṁ ajjhāpannoti paṭijānāti. taṁ saṅgho saṅghādisesena kāreti, dhammikaṁ paṭiññātakaraṇaṁ.
bhikkhu pācittiyaṁ ajjhāpanno
hoti, pācittiyena codiyamāne pācittiyaṁ ajjhāpannoti paṭijānāti. taṁ
saṅgho pācittiyena kāreti, dhammikaṁ paṭiññātakaraṇaṁ.
bhikkhu pāṭidesanīyaṁ ajjhāpanno
hoti, pāṭidesanīyena codiyamāne pāṭidesanīyaṁ ajjhāpannoti paṭijānāti. taṁ saṅgho pāṭidesanīyena kāreti, dhammikaṁ paṭiññātakaraṇaṁ.
bhikkhu dukkaṭaṁ ajjhāpanno
hoti, dukkaṭena codiyamāne dukkaṭaṁ ajjhāpannoti paṭijānāti. taṁ saṅgho dukkaṭena kāreti, dhammikaṁ paṭiññātakaraṇaṁ. ime kho upāli, pañca dhammikā paṭiññātakaraṇāti.

[pts page 189] [\q 189/]

7. katīhi nu kho bhante, aṅgehi samannāgatassa bhikkhuno okāsakammaṁ kārāpentassa nālaṁ okāsakammaṁ kātunti?

pañcahupāli, aṅgehi samannāgatassa bhikkhuno okāsakammaṁ kārāpentassa nālaṁ okāsakammaṁ kātuṁ, katamehi pañcahi: alajjī ca hoti, bālo ca apakatatto ca, cāvanādhippāyo vattā hoti, na vuṭṭhānādhippāyo. imehi kho upāli, pañcahaṅgehi samannāgatassa bhikkhuno okāsakammaṁ kārāpentassa nālaṁ okāsakammaṁ kātuṁ.

pañcahupāli, aṅgehi samannāgatassa bhikkhuno okāsakammaṁ kārāpentassa alaṁ okāsakammaṁ kātuṁ, katamehi pañcahi: lajjī ca hoti, paṇḍito ca pakatatto ca, vuṭṭhānādhippāyo vattā hoti, no cāvanādhippāyo. imehi kho upāli, pañcahaṅgehi samannāgatassa bhikkhuno okāsakammaṁ kārāpentassa alaṁ okāsakammaṁ kātunti.

8. katīhi nukho bhante, aṅgehi samannāgatena bhikkhunā saddhiṁ vinayo na sākacchātabboti?

pañcahupāli, aṅgehi samannāgatena bhikkhūnā saddhiṁ vinayo na sākacchātabbo, katamehi pañcahi: vatthuṁ na jānāti, nidānaṁ na jānāti, paññattiṁ na jānāti. padapaccābhaṭṭhaṁ na jānāti, anusandhivacanapathaṁ na jānāti. imehi kho upāli, pañcahaṅgehi samannāgatena bhikkhunā saddhiṁ vinayo na sākacchātabbo.

[bjt page 214] [\x 214/]

pañcahupāli, aṅgehi samannāgatena bhikkhūnā saddhiṁ vinayo sākacchātabbo, katamehi pañcahi: vatthuṁ jānāti, nidānaṁ jānāti, paññattiṁ jānāti. padapaccābhaṭṭhaṁ jānāti, anusandhivacanapathaṁ jānāti. imehi kho upāli, pañcahaṅgehi
samannāgatena bhikkhunā saddhiṁ vinayo sākacchātabboti.

9. katthi nu kho bhante, pañhapucchāti?

pañcimā upāli, pañhapucchā. katamā pañca: mandattā momūhattā pañhaṁ pucchati, pāpiccho icchāpakato pañhaṁ pucchati, aññātukāmo pañhaṁ pucchati, sace me pañhaṁ puṭṭho sammadeva byākarissati iccetaṁ kusalaṁ, no ce pañhaṁ puṭṭho sammadeva byākarissati, ahamassa sammadeva byākarissāmīti pañhaṁ pucchati. imā kho upāli, pañca pañhapucchāti.

10. kati nu kho bhante, aññabyākaraṇāti?

pañcime upāli, aññabyākaraṇā. katame pañca: mandattā momūhattā aññaṁ byākaroti, pāpiccho icchāpakato aññaṁ byākaroti, ummādā cittakkhepā aññaṁ byākaroti, adhimānena aññaṁ byākaroti, bhūtaṁ aññaṁ byākaroti. ime kho upāli, pañca aññabyākaraṇāti.

11. kati nu kho bhante, visuddhiyoti?

pañcimā upāli, visuddhiyo. katamā pañca: nidānaṁ uddisitvā avasesaṁ sutena sāvetabbaṁ, ayaṁ paṭhamā visuddhi. nidānaṁ uddisitvā cattāri pārājikāni uddisitvā avasesaṁ sutena sāvetabbaṁ, ayaṁ dutiyā visuddhi. nidānaṁ uddisitvā cattāri pārājikāni uddisitvā terasa saṅghādisese uddisitvā avasesaṁ sutena sāvetabbaṁ, ayaṁ tatiyā visuddhi. nidānaṁ uddisitvā cattāri pārājikāni uddisitvā terasa saṅghādisese uddisitvā dve aniyate uddisitvā avasesaṁ sutena sāvetabbaṁ, ayaṁ catutthā visuddhi, vitthāreneva pañcamī. imā kho upāli, pañca visuddhiyoti.
[pts page 190] [\q 190/]

12. kati nu kho bhante, bhojanāti?

pañcime upāli bhojanā. katame pañca: odano, kummāso, sattu, maccho, maṁsaṁ. ime kho upāli, pañca bhojanāti.

diṭṭhāvīkammavaggo catuttho

tassuddānaṁ:

diṭṭhāvīkammā apare paṭiggahā anatirittā,
pavāraṇā paṭiññātaṁ okāsaṁ sākacchena ca:
pañhaṁ aññabyākaraṇā visuddhi cāpi bhojanāti

[bjt page 216] [\x 216/]

5. attādāna vaggo

1. codakena bhante, bhikkhunā paraṁ codetukāmena kati dhamme ajjhattaṁ paccavekkhitvā paro codetabboti?

codakenupāli, bhikkhunā paraṁ codetukāmena pañca dhamme ajjhattaṁ paccavekkhitvā paro codetabbo. katame pañca: codakenupāli, bhikkhunā paraṁ codetukāmena evaṁ paccavekkhitabbaṁ: ''parisuddhakāyasamācāro nu khomhi, parisuddhenamhi kāyasamācārena samannāgato acchiddena appaṭimaṁsena, saṁvijjati nu kho me eso dhammo udāhu noti, '' no ce upāli, bhikkhu parisuddhakāyasamācāro hoti parisuddhena kāyasamācārena samantāgato acchiddena appaṭimaṁsena, tassa bhavanti vattāro: 'iṅgha tāva āyasmā kāyikaṁ sikkhassū'ti. itissa bhavanti vattāro.

punacaparaṁ upāli, codakena bhikkhunā paraṁ codetukāmena evaṁ paccavekkhitabbaṁ: parisuddhavacīsamācāro nu khomhi, parisuddhenamhi vacīsamācārena samannāgato acchiddena appaṭimaṁsena, saṁvijjati nu kho me eso dhammo udāhu noti, no ce upāli, bhikkhu parisuddha vacīsamācāro hoti, parisuddhena vacīsamācārena samannāgato acchiddena appaṭimaṁsena, tassa bhavanti vattāro iṅgha tāva āyasmā vācasikaṁ sikkhassū'ti. itissa bhavanti vattāro.

punacaparaṁ upāli, codakena bhikkhunā paraṁ codetukāmena evaṁ paccavekkhitabbaṁ: mettaṁ nu kho me cittaṁ paccupaṭṭhitaṁ sabrahmacārīsu anāghāti, saṁvijjati nu kho me eso dhammo udāhu noti, no ce upāli, bhikkhuno mettaṁ cittaṁ paccupaṭṭhitaṁ hoti sabrahmacārīsu anāghāti, tassa bhavanti vattāro 'iṅgha tāva āyasmā sabrahmacārīsu mettaṁ cittaṁ upaṭṭhapehī'ti. itissa bhavanti vattāro.

punacaparaṁ upāli, codakena bhikkhunā paraṁ codetukāmena evaṁ paccavekkhitabbaṁ: bahussuto nu khomhi sutadharo sutasannicayo, ye te dhammā ādikalyāṇā majjhe kalyāṇā pariyosānakalyāṇā sātthā savyañjanā kevalapariṇṇaṁ parisuddhaṁ brahmacariyaṁ abhivadanti, tathārūpā me dhammā bahussutā honti dhatā vacasā paricitā manasānupekkhitā diṭṭhiyā suppaṭividdhā, saṁvijjati nu kho me eso dhammo udāhu noti, no ce upāli bhikkhu bahussuto hoti sutadharo sutasannicayo, ye te dhammā ādikalyāṇā majjhe kalyāṇā pariyosānakalyāṇā sātthā savyañjanā kevalaparipuṇṇaṁ parisuddhaṁ brahmacariyaṁ abhivadanti, tathārūpāssa dhammā na bahussutā honti dhatā vacasā paricitā manasānupekkhitā diṭṭhiyā suppaṭividdhā, tassa bhavanti vattāro: iṅgha tāva āyasmā āgamaṁ pariyāpuṇassū'ti itissa bhavanti vattāro.
[bjt page 218] [\x 218/]

punacaparaṁ upāli, codakena bhikkhunā paraṁ codetukāmena evaṁ paccavekkhitabbaṁ: ubhayāni kho me pātimokkhāni vitthārena svāgatāni honti suvibhattāni suppavattīni suvinicchitāni suttaso anuvyañjanaso, saṁvijjati nu kho me eso dhammo udāhu noti, no ce upāli, bhikkhuno ubhayāni pātimokkhāni vitthārena svāgatāni honti suvibhattāni suppavattīni suvinicchitāni suttaso anubyañjanaso, idaṁ panāvuso, kattha vuttaṁ bhagavatāti iti puṭṭho na sampādeti, na saññāyati. tassa bhavanti vattāro: 'iṅgha tāya āyasmā vinayaṁ pariyāpuṇassū'ti itissa bhavanti vattāro. codakenupāli, bhikkhunā paraṁ codetukāmena ime pañca dhamme ajjhattaṁ paccavekkhitvā paro codetabboti.

2. codakena bhante, bhikkhunā paraṁ codetukāmena kati dhamme ajjhattaṁ upaṭṭhapetvā paro codetabboti?

codakenupāli, bhikkhunā paraṁ codetukāmena pañca dhamme ajjhattaṁ upaṭṭhapetvā paro codetabbo. katame pañca: kālena vakkhāmi no akālena, bhūtena vakkhāmi no abhūtena, saṇhena vakkhāmi no pharusena, atthasaṁhitena vakkhāmi no anatthasaṁhitena, mettacitto vakkhāmi no dosantaroti. codakenupāli, bhikkhunā paraṁ codetukāmena ime pañca dhamme ajjhattaṁ upaṭṭhapetvā paro codetabboti.

3. codakena bhante, bhikkhunā paraṁ codetukāmena kati dhamme ajjhattaṁ manasikaritvā paro codetabboti?

codakenupāli, bhikkhunā paraṁ codetukāmena pañca dhamme ajjhattaṁ manasikaritvā paro codetabbo, katame pañca: kāruññatā, hitesitā, anukampitā, āpattivuṭṭhānatā, vinayapurekkhāratā. codakenupāli, bhikkhunā paraṁ codetukāmena ime pañca dhamme ajjhattaṁ manasikaritvā paro codetabboti.

4. katīhi nu kho bhante, aṅgehi samannāgatassa bhikkhuno okāsakammaṁ kārāpentassa nālaṁ okāsakammaṁ kātunti?

pañcahupāli, aṅgehi samannāgatassa bhikkhuno okāsakammaṁ kārāpentassa nālaṁ okāsakammaṁ kātuṁ, katamehi pañcahi: aparisuddhakāyasamācāro hoti, aparisuddhavacīsamācāro hoti, aparisuddhājīvo hoti, bālo ca hoti abyatto, na paṭibalo anuyuñjiyamāno anuyogaṁ dātuṁ. [pts page 191] [\q 191/]      imehi kho upāli, pañcahaṅgehi samannāgatassa bhikkhuno okāsakammaṁ kārāpentassa nālaṁ okāsakammaṁ kātuṁ.

pañcahupāli, aṅgehi samannāgatassa bhikkhuno okāsakammaṁ kārāpentassa alaṁ okāsakammaṁ kātuṁ, katamehi pañcahi: parisuddhakāyasamācāro hoti, parisuddhavacīsamācāro hoti, parisuddhājīvo hoti, paṇḍito hoti byatto, paṭibalo anuyuñjiyamāno anuyogaṁ dātuṁ. imehi kho upāli, pañcahaṅgehi samannāgatassa bhikkhuno okāsakammaṁ kārāpentassa alaṁ okāsakammaṁ kātunti.
[bjt page 220] [\x 220/]

5. attādānaṁ ādātukāmena bhante, bhikkhunā katīhaṅgehi samannāgataṁ attādānaṁ ādātabbanti?

attādānaṁ ādātukāmenupāli, bhikkhunā pañcahaṅgehi samannagataṁ attādānaṁ ādātabbaṁ, katamehi pañcahi: attādānaṁ ādātukāmenupāli, bhikkhunā evaṁ paccavekkhitabbaṁ: 'yaṁ kho ahaṁ imaṁ attādānaṁ ādātukāmo, kālo nu kho imaṁ attādānaṁ ādātuṁ udāhu no'ti. sace upāli, bhikkhu paccavekkhamāno evaṁ 'jānāti: akālo imaṁ attādānaṁ ādātuṁ, no kālo'ti. na taṁ upāli, attādānaṁ ādātabbaṁ.

sace panupāli, bhikkhu paccavekkhamāno evaṁ jānāti: kālo imaṁ attādānaṁ ādātuṁ no akāloti. tenupāli bhikkhunā uttariṁ paccavekkhitabbaṁ: 'yaṁ kho ahaṁ imaṁ attādānaṁ ādātukāmo, bhūtaṁ nu kho imaṁ attādānaṁ udāhu noti. sace panupāli, bhikkhu paccavekkhamāno evaṁ jānāti: 'abhūtaṁ imaṁ attādānaṁ, no bhūta'nti. na taṁ upāli, attādānaṁ ādātabbaṁ.

sace panupāli, bhikkhu paccavekkhamāno evaṁ jānāti: 'bhūtaṁ idaṁ attādānaṁ no abhūta'nti. tenupāli bhikkhunā uttariṁ paccavekkhitabbaṁ: yaṁ kho
ahaṁ imaṁ attādānaṁ ādātukāmo, atthasaṁhitaṁ nu kho imaṁ attādānaṁ udāhu noti. sace panupāli, bhikkhu paccavekkhamāno evaṁ jānāti: 'anatthasaṁhitaṁ idaṁ attādānaṁ no atthasaṁhita'nti. na taṁ upāli, attādānaṁ ādātabbaṁ.

sace panupāli, bhikkhu paccavekkhamāno evaṁ jānāti: atthasaṁhitaṁ idaṁ attādānaṁ no anatthasaṁhitanti. tenupāli, bhikkhunā uttariṁ paccavekkhitabbaṁ. imaṁ kho ahaṁ attādānaṁ ādiyamāno labhissāmi sandiṭṭhe sambhatte bhikkhu dhammato vinayato pakkhe udāhu noti. sace upāli, bhikkhu paccavekkhamāno evaṁ jānāti: imaṁ kho ahaṁ attādānaṁ ādiyamāno na labhissāmi sandiṭṭhe sambhatte bhikkhū dhammato vinayato pakkheti. na taṁ upāli, attādānaṁ ādātabbaṁ.

sace panupāli, bhikkhu paccavekkhamāno evaṁ jānāti: 'imaṁ kho ahaṁ attādānaṁ ādiyamāno labhissāmi sandiṭṭhe sambhatte bhikkhū dhammato vinayato pakkhe'ti. tenupāli, bhikkhunā uttariṁ paccavekkhitabbaṁ: 'imā kho me attādānaṁ ādiyato bhavissati saṅghassa tatonidānaṁ bhaṇḍanaṁ kalaho viggaho vivādo saṅghabhedo saṅgharājī saṅghavavatthānaṁ saṅghanānākaraṇaṁ udāhu noti. sace upāli, bhikkhu paccavekkhamāno evaṁ jānāti: 'imaṁ kho me attādānaṁ ādiyato bhavissati saṅghassa tato nidānaṁ bhaṇḍanaṁ kalaho viggaho vivādo saṅghabhedo saṅgharājī saṅghavavatthānaṁ saṅghanānākaraṇanti. na taṁ upāli attādānaṁ ādātabbaṁ.

sace panupāli, bhikkhu paccavekkhamāno evaṁ jānāti: 'imaṁ kho me attādānaṁ ādiyato na bhavissati saṅghassa tato nidānaṁ bhaṇḍanaṁ kalaho viggaho vivādo saṅghabhedo saṅgharājī saṅghavavatthānaṁ saṅgha nānākaraṇa'nti. taṁ ādātabbaṁ upāli, attādānaṁ. evaṁ pañcaṅgasamannāgataṁ kho upāli attādānaṁ ādinnaṁ pacchāpi avippaṭisārakaraṁ bhavissatīti.

[bjt page 222] [\x 222/]

6. katīhi nu kho bhante, aṅgehi samannāgato bhikkhū adhikaraṇajātānaṁ bhikkhūnaṁ bahūpakāro hotīti?

pañcahupāli, aṅgehi samannāgato bhikkhū adhikaraṇajātānaṁ bhikkhūnaṁ bahūpakāro hoti, katamehi pañcahi: sīlavā hoti pātimokkhasaṁvarasaṁvuto viharati ācāragocarasampanno aṇumattesu vajjesu bhayadassāvī samādāya sikkhati sikkhāpadesu, bahussuto hoti sutadharo sutasannicayo ye te dhammā ādikalyāṇā majjhe kalyāṇā pariyosānakalyāṇā sātthā savyañjanā kevalaparipuṇṇaṁ parisuddhaṁ brahmacariyaṁ abhivadanti tathā rūpāssa dhammā bahussutā honti dhatā vacasā paricitā manasānupekkhitā diṭṭhiyā suppaṭividdhā, ubhayāni kho panassa pātimokkhāni vitthārena svāgatāni honti suvibhattāni suppavattīni suvinicchitāni suttaso anubyañjanaso, vinaye kho pana ṭhito hoti asaṁhīro, paṭibalo hoti ubho attapaccatthike assāsetuṁ saññāpetuṁ nijjhāpetuṁ pekkhetuṁ pasādetuṁ. imehi kho upāli, pañcahaṅgehi samannāgato bhikkhu adhikaraṇajātānaṁ bhikkhūnaṁ bahūpakāro hoti.

aparehipi upāli, pañcahaṅgehi samannāgato bhikkhu adhikaraṇajātānaṁ bhikkhūnaṁ bahūpakāro hoti, katamehi pañcahi: parisuddhakāyasamācāro hoti, parisuddhavacīsamācāro hoti. parisuddhājīvo hoti, paṇḍito hoti byatto paṭibalo anuyuñjiyamāno anuyogaṁ dātuṁ. imehi kho upāli, pañcahaṅgehi samannāgato bhikkhu adhikaraṇajātānaṁ bhikkhūnaṁ bahūpakāro hoti.

aparehipi upāli, pañcahaṅgehi samannāgato bhikkhu adhikaraṇajātānaṁ bhikkhūnaṁ bahūpakāro hoti. katamehi pañcahi: vatthuṁ jānāti, nidānaṁ jānāti, paññattiṁ jānāti, [pts page 192] [\q 192/]      padapaccābhaṭṭhaṁ jānāti, anusandhivacanapathaṁ jānāti. imehi kho upāli, pañcahaṅgehi samannāgato bhikkhu adhikaraṇajātānaṁ bhikkhūnaṁ bahūpakāro hotīti.

7. katīhi nu kho bhante, aṅgehi samannāgatena bhikkhunā nānuyuñjitabbanti?

pañcahupāli, aṅgehi samannāgatena bhikkhunā nānuyuñjitabbaṁ. katamehi pañcahi: suttaṁ na jānāti, suttānulomaṁ na jānāti, vinayaṁ na jānāti, vināyānulomaṁ na jānāti, na ca ṭhānāṭhānakusalo hoti. imehi kho upāli, pañcahaṅgehi samannāgatena bhikkhunā nānuyuñjitabbaṁ.

pañcahupāli, aṅgehi samannāgatena bhikkhunā anuyuñjitabbaṁ. katamehi pañcahi: suttaṁ jānāti, suttānulomaṁ jānāti, vinayaṁ jānāti, vināyānulomaṁ jānāti, ṭhānāṭhānakusalo ca hoti. imehi kho upāli, pañcahaṅgehi samannāgatena bhikkhunā anuyuñjitabbaṁ.

[bjt page 224] [\x 224/]

8. aparehipi upāli, pañcahaṅgehi samannāgatena bhikkhunā nānuyuñjitabbaṁ.
katamehi pañcahi: dhammaṁ na jānāti, dhammānulomaṁ na jānāti, vinayaṁ na jānāti, vināyānulomaṁ na jānāti, na ca pubbāparakusalo hoti.
imehi kho upāli, pañcahaṅgehi samannāgatena bhikkhunā nānuyuñjitabbaṁ.

pañcahupāli, aṅgehi samannāgatena bhikkhunā anuyuñjitabbaṁ.
katamehi pañcahi: dhammaṁ jānāti, dhammānulomaṁ jānāti, vinayaṁ jānāti, vināyānulomaṁ jānāti, pubbāparakusalo ca hoti.
imehi kho upāli, pañcahaṅgehi samannāgatena bhikkhunā anuyuñjitabbaṁ.

9. aparehipi upāli, pañcahaṅgehi samannāgatena bhikkhunā nānuyuñjitabbaṁ.
katamehi pañcahi: vatthuṁ na jānāti, nidānaṁ na jānāti, paññattiṁ na jānāti, padapaccābhaṭṭhaṁ na jānāti, anusandhivacanapathaṁ na jānāti.
imehi kho upāli, pañcahaṅgehi samannāgatena bhikkhunā nānuyuñjitabbaṁ.

pañcahupāli, aṅgehi samannāgatena bhikkhunā anuyuñjitabbaṁ.
katamehi pañcahi: vatthuṁ jānāti, nidānaṁ jānāti, paññattiṁ jānāti,
padapaccābhaṭṭhaṁ jānāti, anusandhivacanapathaṁ jānāti.
imehi kho upāli, pañcahaṅgehi samannāgatena bhikkhunā anuyuñjitabbaṁ.

10. aparehipi upāli, pañcahaṅgehi samannāgatena bhikkhunā nānuyuñjitabbaṁ.
katamehi pañcahi: āpattiṁ na jānāti, āpatti samuṭṭhānaṁ na jānāti, āpattiyā payogaṁ na jānāti, āpattiyā vūpasamaṁ na jānāti, na āpattiyā vinicchayakusalo hoti. imehi kho upāli, pañcahaṅgehi samannāgatena bhikkhunā nānuyuñjitabbaṁ.

pañcahupāli, aṅgehi samannāgatena bhikkhunā anuyuñjitabbaṁ.
katamehi pañcahi: āpattiṁ jānāti, āpatti samuṭṭhānaṁ jānāti, āpattiyā payogaṁ jānāti, āpattiyā vūpasamaṁ jānāti, āpattiyā vinicchayakusalo hoti. imehi kho upāli, pañcahaṅgehi samannāgatena bhikkhunā anuyuñjitabbaṁ.

11. aparehipi upāli, pañcahaṅgehi samannāgatena bhikkhunā nānuyuñjitabbaṁ.
katamehi pañcahi: adhikaraṇaṁ na jānāti, adhikaraṇa samuṭṭhānaṁ na jānāti, adhikaraṇassa payogaṁ na jānāti, adhikaraṇassa vūpasamaṁ na jānāti, adhikaraṇassa na vinicchayakusalo hoti. imehi kho upāli, pañcahaṅgehi samannāgatena bhikkhunā
nānuyuñjitabbaṁ.

pañcahupāli, aṅgehi samannāgatena bhikkhunā anuyuñjitabbaṁ.
katamehi pañcahi: adhikaraṇaṁ jānāti, adhikaraṇa samuṭṭhānaṁ jānāti, adhikaraṇassa payogaṁ jānāti, adhikaraṇassa vūpasamaṁ jānāti, adhikaraṇassa
vinicchayakusalo hoti. imehi kho upāli, pañcahaṅgehi samannāgatena bhikkhunā
anuyuñjitabbaṁ.

attādānavaggo pañcamo

[bjt page 226] [\x 226/]

tassuddānaṁ:

parisuddhañca kālena kāruññena1 okāsena ca,
attādānaṁ adhikaraṇaṁ aparehi ca vatthū ca:
suttaṁ dhammaṁ puna vatthu ca āpatti adhikaraṇena cāti.
[pts page 193] [\q 193/]

6. dhutaṅga vaggo

1. kati nu kho bhante āraññakāti?

pañcime upāli, āraññakā. katame pañca: mandattā momuhattā āraññako hoti, pāpiccho icchāpakato āraññako hoti. ummādā cittakkhepā āraññako hoti, vaṇṇitaṁ buddhehi buddhasāvakehīti āraññako hoti, api ca appicchataññeva nissāya santuṭṭhiññeva nissāya sallekhaññeva nissāya pavivekaññeva nissāya idamatthitaññeva nissāya āraññako hoti. ime kho upāli, pañca āraññakāti. 2. kati nu kho bhante piṇḍapātikāti?

pañcime upāli, piṇḍapātikā. katame pañca: mandattā momuhattā
piṇḍapātiko hoti, pāpiccho icchāpakato piṇḍapātiko hoti.
ummādā cittakkhepā piṇḍapātiko hoti, vaṇṇitaṁ
buddhehi buddhasāvakehīti piṇḍapātiko hoti, api ca appicchataññeva
nissāya santuṭṭhiññeva nissāya sallekhaññeva nissāya pavivekaññeva nissāya idamatthitaññeva nissāya piṇḍapātiko hoti. ime kho upāli, pañca piṇḍapātikāti.
3. kati nu kho bhante, paṁsukūlikāti?

pañcime upāli, paṁsakūlikā. katame pañca: mandattā momuhattā paṁsakūliko hoti, pāpiccho icchāpakato paṁsakūliko hoti. ummādā cittakkhepā paṁsakūliko hoti, vaṇṇitaṁ buddhehi buddhasāvakehīti paṁsakūliko hoti, api ca appicchataññeva nissāya santuṭṭhiññeva nissāya sallekhaññeva nissāya pavivekaññeva nissāya idamatthitaññeva nissāya paṁsakūliko hoti. ime kho upāli, pañca paṁsakūlikāti.

4. kati nu kho bhante, rukkhamūlikāti?

pañcime upāli, rukkhamūlikā. katame pañca: mandattā momuhattā rukkhamūliko hoti, pāpiccho icchāpakato rukkhamūliko hoti. ummādā cittakkhepā rukkhamūliko hoti, vaṇṇitaṁ buddhehi buddhasāvakehīti rukkhamūliko hoti, api ca appicchataññeva nissāya santuṭṭhiññeva nissāya sallekhaññeva nissāya
pavivekaññeva nissāya idamatthitaññeva nissāya rukkhamūliko hoti. ime kho upāli, pañca rukkhamūlikāti.

5. kati nu kho bhante, sosānikāti?

pañcime upāli, sosānikā. katame pañca: mandattā momuhattā sosāniko hoti, pāpiccho icchāpakato sosāniko hoti. ummādā cittakkhepā sosāniko hoti, vaṇṇitaṁ buddhehi buddhasāvakehīti sosāniko hoti, api ca appicchataññeva nissāya santuṭṭhiññeva nissāya sallekhaññeva nissāya
pavivekaññeva nissāya idamatthitaññeva nissāya sosāniko hoti. ime kho upāli, pañca sosānikāti.

6. kati nu kho bhante, abbhokāsikāti?

pañcime upāli, abbhokāsikā. katame pañca: mandattā momuhattā abbhokāsiko hoti, pāpiccho icchāpakato abbhokāsiko hoti. ummādā cittakkhepā abbhokāsiko hoti, vaṇṇitaṁ buddhehi buddhasāvakehīti abbhokāsiko hoti, api ca appicchataññeva nissāya santuṭṭhiññeva nissāya sallekhaññeva nissāya pavivekaññeva nissāya idamatthitaññeva nissāya abbhokāsiko hoti. ime kho upāli, pañca abbhokāsikāti.

7. kati nu kho bhante, tecīvarikāti?

pañcime upāli, tecīvarikā. katame pañca: mandattā momuhattā tecīvariko
hoti, pāpiccho icchāpakato tecīvariko hoti. ummādā cittakkhepā tecīvariko hoti, vaṇṇitaṁ buddhehi buddhasāvakehīti tecīvariko hoti, api ca appicchataññeva nissāya santuṭṭhiññeva nissāya sallekhaññeva nissāya
pavivekaññeva nissāya idamatthitaññeva nissāya tecīvariko hoti. ime kho upāli, pañca tecīvarikāti.

8. kati nu kho bhante, sapadānacārikāti?

pañcime upāli, sapadānacārikā. katame pañca: mandattā momuhattā sapadānacāriko hoti, pāpiccho icchāpakato sapadānacāriko hoti. ummādā cittakkhepā sapadānacāriko hoti, vaṇṇitaṁ buddhehi buddhasāvakehīti sapadānacāriko hoti, api ca appicchataññeva nissāya santuṭṭhiññeva nissāya sallekhaññeva nissāya pavivekaññeva nissāya idamatthitaññeva nissāya sapadānacāriko hoti. ime kho upāli, pañca sapadānacārikāti.

9. kati nu kho bhante, nesajjikāti?

pañcime upāli, nesajjikā. katame pañca: mandattā momuhattā nesajjiko
hoti, pāpiccho icchāpakato nesajjiko hoti. ummādā cittakkhepā nesajjiko hoti, vaṇṇitaṁ buddhehi buddhasāvakehīti nesajjiko hoti, api ca appicchataññeva nissāya santuṭṭhiññeva nissāya sallekhaññeva nissāya
pavivekaññeva nissāya idamatthitaññeva nissāya nesajjiko hoti. ime kho upāli, pañca nesajjikāti.

10. kati nu kho bhante, yathāsanthatikāti?

pañcime upāli, yathāsanthatikā. katame pañca: mandattā momuhattā yathāsanthatiko hoti, pāpiccho icchāpakato yathāsanthatiko hoti. ummādā cittakkhepā yathāsanthatiko hoti, vaṇṇitaṁ buddhehi buddhasāvakehīti yathāsanthatiko hoti, api ca appicchataññeva nissāya santuṭṭhiññeva nissāya sallekhaññeva nissāya pavivekaññeva nissāya idamatthitaññeva nissāya yathāsanthatiko hoti. ime kho upāli, pañca yathāsanthatikāti.

11. kati nu kho bhante, ekāsanikāti?

pañcime upāli, ekāsanikā. katame pañca: mandattā momuhattā ekāsaniko
hoti, pāpiccho icchāpakato ekāsaniko hoti. ummādā cittakkhepā ekāsaniko hoti, vaṇṇitaṁ buddhehi buddhasāvakehīti ekāsaniko hoti, api ca appicchataññeva nissāya santuṭṭhiññeva nissāya sallekhaññeva nissāya
pavivekaññeva nissāya idamatthitaññeva nissāya ekāsaniko hoti. ime kho upāli, pañca ekāsanikāti.

12. kati nu kho bhante, khalupacchābhattikāti?

pañcime upāli, khalupacchābhattikā. katame pañca: mandattā momuhattā
khalupacchābhattiko hoti, pāpiccho icchāpakato khalupacchābhattiko hoti. ummādā cittakkhepā khalupacchābhattiko hoti,
vaṇṇitaṁ buddhehi buddhasāvakehīti khalupacchābhattiko hoti, api ca
appicchataññeva nissāya santuṭṭhiññeva nissāya sallekhaññeva nissāya
pavivekaññeva nissāya idamatthitaññeva nissāya khalupacchābhattiko hoti. ime kho upāli, pañca khalupacchābhattikāti.

13. kati nu kho bhante pattapiṇḍikāti?

pañcime upāli, pattapiṇḍikā. katame pañca: mandattā momuhattā pattapiṇḍiko hoti, pāpiccho icchāpakato pattapiṇḍiko hoti. ummādā cittakkhepā pattapiṇḍiko hoti, vaṇṇitaṁ buddhehi buddhasāvakehīti pattapiṇḍiko hoti, api ca appicchataññeva nissāya santuṭṭhiññeva nissāya sallekhaññeva nissāya
pavivekaññeva nissāya idamatthitaññeva nissāya pattapiṇḍiko hoti. ime kho upāli, pañca pattapiṇḍikāti.

dhutaṅgavaggo chaṭṭho

tassuddānaṁ:

āraññako piṇḍa paṁsu rukkha susāna pañcamaṁ,
abbho tecīvarañceva sapadāna nesajjikā:
santhatekāsanañceva khalūpacchā pattapiṇḍikāti.

1. kāruññaṁ - machasaṁ.

[bjt page 228] [\x 228/]

7. musāvāda vaggo

1. kati nu kho bhante musāvādāti?

pañcime upāli, musāvādā katame pañca: atthi musāvādo pārājikagāmī, atthi musāvādo saṅghādisesagāmī, atthi musāvādo thullaccayagāmī, atthi musāvādo pācittiyagāmī, atthi musāvādo dukkaṭagāmī, ime kho upāli, pañca musāvādāti.
2. katīhi nu kho bhante, aṅgehi samannāgatassa bhikkhuno saṅghamajjhe uposathaṁ vā pavāraṇā vā ṭhapentassa ''alaṁ bhikkhu mā bhaṇḍanaṁ, mā kalahaṁ, mā viggahaṁ, mā vivāda''nti omadditvā saṅghena uposatho vā pavāraṇā vā kātabbāti?

pañcahupāli, aṅgehi samannāgatassa bhikkhuno saṅghamajjhe uposathaṁ vā pavāraṇaṁ vā ṭhapentassa ''alaṁ bhikkhu mā bhaṇḍanaṁ, mā kalahaṁ, mā viggahaṁ, mā vivāda''nti omadditvā saṅghena uposatho vā pavāraṇā vā kātabbā. katamehi pañcahi: alajjī ca hoti, bālo vā, apakatatto vā, cāvanādhippāyo vattā hoti, no vuṭṭhānādhippāyo, imehi kho upāli, pañcahaṅgehi samannāgatassa bhikkhuno saṅghamajjhe uposathaṁ vā pavāraṇaṁ vā ṭhapentassa ''alaṁ bhikkhu mā bhaṇḍanaṁ, mā kalahaṁ, mā viggahaṁ, vā vivāda''nti omadditvā saṅghena uposatho vā pavāraṇā vā kātabbā.

aparehipi upāli, pañcahaṅgehi samannāgatassa bhikkhuno saṅghamajjhe uposathaṁ vā pavāraṇaṁ vā ṭhapentassa ''alaṁ bhikkhu, mā bhaṇḍanaṁ, mā kalahaṁ, mā viggahaṁ, mā vivāda'nti omadditvā saṅghena uposatho vā pavāraṇā vā kātabbā. katamehi pañcahi: aparisuddhakāyasamācāro hoti. [pts page 194] [\q 194/]      aparisuddha vacīsamācāro hoti. aparisuddhājīvo hoti. bālo hoti avyatto, bhaṇḍanakārako hoti kalahakārako. imehi kho upāli, pañcahaṅgehi samannāgatassa bhikkhuno saṅghamajjhe uposathaṁ vā pavāraṇaṁ vā ṭhapentassa ''alaṁ bhikkhu mā bhaṇaḍanaṁ, mā kalahaṁ, mā viggahaṁ, mā vivāda'nti omadditvā saṅghena uposatho vā pavāraṇā vā kātabbāti.
3. katīhi nu kho bhante, aṅgehi samannāgatassa bhikkhuno anuyogo na dātabboti?
pañcahupāli, aṅgehi samannāgatassa bhikkhuno anuyogo na dātabbo. katamehi pañcahi: āpattānāpattiṁ na jānāti, lahukagarukaṁ āpattiṁ na jānāti, sāvasesānavasesaṁ āpattiṁ na jānāti, duṭṭhullāduṭṭhullaṁ āpattiṁ na jānāti, sappaṭīkammaṁ appaṭikammaṁ āpattiṁ na jānāti. imehi kho upāli, pañcahaṅgehi samannāgatassa bhikkhuno anuyogo na dātabbo.

[bjt page 230] [\x 230/]

pañcahupāli, aṅgehi samannāgatassa bhikkhuno anuyogo dātabbo. katamehi pañcahi: āpattānāpattiṁ jānāti, lahukagarukaṁ āpattiṁ jānāti, sāvasesānavasesaṁ āpattiṁ jānāti, duṭṭhullāduṭṭhullaṁ āpattiṁ jānāti, sappaṭīkammaṁ appaṭikammaṁ āpattiṁ jānāti. imehi kho upāli, pañcahaṅgehi samannāgatassa bhikkhuno anuyogo dātabbo.

4. katīhi nu kho bhante ākārehi bhikkhu āpattiṁ āpajjatīti?

pañcahupāli, ākārehi bhikkhu āpattiṁ āpajjati. katamehi pañcahi: alajjītā aññāṇatā, kukkuccāpakattā, akappiye kappiyasaññitā kappiye akappiyasaññitā. imehi kho upāli, pañcahākārehi bhikkhu āpattiṁ āpajjati.

aparehipi upāli, pañcahākārehi bhikkhu āpattiṁ āpajjati. katamehi pañcahi: adassanena, assanavaṇena, payuttakatā, tathāsaññī, satisammosā. imehi
kho upāli, pañcahākārehi bhikkhu āpattiṁ āpajjatīti.

5. kati nu kho bhante, verāti?

pañcime upāli, verā. katame pañca: pāṇātipāto, adinnādānaṁ, kāmesu micchācāro, musāvādo, surāmerayamajjapamādaṭṭhānaṁ. ime kho upāli, pañca verāti.

6. kati nu kho bhante, veramaṇiyoti?

pañcimā upāli, veramaṇiyo. katamā pañca: pāṇātipātā veramaṇī,
adinnādānā veramaṇī, kāmesu micchācārā veramaṇī, musāvādā veramaṇī, surāmerayamajjapamādaṭṭhānā veramaṇī. imā kho upāli, pañca veramaṇiyoti.

7. kati nu kho bhante, byasanānīti?

pañcimāni upāli, byasanāni. katamāni pañca: ñātibyasanaṁ, bhogabyasanaṁ, rogabyasanaṁ, sīlabyasanaṁ, diṭṭhibyasanaṁ. imāni kho upāli, pañcabyasanānīti.

8. kati nu kho bhante, sampadāti?

pañcimā upāli, sampadā. katamā pañca: ñātisampadā, bhogasampadā, ārogyasampadā, sīlasampadā, diṭṭhisampadā. imā kho upāli, pañca sampadāti.

musāvādavaggo sattamo

tassuddānaṁ:
[pts page 195] [\q 195/]

musāvādo ca omaddā apare anuyogo ca āpatti,
apare verā veramaṇī byasana sampadā ceva sattamo vaggasaṅgahoti,

[bjt page 232] [\x 232/]

8. bhikkhunovāda vaggo

1. katīhi nu kho bhante, aṅgehi samannāgatassa bhikkhuno bhikkhunīsaṅgheneva kammaṁ kātabbanti?

pañcahupāli, aṅgehi samannāgatassa bhikkhuno bhikkhūnīsaṅgheneva kammaṁ kātabbaṁ, avandiyo so bhikkhu bhikkhunīsaṅghena. katamehi pañcahi: vivaritvā kāyaṁ bhikkhunīyaṁ dasseti: ūruṁ dasseti, aṅgajātaṁ dasseti, ubho aṁsakūṭe dasseti, obhāsati, gihī sampayojeti. imehi kho upāli, pañcahaṅgehi samannāgatassa bhikkhuno bhikkhunīsaṅgheneva kammaṁ kātabbaṁ, avandiyo so bhikkhu bhikkhunīsaṅghena.

aparehipi upāli, pañcahaṅgehi samannāgatassa bhikkhuno bhikkhunīsaṅgheneva kammaṁ kātabbaṁ, avandiyo so bhikkhu bhikkhunīsaṅghena. katamehi pañcahi: bhikkhunīnaṁ alābhāya parisakkati, bhikkhunīnaṁ anatthāya parisakkati, bhikkhunīnaṁ avāsāya parisakkati, bhikkhuniyo akkosati paribhāsati, bhikkhū bhikkhunīhi bhedeti. imehi kho upāli, pañcahaṅgehi samannāgatassa bhikkhuno bhikkhunīsaṅgheneva kammaṁ kātabbaṁ, avandiyo so bhikkhu bhikkhunīsaṅghena.

aparehipi upāli, pañcahaṅgehi samannāgatassa bhikkhuno bhikkhunīsaṅgheneva kammaṁ kātabbaṁ, avandiyo so bhikkhu bhikkhunīsaṅghena. katamehi pañcahi: bhikkhunīnaṁ alābhāya parisakkati, bhikkhunīnaṁ anatthāya parisakkati, bhikkhunīnaṁ avāsāya parisakkati, bhikkhuniyo akkosati paribhāsati, bhikkhū bhikkhunīhi sampayojeti. imehi kho upāli, pañcahaṅgehi samannāgatassa bhikkhuno bhikkhunīsaṅgheneva kammaṁ kātabbaṁ,
avandiyo so bhikkhu bhikkhunīsaṅghena.

2. katīhi nu kho bhante, aṅgehi samannāgatāya bhikkhuniyā kammaṁ kātabbanti?

pañcahupāli, aṅgehi samannāgatāya bhikkhuniyā kammaṁ kātabbaṁ, katamehi pañcahi: vivaritvā kāyaṁ bhikkhūnaṁ dasseti, ūruṁ dasseti, aṅgajātaṁ dasseti, ubho aṁsakūṭe dasseti, obhāsati, gihī sampayojeti. imehi kho upāli, pañcahaṅgehi samannāgatāya bhikkhuniyā kammaṁ kātabbaṁ.

aparehipi upāli, pañcahaṅgehi samannāgatāya bhikkhuniyā kammaṁ kātabbaṁ. katamehi pañcahi: bhikkhūnaṁ alābhāya parisakkati, bhikkhūnaṁ anatthāya parisakkati, bhikkhūnaṁ avāsāya parisakkati, bhikkhū akkosati paribhāsati, bhikkhuniyo bhikkhūhi bhedeti. imehi kho upāli, pañcahaṅgehi samannāgatāya bhikkhuniyā kammaṁ kātabbaṁ.

aparehipi upāli, pañcahaṅgehi samannāgatāya bhikkhuniyā kammaṁ kātabbaṁ. katamehi pañcahi: bhikkhūnaṁ alābhāya parisakkati, bhikkhūnaṁ anatthāya parisakkati, bhikkhūnaṁ avāsāya parisakkati, bhikkhū akkosati paribhāsati, bhikkhuniyo bhikkhūhi sampayojeti. imehi kho upāli, [pts page 196] [\q 196/]      pañcahaṅgehi samannāgatāya bhikkhuniyā kammaṁ kātabbaṁ.

[bjt page 234] [\x 234/]

3. katīhi nu kho bhante, aṅgehi samannāgatassa bhikkhunā bhikkhunīnaṁ ovādo na ṭhapetabboti?

pañcahupāli, aṅgehi samannāgatena bhikkhunā bhikkhunīnaṁ ovādo na ṭhapetabbo. katamehi pañcahi: alajjī ca hoti, bālo ca, apakatatto ca, cāvanādhipāyo vattā hoti, no vuṭṭhānādhippayo. imehi kho upāli, pañcahaṅgehi samannāgatena bhikkhunā bhikkhunīnaṁ ovādo na ṭhapetabbo.

aparehipi upāli, pañcahaṅgehi samannāgatena bhikkhunā bhikkhunīnaṁ ovādo na
ṭhapetabbo. katamehi pañcahi: aparisuddhakāyasamācāro hoti, aparisuddhavacīsamācāro hoti, aparisuddhājīvo hoti, bālo hoti avyatto, na paṭibalo anuyuñjiyamāno anuyogaṁ dātuṁ.
imehi kho upāli, pañcahaṅgehi samannāgatena bhikkhunā bhikkhunīnaṁ ovādo na ṭhapetabbo.

aparehipi upāli, pañcahaṅgehi samannāgatena bhikkhunā bhikkhunīnaṁ ovādo na
ṭhapetabbo. katamehi pañcahi: kāyikena anācārena samannāgato hoti, vācasikena anācārena samannāgato hoti, kāyikavācasikena anācārena samannāgato hoti, bhikkhunīnaṁ akkosakaparibhāsako hoti, bhikkhunīhi saddhiṁ saṁsaṭṭho viharati ananulomikena saṁsaggena.
imehi kho upāli, pañcahaṅgehi samannāgatena bhikkhunā bhikkhunīnaṁ ovādo na ṭhapetabbo.

aparehipi upāli, pañcahaṅgehi samannāgatena bhikkhunā bhikkhunīnaṁ ovādo na ṭhapetabbo. katamehi pañcahi: alajjī ca hoti, bālo ca, apakatatto ca, bhaṇḍanakārako ca hoti kalahakārako, sikkhāya na paripūrakārī. imehi kho upāli, pañcahaṅgehi samannāgatena bhikkhunā bhikkhunīnaṁ ovādo na ṭhapetabboti.

4. katīhi nu kho bhante, aṅgehi samannāgatena bhikkhunā bhikkhunīnaṁ ovādo na gahetabboti?

pañcahupāli, aṅgehi samannāgatena bhikkhunā bhikkhunīnaṁ ovādo na
gahetabbo. katamehi pañcahi: kāyikena anācārena samannāgato hoti, vācasikena anācārena samannāgato hoti, kāyikavācasikena anācārena samannāgato hoti, bhikkhunīnaṁ akkosakaparibhāsako hoti, bhikkhunīhi saddhiṁ saṁsaṭṭho viharati ananulomikena saṁsaggena.
imehi kho upāli, pañcahaṅgehi samannāgatena bhikkhunā bhikkhunīnaṁ ovādo na gahetabbo.

aparehipi upāli, pañcahaṅgehi samannāgatena bhikkhunā bhikkhunīnaṁ ovādo na gahetabbo. katamehi pañcahi: alajjī ca hoti, bālo ca, apakatatto ca, gamiko vā hoti, gilāno vā. imehi kho upāli, pañcahaṅgehi samannāgatena bhikkhunā bhikkhunīnaṁ ovādo na gahetabboti.

[bjt page 236] [\x 236/]

5. katīhi nu kho bhante, aṅgehi samannāgatena bhikkhunā saddhiṁ na sākacchitabboti?
pañcahupāli, aṅgehi samannāgatena bhikkhunā saddhiṁ na sākacchitabbo. katamehi pañcahi: na asekkhena sīlakkhandhena samannāgato hoti, na asekkhena samādhikkhandhena samannāgato hoti, na asekkhena paññākkhandhena samannāgato hoti, na asekkhe vimuttikkhandhena samannāgato hoti, na asekkhena [pts page 197] [\q 197/]      vimuttiñāṇadassanakkhandhena samannāgato hoti. imehi kho upāli, pañcahaṅgehi samannāgatena bhikkhunā saddhiṁ na sākacchitabbo.

pañcahupāli, aṅgehi samannāgatena bhikkhunā saddhiṁ sākacchitabbo. katamehi pañcahi: asekkhena sīlakkhandhena samannāgato hoti, asekkhena samādhikkhandhena
samannāgato hoti, asekkhena paññākkhandhena samannāgato hoti, asekkhe vimuttikkhandhena samannāgato hoti, asekkhena vimuttiñāṇadassanakkhandhena samannāgato hoti. imehi kho upāli, pañcahaṅgehi samannāgatena bhikkhunā saddhiṁ sākacchitabbo.

aparehipi upāli, pañcahaṅgehi samannāgatena bhikkhunā saddhiṁ na sākacchitabbo, katamehi pañcahi: na atthapaṭisambhidāppatto hoti, na dhammapaṭisambhidāppatto hoti, na nirutti paṭisambhidāppatto hoti, na paṭibhānapaṭisambhidāppatto hoti, na yathāvimuttaṁ cittaṁ paccavekkhati. imehi kho upāli, pañcahaṅgehi samannāgatena bhikkhunā saddhiṁ na sākacchitabbo.

pañcahupāli, aṅgehi samannāgatena bhikkhunā saddhiṁ sākacchitabbo, katamehi pañcahi: atthapaṭisambhidāppatto hoti, dhammapaṭisambhidāppatto hoti, nirutti paṭisambhidāppatto hoti, paṭibhānapaṭisambhidāppatto hoti, yathāvimuttaṁ cittaṁ paccavekkhati. imehi kho upāli, pañcahaṅgehi samannāgatena bhikkhunā saddhiṁ sākacchitabbo.

bhikkhunovādavaggo aṭṭhamo

tassuddānaṁ:

bhikkhunīheva kātabbaṁ aparehi tathā duve,
bhikkhunīnaṁ tayo kammā na ṭhapetabbā duve dukā:
na gahetabbā dve vuttā sākacchāsu ca dve dukāti.

[bjt page 238] [\x 238/]

9. ubbāhikā vaggo

1. katīhi nu kho bhante, aṅgehi samannāgato bhikkhu ubbāhikāya na sammannitabboti?
pañcahupāli, aṅgehi samannāgato bhikkhu ubbāhikāya na sammannitabbo, katamehi pañcahi: na atthakusalo hoti, na dhammakusalo hoti, na niruttikusalo hoti, na byañjanakusalo hoti, na pubbāparakusalo hoti. imehi kho upāli, pañcahaṅgehi samannāgato bhikkhu ubbāhikāya na sammannitabbo.

pañcahupāli, aṅgehi samannāgato bhikkhu ubbāhikāya sammannitabbo, katamehi pañcahi: atthakusalo hoti, dhammakusalo hoti, niruttikusalo hoti, byañjanakusalo hoti, pubbāparakusalo hoti. imehi kho upāli, pañcahaṅgehi samannāgato bhikkhu ubbāhikāya sammannitabbo.

2. aparehipi upāli, pañcahaṅgehi samannāgato bhikkhu ubbāhikāya na
sammannitabbo, katamehi pañcahi: kodhano hoti kodhābhibhūto, makkhī hoti makkhābhibhūto, palāsī hoti palāsābhibhūto, issukī hoti issābhibhūto, sandiṭṭhiparāmāsī hoti ādhānagāhī duppaṭinissaggī. imehi kho upāli, pañcahaṅgehi samannāgato bhikkhu ubbāhikāya na sammannitabbo.

pañcahupāli, aṅgehi samannāgato bhikkhu ubbāhikāya sammannitabbo, katamehi pañcahi: na kodhano hoti na kodhābhibhūto, na makkhī hoti na makkhābhibhūto, na palāsī hoti na palāsābhibhūto, na issukī hoti na issābhibhūto, asandiṭṭhiparāmāsī hoti ādhānagāhī suppaṭinissaggī. imehi kho
upāli, pañcahaṅgehi samannāgato bhikkhu ubbāhikāya na sammannitabbo.
[pts page 198] [\q 198/]

3. aparehipi upāli, pañcahaṅgehi samannāgato bhikkhu ubbāhikāya na
sammannitabbo, katamehi pañcahi: kuppati, byāpajjati, patitthiyati, kopaṁ janeti, akkhamo hoti apadakkhiṇaggāhī anusāsaniṁ. imehi kho upāli, pañcahaṅgehi samannāgato bhikkhu ubbāhikāya na sammannitabbo.

pañcahupāli, aṅgehi samannāgato bhikkhu ubbāhikāya
sammannitabbo, katamehi pañcahi: na kuppati, na byāpajjati, na
patitthiyati, na kopaṁ
janeti, khamo hoti padakkhiṇaggāhī anusāsaniṁ. imehi kho upāli, pañcahaṅgehi
samannāgato bhikkhu ubbāhikāya sammannitabbo.

[bjt page 240] [\x 240/]

4. aparehipi upāli, pañcahaṅgehi samannāgato bhikkhu ubbāhikāya na
sammannitabbo, katamehi pañcahi: pasāretā hoti no sāretā, anokāsakammaṁ kāretvā pavattā hoti, na yathādhamme yathāvinaye yathāpattiyā codetā hoti, na yathādhamme yathāvinaye yathāpattiyā kāretā hoti, na yathādiṭṭhiyā byākattā hoti. imehi kho pañcahaṅgehi samannāgato bhikkhu ubbāhikāya na sammannitabbo.

pañcahupāli, aṅgehi samannāgato bhikkhu ubbāhikāya
sammannitabbo, katamehi pañcahi: sāretā hoti no pasāretā, okāsakammaṁ kāretvā pavattā hoti, yathādhamme yathāvinaye yathāpattiyā codetā hoti, yathādhamme yathāvinaye yathāpattiyā kāretā hoti, yathādiṭṭhiyā byākattā hoti. imehi kho pañcahaṅgehi samannāgato bhikkhu ubbāhikāya sammannitabbo.

5. aparehipi upāli, pañcahaṅgehi samannāgato bhikkhu ubbāhikāya na sammannitabbo. katamehi pañcahi: chandāgatiṁ gacchati, dosāgatiṁ gacchati, mohāgatiṁ gacchati, bhayāgatiṁ gacchati, alajjī ca hoti. imehi kho upāli, pañcahaṅgehi samannāgato bhikkhu ubbāhikāya na sammannitabbo.

pañcahupāli, aṅgehi samannāgato bhikkhu ubbāhikāya sammannitabbo.
katamehi pañcahi: na chandāgatiṁ gacchati, na dosāgatiṁ gacchati, na mohāgatiṁ gacchati, na bhayāgatiṁ gacchati, lajjī ca hoti. imehi kho upāli,
pañcahaṅgehi samannāgato bhikkhu ubbāhikāya sammannitabbo.

6. aparehipi upāli, pañcahaṅgehi samannāgato bhikkhu ubbāhikāya na sammannitabbo. katamehi pañcahi: chandāgatiṁ gacchati, dosāgatiṁ gacchati, mohāgatiṁ gacchati, bhayāgatiṁ gacchati, akusalo ca hoti vinaye. imehi kho upāli, pañcahaṅgehi
samannāgato bhikkhu ubbāhikāya na sammannitabbo.

pañcahupāli, aṅgehi samannāgato bhikkhu ubbāhikāya sammannitabbo.
katamehi pañcahi: na chandāgatiṁ gacchati, na dosāgatiṁ gacchati, na mohāgatiṁ gacchati, na bhayāgatiṁ gacchati, kusalo ca hoti. imehi kho upāli,
pañcahaṅgehi samannāgato bhikkhu ubbāhikāya sammannitabbo.

7. katīhi nu kho bhante, aṅgehi samannāgato bhikkhu bālotveva saṅkhaṁ gacchatīti?
pañcahupāli, aṅgehi samannāgato bhikkhu bālotveva saṅkhaṁ gacchati. katamehi pañcahi: suttaṁ na jānāti, suttānulomaṁ na jānāti, vinayaṁ na jānāti, vinayānulomaṁ na jānāti, na ca ṭhānāṭhānakusalo hoti. imehi kho upāli, pañcahaṅgehi samannāgato bhikkhu bālotveva saṅkhaṁ gacchati.

[bjt page 242] [\x 242/]

pañcahupāli, aṅgehi samannāgato bhikkhu paṇḍitotveva saṅkhaṁ gacchati. katamehi pañcahi: suttaṁ jānāti, suttānulomaṁ jānāti, vinayaṁ jānāti, vinayānulomaṁ jānāti, ṭhānāṭhānakusalo ca hoti. imehi kho upāli, pañcahaṅgehi samannāgato bhikkhu paṇḍitotveva saṅkhaṁ gacchati.

8. aparehipi upāli, pañcahaṅgehi samannāgato bhikkhu bālotveva saṅkhaṁ gacchati. katamehi pañcahi: dhammaṁ na jānāti, dhammānulomaṁ [pts page 199] [\q 199/]      na jānāti, vinayaṁ na jānāti, vināyānulomaṁ na jānāti, na ca pubbāparakusalo hoti. imehi kho upāli, pañcahaṅgehi samannāgato bhikkhu bālotveva saṅkhaṁ gacchati.

pañcahupāli, aṅgehi samannāgato bhikkhu paṇḍitotveva saṅkhaṁ gacchati.
katamehi pañcahi: dhammaṁ jānāti, dhammānulomaṁ jānāti, vinayaṁ jānāti, vināyānulomaṁ jānāti, pubbāparakusalo ca hoti. imehi kho upāli, pañcahaṅgehi samannāgato bhikkhu paṇḍitotveva saṅkhaṁ gacchati.

9. aparehipi upāli, pañcahaṅgehi samannāgato bhikkhu bālotveva saṅkhaṁ gacchati. katamehi pañcahi: vatthuṁ na jānāti, nidānaṁ na jānāti, paññattiṁ na jānāti, padapaccābhaṭṭhaṁ na jānāti, anusandhivacanapathaṁ na jānāti. imehi kho upāli,
pañcahaṅgehi samannāgato bhikkhu bālotveva saṅkhaṁ gacchati.

pañcahupāli, aṅgehi samannāgato bhikkhu paṇḍitotveva saṅkhaṁ gacchati.
katamehi pañcahi: vatthuṁ jānāti, nidānaṁ jānāti, paññattiṁ jānāti,
padapaccābhaṭṭhaṁ jānāti, anusandhivacanapathaṁ jānāti. imehi kho upāli,
pañcahaṅgehi samannāgato bhikkhu paṇḍitotveva saṅkhaṁ gacchati.

10. aparehipi upāli, pañcahaṅgehi samannāgato bhikkhu bālotveva saṅkhaṁ gacchati. katamehi pañcahi: āpattiṁ na jānāti, āpatti samuṭṭhānaṁ na jānāti, āpattiyā payogaṁ na jānāti, āpattiyā vūpasamaṁ na jānāti, āpattiyā vinicchayakusalo na hoti. imehi kho upāli, pañcahaṅgehi samannāgato bhikkhu bālotveva saṅkhaṁ gacchati.

pañcahupāli, pañcahaṅgehi samannāgato bhikkhu paṇḍitotveva saṅkhaṁ gacchati.
katamehi pañcahi: āpattiṁ jānāti, āpatti samuṭṭhānaṁ jānāti, āpattiyā payogaṁ jānāti, āpattiyā vūpasamaṁ jānāti, āpattiyā vinicchayakusalo hoti. imehi kho upāli, pañcahaṅgehi samannāgato bhikkhu paṇḍitotveva saṅkhaṁ gacchati.

11. aparehipi upāli, pañcahaṅgehi samannāgato bhikkhu bālotveva saṅkhaṁ gacchati. katamehi pañcahi: adhikaraṇaṁ na jānāti, adhikaraṇa samuṭṭhānaṁ na jānāti, adhikaraṇassa payogaṁ na jānāti, adhikaraṇassa vūpasamaṁ na jānāti, adhikaraṇassa vinicchayakusalo na hoti. imehi kho upāli, pañcahaṅgehi samannāgato bhikkhu
bālotveva saṅkhaṁ gacchati.

[bjt page 244] [\x 244/]

pañcahupāli, aṅgehi samannāgato bhikkhu paṇḍitotveva saṅkhaṁ gacchati.
katamehi pañcahi: adhikaraṇaṁ jānāti, adhikaraṇa samuṭṭhānaṁ jānāti, adhikaraṇassa payogaṁ jānāti, adhikaraṇassa vūpasamaṁ jānāti, adhikaraṇassa
vinicchayakusalo hoti. imehi kho upāli, pañcahaṅgehi samannāgato bhikkhu
paṇḍitotveva saṅkhaṁ gacchati.

ubbāhikāvaggo navamo

tassuddānaṁ:

na atthakusalo ceva kodhano kuppatī ca yo,
pasāretā chandāgati na kusalo tatheva ca.

suttaṁ dhammañca vatthuñca āpattiṁ adhikaraṇaṁ,
dve dve pakāsitā sabbe kaṇhasukkā vijānathāti.

10. adhikaraṇavūpasama vaggo

1. katīhi nu kho bhante aṅgehi samannāgato bhikkhu nālaṁ adhikaraṇaṁ vūpasametunti?
pañcahupāli aṅgehi samannāgato bhikkhu nālaṁ adhikaraṇaṁ vūpasametuṁ.
katamehi pañcahi: [pts page 200] [\q 200/]      āpattiṁ na jānāti, āpatti samuṭṭhānaṁ na jānāti, āpattiyā payogaṁ na jānāti, āpattiyā vūpasamaṁ na jānāti, āpattiyā na vinicchayakusalo hoti. imehi kho upāli pañcahaṅgehi samannāgato bhikkhu nālaṁ adhikaraṇaṁ vūpasametuṁ.

pañcahupāli aṅgehi samannāgato bhikkhu alaṁ adhikaraṇaṁ vūpasametuṁ.
katamehi pañcahi: āpattiṁ jānāti, āpatti samuṭṭhānaṁ jānāti, āpattiyā payogaṁ jānāti, āpattiyā vūpasamaṁ jānāti, āpattiyā vinicchayakusalo hoti. imehi kho upāli pañcahaṅgehi samannāgato bhikkhu alaṁ adhikaraṇaṁ
vūpasametuṁ.

2. aparehipi upāli, pañcahaṅgehi samannāgato bhikkhū nālaṁ adhikaraṇaṁ vūpasametuṁ. katamehi pañcahi: adhikaraṇaṁ na jānāti, adhikaraṇasamuṭṭhānaṁ na jānāti, adhikaraṇassa payogaṁ na jānāti, adhikaraṇassa vūpasamaṁ na jānāti, adhikaraṇassa na vinicchayakusalo hoti. imehi kho upāli, pañcahaṅgehi samannāgato bhikkhū nālaṁ adhikaraṇaṁ vūpasametuṁ.

[bjt page 246] [\x 246/]

pañcahupāli, aṅgehi samannāgato bhikkhū alaṁ adhikaraṇaṁ vūpasametuṁ.
katamehi pañcahi: adhikaraṇaṁ jānāti, adhikaraṇasamuṭṭhānaṁ jānāti, adhikaraṇassa payogaṁ jānāti, adhikaraṇassa vūpasamaṁ jānāti, adhikaraṇassa
vinicchayakusalo hoti. imehi kho upāli, pañcahaṅgehi samannāgato bhikkhū alaṁ adhikaraṇaṁ vūpasametuṁ.

3. aparehipi upāli, pañcahaṅgehi samannāgato bhikkhū nālaṁ adhikaraṇaṁ vūpasametuṁ. katamehi pañcahi: chandāgatiṁ gacchati, dosāgatiṁ gacchati, mohāgatiṁ gacchati, bhayāgatiṁ gacchati, alajjī ca hoti. imehi kho upāli, pañcahaṅgehi samannāgato bhikkhū nālaṁ adhikaraṇaṁ vūpasametuṁ.

pañcahupāli, aṅgehi samannāgato bhikkhū alaṁ adhikaraṇaṁ vūpasametuṁ.
katamehi pañcahi: na chandāgatiṁ gacchati, na dosāgatiṁ gacchati, na
mohāgatiṁ gacchati, na bhayāgatiṁ gacchati, lajjī ca hoti. imehi kho upāli, pañcahaṅgehi samannāgato bhikkhū alaṁ adhikaraṇaṁ vūpasametuṁ.

4. aparehipi upāli, pañcahaṅgehi samannāgato bhikkhū nālaṁ adhikaraṇaṁ vūpasametuṁ. katamehi pañcahi: chandāgatiṁ gacchati, dosāgatiṁ gacchati, mohāgatiṁ gacchati, bhayāgatiṁ gacchati, appassuto ca hoti. imehi kho upāli, pañcahaṅgehi
samannāgato bhikkhū nālaṁ adhikaraṇaṁ vūpasametuṁ.

pañcahupāli, aṅgehi samannāgato bhikkhū alaṁ adhikaraṇaṁ vūpasametuṁ.
katamehi pañcahi: na chandāgatiṁ gacchati, na dosāgatiṁ gacchati, na
mohāgatiṁ gacchati, na bhayāgatiṁ gacchati, bahussuto ca hoti. imehi kho upāli, pañcahaṅgehi samannāgato bhikkhū alaṁ adhikaraṇaṁ vūpasametuṁ.

5. aparehipi upāli, pañcahaṅgehi samannāgato bhikkhū nālaṁ adhikaraṇaṁ vūpasametuṁ. katamehi pañcahi: vatthuṁ na jānāti, nidānaṁ na jānāti, paññattiṁ na jānāti, padapaccābhaṭṭhaṁ na jānāti, anusandhivacanapathaṁ na jānāti.
imehi kho upāli, pañcahaṅgehi samannāgato bhikkhū nālaṁ adhikaraṇaṁ vūpasametuṁ.
pañcahupāli, aṅgehi samannāgato bhikkhū ālaṁ adhikaraṇaṁ vūpasametuṁ.
katamehi pañcahi: vatthuṁ jānāti, nidānaṁ jānāti, paññattiṁ jānāti, padapaccābhaṭṭhaṁ jānāti, anusandhivacanapathaṁ jānāti.
imehi kho upāli, pañcahaṅgehi samannāgato bhikkhū alaṁ adhikaraṇaṁ vūpasametuṁ.
6. aparehipi upāli, pañcahaṅgehi samannāgato bhikkhū nālaṁ adhikaraṇaṁ vūpasametuṁ. katamehi pañcahi: chandāgatiṁ gacchati, dosāgatiṁ gacchati, mohāgatiṁ gacchati, bhayāgatiṁ gacchati, akusalo ca hoti vinaye.
imehi kho upāli, pañcahaṅgehi samannāgato bhikkhū nālaṁ adhikaraṇaṁ vūpasametuṁ.
[bjt page 248] [\x 248/]

pañcahupāli, aṅgehi samannāgato bhikkhū alaṁ adhikaraṇaṁ vūpasametuṁ.
katamehi pañcahi: na chandāgatiṁ gacchati, na dosāgatiṁ gacchati, na mohāgatiṁ gacchati, na bhayāgatiṁ gacchati, kusalo ca hoti vinaye.
imehi kho upāli, pañcahaṅgehi samannāgato bhikkhū alaṁ adhikaraṇaṁ vūpasametuṁ.
7. aparehipi upāli, pañcahaṅgehi samannāgato bhikkhū nālaṁ adhikaraṇaṁ vūpasametuṁ. katamehi pañcahi: chandāgatiṁ gacchati, dosāgatiṁ gacchati, mohāgatiṁ gacchati, bhayāgatiṁ gacchati, puggalagaruko hoti no saṅghagaruko.
imehi kho upāli, pañcahaṅgehi samannāgato bhikkhū nālaṁ adhikaraṇaṁ vūpasametuṁ.
[pts page 201] [\q 201/]      pañcahupāli, aṅgehi samannāgato bhikkhū alaṁ adhikaraṇaṁ vūpasametuṁ.
katamehi pañcahi: na chandāgatiṁ gacchati, na dosāgatiṁ gacchati, na mohāgatiṁ gacchati, na bhayāgatiṁ gacchati, saṅghagaruko hoti no puggalagaruko.
imehi kho upāli, pañcahaṅgehi samannāgato bhikkhū alaṁ adhikaraṇaṁ vūpasametuṁ.
8. aparehipi upāli, pañcahaṅgehi samannāgato bhikkhū nālaṁ adhikaraṇaṁ vūpasametuṁ. katamehi pañcahi: chandāgatiṁ gacchati, dosāgatiṁ gacchati, mohāgatiṁ gacchati, bhayāgatiṁ gacchati, āmisagaruko hoti no saddhammagaruko.
imehi kho upāli, pañcahaṅgehi samannāgato bhikkhū nālaṁ adhikaraṇaṁ vūpasametuṁ.
pañcahupāli, aṅgehi samannāgato bhikkhū alaṁ adhikaraṇaṁ vūpasametuṁ.
katamehi pañcahi: na chandāgatiṁ gacchati, na dosāgatiṁ gacchati, na mohāgatiṁ gacchati, na bhayāgatiṁ gacchati, saddhammagaruko hoti no āmisagaruko. imehi kho upāli, pañcahaṅgehi samannāgato bhikkhū alaṁ adhikaraṇaṁ vūpasametuṁ.
9. katīhu nu kho bhante ākārehi saṅgho bhijjatīti?

pañcahupāli ākārehi saṅgho bhijjati. katamehi pañcahi: kammena, uddesena, voharanto, anusāvaṇena, salākagāhena. imehi kho upāli pañcahākārehi saṅgho bhijjatīti.

10. saṅgharājī saṅgharājīti bhante vuccati. kittāvatā nu kho bhante saṅgharāji hoti no ca saṅghabhedo? kittāvatā ca pana saṅgharāji ceva hoti saṅghabhedo cāti?

paññattetaṁ upāli mayā āgantukānaṁ bhikkhūnaṁ āgantukavattaṁ, evaṁ supaññatena kho upāli mayā sikkhāpade āgantukā bhikkhu āgantukavatte na vattanti, evampi kho upāli saṅgharājī hoti no ca saṅghabhedo. paññattetaṁ upāli mayā āvāsikānaṁ bhikkhūnaṁ āvāsikavattaṁ. evaṁ supaññatte kho upāli mayā sikkhāpade āvāsikā bhikkhū āvāsikavatte na vattanti, evampi kho upāli saṅgharāji hoti no ca saṅghabhedo. paññattetaṁ upāli mayā

[bjt page 250] [\x 250/]

bhikkhūnaṁ bhattagge bhattaggavattaṁ yathākhuḍḍhaṁ yathārattaṁ yathā patirūpaṁ aggāsanaṁ aggodakaṁ aggapiṇḍaṁ. evaṁ supaññatte kho upāli mayā sikkhāpade navā bhikkhū bhattagge therānaṁ bhikkhūnaṁ āsanaṁ paṭibāhanti. evampi kho upāli saṅgharāji hoti no ca saṅghabhedo. paññattetaṁ upāli mayā bhikkhūnaṁ senāsane senāsanavattaṁ yathābuḍḍhaṁ yathārattaṁ yathāpatirūpaṁ, evaṁ supaññatte kho upāli mayā sikkhāpade navā bhikkhū therānaṁ bhikkhūnaṁ āsanaṁ paṭibāhanti. evampi kho upāli saṅgharājī hoti no ca saṅghabhedo. paññattetaṁ upāli mayā bhikkhūnaṁ antosīmāya ekaṁ uposathaṁ ekaṁ pavāraṇaṁ ekaṁ saṅghakammaṁ ekaṁ kammākammaṁ. evaṁ uposathaṁ ekaṁ pavāraṇaṁ ekaṁ saṅghakammaṁ ekaṁ kammākammaṁ. evaṁ supaññatte kho upāli mayā sikkhāpade tattheva antosīmāya āveṇibhāvaṁ karitvā gaṇaṁ bandhitvā āveṇiuposathaṁ karonti āveṇipavāraṇaṁ [pts page 202] [\q 202/]      karonti, āveṇisaṅghakammaṁ karonti, āveṇikammākammāni karonti. evaṁ kho upāli saṅgharājī ceva hoti saṅghabhedo cāti.

adhikaraṇavūpasamavaggo dasamo

tassuddānaṁ:

āpattiṁ adhikaraṇaṁ chandā appassutena ca,
vatthuñca akusalo ca puggalo āmisena ca:
bhijjati saṅgharājī ca saṅghabhedo tatheva cāti.

11. saṅghabhedaka vaggo

1. katīhi nu kho bhante aṅgehi samannāgato saṅghabhedako āpāyiko nerayiko kappaṭṭho atekicchoti?

pañcahupāli aṅgehi samannāgato saṅghabhedako āpāyiko nerayiko kappaṭṭho atekiccho. katamehi pañcahi: idhūpāli bhikkhu adhammaṁ dhammoti dīpeti, dhammaṁ adhammoti dīpeti, avinayaṁ vinayoti dīpeti, vinayaṁ avinayoti dīpeti, vinidhāya diṭṭhiṁ kammena. imehi kho upāli pañcahaṅgehi samannāgato saṅghabhedako. āpāyiko nerayiko kappaṭṭho atekiccho.

2. aparehipi upāli pañcahaṅgehi samannāgato saṅghabhedako āpāyiko
nerayiko kappaṭṭho atekiccho. katamehi pañcahi: idhūpāli bhikkhu adhammaṁ dhammoti dīpeti, dhammaṁ adhammoti dīpeti,
avinayaṁ vinayoti dīpeti, vinayaṁ avinayoti dīpeti, vinidhāya diṭṭhiṁ uddesena. imehi kho upāli pañcahaṅgehi samannāgato saṅghabhedako. āpāyiko
nerayiko kappaṭṭho atekiccho.

[bjt page 252] [\x 252/]

3. aparehipi upāli pañcahaṅgehi samannāgato saṅghabhedako āpāyiko
nerayiko kappaṭṭho atekiccho. katamehi pañcahi: idhūpāli bhikkhu adhammaṁ dhammoti dīpeti, dhammaṁ adhammoti dīpeti,
avinayaṁ vinayoti dīpeti, vinayaṁ avinayoti dīpeti, vinidhāya diṭṭhiṁ voharanto. imehi kho upāli pañcahaṅgehi samannāgato saṅghabhedako. āpāyiko
nerayiko kappaṭṭho atekiccho.

4. aparehipi upāli pañcahaṅgehi samannāgato saṅghabhedako āpāyiko
nerayiko kappaṭṭho atekiccho. katamehi pañcahi: idhūpāli bhikkhu adhammaṁ dhammoti dīpeti, dhammaṁ adhammoti dīpeti,
avinayaṁ vinayoti dīpeti, vinayaṁ avinayoti dīpeti, vinidhāya diṭṭhiṁ anusāvaṇena. imehi kho upāli pañcahaṅgehi samannāgato saṅghabhedako. āpāyiko
nerayiko kappaṭṭho atekiccho.

5. aparehipi upāli pañcahaṅgehi samannāgato saṅghabhedako āpāyiko
nerayiko kappaṭṭho atekiccho. katamehi pañcahi: idhūpāli bhikkhu adhammaṁ dhammoti dīpeti, dhammaṁ adhammoti dīpeti,
avinayaṁ vinayoti dīpeti, vinayaṁ avinayoti dīpeti, vinidhāya diṭṭhiṁ salākagāhena. imehi kho upāli pañcahaṅgehi samannāgato saṅghabhedako. āpāyiko
nerayiko kappaṭṭho atekiccho.

6. aparehipi upāli pañcahaṅgehi samannāgato saṅghabhedako āpāyiko nerayiko kappaṭṭho atekiccho. katamehi pañcahi: idhūpāli bhikkhu adhammaṁ dhammoti dīpeti, dhammaṁ adhammoti dīpeti,
avinayaṁ vinayoti dīpeti, vinayaṁ avinayoti dīpeti, vinidhāya khantiṁ kammena.
imehi kho upāli pañcahaṅgehi samannāgato saṅghabhedako. āpāyiko
nerayiko kappaṭṭho atekiccho.

aparehipi upāli pañcahaṅgehi samannāgato saṅghabhedako āpāyiko
nerayiko kappaṭṭho atekiccho. katamehi pañcahi: idhūpāli bhikkhu adhammaṁ dhammoti dīpeti, dhammaṁ adhammoti dīpeti,
avinayaṁ vinayoti dīpeti, vinayaṁ avinayoti dīpeti, vinidhāya khantiṁ uddesena. imehi kho upāli pañcahaṅgehi samannāgato saṅghabhedako. āpāyiko
nerayiko kappaṭṭho atekiccho.

aparehipi upāli pañcahaṅgehi samannāgato saṅghabhedako āpāyiko
nerayiko kappaṭṭho atekiccho. katamehi pañcahi: idhūpāli bhikkhu adhammaṁ dhammoti dīpeti, dhammaṁ adhammoti dīpeti,
avinayaṁ vinayoti dīpeti, vinayaṁ avinayoti dīpeti, vinidhāya khantiṁ voharanto. imehi kho upāli pañcahaṅgehi samannāgato saṅghabhedako. āpāyiko
nerayiko kappaṭṭho atekiccho.

aparehipi upāli pañcahaṅgehi samannāgato saṅghabhedako āpāyiko
nerayiko kappaṭṭho atekiccho. katamehi pañcahi: idhūpāli bhikkhu adhammaṁ dhammoti dīpeti, dhammaṁ adhammoti dīpeti,
avinayaṁ vinayoti dīpeti, vinayaṁ avinayoti dīpeti, vinidhāya khantiṁ anusāvaṇena. imehi kho upāli pañcahaṅgehi samannāgato saṅghabhedako. āpāyiko
nerayiko kappaṭṭho atekiccho.

aparehipi upāli pañcahaṅgehi samannāgato saṅghabhedako āpāyiko
nerayiko kappaṭṭho atekiccho. katamehi pañcahi: idhūpāli bhikkhu adhammaṁ dhammoti dīpeti, dhammaṁ adhammoti dīpeti,
avinayaṁ vinayoti dīpeti, vinayaṁ avinayoti dīpeti, vinidhāya khantiṁ salākagāhena. imehi kho upāli pañcahaṅgehi samannāgato saṅghabhedako. āpāyiko
nerayiko kappaṭṭho atekiccho.

7. aparehipi upāli pañcahaṅgehi samannāgato saṅghabhedako āpāyiko
nerayiko kappaṭṭho atekiccho. katamehi pañcahi: idhūpāli bhikkhu adhammaṁ dhammoti dīpeti, dhammaṁ adhammoti dīpeti,
avinayaṁ vinayoti dīpeti, vinayaṁ avinayoti dīpeti, vinidhāya ruciṁ kammena.
imehi kho upāli pañcahaṅgehi samannāgato saṅghabhedako. āpāyiko
nerayiko kappaṭṭho atekiccho.

aparehipi upāli pañcahaṅgehi samannāgato saṅghabhedako āpāyiko
nerayiko kappaṭṭho atekiccho. katamehi pañcahi: idhūpāli bhikkhu adhammaṁ dhammoti dīpeti, dhammaṁ adhammoti dīpeti,
avinayaṁ vinayoti dīpeti, vinayaṁ avinayoti dīpeti, vinidhāya ruciṁ uddesena. imehi kho upāli pañcahaṅgehi samannāgato saṅghabhedako. āpāyiko
nerayiko kappaṭṭho atekiccho.

aparehipi upāli pañcahaṅgehi samannāgato saṅghabhedako āpāyiko
nerayiko kappaṭṭho atekiccho. katamehi pañcahi: idhūpāli bhikkhu adhammaṁ dhammoti dīpeti, dhammaṁ adhammoti dīpeti,
avinayaṁ vinayoti dīpeti, vinayaṁ avinayoti dīpeti, vinidhāya ruciṁ voharanto. imehi kho upāli pañcahaṅgehi samannāgato saṅghabhedako. āpāyiko
nerayiko kappaṭṭho atekiccho.

aparehipi upāli pañcahaṅgehi samannāgato saṅghabhedako āpāyiko
nerayiko kappaṭṭho atekiccho. katamehi pañcahi: idhūpāli bhikkhu adhammaṁ dhammoti dīpeti, dhammaṁ adhammoti dīpeti,
avinayaṁ vinayoti dīpeti, vinayaṁ avinayoti dīpeti, vinidhāya ruciṁ anusāvaṇena. imehi kho upāli pañcahaṅgehi samannāgato saṅghabhedako. āpāyiko
nerayiko kappaṭṭho atekiccho.

aparehipi upāli pañcahaṅgehi samannāgato saṅghabhedako āpāyiko
nerayiko kappaṭṭho atekiccho. katamehi pañcahi: idhūpāli bhikkhu adhammaṁ dhammoti dīpeti, dhammaṁ adhammoti dīpeti,
avinayaṁ vinayoti dīpeti, vinayaṁ avinayoti dīpeti, vinidhāya ruciṁ salākagāhena. imehi kho upāli pañcahaṅgehi samannāgato saṅghabhedako. āpāyiko
nerayiko kappaṭṭho atekiccho.

8. aparehipi upāli pañcahaṅgehi samannāgato saṅghabhedako āpāyiko
nerayiko kappaṭṭho atekiccho. katamehi pañcahi: idhūpāli bhikkhu adhammaṁ dhammoti dīpeti, dhammaṁ adhammoti dīpeti,
avinayaṁ vinayoti dīpeti, vinayaṁ avinayoti dīpeti, vinidhāya saññaṁ

[bjt page 254] [\x 254/]

kammena. imehi kho upāli pañcahaṅgehi samannāgato saṅghabhedako.
āpāyiko nerayiko kappaṭṭho atekiccho.

aparehipi upāli pañcahaṅgehi samannāgato saṅghabhedako āpāyiko
nerayiko kappaṭṭho atekiccho. katamehi pañcahi: idhūpāli bhikkhu adhammaṁ dhammoti dīpeti, dhammaṁ adhammoti dīpeti,
avinayaṁ vinayoti dīpeti, vinayaṁ avinayoti dīpeti, vinidhāya saññaṁ uddesena. imehi kho upāli pañcahaṅgehi samannāgato saṅghabhedako. āpāyiko
nerayiko kappaṭṭho atekiccho.

aparehipi upāli pañcahaṅgehi samannāgato saṅghabhedako āpāyiko
nerayiko kappaṭṭho atekiccho. katamehi pañcahi: idhūpāli bhikkhu adhammaṁ dhammoti dīpeti, dhammaṁ adhammoti dīpeti,
avinayaṁ vinayoti dīpeti, vinayaṁ avinayoti dīpeti, vinidhāya saññaṁ voharanto. imehi kho upāli pañcahaṅgehi samannāgato saṅghabhedako. āpāyiko
nerayiko kappaṭṭho atekiccho.

aparehipi upāli pañcahaṅgehi samannāgato saṅghabhedako āpāyiko
nerayiko kappaṭṭho atekiccho. katamehi pañcahi: idhūpāli bhikkhu adhammaṁ dhammoti dīpeti, dhammaṁ adhammoti dīpeti,
avinayaṁ vinayoti dīpeti, vinayaṁ avinayoti dīpeti, vinidhāya saññaṁ anusāvaṇena. imehi kho upāli pañcahaṅgehi samannāgato saṅghabhedako. āpāyiko
nerayiko kappaṭṭho atekiccho.

aparehipi upāli pañcahaṅgehi samannāgato saṅghabhedako āpāyiko
nerayiko kappaṭṭho atekiccho. katamehi pañcahi: idhūpāli [pts page 203] [\q 203/]      bhikkhu adhammaṁ dhammoti dīpeti, dhammaṁ adhammoti dīpeti,
avinayaṁ vinayoti dīpeti, vinayaṁ avinayoti dīpeti, vinidhāya saññaṁ salākagāhena. imehi kho upāli pañcahaṅgehi samannāgato saṅghabhedako. āpāyiko
nerayiko kappaṭṭho atekiccho.

saṅghabhedakavaggo ekādasamo

tassuddānaṁ:

vinidhāya diṭṭhiṁ kammena uddesena vohārena ca,
anusāvaṇena salākena pañcete diṭṭhinissitā:
khanti ruci ca saññā ca1 tayo te pañcadhā nayāti

12. dutiya saṅghabhedaka vaggo

1. katīhi nu kho bhante aṅgehi samannāgato saṅghabhedako na āpāyiko na nerayiko na kappaṭṭho na atekicchoti?

pañcahupāli aṅgehi samannāgato saṅghabhedako na āpāyiko na nerayiko na kappaṭṭho na atekiccho. katamehi pañcahi:
idhūpāli bhikkhu adhammaṁ dhammoti dīpeti, dhammaṁ
adhammoti dīpeti, avinayaṁ vinayoti dīpeti, vinayaṁ avinayoti dīpeti, avinidhāya diṭṭhiṁ kammena. imehi kho upāli pañcahaṅgehi samannāgato saṅghabhedako.
na āpāyiko na nerayiko na kappaṭṭho na atekiccho.

2. aparehipi upāli pañcahaṅgehi samannāgato saṅghabhedako na āpāyiko na nerayiko na kappaṭṭho na atekiccho. katamehi pañcahi: idhūpāli bhikkhu adhammaṁ dhammoti dīpeti, dhammaṁ adhammoti dīpeti,
avinayaṁ vinayoti dīpeti, vinayaṁ avinayoti dīpeti, avinidhāya diṭṭhiṁ uddesena. imehi kho upāli pañcahaṅgehi samannāgato saṅghabhedako. na āpāyiko
na nerayiko na kappaṭṭho na atekiccho.

3. aparehipi upāli pañcahaṅgehi samannāgato saṅghabhedako na āpāyiko na nerayiko na kappaṭṭho na atekiccho. katamehi pañcahi: idhūpāli
bhikkhu adhammaṁ dhammoti dīpeti, dhammaṁ adhammoti dīpeti,
avinayaṁ vinayoti dīpeti, vinayaṁ avinayoti dīpeti, avinidhāya diṭṭhiṁ voharanto. imehi kho upāli pañcahaṅgehi samannāgato saṅghabhedako. na āpāyiko
na nerayiko na kappaṭṭho na atekiccho.

1. khanti ruciṁ ca saññañca - machasaṁ.

[bjt page 256] [\x 256/]

4. aparehipi upāli pañcahaṅgehi samannāgato saṅghabhedako na āpāyiko na nerayiko na kappaṭṭho na atekiccho. katamehi pañcahi: idhūpāli bhikkhu adhammaṁ dhammoti dīpeti, dhammaṁ adhammoti dīpeti,
avinayaṁ vinayoti dīpeti, vinayaṁ avinayoti dīpeti, avinidhāya diṭṭhiṁ anusāvaṇena. imehi kho upāli pañcahaṅgehi samannāgato saṅghabhedako na āpāyiko
na nerayiko na kappaṭṭho na atekiccho.

5. aparehipi upāli pañcahaṅgehi samannāgato saṅghabhedako na āpāyiko na nerayiko na kappaṭṭho na atekiccho. katamehi pañcahi: idhūpāli bhikkhu adhammaṁ dhammoti dīpeti, dhammaṁ adhammoti dīpeti,
avinayaṁ vinayoti dīpeti, vinayaṁ avinayoti dīpeti, avinidhāya diṭṭhiṁ salākagāhena. imehi kho upāli pañcahaṅgehi samannāgato saṅghabhedako na āpāyiko
na nerayiko na kappaṭṭho na atekiccho.

6. aparehipi upāli pañcahaṅgehi samannāgato saṅghabhedako na āpāyiko na nerayiko na kappaṭṭho na atekiccho. katamehi pañcahi: idhūpāli bhikkhu adhammaṁ dhammoti dīpeti, dhammaṁ adhammoti dīpeti,
avinayaṁ vinayoti dīpeti, vinayaṁ avinayoti dīpeti, avinidhāya khantiṁ kammena.
imehi kho upāli pañcahaṅgehi samannāgato saṅghabhedako na āpāyiko
na nerayiko na kappaṭṭho na atekiccho.

aparehipi upāli pañcahaṅgehi samannāgato saṅghabhedako na āpāyiko
na nerayiko na kappaṭṭho na atekiccho. katamehi pañcahi: idhūpāli bhikkhu adhammaṁ dhammoti dīpeti, dhammaṁ adhammoti dīpeti,
avinayaṁ vinayoti dīpeti, vinayaṁ avinayoti dīpeti, avinidhāya khantiṁ uddesena. imehi kho upāli pañcahaṅgehi samannāgato saṅghabhedako na āpāyiko
na nerayiko na kappaṭṭho na atekiccho.

aparehipi upāli pañcahaṅgehi samannāgato saṅghabhedako na āpāyiko
na nerayiko na kappaṭṭho na atekiccho. katamehi pañcahi: idhūpāli bhikkhu adhammaṁ dhammoti dīpeti, dhammaṁ adhammoti dīpeti,
avinayaṁ vinayoti dīpeti, vinayaṁ avinayoti dīpeti, avinidhāya khantiṁ voharanto. imehi kho upāli pañcahaṅgehi samannāgato saṅghabhedako na āpāyiko
na nerayiko na kappaṭṭho na atekiccho.

aparehipi upāli pañcahaṅgehi samannāgato saṅghabhedako na āpāyiko
na nerayiko na kappaṭṭho na atekiccho. katamehi pañcahi: idhūpāli bhikkhu adhammaṁ dhammoti dīpeti, dhammaṁ adhammoti dīpeti,
avinayaṁ vinayoti dīpeti, vinayaṁ avinayoti dīpeti, avinidhāya khantiṁ anusāvaṇena. imehi kho upāli pañcahaṅgehi samannāgato saṅghabhedako na āpāyiko
na nerayiko na kappaṭṭho na atekiccho.

aparehipi upāli pañcahaṅgehi samannāgato saṅghabhedako na āpāyiko
na nerayiko na kappaṭṭho na atekiccho. katamehi pañcahi: idhūpāli bhikkhu adhammaṁ dhammoti dīpeti, dhammaṁ adhammoti dīpeti,
avinayaṁ vinayoti dīpeti, vinayaṁ avinayoti dīpeti, avinidhāya khantiṁ salākagāhena. imehi kho upāli pañcahaṅgehi samannāgato saṅghabhedako na āpāyiko
na nerayiko na kappaṭṭho na atekiccho.

7. aparehipi upāli pañcahaṅgehi samannāgato saṅghabhedako na āpāyiko na nerayiko na kappaṭṭho na atekiccho. katamehi pañcahi: idhūpāli bhikkhu adhammaṁ dhammoti dīpeti, dhammaṁ adhammoti dīpeti,
avinayaṁ vinayoti dīpeti, vinayaṁ avinayoti dīpeti, avinidhāya ruciṁ kammena.
imehi kho upāli pañcahaṅgehi samannāgato saṅghabhedako na āpāyiko
na nerayiko na kappaṭṭho na atekiccho.

aparehipi upāli pañcahaṅgehi samannāgato saṅghabhedako na āpāyiko
na nerayiko na kappaṭṭho na atekiccho. katamehi pañcahi: idhūpāli bhikkhu adhammaṁ dhammoti dīpeti, dhammaṁ adhammoti dīpeti,
avinayaṁ vinayoti dīpeti, vinayaṁ avinayoti dīpeti, avinidhāya ruciṁ uddesena. imehi kho upāli pañcahaṅgehi samannāgato saṅghabhedako na āpāyiko
na nerayiko na kappaṭṭho na atekiccho.

aparehipi upāli pañcahaṅgehi samannāgato saṅghabhedako na āpāyiko
na nerayiko na kappaṭṭho na atekiccho. katamehi pañcahi: idhūpāli bhikkhu adhammaṁ dhammoti dīpeti, dhammaṁ adhammoti dīpeti,
avinayaṁ vinayoti dīpeti, vinayaṁ avinayoti dīpeti, avinidhāya ruciṁ voharanto. imehi kho upāli pañcahaṅgehi samannāgato saṅghabhedako na āpāyiko
na nerayiko na kappaṭṭho na atekiccho.

aparehipi upāli pañcahaṅgehi samannāgato saṅghabhedako na āpāyiko
na nerayiko na kappaṭṭho na atekiccho. katamehi pañcahi: idhūpāli bhikkhu adhammaṁ dhammoti dīpeti, dhammaṁ adhammoti dīpeti,
avinayaṁ vinayoti dīpeti, vinayaṁ avinayoti dīpeti, avinidhāya ruciṁ anusāvaṇena. imehi kho upāli pañcahaṅgehi samannāgato saṅghabhedako na āpāyiko
na nerayiko na kappaṭṭho na atekiccho.

aparehipi upāli pañcahaṅgehi samannāgato saṅghabhedako na āpāyiko
na nerayiko na kappaṭṭho na atekiccho. katamehi pañcahi: idhūpāli bhikkhu adhammaṁ dhammoti dīpeti, dhammaṁ adhammoti dīpeti,
avinayaṁ vinayoti dīpeti, vinayaṁ avinayoti dīpeti, avinidhāya ruciṁ salākagāhena. imehi kho upāli pañcahaṅgehi samannāgato saṅghabhedako na āpāyiko
na nerayiko na kappaṭṭho na atekiccho.

8. aparehipi upāli pañcahaṅgehi samannāgato saṅghabhedako na āpāyiko na nerayiko na kappaṭṭho na atekiccho. katamehi pañcahi: idhūpāli bhikkhu adhammaṁ dhammoti dīpeti, dhammaṁ adhammoti dīpeti,
avinayaṁ vinayoti dīpeti, vinayaṁ avinayoti dīpeti, avinidhāya saññaṁ kammena.
imehi kho upāli pañcahaṅgehi samannāgato saṅghabhedako na āpāyiko
na nerayiko na kappaṭṭho na atekiccho.

aparehipi upāli pañcahaṅgehi samannāgato saṅghabhedako na āpāyiko
na nerayiko na kappaṭṭho na atekiccho. katamehi pañcahi: idhūpāli bhikkhu adhammaṁ dhammoti dīpeti, dhammaṁ adhammoti dīpeti,
avinayaṁ vinayoti dīpeti, vinayaṁ avinayoti dīpeti, avinidhāya saññaṁ uddesena. imehi kho upāli pañcahaṅgehi samannāgato saṅghabhedako na āpāyiko
na nerayiko na kappaṭṭho na atekiccho.

aparehipi upāli pañcahaṅgehi samannāgato saṅghabhedako na āpāyiko
na nerayiko na kappaṭṭho na atekiccho. katamehi pañcahi: idhūpāli bhikkhu adhammaṁ dhammoti dīpeti, dhammaṁ adhammoti dīpeti,
avinayaṁ vinayoti dīpeti, vinayaṁ avinayoti dīpeti, avinidhāya saññaṁ voharanto. imehi kho upāli pañcahaṅgehi samannāgato saṅghabhedako na āpāyiko
na nerayiko na kappaṭṭho na atekiccho.

aparehipi upāli pañcahaṅgehi samannāgato saṅghabhedako na āpāyiko
na nerayiko na kappaṭṭho na atekiccho. katamehi pañcahi: idhūpāli bhikkhu adhammaṁ dhammoti dīpeti, dhammaṁ adhammoti dīpeti,
avinayaṁ vinayoti dīpeti, vinayaṁ avinayoti dīpeti, avinidhāya saññaṁ anusāvaṇena. imehi kho upāli pañcahaṅgehi samannāgato saṅghabhedako na āpāyiko
na nerayiko na kappaṭṭho na atekiccho.

aparehipi upāli pañcahaṅgehi samannāgato saṅghabhedako na āpāyiko
na nerayiko na kappaṭṭho na atekiccho. katamehi pañcahi: idhūpāli bhikkhu adhammaṁ dhammoti dīpeti, dhammaṁ adhammoti dīpeti,
avinayaṁ vinayoti dīpeti, vinayaṁ avinayoti dīpeti, avinidhāya saññaṁ salākagāhena. imehi kho upāli pañcahaṅgehi samannāgato saṅghabhedako na āpāyiko
na nerayiko na kappaṭṭho na atekiccho.

dutiyasaṅghabhedakavaggo dvādasamo

[bjt page 258] [\x 258/]

tassuddānaṁ:

avinidhāya diṭṭhiṁ kammena uddesena vohārena ca,
anusāvaṇena salākena pañcete diṭṭhinissitā.

khanti ruci ca saññā ca tayo te pañcadhā nayā,
heṭṭhime kaṇhapakkhamhi samavīsavidhī yathā:
tatheva sukkapakkhamhi samavīsati jānathāti.

13. āvāsika vaggo

1. katīhi nu kho bhante aṅgehi samannāgato āvāsiko bhikkhū yathābhataṁ nikkhitto evaṁ nirayeti:

pañcahupāli aṅgehi samannāgato āvāsiko bhikkhu yathābhataṁ nikkhitto evaṁ niraye. katamehi pañcahi: chandāgatiṁ gacchati, [pts page 204] [\q 204/]      dosāgatiṁ gacchati, mohāgatiṁ gacchati, bhayāgatiṁ gacchati, saṅghikaṁ puggalikaparibhogena paribhuñjati. imehi kho upāli pañcahaṅgehi samannāgato āvāsiko bhikkhu yathābhataṁ nikkhitto evaṁ niraye.

2. pañcahupāli aṅgehi samannāgato āvāsiko bhikkhu yathābhataṁ
nikkhitto evaṁ sagge. katamehi pañcahi: na chandāgatiṁ gacchati,
na dosāgatiṁ gacchati, na mohāgatiṁ gacchati, na bhayāgatiṁ gacchati,
saṅghikaṁ na puggalikaparibhogena paribhuñjati. imehi kho upāli pañcahaṅgehi
samannāgato āvāsiko bhikkhu yathābhataṁ nikkhitto evaṁ sagge.

3. kati nu kho bhante adhammikā vinayabyākaraṇāti?

pañcime upāli adhammikā vinayabyākaraṇā. katame pañca: idhūpāli bhikkhu adhammaṁ dhammoti pariṇāmeti, dhammaṁ adhammoti pariṇāmeti, avinayaṁ vinayoti pariṇāmeti, vinayaṁ avinayoti pariṇāmeti, apaññattaṁ paññāpeti, paññattaṁ samucchindati. ime kho upāli pañca adhammikā vinayabyākaraṇā.

4. pañcime upāli dhammikā vinayabyākaraṇā. katame pañca: idhūpāli bhikkhu adhammaṁ adhammoti pariṇāmeti, dhammaṁ dhammoti pariṇāmeti, avinayaṁ avinayoti
pariṇāmeti, vinayaṁ vinayoti pariṇāmeti, apaññattaṁ na paññāpeti, paññattaṁ na
samucchindati. ime kho upāli pañca adhammikā vinayabyākaraṇā.

5. katīhi nu kho bhante aṅgehi samannāgato bhattuddesako yathābhataṁ nikkhitto evaṁ nirayeti?

pañcahupāli aṅgehi samannāgato bhattuddesako yathābhataṁ nikkhitto evaṁ niraye. katamehi pañcahi: chandāgatiṁ gacchati, dosāgatiṁ gacchati, mohāgatiṁ gacchati, bhayāgatiṁ gacchati, uddiṭṭhānuddiṭṭhaṁ na jānāti. imehi kho upāli pañcahaṅgehi
samannāgato bhattuddesako yathābhataṁ nikkhitto evaṁ niraye.

[bjt page 260] [\x 260/]

6. pañcahupāli aṅgehi samannāgato bhattuddesako yathābhataṁ
nikkhitto evaṁ sagge. katamehi pañcahi: na chandāgatiṁ gacchati,
na dosāgatiṁ gacchati, na mohāgatiṁ gacchati, na bhayāgatiṁ gacchati,
uddiṭṭhānuddiṭṭhaṁ jānāti. imehi kho upāli pañcahaṅgehi
samannāgato bhattuddesako yathābhataṁ nikkhitto evaṁ sagge.

7. katī hi nu kho bhante aṅgehi samannāgato senāsanapaññāpako yathābhataṁ nikkhitto evaṁ nirayeti?
katī hi nu kho bhante aṅgehi samannāgato bhaṇḍāgāriko yathābhataṁ
nikkhitto evaṁ nirayeti?
katī hi nu kho bhante aṅgehi samannāgato cīvarapaṭiggāhako yathābhataṁ
nikkhitto evaṁ nirayeti?
katī hi nu kho bhante aṅgehi samannāgato cīvarabhājako yathābhataṁ
nikkhitto evaṁ nirayeti?
katī hi nu kho bhante aṅgehi samannāgato yāgubhājako yathābhataṁ
nikkhitto evaṁ nirayeti?
katī hi nu kho bhante aṅgehi samannāgato phalabhājako yathābhataṁ
nikkhitto evaṁ nirayeti?
katī hi nu kho bhante aṅgehi samannāgato khajjabhājako yathābhataṁ
nikkhitto evaṁ nirayeti?
katī hi nu kho bhante aṅgehi samannāgato appamattakavissajjako yathābhataṁ nikkhitto evaṁ nirayeti?
katī hi nu kho bhante aṅgehi samannāgato sāṭiyagāhāpako yathābhataṁ
nikkhitto evaṁ nirayeti?
katī hi nu kho bhante aṅgehi samannāgato pattagāhāpako yathābhataṁ
nikkhitto evaṁ nirayeti?
katī hi nu kho bhante aṅgehi samannāgato ārāmikapesako yathābhataṁ
nikkhitto evaṁ nirayeti?
katī hi nu kho bhante aṅgehi samannāgato sāmaṇerapesako yathābhataṁ
nikkhitto evaṁ nirayeti?

pañcahupāli aṅgehi samannāgato sāmaṇerapesako yathābhataṁ nikkhitto evaṁ nirayeti. katamehi pañcahi: chandāgatiṁ gacchati, dosāgatiṁ gacchati, mohāgatiṁ gacchati, bhayāgatiṁ gacchati, pesitāpesitaṁ na jānāti. imehi kho upāli pañcahaṅgehi samannāgato sāmaṇerapesako yathābhataṁ nikkhitto evaṁ niraye.

8. pañcahupāli aṅgehi samannāgato sāmaṇerapesako yathābhataṁ nikkhitto evaṁ sagge. katamehi pañcahi: na chandāgatiṁ gacchati, na dosāgatiṁ gacchati, na mohāgatiṁ gacchati, na bhayāgatiṁ gacchati, pesitāpesitaṁ jānāti. imehi kho upāli pañcahaṅgehi samannāgato sāmaṇerapesako yathābhataṁ nikkhitto evaṁ saggeti.

āvāsikavaggo terasamo

tassuddānaṁ:
[pts page 205] [\q 205/]
āvāsikā byākaraṇā bhattuddesasenāsanāni ca,
bhaṇḍacīvaragāho ca cīvarassa ca bhājako.

yāgu phalaṁ khajjakañca appasāṭiyagāhako,
pattaārāmikā ceva sāmaṇerena pesakoti.

14. kaṭhinatthāra vaggo

1. kati nu kho bhante ānisaṁsā kaṭhinatthāreti?

pañcime upāli ānisaṁsā kaṭhinatthāre. katame pañca: anāmantacāro, asamādānacāro, gaṇabhojanaṁ, yāvadatthacīvaraṁ, yo ca tattha cīvaruppādo so tesaṁ bhavissati ime kho upāli pañca ānisaṁsā kaṭhinatthāreti.

[bjt page 262] [\x 262/]

2. kati nu kho bhante ādīnavā muṭṭhassatissa asampajānassa niddaṁ okkamatoti?

pañcime upāli ādīnavā muṭṭhassatissa asampajānassa niddaṁ okkamato. katame pañca: dukkhaṁ supati, dukkhaṁ paṭibujjhati, pāpakaṁ supinaṁ passati, devatā na rakkhanti, asuci muccati. ime kho upāli pañca ādīnavā muṭṭhassatissa asampajānassa niddaṁ okkamato.
pañcime upāli ānisaṁsā upaṭṭhitasatissa sampajānassa niddaṁ okkamato. katame pañca: sukhaṁ supati, sukhaṁ paṭibujjhati, na pāpakaṁ supinaṁ passati, devatā rakkhanti, asuci na muccati. ime kho upāli pañcānisaṁsā upaṭṭhitasatissa sampajānassa niddaṁ
okkamato.

3. kati nu kho bhante avandiyāti?

pañcime upāli avandiyā. katame pañca: antaragharaṁ paviṭṭho avandiyo, racchāgato avandiyo, otamasiko avandiyo, asamannāharanto avandiyo, sutto avandiyo. ime kho upāli pañca avandiyā.

4. aparepi upāli pañca avandiyā. katame pañca: yāgupāne avandiyo, bhattagge avandiyo, ekāvatto avandiyo, aññavihito avandiyo, naggo avandiyo. ime kho upāli pañca avandiyā.

5. aparepi upāli pañca avandiyā. katame pañca: khādanto avandiyo, bhuñjanto avandiyo, uccāraṁ karonto avandiyo, passāvaṁ karonto avandiyo, ukkhittako avandiyo. ime kho upāli pañca avandiyā.

6. aparepi upāli pañca avandiyā. katame pañca: pure upasampannena pacchā upasampanno avandiyo, anupasampanno avandiyo, nānāsaṁvāsako buḍḍhataro adhammavādī avandiyo, mātugāmo avandiyo, paṇḍako avandiyo. ime kho upāli pañca avandiyā.

7. aparepi upāli pañca avandiyā. katame pañca: pārivāsiko avandiyo, mūlāya paṭikassanāraho avandiyo, mānattāraho avandiyo, mānattacārī avandiyo, abbhānāraho avandiyo. ime kho upāli pañca avandiyāti.
[pts page 206] [\q 206/]

8. kati nu kho bhante vandiyāti?

pañcime upāli vandiyā. katame pañca: pacchā upasampannena pūre upasampanno vandiyo, nānāsaṁvāsako buḍḍhataro dhammāvādī vandiyo, ācariyo vandiyo, upajjhāyo vandiyo, sadevake loke samārake sabrahmake sassamaṇabrāhmaṇiyā pajāya sadevamanussāya tathāgato arahaṁ sammāsambuddho vandiyo. ime kho upāli pañca vandiyāti.

[bjt page 264] [\x 264/]

9. navakatarena bhante bhikkhunā buḍḍhatarassa bhikkhuno pāde vandantena kati dhamme ajjhattaṁ upaṭṭhāpetvā pādā vanditabbāti?

navakatarenupāli, bhikkhunā buḍḍhatarassa bhikkhuno pāde vandantena pañca dhamme ajjhattaṁ upaṭṭhāpetvā pādā vanditabbā. katame pañca: navakatarenupāli, bhikkhunā buḍḍhatarassa bhikkhuno pāde vandantena ekaṁsaṁ uttarāsaṅgaṁ karitvā añjalimpaggahetvā ubhohi pāṇitalehi pādāni parisambāhantena pemañca gāravañca upaṭṭhāpetvā pādā vanditabbā. navakatarenupāli bhikkhunā buḍḍhatarassa bhikkhuno pāde vandantena ime pañca dhamme ajjhattaṁ upaṭṭhāpetvā pādā vanditabbāti.

kaṭhinatthāravaggo cuddasamo.

tassuddānaṁ:

kaṭhinatthāra niddā ca antarā yāgu khādane,
pure ca pārivāsī ca vandiyā vanditabbakanti.

upālipañcakaṁ niṭṭhitaṁ.

tesaṁ vaggānaṁ uddānaṁ:

anissitena kammañca vohārāvīkammena ca,
codanā ca dhutaṅgā ca musā bhikkhunimeva ca.
ubbahikādhikaraṇaṁ bhedakā pañcā pure,

āvāsikā kaṭhinañca cuddasa suppakāsikāti.
[bjt page 266] [\x 266/]
[pts page 207] [\q 207/]

samuṭṭhānaṁ

atthāpatti acittako āpajjati sacittako vuṭṭhāti, atthāpatti sacittako āpajjati acittako vuṭṭhāti, atthāpatti acittako āpajjati acittako vuṭṭhāti, atthāpatti sacittako āpajjati sacittako vuṭṭhāti, atthāpatti kusalacitto āpajjati kusalacitto vuṭṭhāti, atthāpatti kusalacitto āpajjati, akusalacitto vuṭṭhāti, atthāpatti kusalacitto āpajjati abyākatacitto vuṭṭhāti, atthāpatti akusalacitto āpajjati akusalacitto vuṭṭhāti, atthāpatti akusalacitto āpajjati kusalacitto vuṭṭhāti, atthāpatti akusalacitto āpajjati abyākatacitto vuṭṭhāti, atthāpatti abyākatacitto āpajjati kusalacitto vuṭṭhāti, atthāpatti abyākatacitto āpajjati akusalacitto vuṭṭhāti, atthāpatti abyākatacitto āpajjati abyākatacitto vuṭṭhāti.

paṭhamaṁ pārājikaṁ katīhi samuṭṭhānehi samuṭṭhāti: paṭhamaṁ pārājikaṁ ekena samuṭṭhānena samuṭṭhāti kāyato ca cittato ca samuṭṭhāti na vācato.

dutiyaṁ pārājikaṁ katīhi samuṭṭhānehi samuṭṭhāti: dutiyaṁ pārājikaṁ tīhi samuṭṭhānena samuṭṭhāti siyā kāyato ca cittato ca samuṭṭhāti na vācato. siyā vācato ca cittato ca samuṭṭhāti, na kāyato. siyā kāyato ca vācato ca cittato ca samuṭṭhāti.

tatiyaṁ pārājikaṁ katīhi samuṭṭhānehi samuṭṭhāti: tatiyaṁ pārājikaṁ tīhi samuṭṭhānena samuṭṭhāti siyā kāyato ca cittato ca samuṭṭhāti na vācato. siyā vācato ca cittato ca samuṭṭhāti, na kāyato. siyā kāyato ca vācato ca cittato ca samuṭṭhāti.

catutthaṁ pārājikaṁ katīhi samuṭṭhānehi samuṭṭhāti: catutthaṁ pārājikaṁ tīhi samuṭṭhānena samuṭṭhāti siyā kāyato ca cittato ca samuṭṭhāti na vācato. siyā vācato ca cittato ca samuṭṭhāti, na kāyato. siyā kāyato ca vācato ca cittato ca samuṭṭhāti.

cattāro pārājikā niṭṭhitā.

1. upakkamitvā asuciṁ mocentassa saṅghādiseso katīhi samuṭṭhānehi samuṭṭhāti: upakkamitvā asuciṁ mocentassa saṅghādiseso ekena samuṭṭhānena samuṭṭhāti: kāyato ca cittato ca samuṭṭhāti na vācato.

[bjt page 268] [\x 268/]

2. mātugāmena saddhiṁ kāyasaṁsaggaṁ samāpajjantassa saṅghādiseso katīhi samuṭṭhānehi samuṭṭhāti: mātugāmena saddhiṁ kāyasaṁsaggaṁ samāpajjantassa saṅghādiseso ekena samuṭṭhānena samuṭṭhāti: kāyato ca cittato ca samuṭṭhāti na vācato.

3. mātugāmaṁ duṭṭhullāhi vācāhi obhāsantassa saṅghādiseso katīhi samuṭṭhānehi samuṭṭhāti: mātugāmā duṭṭhullāhi vācāhi obhāsantassa saṅghādiseso tīhi samuṭṭhānehi samuṭṭhāti: siyā kāyato ca cittato ca samuṭṭhāti na vācato, siyā [pts page 208] [\q 208/]      vācato ca cittato ca samuṭṭhāti. na kāyato, siyā kāyato ca vācato ca cittato ca samuṭṭhāti.

4. mātugāmassa santike attakāmapāricariyāya vaṇṇaṁ bhāsantassa saṅghādiseso katīhi samuṭṭhānehi samuṭṭhāti: mātugāmassa santike attakāmapāricariyāya vaṇṇaṁ bhāsantassa saṅghādiseso tīhi samuṭṭhānehi
samuṭṭhāti: siyā kāyato ca cittato ca samuṭṭhāti na vācato, vācato ca cittato ca samuṭṭhāti. na kāyato, siyā kāyato ca vācato ca cittato ca samuṭṭhāti.

5. sañcarittaṁ samāpajjantassa saṅghādisesā katīhi samuṭṭhānehi samuṭṭhāti: sañcarittaṁ samāpajjantassa saṅghādiseso chahi samuṭṭhānehani samuṭṭhāti: siyā kāyato samuṭṭhāti na vācato na cittato, siyā vācato samuṭṭhāti na kāyato na cittato, siyā kāyato ca vācato ca samuṭṭhāti na cittato, siyā kāyato ca cittato ca samuṭṭhāti na vācato, siyā vācato ca cittato ca samuṭṭhāti na kāyato, siyā kāyato ca vācato ca cittato ca samuṭṭhāti.

6. saññācikāya kuṭiṁ kārāpentassa katīhi samuṭṭhānehi samuṭṭhāti: saññācikāya kuṭiṁ kārāpentassa saṅghādiseso chahi samuṭṭhānehani samuṭṭhāti: siyā kāyato samuṭṭhāti na vācato na cittato, siyā vācato samuṭṭhāti na kāyato na cittato, siyā kāyato ca vācato ca samuṭṭhāti na cittato, siyā kāyato ca cittato ca samuṭṭhāti na vācato, siyā vācato ca cittato ca samuṭṭhāti na kāyato, siyā kāyato ca vācato ca cittato ca samuṭṭhāti.

7. mahallakaṁ vihāraṁ kārāpentassa saṅghādiseso katīhi samuṭṭhānehi samuṭṭhāti: mahallakaṁ vihāraṁ kārāpentassa saṅghādiseso
chahi samuṭṭhānehani samuṭṭhāti: siyā kāyato samuṭṭhāti na
vācato na cittato, siyā vācato samuṭṭhāti na kāyato na cittato, siyā kāyato ca vācato ca samuṭṭhāti na cittato, siyā kāyato ca cittato ca samuṭṭhāti na vācato, siyā vācato ca cittato ca samuṭṭhāti na kāyato, siyā kāyato ca vācato ca cittato ca samuṭṭhāti.

8. bhikkhuṁ amūlakena pārājikena dhammena anuddhaṁsentassa saṅghādiseso katīhi samuṭṭhānehi samuṭṭhāti: bhikkhuṁ amūlakena pārājikena dhammena anuddhaṁsentassa
saṅghādiseso tīhi samuṭṭhānehi
samuṭṭhāti: siyā kāyato ca cittato ca samuṭṭhāti na vācato, vācato ca cittato ca samuṭṭhāti. na kāyato, siyā kāyato ca vācato ca cittato ca samuṭṭhāti.

9. bhikkhuṁ aññabhāgiyassa adhikaraṇassa kiñci desaṁ lesamattaṁ upādāya pārājikena dhammena anuddhaṁsentassa saṅghādiseso katīhi samuṭṭhānehi samuṭṭhāti: bhikkhuṁ aññabhāgiyassa adhikaraṇassa kiñci desaṁ lesamattaṁ upādāya pārājikena dhammena anuddhaṁsentassa saṅghādiseso tīhi samuṭṭhānehi
samuṭṭhāti: siyā kāyato ca cittato ca samuṭṭhāti na vācato, vācato ca cittato ca samuṭṭhāti. na kāyato, siyā kāyato ca vācato ca cittato ca samuṭṭhāti.

[bjt page 270] [\x 270/]

10. saṅghabhedakassa bhikkhuno yāvatatiyaṁ samanubhāsanāya nappaṭinissajjantassa saṅghādiseso katīhi samuṭṭhānehi samuṭṭhāti: saṅghabhedakassa bhikkhuno yāvatatiyaṁ samanubhāsanāya nappaṭinissajjantassa saṅghādiseso ekena samuṭṭhānena samuṭṭhāti: kāyato ca vācato ca cittato ca samuṭṭhāti.

11. bhedakānuvattakānaṁ bhikkhūnaṁ yāvatatiyaṁ samanubhāsanāya
nappaṭinissajjantassa saṅghādiseso katīhi samuṭṭhānehi samuṭṭhāti:
bhedakānuvattakānaṁ bhikkhūnaṁ yāvatatiyaṁ
samanubhāsanāya nappaṭinissajjantānaṁ saṅghādiseso ekena samuṭṭhānena samuṭṭhāti: kāyato ca vācato ca cittato ca samuṭṭhāti.

12. dubbacassa bhikkhuno yāvatatiyaṁ samanubhāsanāya nappaṭinissajjantassa saṅghādiseso katīhi samuṭṭhānehi samuṭṭhāti: dubbacassa bhikkhuno yāvatatiyaṁ samanubhāsanāya nappaṭinissajjantassa saṅghādiseso ekena samuṭṭhānena samuṭṭhāti: kāyato ca vācato ca cittato ca samuṭṭhāti.

13. kuladūsakassa bhikkhuno yāvatatiyaṁ samanubhāsanāya nappaṭinissajjantassa saṅghādiseso katīhi samuṭṭhānehi samuṭṭhāti: kuladūsakassa bhikkhuno yāvatatiyaṁ samanubhāsanāya nappaṭinissajjantassa saṅghādiseso ekena samuṭṭhānena samuṭṭhāti: kāyato ca vācato ca cittato ca samuṭṭhāti.

terasasaṅghādisesā niṭṭhitā

-pe-------------------------------------------
anādariyaṁ paṭicca udake uccāraṁ vā passāvaṁ vā kheḷaṁ vā karontassa dukkaṭaṁ katīhi samuṭṭhānehi samuṭṭhāti: anādariyaṁ paṭicca udake uccāraṁ vā passāvaṁ vā kheḷaṁ vā karontassa dukkaṭaṁ ekena samuṭṭhānena samuṭṭhāti: kāyato ca cittato ca sumuṭṭhāti, na vācato.

sekhiyā niṭṭhitā

1. catatāro pārājikā kati samuṭṭhānehi samuṭṭhahanti: cattāro pārājikā tīhi samuṭṭhānehi samuṭṭhahanti: siyā kāyato ca cittato ca samuṭṭhahanti na vācato, siyā vācato ca cittato ca samuṭṭhahanti. na kāyato, siyā kāyato ca vācato ca cittato ca samuṭṭhahanti.
[pts page 209] [\q 209/]

2. terasa saṅghādisesā katīhi samuṭṭhānehi samuṭṭhahanti: terasa saṅghādisesā chahi samuṭṭhānehi samuṭṭhahanti: siyā kāyato samuṭṭhahanti na vācato na cittato, siyā vācato samuṭṭhahanti na kāyato na cittato, siyā kāyato ca vācato ca samuṭṭhahanti.

[bjt page 272] [\x 272/]

na cittato. siyā kāyato ca cittato ca samuṭṭhahanti na vācato. siyā vācato ca cittato ca samuṭṭhahanti na kāyato. siyā kāyato ca vācato ca cittato ca samuṭṭhahanti.

3. dve aniyatā katīhi samuṭṭhānehi samuṭṭhahanti: dve aniyatā tīhi samuṭṭhānehi samuṭṭhahanti: siyā kāyato ca cittato ca samuṭṭhahanti na vācato. siyā vācato ca cittato ca samuṭṭhahanti. na kāyato. siyā kāyato ca vācato ca cittato ca samuṭṭhahanti.

4. tiṁsa nissaggiyā pācittiyā katīhi samuṭṭhānehi samuṭṭhahanti: tiṁsa nissaggiyā pācittiyā chahi samuṭṭhānehi samuṭṭhahanti: siyā kāyato samuṭṭhahanti na vācato na cittato. siyā vācato samuṭṭhahanti na kāyato na cittato. siyā kāyato ca vācato ca samuṭṭhahanti na cittato. siyā kāyato ca cittato ca samuṭṭhahanti na vācato. siyā vācato ca cittato ca samuṭṭhahanti na kāyato. siyā kāyato ca vācato ca cittato ca samuṭṭhahanti.

5. dve navuti pācittiyā katīhi samuṭṭhānehi samuṭṭhahanti: dve navuti pācittiyā chahi samuṭṭhānehi samuṭṭhahanti: siyā kāyato samuṭṭhahanti na vācato na cittato. siyā vācato samuṭṭhahanti na kāyato na cittato. siyā kāyato ca vācato ca samuṭṭhahanti na cittato. siyā kāyato ca cittato ca samuṭṭhahanti na vācato. siyā vācato ca cittato ca samuṭṭhahanti na kāyato. siyā kāyato ca vācato ca cittato ca samuṭṭhahanti.

6. cattāro pāṭidesanīyā katīhi samuṭṭhānehi samuṭṭhahanti: cattāro pāṭidesanīyā catūhi samuṭṭhānehi samuṭṭhahanti: siyā kāyato samuṭṭhahanti na vācato na cittato. siyā kāyato ca vācato ca samuṭṭhahanti na cittato. siyā kāyato ca cittato ca samuṭṭhahanti. na vācato. siyā kāyato ca vācato ca cittato ca samuṭṭhahanti.

7. pañcasattati sekhiyā katīhi samuṭṭhānehi samuṭṭhahanti: pañca sattati sekhiyā tīhi samuṭṭhānehi samuṭṭhahanti: siyā kāyato ca cittato ca samuṭṭhahanti na vācato. siyā vācato ca cittato ca samuṭṭhahanti na kāyato. siyā kāyato ca vācato ca cittato ca samuṭṭhahanti.

samuṭṭhānaṁ niṭṭhitaṁ.

tassuddānaṁ:

acittakusalañceva1 samuṭṭhānañca sabbathā
yathā dhammena ñāyena samuṭṭhānaṁ vijānathāti.

1. acittakusalo ceva - machasaṁ. syā.

[bjt page 274] [\x 274/]
[pts page 210] [\q 210/]

dutiyagāthāsaṅgaṇikaṁ

1. katāpattiyo kāyikā kati vācasikā katā,
chādentassa kati āpattiyo kati saṁsaggapaccayā.

2. cha āpattiyo kāyikā cha vācasikā katā,
chādentassa tisso āpattiyo pañca saṁsaggapaccayā.

3. aruṇugge ti āpattiyo kati yāvatatiyakā,
katettha aṭṭhavatthukā katīhi sabbasaṅgaho.

4. aruṇugge tisso āpattiyo duve yāvatatiyakā,
ekettha aṭṭhavatthukā ekena sabbasaṅgaho.

5. vinayassa kati mūlāni yāni buddhena paññattā,
vinayagarukā kati vuttā duṭṭhullachādanā kati.

6. vinayassa dve mūlāni yāni buddhena paññattā,
vinayagarukā dve vuttā dve duṭṭhullachādanā.

7. gāmantare kati āpattiyo kati nadīpārapaccayā,
kati maṁsesu thullaccayaṁ kati maṁsesu dukkaṭaṁ.

8. gāmantare catasso āpattiyo catasso nadīpārapaccayā,
ekamaṁse thullaccayaṁ nava maṁsesu dukkaṭaṁ.

9. kati vācasikā rattiṁ kati vācasikā divā,
dadamānassa kati āpattiyo paṭiggaṇhantassa kittakā.

10. dve vācasikā rattiṁ dve vācasikā divā,
dadamānassa tisso āpattiyo cattāro ca paṭiggahe.

11. kati desanāgāminiyo kati sappaṭikammā katā,
katettha appaṭikammā vuttā buddhenādiccabandhunā.

[bjt page 276] [\x 276/]

12. pañcadesanāgāminiyo cha sappaṭikammā katā,
ekettha appaṭikammā vuttā buddhenādiccabandhunā.

13. vinayagarukā kati vuttā kāyavācasikāni ca,
kati vikāle dhaññaraso kati ñatticatutthena sammuti.
14. vinayagarukā dve vuttā kāyavācasikāni ca,
eko vikāle dhaññaraso ekā ñatticatutthena sammuti.

15. pārājikā kāyikā kati kati saṁvāsabhūmiyo,
katinnaṁ1 ratticchedo paññattā dvaṅgulā kati.
[pts page 211] [\q 211/]
16. pārājikā kāyikā dve dve saṁvāsabhūmiyo,
dvinnañca ratticchedo paññattā dvaṅgulā duve.

17. katattānaṁ vadhitvāna katīhi saṅgho bhijjati,
katettha paṭhamāpattikaṁ ñattiyā karaṇā kati.

18. dve attānaṁ vadhītvā dvīhi saṅgho bhijjati,
dvettha paṭhamāpattikā ñattiyā karaṇā duve.

19. pāṇātipāte kati āpattiyo vācā pārājikā kati,
obhāsanā kati vuttā sañcarittena vā kati.

20. pāṇātipāte tisso āpattiyo vācā pārājikā tayo,
obhāsanā tayo vuttā sañcarittena vā tayo.

21. kati puggalā na upasampādetabbā kati kammānaṁ saṅgahā,
nāsikatā kati vuttā katinnaṁ ekavācikā.

22. tayo puggalā na upasampādetabbā kati kammānaṁ saṅgahā,
nāsikatā tayo vuttā tiṇṇannaṁ ekavācikā.

23. adinnādāne kati āpattiyo kati methunapaccayā,
chindantassa kati āpattiyo kati chaḍḍitapaccayā.

1. katīnaṁ - sīmu. katinaṁ - machasaṁ.

[bjt page 278] [\x 278/]

24. adinnādāne tisso āpattiyo catasso methunapaccayā,
chindantassa tisso āpattiyo pañca chaḍḍītapaccayā.

25. bhikkhunovādakavaggasmiṁ pācittiyena dukkaṭā,
katettha navakā vuttā katinnaṁ1 cīvarena ca.

26. bhikkhunovādakavaggasmiṁ pācittiyena dukkaṭā,
katā caturettha navakā2 vuttā dvinnaṁ cīvarena ca.

27. bhikkhunīnañca akkhātā pāṭidesanīyā kati,
bhuñjantāmakadhaññena pācittiyena dukkaṭā kati.

28. bhikkhunīnañca akkhātā aṭṭha pāṭidesanīyā katā,
bhuñjantāmakadhaññena pācittiyena dukkaṭā katā.

29. gacchantassa kati āpattiyo ṭhitassa vāpi kittakā,
nissannassa kati āpattiyo nipannassāpi kittakā.

30. gacchantassa catasso āpattiyo ṭhitassa vāpi tattikā,
nisinnassa catasso āpattiyo nipannassāpi tattikā.

31. kati pācittiyāni sabbāni nānāvatthukāni,
apubbaṁ acarimaṁ āpajjeyya ekato.

32. pañca pācittiyāni sabbāni nānāvatthukāni,
apubbaṁ acarimaṁ āpajjeyya ekato.
[pts page 212] [\q 212/]
33. kati pācittiyāni sabbāni nānāvatthukāni,
apubbaṁ acarimaṁ āpajjeyya ekato.

34. nava pācittiyāni sabbāni nānā vatthukāni,
apubbaṁ acarimaṁ āpajjeyya ekato.

35. kati pācittiyāni sabbāni nānā vatthukāni,
kati vācāya deseyya vuttā ādiccabandhunā.

36. pañca pācittiyāni sabbāni nānāvatthukāni,
ekavācāya deseyya vuttā ādiccabandhunā.

1. katīnaṁ - sīmu, katinaṁ - machasaṁ.
2. caturettha navakāvuttā - machasaṁ.

[bjt page 280] [\x 280/]

37. kati pācittiyāni sabbāni nānā vatthukāni,
kati vācāya deseyya vuttā ādiccabandhunā.

38. nava pācittiyāni sabbāni nānāvatthukāni,
ekavācāya deseyya vuttā ādiccabandhunā.

39. kati pācittiyāni sabbāni nānāvatthukāni,
kiñca kittetvā deseyya vuttā ādiccabandhunā.

40. pañca pācittiyāni sabbāni nānāvatthukāni,
vatthuṁ kittetvā deseyya vuttā ādiccabandhunā.

41. kati pācittiyāni sabbāni nānāvatthukāni,
kiñca kittetvā deseyya vuttā ādiccabandhunā.

42. nava pācittiyāni sabbāni nānāvatthukāni,
vatthuṁ kittetvā deseyya vuttā ādiccabandhunā.

43. yāvatatiyakā kati āpattiyo kati vohārapaccayā,
khādantassa kati āpattiyo kati bhojanapaccayā.

44. yāvatatiyakā tisso āpattiyo cha vohārapaccayā,
khādantassa tisso āpattiyo pañca bhojanapaccayā.

45. sabbā yāvatatiyakā kati ṭhānāni gacchanti,
katinnañceva āpattiyo katinnaṁ adhikaraṇena ca.

46. sabbā yāvatatiyakā pañca ṭhānāni gacchanti,
pañcannañceva āpatti pañcannaṁ adhikaraṇena ca.

47. katinnaṁ vinicchayo hoti katinnaṁ vūpasamena ca,
katinnañceva anāpatti katīhi ṭhānehi sobhati.

48. pañcannaṁ vinicchayo hoti pañcannaṁ vūpasamena ca,
pañcannañceva anāpatti tīhi ṭhānehi sobhati.

49. kati kāyikā rattiṁ kati kāyikā divā,
nijjhāyantassa kati āpatti kati piṇḍapātapaccayā.

50. dve kāyikā rattiṁ dve kāyikā divā,
nijjhāyantassa ekā āpatti ekā piṇḍapātapaccayā.

[bjt page 282] [\x 282/]
[pts page 213] [\q 213/]

51. katānisaṁse sampassaṁ paresaṁ saddhāya desaye,
ukkhittakā kati vuttā kati sammā pavattanā.

52. aṭṭhānisaṁse sampassaṁ paresaṁ saddhāya desaye,
ukkhittakā tayo vuttā te cattārīsa sammāvattanā.

53. kati ṭhāne musāvādo kati paramanti vuccati,
kati pāṭidesanīyā katinnaṁ desanāya ca.

54. pañca ṭhāne musāvādo cuddasa paramanti vuccati,
dvādasa pāṭidesanīyā catunnaṁ desanāya ca.

55. kataṅgiko musāvādo kati uposathaṅgāni,
kati dūteyyaṅgāni aṭṭha titthiyavattanā.

56. aṭṭhaṅgiko musāvādo aṭṭha uposathaṅgāni,
aṭṭha duteyyaṅgāni aṭṭha titthiyavattanā.

57. kati vācikā upasampadā katinnaṁ paccuṭṭhātabbaṁ,
katinnaṁ āsanaṁ dātabbaṁ bhikkhunovādako katīhi.

58. aṭṭha vācikā upasampadā aṭṭhannaṁ paccuṭṭhātabbaṁ,
aṭṭhannaṁ āsanaṁ dātabbaṁ bhikkhunovādako aṭṭhahi.

59. katinnaṁ chejjaṁ hoti katinnaṁ thullaccayaṁ,
katinnañceva anāpatti sabbesaṁ ekavatthukā.

60. ekassa chejjaṁ hoti catunnaṁ thullaccayaṁ,
catunnañceva anāpatti sabbesaṁ ekavatthukā.

61. kati āghātavatthūni katīhi saṅgho bhijjati,
katettha paṭhamāpattikā ñattiyā karaṇā kati.

62. nava āghātavatthūni navahi saṅgho bhijjati,
navettha paṭhamāpattikā ñattiyā karaṇā nava.

63. kati puggalā nābhivādetabbā añjali sāmicena ca,
katinnaṁ dukkaṭaṁ hoti kati cīvaradhāraṇā.

[bjt page 284] [\x 284/]

64. dasa puggalā nābhivādetabbā añjali sāmicena ca,
dasannaṁ dukkaṭaṁ hoti dasa cīvaradhāraṇā.

65. katinnaṁ vassaṁ vutthānaṁ dātabbaṁ idha cīvaraṁ,
katinnaṁ sante dātabbaṁ katinnañceva na dātabbaṁ

66. pañcannaṁ vassaṁ dātabbaṁ idha cīvaraṁ,
sattannaṁ sante dātabbaṁ soḷasannaṁ na dātabbaṁ.

67. kati sataṁ ratti sataṁ āpattiyo chādayitvāna,
kati rattiyo vasitvāna mucceyya pārivāsiko.

68. dasasataṁ ratti sataṁ āpattiyo chādayitvāna,
dasa rattiyo vasitvāna mucceyya pārivāsiko.

69. kati kammadosā vuttā buddhenādiccabandhunā,
campāyaṁ vinayavatthusmiṁ sabbe adhammikā1 kati.

70. dvādasa kammadosā vuttā buddhenādiccabandhunā,
campāyaṁ vinayavatthusmiṁ sabbevādhammikā katā.
[pts page 214] [\q 214/]
71. kati kammasampattiyo vuttā buddhenādiccabandhunā,
campāyaṁ vinayavatthusmiṁ sabbeva dhammikā kati.

72. catasso sampattiyo vuttā buddhenādiccabandhunā,
campāyaṁ vinayavatthusmiṁ sabbeva dhammikā katā.

73. kati kammāni vuttāni buddhenādiccabandhunā,
cha campāyaṁ vinayavatthusmiṁ dhammikā adhammikā kati.

74. cha kammāni vuttāni buddhenādiccabandhunā,
campāyaṁ vinayavatthusmiṁ ekettha dhammikā katā:
pañca adhammikā vuttā buddhenādiccabandhunā.

75. kati kammāni vuttāni buddhenādiccabandhunā,
campāyaṁ vinayavatthusmiṁ dhammikā adhammikā kati.

76. cattāri kammāni vuttāni buddhenādiccabandhunā,
campāyaṁ vinayavatthusmiṁ ekettha dhammikā katā:
tayo adhammikā vuttā buddhenādiccabandhunā.

77. yaṁ desitā anantajinena tādinā
āpattikkhandhāni vivekadassinā,
katettha sammanti vinā samathehi
pucchāmi taṁ buhi vibhaṅgakovida.

1. sabbeva adhammikā - machasaṁ.

[bjt page 286] [\x 286/]

78. yaṁ desitā anantajinena tādinā,
āpattikkhandhāni vivekadassinā:
ekettha sammati vinā samathehi,
etaṁ te akkhāmi vibhaṅgakovida.

79. kati āpāyikā vuttā buddhenādiccabandhunā,
vinayaṁ paṭijānantassa visayāni1 suṇoma te.

80. cha ūnadiyaḍḍhasatā vuttā buddhenādiccabandhunā,
āpāyikā nerayikā kappaṭṭhā saṅghabhedakā:
vinayaṁ paṭijānantassa visayāni suṇohi me.

81. kati nāpāyikā vuttā buddhenādiccabandhunā,
vinayaṁ paṭijānantassa visayāni suṇoma te.

82. aṭṭhārasa nāpāyikā vuttā buddhenādiccabandhunā,
vinayaṁ paṭijānantassa visayāni suṇohi me.

83. kati aṭṭhakā vuttā buddhenādiccabandhunā,
vinayaṁ paṭijānantassa visayāni suṇoma te.

84. aṭṭhārasaṭṭhakā vuttā buddhenādiccabandhunā,
vinayaṁ paṭijānantassa visayāni suṇohi me.

85. kati kammāni vuttāni buddhenādiccabandhunā,
vinayaṁ paṭijānantassa visayāni suṇoma te.
[pts page 215] [\q 215/]
86. soḷasa kammāni vuttāni buddhenādiccabandhunā,
vinayaṁ paṭijānantassa visayāni suṇohi me.

87. kati kammadosā vuttā buddhenādiccabandhunā,
vinayaṁ paṭijānantassa visayāni suṇoma te.

88. dvādasa kammadosā vuttā buddhenādiccabandhunā,
vinayaṁ paṭijānantassa visayāni suṇohi me.

89. kati kammasampattiyo vuttā buddhenādiccabandhunā,
vinayaṁ paṭijānantassa visayāni suṇoma te.

90. catasso kammasampattiyo vuttā buddhenādiccabandhunā,
vinayaṁ paṭijānantassa visayāni suṇohi me.

91. kati kammāni vuttāni buddhenādiccabandhunā,
vinayaṁ paṭijānantassa visayāni suṇoma te.

92. cha kammāni vuttāni buddhenādiccabandhunā,
vinayaṁ paṭijānantassa visayāni suṇohi me.

93. kati kammāni vuttāni buddhenādiccabandhunā,
vinayaṁ paṭijānantassa visayāni suṇoma te.

1. vinayāni - machasaṁ.

[bjt page 288] [\x 288/]

94. cattāri kammāni vuttāni buddhenādiccabandhūnā,
vinayaṁ paṭijānantassa visayāni suṇohi me.

95. kati pārājikā vuttā buddhenādiccabandhunā,
vinayaṁ paṭijānantassa visayāni suṇohi me.

96. aṭṭha pārājikā vuttā buddhenādiccabandhunā,
vinayaṁ paṭijānantassa visayāni suṇohi me.

97. kati saṅghādisesā vuttā buddhenādiccabandhunā,
vinayaṁ paṭijānantassa visayāni suṇoma te.

98. tevisa saṅghādisesā vuttā buddhenādiccabandhunā,
vinayaṁ paṭijānantassa visayāni suṇohi me.

99. kati aniyatā vuttā buddhenādiccabandhunā,
vinayaṁ paṭijānantassa visayāni suṇoma te.

100. dve aniyatā vuttā buddhenādiccabandhunā,
vinayaṁ paṭijānantassa visayāni suṇohi me.

101. kati nissaggiyā vuttā buddhenādiccabandhunā,
vinayaṁ paṭijānantassa visayāni suṇoma te.

102. dve cattārīsa nissaggiyā vuttā buddhenādiccabandhunā,
vinayaṁ paṭijānantassa visayāni suṇohi me.

103. kati pācittiyā vuttā buddhenādiccabandhunā,
vinayaṁ paṭijānantassa visayāni suṇoma te.

104. aṭṭhāsīti sataṁ pācittiyā vuttā buddhenādiccabandhunā,
vinayaṁ paṭijānantassa visayāni suṇohi me.

105. kati pāṭidesanīyā vuttā buddhenādiccabandhunā,
vinayaṁ paṭijānantassa visayāni suṇoma te.

106. dvādasa pāṭidesanīyā vuttā buddhenādiccabandhunā,
vinayaṁ paṭijānantassa visayāni suṇohi me.

107. kati sekhiyā vuttā buddhenādiccabandhunā,
vinayaṁ paṭijāntassa visayāni suṇoma te.

108. pañcasattati sekhiyā vuttā buddhenādiccabandhunā,
vinayaṁ paṭijānantassa visayāni suṇohi me.

109. yāva supucchitaṁ tayā yāva suvijjitaṁ mayā:
pucchāya vissajjanāya vā natthi kiñci ayuttikanti.

dutiyagāthāsaṅgaṇikaṁ niṭṭhitaṁ

[bjt page 290] [\x 290/]
[pts page 216] [\q 216/]

sedamocanagāthā

1. asaṁvāso bhikkhūhi ca bhikkhunīhi ca
sambhogo ekacco tahiṁ na labbhati,
avippavāsena anāpatti
pañhā mesā kusalehi cintitā.

2. avissajjiyaṁ1 avebhaṅgiyaṁ2
pañca vuttā mahesinā,
vissajjentassa paribhuñjantassa anāpatti
pañhā mesā kusalehi cintitā

3. dasa puggale na vadāmi ekādasa vivajjiya,
buḍḍhaṁ vandantassa āpatti pañhā mesā kusalehi cintitā

4. na ukkhittako na ca pana parivāsiko,
na saṅghabhinno na ca pana pakkhasaṅkanto.
samānasaṁvāsabhūmiyā ṭhito
kathannusikkhāya asādhāraṇo siyā
pañhā mesā kusalehi cintitā.

5. upeti dhammaṁ paripucchamāno
kusalaṁ atthūpasaṁhitaṁ,
na jīvati na mato na nibbuto
taṁ puggalaṁ katamaṁ vadanti buddhā
pañhā mesā kusalehi cintitā.

6. ubbhakkhake na vadāmi adho nābhiṁ vivajjiya,
methunadhammapaccayā kathaṁ pārājiko siyā:
pañhā mesā kusalehi cintitā.

7. bhikkhu saññācikāya kuṭiṁ karoti
adesitavatthukaṁ pamāṇātikkantā,
sārambhaṁ aparikkamanaṁ anāpatti
pañhā mesā kusalehi cintitā.

8. bhikkhu saññācikāya kuṭiṁ karoti
desitavatthūkaṁ pamāṇikā,
anārambhaṁ saparikkamanaṁ āpatti
pañhā mesā kusalehi cintitā.

1. avissajjikaṁ - sīmu 1.
avissajjitaṁ - syā.

2. avebhaṅgikaṁ - sīmu 1.

[bjt page 292] [\x 292/]

9. na kāyikaṁ kañci payogamācare
na cāpi vācāya pare bhaṇeyya,
āpajjeyya garukaṁ chejjavatthuṁ
pañhā mesā kusalehi cintitā.

10. na kāyikaṁ vācasikañca kiñci
manasāpi santo na kareyya pāpaṁ,
so nāsito kiñci sunāsito bhave
pañhā mesā kusalehi cintitā.
[pts page 217] [\q 217/]
11. anālapanto manujena kenaci
vācā giraṁ no ca pare bhaṇeyya,
āpajjeyya vācasikaṁ na kāyikā
pañhā mesā kusalehi cintitā.

12. sikkhāpadā buddhavarena vaṇṇitā
saṅghādisesā caturo bhaveyyuṁ
āpajjeyya ekappayogena sabbe
pañhā mesā kusalehi cintitā.

13. ubho ekato upasampannā
ubhinnaṁ hatthato cīvaraṁ paṭiggaṇheyya,
siyā āpattiyo nānā
pañhā mesā kusalehi cintitā.

14. caturo janā saṁvidhāya
garubhaṇḍaṁ avāharuṁ,
tayo pārājikā eko na pārājiko
pañhā mesā kusalehi cintitā.

15. itthi ca abbhantare siyā
bhikkhu ca bahiddhā siyā,
chiddaṁ tasmiṁ ghare natthi
methunadhammapaccayā
kathaṁ pārājiko siyā
pañhā mesā kusalehi cintitā

16. telaṁ madhuṁ phāṇitañcāpi sappiṁ
sāmaṁ gahetvāna nikkhipeyya
avītivatte sattāhe,
sati paccaye paribhuñjantassa āpatti
pañhā mesā kusalehi cintitā

17. nissaggiyena āpatti
suddhakena pācittiyaṁ,
āpajjantassa ekato
pañhā mesā kusalehi cintitā.

[bjt page 294] [\x 294/]

18. bhikkhu siyā vīsatiyā samāgatā
kammaṁ kareyyuṁ samaggasaññino,
bhikkhu siyā dvādasayojane ṭhito
kammañca taṁ kupeyya vaggapaccayā.
pañhā mesā kusalehi cintitā

19. padavītihāramattena vācāya bhaṇitena ca,
sabbāni garukāni sappaṭikammāni,
catusaṭṭhi āpattiyo āpajjeyya ekato
pañhā mesā kusalehi cintitā.

20. nivattho antaravāsakena,
diguṇaṁ saṅghāṭipāruto
sabbāni tāni nissaggiyāni honti
pañhā mesā kusalehi cintitā.

21. na cāpi ñatti na ca kammavācā
na cehi bhikkhūti jino avoca
saraṇagamanampi na tassa atthi,
upasampanno upasampadā cassa akuppā
pañhā mesā kusalehi cintitā.

22. itthiṁ hane na mātaraṁ purisañca na pitaraṁ,
bhaneyya anariyaṁ mando tena cānantaraṁ phuse,
pañhā mesā kusalehi cintitā.

23. itthiṁ hane ca mātaraṁ purisañca pitaraṁ hane,
mātaraṁ pitaraṁ hantvā na tenānantaraṁ phuse:
pañhā mesā kusalehi cintitā.
[pts page 218] [\q 218/]
24. acodayitvā asārayitvā
asammukhībhūtassa kareyya kammaṁ,
katañca kammaṁ sukataṁ bhaveyya
kārako ca saṅgho anāpattiko siyā
pañhā mesā kusalehi cintitā.

25. codayitvā sārayitvā
sammukhībhūtassa kareyya kammaṁ
katañca kammaṁ akataṁ bhaveyya
kārako ca saṅgho sāpattiko siyā
pañhā mesā kusalehi cintitā.

26. chindantassa āpatti chindantassa anāpatti,
chādentassa āpatti chādentassa anāpatti:
pañhā mesā kusalehi cintitā.

27. saccaṁ bhaṇanto garukaṁ musā ca lahu bhāsato,
musā bhaṇanto garukaṁ saccañca lahu bhāsato:
pañhā mesā kusalehi cintitā.

[bjt page 296] [\x 296/]

28. adhiṭṭhitaṁ rajanāya rattaṁ
kappakatampi sattaṁ,
paribhuñjantassa āpatti
pañhā mesā kusalehi cintitā.

29. atthaṅgate suriye bhikkhu maṁsāni khādati
na ummattako na ca pana khittacitto,
na cāpi so vedanaṭṭo bhaveyya
na cassa hoti āpatti,
so ca dhammo sugatena desito
pañhā mesā kusalehi cintitā.

30. na rattacitto na ca pana theyyacitto
na cāpi so paraṁ maraṇāya vetayi,
salākaṁ dentassa hoti chejjaṁ
paṭiggaṇhantassa thullaccayaṁ
pañhā mesā kusalehi cintitā.

31. na cāpi āraññakaṁ sāsaṅkasammataṁ
na cāpi saṅghena sammuti dinnā,
na cassa kaṭhinaṁ atthataṁ tattheva
cīvaraṁ nikkhipitvā gaccheyya aḍḍhayojanaṁ
tattheva aruṇaṁ uggacchantassa anāpatti
pañhā mesā kusalehi cintitā.

32. kāyikāni na vācasikāni
sabbāni nānāvatthukāni,
apubbaṁ acarimaṁ āpajjeyya ekato
pañhā mesā kusalehi cintitā.

33. vācasikāni na kāyikāni
sabbāni nānāvatthukāni,
apubbaṁ acarimaṁ āpajjeyya ekato
pañhā mesā kusalehi cintitā.

34. tissitthiyo methunaṁ taṁ na seve tayo purise tayo ca anariyapaṇaḍake,
na cācare methunaṁ byañjanasmiṁ
chejjaṁ siyā methunadhammapaccayā,
pañhā mesā kusalehi cintitā.

35. mātaraṁ cīvaraṁ yāce no ca saṅghassa1 pariṇataṁ,
tenassa hoti āpatti anāpatti ca ñātake:
pañhā mesā kusalehi cintitā.

1. saṅghe - sīmu 2. machasaṁ.
no ce saṅghassa - sīmu 1.

[bjt page 298] [\x 298/]
[pts page 219] [\q 219/]

36. kuddho ārādhako hoti kuddho hoti garahiyo:
atha ko nāma so dhammo yena kuddho pasaṁsiyo:
pañhā mesā kusalehi cintitā.

37. tuṭṭho āradhako hoti tuṭṭho hoti garahiyo,
atha ko nāma so dhammo yena tuṭṭho garahiyo
pañhā mesā kusalehi cintitā.

38. saṅghādisesaṁ thullaccayaṁ
pācittiyaṁ pāṭidesanīyaṁ,
dukkaṭaṁ āpajjeyya ekato
pañhā mesā kusalehi cintitā.

39. ubho paripuṇaṇavīsativassā
ubhinnaṁ ekupajjhāyo,
ekācariyo ekā kammavācā
eko upasampanno eko anupasampanno
pañhā mesā kusalehi cintitā.

40. akappakataṁ nāpi rajanāya rattaṁ
tena nivattho yena kāmaṁ cajeyya,
na cassa hoti āpatti
so ca dhammo sugatena desito
pañhā mesā kusalehi cintitā.

41. na deti na paṭigaṇhāti paṭiggaho tena na vijjati,
āpajjati garukaṁ na lahukaṁ tañca paribhogapaccayā:
pañhā mesā kusalehi cintitā.

42. na deti na paṭigaṇhāti paṭiggaho tena na vijjati,
āpajjati lahukaṁ na garukaṁ tañca paribhogapaccayā:
pañhā mesā kusalehi cintitā.

43. āpajjati garukaṁ sāvasesaṁ
chādeti anādariyaṁ paṭicca,
na bhikkhunī no ca phuseyya vajjaṁ
pañhā mesā kusalehi cintitā.

sedamocanagāthā niṭṭhitā.

[bjt page 300] [\x 300/]

tassuddānaṁ:

1. asaṁvāso avissajji dasa ca anukkhittako,
upeti dhammaṁ ubbhakkhakaṁ tato saññācikā duve.

2. na kāyikañca garukaṁ kāyikaṁ subhāsitaṁ1.
anālapanto sikkhā ca ubho ca caturo janā.

3. itthi telañca nissaggi bhikkhu ca padavītiyo,
nivattho ca na ca paññatti na mātaraṁ pitaraṁ bhane

4. avodayitvā codayitvā chindantaṁ saccameva ca,
adhiṭṭhitañcatthaṅgate na rattaṁ na cāraññakaṁ.

5. kāyikā vācasikā ca tissitti cāpi mātaraṁ,
kuddho āraddhako tuṭṭho saṅghādisesā ca ubho.

6. akappakataṁ na deti na detāpajjate garuṁ,
sedamocanikā gāthā pañhā viññūvibhāvitāti2
[pts page 220] [\q 220/]

1. kammavaggo

1. cattāri kammāni: apalokanakammaṁ, ñattikammaṁ, ñattidutiyakammaṁ, ñatticatutthakammaṁ imāni cattāri kammāni katīhākārehi vipajjanti, imāni cattāri kammāni pañcahākārehi vipajjanti: vatthuto vā, ñattito vā, anusāvanato vā, sīmato vā, parisato vā.

2. kathaṁ vatthuto kammāni vipajjanti: sammukhākaraṇīyaṁ kammaṁ asammukhā karoti vatthuvipannaṁ adhammakammaṁ. paṭipucchā karaṇīyaṁ kammaṁ apaṭipucchā karoti vatthuvipannaṁ adhammakammaṁ. paṭiññāya karaṇīyaṁ kammaṁ apaṭiññāya karoti vatthuvipannaṁ adhammakammaṁ sativinayārahassa amūḷhavinayaṁ deti vatthuvipannaṁ adhammakammaṁ. amūḷhavinayārahassa tassapāpiyyasikākammaṁ karoti vatthuvipannaṁ adhammakammaṁ. tassapāpiyyasikākammārahassa tajjanīyakammaṁ karoti vatthūvipannaṁ adhammakammaṁ. tajjanīyakammārahassa niyassakammaṁ karoti vatthuvipannaṁ adhammakammaṁ. niyassakammārahassa pabbājanīyakammaṁ karoti vatthuvipannaṁ adhammakammaṁ. pabbājanīyakammārahassa paṭisāraṇīyakammaṁ karoti vatthuvipannaṁ adhammakammaṁ. paṭisāraṇīyakammārahassa ukkhepanīyakammaṁ karoti vatthuvipannaṁ adhammakammaṁ. ukkhepanīyakammārahassa parivāsaṁ deti vatthuvipannaṁ adhammakammaṁ. parivāsārahaṁ mūlāya paṭikassati vatthuvipannaṁ adhammakammaṁ. mūlāya paṭikassanārahassa

1. na vācasikaṁ - sīmu, machasaṁ.
2. viññūhi vibhācitā - sīmu 2. machasaṁ.

[bjt page 302] [\x 302/]

mānattaṁ deti vatthuvipannaṁ adhammakammaṁ. mānattārahaṁ abbheti vatthuvipannaṁ adhammakammaṁ. abbhānārahaṁ upasampādeti vatthuvipannaṁ adhammakammaṁ. anuposathe uposathaṁ karoti vatthuvipannaṁ adhammakammaṁ. apavāraṇāya pavāreti. vatthuvipannaṁ adhammakammaṁ. evaṁ vatthuto kammāni vipajjanti.

3. kathaṁ ñattiyo kammāni vipajjanti: pañcahākārehi ñattito kammāni vipajajanti. vatthuṁ na parāmasati, saṅghaṁ na parāmasati, puggalaṁ na parāmasati, ñattiṁ na parāmasati, pacchā ñattiṁ ṭhapeti, imehi pañcahākārehi ñattito kammāni vipajjanti.

4. kathaṁ anusāvanato kammāni vipajjanti: pañcahākārehi [pts page 221] [\q 221/]      anusāvanato kammāni vipajjanti: vatthuṁ na parāmasati, saṅghaṁ na parāmasati, puggalaṁ na parāmasati, sāvanaṁ hāpeti, akāle sāveti, imehi pañcahākārehi anusāvanato kammāni vipajjanti.
5. kathaṁ sīmato kammāni vipajjanti: ekādasahi ākārehi sīmato kammāni vipajjanti: anukhuddakaṁ sīmaṁ sammanti, atimahatiṁ sīmaṁ sammanti, khaṇḍanimittaṁ sīmaṁ sammanti, chāyānimittā sīmaṁ sammanti, animittaṁ sīmaṁ sammanti, bahisīme ṭhito sīmaṁ sammanti, nadiyā sīmaṁ sammanti, samudde sīmaṁ sammanti, jātassare sīmaṁ sammanti, sīmāya sīmaṁ sambhindati, sīmāya sīmaṁ ajjhottharati. imehi ekādasahi ākārehi sīmato kammāni vipajjanti.

6. kathaṁ parisato kammāni vipajjanti: dvādasahi ākārehi parisato kammāni vipajjanti:
catuvaggakaraṇe kamme yāvatikā bhikkhu kammappattā te anāgatā honti,
chandārahānaṁ chando anāhaṭo hoti, sammukhībhūtā paṭikkosanni, catuvaggakaraṇe kamme yāvatikā bhikkhu kammapattā te āgatā honti, chandārahānaṁ chando anāhaṭo hoti, sammukhībhūtā paṭikkosanti, catuvaggakaraṇe kamme yāvatikā bhikkhu kammappattā te āgatā honti, chandārahānaṁ chando āhaṭo hoti, sammukhībhūtā paṭikkosanti,

pañcavaggakaraṇe kamme yāvatikā bhikkhu kammappattā te anāgatā honti,
chandārahānaṁ chando anāhaṭo hoti, sammukhībhūtā paṭikkosanni, pañcavaggakaraṇe kamme yāvatikā bhikkhu kammapattā te āgatā honti, chandārahānaṁ chando anāhaṭo hoti, sammukhībhūtā paṭikkosanti, pañcavaggakaraṇe kamme yāvatikā bhikkhu kammappattā te āgatā honti, chandārahānaṁ chando āhaṭo hoti, sammukhībhūtā paṭikkosanti,
dasavaggakaraṇe kamme yāvatikā bhikkhu kammappattā te anāgatā honti,
chandārahānaṁ chando anāhaṭo hoti, sammukhībhūtā paṭikkosanni, dasavaggakaraṇe kamme yāvatikā bhikkhu kammapattā te āgatā honti, chandārahānaṁ chando anāhaṭo hoti, sammukhībhūtā paṭikkosanti, dasavaggakaraṇe kamme yāvatikā bhikkhu kammappattā te āgatā honti, chandārahānaṁ chando āhaṭo hoti, sammukhībhūtā paṭikkosanti,
vīsativaggakaraṇe kamme yāvatikā bhikkhu kammappattā te anāgatā honti,
chandārahānaṁ chando anāhaṭo hoti, sammukhībhūtā paṭikkosanni, vīsativaggakaraṇe kamme yāvatikā bhikkhu kammapattā te āgatā honti, chandārahānaṁ chando anāhaṭo hoti, sammukhībhūtā paṭikkosanti, vīsativaggakaraṇe kamme yāvatikā bhikkhu kammappattā te āgatā honti, chandārahānaṁ chando āhaṭo hoti, sammukhībhūtā paṭikkosanti, imehi dvādasahi ākārehi parisato kammāni vipajjanti.

[bjt page 304] [\x 304/]

7. catuvaggakaraṇe kamme cattāro bhikkhū pakatattā kammappattā, avasesā pakatattā chandārahā, yassa saṅgho kammaṁ karoti so neva kammappatto nāpi chandāraho, api ca kammāraho. pañcavaggakaraṇe kamme pañca bhikkhu pakatattā kammappattā, avasesā pakatattā chandārahā, yassa saṅgho kammaṁ karoti so neva kammappatto nāpi chandāraho api ca kammāraho, dasavaggakaraṇe kamme dasa bhikkhū pakatattā kammappattā, avasesā pakatattā chandārahā, yassa saṅgho kammaṁ karoti so neva kammappatto nāpi chandāraho api ca kammāraho, vīsativaggakaraṇe kamme vīsati bhikkhū pakatattā kammappattā, avasesā pakatattā chandārahā, yassa saṅgho kammaṁ karoti so neva kammappatto nāpi chandāraho, api ca kammāraho.
[pts page 222] [\q 222/]
8. cattāri kammāni: apalokanakammaṁ, ñattikammaṁ, ñattidutiyakammaṁ, ñatticatutthakammaṁ, imāni cattāri kammāni katīhākārehi vipajjanti: imāni cattāri kammāni pañcahākārehi vipajajanti: vatthūto vā ñattito vā anusāvanato vā sīmato vā parisato vā.
9. kathaṁ vatthuto kammāni vipajjanti: paṇḍakaṁ upasampādeti. vatthuvipannaṁ adhammakammaṁ. theyyasaṁvāsakaṁ upasampādeti vatthuvipannaṁ adhammakammaṁ. titthiyapakkantakaṁ upasampādeti vatthuvipannaṁ adhammakammaṁ. tiracchānagataṁ upasampādeti vatthuvipannaṁ adhammakammaṁ. pitughātakaṁ upasampādeti vatthuvipannaṁ adhammakammaṁ, arahantaghātakaṁ upasampādeti vatthuvipannaṁ adhammakammaṁ. bhikkhunīdūsakaṁ upasampādeti vatthuvipannaṁ adhammakammaṁ. saṅghabhedakaṁ upasampādeti vatthuvipannaṁ adhammakammaṁ lohituppādakaṁ upasampādeti vatthuvipannaṁ adhammakammaṁ. ubhatobyañjanakaṁ upasampādeti vatthuvipannaṁ adhammakammaṁ, ūnavīsativassaṁ puggalaṁ upasampādeti vatthuvipannaṁ adhammakammaṁ. evaṁ vatthuto kammāni vipajjanti.

10. kathaṁ ñattito kammāni vipajjanti: pañcahākārehi ñattito kammāni vipajjanti: vatthuṁ na parāmasati, saṅghaṁ na parāmasati, puggalaṁ na parāmasati, ñattiṁ na parāmasati, pacchā vā ñattiṁ ṭhapeti, imehi pañcahākārehi ñattito kammāni vipajjanti.

11. kathaṁ anusāvanato kammāni vipajjanti: pañcahākārehi anusāvanato kammāni vipajjanti:
vatthuṁ na parāmasati, saṅghaṁ na parāmasati, puggalaṁ na parāmasati, sāvanaṁ hāpeti, akāle vā sāveti, imehi pañcahākārehi anusāvanato kammāni vipajjanti.

12. kathaṁ sīmato kammāni vipajjanti: ekādasahi ākārehi sīmato kammāni vipajjanti: atikhuddakaṁ sīmaṁ sammanti, atimahatiṁ sīmaṁ sammannati, khaṇḍanimittaṁ sīmaṁ sammannati, chāyānimittaṁ sīmaṁ

[bjt page 306] [\x 306/]

sammannati, animittaṁ sīmaṁ sammannati, bahisīme ṭhito sīmaṁ sammannati, nadiyā sīmaṁ sammannati, samudde sīmaṁ sammannati, jātassare sīmaṁ sammannati, sīmāya sīmaṁ sambhindati, sīmāya sīmaṁ ajjhottharati. imehi ekādasahi ākārehi sīmato kammāni vipajjanti.

13. kathaṁ parisato kammāni vipajjanti: dvādasahākārehi parisato kammāni vipajjanti: catuvaggakaraṇe kamme yāvatikā bhikkhu kammappattā te anāgatā honti,
chandārahānaṁ chando anāhaṭo hoti, sammukhībhūtā paṭikkosanni, catuvaggakaraṇe kamme yāvatikā bhikkhu kammapattā te āgatā honti, chandārahānaṁ chando anāhaṭo hoti, sammukhībhūtā paṭikkosanti, catuvaggakaraṇe kamme yāvatikā bhikkhu kammappattā te āgatā honti, chandārahānaṁ chando āhaṭo hoti, sammukhībhūtā paṭikkosanti,
pañcavaggakaraṇe kamme yācatikā bhikkhu kammappattā te anāgatā honti,
chandārahānaṁ chando anāhaṭo hoti, sammukhībhūtā paṭikkosanni, pañcavaggakaraṇe kamme yāvatikā bhikkhu kammapattā te āgatā honti, chandārahānaṁ chando anāhaṭo hoti, sammukhībhūtā paṭikkosanti, pañcavaggakaraṇe kamme yāvatikā bhikkhu kammappattā te āgatā honti, chandārahānaṁ chando āhaṭo hoti, sammukhībhūtā paṭikkosanti,
dasavaggakaraṇe kamme yāvatikā bhikkhu kammappattā te anāgatā honti,
chandārahānaṁ chando anāhaṭo hoti, sammukhībhūtā paṭikkosanni, dasavaggakaraṇe kamme yāvatikā bhikkhu kammapattā te āgatā honti, chandārahānaṁ chando anāhaṭo hoti, sammukhībhūtā paṭikkosanti, dasavaggakaraṇe kamme yāvatikā bhikkhu kammappattā te āgatā honti, chandārahānaṁ chando āhaṭo hoti, sammukhībhūtā paṭikkosanti,
vīsativaggakaraṇe kamme yāvatikā bhikkhu kammappattā te anāgatā honti,
chandārahānaṁ chando anāhaṭo hoti, sammukhībhūtā paṭikkosanni, vīsativaggakaraṇe kamme yāvatikā bhikkhu kammapattā te āgatā honti, chandārahānaṁ chando anāhaṭo hoti, sammukhībhūtā paṭikkosanti, vīsativaggakaraṇe kamme yāvatikā bhikkhu kammappattā te āgatā honti, chandārahānaṁ chando āhaṭo hoti, sammukhībhūtā paṭikkosanti, imehi dvādasahākārehi parisato kammāni vipajjanti.

14. apalokanakammaṁ kati ṭhānāni gacchati, ñattikammaṁ kati ṭhānāni gacchati, ñattidutiyakammaṁ kati ṭhānāni gacchati, ñatticatutthakammaṁ kati ṭhānāni gacchati: apalokanakammaṁ pañca ṭhānāni gacchati, ñattidutiyakammaṁ nava ṭhānāni gacchati, ñattidutiyakammaṁ satta ṭhānāni gacchati, ñatticatutthakammaṁ satta ṭhānāni gacchati.

15. apalokanakammaṁ katamāni pañca ṭhānāni gacchati: osāraṇaṁ nissāraṇaṁ, bhaṇḍukammaṁ, brahmadaṇḍaṁ, kammalakkhaṇaññeva pañcamaṁ. apalokanakammaṁ imāni pañca ṭhānāni gacchati.
16. √attikammaṁ katamāni nava ṭhānāni gacchati: osāraṇaṁ, nissāraṇaṁ, uposathaṁ, pavāraṇaṁ, sammuti, dānaṁ, paṭiggahaṁ, paccukkaḍḍhanaṁ, kammalakakhaṇaññeva navamaṁ ñattikammaṁ imāni nava ṭhānāni gacchati.

17. √attidutiyakammaṁ katamāni satta ṭhānāni gacchati: osāraṇaṁ, nissāraṇaṁ, sammuti, dānaṁ, uddhāraṇaṁ, desanaṁ, kammalakkhaṇaññeva sattamaṁ. √attidutiyakammaṁ imāni satta ṭhānāni gacchati.

18. √atticatutthakammaṁ katamāni satta ṭhānāni gacchati: osāraṇaṁ, nissāraṇaṁ, sammuti, dānaṁ, niggahaṁ, samanubhāsanaṁ, kammalakkhaṇaññeva sattamaṁ. √atticatutthakammaṁ imāni satta ṭhānāni gacchati.

[bjt page 308] [\x 308/]

19. catuvaggakaraṇe kamme cattāro bhikkhu pakatattā kammappattā avasesā pakatattā chandārahā. yassa saṅgho kammaṁ karoti, so neva kammappatto nāpi chandāraho. api ca kammāraho. [pts page 223] [\q 223/]
pañcavaggakaraṇe kamme pañca bhikkhu pakatattā kammappattā avasesā pakatattā
chandārahā. yassa saṅgho kammaṁ karoti, so neva kammappatto nāpi chandāraho. api ca kammāraho.
dasavaggakaraṇe kamme dasa bhikkhu pakatattā kammappattā avasesā pakatattā
chandārahā. yassa saṅgho kammaṁ karoti, so neva kammappatto nāpi chandāraho. api ca kammāraho.
vīsativaggakaraṇe kamme vīsati bhikkhu pakatattā kammappattā avasesā pakatattā
chandārahā. yassa saṅgho kammaṁ karoti, so neva kammappatto nāpi chandāraho. api ca kammāraho.

kammavaggo paṭhamo.

2. atthavasavaggo

1. dve atthavase paṭicca tathāgatena sāvakānaṁ sikkhāpadaṁ paññattaṁ: saṅghasuṭṭhutāya, saṅghaphāsutāya. ime dve atthavase paṭicca tathāgatena sāvakānaṁ sikkhāpadaṁ paññattaṁ.
2. dve atthavase paṭicca tathāgatena sāvakānaṁ sikkhāpadaṁ paññattaṁ: dummaṅkūnaṁ puggalānaṁ niggahāya, pesalānaṁ bhikkhūnaṁ phāsuvihārāya. ime dve atthavase paṭicca tathāgatena sāvakānaṁ sikkhāpadaṁ paññattaṁ.

3. dve atthavase paṭicca tathāgatena sāvakānaṁ sikkhāpadaṁ paññattaṁ: diṭṭhadhammikānaṁ āsavānaṁ saṁvarāya, samparāyikānaṁ āsavānaṁ paṭighātāya ime dve atthavase paṭicca tathāgatena sāvakānaṁ sikkhāpadaṁ paññattaṁ.

4. dve atthavase paṭicca tathāgatena sāvakānaṁ sikkhāpadaṁ paññattaṁ: diṭṭhadhammikānaṁ verānaṁ saṁvarāya, samparāyikānaṁ verānaṁ paṭighātāya ime dve atthavase paṭicca tathāgatena sāvakānaṁ sikkhāpadaṁ paññattaṁ.

5. dve atthavase paṭicca tathāgatena sāvakānaṁ sikkhāpadaṁ paññattaṁ: diṭṭhadhammikānaṁ vajjānaṁ saṁvarāya, samparāyikānaṁ vajjānaṁ paṭighātāya ime dve atthavase paṭicca tathāgatena sāvakānaṁ sikkhāpadaṁ paññattaṁ.

6. dve atthavase paṭicca tathāgatena sāvakānaṁ sikkhāpadaṁ paññattaṁ: diṭṭhadhammikānaṁ bhayānaṁ saṁvarāya, samparāyikānaṁ bhayānaṁ paṭighātāya ime dve atthavase paṭicca tathāgatena sāvakānaṁ sikkhāpadaṁ paññattaṁ.

7. dve atthavase paṭicca tathāgatena sāvakānaṁ sikkhāpadaṁ paññattaṁ: diṭṭhadhammikānaṁ akusalānaṁ dhammānaṁ saṁvarāya, samparāyikānaṁ akusalānaṁ dhammānaṁ paṭighātāya ime dve atthavase paṭicca tathāgatena sāvakānaṁ sikkhāpadaṁ paññattaṁ.

[bjt page 310] [\x 310/]

8. dve atthavase paṭicca tathāgatena sāvakānaṁ sikkhāpadaṁ paññattaṁ: gihīnaṁ anukampāya, pāpicchānaṁ pakkhūpacchedāya. ime dve atthavase paṭicca tathāgatena sāvakānaṁ sikkhāpadaṁ paññattaṁ.

9. dve atthavase paṭicca tathāgatena sāvakānaṁ sikkhāpadaṁ paññattaṁ: appasannānaṁ pasādāya, pasannānaṁ bhiyyobhāvāya.
ime dve atthavase paṭicca tathāgatena sāvakānaṁ sikkhāpadaṁ paññattaṁ.

10. dve atthavase paṭicca tathāgatena sāvakānaṁ sikkhāpadaṁ paññattaṁ: saddhammaṭṭhitiyā, vinayānuggahāya, ime dve atthavase paṭicca tathāgatena
sāvakānaṁ sikkhāpadaṁ paññattaṁ.

atthavasavaggo dutiyo

3. paññattavaggo

1. dve atthavase paṭicca tathāgatena sāvakānaṁ pātimokkhaṁ paññattaṁ.
dve atthavase paṭicca tathāgatena sāvakānaṁ pātimokkhuddeso paññatto.
dve atthavase paṭicca tathāgatena sāvakānaṁ pātimokkhaṭṭhapanaṁ paññattaṁ.
dve atthavase paṭicca tathāgatena sāvakānaṁ pavāraṇā paññattā.
dve atthavase paṭicca tathāgatena sāvakānaṁ pavāraṇaṭṭhapanaṁ paññattaṁ.
dve atthavase paṭicca tathāgatena sāvakānaṁ tajjanīyakammaṁ paññattaṁ.
dve atthavase paṭicca tathāgatena sāvakānaṁ niyassakammaṁ paññattaṁ.
dve atthavase paṭicca tathāgatena sāvakānaṁ pabbājanīyakammaṁ paññattaṁ.
dve atthavase paṭicca tathāgatena sāvakānaṁ paṭisāraṇīyakammaṁ paññattaṁ.
dve atthavase paṭicca tathāgatena sāvakānaṁ ukkhepanīyakammaṁ paññattaṁ.
dve atthavase paṭicca tathāgatena sāvakānaṁ parivāsadānaṁ paññattaṁ.
dve atthavase paṭicca tathāgatena sāvakānaṁ mūlāya paṭikassanā paññattā.
dve atthavase paṭicca tathāgatena sāvakānaṁ mānattadānaṁ paññattaṁ.
dve atthavase paṭicca tathāgatena sāvakānaṁ abbhānaṁ paññattaṁ.
dve atthavase paṭicca tathāgatena sāvakānaṁ osāraṇīyaṁ paññattaṁ.
dve atthavase paṭicca tathāgatena sāvakānaṁ nissāraṇīyaṁ paññattaṁ.
dve atthavase paṭicca tathāgatena sāvakānaṁ upasampadā paññattā.
dve atthavase paṭicca tathāgatena sāvakānaṁ apalokanakammaṁ paññattaṁ.
dve atthavase paṭicca tathāgatena sāvakānaṁ ñattikammaṁ paññattaṁ.
dve atthavase paṭicca tathāgatena sāvakānaṁ ñattidutiyakammaṁ paññattaṁ.
dve atthavase paṭicca tathāgatena sāvakānaṁ ñatticatutthakammaṁ paññattaṁ.

paññattavaggo tatiyo

4. apaññatte paññatta vaggo

1. apaññatte paññattaṁ saṅghasuṭṭhutāya, saṅghaphāsutāya. ime dve atthavase paṭicca tathāgatena sāvakānaṁ apaññatte paññattaṁ.
paññatte anupaññattaṁ saṅghasuṭṭhutāya, saṅghaphāsutāya. ime dve atthavase paṭicca tathāgatena sāvakānaṁ paññatte anupaññattaṁ.
sammukhāvinayo paññatto saṅghasuṭṭhutāya, saṅghaphāsutāya. ime dve atthavase paṭicca tathāgatena sāvakānaṁ sammukhāvinayo paññatto.
sativinayo paññatto [pts page 224] [\q 224/]      saṅghasuṭṭhutāya, saṅghaphāsutāya. ime dve atthavase paṭicca tathāgatena sāvakānaṁ sativinayo paññatto.
amūḷhavinayo paññatto saṅghasuṭṭhutāya, saṅghaphāsutāya. ime dve atthavase paṭicca tathāgatena sāvakānaṁ amūḷhavinayo paññatto.
paṭiññātakaraṇaṁ paññattaṁ saṅghasuṭṭhutāya, saṅghaphāsutāya. ime dve atthavase paṭicca tathāgatena sāvakānaṁ paṭiññātakaraṇaṁ paññattaṁ.
yebhuyyasikā paññattā saṅghasuṭṭhutāya, saṅghaphāsutāya. ime dve atthavase paṭicca tathāgatena sāvakānaṁ yebhuyyasikā paññattā.
tassapāpiyyasikā paññattā anupaññattaṁ saṅghasuṭṭhutāya, saṅghaphāsutāya. ime dve atthavase paṭicca
tathāgatena sāvakānaṁ tassapāpiyyasikā paññattā.
tiṇavatthārako paññatto saṅghasuṭṭhutāya, saṅghaphāsutāya. ime dve atthavase paṭicca tathāgatena sāvakānaṁ tiṇavatthārako paññatto.

[bjt page 312] [\x 312/]

2. dve atthavase paṭicca tathāgatena sāvakānaṁ tiṇavatthārako paññatto: dummaṅkunaṁ puggalānaṁ niggahāya, pesalānaṁ bhikkhūnaṁ phāsuvihārāya. ime dve atthavase paṭicca tathāgatena sāvakānaṁ tiṇavatthārako paññatto.

3. dve atthavase paṭicca tathāgatena sāvakānaṁ tiṇavatthārako paññatto: diṭṭhidhammikānaṁ āsavānaṁ saṁvarāya, samparāyikānaṁ āsavānaṁ paṭighātāya.
ime dve atthavase paṭicca tathāgatena sāvakānaṁ tiṇavatthārako paññatto.

4. dve atthavase paṭicca tathāgatena sāvakānaṁ tiṇavatthārako paññatto: diṭṭhidhammikānaṁ verānaṁ saṁvarāya, samparāyikānaṁ verānaṁ paṭighātāya.
ime dve atthavase paṭicca tathāgatena sāvakānaṁ tiṇavatthārako paññatto.

5. dve atthavase paṭicca tathāgatena sāvakānaṁ tiṇavatthārako paññatto: diṭṭhidhammikānaṁ vajjānaṁ saṁvarāya, samparāyikānaṁ vajjānaṁ paṭighātāya.
ime dve atthavase paṭicca tathāgatena sāvakānaṁ tiṇavatthārako paññatto.

6. dve atthavase paṭicca tathāgatena sāvakānaṁ tiṇavatthārako paññatto: diṭṭhidhammikānaṁ bhayānaṁ saṁvarāya, samparāyikānaṁ bhayānaṁ paṭighātāya.
ime dve atthavase paṭicca tathāgatena sāvakānaṁ tiṇavatthārako paññatto.

7. dve atthavase paṭicca tathāgatena sāvakānaṁ tiṇavatthārako paññatto: diṭṭhidhammikānaṁ akusalānaṁ dhammānaṁ saṁvarāya, samparāyikānaṁ akusalānaṁ dhammānaṁ paṭighātāya. ime dve atthavase paṭicca tathāgatena sāvakānaṁ tiṇavatthārako paññatto.

8. dve atthavase paṭicca tathāgatena sāvakānaṁ tiṇavatthārako paññatto: gihīnaṁ anukampāya, pāpicchānaṁ pakkhūpacchedāya. ime dve atthavase paṭicca
tathāgatena sāvakānaṁ tiṇavatthārako paññatto.

9. dve atthavase paṭicca tathāgatena sāvakānaṁ tiṇavatthārako paññatto: appasannāṁ pasādāya, pasannānaṁ bhiyyobhāvāya.
ime dve atthavase paṭicca tathāgatena sāvakānaṁ tiṇavatthārako paññatto.

10. dve atthavase paṭicca tathāgatena sāvakānaṁ tiṇavatthārako paññatto: saddhammatiṭṭhitiyā, vinayānuggahāya.
ime dve atthavase paṭicca tathāgatena sāvakānaṁ tiṇavatthārako paññatto.

apaññatte paññattavaggo catuttho

[bjt page 314] [\x 314/]

5. navasaṁgahavaggo

1. nava saṅgahā: vatthusaṅgaho, vipattisaṅgaho, āpattisaṅgaho, nidānasaṅgaho, puggalasaṅgaho, khandhasaṅgaho, samuṭṭhānasaṅgaho, adhikaraṇasaṅgaho, samathasaṅgahoti.
2. adhikaraṇe samuppanne sace ubho attapaccatthikā āgacchanti, ubhinnampi vatthuṁ ārocāpetabbaṁ. ubhinnampi vatthuṁ ārocāpetvā ubhinnampi paṭiññā sotabbā, ubhinnampi paṭiññaṁ sutvā ubhopi vattabbā amhākaṁ imasmiṁ adhikaraṇavūpasamena ubhopi tuṭṭhā bhavissathāti sace āhaṁsu 'ubhopi tuṭṭhā bhavissāmā'ti saṅghena taṁ adhikaraṇaṁ sampaṭicchitabbaṁ. sace alajjussannā hoti parisā, ubbāhikāya vūpasametabbaṁ sace bālussannā hoti parisā, vinayadharo pariyesitabbo. yena dhammena yena vinayena yena satthusāsanena taṁ adhikaraṇaṁ vūpasameti, tathā taṁ adhikaraṇaṁ vūpasametabbaṁ.

vatthu jānitabbaṁ. gottaṁ jānitabbaṁ. nāmaṁ jānitabbaṁ. āpatti jānitabbaṁ.

3. methunadhammoti vatthu ceva gottañca. pārājikanti nāmañceva āpatti ca.

4. adinnādānanti vatthu ceva gottañca. pārājikanti nāmañceva āpatti ca.

5. manussaviggahoti vatthu ceva gottañca. pārājikanti nāmañceva āpatti ca.

6. uttarimanussadhammoti vatthu ceva gottañca. pārājikanti nāmañceva āpatti ca.
7. sukkavisaṭṭhīti vatthu ceva gottañca. saṅghādisesoti nāmañceva āpatti ca.

8. kāyasaṁsaggoti vatthu ceva gottañca. saṅghādisesoti nāmañceva āpatti ca.
9. duṭṭhūllā vācāti vatthu ceva gottañca. saṅghādisesoti nāmañceva āpatti ca.
10. attakāmanti vatthu ceva gottañca. saṅghādisesoti nāmañceva āpatti ca.

11. sañcarittanti vatthu ceva gottañca. saṅghādisesoti nāmañceva āpatti ca.

12. saññācikāya kuṭiṁ kārāpantī ti vatthu ceva gottañca. saṅghādisesoti
nāmañceva āpatti ca.

13. mahallakaṁ vihāraṁ kārāpantī ti vatthu ceva gottañca. saṅghādisesoti
nāmañceva āpatti ca.

[bjt page 316] [\x 316/]

14. bhikkhuṁ amūlakena pārājikena dhammena anuddhaṁsananti vatthu ceva gottañca.
saṅghādisesoti nāmañceva āpatti ca.

15. bhikkhuṁ aññabhāgiyassa adhikaraṇassa kiñcidesaṁ lesamattaṁ upādāya pārājikena dhammena anuddhaṁsananti [pts page 225] [\q 225/]      vatthu ceva gottañca. saṅghādisesoti nāmañca āpatti ca.
16. saṅghabhedakassa bhikkhuno yāvatatiyaṁ samanubhāsanāya nappaṭinissajjananti vatthu ceva gottañca. saṅghādisesoti nāmañca āpatti ca.

17. bhedakānuvattakānaṁ bhikkhūnaṁ yāvatatiyaṁ samanubhāsanāya nappaṭinissajjanti vatthu ceva gottañca. saṅghādisesoti nāmañceva āpatti ca.

18. dubbacassa bhikkhuno yāvatatiyaṁ samanubhāsanāya nappaṭinissajjananti vatthu ceva gottañca. saṅghādisesoti nāmañceva āpatti ca.

19. kuladūsakassa bhikkhuno yāvatatiyaṁ samanubhāsanāya nappaṭinissajjanti vatthu ceva gottañca. saṅghādisesoti nāmañceva āpatti ca ---pe--------------

20. anādariyaṁ paṭicca udake uccāraṁ vā passāvaṁ vā kheḷaṁ vā karaṇanti vatthu ceva gottañca dukkaṭanti nāmañceva āpatti cāti

navasaṅgahavaggo pañcamo.

[bjt page 316] [\x 316/]

vaggapañcakassuddānaṁ:

1. apalokanaṁ ñatti ca dutiyaṁ catutthena ca,
vatthu ñatti anusāvanaṁ sīmāparisameva ca.

2. sammukhā paṭipucchā ca paṭiññā vinayāraho,
vatthu saṅghaṁ puggalañca ñattiṁ na pacchā ñatti ca.

3. vatthuṁ saṅghaṁ puggalañca sāvanaṁ akālena ca,
atikhuddakā mahantā ca khaṇḍa chāyā nimittakā.

4. bahinadi samudde ca jātassare ca bhindati.
ajjhottharati sīmāya catu pañca ca vaggikā.

5. dasa vīsativaggo ca anāhaṭā ca āhaṭā,
kammappattā chandārahā kammarahā ca puggalā.

6. apalokanaṁ pañca ṭhānaṁ ñatti ca navaṭhānikā,
√attidutiyaṁ satta ṭhānaṁ catutthā sattaṭhānikā.

7. suṭṭhu phāsu dummaṅkūnaṁ pesalā cāpi āsavā.
veraṁ vajja bhayañceva akusalañca gihīnaṁ ca.

[bjt page 318] [\x 318/]

8. pāpicchā appasannānaṁ pasannā dhammaṭṭhapanā,
vinayānuggahā ceva pātimokakhuddesena ca.

9. pātimokkhañca ṭhapanā ca pavāraṇañca ṭhapanaṁ,
tajjanīyā niyassañca pabbajapaṭisāraṇī. 1

10. ukkhepana parivāsaṁ mūlaṁ mānatta abbhānaṁ,
osāraṇaṁ nissāraṇaṁ tatheva upasampadā.

11. apalokana ñattī ca dutiyañca catutthakaṁ,
apaññattenupaññattaṁ sammukhāvinayo sati.

12. amūḷhapaṭiyebhūyya pāpiyyatiṇavatthārakaṁ,
vatthu vipatti āpatti nidānaṁ puggalena ca.
[pts page 226] [\q 226/]
13. khandhā ceva samuṭṭhānā adhikaraṇameva ca,
samathā saṅgahā ceva nāma āpattiko tathā ti.

parivārapāḷi niṭṭhitā

1. pubbācariyamaggañca pucchitvā ca tahiṁ tahiṁ,
dīpanāmo mahāpañño sutadhārī2 vicakkhaṇo.

2. imaṁ vitthārasaṅkhepaṁ3 sajjhāmaggena majjhime,
cintayitvā likhāpesi sissakānaṁ sukhāvahaṁ.

3. parivāranti yaṁ vuttaṁ sabbaṁ vatthuṁ salakkhaṇaṁ,
atthaṁ atthena saddhamme dhammaṁ dhammena paññatte.

4. sāsanaṁ parivāresi jambudīpaṁ'va sāgaro,
parivāraṁ ajānanto kuto dhammavinicchayaṁ.

5. vipatti vatthu paññatti anupaññatti puggalo, ekato ubhato ceva lokapaṇṇatti vajjato

6. yassa jānāti vimati parivārena chijjati,
cakkavatti mahāsene migamajjheva kesari.

7. ravi raṁsiparikkhiṇṇo cando tārāgaṇe yathā,
brahmā brahmaparisāya gaṇamajjhe va nāyako:
evaṁ saddhammavinayo parivārena sobhatīti.

1. tajjanikā - sīmu 1, 2
pabbājanīyapaṭisāraṇī - machasaṁ.
2. sutadharo - syā.
3. vitthāraṁ saṅkhepaṁ - sīmu2.